اشــــــــتـيـاق

حين يجن عليا الليل

ويشتد عليا البعد

احكم نوافذ حنينى اليكِ

اوصدُ الابواب

اُرخى ستائر الأشواق

اشعل مدفأتى

بلهيب الوحشه

اقذف ذاتى فى اوج النيران

واصيح انادى

هيت لـــكِ

استلقى وحدى قريبا من جسدى

ساخناً ملتهبا..... كرغيف ظازج

عرف طريقه من اللين الى النضج

وقتها اشتهى اطرافك

واحن اليك احتراقاً

واجد فى ثنايا احتراقى

جموح الف حصان

واصيح انادى

هيت لــكِ

لااجد اليكِ غير طريق واحد

اشتهى منكِ البقاء

لاغسلكِ بحليب شفتى

وأجففكِ بوهج صدرى

وأداعب شفتيك

وأذيب تفاصيلى على عتبات صدرك

وأصيحُ اُنادى

هيت لــكِ

ونسقط هلكى

مابين البعث وبين الموت

أُنهى كل غزواتى

وفتوحات غرامى

وأسلم سيفى

واُلقى درعى..وأنكثُ راياتى

واُطلق حِصانى

وأرقد أرتشف

قطرات الوحده من ثغر الاحزان

وأنثركِ كحبات السكر فوق جسدى العارى

وأذوب فيكِ وبكِ

وأصيح انادى

هَيِت لكِ

.......

حــــصه اضــافـــيه

مثل الرجل الذى يحاول تغير طباع أمرأه يحبها..كى تكون وفق ما يرغب تماماً

كمن يحاول جاهداً رسم مثلث منفرج الـــزاويـــا

ومثل المرأه التى تحاول تحـــويل رجلاً يحبــــها الى صـــــديــق

كمن تحاول رسم دائره مــــربعه

ألمثلين يجمعهما حاجتهما المُلحه.... لدروس الريا ضيات

الحصه الاخــــــيره

فى معادله إلهيه قديمه جاء فى احد طرفيها ( إن كيد الشيطان كان ضعيفاً ) و

جاء فى الطرف الاخر ( إن كيدكن عظيم )تتضح نتائج معينه لهذه المعادله

وعدم اكتراث الرجال لهذه المسئله ..والاهتمام لنتائجها

لايدل بالقطع على سطحيتهم

بقدر ما يبرهن على جهلهم بعلم الحساب

الحصه الاولى

حين تنهار جسور الثقه الممتده على طول نهر ( الحب ).

...لا تسقط الا فى النهر....

فيتوقف تدفق المشاعر الطيبه

.ويغدو النهر وادياً قديماً ...ضيقاً.

.ليس له وجود الا فى دروس الجغرافيا

بـــــــريــــق

خطرُ انتِ منتهى الخطرْ

وانا مؤمن بالله والقدر

فاخبر الرفاق انك لستِ حبيبتى

واقسم كذبا على ذاك الخبر

ويزيد كذبى ان لا شىء بيننا

لأجنب عينك المتاعب والضجر

وانكر كل حكايانا الجميله

وكل الليالى وطول السهر

وادعى انى قديسُ راهباٌ

وانت خطايا لا تغتفر

وانك امرأه تذوب عشقاً

وانا قلبى صيغ من حجر

وانى لم ارى حسنك يوماً

ولم يتكحل منك البصر

وادعى انا اكثر الخلق بُعداًً

فانا الصحراءُ وانتِ المطر

وادعى كذبا جهلى باسمك

وأسمُكِ قبراُ وانا المُحتضِر

وأعلم أنك تكرار ماس

كعقد نجوم فى جيد قمر

رغم انى بصدق عاشقًُ

وعشقى ليس ككل البشر

فانت الموشومه ببطن الجفون

كوشم الديانه ..و نقش الحجر

تهوى ضلوعى دفء حنينك

و تعشق شفتى منك المطر

واعشق شعرك ينساب حولى

وتتابع انفاسك كرعشه وتر

نبى انا مادمت حبيبتى

وانت الرسائل وانت الخبر

وانت الحنين وانت التمنى

انت الليل..... وانت السهر

أذوب عشقا وهذا اعتراف

وما عاد ينفعنى كثير الحذر

موهومُ انا اذ اردتُ يوماً

صد القضاء ....ورد القدر

خــدمه العــمر

لنبدا جميعا بالتوقف عن الحركه

وناخذ نفساً عميقاً ونكتمه

ونرفع كف اليد اليمنى عند فم المعده

تماما فى مواجهه الصدر

ونجعل الاصابع فى مواجهه الصدر

ونضغط

ونغرس الاصابع تبعاً فى الصدر

ونخلع عضله القلب

...

