Wednesday, July 11, 2007

حوار مع حكيمه





صباح الخير
من كام يوم ياجماعه حصل معايا موقف
قلت اتكلم معاكم فيه
انا قبلت واحده يظهر عليها اثار الحكمه والتقافه
وجهها مريح تشعرمعها انها جدتك (صدفه
فى الطياره كنت مسافر دوله عربيه
وهى فى الكرسى الى جنبى

الى لفت نظرى ليها انها كبيره فى السن
اكل الزمان عليها وشرب
قلت ياواد ياممكن متتكلم معاها
بس اتكلم فى ايه؟! معتقدش فى موضوع مشترك
ياعم افتح انت اى موضوع... واطرح الى انت عاوز تعرفه

الى عاوز اعرفه....الى عاوز اعرفه !
الى عاوز اعرفه؟؟؟

عاوز اعرف الست الى بتفهم... بتدور على ايه فى الراجل؟

لو سالت بنت صغيره هتقولك ..عنيه خضرا... وشعره اصفر
ولازم يكون جان... وشبه (احمد عز
ويكون جسمه رياضى
ويكون كل البنات بتموت فيه... وغير ده كله يكون متدين
ومافيش مانع لو عنده ميتين تلتمين الف جنيه فى البنك
وعربيه جامده

دى طبعا على اعتبار ان البنت قنوعه وعاوزة تاكل عيش
طب ياواد يا ممكن افندى
متشوف الحكيمه دى بتفكر ازاى؟

وبصتلها وابتسمت
ودار بينا حديث دى مغزاه

قلتلها: ايه موصفات الراجل عند المراءه سواء صغيره كانت او كبيره؟
وايه هى التنازلات الى بتعملها لما بتكبر شويه ومحدش يجلها؟

الست اتخضت وبصتلى شازرا

وقالت: لما العمر بيتقدم بالنت او الست.. مش معنى كده ان محدش جالها ..لاء بالعكس ده ممكن معناه ان الى اتقدملها كتير
اوى
انا استغربت
قلت :ازاى يعنى يا خالتى الجاحه (فى سرى

قالت:الحكايه بتبتدى برفض اول وتانى عريس لسبب ما
وبعدين بيبدا وعيها بالفرق والنواقض وشروطها بتتبدل
و بتكون اصعب واعقد... وفجاءه بتلاقى الرفض هو الاصل.. قدام امكانيات المتقدمين الضعيفه

قلت:يعنى هى ممكن تشترط ايه جديد ماهى كل حاجه معروفه مثلا.. يكون عريس الغفله.. مثقف.. وكمان يكون مؤدب وابن ناس طيبين.. كمان يكون بيشتغل علشان يقدر يصرف على بيته..
قالت: دى شروط طبيعيه لكن مش كفايه يافالح
قلت فى نفسى هى هتلبخ ولا ايه؟
قلت:يعنى تقصدى الحب والمشاعير الاحاسيس والحجات الى صعب نعبر عنها؟
قالت: برضه مش كفايه... الحب كفكره مش دايم...: يعنى شويه وينتهى تاريح صلاحيته .. ممكن يطول ..او يقصر لكن هيخلص..!
انا اتصدمت زى مانتوا عارفين اخوكوا عاتفى ومشاعرى تحت جلدى
قلت: كلامك غريب بس قابل للتفكير... على العموم ..كل الكلام ياخذ بيه.. ولا يعمل بيه
قالت: انا مش بقول كلام فارغ... دى نتيجه تجارب كتير وانا هاريحك
اتفضلى: دى انا الى بقول
اتعدلت فى القعده وخدت وضع الانقضاض(على اساس ان انا الفريسه يعنى... بس على مين... دانا ممكن

وقالت: لازم اى نتـــايه عاوزة تختار دكـــرها.. انها تختاره بيعرف يسوق كويس ! ده لانه هو الى هيقعد على كرسى السواق فى حياتها...لازم يكون حريف...صاحى... لدرجه تسمحلها انها تقدر ترتاح شويه وهى جنبه... ومش قلقانه انه ممكن يلبس بيها فى شجره... ولا يقلب حياتها فى وسط الطريق..ولازم يكون عارف ازاى يتعامل مع المطبات الى هتقبلهم كويس...كمان يكون فاهم امتى يزود السرعه ...وامتى يهدى السرعه...وامتى لازم يقف خالص...علشان يحترم الاداب المرور


