Sunday, December 9, 2007

توســـــــــــــــــــــــــــــل.....ورجـــــــــــاء



يارب


يساورني القلق لفرط ما سمعت وشاهدت وقرأت وعايشت


فطالما رأيت العلاقات تنهار


...والصور التى ارسمها لمن حولى تتبعثر ملامحها ,


والوجوه الجديرة بالاحترام تسقط كالبيوت القديمة!

ومن يحلم ببيت من الحب يأويه ..
. يصر حالما... وربما غبيا ..

كمن يحلم ببيت بدون اساس


وأنا لا أريد أن أسكن في بيت ليس له أساس,


ولا أريد أن أبني بيتاً ينهار فوق رأسي!


أريد بيتاً لا تقوى عليه الريح,


ولا تقتلعه العواصف,


أريد بيتاً يقاوم الزلازل,


ويصمد أمام البراكين


وليس هناك ضمان سوى أن تعيننى على أن احتفظ بالعالم بداخلى ,


أن تضع في داخلي دعامات جديدة تجعلنى أقدر على مواجهة ما يحدث من حولي..


من مجريات دنيا اليوم .. وبشر اليوم

يـــارب ...

ساعدنى ان أظل كما أنا أعرف كيف أعطي وأمنح,


وأعرف كيف يبذل الذات !


اجعلني حباً يقاوم الجفاء,


واجعلني سلاماً يقاوم العداء,


اجعلني صدقاً,


اجعلني حقاً,


واجعلني عدلاً ووفاء.


ولا تقتلنى يوما.... بسهم دمعة رثاء..


. أندم يوما بها على العطاء


امـــــــــين

Friday, November 23, 2007

اخــــــــر كلام... ماذا بعد الـحـــــب


صباح الخير

على فكره ده اخر جزىء فى الكلام فى الحب

ويارب نفهم بقى

لحسن انا قربت احس انى برنامج ربات البيوت

وقربت احس ان انا الاستاذه صفيه المهندس

المهم

من اجمل الاشياء الى لفت نظرى

ان اخر كلمات الرسول صلى الله عليه وسلم

كانت التوصيه بالنساء

فقد قال صلى الله عليه وسلم وهو فى رمقه الاخير وذاهب للقاء ربه


(استوصوا بالنساء خيرا)


صلوات ربى وسلامه عليك ياسيدى يارسول الله

سمعنا واطعنا يا حبيب الله

انا ارى ان هذه الجمله كانت موجه خاصة للازواج

وكان يوصيهم صلى الله عليه وسلم بزوجاتهم

لانه لم يقل الامهات.. او البنات... او الاخوات..
هدخل فى الموضوع على طول علشان محدش يخنقنى
.

يحدث.. كثيرا.. أن تتصرف المرأة بشكل لايفهمه الرجل

ليس فقط في مجال العلاقات الزوجية بل حتى في علاقة الأخ مع أخواته..
أو الفتى مع أمه

يحبط الرجل كثيرا من بعض مواقف المرأة ..ولكن لو عرف السبب لبطل العجب..
فالمرأة تتصرف بناء على ما يمليه عليها قاموس طباعها اللذي يختلف كثيرا عن الرجل
هما يتفقان أحيانا فيصبحان كأنهما مخلوق واحد ويختلفان حتى تظن أن كل واحد منهما قادم من كوكب آخر

هناك خمسة أشياء لابد أن يعرفها الرجل عن المرأة...حتى يستطيع التعامل معها بشكل صحيح..

لتجنب المشاكل والفتور التي تمر بها علاقتهما

يفاجأ الرجل كثيرا.. عند دخوله المنزل.. بأن زوجته تتحدث بإسهاب عن تعبها في ملاحقة الصغار.. لتنظيفهم.. وعن خراب المكنسة الكهربائية عندما بدأت الكنس.. وعن انتهاء أنبوبة الغازتتحدث عن هذا كله وأكثر بصوت يغص بالشكوى والتذمروطبعا الزوج المسكين.. يظن أنها تتهمه بالتقصيرفيلجأ إلى أحد أمرين
.. أحلاهما مــر.. بالنسبة لها
ـ أما أن يرد لها الصاع صاعين .. مدافعا عن نفسه
ـ وإما أن يخرج ويترك لها الجمل بما حمل
ثم تفتح المسكينة فاها دهشة لهذا التصرف الغير مبرر..


وتبدأ المشاكل والاتهامات
مالا يعرفه الرجل في هذه الحالة ..

هو أن المرأة لاتتهمه وإنما هي تفضفض له فقط عن إحباطات يومها..
وكان من المفترض أن ينصت لها قليلا ثم يحوطها بذراعيه..

ويهمس: أعرف كم تشعرين بالإحباط ياعزيزتي وأقدر لك كثيرا اهتمامك
سوف يفاجأ الزوج بعدها بزوجته تهمس له وكأنما ضربتها عصا ساحرة:

ولا يهمك ياحبيبي.. كله يهون من أجلك
صدقوني.. هذا ما سيحدث بدون مبالغة

يلاحظ الزوج أن زوجته الحبيبة تقدم له باستمرار مايطلب وما لايطلب.. مع ابتسامة عذبة ناعمة..
بدءا من تجهيز طعامه وانتهاء بتحضير ملابسه المكوية المعطرة عند خروجه من الحمام

ولكن بعد فترة.. قد يلاحظ الزوج النبيه أن مستوى الخدمات الفندقية لايزال كما هو..
مع حلول تكشير معتبرة بدلا من الابتسامه ويصدم بالتغير..
مالذي حدث.. ليه.. ماكنا كويسين
وعند المصارحة..

تظهر له أسباب تافهة.. لم تكن في حسبانه.. أطمئن الزوج العزيز أن هذه الأسباب ليست هي مربط الفرس
وإنما الحقيقة التي لايعلمها الرجل عن المرأة .
.هي أنها تعطي بلا مقابل بابتسامة عذبة أولا..ثم صفراء .. ثم سوداء ..
ثم تكشيرة والسبب أنها فطرت على العطاء التلقائي
وليست كالرجل يكتفي بإعطاء مايظنه مهما أو مسؤولا عنه فقط وبعد فترة من العطاء..

تحس المرأة بأنها مستنزَفة.. مستغَلّة من قبل الجميع وغير مقدرة العطاء..
فتستمر في العطاء.. وبداخلها مشاعر غيظ مكبوته وهذا سر التكشيرة..


يبادر الرجل عند رؤية هذه الأعراض بتجنب المصارحة والخروج من المنزل
ومالا يعرفه الرجل.. هو أنه لاينبغي عليه المصارحة في مثل هذه الحالةعليه أن يحاول إراحة زوجته..

و مساعدتها في بعض أعمال المنزل
وهذه الأخيرة صابونة مطهرة لمشاعر الغيظ.. وليبين لها أنه يريدها أن ترتاح..
ويحمل عنها بعض الهموم
وهذه الحكاية.. تحصل حتى للبنات في بيوت أهاليهن.. بالذات البنت الكبيرة
وهذه اللفتة الكريمة من الزوج المصون.. ستقلب الوضاع رأسا على عقب

يحدث بعد فترة أن يلاحظ الرجل أن المدام تغيرت كثيرافهي شاردة الفكر دائما تحب العزلة.. صامتة.. على غير العادة
وقد يلجأ البعض للمصارحة.. لكن المرأة تمعن في الصمت أو تصرخ في وجه الرجل: أنت لاتحبني..
عندها يستشيط المسكين غضبا على ناكرة الجميييييل ويخرج تارك المنزل..


عزيزي الرجل.. هذه الحالة.. طبيعية جدا.. هي دورة طبيعية عاطفية شبه شهرية تمر بها الكثير من النساء
مالا يعرفه الرجل.. أن كثيرا من النساء.. تعودت كثيرا على الحب ولديها خوف مجهول مبطن من النبذ وعدم القبول

وهي تمر بفترات صعود عاطفي..

تعلو بها موجة القبول والحب وأحيانا تغوص بها موجة الخوف..

والشعور باليأس إلى قاعه البئرفتصبح كئيبة منعزلة
تخجل المرأة كثيرا من التصريح للرجل بهذه المخاوف..

وتلوذ بالصمت مما يطحن معدة الرجل عليه في هذه الفترة أن يراعي.. مزاجها المحترم..

و أن يدللها كثيراويعطيها الحب..

حتى تخرج من هذه المرحلة بسلام وتعلو به الموجة مرة أخرى إلى رأس البئر

وتستمر هذه الفترة عند النساء من يومين إلى سبعة أيام



تحتاج المرأة للعناية.. والاهتمام..

إن سؤالا بسيطا مثل: انتى اتغديتى كويس؟؟

او أنتي متأكدة أنك اخدتى حبة الدواء؟

مثل هذه الأسئلة لو طرحتها المرأة على الرجل لملأت صدره قيحا لأنها تحسسه بنقصه.. وعدم قدرته
لكن هي تحتاج لمثل هذه الأسئلة السخيفة في نظر الرجل


لأنها تحسسها باهتمامه بها وحرصه عليهافحينما تحس باهتمامه تعطيه الكثير


يحس الزوج بجرح كبير حينما تناقشه زوجته وكأنها تحاسبه أنت داااائما لاتتحدث معي,

نحن لم نجلس مع بعضنا أبدا..

أنت لاتقدرني على الإطلاق ..

مالا يعرفه الرجل أنه في الوقت الذي يحاول فيه أن يتحدث فيه عما يراه بالتحديد

فإن المرأة تجهل أسلوب التحديد والدقة هذا وتميل للتعميم..

هي لاتقصد ماتقول لكنها تنظر للأمور بطريقة إجمالية ينقصها التحديد

كما أنها غالبا لاتفكر فيما تريد أن تقوله إلا بعد أن تبدأ الحديث

بعكس الرجل الذي قد يصمت كثيرا قبل الكلام.. لأنه لايقول إلا ماجهز له لذا نقول للرجل.. لاتتضايق..

فالمسألة عادية جدا .. وتقبل طريقتها في الكلام
فهذه موهبة من بها الله عليك..ليختبر صبرك.. وحلمك

ولو حاصرتها في زاوية ضيقة من النقاش فستعترف لك بأنه لاتقصد دائما, إطلاقا.. بل بعض الأحيان..
ولو حاصرتها أكثر فسقول نادرا..