لا تخافوا فالالم الناتج

يساوى عمراً كاملاً من الشقاء نتيجه الاصابه بداء العشق

فلكــــــــية

وجلست تسامرنى وتجاذبنى اطراف الحديث
..قالت : اترى لا زلت تعشقنى؟...وترى الجمال فى لون شعرى؟...وتهفو لحلو خصلاتى؟
اترى لازلت تعشق لون عيونى؟...وترى الحسن فى لمعه احداقى؟
هل لازالت ابتسمتى هى الحياه عندك؟ وتشتاق الى انغام ضحكاتى؟
وقالت ...وقالت ... وقالت

قلت : لازلت........غير انى تغيرت
وبت اعشق فيكى كافه الاشياء
واهوى فيكى كل العيون وانت باستثناء
واعشق فيكى كل الشفاه وانت باستثناء
وارى بدايات الانوثه عندك
وبين احضانك خلاصات النساء
شتان بين شفتيك وقطرات الندى
يضيع فى شفتيك الصوت والاصداء
ولو خيرونى فى بلاد الله بعاداً
لتوسلت …إنفونى للجوزاء

انى احبك منذ بداء الخليقه
وقبل خلق العشق والاهواءُ
جنون غرامى مضطرب الهوى
لعوب بشعرك الكستناء
شوقى اليكى كشوق ارض غابت شمسها
وتشكو شوقها للسماءُ
احبك حد البكاء اميرتى
هكذا يعشق الشرفاءُ
ويلٌ لقلبى بعشقه مجنونه
وشقائه إن كانت من الجوزاء

ان غبت عن عينى ولو للحظه
يخطفنى الخوف والانواءُ
ماعادت الارض بعدك موطنى
ولاعادت لىَ السماءُ سماءُ
ما كان يطربنى سوى لحظات همسك
وبعدك ما سمعت غناء

لقد خلقت وفى احضانك موطنى
وبعد حضنك اعيش كالغرباءُ
اخبرتنى العرافه انى ساذوب عشقاً
واخبرتنى انه بعدك لا نساء
تذوب روحى فى حنايا بسمتك
وفى دمعتك اصيركالاشلاء
غصن نحيل يابساٌ انا
واصير معك جنه خضراء
ايات ربى كلها فى مقلتك
زادت بهائاً وزينت بك الجوزاء

فهمى نظمى رسمى

صباح الخير
ولا اقلكم نهاركوا جاز
طبعا لا يخفى على القاصى والدانى النجوميه اللوزعيه التى حتط على السيد وزير الزفت فى هذه الوزاره النظيفه..ولا بلاش النظيفه
لايفتكرونى اقصد حد بعينه خلينا نقول الوزاره الطويله اوى واطول من الليله السودا كمان
وكلمه وزير الزفت دى مش طوله لسان..ولا شتيمه...ولا قله ادب بتاتاً
حاشا وماشا
انا متربى واهلى صرفين عليا صفائح دمويه قلبهم والبلازما كمان

لكن لايخفى على علم حضارتكم ان الزفت احد مستشقات البترول

الراجل ياخوانا نجم فوق العاده...حتى ان نجوميه سيادته

تعدت نجوم السينما..والكليبات..والكوره كمان

تصوروا وصلت نجوميته لدرجه ان الحكومه محتاره فى شغلانه لاخوة
وليه لاء
وازى ميكونش نجم وسيادته بيطلع علينا كل يوم بتصريح ويقول
اكتشفنا بير زفت جديد او زودنا انتاج الزفت
و يعلن ان شركه فرانسيه باست ادينا علشان نسمح لها تنقب عن الزفت فى صحرينا

لحد الواحد ماقرب يعتقد انه عايش فى الخليج
وكنت هاتهاور وهانزل ادور على خادمات امريكيات يخدوموا امى فى البيت
بدل ماهى متمرطه فى البحث عن خادمات من الارياف وابقى انا الكفيل بتعهم
طبعا مش بترول يا اخوانا-ادونا فرصتنا بقى- اله

الراجل بقدره قادر اصبح واثق من نفسه ثقه منقطعه النظير

وكل منكلمه فحاجه يرد بعنطظه وفشخره وانعره
نقوله سيادتك بتصدر غاز لاسرائيل ليه
يرد يقول براحتى
نقوله الغاز واقف على المستوطن الاسرائيلى ارخص من المستوطن بتعنا الى فشبرا البلد
يقول ولسه..! اتوا لسه شفتوا حاجه
نقوله طب سيادتك لم نفسك ووقف مد الغاز
يقول اذا كان عجبكم
وهكذا لحد ما قلبنا وجعنا مع جنابه

