Tuesday, March 24, 2015

الــمــلــكــيــه




الى من يقدحون فى نظام الحكم الملكى
 يا ساده ليس فى الملكيه أى عيب
لكن مشكلة مصر كانت مع الفساد والتجبر والطغيان
  فى عصر اخر الملوك المصرين وحاشيتهم
وليس مع الملكيه   يا أجهل من خلق ربى
.....
نام الشعب السعودى وملكه ( عبدالله )و
قام الشعب السعودى وملكه  سلمان 
لا احكام عرفيه ... لا حكومه انتقاليه .... لا اللغاء للدستور .... لا مطامع فى الحكم .... لا تدخل للعسكر .... لا تخوين

ليست السعوديه بالمثل الذى يحتذى به... لكنى اثرت المثل القريب للعقل


الملكيه نظام حكم ليس اكثر  .... ليست افضل من اى نظام اخر ... ولا اسوأ كما يعتقد البعض

الفساد فى اى نظام حكم
هو المعيار فى الحكم عليه

Monday, March 16, 2015

قـــضـيـه




شهيه كبدايات العشق
كفرشاة بين أنامل فرنسيه
مربكه كروعة المرة الاولى
عفوية كضحكة مصريه
وأنا فيها المسافر والغريق

والنجاة لا تشكل لى قضيه

.......

Sunday, March 15, 2015

غـــيــاب




حين يحط الشوق على القلوب بثقله ولزوجته الفجه
تتغير الطبيعه الانسانيه
ُواوردة القلب يتدفق فيها دم
داكن اللون سخيم

يظلم الروح

.......

Tuesday, March 10, 2015

على القهوه




أحمد ..أحمد 
يأحمد يا قرشى
ازيك يأبو حميد ..أنت مش فاكرنى بص كويس
ههههههههههههه..عامل ايه 
لسه فى شغلك هو اياه؟
 -  يا حول الله  - 
سمير ازيه ومجدى التعلب ... سبحان الله ..لسه كنت على بالى
انت لوحدك ؟؟ ... اقعد اقعد
شيشه يا عنتر
( مستغرب ليه .. حجرين  للبيه )

يااااه والله زمان  ... جريت بينا الايام
تلعب شترنج  ؟
 الصف التانى باقى بيكل الصف الاول
لنفس الجيش
شربت حشيش؟

الخلق اهى قاعده على القهوه ... متنظره الحظ
ولا بيجيش 
خلفت عيال ؟
طول عمرك شاطر .. وحالك ماشى
عال العال
انا بقى بقعد عالقهوه .. اكتر من البيت
أنت اتغديت؟
انا طالب من الواد علبة كشرى 
اجبلك علبه... طب واحد حلو
ياعنتر سُك على الشيشه.. بسرعه قولوا يخلى العلبه اتنين
تقليه كتير والصلصه كتير..والشطه فـكيس

( حد هنا )
ايوه فى تالت وايانا.. بيجيب حاجه وجاى عالطول
وان طالت الغيبه... مسير الحى
تشرب ينسون ؟
قوم بينا نقوم
دول عملين عندنا محشى 
قوم بينا نمشى
........
مين دولا يا عنتر
ابداً يا معلم دول واحد - يحفظنا - زهايمر
واياه ابنه وبيسمعله ربنا يلطف 
بينا وبيه

........

Friday, March 6, 2015

التاريخ




ومن أفات التاريخ وعيوبه 
أن الفئه الغالبه او المنتصره هى التى تكتب التاريخ
حتى لو كانت هى الفئه الطاغيه او الظالمه
وهذا مالا نطالعه أبدا فى كتب التاريخ

عمرنا ما سمعنا فى التاريخ مثلا حد قال
ولقد كنا طغاه مستبدين -  ولاد تلاتين كلب - وعثنا فى الارض فسادا.... هذا ولقد كان عدونا على حق  - وولاد ناس  - فى حربه وكنا على باطل 

وبهذه الطريقه نجد اننا نطالع كميه لا بأس بها من الاكاذيب والافترائات والاختراعات فيما يسمى التاريخ
وعلينا بمجهودنا الشخصى ان نستقى منه ماهو حقيقى وما هوموضوع ومفترى
دائما للتاريخ وجه اخر - خفى -  من وجهة نظر الفئه التى لم تكتب التاريخ وظهرت فقط ككومبارس
لمجرد أظهار قوة وعظمه الفئه الغالبه

التاريخ بالنسبالى رغم احترامى له
 الا انه يشبه مجله الاهلويه يوم أنتصار الزمالك
ومجله الزملكاويه يوم ما شال سته من النادى الاهلى

للحديث بقيه


Thursday, March 5, 2015

صفحه جديده



كم هى غريبة تلك الحياه
تشقى وتسعد فى ذات  اللحظه