أتفاق

(  دعينا نعقد اتفاقاً )

إذا سألوكِ يوماً :   إلى متى أستمر حبكم ؟

قولى  : مازال حبنا مستمراً ...  لكن أعمارنا مختلفه.

 وكان رأى ألاطباء أن قلبه قد توقف عن النبض .. لكنه لم يتوقف عن العشق 

( حين تقرأئين تلك الرساله سأكون  مبتسماً  فى العالم ألاخر  )

......

الــمــلــكــيــه

الى من يقدحون فى نظام الحكم الملكى

 يا ساده ليس فى الملكيه أى عيب

لكن مشكلة مصر كانت مع الفساد والتجبر والطغيان
  فى عصر اخر الملوك المصرين وحاشيتهم

وليس مع الملكيه   يا أجهل من خلق ربى

.....

نام الشعب السعودى وملكه ( عبدالله )و

قام الشعب السعودى وملكه  سلمان 

لا احكام عرفيه ... لا حكومه انتقاليه .... لا اللغاء للدستور .... لا مطامع فى الحكم .... لا تدخل للعسكر .... لا تخوين

ليست السعوديه بالمثل الذى يحتذى به... لكنى اثرت المثل القريب للعقل

الملكيه نظام حكم ليس اكثر  .... ليست افضل من اى نظام اخر ... ولا اسوأ كما يعتقد البعض

الفساد فى اى نظام حكم
هو المعيار فى الحكم عليه

قـــضـيـه

شهيه كبدايات العشق

كفرشاة بين أنامل فرنسيه

مربكه كروعة المرة الاولى

عفوية كضحكة مصريه

وأنا فيها المسافر والغريق

والنجاة لا تشكل لى قضيه

.......

غـــيــاب

حين يحط الشوق على القلوب بثقله ولزوجته الفجه

تتغير الطبيعه الانسانيه

ُواوردة القلب يتدفق فيها دم

داكن اللون سخيم

يظلم الروح

.......

على القهوه

أحمد ..أحمد 

يأحمد يا قرشى

ازيك يأبو حميد ..أنت مش فاكرنى بص كويس

ههههههههههههه..عامل ايه 

لسه فى شغلك هو اياه؟

 -  يا حول الله  - 

سمير ازيه ومجدى التعلب ... سبحان الله ..لسه كنت على بالى

انت لوحدك ؟؟ ... اقعد اقعد

شيشه يا عنتر

( مستغرب ليه .. حجرين  للبيه )

يااااه والله زمان  ... جريت بينا الايام

تلعب شترنج  ؟
 الصف التانى باقى بيكل الصف الاول

لنفس الجيش
شربت حشيش؟

الخلق اهى قاعده على القهوه ... متنظره الحظ

ولا بيجيش 

خلفت عيال ؟

طول عمرك شاطر .. وحالك ماشى

عال العال

انا بقى بقعد عالقهوه .. اكتر من البيت

أنت اتغديت؟

انا طالب من الواد علبة كشرى 

اجبلك علبه... طب واحد حلو

ياعنتر سُك على الشيشه.. بسرعه قولوا يخلى العلبه اتنين

تقليه كتير والصلصه كتير..والشطه فـكيس

( حد هنا )

ايوه فى تالت وايانا.. بيجيب حاجه وجاى عالطول

وان طالت الغيبه... مسير الحى

تشرب ينسون ؟

قوم بينا نقوم

دول عملين عندنا محشى 

قوم بينا نمشى

........

مين دولا يا عنتر

ابداً يا معلم دول واحد - يحفظنا - زهايمر

واياه ابنه وبيسمعله ربنا يلطف 

بينا وبيه

........