والحقيقه الراجل من حقه يتفشخر ويتبعجر ويتمنظر ويتمرع مرعه بنت البنوت يوم الصباحيه
مالراجل مغرقنا فخير وزاره الزفت بتعته وخيره
والحقيقه وزارته هاديه ورايقه اخر روقات...دحتى من شده شده الرخاء تلت اربع شركات بطلت انتاج الزفت واتجهت لممارسه لعبه كوره القدم وليه لاء طالما فلوس ملهاش صاحب - العب يا حبيبى العب حـــلاوتتتتتك

وطبعا الدنيا حلوة والعيشه طريه والحياه كوول اخر حاجه
اذ فجأتا يطفو على السطح ما يعكر صفو وزير الزفت الهمام
وهذا المنغص يظهر فى صوره انبوبه البوتاجاز
ونمى لسمع سياده وزير الزفت ان لسه فى شرذمه من المواطنين بيولعوا فى بيوتهم بانبوبه البوتاجاز
وكمان فى قله مندسه هى المسئوله عن افطار الشرذمه اولانيه وبيفطروهم فول وطعميه
واتضح انهم بيعتمدوا اعتماد كلى وجزىء على انبوبه البوتاجاز فى سلق الفول
وقلى الطعميه...يعنى الشعب مهدد ميفطرش يا سيادتك
طب الفطار مقدور عليه لكن الحموم ايون الحموم بلا نستحمى كمان؟
طيب بلاش نلبى نداء الطبيعه ولا دى تعتبر سفاله وقله ادب
وسيادته هيعرف منين ان الانبوبه مهمه لاتمام عمليه نضح الطعام ماهو جنابه بياكل -استغفر الله العظيم ديلفرى-ايوة
اغلب اكلهم ديلفرى -والعياذ بالله-ربنا يكفينا الشر
الراجل مكنش يعرف واتفاجأ بالتخلف..واندهش لما لاقى الناس بتشتكى ان الانبوبه وصل سعرها اربعين جنيه
وقال فى عقل باله ايه يعنى اربعين جنيه دانا بديهم تيبس للولد الى سايق الفيزبا بتاع - اللهم احفظنا - الديلفرى
وطبعاً نتيجه للازمه.....وحقناً للدماء امام مستودع الانابيب ...الناس بدأت تتصرف
وبدئوا يكلوا الطعام من غير طهى (لاء يا خفه مش بياكلوا سوشى)لانهم ببساطه ميعرفوش يعنى ايه سوشى
بيكلوا جبنه وزيون ..او سلطه خضرا...او فسيح وملوحه
حتى الفول والطعميه اتحرموا منه
الناس الغلسين اتصرفوا لحد الازمه متنتهى واهو كل الحكايه كام واحد مات وخلاص بسبب الانابيب
اهو علشان تعرفوا ياغجر الازمه الى حصلت فى حاجه مش بتروح اسرائيل ولا نيله

الراجل كتر خيره وزهزه عصره وينصره على مين يعديه - هاى هىء - حل المشكله
وزود الانانيب فى المستودعات وبعد الطابور ما كان معدل التاخير فيه حوالى الف راجل فى طابور الرجاله
والف ست فى طابور الستات
حصل انجاز كبير وخطى خطوة عظيمه للامام وحدث طفره نوعيه كبرى
ازاى؟؟
ربنا وفقه ونصره نصره قويه الطابور دلوقتى اصبح خمسين لكلا الطرفين
اخذاً بمبداً الاستخدام العادل
وده بفضل خطته الرائده وحلوله غير النمطيه للازمات
ومرت عده سعات بعد مرور الازمة
وكمان دقايق كتير اوى دى غير الثوانى الى مقدرتش احصرها
اذ فاجاتاً يظهر خابور تانى غير الخازوق الاولانى ينغص على الراجل صفو الحياه
ال ايه محطات البنزين مفيهاش جاز
جاااااااااااز..ايون جاز سولار يعنى
بقى تصحوا الراجل من النوم وتزعجوه علشان جاااز يا ولود ال تييييت؟؟
ايون يا ساده البلد مافيهاش جاز
اما اننا شعب مشاغب ورخم صحيح...هو لسه فى حد بيستخدم الجاز
الى حصل ان البلد وقفت بسبب الجاز واكتشفنا فجاتاً
ان الاتوبيسات والميكروباسات وعربيات النقل الجماعى بتشتغل بالجاز
طبعا الناس كلها مش عارفه تروح الشغل بسبب الجاز
كمان عربيات النقل الثقيل والخفيف والنص نقل بتعمل بالجاز
بالتالى مصانع سته اكتوبر والعاشر من رمضان مش عارفه تسوق بضعتها
خسائر فادحه
كمان حضرتكم المخابز الى بتعمل عيش بلدى بتشتغل بالجاز
يعنى فوق مافيش فول وطعميه وهنا مافيش عيش
ايه الوكسه دى
كمان ودى مصيبه لوحدها مولدات الطاقه الاحتياطيه بالمستشفيات بتعمل بالجاز
تخيلوا بقى الكوارث
يعنى مافيش شغل ولا مواصلات ولا عيش واحتمال مافيش نور كمان
يبقى مافيش مشكله ياجماعه الموضوع بسيط