ثم.. أقص هذه المرة فقط
لاعليك.. تقبلها كما هي.. وستعطيك الكثير

مع خلاص تنمياتى بحياه ترضى الله عنكم

ويجعلها تجنب لك ابطلا كصلاح الدين و عمر ابن الخطاب

وتنجب لك بنات كامنا عائشه والسيده مريم عليها السلام

ويجعلك انت سبب فى دخولها الجنه وسبب لرضى الله عنها

تحياتى

Friday, November 2, 2007

كـــــــــــــلام....... فـــى الحــــــــــب......2



صباح الخير
احبكم جميعا فى الله
وابدا حديثى بالشكر والامتنان لكل من فادنى
بتعليقه على الجزىءالاول من هذا البوست
كلام فى الحب
كنت ناوى ابدا بمقدمه
عن حب النبى صلى الله عليه وسلم لزوجاته
ووفائه صلى الله عليه وسلم لامنا خديجه رضى الله عنها حتى بعد وفاتها فكان صلوات ربى وسلامه عليه يبر صحبيبات خديجه.... ويهديهن الهدايا اكراما لذكرى زوجته وام بناته الحبيبه
كما انه صلى الله عليه وسلم كان يصرح بحب امنا عائشه رضى الله عنها وارضاها
فكانت اصغر منه سنا وكان يعملها على قدر سنها
فكان صلى الله عليه وسلم يسابقها او يقيم مسابقه ويتنافسون فيه للترويح عنها
وكان يدللها باسم غير اسمها من باب التدليل واظهار المحبه فكان يقول لها يا عائش وكانت تحب هذا منه وامثله كثيره جدا له فى بيته صلى الله عليه وسلم
دى مش المقدمه دى مختصر عشر اضعاف المقدمه لان الموضوع طويل عليكم وحبيت انهيه انهارده
نكمل الحديث وناتى لنقطه


بـــرود الحــــــــب
او ما يمكن ان نسميه الخرس العاطفى حتى اننا من اول وهله
ممكن ان نحكم على شخصين بانهم ايما متزوجين او مرتبطين
نتجيه جفاف حلق وصدر كلا منهم عن جميل الكلام اللذان
كان يبرعا فيهم فيما مضى
او
برود الحب في الحياة الزوجية
وعلاجه أن يحب كل من الزوجين الزوج الآخر من جديد
، نعم الحب فعل إرادي
، لكن الكثير من الأزواج والزوجات الذين هم في حالة برود وفتور عاطفي في حياتهم الزوجية يجدون صعوبة في أن يحبوا الطرف الآخر من جديد حتى لو أرادوا ذلك وحاولوه
، إن قلوبهم لا تطاوعهم في ذلك ،
وإذا حال شئ بين المرء وقلبه فقد الإنسان قدرته علي توجيه مشاعره الوجهة التي يريدها،
. لكن ما الذي يمكن أن يشكل جداراً يحول بين الإنسان وبين أن يحب من يريد حبه وبخاصة في الحياة الزوجية ؟
إن الحائل إما أن يكون إصابة شديدة في الإعجاب حولته إلي نفور
، وإما أن يكون إصابة في الامتنان حولته إلي غيظ وغل وعداوة مخبوءة أو ظاهرة ،
وهذا يعني أن إزاحة العوائق من وجه الحب بين الزوجين تقتضي التخلص من النفور والتخلص من الغيظ والغل والحقد والعداوة قبل أن يكون بمقدور الزوجين أن يحب أحدهما الآخر


الحـــوار الثنائى او الزوجـــــــي


والمشكلة في الحياة الزوجية تكون في كثير من الأحيان في جهل كل من الزوجين بما ينفر الزوج الآخر منه أو بما هو سبب الغل والحقد والعداوة لدي الطرف الآخر نحوه ،
وهذا يعني أنه قبل كل شئ لا بد من جلسة أو أكثر بين الزوجين يستمع فيها كل منهما إلي الآخر استماع من يريد أن يفهم وجهة نظر الآخر ليري :
لعل الحق معه فيها ،
وليس استماع من يريد الدفاع عن نفسه ورد التهم عنها ،
وإثبات أنه ليس مخطئاً وأن كل الخطأ هو خطأ الطرف الآخر ،
إذ في هذه الحالة تنعدم المحاولة لفهم الطرف الآخر ،
وبالتالي يستحيل أن يفهم كل منهما الآخر ،
وبالمقابل فإن علي كل من الزوجين عندما يحكي للآخر شكواه أن يتجنب لوم الآخر ،
وأن يتجنب اتهام الآخر ،
إذ الهدف من بث الشكوى إنما هو جعل الآخر يفهم معاناة الأول ،
ويدرك دوره فيها كي يغير من نفسه أو من سلوكه ،
حتي تنتهي هذه المعاناة ،
وليس الهدف ومعاقبته علي ما ارتكبه في حقه؛
محاكمة الطرف الآخر ،
صاحب المعاناة ويتم ذلك بأن يقول صاحب الشكوي للآخر :
عندما فعلت كذا وكذا شعرت أنا بكذا وكذا ،
وهذا أسلوب يحقق التعبير عن المشكلة دون الاتهام واللوم للآخر ،
إذ الاتهام واللوم يجعل الآخر دفاعياً وليس مستمعاً يريد الفهم . إن هذه المصارحة في إطار من الرحمة ،
كثيراً ما تحقق التغيير ،
فيقوم الطرف الآخر بتغيير ما يستطيع تغييره في نفسه كي يستعيد بعض إعجاب الزوج الآخر به ،
ويقوم بتغيير سلوكه الذي كان يسئ فيه للطرف الآخر بوعي أو دون وعي .
أما ما لا يستطيع الطرف الآخر تغييره في نفسه من طباع مثلاً ،
فلا بد فيه للطرف الأول من التقبل لهذه الطباع التي لا يحبها في زوجه ،
ولا بد له من تقبل العيوب الخلقية الجسدية التي من العسير أو المستحيل تغييرها ،
فالتقبل يمهد الطريق للحب ، والحب يؤدي إلي مزيد من التقبل .
وتبقي لدينا مشاعر الغيظ المتراكم في النفس بسبب إساءات سبقت ومضت ، فتحولت إلي حقد وغل وعداوة ،
وبخاصة أن المرء تجنب في عملية المصارحة توجيه اللوم والاتهام للطرف الآخر ،
إن هذه المشاعر الدفينة في النفس لا تذهب ولا تزول وحدها ،
ولا يستطيع الزمن وحده أن يمحوها من النفس ،
قد تتمكن النفس من إزاحتها عن دائرة الشعور والوعي لكنها لن تتمكن من النجاة من تأثيرها في مشاعرها وعواطفها ،
ومهما خبأها الإنسان فستبقي جداراً يحول بين المرء وحب الزوج الآخر حتى تزول ويشفي الله صدره منها


وهناك طريقتان للخلاص من تركمان الحقد والغيظ وهما

الأولي هي الانتقام والعقوبة التي تحقق العدل فتريح النفس
وتزيل منها مشاعر الغيظ والحقد والعداوة المتراكمة ، وواضح
أنه لا مجال لمثل هذه الطريقة في حياة زوجية نسعي
إلي إعادة المودة والرحمة إليها

!!!!! .
اما الطريقه الاخرى فهى المسامحه والعفو والغفران من
اعماق القلب؛ لا المسامحه بالعقل واللسان فقط ؛وحتى
تكون المسامحه والعفو من اعماق القلب لا بد ان يتذكر
الانسان انه هو المستفيد الأول منها ، وأن الله يعوضه عما لقي من
الإساءات لأن الله دعانا إلي
المغفرة حتى للكفار المعاندين
ووعدنا بالثواب عليها ، ومستحيل أن يكون ذلك حباً
لهم بل هو من أجل أن تتخلص نفوس المؤمنين من مشاعر
مزعجة للنفس ، فيكون بذلك عفوا
وغفروا وسامحوا أنها
مسامحة في سبيل الله... ترضي الله وتريح النفس ، ولا خلاف في أن
الزوج أو الزوجة أولي بها من الكفار أو الغرباء ، ذلك
أن الأقربين أولي بالمعروف
إن التصرف المثالي عندما نتلقى إساءة ممن نحب هو كظم غيظنا الذي لا بد
أن يثور في نفوسنا ، لكن هذا الغيظ لو بقي فيها فإنه
يتراكم ويتحول إلي غل وحقد ،
وقد ننساه لكنه باق في النفس ليحول بيننا وبين حبنا للزوج أ والزوجة ،
لذا لا بد أن يتبع كظم الغيظ عفو عن الإساءة وذلك بعد مرور بعض الوقت وهدوء النفس والمشاعر ،
والمرحلة الأرقي والفعالة جداً في التأثير في الزوج ( أو الزوجة ) الذي أساء ،
هي الدفع بالتي هي أحسن ، أي الإحسان إليه بإخلاص ومن القلب رغم إساءته وهذا مستحيل ما لم يسبقه العفو والمسامحة ،
لذا عندما امتدح الله المتقين قال عنهم
:
بسم الله الرحمن الرحيم
( وسارعوا إلي مغفرة من ربكم وجنة عرضها السماوات والأرض أعدت للمتقين * الذين ينفقون في السراء والضراء والكاظمين الغيظ والعافين عن الناس والله يحب المحسنين )صدق الله العظيم. [ آل عمران : 133 – 134
إذن (الكاظمين الغيظ )
وبعد كظم الغيظ ( والعافين عن الناس )
وبعد العفو دعوة إلي الإحسان إلي المسئ ،
أي إلي الدفع بالتي هي أحسن ( والله يحب المحسنين )
وليس اولى من الزوج والزوجة بهذه المعاملة ،
وإذا قدرنا عليها عاد الحب إلي الحياة الزوجية بعد غياب .
وحتى يكون العفو والمسامحة من أعماق القلب يحتاج الإنسان إلي تكرار هذا العفو بلسانه
وفي غياب الطرف المسئ مراراً وتكراراً ،
إذ التكرار باللسان مع محاولة الشعور بما يقوله اللسان يجعل الأمر يصل إلي أعماق القلب ليطهره مما فيه


اعتذر عن التطويل.... وسامحونى فى التقصير... علما بان كل ما قد سبق هى وجه نظر شخصيه قد يشوبها كثير من النقص والجهل وقله التقافه لكن هذا ما اعلم والله سبحانه وتعالى اعلى واعلم
اشكر لكم صبركم على المتابعه
وبس

Tuesday, October 23, 2007

كــــــــــــــــــــــــلام...فى الحـــــــــب


صباح الخير
والله وحشتونى جدا جدا
واشهد الله انى احبكم فى الله
وعلى ذكر الحب

انا عاوز اتكلم معاكم فى الحب
مين فينا محبش؟
مين مغرقش فى الحب لشوشته؟
مين متعذبش من الحب؟

اعتقد ان الشخص الى مدقش طعم الحب دى شخص محتاج علاج
وعلاج مكثف كمان

انا مؤمن بالقول المشهور
(انا بالحب عرفت نفسى * وبالحب عرفت الله)
حتى ربنا سبحانه وتعالى بيحب وبيتحب
اه والله رب العزة بيحب وبيتحب
فى الحديث الشريف قال رسول الله صلى الله عليه وسلم
(ان الله يحب اذا عمل احدكم عملا ان يدقنه )
يبقى بيحب اهو
وفى ايات كتير عن حب الله لعباده....مثلا
بسم الله الرحمن الرحيم
(فسوف ياتى الله بقوم يحبهم ويحبونه * اذله على المؤمنين اعزة على الكافرين* يجاهدون فى سيبل الله* ولا يخافون لومه لائم*ذلك فضل الله ياتيه من يشاء) صدق الله العظيم
بسم الله الرحمن الرحيم
(إنَّ الله يُحبُّ التَّوابين ويُحبُّ المُتطهِّرين (
صدق الله العظيم
كما ان حب الله ليس مثله حب فعندما يحب الله يحبب الخلق فى حبيبه مثال

عن أبي هريرة رضي الله عنه عن النبي صلى الله عليه وسلم قال :
" إذا أحب الله العبد نادى جبريل إن الله يحب فلاناً فأحببه فيحبه جبريل فينادي جبريل في أهل السماء إن الله يحب فلاناً فأحبوه فيحبه أهل السماء ثم يوضع له القبول في الأرض "
صدق رسول الله صلى الله عليه وسلم