التاريخ

ومن أفات التاريخ وعيوبه 

أن الفئه الغالبه او المنتصره هى التى تكتب التاريخ

حتى لو كانت هى الفئه الطاغيه او الظالمه

وهذا مالا نطالعه أبدا فى كتب التاريخ

عمرنا ما سمعنا فى التاريخ مثلا حد قال

ولقد كنا طغاه مستبدين -  ولاد تلاتين كلب - وعثنا فى الارض فسادا.... هذا ولقد كان عدونا على حق  - وولاد ناس  - فى حربه وكنا على باطل 

وبهذه الطريقه نجد اننا نطالع كميه لا بأس بها من الاكاذيب والافترائات والاختراعات فيما يسمى التاريخ

وعلينا بمجهودنا الشخصى ان نستقى منه ماهو حقيقى وما هوموضوع ومفترى

دائما للتاريخ وجه اخر - خفى -  من وجهة نظر الفئه التى لم تكتب التاريخ وظهرت فقط ككومبارس

لمجرد أظهار قوة وعظمه الفئه الغالبه

التاريخ بالنسبالى رغم احترامى له

 الا انه يشبه مجله الاهلويه يوم أنتصار الزمالك

ومجله الزملكاويه يوم ما شال سته من النادى الاهلى

للحديث بقيه

صفحه جديده

كم هى غريبة تلك الحياه
تشقى وتسعد فى ذات  اللحظه

غـصـب

لا تملك الا فكره واحدة تحاصرها كل ليلة..بأنها كإحدى تحف البيت البارد الكبير

يقتنيها ولا يكتفى ابداً بها بل ويقنع نفسه بأن هناك دائما تحفة اغلى وانفس

وكأنها وسادة يضع عليها ظهره ولا يسكن

او اريكه يتمدد عليها بمنتهى الارق..او كتاب رائع الغلاف لم يرهق نفسه بقراءته يوماً

ليعى ما تحمل سطوره

تغتسل فى كل مره كى تقدم قربان انوثتها لغباء ذكورته

تنتقى ارقى العطور ..كى تخفى تحت شذأها.. رائحه رفضها لآنانيته وفظاظته

ترتدى ما يستر عنه قلبها..ويعرى فى عينه جسدها

يأتيها يراودها يتوسدها ..يتحرش ببرائتها...يغتصبها

يمنحها نهجانه ..وهيجانه.. وسيل لعابه ...ثم ظهره

تطفى ضمن ما تطفىء نور مصباحها الخافت...وزهره عمرها معه

تغتسل مرة اخرى وتدلك جسدها كأنها تمحو كل اثار عدوانه عنها

تغتسل كأنما تتوب بالماء من خطيئه..بحجم اللانهايه ...او وجعها

تغتسل كمن تزيل اثار الوسخ عن ثوب ابيض

تغتسل كمن تطفىء حريق قلبها ..وتزيل هشيم روحها

تغتسل لتمحو عن بدنها المغتـَصب رائحه لعابه واثر انفاسه

تعود لمرقدها تتكفن بغطائها..تتلمس عتمه روحها

تضم اقدامها..تتقوقع على ذاتها ..وتغمض عينها

وتذهب لتحيا مع أميرخيالها واقع الآحلام

.....

تـعـريـفـات ...1

الساذج : هو من يضع خطه للعثور على الحب

الـغـبى : هـو مـن لا يضع خطه للحفـاظ عـلـيـه

الــمـمـل : هـو كـاتـب لا يـكـتـب الا عـن نـفـسـه

الـمبـتذل : هو من يلقى على القارىء وساخاته بحجه الابداع

السطحى : كاتب يظن ان جميل الحرف اصطناع..والتلوث الحرفى فطره

الاعــمى :  شخص لا يرى الا بعينه

الجاهل : هو من اكتفى بحصوله على الدكتوراه

الكاتب : هو من يحمل الدهشه لقارئه فى كل سطر

القارىء : هو من يشعر بهزال عقله ان صام عن المطالعه

المثـقف : مدعى بدليل لا يذكر مصدره

الخائن : هو من يتقدم لحبيباته كما يتقدم لطلب وظيفه

العاشق : من يعتنق حبيبته كما يعتنق المؤمن دينه

.......

هـاجـس

بغض النظر عما تمر به البلاد

اصبح هاجسى الاكبر

 أن يسجلنى أحدهم  على جواله بأسم

( مـمـكن بـنـزيـمه )

.......

أحـتـلال

فى شريعتها...يكون غرامها

كفلول البربر

يهزمنى...يأسرنى ...يجتاحنى

لا يبقى منى..لا يابس ولا أخضر

تسكننى...أدخلها

فتكونى لىَ غمـــد....وأكون لها خنجر

......

ســـيــاســـه

فى ثوره عشقنا

تمثل هى الطرف الاول

وانا طرف ثان

وكل ما عدانا

طـــرف ثــالـــــث

......

تـبـت

تبت يدا الحاكم ..وتب

إن ثار الشعب يوماً او غضب

لا حكم يبقى يا جهول للآبد

وجماعته عـٌباد الذهب

ما منحته امناً ولا معها استتب

هى قريشاً دينها وجهلها

أما هو...فأبا لهب

.......

شفتيك.. بطعم الليمون

قالت : تذوقت نصف حبه الليمون.. فهل تأخذ نصفها ؟

 قلت :  وكيف كان طعمها ؟

 قالت : لاذعـه جدا

 قلت : كان السؤال لحبه الليمون

وقالت : حلوة جداً

......

أذان فـــى مــالــطــه

مساء الخير يا سياده الرئيس

أنا ياريس وأحد من التلاتاشر ميلون اياهم..الى منحوك صوتهم

وانا نفس ذات نفس الشخص برضك  واحد من التمانين مليون ..الى رفضين البيان الدستورى اياه

عارف ياريس : لو كان المأسوف على شبابه حسنى مبارك يوم  خمسه وعشرين يناير  اقال وزير الدخليه

كان حصل ايه

كان زمانه لسه قاعد فى شرم  لابس البوكسر الكروهات بتاعه

وصحته زى البمب
 وسوزى بتعمل مشروع القراءه للجميع

وبتحضر الروتارى واللوينزومؤتمر المرأه

وبتجرم خرم ودن البنات

وجيمى بيلعب كوره خماسيه ...وعلاء بيعمل جمعيه خيريه

ونضيف  بيسوق الياخت بتاعه فى القرايه الذكيه

وبطرس غالى بيعمل حواجبه فى باريس

ويخضع الشعر للتعريفه الجمركيه

والعادلى كان زمانه بيدعيله من السواحل الشماليه

لكن مبارك ركب دماغه

ركب ايه؟؟؟  ركب دماغه ياريس  واتمسك بالعالى

والحدق يفهم بفى

طعاً ياريس انا مش هفكرك  اديتك صوتى ليه  وهروب من ايه

بس كل الى هقوله  منك لله سويت الثوار بالفلول ونولت الفلول حلم ان يتذوقوا طعم الثوره ويعرفوا يعنى ايه

ميدان التحرير

بعد ماكانوا بيعملوا ثوراتهم بشكل عائلى وسكيتى وكتيمى علشان فى ظرف حزين فى العيله

انا وحضرتك  ياريس عارفين كويس
 انك مش خطيب نحرير ..ولا متكلم بارع
فيها ايه يعنى  لو كنت استعنت بأحد

اساطين الدباجه  المفوهين وما اكثرهم فى المحروسه

كان صغلك الموضوع  بطريقه  بها بعض الحرفيه

وفيها ايه اصلاً لو كنت صبرت شويه واستفدت من التصفيق والتهليل بعد انتصارك فى حل مشكله غزة

وخرجت منها خروج مشرف ومبهر

مستعجل على ايه ياعم الحج؟

بص ياريس...الى حضر العفريت يصرفه...ولازم يكون عارف يصرفه

عقلك فى راسك ....وموبيلك فى جيبك واتصل بطره

وأعـــرف الى مبيصرفش العفريت بيحصله ايه

انا قلت الكلمتين  ويارب مكونش باذن فى مالطه

......