طيب انا مش هش هسال ليه المشاكل دى كلها ظهرت فى وزاره الزفت بعد حكم المحكمه بوقف تصدير الغاز لاسرائيل
ومش هاكون شرير واقول انه بيضغط على القضاء او بيعاقب الراى العالم الى حرك القضيه

وبعدين فيها ايه يعنى شويه ناس مش عارفه تمون عربيتها
والراجل مالو..حد قلهم يشغلوا عربيتهم بالجاز
ومالوا عصير القصب
انا شخصيا هاجرب احط فى عربيتى عصير قصب
واركن قدام فرغلى...واقوله...فاوول ياعم فرغلى...وياريت يكون من غير تلج
وبما ان العصير جاى من القصب..والقصب طالع من الارض..والاض عباره عن طين
فانا من موقعى هذا اقترح انشاء وزاره ونسميها وزاره الطين علشان تتميز عن وزاره الزراعه
ونعين وزير يكون اسمه وزير الطين
ونحط صلحيات بقى لسياده وزير الطين ونخفف العبىء عن وزير الزفت
اما لو وزير الزفت زعل
ممكن ندمج الوزارتين ونخلى سيادته يمسكهم
ونسميها وزاره زفت الطين
ويبقى سيادته
وزير زفت الطين
والدنيا تحلو ونعوم على وش الفته وتبقى مليطه

كان معكم ممكن بافكاره اللولبيه لحل المشكلات الوزاريه

أسطـــــــــــــــــــــــــورة

أقسم لكِ ... يا خرافية الحسن
يامن يشبه سواد عينيكِ
الحكايات الاسطورية
ويا مدهشة كحضور الوحى
وكالآيات.... ربانية

أنى لا زلت أحبكِ
ولا زلت أبحث فى قواميس العشق
عن كلمة أقوى من أحبكِ
عن كلمة لم يكتشفوها بعد
ولم يفهموها بعد
ولم تشملها اللغه العربية

واعلمى أنى حين أتحدث إليكى
تشتعل جميع الأحاسيس فى دمى
وتكتسي أحلامي البسيطة
بلون أجمل
وعطر أجمل
واكتسب بعض صفات الألوهية

يا أيتها الأشواق المتجددة فى أعماقي
يامن فجرت أنوثتك على جسد خيالي
وأجتحتي تفاصيلي بأناملكِ العفوية
وتمددت فوق مسامات روحي
ونزعتي عنا كل ما علينا... من ستائر الأشواق
ومارستي طقوسك الجنونية

انتِ يا أمطارى ويا شمسى وأنوائي
ويا كل فصولي
يامن تهاجر إليكِ روحي فى فصول العشق
فألقى صيفى فى قبلاتك
ويأتى الربيع مع أحضانك
وبين شفتيك مطر الشتاء
ومن حر أنفاسك تُخلق الأعاصير
وتولد الأنواء

واعلمى يا من تحملين أعذب الأسماء
ومن بين شفتيك تُخلق الأشياء
ان اللغات تضن
وان روحى عليا تضن
وان صوت القبيلة يئن
وان سريري بدونك هجير
وان عمري ببعدك مرير
وان الحياه بلا وجنتيك...من المستحيل

