الرساله دى بمناسبه زواج اعز صديقاتى...او صديقه عمرى
روح
صاحبه مدونه حلم الشتاء
والى هتتجوز يوم الجمعه الموافق 10/4
والرساله مش ليها هى..... لكن لزوجها الكريم
وايضاً
لكل شاب فى سن الزواج
اخى الشاب الذى تعدى سنه واحد وعشرون سنه واستطعت البأه
اعلم يا اخى ان فتاتك واهلها انتظروك طويلاً وقد ارتضوا دينك وخلقك
وسيقدمون لك اغلى ما يملكون عن طيب خاطر لتسكن اليها ولتكون لها اهلا بعد الاهل
وامناً وحضناً وملازاً...وتكون هى لك ارضاً.. وحدائق.. لتحرس فيها بتقوى الله
لكل شاب فى سن الزواج
اخى الشاب الذى تعدى سنه واحد وعشرون سنه واستطعت البأه
اعلم يا اخى ان فتاتك واهلها انتظروك طويلاً وقد ارتضوا دينك وخلقك
وسيقدمون لك اغلى ما يملكون عن طيب خاطر لتسكن اليها ولتكون لها اهلا بعد الاهل
وامناً وحضناً وملازاً...وتكون هى لك ارضاً.. وحدائق.. لتحرس فيها بتقوى الله
وتحسن غرسها
اهدوك العزيزة الغاليه وصاحبه دلال ابويها.... لتشقى معك وتكافح وتجاهد وتستمر سنه الله فى ارضه
قد لقنوها حسن المعامله لك وطاعتك .....وعليك انت حسن القوامه والمعاشره
واعلم اخى ان الرجوله غير الذكوره....
اهدوك العزيزة الغاليه وصاحبه دلال ابويها.... لتشقى معك وتكافح وتجاهد وتستمر سنه الله فى ارضه
قد لقنوها حسن المعامله لك وطاعتك .....وعليك انت حسن القوامه والمعاشره
واعلم اخى ان الرجوله غير الذكوره....
فالذكوره ماهى الا الفحوله
اما الرجوله فهى تعنى الرحمه والحكمه.
..وبالرجوله تحمى بيتك من اعاصير وتقلبات الزمان
وبرحمتك تأسر حبيبتك وتضمن ودها وانجذابها لك دائماً
واعلم يا اخى ان كل بنات حواء ترجو رضا الله برضا زوجها...
وبرحمتك تأسر حبيبتك وتضمن ودها وانجذابها لك دائماً
واعلم يا اخى ان كل بنات حواء ترجو رضا الله برضا زوجها...
وانت عليك ان تكرمها كما اكرمها اهلها
ولا تكن ابدا حائط يسد عليها طريق النعيم والسعاده فى الدنيا والاخره
ولا تكن ابدا حائط يسد عليها طريق النعيم والسعاده فى الدنيا والاخره
واعلم
ان قوة الشخصيه والرجوله ليست فى التحكم والتسلط
ولا فى صلابه الرأى والصياح
لكن الرجل يميزة هدؤه وحلمه وصبره واهم من كل هذا تسامحه
واعلم يا اخى اننا جميعاً غير مبرائون من الاخطاء فليتسع صدرك لهفواتها
ولتكن لها زوجاً و مرشداً....ودللها اذا احسنت ..وشجعها اذا انجزت...وساندتها اذا اخفقت
وترفق بها اذا اهملت وتذكر قول رسول الله داوماً(استوصوا بالنساء خيراً
واعلم يا اخى ان الله لم يخلق النساء لخدمه وراحه الرجال
فهى ليست خادمه ولا مربيه اطفال
لكنها زوجه وحبيبه وشريكه حياه سعيده
واعلم يا اخى ان كل جميل يجذب نظر الناس
فحصن بيتك واهلك ونفسك بذكر الله من عيون الناظرين
حتى يحفظكم من شر الناس فاغلب الناس تستكثر الخير على العباد
اخى الغالى اعلم انه من اليوم ستكون كل امور بيتك سراً
اخى الغالى اعلم انه من اليوم ستكون كل امور بيتك سراً