بينى وبينكوا اخوكوا زبهل بقيت قاعد مشرائب

الوليه دى عرفت الحجات دى فين..؟ ولخصت الرجل فى الشويه دول ازى؟



قلتلها: انتى بتتكلمى اكنك ضابط مرور
..
قالت: الحياه بين الرجل والمراءه زى السفر فى عربيه
ممكن المراءه تلاقى نفسها فى الشارع بعد حادثه جامده
او مرميه فى وسط الطريق بعد حماقه غير محسوبه من سائق جاهل
وبعدها ينطلق هو لوحده فى طريق جديد وبعيد
وبعض الرجاله مش بيسمحوا للمراءه الى جنبهم انها تغمض عنيها ..او ترتاح شويه.. وتاخد نفسها فى مشوار الحياه الطويله... ده نتيجه لاندفاع الرجل وتهوره..و بتكون هى مشدوده طول الوقت ..مع انها تتنمنى دئما الرحه والاسترخاء فلا تجده
لان هذا لايتحقق الا مع رجل بارع جدا.. وقادر على تولى امور الحياه .. وتقلبها بعقل واعى ... وعلى فكره ...المراءه لو مارتحتش ده بيقتل فيها حجات جميله من مصلحه الجميع انها تفضل موجوده......واسوأ الرجاله بقى هو الى بيتنازل عن القياده للمراءه... لعدم قدرته.. او قله مهارته... ويكتفى هو بدور المرشد.. والرغاى الى بيحذر من مخاطر الطريق الموجود فعلا ...اوالى فخياله بس

قلت: ومين الى ممكن نعتبرها اوحش وحده؟
يعنى اتكلمتى عن اسوا رجل ...طيب واسوا امراءه بقى؟
قالت: اسواء امراءه من تنام طوال الرحله... وتكتفى بدور السائحه التى تتفرج على كل شىء بدون التدخل فيه.... ولا تكون باستمر جاهزة لتولى القياده اذا تعب الرجل او المّ به مكروة
قلت: انتى كده هتقلبى علينا بتوع حقوق المراءه.. ومدى قدرتها على القياده ...
هتودينا فداهيه
قالت:حتى الستات دى بيحلموا برجل ما....

والنساء جميعا يحلمن بالرجل القادر على توفير الامــــــان..

وهو الاعظــــم والافضــــل والاكثر جاذبــــيه

قالتها وقد وصلت الطائره وهممنا بالمغادره

69 comments:

Bossy said...

السلام عليكم

يعني متكلمتش عن حزام الامان

بجد كلام عقلاني جدا
سمعت جزء منه قبل كده
يعني كان بخصوص المطبات
بس وقتها للاسف مفهمتوش صح
بوست هايل
وفعلا خذوا الحكمه
من النساااااااااااء
تحياتي

semsem said...

الاول حمد الله على السلامه

الست دى كلامها حكيم فعلا بس هى تقربا كانت بتكلم على ستات زمان

اللى كانو بالنسبه لهو السواقه للرجل فقط

انا شايفه ان الست كمان لازم تكون بتعرف تسوق دا لوحده بيعطى للرجل نوع من الاطمان والامان ان الرحله هتكمل لو حصلو حاجه او حب يريح شويا
من حقه

وانا كان الاصل ان الراجل هو القائد الاعلى

انا موافقه على ده

تانيا مين بقا فهمك يا سى ممكن ان اللى الست البنوته اللى بتفهم بتدور على احمد غز وعيون ملونه ومش عارف ايه
تعالى انا اقولك البنات الصغيير اللى بيفهمو بجد بيدورو على ايه

البنوته بتدور على واحد تحس معاه بالامان
تحس فيه بحنيه الاب وصداقه الاخ ولازم يكون حبيب والاهم من ده كله انه ينفع يكون اب

الابويه حنيه وتعليم ووقت اب يعرف ازاى يزرع فى ولاده الايمان والاخلاق
اب ميكنش دورة منحصر فى انه بس بيصرف عليهم

وبعدين الحب بالفعل فكرة دائما ومتجدده
الا انها بعد الزواج تاخد مسميات اخرى
هى الموده والرحمه والعشرة
فالحب اولا واخيرا هو من يبقى على حلاوة الحياة

مش يبقى اى حاجه كده وخلاص

فى الاخر بقا اقولك انا مين اوحش واحده

اوحش واحده اللى متقدرش تحافظ على بيتها
اللى متعرفش تحسس شركها فى الحياة باهميته ودورة بالنسبالها

الللى بتيبع فى اول الطريق
يا ممكن لو واحده ..... فكر كده شويا لو واحده بتدور على عريس عنده فلوس وملون
افرض قلب لظروف ما ابيض واسود وفلس
ياترى هتكمل معاه هتقدر تتحمل

معتقدش هى دى اسوا واحده فى وجه نظرى


واسواواحد زى جوز واحده صاحبتى كده
واحد متجوز واحده حلوة وزى القمر
بس على شان يتباها بجمالها
ووفى البيت تشوفلوة طلباته من اكل وشرب وغسيل ولو عاز حاجه تانيه مفيش مانع
بدون ما حته يحسسها انها موجوده اصلا

لو حبيت تعرف حاجه تانيه اسال انا هنا اهو اما اشوف ايه اخرتها معاك

افضل ارغى مع الناس كده فى كل حته شويا لما هتتخطف فى مرة

حمد الله على السلامه مرة تانيه

wahed said...

المراه دي حكيمه فعلا ,انا بعتقد كما قالت الحكيمه ان اهم شئ تحتاجه المراه هو الامان مع الرجل ,تريد من الرجل ان يحتويها ,تريد الرجل القوي الذي في ظله لا تخشي قسوة الدينا فهي ترتكن اليه وتعتمد عليه وواثقه في عقله وذكائه ,بوست رائع احييك عليه

الحلم العربي said...