من هنا نعلم ان الحب خلق مشروع ومحمود وليس شيا نخجل منه ان نخفيه
ان الله سبحانه اعلن حبه لعباده
وطلب من عباد ان يعلنوا لبعض حبهم لبعض
فعلى كل شخص ان يعلم حبيبه انه يحبه فى الله

دى كانت المقدمه
ندخل بقى فى الموضوع الى ممكن ياخد عده حلقات

اولا ايه هى اســـــــــس الحـــــــــب :-
؟؟؟؟؟
يقوم الحب علي أساسين هما : الإعجـــــاب ...والامتــــنان
، والإعــــجــــــاب
هو الانفعال ، وهو الشعور الذي لا يد لنا فيه ، إذ نحن
مفطرون علي الإعجاب بمن تتجسد فيه الصفات والخصال
التي نراها مثالية ونقدرها كثيراً ، أما الانتقال من الإعجاب
إلي الحب فإنه فعل إرادي ، وبأيدينا أن نحب
( حب الرجل للمرأة ، وحب المرأة للرجل )،
ذاك الذي أعجبنا به، وبأيدينا
أن نبقي في مرحلة الإعجاب إن كنا نعتقد أن حبنا لهذا
الشخص أمر غير متناسب مع ظروفنا وسيكون شيئاً يصعب عيشه بكل مقتضياته وبكل ما يترتب عليه عادة ،
أو إنه حب لا حاجة لنا به إذ لدينا محبوب آخر ملأ علينا دنيانا العاطفية فاستغنينا به عن غيره

.
والامتـــــــــــنان
هو الدافع الثاني للحب والمقصود هنا امتنان المحب
للمحبوب علي ما تلقاه منه من خير يلبي رغبته وحاجته ،

لكن هنالك اختلاف بين الحب المتولد من الإعجاب والحب المتولد من الامتنان .

الحب المتولد من الإعجاب يكون رومانسياً ، أما الحب المتولد
من الامتنان فهو حب هادئ سماه علماء النفس ( حب
الصحبة ) ، وفي الحياة الزوجية يمهد الحب الرومانسي
الطريق لحب الصحبة الذي يدوم عادة حتى النهاية .

والسؤال:- هــــل اذا ولد الحب.... ممكن ان يموت؟؟؟

تبدأ زيجات كثيرة عادة بحب عظيم ورومانسية طاغية، ولكن
مع مرور السنين يفتر الحب في بعض الأسر ، وتصبح
العلاقات بين الزوجين باردة لا يظهر دفء فيها وقد غادرتها
الرومانسية
،
وحتى الجنس فيها تحول إلي روتين لا بهجة فيه ، وربما
ضعفت رغبة كل من الزوجين في الآخر ،

وربما انعكس ذلك علي قدرتهما علي الأداء والتفاعل ،

وهذا الوضع لا يريح الزوجين اللذين ارتبط مصير كل منهما بالآخر ،

وصار من المستبعد أن يفترقا وبخاصة بعد مجيء

عدد من الأطفال لا ذنب لهم


كمــــا ان
بعض الأزواج والزوجات يظن أن الحب في حياتهم الزوجية قد
توفاه الله ، ويستسلم إلي الحالة التي وصل إليها ، وتمضي
سنون كثيرة وهم علي هذه الحال ، ذلك أنهم يظنون أن الحب
انفعال وتأثر ، وطالما أنهم لا يشعرون به فإنه لا مجال لفعل
شئ .. ويجعلون الذنب ذنب الطرف الآخر الذي لم يبق محبوباً
كما كان من قبل ، وإن كان هنالك ما يمكن فعله فهو واجب
الطرف الآخر وعليه وحده تقع المسؤولية وهو
وحده عليه أن يتغير ليعود محبوباً كما كان

أما الأزواج والزوجات الأكثر قدرة علي فهم نفسية الإنسان
فيعلمون أن الحب فعل إرادي وقرار يتخذه المحب وليس انفعالاً
سلبياً يكون فيه المحب متأثراً ، لا قدرة له علي المقاومة ولهذا
أُمرنا في ديننا أن نحب الله ورسوله أكثر مما سواهما ، وأمرنا
أن نحب صحابة الرسول وأهل بيته ، ولو كان
الحب انفعالاً لا يد لإرادتنا فيه ، لكان في أمر ديننا لنا بحب
أشخاص معينين تكليفاً لنا بما لا نطيق

انا طولت عليكم طيب كفايه كده المره دى ونكمل المره الجايه

انتــــــظرونــــى .

Saturday, September 22, 2007

مــــا قــــدروا الله ...حــق قــــــدره




يحكى انه كانت فأره...عشقت جمل
ولما اشتد بها الشوق ...ذهبت اليه
وشاغلته...فمال لها الجمل
وذهب معها الى بيتها
وحين وصلا الى بيت الفأره
هى دخلت البيت
ودعت الجمل للدخول !!
فوقف الجمل على باب بيتها
وقال لها : ياهذه إما ان تتخذى بيتا يليق بمن تحبين
او تتخذى حبيبا يليق ببيتك
وتركها وانصرف
انتهت قصتى


والكلام لك يا اخى ويا اختى
يامن لاتحسن صلاتك
يامن لا تطمئن فى صلاتك
يامن لا تخشع فى صلاتك
يا من تسرح وتشرد فى صلاتك
اقول لك إما ان تصلى صلاه تليق بالاهك
او اتاخد لنفسك الها يليق بصلاتك الناقصه

وانهم كثير اتخذ قرد او بقره او انسان او صنم او شيطان
سيفرحوا بصلاتك هذه جدا وتقنعهم جدا على هذا النحو الناقص
اما رب العزة فلا يليق به الا كل كمال
وانت يا من تعتقد ان ربك لايستطيع الا ان يرزق طفل واحد او اثنين
وتظن فى ربك ظن السؤ بانه فقير لا يستطيع الانفاق الا على مولود واحد او اثنين
وانت يامن تعتقد انك اذا زكيت وانفقت سيصيبك الفقر ويقل مالك
وانت يامن تعتقد ان ربك ياتى بالشفاء فقط فى المستشفى الخاص
وانت يامن تجعل الاهك هواك
انتم جميعا إما ان تعتقدوا عقيده تليق بالاهكم
او اتاخذوا الها اخر يليق بعقيدتكم الفاسده المشوهة

اخوانى
التغيير حتمى.....واساسى...وليس ببعيد
يجب ان نتغير الان وليس بعد قليل
يجب ان يغير كلا منا نفسه الى ما يرضى ربه
لا كما يرضى هو ..او يرضى هواه
يجب ان نتذكر جميعا اننا مجرد عبيد
نعم انا وانتم كلنا عبيد ابناء عبيد
ويجب ان نحيا حياه العبيد فى طاعه وخدمه سيدنا وربنا
اخى هل تعلم اننا لسنا اول من يتغير


فهناك امثله مذهله للتغيير وساسوق اليك بعضها
اخى هل تذكر سحره فرعون
حين جمعهم فرعون ليقهروا موسى بسحرهم وخبرتهم
جاء السحره لفرعون وقالوا له
(
ان لنا لاجرا ان كنا نحن الغالبين*قال اجل ونكم اذن لمن المقربين)
انظر ما يعنيهم... الاموال فقط هذا دليل على سؤ الخلق
ماذا قالوا ؟
قالوا

( بعزة فرعون انا لنحن الغالبون

انظر بمن يقسموا بعزة فرعون .... عقيده فاسده
ولكن بعد ان القوا حبالهم وعصيهم والقى موسى ماذا حدث
امنوا نعم امنوا وقالوا
(امنا برب موسى وهارون)

ليس هذا فقط
بل كانوا اعزاء بدينهم وقالوا
(لن نؤثرك على ما جائنا من البينات
)
ليس هذا فقط... بل اصبحوا دعاه وهداه فى دينهم وقالوا
(انه من يات ربه مجرما فان له جهنم لايموت فيها ولا يحى )
يالله.....
فى دقائق تغيروا من اقصى اليسار الى اقصى اليمين لم يسلموا فقط
ولم يفخروا بدينهم فقط ويتحدوا به فرعون فقط
بل تحولوا الى علماء ودعاه لدينهم
الله اكبر
هذا هو التغيير...هل لازلت ترى ان التغيير صعب ومرهق وشاق
هذا مثال اخر
مارئيك فى الشياطين
كان الشياطين يخرجون الى الفضاء يسترقون السمع
(انا كنا نقعد منها مقاعد للسمع
)
حتى جاء نبينا محمد صلى الله عليه وسلم فاصبح هناك شهاب يطرد كل شيطان يحاول ان يسترق السمع
(
فمن يستمع الان يجد له شهابا رصدا)
ورجعوا الى ابليس سيدهم واشتكوا له فقال لهم سيحوا فى الارض واعلموا
ما السبب
فذهب بعضهم الى بطن مكه واستعموا الى رسول الله صلى الله عليه وسلم يقرا القران
ماذا حدث؟؟؟؟؟
عادوا لابليس وقالوا له

(انا سمعنا قرنا عجبا يهدى الى الرشد *فامنا به*ولن نشرك بربنا احدا)
امنوا ليس فقط امنوا بل اصروا على عدم العوده للكفر وواجهوا ابليس سيد الشياطين
وهم.... من هم ؟ ؟ انهم الشياطين!!!
هل لا زلت تصر على صعوبه التغير؟؟؟؟؟
اليك اخر الامثله
كان عمر بن الخطاب من اقسى الناس على المسلمين فى الجاهليه
وكان عمرو بن الربيعه مسلم وكان عمر يؤذيه ويؤذى اهله
حتى فى يوم استقر على الهجره للحبشه
وعند مرور عمر من امام بيته وجد امرأه عمرو بن الربيعه تحمل حجياتها للهجره فسالها عمر الى اين قالت نفر بانفسنا وديننا الى الحبشه
فرد عليها عمر : فى امان الله
فاستغربت المرأه من رد عمر
وحكت القصه لزوجها
فقال لها : ماذا يدور فى بالك والله لو اسلم حمار الخطاب ما اسلم عمربن الخطاب
عمر هذا كان يقضى الليل يعبد الها قد صنعه من العجوة فاذا اصبح اكل هذا الاله
هذا الشخص اصبح فاروق الامه
وصهر رسول الله....وثانى الخلفاء الرشدين
واحد الشيخين... وباب الفتن الذى اذا انكسر هاجت الفتن فى الامه
اخى ضربت لك امثله للتغير بسحره فرعون وبالشياطين وبالكافرين
هل تجد تغيرك اصعب من هذه الامثله؟؟؟
اخى يجب ان نتعامل مع الله بما هو اهله لا بما نحن اهله
لاننا ببساطه عبيد ولا يليق بالرب ان نعامله بما هو اهل للعبيد
اعتذر للتطويل
هذا وان كان خير فمن الله وان كان تقصير فمن نفسى والشيطان
والحمد لله رب العالمين

Saturday, August 25, 2007

العصفور....... الاخضر




قلبى....ذلك العصفور الاخضر
ظللت اعلمه الطيران ...وادربه عليه
ظللت احذره من الفخاخ .. والشباك المنصوبه
لكنه ذات يوم غافلنى
وطار... وحلق بعيدا..رغما عنى
وقع فى شباك حبك الملونه
فاحكمتى من حوله .. واخذته منى
اخذته معك