سأعلنها.... أحبكِ

فإن عذبوني
سأبقى بحبكِ كنسر جريح

وان صلبوني
فأهلا وسهلا بصف المسيح

وإن رجموني
سأبقى سعيدا
لأنى فى محراب عينيكى طريح

وإن لم تجيبي
عزائي الوحيد
أنك لا تعرفين اللغة العربية

يادى الفضيحه ام جلاجل...يادى الجرسه ام حناجر

هههههههههه

دى حفله كانت معموله فى فندق هيلتون فى عاصمه امريكا واشنطن

كانت الحفله للمراسيلين الاعلامين

واتعزم فيها وزير الدفاع الامريكى السابق دونالد رامسفيلد

الراجل لبس الى على الحبل وجاب مراته الى رجلها والقبر

وطلع على الحفله...واهى منها يتعشى ومنها يفضل فى دائره الضؤ

-البشمهندس هز طوله ودخل الفندق...هوب قبلته وحده -ماشاء الله اطول منه

وقعدت تردد هذا هو مجرم الحرب....دونالد رامسفيلد مجرم الحرب

على ما الامن استوعب الموقف والبشمهندس زوغ منها

قبلته صحبتها وحتط ايدها على بقها... وبعلو صوتها وكأنها بتقدمه للجمهور

: قالت

(حضر الان ايها الساده مجرم الحرب/ السيد دونالد رامسفيلد)

الرجل الذى قتل المدنين العراقين

مجرم الحرب.... مجرم الحرب....مجرم الحرب

كده يبقى واحد انضرب -اسمالله على مقامكم -بالجزمه والتانى الحريم شرشحتلوا

ولو عاوز تهزء راجل صلت عليه مرسله صحفيه

هسيبكوا مع الفيديو

الدم مش ......ميــــــه

بكل ايات الحزن والاسى انعى اليكم الانسانيه... والحضاره... والتقدم.....والديمقراطيه ....وقبول الاخر
ايها الساده
ادام الله عليكم نعمه... التخلف... والرجعيه.... والعمى العقلى


نعم هى بكل المقايس بربريه وتخلف ليس بعده تخلف
هى اقصى صور عدم قبول الاخر..... حد الاقتناع بعدم احقيته فى الوجود والحياه اصلاً
هى العنجهيه المتخلفه... والفكر المشوة والمشبوة
والتربيه المتسلطه
نعم هى نتاج بيت لا يحكمه الا التافهون
ومدرسه لا يوجهها الا المتزمتون
ومؤسسه دينيه لايقودها الا ارهابيون
نعم اخوانى هؤلاء هم الاوربيون
الذين يقولون مالا يفعلون

هم من ينادون بحقوق الانسان - والتى لم تهدر الا على ايديهم فى جوانتناموا وابو غريب وفى اى مواجهه بينهم وبيننا خاصتاً

هم من ينادون بنزع اسلحه الدمار الشامل – ولم يستخدمها غيرهم فى هيروشيما ونجزاكى وغزة

هم من يحذرون من تفاقم واتساع ثقب الاوذون – ويرفضون التوقيع على اتفاقيه الحد من الغازات

هم من ينادوننا ويامروننا بالسلام- ولا احد على وجه الارض يحارب ويقتل غيرهم وان لم يجدوا من يقاتلهم يخترعون الاعداء من الفضاء الخارجى ليقاتلوهم


ماحدث للدكتوره / مروة الشربينى ( رحمها الله)
هو اكبر وصمات الانسانيه
ولا تعيد الى الذهن الا جريمه قابيل فى حق اخيه هابيل منذ بدء الخليقه

لا احب ان اتحدث على اثر تاثرى وتعاطفى مع موقف
اما اليوم فليس بموقف لكنه واقع ....واقع موجود وحقيقى والجميع يتوارى من مواجهته
اقصد فى كل كلامى ان لا اردد مصطلح (العنصريه) لان الفظ ارقى من ان يلصق بتلك الجريمه

هذا الكائن -الذى اكره ان ادعوة انسان- رفض كل الثوابت التى يصدرونها هم الينا
رفض الرقى فى التعامل
رفض قبول الاخر -الى مصدعنا بيه-
رفض الاتيكيت الذى يحترم النساء
رفض القانون الذى يساوى بين الجميع
بل هو رفض الله الذى منح الحياه وقرر هذا الكائن سلبها بلا مبرر الا اعتقاده فى ان الله ليس على صواب

لا ولم يدور فى بالى اى سيناريو اقذر ولا اقبح من هذا
ولا اتصور اى جزاء مناسب لمثل هذا الكائن ومن مثله

لكنى ساحاول قريبا ان اتخيل لو ان الجريمه حدثت فى مجتمع عربى ضد احد الساده الاروبين اسيادنا وتاج راسنا
ايه الى كان ممكن يحصل او يتقال !!!