ياااااه كلامها حكيم فعلا
و في رأيي ان ده السبب الرئيسي في تأخر سن الزواج ...ان بنات كتير وصلوا لمرحلة كبيرة من النضوج بينما شبابكتير لم يصل لها بعد....
ان بنات كتير بقت حاسة انها ممكن تقوم بدور القائد لوحدها ...بينما شباب كتير بيدور على واحدة تقوم بدوره و بدورها كمان
أما عن أسوأ بنت في رأيي اللى بتتجوز علشان مجرد انها تتجوز أو علشان تهرب من شبح العنوسة و هي مش عارفة و لا محددة السواق اللى معاها بيعرف يسوق و لا لأ...
تحياتي ..بوست رائع فعلا و يستاهل اننا نتظره كل ده

angle_bero said...

احييك على البوست الهايل ده
بس عايزه اقولك انى مفقه مع الست الحكيمه دى ومختلفه معاك انت
متفقه معاها ان البنت بتدور على الامان فى الرجل بس من وجهه نظرى انها لازم تتعلم السواقه كويس عشان تشاركه ولو تعب تتولى هى القياده بدلا منه
اما بالنسبه لاختلاف معاك فيا استاذ ممكن رايك فى بنات العصر ده غلط جدا
فكل بنت بتحلم براجل بمعنى كلمه راجل
يتحمل المسئوليه ويحميها ويبقى سندها فى الدنيا
وهى قدام كل ده بتتنازل عن العيون الخضره والشعر الاصفر واحمد عز كمان
تحياتى

Halawa said...

ايه الست الجبارة دي

لفت الدنيا كلها في كلمتين

بس بجد كلام يشيب العقل

يمكن هستئذنك أصيت لمدونتك

بسبب البوست ده

لكل اللي أعرفهم يشوفوه

هضيفك عندي لو مايضايقكش


تحياتي

بندقه said...

ايه الكلام الجامد ده
شفت الستات بيقولو ايه اهو هو ده الكلام
بجد كلام حلو اوى ومظبوط اوى

بس المشكله هو انك تعرف ازاى اذا كانت الحاجات دى فعلا موجوده فى شريك الحياه
يا ريت لو قابلتها تانى ابقى اسألها
ههههههههههههههه

سلام

bocycat said...

على فكرة يا (ممكن) مقاييس الجمال مختلفة من ست لست والراجل الجميل مش لازم يكون احمد عز ماهو ممكن يكون امور لكن دمه تقيل او مش رومانسى .. انا فى يوم من الايام حبيت واحد بشرته سمرة او ممكن تقول بنى ممكن اى واحدة تانية تشوفه تقول عليه مش حلو لكن انا كنت شايفاه اجمل راجل فى الدنيا .. اهم حاجة اما اكون معاه احس بضعفى فى قوته وخوفى فى الامان اللى بحسه معاه ويروينى برومانسيته وحنيته .. يعنى يكون راجل بجد بعقله وقلبه .. تحياتى

truelove said...

بجد الست الحكيمة دي رلخصت ما تحتاجه اي بنوتة عاوزة الاستقرار في فتى أحلامها تحيااااااااتي لك

ايوية said...

فعلا ست حكيمة
اهم شى بتدور علية اى واحدة هو راجل تحس جنبة بالامان ياة لخصت كل شى فى كلمة واحدة لو تعرفوا اية معنى الامان دة

دنــــيــــــا مـحـيـرنـي said...

بيني و بينك بقي ده كلام من تاليفك و للا بجد بجد انت قبلت الست ده
علي العموم انا موافقه جدا علي الكلام ده بس الرجاله الاي بتعرف تسوق دلوقتي قليلين اوي و يمكن شحين دلوقتي عايزين الواحده تنزل تدق و يمكن تسوق عنه صدقني بقي كتير الموضوع ده
بس في الاصل الراجل المفروض هو الاي يسوق الحمد الله جوزي بيسوق كويس عشان كده انا اتجوزته عشان انا ما بعرفش اسوق خالص هههههه

mimi said...

ممكن
الامان عنصر مهم جدا ان الست تحسه مع الراجل اللي عايشه معاه لكن لو هي حاسة بالامان بس مش حاسة بالحب تفتكر هتكون سعيدة
تحياتي وفي انتظار ردك

momken said...