فلا يتدخل بينكم احداً اياً كان واعلم ان لكل مشكله الف حل
ولكن بالحكمه وبتحقير حجم المشكلات والتغلب عليها
واخيراً اخى
واخيراً اخى
انهنيئك بدخولك عالم المسئوليه وتوديعك عالم الصبا
واهنئك بنعيم الدنيا وحسن ثواب الاخره
واهنئك باجمل من رأت عينيك وارتاح لها قلبك
واهنئك بالراحه والسكينه والموده والرحمه والذريه التى وعدكم الله بها
وعقبالى
70 comments:
اووووووووووووول تعليق
هيه هيه هيه
اولا عقبال عندك يامستحيل
وعقبالى انا كمان بس بعد زمن طويل
والف مبروك لصديقتك روح
وربنا يتمم لها بخير يارب
ويهدى سرهم هى وزوجها
واحب اقولك ان الرسالة دى فى غاية الحكمة والجمال
وياريت تلاقى حسن استماع لمن وجهتها له
تقبل مرورى وبلاش الغيبة الطويلة دى
الف مبرووك ليها
ربنا يباركلها في زوجها ويجمع بينهم في خير
رسالة فعلا لازم كل الشباب يقروها
كلامك حلو ومريح
ربنا يهدينا جميعا
بجد بجد ربنايعزك
وياريت كل زوج يقرأ كلماتك
يسعدنى اكثر انها عن لسان رجل لرجل
وعقبالك ان شاء الله قريبا ووقتها سنهدى للعروسة رسالة من امرأة الى امرأة:)
اولا مبروك
ثانيا ما شاء الله على دماغك و ذوقك و اخلاقك ربنا يكملك بعقلك و يرزقك بالزوجة الصالحة اللي تقدر نبل اخلاقك و اكيد ربنا هايكرمك بهدية جميلة و هي زوجة وفية مخلصة لانك تستاهلها بجد
تسلم ايدك على النصيحة الغالية و ياريت كل شباب المسلمين يشوفوها و يتعلموا منها
تحياتي
مبروك ليها
وربنا يبارك ليهم ولكل الازواج
وعقبالك وعقبال كل شباب و بنات المسلمين
mabrooook ya momken o okbalak soooooon isA
kalam gameeeeel o baseet o sahl neftekro geddan yasalaaaaam lao kol el shabaab 3amalo beh eldonia hateb2a agmal ...
wasalamo alikom
الف مبروك لصديقة عمرك
وربنا يتمملها بخير يارب ويسعدها ويهدي سرها ويرزقها بالذرية الصالحة
وتسلم ايدك على الكلام الجميل ده ويارب كل شاب ياخد بيه
وعقبالك
تحياتي
مبروووك ليها وربنا يتتم لها بخير ويرزقها الذرية الصالحة .
وأسأل الله ان يزوج جميع شباب المسلمين
..........امين
أكيــــــــــــد
ربنا يرزقنا كلنا أزواج وزوجات صالحين
السلام عليكم
ممكن سؤال غبي شوية
أنا عارفة انك بتكتب على انك رجل فهل هذا حقيقي ؟
الف مبروك لروح
وفعلا انت نعم الصديق يا صديقي
ارجو لها حياه هانئة ولك ايضا
وعقبالك يا عم
مــــــــوجة
ـــــــــــــــــــــ
مهما كان ترتيبك يا موجه انتى دايماً عندى فى المقدمه
وعقبالك انتى كمان يا موجه واعملك بوست
حاضر مش هغيب تانى
تحياتى
قلب ينبض لله
ــــــــــــــــــ
الله يبارك فيكى
وعقبالك ان شاء الله
متشكر على كلامك الجميل
مافيش احلى ولا اريح من زيارتك للمدونتى المتواضعه
نحتاج جميعاً للهدايه
دعائك جميل
امين
تحياتى
موناليزا
ـــــــــــــــــ
بجد بجد...ربنا يكرمك
ياستى والله الرجاله طيبين بس هما يمكن عصبين شويه
انتوا بقى خدوهم على اد العصبيه دى
والكل هيرتاح
يارب ياستى
ادعيلى ربنا يعفنى بالحلال
تحياتى
شهد الكلمات
ـــــــــــــــــــ
اولاً الله يبارك فيكى وعقبالك
مش اختك اتجوزت ...معندكيش حجه تانى
ربنا يخليكى يا شهد كلامك ده كتير عليا اوى
بس انا عارف انه فنانه وشاعره والكلام الجميل ده بيجرى فعروقك
تسلمى يا شهد
ويارب اكتب بوست تهنئه فى فرحك يارب
تحياتى
maha zein
ــــــــــــــــــ
ازيك يا دكتوره مهاميهو
الله يبارك ليكى
وعقبالك يا دكتور
تحياتى
ست البنات
ــــــــــــــــ
الله يبارك فيكى ياست الكل
وعقبالك انتى كمان
متشكر على كلماتك الرائعه
وشعورك الجميل
الدنيا جميله طول ما فيها ناس زى حضرتك
وعليكم السلام ورحمه الله وبركاته
تحياتى
زهور الامل
ـــــــــــــــــ
نونو ازيك
عقبالك يا نهى ونحضر فرحك انتى كمان قريب ان شاء الله
ومتشكر جداً يا عسل على كلامك السكر ده
وحشتينى موت يا نهى
تحياتى
akeed
ـــــــــــــ
الله يبارك فيك يا استاذ اكيد
انت اسمك عكس اسمى خالص
انا ممكن وانت اكيد
على العموم الله يكرمك وعقبالك
تحياتى
mohamed ghalia
ـــــــــــــــــــــ
انت ابن حلال يابو حميد وتستاهل كل خير
وربنا قسم الموضوع وقال تعالى
بسم الله الرحمن الرحيم
(الطيبون للطيبان والخبيثون للخبيثات وحرم ذلك على المؤمنين)
وانا احسبك على خير ولا اذكى على الله احداً
تحياتى
مجداوية
ــــــــــــــ
طبعاً انا جوبتلك على سؤالك
ولا عاوزة اجاوب عليه تانى يا ست ماجده يا معداوى
انا ياستى مؤمن ان كل البشر رجال ونساء
يجب ان يعيشوا بعقل رجل وقلب امراءه
منورانى يا ماجده
تحياتى
nana
ــــــــــــ
نانا ازيك يا قمر
الله يبارك فيكى
وانتى كمان نعم الصديقه يا نانا
ومبروك ياستى المدونه الجديده الى دوخنا لحد ما وصلنا ليها
وعقبالك انتى كمان ياعم
تحياتى
مبروك واعبقال مافرح بيك واقولك انت كمان مبروك
ربنا بتمم بخير
وحشتنى يا ممكن والا الظاهر ان عندك اصحاب واصحاب لا
انا جيت اهه واسفه وخجلانه من انى اتأخرت فى الزياره
بس والله طول الاسبوع مشاغل مشاغل مع ابنى طبعا وتخيل نص الوقت من اليوم ضايع يعتبر شغل من 8 ل 3 وبيرو فى حضانته وبعدين مذاكره تخيل يا ممكن الدوامه الحياتيه الجميله دى المفعمهبالمشاغل والمشاكل والنشاط الاجبارى
بس مقدرش اتأخر عن اخويا ممكن اكتر من كده لان ده اليى لا يمكن ابدا
بالنسبه للرساله النبيله دى
الرساله اتكتبت واتقرت بس العاملالاساسى والمهم على المتلقى انه يسمع ويحس ويعى ويدرك لقدسية واهمية وقيمة العلاقه الزوجيه
البوست اكتر من رائع يا رب ابنى يكبر ويجى الوقت اليى يقراه ويستفيد بيه ان شاء الله
يعنى هو 4 سنيين نقدر نقول هانت طبعا
ربنا يبارك فى فكرك واسلوبك الراقى وكيبوردك اليى بتوصلنا الموضوعات الراقيه والقيمه دى
الف مليون مبروك
روح شخصيه رقيقه و مرهفه المشاعر و تستاهل كل خير و سعاده
كلماتك حلوة اوى يا ريت كل الرجاله يفكروا كدة
الف مبروك ليها تانى
و عقبال كل اللى لسه
تحياتى و مودتى
الف الف مبروك لروح بلدنا الجميله