....
وقمت بسجنه فى قفص من ذهب
ورحت تجزلين له العطاء .. وتثنين عليه..وتدليلينه
وانت فى الحقيقه تتلاعبين به
ولما وقع فى حبك...وسار رهن اشارتك
واحكمت السيطره عليه...رحت تهملينه

وحين رأكى تحضرين قفص اخر جديد ...
وتعدين شباكك... وخرجت فى رحله صيد
وعدتى بعصفور اخر اخضر جديد
اشتعلت الغيره فى داخله..لكنه سرعان ما ادرك انه اخطاء فى حق نفسه
حين اهمل نصائحى

وغرته ابتسامتك الملائكيه...والاعيبك الشيطانيه
واخذ يعد نفسه للتحرر من قيدك
رغم كل الهزال الذى اصابه من طول اهمالك وهجرانك له

اخذ عصفورى يتحين الفرصه للهروب من حبك الكاذب المخادع
وغافلك مره وانت تفتحين القفص الذهبى... بقصد التسلى به

وطار...طااار....
وعاد الى.. قلبى ذلك العصفور الصغير الاخضر
عاد الى الطائر الحزين
منهوك القوى ..مكسور الجناح...يشكون الانين
وظللت ادويه واطيبه واعالج جروحه
حتى اذا ما اشتد عوده
عدت من جديد تنصين له شباكك ذات الخيوط الملونه
لكنه وقد وعى الدرس... وذاق طعم الحريه
ابى.. ورفض

لكنه احب ان يكون صيدا فربما يوما
يقع فى يد الصياد الذى يقدر قيمته
ويحافظ عليه ويحيا من اجله
وان اخفق فقد تعلم درس جديد
يعلمه كيف يجد الصياد المناسب
قلبى ذلك العصفور الاخضر

Monday, August 20, 2007

واثق من نفسك.......ولا مغرور 2


صباح الخير




وصلنا فى البوست الى فات عند طريقه خداع العقل الباطن فاكرين ولا نعيد من الاول


نعيد من الاول؟؟


طيب يبقى فاكرين


مش عارف يا جماعه انتوا مال شفيفكوا مدلدله كده هو انا بتكلم لاتينى


طب اعمل ترجمه


طيب نكمل على الى قولناه المره الى فاتت




طريقه خداع العقل الباطن....




الطريقه ببساطه هى التحدث مع الذات
واحد هيقولى احنا هنخرف ولا ايه
لأ ياسيدى
انتوا عارفين...اينشتاين
اينشتاين... كان بيقف يكلم نفسه كل يوم قدامه المرايه لمده ساعه
ولما سالوة بيعمل كده ليه؟
قالهم لانى اتعودت اكلم حد ذكى لمده ساعه يوميا


ناس هتقولى.. الناس هتقول عليا لسعت....
خالص
انت هتكلم نفسك جواك...اه فى سرك يعنى
مش هتمشى تهرتل فى الشارع
مثال
حاول كده تقول
انا سعيد....! انا فرحان اوى.....انا فى منتهى السعاده

طيب خد بالك من احساسك هتلاقى نفسك ابتهجت
وكمان هتلاقى نفسك ابتسمت...صح... اهو
الحكايه ان اى حاجه بنكررها جوانا
عقلنا الباطن بيتصرف على اسسها
يعنى لو كررت كلمات وحشه زى.. انا تعبان.. وامكاناتى محدوده...ومش هنجح... وفاشل
عقلك الباطن هيتصرف على اساس المعطيات الى انت خزنتها فيه
بمعنى الى بيدور فى نفسك اكنك بتسجله على الهارد بتاعك والهارد ده هو العقل الباطن بتاعك
المقصود بالحبه دول انك لازم تملى عقلك الباطن بالمفردات اللغويه الى تحفزة على تدعيمك ودفعك لثقتك بنفسك وتنسى الالفاظ والمفردات الى بترجعك ورا
صعبه دى؟؟!

كمان فى نقطه مهمه جدا
دايما كانوا يقولوا لينا ماتقرنش نفسك بإلى اقل منك وقارن نفسك بلافضل
الكلام كويس بس فى حاجه

المبالغه فى المقارنه بلافضل ممكن تؤدى للاحباط واهتزاز الثقه
بمعنى مينفعش انا اقارن نفسى باحمد زويل
لكن اجيب مثال ممكن ومتاح... واقدر اكون زيه
ده بيسموة القدو
ة
انما انى اقارن نفسى بحد بعيد اوى ده هيضعفنى جدا وهيهزنى قدام نفسى وهبان محبط
لكن لو اصابك الاحباط يبقى فورا روح لحد اقل منك وناقشه واتكلم معاها علشان تعرف النعمه الى انت فيها
دى هيرجعلك ثقتك بنفسك بسرعه
دى برضه صعبه؟؟
!

كمان انت لازم تكافىء نفسك

لما تعمل حاجة كويسة وتحس إن إنت أنجزت.. كافئ نفسك..!!أيوه.. هات لنفسك بوكيه ورد..!اعزم نفسك على مطعم بتحبه..!هات هدية تكون نفسك فيها..!بس كده!!
مش جنان ولا هبل
الطريقه دى مهمه جدا ليه؟
مش هتحتاج تقدير من الآخرين لأن التقدير إنت هتديه لنفسك!العقل الباطن محتاج تقدير..وإنت هتديهوله.... الدوافع للنجاح هتكون بكده داخلية مش خارجية!الدوافع للنجاح لما بتكون داخلية بتكون أقوى وتأثيرها مستمر
درجة التقبل الذاتي هترتفع!هتقدر تتقبل نفسك أكتر وتتصالح مع ذاتك
الموضوع ببساطة ومن غير مصطلحات وكلكعة: لما تعمل حاجة كويسة كافئ نفسك..
دلع نفسك يعني!!ولا تهتم برأي الناس.. خليك فاكر إن رأي الناس فيك لا يدل عليك..
المهم هو رأيك إنت في نفسك..
وشوف النتيجة بنفسك.... بس كده
حاولوا كده تجربوا الحاجات دى وقوليلى ايه الاخبار
بس

Wednesday, August 15, 2007

واثق من نفسك.......ولا مغرور


صباح الخير
والله وحشتونى جدا
واقسم بالله انى احبكم جميعا فى الله


عاوز انهارده نتكلم فى حاجه شغلانى
ياترى حد قبل كده اتهمك بالغرور؟
طيب حد اتهمك بضعف الشخصيه؟
طب بلاش حد قالك ان شخصيتك مهزوزة شويه؟
طيب فى حد قليل الزوق جدا قالك انك عديم الشخصيه؟
احنا كتير بنحكم على ناس بانهم ضعاف الشخصيه
ونسميهم شرابه خرج......او نقول انهم دلدول....او امعه
او حتى خروف لو بنتكلم عن راجل ضعيف قدام زوجته القويه
طيب كويس
ايه الى يخلينا مندخلش فى الدايره دى
ايه الى يخلينا واثقين فى نفسنا.... وفى نفس الوقت مش مغرورين

احبابى الثقه بالنفس مكرمه وخلق حميد بيتحلى به الافراد بين الناس
وبيكون زى تاج يضيف كتيرا لمن يتحلى به
مش هطول عليكون احنا هنتكلم عن الثقه بالنفس وازاى يكون كل واحد فينا واثق من نفسه

.........
الاول لازم نعرف ان
الثقة في النفس مش ثابته وغالبا بتتأثر بالظروف اللي حوالينا …
يعني مثلا صحيت من النوم لاقيت الجو كويس ولاقيت
تقدير من (والديك- شريك حياتك- جيرانك…) ولاقيت الناس كلها مبتسمة في وشك..
أكيد هتشعر بالثقة وإنت نازل من بيتكم.. صح؟

لأنك هتحس إن لك دور مهم في حياة الناس دي…

لكن لو نزلت لاقيت واحد طرطش مية من الدور السابع وإنت ماشي في الشارع..
هيكون إحساسك إيه؟ هل ثقتك هتفضل زي ما هي؟؟


"أحمد" كان متعود يروح النادي كل يوم يلعب اسكواش..
وكان بيغلب كل منافسيه وكان ده مصدر فخره..
لكن في يوم حصلت له إصابة في الرباط الصليبي
والدكتور نصحه مايمارسش الرياضة دي تاني..
هل لما يقابل الناس اللي كانوا بينافسوه في الاسكواش,
هل هيتعامل معاهم بثقة زي الأول؟
كيف تزيد الثقة في ذاتك؟
أولا لازم نعرف إن الثقة دي مش ثابتة زي ما قلنا..
يعني الطبيعي إن ثقتك النهارده مش زي بكره مش زي بعده..
المعدل بيطلع وينزل.. ده الشيء الطبيعي..
اللي احنا بنعمله هو إن الثقة دي تبقى مرتفعة طول الوقت..
ممكن تنخفض شوية.. ساعتها تنفذ الخطوات اللي هنقول عليها دي

خطوات زيادة الثقة
..
ابحث عن نقاط القوة..
فيه حاجة ظريفة جدا مخنا بيعملها…لو فيه حاجة إنت متفوق فيها, غالبا بتحس إنها شيء عادي وبديهي بالنسبة ليك..
وإن أي حد ممكن يعملها..

فممكن ماتحسش إنها نقاط قوة عندك أساسا..
لي صديق اسمه "نادر".. كان متعود يكتب قصص ساخرة من واحنا في المدرسة..
وكان مستوى القصص دي رائع في رأيي..

طلبت منه انه يعمل بلوج وينشر فيه القصص بتعته وفضلت الح عليه علشان يواف…
عارفين عمل إيه؟!!

رفض قال إنه مش موهوب قوي وإنه مايستاهلش ينشر القصص بتعته للناس..
!! وقال إن دي فرصة أكبر منه
طبعا فضلت أزن على دماغه وأتبع إستراتيجيات التفاوض واقتنع في النهاية..

وافق ينزل قصه عند بلوج واحد صحبنا..