ماهى العقوبات التى ستفرض علينا
ماهى عدد التاشيرات التى سيتم الغائها
كم عدد البشر هناك الذين سيتم القبض عليهم وترحيلهم لبلادهم مثل الاغنام

كم شحصيه راقيه ستنتقدنا وتكيل لنا كل انواع السباب وتتهمنا بالتخلف والرجعيه

كم برلمان سيتهمنا بلاهارب وضيق الافق وانه يحكمنا قانون الغاب

ثم يقفون دقيقه حداد على روح الضحيه الاوربيه المسكينه

ثم يضطروننا لتسليم الجانى حتى يتشفوا فيه ويفعلوا به ما يريدون

فاين نحن من كل هذا؟
اين حمايه جالياتنا واهلينا واخواننا فى الخارج؟
اين احترمهم لنا والنابع من قوة مركزنا واحترامهم لحكوماتنا؟

اصدقائى

ويا من انتم تشبهوننى فى الملامح والاعتقاد والدين نحن لم نهن على الاخر من فراغ
بل حكوماتنا هانت واحتاجت وطلبت المساعدات وتحالفت وصادقت وتواطأت فاصبحنا الادنى والارخص والاقل والاهون

عندما كان حكمنا اعزاء يملائهم الكبيرياء والعزة وتحميهم قوتهم وتشبعهم ايديهم
كانت الرعيه عزيزة ومحترمه
وعندما حكمنا عباد المناصب والعروش والكراسى
صارت دامئنا بلا ثمن

واه اسفاه عليكى يا رمز العفه والطهاره والشرف والعزة والكبرياء

ياحزن قلبى عليكى يارمز البراءه

والنبوغ والتحضر...ذهبتى انتى بالعزه

وتركتى الرجال بعدك يعانون الذله والخضوع والهوان

حسبنا الله ونعم الوكيل

وحده الحزن

يوم حزين

اه مصر امبارح كانت فى منتهى الحزن



لما اب يحمل ابنه لمثواه الاخير شىء محزن اوى

اد ايه اتأثرنا بالآب وهو يحمل ابنه ويقبل النعش

وكانه يحمل روحه الى القبر

ربنا يصبره ويلهم امه الثبات



على المستوى الانسانى اقول

سياده الرائيس..... نشاطركم الاحزان



نعلم مقدار المصيبه وحجم الفاجعه لكنه الموت الذى لايعنيه كنيه من حل عليه الدور



ان العين لتدمع وان القلب ليحزن ولا نقول الا ما يرضى الله

فانا لله وانا اليه راجعون



يارب اسالك بانك انت الوهاب الا تضعنى ابداً فى هذا الاختبار الصعب



والا تحرم احداً ابدا من فلذه كبده ونور عينه وزهره فؤاده



السيد علاء مبارك والسيده حرمه...ثبتكم الله

اما الفقيد فلا يحتاج لداعائى ولا لدعائكم

فقط نسال الله ان يدخلنا مدخله

وان يرحمنا اذاما اؤلنا الى ما ال اليه



نشاطركم الاحزان

حــــــــــــــــــــــــوار

هو انت بتحبنى؟....!!!!

قالتها وبين وجهى ووجهها عده سنتيمترات...هواء انفسها يملاء وجهى ... وعينها تحاصر عينى فلم أجد أى مهرب من ملاحقه عيونها لعينى

تردد السؤال فى راسى. كصدى الصوت
مر شريط حياتى كاملا امام عينى فى لحظه واحده......كمن يعيش اخر لحظاته ويلهث كى يبقى
عرق جبينى...واحمر وجهى ولمعت عينى...وتلاحقت انفاسى

حاولت كعادتى ان ابحث عن رد من تلك الردود التى تزيد من ارصدتى وفى نفس الوقت اخرج من ذلك
الموقف الدرماتيكى
فوجدتنى اقول....وبدون اى سيطره على كلماتى

لا اعرف.. إلا أنى أريد ان أبقى معك دائما
او على الاقل بالقرب منك

أُريد ان اعرف عنك كل الاشياء.. حتى ادق التفاصيل
أجد متعه غريبه عندما يكون الكلام عنك
او تكونى انتى موضوع الساعه ومحور حديث الرفاق

أريد ببساطه ان تتكلمى وانصت جداً ولا تتوقفى عن الكلام
اريدك ان تتحدثى عن اشيائك البسيطه.... أبداً عندى ليست تافه

فقط اريد ان أكون افضل من اجلك
اريد ان افعل اشياء تنال رضاكى
وافعل اشياء عجيبه فقط كى احصل على ابتسامه شفتيكى

اتمنى فقط ان تكونى اقرب..واقرب وادنى..بل اكثر قرباً...وان يصل قربك منى حد الالتصاق
احلم ان اضمك..وان تشبع منك ضلوعى ..و يطمئن قلبى...وترتوى الحنايا...ويهدأ الشوق