Bossy
.ـ.ـ.ـ.ـ
ازيك يابوسى ماشى ستى ناخد الحكمه من النساء مافيهاش اى حاجه
بالنسبه لحزام الامان والخوذه نتكلم عنهم انشاء الله قريب ....متشكر جدا على تشجيعك ليا
تورتينى

momken said...

semsem
.ـ.ـ.ـ
الله يسلمك سا سمسم
ممكن يكون كلامك صح بس الست متغيرتش من ايام حواء هى زى ماهى

عندك حق جدا فى ان يجب ان تكون ملمه بفن السواقه او القياده للظروف الصعبه

بالنسبه لموضوه رائى فى اختيارات البنات محدش فهمنى انا كنت بتهكم على الست الحكيمه يعنى كنت بستفزها

كلامك فى الراجل جميل جدا ان الحجات دى تتوفر فى الراجل بس كام وحده بيفكروا زيك كده؟؟؟؟
قلبل اوى اوى اوى

عندك حق جدا ياسمسم فى اسوا ست واسوا راجل والامثله بتعتك حيه وجامده ومقنعه جدا ربنا يكرمك
ويسترها معاكى
تحياتى

momken said...

semsem
.ـ.ـ.ـ.
الكومنت بتاعك ينفع بوست جدا مليان حكم وامثله ومواقف وكلام ومحترم جدا لازم نقف له احترام
تحياتى

momken said...

wahed
.ـ.ـ.ـ
كلامك جميل ومحترم جدا وانا متفق معاك جدا فى رئيك
متشكر جدا لتشجعيك ورائيك يهمنى جدا

نورتنى

momken said...

الحلم العربي
.ـ.ــ.ـ.ـ.ـ
كلامك هايل جدا ومحترم جدا
انا متفق معاكى فى ان اسواء وحده الى بتتجوز لمجحرد الجواز او تفترض جدلا ان ضل راجل ولا ضل حيطه
او على رئيك بتهرب من شبح العنوسه
انتى عندك حق جداجدا
كلامك ممتاز
تحياتى
نورتينى

momken said...

angle_bero
.ـ.ـ.ـ.ـ.ـ.
ازيك يا بيرو منورانى والله
على فكره كل الناس متفقه مع الحكيمه ومختلفه معايا حتى انا شخصيا
لان رئيى كان مقصود منه استفذاذ الحكيمه علشان تتكلم كنت بستفذ حكمتها برائى السطحى جدا علشان هى تكون اكثر عمقا واقناعا

نورتينى
ومتشكر ياستى على اختلافك معايا
تحياتى


Halawa
.ـ.ـ.ـ.ـ.
حلاوة انت منورنى ومتشكر جدا لمسعداتك الجميله ليا للمدونه المتوضعه الى يشرفها ويشرف صحبها مجرد ان حضرتك تزورها
اما ان حضرتك تضفنى عندك ده طبعا حلم منحلمش بيه
ومتشكر جحدا على رئيك وكلامك الجميل
تحياتى


بندقــــه
.ـ.ـ.ـ.ـ.ـ.ـ
شوفت ياستى الستات بتقول كلام حلو ازاى هو انا فتحت بقى ولا اقدر حتى افتح بقى
الى عاوز يعرف الحجات موجوده ولا لاء يرجع لشرع ربنا فى اخيار الزوج المناسب هو ده المرجع الاصلى فى الموضوع ده
حاضر لو قبلتها عينى هقولها بندقه بعتلك رساله وبتقولك تعرف ازاى انها موجوده؟
نورتينى يا بندقه
تحيــــــــــــاتى

bocycat
.ـ.ـ.ـ.ـ
عندك جدا يابوسى كلامك كله منطق
انا قولت كده بطريق الاستفزاز للحكيمه بس ده ميمنعش ان فى بنات كتير بتفكر بالطريقه دى
متشكر جدا على رئيك خصوصا انه صادر من قطه المدونين المدلله

تحياتى


truelove
.ـ.ـ.ـ.ـ.ـ
عندك حق جدا هى فعلا لخصت صفات افضل الرجال والى بيعتبر فتى الاحلام
وخرجت بيه بنات كتير من وهم عايشين فيه بسبب الكليبات وشباب لبنات الى احلى من البنات
ههههههههههههههه
بهزر تحياتى


ايــــويــــة
.ــ.ـ.ـ.ـ.ـ.ـ.ـ

عندك حق جدا يا ايويه هى خبرتها وتجربتها غنيه اوى
ومع قله كلمتها ندرتها الا ان القليل منها يعنى الكثير جدا لكثير زى حالاتى
محتاج دروس كتير اوى فى الحياه

انتى نورتينى يا ايه
تحياتى

momken said...

دنــــيــــــا مـحـيـرنـي
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ

بينى وبينك ازاى يا دنيا... الناس كلهم بيقروا الكومنت ههههه
ربنا يباركلك فى زوجك واولادك
الزوج الصالح هبه من الله سبحانه وتعالى
والزوجه الصالحه انا اعتقد انها رضا الله على هذا الشخص
ربنا يطرك عليكم رضاه ويسعدكم دئما

نورتينى
تحياتى

mimi
.ـ.ـ.ـ
ميمى لاء معتقدتش
الحب والامان هما عناصر اساسيه مرتبطه بالسعاده بين الزوجه والزوجه
وكويس انك لفتى نظرى لحاجه زى دى
نوتينى
تحياتى

semsem said...

ممكن
----
اولا متشكرة على تعليقك الرائع

بس احب قولك مثلا انا الستات بتغيير ذى

يعنى انا اكيد مختلفه عن امى وعن جدتى فى طريقه تفكرهم فى اختيار شريك الحياة بالذات


الا انا الاصل يبقى فى العادات والتقاليد الاساسيه فى حياتنا


ربنا يسترها معاك دنيا واخرة ياممكن

بوستك هايل وكلامه حكيم فعلا

إنـســانـة said...

