Saturday, May 19, 2007

انا ماالى




ايوة انا مالى...
.متخلينى فحالى ....
انا همشى جنب الحيط...
امال يعنى هو الحيط ايه لزمته لو ما مشيتش جنبه
هو انا يعنى الفلحوس الى هغير الكون...
هو انا المحامى بتاع البشر ده كله...
يعنى هما مش عارفين الصح مــن الغلط ومستنين العبد لله يعلمهم....
بلاش فلسفه وبلاش فتحه صدر خلى كل واحد يتكلم على اد مرتبه او مصروفــه لو كان لسه فى المدرسه..
مين ينحج فى فرنسا ساركوزى ولا ميريت وانا مالى..
مين يتبرع بدمه فى اكياس فاسده..
وانا مالى
رغيف
العيش اتحسن ولا اتدهور وانا مالى..
الدنيا مطرت وانا مالى.. الدنيا حر وانا مالـى.....
طيــب انا عايش ليه.....؟؟؟؟؟
علشان ايه؟ وايه الهدف من حياتى؟
ولا هقول سلبيه ولا هقول نرجسيه
لاء انا بس اتربيت على ان رائى ملوش لزمه
وصوتى الانتخابى مالوش قيمه ولا بيقدم ولا بياخر
كمان فلوسى الى فجيبى متشتريش اكتر من وجبه متوسطه
وفلوسى الى فبيتى او فحسابى متكفيش لجوازة عاديه
طيب ليه بعد كل ده ااقولى مالى....؟
مالى ايه ..
مالى فى جيب غيرى مالى بيتحكم فيه الاخرين
مالى كان عباره عن عمرى المتمثل فى صوره وقت ...
وده ضايع فى عمل لا اقبض منه الا الفتات
ومالى المتمثل فى صوره حقوق لا اعرفها اصلا علشان اطالب بها..
كل ده كويس اوىلكن هو انا هنتظر ينزل ملاك من السما يصلح ده
ولا انا تقى وورع اوى وربنا هيغير كل ده علشان خاطرى؟
لاء يا جماعه طبعا ربنا قادر يغير كل شىء
( لكنه قال( لا يغير الله ما بقوم حتى يغيروا ما بانفسهم )
اه يا جماعه ربنا قادر يغير بس لازم احنا نسعى للتغير...
كمان نتخيل ايه شكل التغير..؟
التغير فى حد ذاته مش هدف.. لكن الهدف هو التغير للاحسن ..
ولازم احنا نعرف الاول ايه هو الاحسن ..وايه الضامن ان الجديد احسن من القديم
يبقى الحل ان كل واحد يغير من نفسه ..
اما مالى... المقصود بيها ان( كل ده مالى ايوة مالى ونص وكل ده انا ليا دعوة....
وهحط مناخيرى فى كل حاجه ...
ايوة مش همشى حنب الحيطه..... وتولع الحيطه بجاز مش همشى جنبها....
انشالله تقع الحيطه على دماغ اصحبها
اوتموت الحيطه من الوحده بدونى

9 comments:

Amira Hassan said...

اقولك حاجة ملهاش دعوة بالبوست

الصورة حلوووووووووة اووووووووووووووي ههههههههه

momken said...

متشكرين يا اميره ربنا يخليكى وترفعى ديما من معنوياتى

semsem said...

انا مالى يا عم مش هرد على البوست
بس بجد بوست هايل

feeling said...

كلمه يمكن كلنا نكررها لى اسباب كثيره ومختلفه , موضوعك جميل واحلا مافيه المقطع الاخير
............
وهحط مناخيرى فى كل حاجه ...
ايوة مش همشى حنب الحيطه..... وتولع الحيطه بجاز مش همشى جنبها....
انشالله تقع الحيطه على دماغ اصحبها
اوتموت الحيطه من الوحده بدونى
........

بصراحه انا ضحكت كثير

momken said...

feeling
ـ.ـ.ـ.ـ.ـ

نورتينى ومتشكر على رائيك فعلا انتى اخترتى افضل منطقه فى الموضوع
بيت القصيد زى ما بيقولوا

نورتنى

Anonymous said...

البرتقان دا شكله حلو اوى

Unknown said...

هههههههههه

فكرتني بجمله دايما بقولها .. هناك أناس لا يكتفون بالحيط فقط .. و لكن يعيشون داخله أيضا .. و هناك أناس يهدمون الجدار علي أصحابه ليتسع الشارع لهم أكثر فتظهر أضواء الأفق واضحة الملامح أكثر ..


تحياتي للتدوينه الرائعه

Anonymous said...
This comment has been removed by a blog administrator.
بنوتة said...

يا أستاذ ممكن " كلمة وانا مالى نستينا إيه غالى "
ووصلتنا لحالة ياريت تشوفها على مدونتى