عارفين كانت إيه النتيجة؟
لما روحنا البلوج بعدها لاقيت الجميع معجبين بقصته وأسلوبه..
لحسن الحظ كان معايا "نادر" ساعتها وقرا كلام الناس عن أعماله أكيد متخيل الثقة اللي هو كان حاسس بيها… صح؟


عايز أقول إيه؟
اللي عايز أقوله هو إنك لازم تبحث عن نقاط القوة اللي عندك
ممكن تكون نقاط القوة دي حاجات إنت حاسس إنها عادية وإن ممكن أي حد يعملها
لو فيه نقاط قوة إنت عارفها أصلا.. ابحث عن غيرها..
ابحث عن الحاجات اللي إنت بتعملها عادي جدا
وممكن ناس كتير حواليك مش عارفين يعملوها.. اعرفها مهما كانت بسيطة اكتبها واقراها بتمعن.. عملية كتابتك ليها بترسخ المعتقدات دي في ذهنك أكتر
اكتب نقاط قوتك في ورقه فلوسكاب.. خذ وقتك وفكر..
ثم اكتب هذه الأشياء مهما كانت صغيرة في نظرك..
هل تنشر البهجة في قلوب الأصدقاء؟

هل تحب مساعدة الآخرين؟
ما هوايتك؟؟

ماذا تجيد؟؟

بماذا تتميز؟؟

اكتب كل هذه النقاط هنا لأنها ستساعد على إكسابك الثقة والقوةفي نقاط القوة
فيه قانون في العقل الباطن اسمه (قانون التركيز)..
القانون ده بيخليك لو ركزت على حاجة هتغطي على الحاجات التانية وهتنمو وتزيد
اوصف شخص إنت بتكرهه.. اكتب صفاته هنا


اللي حصل هنا؟

إنت بتكره الشخص ده فمركز على الجوانب السيئة اللي فيه..
في حين إن أكيد فيه جوانب كويسة.. أكيد يعني
..
عمره ما جامل حد؟؟

عمره ما ابتسم في حياته؟؟

عمره ما ساعد حد في حياته؟؟

أكيد عمل حاجات كويسة إنت عارفها بس الحاجات دي مش جاية على بالك
لأن (قانون التركيز) خلاك تركز على الجوانب السلبية بس..
بعد ما عرفت نقاط القوة اللي عندك, ركز انتباهك عليها..
خليها دايما في بالك وإنت بتتعامل مع أي حد أو في أي موقف في حياتك..
لما تركز في النقاط دي هتلغي نقاط الضعف اللي عندك…
لو "محمد علي كلاي" ركز على إنه مش عبقري زي "أينشتاين" كان أصابه الاكتئاب!!
لكنه ركز على نقطة قوته واللي خلته يتفوق في مجاله..
"I’m the greatest" ! لاحظ إن كلمته الشهيرة كانت:
مفيش حد كامل في الدنيا دي..
اللي عنده فلوس ممكن يكون ناقصه شخصية جذابة..
ممكن واحد عنده قصر يزعل إنه ماعندوش جزيرة..
واللي عنده جزيرة يزعل إنه ماعندوش اتنين..
واللي عنده جزيرتين ممكن يزعل عشان ماعندوش سلطة مثلا زي الملك الفلاني...
لو الناجحين بيفكروا كده ماكانوش اتقدموا خطوة...
ركز في اللي عندك وخليك مؤمن بيه وبقوته.. هيوصلك للثقة التامة في النفس..
لكن لو ركزت على نقاط ضعفك ده هيكون الحاجة اللي بتشدك لورا وتعيق تقدمك..
وتدمر ثقتك في نفسك..
الاختيار في إيدك إنت!
نقاط قوتك أهي
اقراهم بتمعن.. حطها في محفظتك -في درجك
في شنطتك أو علقها في غرفتك..

وجود النقاط دي أمامك وقراءتها بترسخ المعتقدات دي في ذهنك أكتر..

وارجع هنا اكتبهم تاني لو حبيت تعدل حاجة



التقديـــر


كلنا محتاجين للتقدير..

فاكر لما كانوا بيصفقوا لك في الفصل؟
فاكر لما نجحت وأهلك كانوا فرحانين بيك؟

إحساس رائع مش كده؟

كتير مننا الدافع الرئيسي وراء حياتهم هو البحث عن التقدير..
عايزين الناس تحترمنا -تفخر بينا- تعجب بينا طول الوقت.. صح؟

طيب..

ده شيء جميل جدا ومطلوب..


لكن فيه مشكلة بقى

..
ماذا لو لم تجد التقدير المطلوب بعد أن أنجزت شيئا مهما؟

ماذا لو توقف أحدهم عن تشجيعك ومساندتك؟
هل ستستمر في الإنجاز والنجاح بنفس الدرجة؟
هي دي المشكلة..

إنك بكده تكون ربطت نجاحك بظروف خارجية مالكش تأثير عليها..
بقيت كده عامل زي الريشة في مهب الريح..

تجيبك شمال تجيبك يمين..
!!مطرح تقدير الناس ما يوديك
لو توقف التقدير من الآخرين ممكن تتوقف عن الإنجاز
وتفقد الثقة في نفسك..

طيب إيه العمل بقى في المعضلة دي؟


فيه حل عبقري يعتبر خدعة للعقل الباطن..
عشان يخليك ماتحتاجش التقدير من الآخرين..
وزي ما إنتم عارفين, فيه طرق بنخدع بيها العقل الباطن
عشان يخلينا نحس بالأحاسيس اللي احنا نقررها..

هطل صح؟

إنتم لسه شفتم حاجة؟

طريقة خداع العقل الباطن كي نتوقف عن طلب التقدير الذاتي من الآخرين:
الطريقة دي بسيطة جدا وهتخليك يبقى عندك اكتفاء ذاتي من التقدير
ومش هتكون محتاج تشجيع طول الوقت من حد..الطريقة بسيطة جدا وممكن تستهيفها..
لكن مش ممكن تتخيل مدى تأثيرها.. الطريقة دي هي

:
إيه ده؟

أنا طولت عليكم..

نكمل المرة الجاي;

Thursday, August 2, 2007

ســـــؤال.......اخيـــــــــــر




جلست كثيرا افكر ...فيكى
وعددت مميزاتك الكثيره...الكثيره
وعاينت جمالك وحسنك بانبهار
وشرعت فى اختراع عيوبا....ليست فيكى
انسبها اليكى.....كذبا عليكى
اشبهك بمن لايمكن ان يكونوا اشباهك

اه ماحلى الحديث عنك
وما اجمل ان تكونى انت موضوع الساعه


واسال...فيما احبك...؟

فيقفز الف ..الف..... جواب
فهذا يقول...لانك اجمل من رائت عينى
وهذا يقول...لانك ملخص كل النساء
وهذا يقول...لانك انت المعادله المستحيله فى هذا الكون
ورابع يقول ...واخر يقول

واعـــرف......اعرف وحدى الجواب
لان الصــباح جمـــــــــيل......احبك

لان اللـــــــيل طـــــــــويل......احبك

لان العـــــــــــــــيون تدمع......احبك

لان الـــــــــــقلب يخفــق......احبك

لان الــــــــــــروح تهفو......احبك

لانك لولا احبك ما كنت انا...ولا كانت نفسى

فحبك وجهتى حين انوى الرحيل
وحبك ارضى حين تطردنى ارض الغربه
وحبك امطارى حين يقتلنى العطش
وحبك درعى وسيفى
الذى انتقل به من الممكن الى المستحيل

احـــــــبـــــــــك......
فـــــهـــــــل هـــــذا يعنــــــيكـــــــــــــى....؟؟



Saturday, July 21, 2007

سوء....تفاهم



صباح الخير
يحكى انه كانت سيده مسنه
فى العقد الخامس من عمرها
كبر اولادها من تزوج... تزوج... ومن سافر.... سافر
وبنتها مقيمه فى احد المحافظات القريبه منها
فى ذات يوم وفى فصل الشتاء
ارسل لها ابنها دعوة لزيارته فى البلد البعيد
الدعوة تشمل تاشيره الدخول وتذكره ذهاب وعوده
ترددت المرأه التى لم تبرح بلدها ابدا
واخيرا قررت السفر... ترى ابنها... وتستمتع بجمال الريف الاوروبى
اتصلت بشركه الطيران... كى تاكد ميعاد الحجز
وحضرت الحقائب
وفى يوم السفر
انطلقت للمطار... قبل موعد الطائره بوقت كافى
وانتظرت فى صاله السفر رقم واحد حتى ينادى المذيع الداخلى
على ركاب الطائره
واثناء انتظارها قررت شراء مجلات وجرائد تتسلى بها
ذهبت الى المكان المخصص لذلك فى داخل الصاله
واخذت كيس من الحلوى التى تحبها كثيرا
والجرائد والمجله
ثم اخرجت من الشنطه ..النقود ... ووضعت المفاتيح
ثم عادت لنفس المكان تنتظر وبجانبها حقيبتها
وجلست تطالع المجله
...
وتمد يدها لتاخد قطعه من الحلوى
نظرت بطرف عينها فاذا ببنت صغيره
اثنى عشره او ثلاثه عشره سنه
كانت تجلس بعدها بمقعدين
اى بينهما مقعد فارغ تضع السيده عليها حقيبه يدها
كلما اخذت السيده قطعه حلوى سارعت البنت واخذت قطعه
فتنظر اليها السيده نظره بابتسامه رضا
وكلما اخذت قطعه حلوى اخرى..
سارعت البنت باخذ قطعه مقابلها
بدات السيده فى الضجر
فتتاخر فى اخذ قطعه جديده
فلا تمد البنت يدها
حتى تاخذ السيده بعد طول انتظار قطعه حلوى
فتسارع البنت باخذ قطعه هى الاخرى
فتنفست السيده نفس فيه بعض الضيق

واخذت تقرا فى المجله والبنت تجلس بجانبها فى ابتسامه هادئه
حتى اخذت السيده قطعه حلوى .. بتالى اخذت البنت قطعه
فلم يبقى فى الكيس الا قطعه واحده فمدت البنت يدها
واخذتها قبل السيده
وهنا نادوا على طائره السيده
فلملمت حاجياتها وسحبت حقيبتها بعد ان رشقت البنت بنظرها معروفه
ردت عليها البنت بالنظرتها الهادئه السعيده
ودخلت السيده مكان الوزن والتفتيش فى المطار
ثم الى الباص الذى يحملها للطائر
وفى الطائره... قابلتها المضيفه بابتسامه عريضه
واشارت لها على مكان المقعد الخاص بها

بدات السيده فى وضع حقيبتها فى مكانها وقبل ان تضعها فتحتها لتخرج منها المجله والجرائد التى ستتسلى بها..
وهنا وجدت السيده كيس الحلوى الذى اشترته من كشك الجرائد
نعم وجدت كيس الحلوى الخاص بها
يبدو انها كانت تاكل من الحلوى الخاصه بالبنت
هنا انتهت قصتى

....
السؤال ماهو انظباعك عن البنت قبل ان تفتح السيده شنطتها؟
وماهو انظباعك عن البنت بعد ان فتحت السيده شنطتها ؟؟

طبعا الاجابه مختلفه او عكسيه...
هذا ما يعرف بوجه النظر... او ما يعرف بسوء الفهم
لهذا كتبت ما كتب
حتى نعلم ونتعلم جميعا ان هناك مايعرف بسوء فهم... او نظره محدوده للامور
او وجه نظر يمكن ان تكون خاطئه
علينا جميعا ان نتاكد من معطياتنا قبل اصدار احكام على الاخرين
يجب ان نفهم اولا ابعاد قضيتهم .. ونناقشهم
قبل ان نكون القاضى والمدعى والجلاد
والدليل رئيكم انتم فى البنت قبل... وبعد ... فتح الشنطه

Wednesday, July 11, 2007

حوار مع حكيمه





صباح الخير
من كام يوم ياجماعه حصل معايا موقف
قلت اتكلم معاكم فيه
انا قبلت واحده يظهر عليها اثار الحكمه والتقافه
وجهها مريح تشعرمعها انها جدتك (صدفه
فى الطياره كنت مسافر دوله عربيه
وهى فى الكرسى الى جنبى

الى لفت نظرى ليها انها كبيره فى السن
اكل الزمان عليها وشرب
قلت ياواد ياممكن متتكلم معاها
بس اتكلم فى ايه؟! معتقدش فى موضوع مشترك
ياعم افتح انت اى موضوع... واطرح الى انت عاوز تعرفه

الى عاوز اعرفه....الى عاوز اعرفه !
الى عاوز اعرفه؟؟؟

عاوز اعرف الست الى بتفهم... بتدور على ايه فى الراجل؟

لو سالت بنت صغيره هتقولك ..عنيه خضرا... وشعره اصفر
ولازم يكون جان... وشبه (احمد عز
ويكون جسمه رياضى
ويكون كل البنات بتموت فيه... وغير ده كله يكون متدين
ومافيش مانع لو عنده ميتين تلتمين الف جنيه فى البنك
وعربيه جامده

دى طبعا على اعتبار ان البنت قنوعه وعاوزة تاكل عيش
طب ياواد يا ممكن افندى
متشوف الحكيمه دى بتفكر ازاى؟

وبصتلها وابتسمت
ودار بينا حديث دى مغزاه

قلتلها: ايه موصفات الراجل عند المراءه سواء صغيره كانت او كبيره؟
وايه هى التنازلات الى بتعملها لما بتكبر شويه ومحدش يجلها؟

الست اتخضت وبصتلى شازرا

وقالت: لما العمر بيتقدم بالنت او الست.. مش معنى كده ان محدش جالها ..لاء بالعكس ده ممكن معناه ان الى اتقدملها كتير
اوى
انا استغربت
قلت :ازاى يعنى يا خالتى الجاحه (فى سرى

قالت:الحكايه بتبتدى برفض اول وتانى عريس لسبب ما
وبعدين بيبدا وعيها بالفرق والنواقض وشروطها بتتبدل
و بتكون اصعب واعقد... وفجاءه بتلاقى الرفض هو الاصل.. قدام امكانيات المتقدمين الضعيفه

قلت:يعنى هى ممكن تشترط ايه جديد ماهى كل حاجه معروفه مثلا.. يكون عريس الغفله.. مثقف.. وكمان يكون مؤدب وابن ناس طيبين.. كمان يكون بيشتغل علشان يقدر يصرف على بيته..
قالت: دى شروط طبيعيه لكن مش كفايه يافالح
قلت فى نفسى هى هتلبخ ولا ايه؟
قلت:يعنى تقصدى الحب والمشاعير الاحاسيس والحجات الى صعب نعبر عنها؟
قالت: برضه مش كفايه... الحب كفكره مش دايم...: يعنى شويه وينتهى تاريح صلاحيته .. ممكن يطول ..او يقصر لكن هيخلص..!
انا اتصدمت زى مانتوا عارفين اخوكوا عاتفى ومشاعرى تحت جلدى
قلت: كلامك غريب بس قابل للتفكير... على العموم ..كل الكلام ياخذ بيه.. ولا يعمل بيه
قالت: انا مش بقول كلام فارغ... دى نتيجه تجارب كتير وانا هاريحك
اتفضلى: دى انا الى بقول
اتعدلت فى القعده وخدت وضع الانقضاض(على اساس ان انا الفريسه يعنى... بس على مين... دانا ممكن

وقالت: لازم اى نتـــايه عاوزة تختار دكـــرها.. انها تختاره بيعرف يسوق كويس ! ده لانه هو الى هيقعد على كرسى السواق فى حياتها...لازم يكون حريف...صاحى... لدرجه تسمحلها انها تقدر ترتاح شويه وهى جنبه... ومش قلقانه انه ممكن يلبس بيها فى شجره... ولا يقلب حياتها فى وسط الطريق..ولازم يكون عارف ازاى يتعامل مع المطبات الى هتقبلهم كويس...كمان يكون فاهم امتى يزود السرعه ...وامتى يهدى السرعه...وامتى لازم يقف خالص...علشان يحترم الاداب المرور


بينى وبينكوا اخوكوا زبهل بقيت قاعد مشرائب

الوليه دى عرفت الحجات دى فين..؟ ولخصت الرجل فى الشويه دول ازى؟



قلتلها: انتى بتتكلمى اكنك ضابط مرور
..
قالت: الحياه بين الرجل والمراءه زى السفر فى عربيه
ممكن المراءه تلاقى نفسها فى الشارع بعد حادثه جامده
او مرميه فى وسط الطريق بعد حماقه غير محسوبه من سائق جاهل
وبعدها ينطلق هو لوحده فى طريق جديد وبعيد
وبعض الرجاله مش بيسمحوا للمراءه الى جنبهم انها تغمض عنيها ..او ترتاح شويه.. وتاخد نفسها فى مشوار الحياه الطويله... ده نتيجه لاندفاع الرجل وتهوره..و بتكون هى مشدوده طول الوقت ..مع انها تتنمنى دئما الرحه والاسترخاء فلا تجده
لان هذا لايتحقق الا مع رجل بارع جدا.. وقادر على تولى امور الحياه .. وتقلبها بعقل واعى ... وعلى فكره ...المراءه لو مارتحتش ده بيقتل فيها حجات جميله من مصلحه الجميع انها تفضل موجوده......واسوأ الرجاله بقى هو الى بيتنازل عن القياده للمراءه... لعدم قدرته.. او قله مهارته... ويكتفى هو بدور المرشد.. والرغاى الى بيحذر من مخاطر الطريق الموجود فعلا ...اوالى فخياله بس

قلت: ومين الى ممكن نعتبرها اوحش وحده؟
يعنى اتكلمتى عن اسوا رجل ...طيب واسوا امراءه بقى؟
قالت: اسواء امراءه من تنام طوال الرحله... وتكتفى بدور السائحه التى تتفرج على كل شىء بدون التدخل فيه.... ولا تكون باستمر جاهزة لتولى القياده اذا تعب الرجل او المّ به مكروة
قلت: انتى كده هتقلبى علينا بتوع حقوق المراءه.. ومدى قدرتها على القياده ...
هتودينا فداهيه
قالت:حتى الستات دى بيحلموا برجل ما....

والنساء جميعا يحلمن بالرجل القادر على توفير الامــــــان..

وهو الاعظــــم والافضــــل والاكثر جاذبــــيه

قالتها وقد وصلت الطائره وهممنا بالمغادره

Sunday, July 1, 2007

اعتـــــــراف






لانى ....احبك
.
.

اقول احبك... بكل اللغات
بكل الكلمات....انطقها
اعزفها بكل النغمات


احبك....
لكل الناس ...احكيها
فى كل مكان اكتبها...دون قلم واوراق

احبك
لانى بدونك.... شعاعا بلا ضؤ...قلب بلا نبض... طفل بلا ام.... ثائر بلا وطن
لانى بدونك.... انسان بلا حلم.....ارض بلا هواء....عالم بلا فكر..وتر بلا نغــم


احبــــــك..... هديتى اليك بعد خوف
الان دون خوف ...دون خجل اعلنها
اعلنها واضحه...كاسمى... وعنوانى .... وفصيله دمى...

احبك كما احب الكتابه
احبك كما احب العداله
احبك كما يجب ان احبك


الان.. اقول احبك...اهمس احبك...اغنى احبك.....ارقص احبك....اكتب احبك
احلم احبك.....احيا احبك

احبك... اقولها كصرخه وليد ..... اقولها كظفره شهيد
اقولها كنتفاضه ثائر...اقولها كخشوع عابد

اصرخ فى عراء الصمت.....اتوسل حتى ينضب عالم الدعاء
انتفض كـــاخر انفاسى ...احبك

فهل تصلك صيحتى فى البلد البعيد...؟
محاصره انت بالزحام والضجيج...اعرف
ولكن حاولى اللتقاط كلماتى المسافره اليكى
من الكلمات التى تملاء المدينه

فربما تكون فرصتنا الاخير

Thursday, June 21, 2007

انسان اه......انسان




صباح الخير

انهارده كنت عاوز اكلمكوا عن الغرائب
وبعدين وقفت ...وبصيت حوليا... لقتنى انا احد الغرائب
مش انا. انا بالذات لاءه.. البنى ادام كله .. الانسان يعنى

تعرفوا ان الانسان هو الكائن الوحيد الى بيقوم بعمل اشياء بدون سبب
اه بدون ابداء اسباب... وبدون داعى اصلا...
وكتير بدون اتنظار نتائج لهذه الافعال
...

الانسان هو الوحيد فى خلق الله الذى يتمنى الحياه العشوائيه
والفوضاويه...
الانسان هو الوحيد الذى يحلم بالعوده للوراء.. للماضى
ليس حبا للتاريخ ... ولكن حبا فى لخبطه كيان الوجود


على سيبل المثال

الحيوان مهما كان مفترس وشرس لا ياكل الا اذا كان جعان
ولو شبع تساوى الاسد مع الارنب... الا فى حاله الدفاع عن النفس
حتى الثعبان لا يلدغ ابدا وهو ممتلىء البطن
حتى الحمار... الحمااااار
مايكولش ابدا الا وهو فى حاجه للطعام
كمان فى حاجه كل حيوان او كائن له نوع معين من الطعام ياكله
نقدر نقول مابيغيريش....
مابيعكش يعنى.....

حيوانات بتاكل نباتات يعنى نباتات فقط (زرع

واخرى تاكل لحوم برضه لحوم فقط (فرائس

واخرى حبوب برضه حبوب بس (بتنقر

حتى الحيوانات الى بتاكل زباله متكلش غير الزباله (مزاجه

والف هنا ويحمد ربه

نيجى كده نشوف الانسان
يبدا فى الوجبه بتعته... يقولك انا ديما ابدأ بالشوربه
ولو ست تقولك انا بحب ابدأ بالسلاطه....
ثم يهم فى حشر.. ودفس.. كل ما يقدم له اشى لحمه مشويه ومقليه
ومحمره... وبعدين فراخ... وسمك.... وانواع الخضار.. والروز.. والمكرونه
ويسال مافيش بدنجانه مخلله.... او حته خيار مخلل
طيب كام صباع ورق عنب كده اصله مزز..
وبعدين مافيش مانع من حته رقاق... او جلاش ...او سمبوسك
او كلهم سوا يوانسوا بعض فى بطنه

ولما يملى بطنه تمام... التمام....
يبداء يحلى يا باشا... اه يحلى.....

اشى ام على .... واشى جيلى .... وروز بلبن... وحته بسبوسه
وحته كنافه صغنونه....تمام ياعم كده انت ميه ميه
ناقص حته جاتوة.... او تورته لو فيه يعنى...!

يجى للفواكه ... صوباع موز.. عالشان الكالسيوم... وبرتقاله عالشان فتامين سى
وخوخه علشان الصوديوم....وبطيخ دى عباره ميه ياعم ... هو ده يتحسب...!
طيب خلصت ياعم اتكيفت

نحبس بقى ها؟ شاى ....ولا نسكافيه.... ولا حاجه ساقعه....؟
يقولك نبدا بالبيبسى... وبعدين نسكافيه بلاك .... وخالى الشاى للاخر...!

حبست ياعمنا واخدت واجبك كله تمام التمام ... نتسلى بقى واحنا قعدين
نجيب شويه كاجو .. وشويه لب وسودانى....وشويه مكسرات صينى
نأزأز واحنا قعدين نتفرج على المسلسل

على عمنا الانسان مايخلص الحجات دى يكون معاد الوجبه الى بعدها جه
ماهو المصيبه اننا بناكل بمواعيد مش لما جسمنا يطلب الاكل
ونفضل ناكل طول ماحنا عايشين...
ويفضلوا يحلفوا عليك.. تعدامنى لو ما اكلتش دى
خد دى من ايدى عاوز تكسف ايدى؟؟؟
طب دوق الصنف ده اول مره اعمله جه فى البرنامج على الدش
..
المعلم .....يحشر.... ويدفس ..... ويلغ...ويلهط...