الاماااااااااان

جابت المفيييييييييد

هو ده بالظبط اللى اى واحدة عايزاه ونفسها تحس بيه .. وفى اعتقادى الشخصى انه مش موجود اساسا للأسف إلا فى جنب الله وبسسسسسس

إحساسى بالخوف اللى قرب يبقى رعب بيزيد وربنا يستر بقا
:)

تحياتى

Anonymous said...

احب اضيف لكلام الحكيمه مع انى مش حكيمه
ان الست مش بتدور غير على الامان
وان الراجل كمان مسؤول بطريقه مباشره وقويه عن تغير افكار واراء المرأه فى الرجل
مش بحملك المسؤليه يا ممكن
بس اللى عاوزه اقوله ان الست مفاهيمها وافكارها واراءها ومتطلبتها فى الرجل بتختلف بعد اول خيانه وغدر تتعرض لهم من رجل
يعنى الست لما بتحب لاول مره بتكون ست
وبتكون اجمل ست
لكن بعد ما بتتعرض لاول غدر من الرجل
بتبتدئ اولى مراحل الانتقام كنوع من التعويض
فا بتبدى يكون لها مطالب وشروط وافكار قد تكون هدامه
لكنها بتكون بتنتقم وده تفسيرى المتواضع
مع انى مختلفه مع الحكيمه فى موضوع الحب
لان من غيره الحب
الحياه بتكون من غير طعم
وكلها متشابها
زى الطريق الصحراوى الطويل
اتمنى ان الحكيمه تقراء كلماتى المتواضعه وتفتكر اول حبيب وتنسى اول غدر او خيانه
واتحداك ان كل واحد فينا جواه مساحه ومكان فى قلبه بيبتسم لما بيزوره من وقت للتانى
واحيانا بيتالم فى نهايته

momken said...

semsem
.ـ.ـ.ـ.ـ

خيرك سابق ياسمسم

انا عارف ان الستات بتتغير
وده التطور الطبيعى للحاجه السقعه
وسنه الحياه لكن هناك ثوابت ومتغيرات
دى هى الى بتكلم فيها اقصد طبعا الثوابت

تحياتى

momken said...

إنـســانـة
.ــ.ـ.ـ.ـ.ــ.
اختلف معاكى جدا يا انسانه الامان موجود جدا جدا
كفايه ان بابك بيتقفل عليكى وبتقدرى تروحى تصلى وترجعى
لو عاوزة تعرفى معنى افتقاد الامان اسمعى اخبار العراق

تحياتى

momken said...

Anonymous
.ـ.ـ.ـ.ــ.

انتى منورانى وانتى متخفيه كده بس كلامك يحمل فى طياته حكمه بليغه
اعتقد انك مش بلجر
وخساره جدا تطونى مش بتدونى عجبنى رئيك جدا واتمنى تسمعى ردى

فى الاخر الخيانه مش بتكون غلطه فرد
الخيانه بتكون غلط رجل وامرتان
زوجه الرجل الى دفعته للخيانه
وصديقه الرجل الى خانت نفسها معه
الخيانه لها ثلاثه اضلاع واركان
خائن
ومخان
وخائنه

تحياتى

Anonymous said...

حلو اوى يا ممكن كده جينا لبيت القصيد
اننا بناكل بعض مش لاننا معندناش حاجه نكلها لاء لان فى انواع من الناس بتحب تاكل فى اللى حواليها زى النار والانسان الخاين ده نار بتحرق اللى بقرب لها وممكن اللى هيتفرج عليها
اتمنى اننا نهدى ونحاول نوصل لامان داخلى علشان نقدر نكمل
ومتشكره على رايك فيا انا بجد شدنى موووت كلمات الحكيمه وكان نفسى ارجعها لاحساسها الاول بالحب علشان تبتسم وتنسى موضوع السائق والطريق والمراء والامان
اتمنى اشوف ابتسامتك وابتسامتها ديما منوره وشوشكم

Anonymous said...

يا ممكن انا نسيت اقولك حاجه اهم
انا اكتر واحده عندى يقين ان الحب مهم جدا للحياه علشان الاستمرار بس بردوا انا اكتر حد ما صادفش الحب ده
وزى اى امراه ليا ارائى فى المحبوب لكنها اراء متغيره باستمرار او مكمله لبعضها
لان محدش اقدر يعرف الحب
تعريف ثابت
لكن اقدر اقولك يا ممكن برغم انى عرفت البلوج بتاعت عن طريق غلطه كتابيه فى عنوان على جهازى المتواضع الا انك اكتر حد
خلانى احس
ان طعم الحب فى كلماتك حلو اوى
من فضلك تكتب ديما
عن الحب
لاننا عطشانيين جدا
لكلمات تروى بداخلنا مساحات كبيره من الحب
لتستمر بداخلنا الرغبه فى الحياه

ممكن
شكرا لكلماتك
اى حد

شيرين said...