ربنا يتمم بخير يارب ويرزقها الذريه الصالحه ويسعد حياتها ويبارك فيها يارب وديما في افراح ويبعد عنها كل الاحزان اللهم امين
روح عسوله وتستاهل كل خير وانت متعرفش حد وحش ابدا
كلامك جميل ياممكن ماشاء الله عليك
وعندك حق ,كل كلمه فيها حكمه
وياريت الناس تعرفها بجد لانها رساله كلها جمال لازم كل الناس تقرها وتتعلم منها
جزاك الله كل خير
وعقبالك يارب ويسعد ايامك
بس استني لما تطمن عينا كلنا الاول
ولا ايه ده وجبك (وش مطلع لسانه
عقبالك بزوجه صالحه وحياه جميله
تحياتي
mabroooooooooooooooooooooooooook ya momkn .. .. 3o2balk ;)
مبرووووووووووك
ربنا يحفظهم ويجعل بينهم السكن والود والرحمه والذريه الصالحه إن شاء الله
جميل البوست أوى
ربنا يوفقهم
اللهم آمين
ازيك
مبروك لصديقتك ياسيدى ربنا يسعدقلبها يارب
انما صحيح
ايه العقل والحكمه اللى حطوا عليك فجاه دول؟!!!!
ماتقول لنفسك
وبعدين ماتخلصنا منك بقى
ياساتر عليك انت مش عديت 21 سنه خلاص؟
ايه الناس دى؟
الف الف مبروك لصاحبتك وفعلا رساله جميله قوي لزوجها
الف الف الف مبروك للعروسين
هما اشتروا الجهاز منين ؟
من عبد الرحيم عمرو؟ و الله احتكم الامر
و الملبس و البنبونى من كوفرتينا ...... هاهاهاهاها
عقبالك و عقبالنا
ونعيش فى سعادة و هنا
و نعيش فى تبات و نبات و نخلف صبيان وبنات
ربنا يطعمهم ويرزقهم بالزرية الحسنة
MMS
الف مبروك وربنا يجمعهم على خير دايما
ونعم الصديق يا بختها بيك
السلام عليكم
أعذرني في سؤالي فأنا عندما قرأت هذه الرسالة وجدت فيها فعلا حنان وطيبة قلب المرأة
ومقدرة كبيرة أن تكون رجلا وتكتب بقلب أمرأة
وبالمثل أن تكون إمرأة وتكتب بعقل رجل
فده أوبشن للأفراد المعدلين المميزين
ربنا يسعد من كتبت لهم رسالتك الرقيقة الحانية العاقلة
ويكتب لك السعادة والهناء قريبا أن شاء الله
وعفوا مرة أخرى لسؤالي وشكرا لحسن ردك عليه
السلام عليكم
جميله اوى الرساله
ما شاء الله
عقبال يا رب ان شاء الله لو مكنتش يعنى متزوج
تحياتى ليك
سعيده بمرورى هنا
الف الف مبرووك
عقبالك يا جميل
وبجد حلوه قووى الرساله اللى موجهاله دى
انتى حماته ولا ايه
رسالتك جميلة جدا كلها نصايح غالية نتمنى جميعا ان يعمل بيها كل شاب لكسب حياة هادئة وعقبالك .... تحياتى
مبروووووووووووك ممكن لصديقتك العزيزه روح لولولولولوولولولى وعقبال عنك ياجميل ويجى اليوم اللى نفرح فيه بيك
بجد ياممكن كلامك رائع ونصايح جميله يارب كل الناس تعمل بيها
سلامى ليك
الف مبروووووووووك
وعقبالك ان شاء الله
كلماتك جميلة جدا ولو كل زوج عمل بيها واحسن معاملة زوجته والزوجة كمان اتقت ربنا فى زوجها عمر ما هيبقى فى مشاكل
تحياتى
الف الف مليووووووووون مبروك ليها
السلام عليكم من فضلك انا محتاجة مساعدة ضرورية يارت لو تقدر تديني رقم تلفون البيت بتاع مصطفى صاحب مدونة حكايات زمان او رقم موبيلات اخوات هو سافر وما فيش خبر لحد دلوقتي وحياة اغلى ما عندك تساعدني دا الاميل بتاعي لو لاقيت الارقام ارسلهم لي في anssam_love@hotmail.fr