والله بستغرب احنا رمضان بيعدى علينا ازاى

بزمتكوا مين اعقل الانسان ولا الحيوان مين بيفهم اكتر ....؟؟؟؟؟؟

نيجى لنقطه تانيه مثال تانى يعنى:-

الحيوان كائن فاهم ذاته وصريح مع نفسه
التزاوج عند الحيوان بيتم من اجل الحفاظ على النوع وعدم الانقراض
دى سبب نبيل جدا للعمليه الجنسيه وهيخليها حاجه محترمه....
وبعدين وده المهم....
لما عدد الحيوانات بيزيد اوى ...
بنلاقى الحيوانات بتعمل مايسميه الانسان انتحار جماعى
بقول الانسان هو الى بيسميه كده....
بس اعتقد ان الحيوانات بتسميه اتاحه فرصه لحياه اخرين....
اوعوا حد يقول انى حيوان وبفهم لغتهم ودماغهم..
لاء انا بقول اعتقد...

نيجى للشمهندس.... الانسان...
اولا الانسان بيمارس الجنس فى المقام الاول من اجل اشباع رغبه
ايوة رغبه تتملكه وتسيطر عليه وتقوده احيانا...!
واخر ما يفكر فيه اثناء ممارسته للجنس هو انجاب الذريه.. الاولاد

الاغرب ان الانسان بيخترع وسائل نتظيم الاسره علشان يجعل الجنس
اكثر حيوانيه (سورى انسانيه) وليجعله بدون اى نتيجه الا اشباع رغبه
وحتى تكون ايضا ممارسه للجنس بلا سبب
بدون هدف... بدون رد فعل... بدون نتيجه تذكر


طيب ولما عدد البشر يزيد ويبقوا مش طايقين بعض يعملوا ايه
ااقولك ياعم
بيعملوا حروب يموتوا بيها بعض
ويخترعوا اسلحه يقتلوا بيها بعض
اه الانسان يخترع سلاح علشان يموت بيه نفسه بس مش بايده لاء بايد غيره
الانسان اجبن من انه يقدم على كده


طيب مثال تالت
تصدقوا ان الانسان هو الكائن الوحيد الى بيختار ينهى حيانه بمزاجه

زى ماقولنا الى بتعمله الحيوانات مش انتحار(ده اسمه اتاحه فرصه للاخرين للحياه
لكن الانسان بيحس ان حياته عبء عليه...
ايوة حياته بتصبح عبء مش قادر يتحمله
فيقدم الانسان على الانتحار ويقرر ينهى حياته...

على امل ان الموت اكثر رحمه من الحياه...

او اكتر رفاهيه
(واهــــــــــــــــــــم... وعايش فى اوهاااااااامه)
بزمتكوا حد عمره سمع عن حمار بيحاول الانتحار.....؟
الله يرحمك يا جــــاهين قال ... مافيش حمار حاول الانتحار

حد سمع ان اسد او زرافه...او غزال اكتئب لدرجه انه شرب سم
او اتفق مع تعبان يعضه بدون مايخد باله

الانسان اغرب مخلوقات الله لانه ابتعد عن الى صنعه (وخلقه )والى كتب الكتالوج بتاعه
ايوة الانسان.. له مخترع وفى كتالوج للانسان...
لكنه فضل مايقراش الكتالوج ده...
وفضل انه يكتشف نفسه بنفسه ... الى حصل انه بوز نفسه
ومحتاج يرجع تانى للمخترع علشان هو بس الى يقدر يصلحه...
ويرجعه لحاله المصنع (على رائى بتوع الموبيل

محتاجين نرجع تانى نعرف ايه الهدف من جودنا...
ووقتها نعرف ان الاشياء الاخرى مجرد اسباب بقاء
اما هدف الحياه فقد حدده من وهب الحياه
وبس.....

Wednesday, June 13, 2007

وشوش




صباح الخير
انهارده هكلمكوا عن ( اول امبارح
محدش يسأل متكلمتش عنه امبارح ليه؟
قلت افوق من الدهشه الاول علشان اعرف اعبر
.
.
.

اخوكوا اتعزم فى حفله....!
اه حفله بس مش اى حفله..
حفله بتاعه الناس الكبار الجامدين
حفله زى بتاعه ايام زمان
(حفله تنكريه)
تخيلوا بقى....فاكرين ليلى مراد وانو وجدى؟
ايام زماااااان اوى
انا روحت حفله من الحفلات دى
وعالى شوفتو فى الحفله
هو الحقيقه انا ماشوفتش حاجه ولا سمعتش حاجه
مش عاوزين مشاكل....
الحفله كانت فى فيلا كبيره على المحور فى طريق سته اكتوبر
فيلا ايه دى قصر جامد اوى
الجنينه بتاعته اد الحديقه الدوليه كدة
اللهم لا حسد -لم نفسك يا ممكن- بلاش أأر
المهم اظاهر اخوكم علشان متلهف اوى راح بدرى شويه
لاء هو الحقيقه راح بدرى اوى
انا كنت هناك الساعه تمانيه مسائا
ولابس الى على الحبل
البدله اياها الى اشتريتها فى فرح اخويا
دخلت القصر بقلب جامد معزوم ياعم ومعايا كارت دعوة
قابلونى السيكيورتى والبودى جاردز ودلونى على الجنينه
وانتظرت فى الجنينه
بينى وبينكوا لما ملقتش حد ..اتكسفت.. قلت اركن شويه لحد الناس ماتهل
وصل اول الناس يا عمنا الساعه حداشر ونص بالليل
وواضح برضه انه جه بدرى
كان لابس عادى بس سلم عالماشى واختفى
وماشفتوش تانى
على الساعه واحده صباحا بداء المدعوين يجوا
ستات جامده اوى من بتاعه (هوانم جاردن سيتى
لابسين فساتين من الى مابنشوفهاش الا فى عروض الازياء
وهدوم مابتجيش الا فى برامج الموضه بس.
وعمرنا ما بنشوفها فى الطبيعه حتى فى المناسبات الجامده
الفساتين طويله اوى زى فستان الاميره ديانا (فاكرينه).
ولبسين شال خفيف صغير اوى الى كتفهم
وكمان اغلبهم لابسين برانيط على راسهم
ولابسين على عنيهم قناع ايوة بس اكتشفت ان الاقنعه ماركات
يعنى قناع( بيركردان)و(فيرساتشى)و(ايف سان لوران)وحجات كتير كده
وكلهم الميكب بتعهم تقيل اوى ومحدد جدا
يعنى العيون تحتها اشى سواد تقيل اوى... او زرقان جامد... ومنهم فضى جامد اوى.. باين من تحت القناع
كمان الخدود والشعر مرشوش حاجه زى البرونز كده
دول الستات الى هى مدامات او الهوانهم
نيجى للاصغر شويه ..الموزز يعنى
البنات برضه لبسهم غريب بس مش زى التنين
وحده لابسه خدامه وعامله ملامحها اكنها فلبينيه
ووحده لابسه هدموم بتاعه العصور الوسطى فى اوربا
ووحده لابسه كاو بوى
ووحده لامؤخده نسيت تلبس- والعياذ بالله- ال ايه لبس بنات ليل
ووحده لابسه لبس اسواد فاسود
وكتير لابسين عادى بس مش عادى
عادى بالنسبه للحفله لكنه طبعا لبس شاذ جدا بالنسبه لبره الحفله
واغلب البنات رسمين تاتو على دراعهم وصدرهم ولا مؤخذه وسطهم.
الى رسمه برص اه والله برص
والى رسمه اسفل ضهرها حاجه زى سهم كده
والى رسمه اطار رقيق على درعها
والى رسمه خلخال على رجلها
كمان كل البنات لبسين حلق فى مناخيرهم
اولسانهم او لا مؤخده سورتهم
واغلب الروج والمونيكير اسود او حاجه قريبه من الاسود
وعيونهم حوليها هاله سودا
انا ماكونتش بركز معاهم علشان كده ماشوفتش اى حاجه
لان امى بتقرا المدونه بتعتى...فاهمينى طبعا
طبعا كل البنات لابسين وشوش (مسكات)
او رسمين على وشهم اشى قطه او حمامه او طاوس
او اسد او نمر
مش هحكيلكم بقى عن البوفيه الى كان طول شارع قصر النيل
اما المطربين و الفرقه فانا معرفهمش
بيغنوا اجنبى بس
كان واحد كده بيجيتار بيغنى لوحده
وبنت كمان بتغنى لوحدها بس بفرقه بتعزف
وبعدين اربعه بيغنوا سوا مع بعض
نيجى للرجاله
كل الرجاله فى الحفله الى مفروض انهم اجواز الهوانم
واهل البنات
كان اغلبهم عامل قناع على عينه وماسكين سيجار كلهم
كان بعضهم راسم على وشه برضه حاجه مش مواضحه ملامحه
اشى اسد او حمار وحشى او بومه
او لامؤخذه خنزير اوتيس
اخوكم فضل فى دهشه وذهول
ومسبهل وكان باين عليه اوى الحاله دى
بعد شويه كان فيه حفل فوم (رغاوى).
يعنى عقبال حبايبكم حمام السباحه ملينه رغاوى
والولاد والبنات بيدخلوا جوة الرغاوى يلعبوا
يلعبوا ايه ؟؟ معرفش طبعا... بقولكم لابس البدله
المهم انهم يدخلوا ويختفوا اد ما يختفوا... ويخرجوا تانى
والرغاوى كانت عاليه جدا يمكن لحد تانى دور وغويطه بغوط البسين
المهم قولت اتكلم مع حد بدل الوحده دى
اول حد حاولت اتكلم معاه؟
كان الى لابس وش حمار وحشى
فى الاول افتكرنى تبع الامن (بسبب البدله)
بس هو لاحظ ان عضلاتى متنفعش امن خالص
قالى حضرتك معزوم هزيت راسى بمعنى ايوة..
انا - ممكن -
قالى وانا فلان
اترعبت... حضرتك الدكتور فلان؟
قالى: ايوة تعرفنى
قلتله: طبعا.. حضرتك الى عامل كتاب ماده كذا عندى فى الجامعه
وحضرتك جيت محاضره واحده لغيت نص المنهج
كمان حضرتك كنت رجل مهم جدا فى احدى الحكومات
قالى: انت متابع السياسه بقى
قلتله: بمنتهى النفاق حضرتك علامه مهمه يا فندم
قالى: كويس ان الشباب مهتم وبيقرا
بينى وبينكوا خفت اتكلم معاه
وماصدقت جاله موبيل وخلعت منه
حبه ولاقيت واحد مشغبط على وشه
قلت اكلموا
مساء الخير
اهلا ازيك
ازى حضرتك اعرفك بنفسى انا - ممكن-
قالى: وانا فلان الفلانى
اهلا جانبك انا معجب اوى باعمالك
انت متابع الفنون
طبعا ...دانا ذواقه للفن (بكذب )
قالى: برافو برافو
قلت: دى حتى الماسك بتاع حضرتك كله زوق ومعبر اوى
قالى: بجد طب كويس
حسيت انه بينفضلى قلت اشد
ومشيت فى الحفله
لقيت الحته الى فيها المشروبات
كلهم بيشربوا حاجه اسمها تاكيلا
قلت بلاش لحسن تكون خمره
انا اشرب عصير توت
وجبت عصير التوت لونه شبه الخمرا جدا احمر قانى
كل الى يقرب منى يفتكرنى واد شاريب
وحده جت تكلمنى هى بتستاذن تعدى وبتسال عن السوفت درينك
شاورت لها
ميرسى ومشيت
قابلت واحد لابس ماسك اكنه شرير.. عنيف كده ورخم
واتكلمت معاه لاقيته طيب اوى ودمه خفيف
قلت له حضرتك الماسك بتاعك مش لايق عليك خالص
كان هيزعل
استدرجت الموقف قلت له انا اقصد انه عكس شخصيتك
قال ماهو انا بطلع الكبت الى جوايا فى الحفلات دى
بمعنى لو انت شخصيتك ضعيفه وتافه البس هتلر
لو انت مستبد ورخم وغلس البس جحا
لو انت غبى وحمار البس اينشتاين
لو انت ذكى ومركز مرموق البس شحات
قلت والله منطق برضه (بكلم روحى)
الواحد يبعيش فى الجانب الى معاشوش والى بيتمناه
خوفت اقله طب ما بدل ما نلبس ونقلع و كده منغير روحنا ارخص

ومشيت فى الحفله
قالبت واحد تانى شكله محترم اوى
اقرب ما يكون لشكل الزرافه ومش لابس ماسك
اصله بنظاره
اتكلمت معاه وبقوله حضرتك ثابت فى مكانك من بدرى
قالى اصل انك تكون ثابت افضل من تكون بتنقص
وبعدين لما تكون عارف ان اخرك كده وصعب جدا
انك تزيد يبقى الثبات فى حد زاته نجاح
قلت ايه الكلام المجعلص ده
هو مش عارف انى.. سطحى... وتافه؟؟؟
قلت له يافندم انا اعرف ان التطوير مهم حتى الوحد مايزهقش او يملل من حاله
قالى ده مبداء المتحمسين والى قضاياهم بسيطه
قلتله حضرتك بقالك كتير ساكت ومحدش بيهجمك
لامؤخذه فى وزارتك.. ياترى ده لان محدش بيفهم فيها؟
ولا انت الى قررت تبتعد عن الاثاره وتمشى جنب الحيط
قالى: هى الحيط هتشيل مين ولا مين انا غيرت نظام الوزاره وخليته عامل زى نظريه النسبيه بتاعه اينشتين حتى اجدع
واحد فى الوزاره مش فهمها
وبكده بعدت خالص عن وجع الدماغ

قولت الراجل ده هيضع نفسه ويضيعنى معاه
اسحب منه على خفيف

شويه وقابلت وحده لبسه وش.... ولامؤخذه بس..!
اه لبسه وش (وهو ده تقريبا كل الى كانت لابساه ).
قلت اشوف النوع التانى من الناس (اقصد الستات)
قربت منها _ وعرفتها بنفسى_ قالتها انا ممكن
قالتلى لاء مش ممكن
قلتلها حضرتك ده اسمى (ممكن )
قالتلى ايه الاسامى دى
ولدك كان يقصد ايه بيه الاسم ده

قلتلها معرفش بس هو غلبان اوى ومعتقدش انه يقصد حاجه وحشه
حتى كتب الشيوعيه والمركسيه والناصريه الى بيقراها
معتقدش انها ممكن تخليه يفكر فى حاجه وحشه
قالتلى هو ابوك شيوعى
قلتلها ياهانم محدش شيوعى الشيوعيه انتهت من زمان
هو بيقرا بيحاول يفهم وانا سيبه براحته
قلتلها على فكره صوت حضرتك مش غريب عليا
قالتلى ايوة انا فلانه
قلتلها عارفك طبعا بتاعه الافلام الشفتشى
الى بتعالج الغرائز الى عند الرجاله
قالتلى كويس انك فهمتها كده
قلتلها اوعى حضرتك تكونى فاكرانى من العيال الى بتخش السيما علشان المناظر ولاعشان اشوف الممثله فلانه قالعه ولا حاجه
ابدا. انا ولا يهمنى صدر. ولا يهمنى ورك .انا الى يهمنى المضمون
انا بدخل افلام حضرتك علشان اقرا الى بين السطور
وبعدين حضرتك ليكى الفضل فى انى اتعلمت ازاى اعرف ابوس اصلا
قبل كده كنت فاكر كل البوس واحد لحد حضرتك ماجيتى وعلمتينى فى افلامك انه كله عن العرب صابون
قالتلى احنا عاوزين البلد يتقدم ومش عاوزين اغتصاب
ومش عاوزين تحرش ومش عاوزين ظلم للمراءه

قالتها انت تقصدى نقدم الاشباع للشباب فمحدش يفكر فى الحجات دى؟
يعنى نعلمهم يتجوزوا عرفى
ونعلم البنات ان غشاء البكاره مالوش علاقه بالشرف.
وانها حره فى جسمها ...ومحدش هيخاف عليها اكتر منها.
ان مش من حق اخوها وابوها يعملوا وصايه عليها...
وكل واحد يهتم بشانه....
ونعرفهم ان علاقه الصحبيه بين الولاد والبنات دى امر اصبح عادى
ونفهمهم ان الوحده الى تتباس وتتحضن بس دى منتهى الطهاره
ونوعيهم ان الراجل الى يعرف وحده بس دى متخلف ورجعى
قالتلى واضح انك مبتفهمش...
وسابتنى وميشيت
قالت لنفسى مانا الى غلطان....حاجه مبفهمش فيها بتكلم فيها ليه؟؟؟؟؟!
وانا بعاتب روحى جاتلى وحده بتقولى
انت زعلت الاستاذه
فلانه ليه
صوتها ياجماعه كروان
وهى حلوة بصراحه
قالتها حضرتك الدكتوره فلانه بتاعه البرامج
قالتلى ايون وفلانه صحبتى وانت زعلتها هو احنا جاين نتنكد هنا ولا ننبسط
قلتها والله يا هـــانم مزعلتها
بس انا فكرى محدود اتكلمت على اد ثقفتى وفهمى
ولازم الاستاذه تكون عارفه ان مش كل الناس فى مستواها الثقافى

قالتلى طيب وايه رائيك بقى فى البرامج بتاعتى
الست كانت لابسه لامؤخده لبس مرات الاسد
قويه ومستأسده متوحشه كده.. وفيها كل صفات مرات الاسد
انا اتهاتيت وخوفت منها
قلتلها حضرتك برامجك كلها هادفه دى حتى المذيعه الامريكيه الى اسمها اوبرا بتقلدك
انتى ستار ياهانم وكل افكارك بتتسرق ومحدش يقدر يغمض عينيه ولا يقفل بقه علشان مايفوتش حاجه من برامجك
لكن الى حسيته انك بتعزمى اصحابك بس فى البرامج
وكمان المواضيع كلها ليها علاقه ولامؤخده بقله ادب الشباب مره الموضوع العاده السريه ومره الزواج العرفى
ومره التحرش ومره بنات الليل
انا لما بكون لوحدى فى البيت بجيب البرنامج بتاعك على طول
وبستمتع اوى بكلامك ودلع ضيفوك
بس انا ولا مره قعدت لحد ما اسمع الحلول بتاعه المشاكل دى
يعنى انا وكل الى اعرفهم بنشوف المشكله ونستمتع بالكلام الجامد
ونقوم قبل ما نسمع الحل
وماقبلتش اى حد يعرف الحل الى البرنامج بيطرحه
دى مش عيب فى حضرك دول بتوع الاعداد الله يقطعهم
بينسوا يعمل حل للمشكلات من شده اندمجهم فى الحلقه.
الست بصت عليا من فوق لتحت وسابتنى من غير ولا كلمه
قلت لنفسى ايه الاحراج ده يأرض انشقى وابلعينى
قلت الم نفسى واقعد فى حالى اتابع واتفرج واستمتع
ومنكلمش حد تانى اقفل بقى شويه
نسيت اقولكم ان الحفله كان ممنوع اصطحاب الموبيل ابو كاميرا
وممنوع دخول اى كاميرات فيديو او فوتوغرافيا
وكان الامن بيفتش على الموبيلات الحديثه اكنها متفجرات
وانا بتابع شوفت ناس بتتكلم منهم واحد عنده فضيحه بيع حجات فاسده
للعيانين قلت هو له نفس يسهر ويفرفش
وبعدين قلت انت هتقر على الراجل دى فى اذمه وعادى لما يفك عن نفسه
وشوفت وحده فنانه السى دى بتعها مغرق السوق مع راجل الاعمال الكبير
وبتضحك ولا اكنها عملت حاجه
والحوار بيدور عن ان فى ناس هتخلص الموضوع ده
لان فى ناس كبيره وراه
الغريب انى شوفت واحده بتشتغل فى قناه دينيه بتقدم برامج
ايه الى جبها هنا دى؟!
وبعدين قلت ياواد صاهين ساعه لقلبك وساعه لربك
وكله اكل عيش
وكان واقف معاها فنانه معتزله ومتحجبه
بس حجاب من الى بيثير اكتر من الانجيرى
بيتكلموا عن جوزها الاخير وازى كان بيغير من طفل عنده سبعتاشر سنه
قفشها وهى بتبوسه على السلم
صحبتها بتهزر بتقولها كنتوا على السلم وتحت بير السلم
وقعدوا يضحكوا
وقالت لها بقولك سبعتاشر سنه
وسمعت كمان دكتور نفسانى مشهور ديما على الشاشه بيتكلم مع فنانه كبيره
بتشتكى ان بنتها بتعرف كذا واحد فى نفس الوقت
وبتسئله لحسن يكون ده مرض
الدكتور طمنها وقلها عادى السن ده كده
وقالها بس هى معاهم كلهم ولا مجرد اصدقاء
قالت لاء هى مع واحد بس ولما بتسيبه بتكون مع غيره
لكن بتخرج معاهم كلهم
قلها لاء اطمنى بنتك سلوكها سوى جدا
قالتله طمنتنى دانا كنت خايفه البنت تضيع منى
المهم انا بدا النوم يكبس عليا وبدات اكون مش مركز
قلت يا واد خد بعضك وروح.. المزيكا العاليه كمان صدعتنى اوى
اخدت بعضى وخرجت
اول ما خرجت حسيت انى محتاج هوا كتير مع انى كنت فى جنينه
وقفت على الكورنيش وانا راجع على -الكوبرى يعنى-
وفتحت الازاز واخدت نفس وقلت الحمد لله انى رجعت بالسلامه
اتارى مش كل السفر بالطيرات
دى ممكن الواحد يسافر بعيد اوى اوى وهو على رجله
وان البلد دى غير البلد دى
احنا فى بلدين يا اخوانا


ملحوظه الشخصيات فى المقال ليست

حقيقيه وفى حاله وجود اى تشابـــــــه
بينها وبين اى شخصيه عامه فهـــــــذا
من ضرب الصدفه البحـــــــــــــــته
( مـــــــمـــــــكــــــــن)