بوست هايل فعلا اهنيك عليه
ويابختك انك اتكلمت مع الست دي بجد كلام حكيم ويدل على خبراتها الطويلة في الحياة

وارى ان كلامها عقلاني فعلا ... ادي الستات ولا بلاش

تحياتي

momken said...

Anonymous
ـ.ـ.ـ.ـ.ـ.
ياستى انتى منوره البلوج والشرف ليا طبعا انك تكونى موجوده فيه
ومتشكر جدا على شعورك تجاهى وتجاه الحكيمه
وانا متفق معاكى فى اننا محتاجين نكون انقى واهدى علشان نبان اجمل

تحياتى

momken said...

Anonymous
.ـ.ـ.ـ.ـ.ـ
مع احترام الشديد لكلامك الحب مش بيجى صدفه
انتى لازم تدورى على الحب وتحاربى علشانه
الحب مش هديه حد هيقدمهالك لاء الحب نعمه من الله سبحانه وتعالى ويجب السعى ليها للحصول عليها

اما عن رئيك فى المحبوب فاحب اقولك محدش بيختار حبيبه
حبيبك هتحبيه حتى لو مكنش فيه اى صفه من مواصفاتك

فى الاخر انا بشكر الظروف والاخطاء الى خلتنى اسمع رائيك فى كلامى المتواضع واسمع نقدك ليا

اشكرك لتشجيعك جدا
ولمجاملاتك الرقيقه
تحياتى

momken said...

شيرين
.ـ.ـ.ـ
متشكر جدا على كلامك الرقيق وريك ياشرين
تشجيعك فعلا له تاثير السحر عليا
نورتينى

klmat said...

السلام عليكم
احييك على اختيار موضوع الحوار لأن اللى انت عايز تعرفه الكل عايز يعرفه وحسن حظك ماشاالله كان مع خلاصه الخلاصه بحكم الخبره والسن فى رأيى الست بتحب الرجل القوى الذكى الذى يتقى الله طالما ذكى حايحسن التصرف ويدبر حياه مستقره وطالما يتقى الله ان حبها اكرمها وان كرهها اتقى الله فيهاواعتقد ان الرجل عايز الست زى ماتشغل قلبه تشغل فكره بمعنى ان تكون ذكيه وتستطيع مشاركته فى القياده بل قد تكون هى الدليل اللى يوضح الطريق الذى لايستطيع الاستغناء عنه هى الدليل وهو القائد
احييك على البوست الجميل واتمنى لك التوفيق

momken said...

klmat
.ـ.ـ.ـ.ـ
انا متفق معاكى جدا فى تعليقك
ماشاء الله كلامك حلو وحكيم زى كلام الحكيمه
ومتشكر على اطرئك ومجاملتك الرقيقه
انتى نورتى البلوج فى اول زياره لحضرتك عليه
تحياتى

دكتور مستكنيس said...

عارف أسوأ حاجة في الليلة ايه ان الطيارة وصلت الناس دول الواحد بيبقي نفسه يفضل معاهم كانه في محاضرة ياخد منهم حاجات ويتعلم
مدونتك لزيزة جدا
تحياتي

شيماء الجيزى said...

بصراحه

المرأة دى بتفهم بشكل كبير جدا
والحياة فعلا اخدت وادت معاها بشكل كبير

وانت بجد كنت رائع انك استشفيت ده وحاولت تفتح معاها حوار

وعلى فكرة حكمتها حياتيه
بس فى اهم امور الحياة فى الدنيا دى كلها
وهى العلاقه بين الرجل والست
ده فى حد ذاته شئ قيم جدا

بجد تحياتى
وحمدلله على السلامه

بنوتة من وسط البلد said...

جمييل اوى بصراحة موضوعك
طلع رخصك بقى واركن هنا على جنب :)

momken said...

دكتور مستكنيس
.ـ.ـ.ـ.ــ.ـ.ـ
عندك حق يا دكتور بس هنعمل ايه مانت ميخلصكش افضل متعلق فى الهوا كده
بس فعلا فى ناس الوقت بيخلص معاهم بسرعه
انت ونورتنى يادكتور
تحيانى

شيماء الجيزى
.ـ.ـ.ـ.ـ.ـ.ـ.
متشكر جدا على كلامك
وانا متفق معاكى جدا فى كلامك خصوصا بشان ان من اهم الدروس فى الحياه هى علاقه طرفى الحياه ببعض وعما الرجلا والمراءه
انتى نورتينى يا شيماء
تحياتى

بنوتة من وسط البلد
.ـ.ـ.ـ.ـ.ـ.ـ.ـ.ـ.ـ.ـ
متشكر جدا يا بنوته على كلامك وتشجيعك
الحقيقه انا ماشى بالوصل
تاخديه
بدل ما ترجعى تندمى وتقولى يارتنى خدت الوصل

تحياتى

Hadota .. حدوتة said...

حكيمة فعلا الست دى
ودا ابلغ وصف شوفته للعلاقة بين اتنين
انا شخصيا
عمرى ما حلمت با احمد عز ولا اتمنين 200 الف

انا فكرت فى برات بيت
ويكون عنده 5 او 6 مليووووون
ههههههههههه

تحياااتى ليك
اسلوبك لذيذ جدا
ودمه خفيف مووووت

سهر الليالى said...