لا اعلم يا سيدتى ان كنت احبك ام لا فانا لم اتزوق بعد طعم الحب
فلا تسالى عن السعاده من لايعرفها

غايه علمى
أنى احب ما تحبينه ...وأريد ما تريدينه..وأنطق الكلام الذى تنطقينهُ فى نفس الوقت

اريد ان املاء رئتى بهوائك...واسمعك وانت تغنين لى اغنياتك المفضله

وان ارقص معكى ليله كامله حتى تشرق الشمس او نسقط من التعب

احب ان تسالينى كل الاسئله التى تملاء عقلك

رغم تحفظى على الاجابه عن استفسراتك التى لا تنتهى ابداً

اريد ان احدثك حتى ينتهى الكلام على لسانى ...او ينفذ مخزونى من حروف الهجاء
اريد ان اللمسك...احسك ...اشعر بك...اجــــدك... ولا افقدك

حتى لا أمسى بدونك....شعر مطموس الكلمات...وكتابُ منزوع الاوراق

عملـــت.... شوبنــــج

صباح الخير

قبل اى حاجه يا جماعه احب اعترف لحضراتكم انى مجنون بالحجات الحديثه (التيتيت تيتيت يا معلم) يعنى بحب.... التيلفونات.... والابتوب... والستلايت...و,البلاى استيشن

وحتى.... الكنتالوب.... والكلمنتينا....و البليت فودز

لكن....!

والاعتراف بالحق فضيله...! انا بتعلم بصعوبه شديده جداً -امكانيات بقى

-
يعنى على ما اتعلم على حاجه يكون طلع الى احدث منها ...والناس بطلوا يستخدموها اصلاً

المهم طقت فى دماغى اغير موبيلى بواحد تانى شكله يخض...

وفيه كل حاجه وبيدخل على النت من اى حته بالويرليس ببلاش وجى بى اس وثرى جى وسيبيان

وحركات كتير

المهم طبعا انا اخدت الموبيل وقعدت استكشفه...وادوس على الزراير...

وكل ما يفتح ويندوز ادخل وكل ما يطلع رساله اقبلها واقول اوكيه من غير ما اقرا

بعد ما خلصت لعب قولت الباقى اكتشفه وهو فى ايدى مع الايام....

لكنى حسيت كده انه بعافيه....

حكم انا عاطفى اوى تجاه الحجات بتعتى وبحس بيها جداً

لاقيته عمال يطلع نغمات عجيبه وكل شويه يعمل رنه وميسكتش الا لما ادوس على الزرار

انا قلت يمكن بيهرج معايا.. او بيرحب بيا ..او دى طريقته فى التعرف على الناس...

او التلفون اتجنن

وحسيت كده اسمالله على مقام حضرتكوا.....انى مش عارف فيه اى حاجه
وانى بعرف فى الموبيلات زى حضراتكوا ما بتعرفوا فى اللغه البرتغاليه
وحلمت ان الزمن رجع للوراء علشان مجبش الموبيل ده

او حتى اعرف ارجعه للشركه تانى

بس اقولهم ايه؟ انا مش فاهم فيه؟

كلا الباتا وحاشا وماشا

الا كرامتى
لحد ما ربنا رزقنى بواحد ابن حلال صحبى مجنون تكنلوجيا ( جينياس)الواد ربنا يهديه بقى مسك الموبيل بمنتهى

الاستهتار واكنه اريكسون سته تمنيتين

...

وقالى بمنتهى السخريه دى الى معصلج معاك يا مان؟؟

!
قلتله وانا بتصنع الادب... ايوة حضرتك

قالى شوف يا بنى

انت تدوس هنا وبعدها تعمل كدا وبعدها كذا ولما يجيلك ماسيدج تعمل كذا

ولما يوصلك ميل تعمل مش عارف ايه

وقعد يلعب فى ام الموبيل ويقولى ايه ده دى فيه خاصيه كذا وفيه مش عارف ايه الى ممنوعه فمصر وفيه كمان كذا

وقالى ما معناه انت هتعمل بكل الحجات دى ايه -ولسان حاله بيقولى دى خساره فيك

وانا من غيظى قلتله دى فيه اظهار رقم الطالب

-
المهم مفهمتش منه ايها حاجه

مجرد انه جه اتمنظر قدامى انه بيعرف فى حجاتى اكتر منى وذلنى

اصبحت بعد ما كنت جايب موبايل ومش فاهم فيه

لاء ...