هو دا الكلام و الله........ألف مبروك ليهم و ياريت فعلا كل حد مقدم على خطوة مهمة زى الجواز يفهم الكلام دا اوى و يطبقه
جميلة نصيحتك
ليت الجميع ياخذا عين الاعتبار
ومبروك لصديقتك
وعقبالك
تحياتى لك
الف مبروك للعروسه والعريس
وفعلا نصايح حلوه ياريت كل راجل ياخد بيها
متبقاش فيه مشاكل ابدا
ربنا يهنيم ويسعدهم يارب
mahasen saber
ــــــــــــــــــــ
يا محاسن انتى تشرفينى زى ما تحبى ولو تتاخرى دايما هاكون فى شرف انتظارك
ومش هيصبرنى الا متعه انتظار شخص رائع زى حضرتك
انا بشكرك على كلامك الجميل
ومش مستغرب خالص انه طالع من حد زى حضرتك لانك مصدر لمشاعر كتير منتهى الدفىء والنوعومه
ربنا يمتعك بابنك
ويكون زى ما تتمنى بالظبط
وعقبال ما نكتب بوست فى فرحه ياستى
مش فرحه هو بس لكن وفرحك انتى كمان
تحياتى
Rania
ــــــــــــ
الله يبارك فيكى يا رانيا
وعقبالك انتى كمان واعملك بوست طويل اوى يوم فرحك
ربنا يكرمك على المجامله الجميله
تحياتى
سمكه واحده
ــــــــــــــــ
عقبالك يا سموكه وعقبال ميرو ونعملكوا زفه اسكندرانى تكسر الدنيا
وطبعا انا هحضر على الاقل ارد الجمايل الكتير الى عملتيها فى عيد ميلادى
التورتان والاسامى والحركات
بس اطمن عليكوا دى ايه
ولا اعرفكوا... لو جه نصيبى معطلكوش
متشكر يا عسل على كلامك الجميل
تحياتى
hager za3bal
ـــــــــــــــــــــ
الله يبارك فيكى يا هاجر
وقبالك ان شاء الله وربنا يجمعك على الى قلبك يريده ويقبله الله ورسوله
تحياتى
سلوى
ـــــــــــــ
عقبالك ياسلوى وتنفرح بيكى قريب انشاء الله
وتعزمينا كلنا وتجبيلنا جاتوة وبيبسى زيرو على حسابك
تحياتى
نـــــــــــــور
ــــــــــــــــــــــ
ازيك
عامله ايه يا بيبه
الله يبارك فيكى يا بيبه عقبال يا هندسه
يابنتى العقل والحكمه موجودين وانتى عارفه كده كويس
بس انتى الى نظرك دعيف - بالدال-فهمه
وبعدين شويه احترام قدام الناس
انتى على طول بتسيحى كده
تحياتى
حاسوباتيه
ــــــــــــــــ
الله يبارك فيكى وعقبال كل البنات الى فى سن الزواج
منورانى
تحياتى
ههههههه
اه
ياسوسه
بسيحلك
امال لو شفت تسييحى ليك على البوست الجديد
هتضربنى اااهاهاهاها
MMS
ــــــــــ
ازيك يا متر عقبالك يا درش علشان طانط ترتاح وتطمن عليكى
ونضمن انك ترجع من تايلند وتعيش فى مصر شوه وتهمد
الله يبارك فيك ياقمر هى كان نفسها انك تحضر الفرح انت ووائل
وشكرا على دائعك الجميل
تحياتى
ســـهــــر
ــــــــــــــــــ
ربنا يخليكى يا سهر
يابختى انا بصديقه زيك انتى
وعقبالك ياسهر انشاء الله
ونحضر فرحك فى اقرب فرصه
تحياتى
مجداوية
___________
الاستاذه ماجده
اما سؤالك فهذا حقك
اما ردى فهذا قدرك عندى
فانت خير من سال وانا فى منتهى الشرف ان ارد على حضرتك
دايما منورانى يا ماجده
وشكراً لتهنئتك الرقيه وعقبال كل احبابك
تحياتى
ريمان