تصفيق حاد بجد
أحلى وأجمل بوست قريته من مدة طويلة

البوست انا هأحطه فى قائمة أحلى البوستات عندى

بجد ايدى وجعتنى من كتر التصفيق

تحياتى

مروة جمعة said...

صباحك فل يا عم
واااو هايله هايله بجد ..
على فكرة المرأة كتابتها الصحيحة كده (مرأة)..او (امرأة) مافيش همزة على السطر
بس بجد هايل وتنفع صحفي
تحياااتي

momken said...

Hadota .. حدوتة
.ـ.ـ.ـ.ـ.ـ.ـ.ـ.ـ
برات بيت ماشى ياست حدوته انا بقول انها عاوزة تتستر وتعيش لكن انتى عاوزة تبقى نجمه ده موضوع مختلف بريت بيت ماشى مع خمستاشر وحده كلهم من المعادى
والفلوس الى عنده مش هيتمتع بيها علشان ماضى شكيات وعليه قضيه اشغتا طريق بتاعه عربيه الكبده الى فى مصر القديمه
متشكر جدا على تشجيعك

تحياتى

سهر الليالى
.ـ.ـ.ـ.ـ.ـ.ـ
والله انت التلعليق بتاعك اكتر تعليق اصبنى بخجل شديد
والله اخجلتم تواضعنا جدا
بارك الله فيك
او بمعنى اخر ربنا يجبر بخترك يا فندم

نورتنــــــــــــى


مروة جمعة
.ـ.ـ.ـ.ـ.ـ
متشكر جدا يامروة على كلامك الجميل
حاضر ياستى هكتب امرأه بدون همزة على السطر واللع يقطع المدارس الخاصه وال سى جى اس اى

هى الى ضيعتنى فى اللغه العربيه

تحياتى

ياسمين said...

البوست اكثر من رائع يا ممكن
بجد عاجبنى جدا وعاجبانى فكرته
وكل كلمة فيه فيها حرفية الكاتب اللى عايز يوصل رسالة

برضه تصفيق حاد زى سهر الليالى صاحبتى حبيبتى

وفى لينك للبوست دة عندى على المدونة

تحياتى

wahed said...

اتأخرت ليه في كتابة بوستات جديده

momken said...

ياسمـــــين
.ـ.ـ.ـ.ـ.ـ.ـ.
زعيمه المدونات انتى نورتينى ومتشكر جدا على مجملتك الرقيه وعلى كلامك الجميل وياستى تسلم ايدك الاى صقفتلى

وبلاش الحجات دى علشان متغرش

تحياتى ليكى وانا سعيد جدا بتشرفيك لمدونتى المتواضعه

تحيـــاتى

momken said...

wahed
.ـ.ـ.ـ
من عنيا مقدرش اردلك طلب قريب اوى هعمل بوست كويس ان شاء الله ينال رضاك واستحسانك

تحياتى

الكلام نوعان :كلام فارغ وكلام مليان كلام فارغ said...

كلام عاقل جدا جدا
بجد عندك حق لخصت الراجل من خلال موقف الواحد مش ممكن انه ياخد باله منه
عندها حق لان كتير اوى المراه هيه الل بتحط شروطها على الرجال بس فين شروط الرجال بقى؟
بوست تحفه
وبجد
فظييييييييييييييييييييييييع

momken said...

الكلام نوعان :كلام فارغ وكلام مليان كلام فارغ
.ـ.ـ.ـ.ـ.ـ.ـ.ــ.ـ.ــ.ـ.

انا متشكر اوى على رئيك وجميل انك اخدتى بالك
ومتشكر اوى على تشجعيك الجميل

تحياتى

only spot said...

السلام عليكم
البوست فعلا هايل وجميل
تعرف انت على لسان الست دى قدرت تلخص المشكله ان الست بتعيش طول الرحله بدور على الامان والحنان وممكن تلاقيهم وممكن لا
اما الرجل فبيعيش يدور طول الرحله على حاجات كتيييييييير بس فيه الى بيتنازل وده العقلانى وفيه الانانى الى فى نهاية الرحله بيلاقى انه موصلش لشئ
عن جد تحياتى ليك على الكلام الجامد ده

Ahmed Moghazy said...

بس هى لازم تتعلم ازاى تسوق لان الطريق مليان حوادث ومشاكل ومحدش عارف اية ممن يحصل بكرة

فلازم تكون مستعدة للجلو سعلى عجلة القيادة وتولى المسئولية

موضوع جميل

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

mariam said...

الست كلامهما حلو
اكيد لأنها كبيره وفاهمه الدنيا صح
اهم حاجه الأمان و السكينه

تحياتى

بندقه said...