الناس كمان عرفت انى مش فاهم

يادى الفضيحه ام جلاجل يا دى الجرسه ام حناجر

بالظبط بالظبط.. زى شيخ غفر كفر البلاص لما يجيب كمبيوتر وعليه ويندوز اكس بى

القصد من الرغى ده كله عاوز اقول لاصحابى الى فى منتهى الكرم ...

.اى حد بعتلى اس.ام.اس.ولسه انا مرضيتش عليه ميقلقش اكيد هارد فى يوم من الايام لما اعرف افتح الماسيدج
والى بعتلى ام. ام. اس. ميقلقش اكيد هشوفه بس كله بامر الله

اما الى بعتولى ميلات او فايلات شارنج فون

مش عاوز حد يفتح بقه ومن سكات كده ..يبعتوها تانى ومن غير تريقه

لانها اكيد اتحذفت
ومحدش يتريق و بلاش سفاقه...عادى بتحصل

وربنا هيكرمنى بحد ادبسه فى الموبيل ده وارجع لعقلى تانى

وعلى رائى المثل من فات نوكيا تاه

وبس

رســـــــــــــــــــــــــــــــــالـــــــــــه

الرساله دى بمناسبه زواج اعز صديقاتى...او صديقه عمرى

روح

صاحبه مدونه حلم الشتاء

والى هتتجوز يوم الجمعه الموافق 10/4

والرساله مش ليها هى..... لكن لزوجها الكريم

وايضاً

لكل شاب فى سن الزواج

اخى الشاب الذى تعدى سنه واحد وعشرون سنه واستطعت البأه

اعلم يا اخى ان فتاتك واهلها انتظروك طويلاً وقد ارتضوا دينك وخلقك
وسيقدمون لك اغلى ما يملكون عن طيب خاطر لتسكن اليها ولتكون لها اهلا بعد الاهل
وامناً وحضناً وملازاً...وتكون هى لك ارضاً.. وحدائق.. لتحرس فيها بتقوى الله

وتحسن غرسها
اهدوك العزيزة الغاليه وصاحبه دلال ابويها.... لتشقى معك وتكافح وتجاهد وتستمر سنه الله فى ارضه

قد لقنوها حسن المعامله لك وطاعتك .....وعليك انت حسن القوامه والمعاشره

واعلم اخى ان الرجوله غير الذكوره....

فالذكوره ماهى الا الفحوله

اما الرجوله فهى تعنى الرحمه والحكمه.

..وبالرجوله تحمى بيتك من اعاصير وتقلبات الزمان
وبرحمتك تأسر حبيبتك وتضمن ودها وانجذابها لك دائماً

واعلم يا اخى ان كل بنات حواء ترجو رضا الله برضا زوجها...

وانت عليك ان تكرمها كما اكرمها اهلها
ولا تكن ابدا حائط يسد عليها طريق النعيم والسعاده فى الدنيا والاخره

واعلم

ان قوة الشخصيه والرجوله ليست فى التحكم والتسلط

ولا فى صلابه الرأى والصياح

لكن الرجل يميزة هدؤه وحلمه وصبره واهم من كل هذا تسامحه

واعلم يا اخى اننا جميعاً غير مبرائون من الاخطاء فليتسع صدرك لهفواتها
ولتكن لها زوجاً و مرشداً....ودللها اذا احسنت ..وشجعها اذا انجزت...وساندتها اذا اخفقت
وترفق بها اذا اهملت وتذكر قول رسول الله داوماً(استوصوا بالنساء خيراً

واعلم يا اخى ان الله لم يخلق النساء لخدمه وراحه الرجال

فهى ليست خادمه ولا مربيه اطفال

لكنها زوجه وحبيبه وشريكه حياه سعيده

واعلم يا اخى ان كل جميل يجذب نظر الناس
فحصن بيتك واهلك ونفسك بذكر الله من عيون الناظرين

حتى يحفظكم من شر الناس فاغلب الناس تستكثر الخير على العباد

اخى الغالى اعلم انه من اليوم ستكون كل امور بيتك سراً

فلا يتدخل بينكم احداً اياً كان واعلم ان لكل مشكله الف حل

ولكن بالحكمه وبتحقير حجم المشكلات والتغلب عليها

واخيراً اخى

انهنيئك بدخولك عالم المسئوليه وتوديعك عالم الصبا

واهنئك بنعيم الدنيا وحسن ثواب الاخره

واهنئك باجمل من رأت عينيك وارتاح لها قلبك

واهنئك بالراحه والسكينه والموده والرحمه والذريه التى وعدكم الله بها

وعقبالى