ـــــــــــــ
ايون مش متجوز يا ريمان وفسن خطر كمان لازم اتجوز فى اسرع وقت ممكن لحسن المدونه تتقفل وبوليس الاداب يقبض عليا
متشكر لتهنئتك الجميله وعقبالك يا ريمان
تحياتى
الفراشة الصغيرة
ـــــــــــــــــ
الله يبارك فيكى يا قمر
وعقبالك
متشكر اوى على كلامك الجميل
ومرورك الرائع
تحياتى
roma
ـــــــــــ
متشكر يا روما والحمد لله انك مضحكتيش المره دى
وعقبالك انتى كمان مع الى يرتاح له قلبك
تحياتى
نظره عين
ـــــــــــــــ
ربنا يخليكى وانشاء الله هى كمان تغرد علشان هى بتغرد نص نص يعنى بس بتعرف
وعقبالك انتى كمان
ونقدملك التهانى الحاره والجميله
متشكر على كلامك الجميل
تحياتى
ايمان مجدى
ــــــــــــــ
الله يبارك فى حضرتك
وعقبالك انشاء الله ونبارك ليكى فى فرحك انشاء الله
ومتشكر على كلامك الجميل
تحياتى
كيــــــــــــارا
ـــــــــــــــــــــــ
الله يبارك فيكى يا كيارا عقبالك انشاء الله
متشكر على الزياره الغاليه ياقمر
تحياتى
houda
ــــــــــــ
انشاء الله
تحياتى
dina
ـــــــــــــ
متشكر على التشجيع والكلام الجميل
عقبالك ياقمر
تحياتى
رؤية
ـــــــــــــ
الله يبارك فى حضرتك
ويارب عقبالى ومتشكر على دعواتك الجميله
وعقبال حضرتك
تحياتى
GHARAM
ـــــــــــــ
اهلا يا غرام حمدالله على السلامه
الله يبارك فيكى ياستى
وشكرا على الزياره
تحياتى
نـــــــــــــور
ــــــــــــــــــــــــــ
شوفت التسيح طبعاً واكيد اكيد
هتدفعى التمن غالى اوى يا حبيبه
ماشى ماشى
دورى على حته استخبى فيها
علشان لو مسكتك
هتموتى هتموتى هتموتى
منورانى
تحياتى
السلام عليكم ورحمة الله وبركاته
ما شاء الله لا قوة إلا بالله
كلمات راقيه ورقيه جدا بجد
ربنا يكرمك ويجعلها في ميزان حسناتك وينفع بيك وبيها يارب
اللهم آمين
ملحوظه: احب اسجل اعتراضي وتحفظي بس على وصف علاقة بين بنت وولد ايا كانت بـ"صداقة" او "صحوبية" لان مثل هذه المسميات والاوصاف ليست من الإسلام في شيء
والله أعلم
تحياتي :)
أحلى حياة
ــــــــــــــــــ
اهلا يا احلى حياه منورانى
بشكرك على رائيك الجميل ودعواتك الرائعه
وطبعا بحترم تحفظك جداً
وبعتبره مقبول
ولكن
احب استند على رائى شرعى فى كل ما يخص العلقات بين البشر
اما الكلمات المطاطه مثل
مفبول وعيب وميسحش
فاتا ارفضها
انا اعلم حرام وحلال
فقط
اما كلمه صديقتى او حتى صحبتى فليش فيها خلوة لفظيه
انتى منورانى واعلم ان كلماتك خرجت بدافع حرصك عليا وتقديرك لى
اما ردى فهو لانى احترم ارئك جدا واخذها بعين الاعتبار
منورانى
رساله كلماتها اكتر من رائعه
ياريت كل الازواج يعملو بيها وعلي فكره دي مش للازواج بس لا للزوجات برضه
((فكرتني بكلام المأزون يوم كتب الكتاب
ومبروك لاختنا روح معلش جايه متأخر وعقبال كل الشباب والبنات يارب
شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام
شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام
Post a Comment