السلام عليكم.......عندى موضوع مهم لازم تشاركونى فيه ضرورى

momken said...

only spot
.ـ.ـ.ـ.ـ.ـ.
متفق معاك جدا فى كلامك ورائى ان التنازلات من الطرفين هى الى بساعد على استمرار الرحله وبيتجى لحظه بيكون
احتياجات الطرفين وحده ومتفقين فى كل شىء حتى نهايه الرحله
كمان بعتقد ان الاختلاف فى الحجات والمتطلبات بيكون فى الفتره الاولى فقط الخمس ست سنوات الاولى


mariam
.ـ.ـ.ـ.ـ.
عندك حق بس مش شرط تكون كبيره فى بنات صغيرين عقلهم يوزن بلد
وحكمتهم تفوق حكمه افلاطون فى حبهم
للحق والخير والجمال

تحياتى

بندقــــــه
.ـ.ـ.ـ.ـ.ـ.ـ.ــ.
من عنيا يا بندقه حالا هاروح عندك اشوف ايه الحكايه طيب كنتى قولى اجيب معايا البطاقه ولا لاء

تحياتى
كلامك جميل وتستحق يكوةن بوست
تحياتى


Ahmed Moghazy
.ـ.ـ.ـ.ـ.ـ.ـ.ـ.ـ

كلام جميل كلام معقول مقدرش اقول حاجه عنه

تحيــــاتى

صاحب البوابــة
.ـ.ـ.ـ.ـ.ـ.ـ.ـ.
عينى.... هاروح عندك واشوف الموضوع حالا

تحياتى

اسلام رفاعى said...

فعلا كلامها فيه كثير من الحكمة
.......................
سعيد بزيارة مدونتك اتمنى انك تشرفنى فى مدونتى

Mustafa Şenalp said...

çok güzel bir site.

momken said...

اسلام رفاعى
.ـ.ـ.ـ.ــ.
متشكر على رئيك وانا يشرفنى زياره مدونتك

تحيــــــاتى


Mustafa Şenalp
.ـ.ـ.ـ.ــ.ـــ.
متشكر جدا يا مصطفى على تشجيعك
انت اول حد تركى يشرفنى بالزياره
يارب تكون بتكب عربى فى مدونتك
لان التركى بتاعى زى الهندى بتاعك بالظبط
تحياتى

catroz said...

اولا كده البوست هاايل فعلا
الست الحاجه كلامها صح اوووى
بتشبه حاجه بحاجه
فعلا ناخد الحكمه منهم و نطبقها هنستريح فى حاجات كتيره اوى
اول مره تقريبا اجى هنا
هتلاقينى كتير ان شاء الله
:D

Anonymous said...
This comment has been removed by a blog administrator.
midi haytham said...

شركة تنظيف واجهات حجر بالرياض
شركة كشف تسربات المياه في الرياض
شركة نقل اثاث بالرياض
شركة تنظيف فلل بالرياض
افضل شركة تنظيف بالرياض
شركة نقل عفش بالرياض
شركة نظافة بالرياض
شركة تنظيف مسابح بالرياض

شركة تنظيف مجالس بالرياض

midi haytham said...

شركة تنظيف بيوت بالرياض
شركة رش مبيدات بالرياض
شركة مكافحة حشرات بالرياض
شركة عزل خزانات بالرياض
شركة عزل اسطح بالرياض

ترميم البيت
شركة تسليك مجارى بالرياض

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

عوض الحوت said...

شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام

عوض الحوت said...

شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة مكافحة حشرات بالدمام
شركة رش مبيدات بالدمام





شركة تنظيف
شركة تسليك مجارى
شركة مكافحة النمل الأبيض
شركة مكافحة حشرات
شركة رش مبيدات





تنظيف بالدمام
تسليك مجارى بالدمام
مكافحة النمل الأبيض بالدمام
مكافحة حشرات بالدمام
رش مبيدات بالدمام




تنظيف
تسليك مجارى
مكافحة النمل الأبيض
مكافحة حشرات
رش مبيدات

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر

قمم التميز said...

شركة كشف تسربات المياه بالدمام
شركة مكافحة النمل الابيض بالدمام
شركة مكافحة حشرات شمال الرياض
شركة مكافحة حشرات شرق الرياض
شركة مكافحة حشرات جنوب الرياض
شركة رش مبيدات شمال الرياض
شركة رش مبيدات شرق الرياض
شركة رش مبيدات جنوب الرياض
شركة مكافحة الثعابين بالرياض
شركة مكافحة الثعابين بالدمام
شركة رش دفان بالدمام
شركة رش مبيدات بالدمام
شركة تسليك مجارى بالرياض

قمم التميز said...

شركة تنظيف بالدمام
شركة تنظيف منازل بالدمام
شركة تنظيف بيوت بالدمام
شركة تنظيف فلل بالدمام
شركة تنظيف شقق بالدمام
شركة تنظيف خزانات بالدمام
شركة جلى بلاط بالدمام
شركة تنظيف براس تنورة
شركة مكافحة حشرات براس تنورة
شركة مكافحة حشرات بالجبيل
شركة مكافحة النمل الابيض بالجبيل
شركة رش دفان بالرياض
شركة مكافحة حشرات بالدمام

قمم التميز said...

شركة المثالية للتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر