Monday, August 20, 2007

واثق من نفسك.......ولا مغرور 2


صباح الخير




وصلنا فى البوست الى فات عند طريقه خداع العقل الباطن فاكرين ولا نعيد من الاول


نعيد من الاول؟؟


طيب يبقى فاكرين


مش عارف يا جماعه انتوا مال شفيفكوا مدلدله كده هو انا بتكلم لاتينى


طب اعمل ترجمه


طيب نكمل على الى قولناه المره الى فاتت




طريقه خداع العقل الباطن....




الطريقه ببساطه هى التحدث مع الذات
واحد هيقولى احنا هنخرف ولا ايه
لأ ياسيدى
انتوا عارفين...اينشتاين
اينشتاين... كان بيقف يكلم نفسه كل يوم قدامه المرايه لمده ساعه
ولما سالوة بيعمل كده ليه؟
قالهم لانى اتعودت اكلم حد ذكى لمده ساعه يوميا


ناس هتقولى.. الناس هتقول عليا لسعت....
خالص
انت هتكلم نفسك جواك...اه فى سرك يعنى
مش هتمشى تهرتل فى الشارع
مثال
حاول كده تقول
انا سعيد....! انا فرحان اوى.....انا فى منتهى السعاده

طيب خد بالك من احساسك هتلاقى نفسك ابتهجت
وكمان هتلاقى نفسك ابتسمت...صح... اهو
الحكايه ان اى حاجه بنكررها جوانا
عقلنا الباطن بيتصرف على اسسها
يعنى لو كررت كلمات وحشه زى.. انا تعبان.. وامكاناتى محدوده...ومش هنجح... وفاشل
عقلك الباطن هيتصرف على اساس المعطيات الى انت خزنتها فيه
بمعنى الى بيدور فى نفسك اكنك بتسجله على الهارد بتاعك والهارد ده هو العقل الباطن بتاعك
المقصود بالحبه دول انك لازم تملى عقلك الباطن بالمفردات اللغويه الى تحفزة على تدعيمك ودفعك لثقتك بنفسك وتنسى الالفاظ والمفردات الى بترجعك ورا
صعبه دى؟؟!

كمان فى نقطه مهمه جدا
دايما كانوا يقولوا لينا ماتقرنش نفسك بإلى اقل منك وقارن نفسك بلافضل
الكلام كويس بس فى حاجه

المبالغه فى المقارنه بلافضل ممكن تؤدى للاحباط واهتزاز الثقه
بمعنى مينفعش انا اقارن نفسى باحمد زويل
لكن اجيب مثال ممكن ومتاح... واقدر اكون زيه
ده بيسموة القدو
ة
انما انى اقارن نفسى بحد بعيد اوى ده هيضعفنى جدا وهيهزنى قدام نفسى وهبان محبط
لكن لو اصابك الاحباط يبقى فورا روح لحد اقل منك وناقشه واتكلم معاها علشان تعرف النعمه الى انت فيها
دى هيرجعلك ثقتك بنفسك بسرعه
دى برضه صعبه؟؟
!

كمان انت لازم تكافىء نفسك

لما تعمل حاجة كويسة وتحس إن إنت أنجزت.. كافئ نفسك..!!أيوه.. هات لنفسك بوكيه ورد..!اعزم نفسك على مطعم بتحبه..!هات هدية تكون نفسك فيها..!بس كده!!
مش جنان ولا هبل
الطريقه دى مهمه جدا ليه؟
مش هتحتاج تقدير من الآخرين لأن التقدير إنت هتديه لنفسك!العقل الباطن محتاج تقدير..وإنت هتديهوله.... الدوافع للنجاح هتكون بكده داخلية مش خارجية!الدوافع للنجاح لما بتكون داخلية بتكون أقوى وتأثيرها مستمر
درجة التقبل الذاتي هترتفع!هتقدر تتقبل نفسك أكتر وتتصالح مع ذاتك
الموضوع ببساطة ومن غير مصطلحات وكلكعة: لما تعمل حاجة كويسة كافئ نفسك..
دلع نفسك يعني!!ولا تهتم برأي الناس.. خليك فاكر إن رأي الناس فيك لا يدل عليك..
المهم هو رأيك إنت في نفسك..
وشوف النتيجة بنفسك.... بس كده
حاولوا كده تجربوا الحاجات دى وقوليلى ايه الاخبار
بس

41 comments:

اسكندراني اوي said...

على فكره وماتقولوش عليا مجنون
انا لما بكون لوحدي بكلم نفسي وبناقشني في مشكلات شخصيه وعامه وشغل وخلافه
واحيانا بتكلم بلغات غير العربيه
عشان يبقى الجنان رسمي
هههههههههههههههه
على فكره الموضوع دا بينفع انا بسميه تفكير بصوت عالي

اما من ناحيه المكافات
فدي فكره جديده حبقى اجربها واقلكم


تحياتي بجد على البوست الهايل

واتمنى ان تكملو ما بدئتموه
وفي انتظار المزيد

Hadota .. حدوتة said...

السلام عليكم
ايه يا ممكن الكلام الكبير دا
انا عاوزة اقولك ان الكلام دا صح جدا لابعد الحدود لانى مجربة وعارفة

بس حكاية المراية دى مجرتهاش
بس بتكلم مع ذاتى
قبل ما نام مثلا .. انا عملت كذا صح وكذا غلط وابتدى ادى نفسى دورس فى الحاجات الغلط وانتشى بنفسى فى الحاجات الصح
ولما مش بقعد مع نفسى بتغاظ اوى اوى وبحس انى بعدت عن ذاتى


دا غير انى مبحبش اقارن نفسى بحد لان مش كل الناس زى بعضها
اللى اعلى منك هتتحبط منه واللى اقل منك منك ممكن تحس انك على كده كويس وكتر خير الدنيا اوى كده ويبطل سعى وتطوير لذاته

الا فى حالات اللى انت بتقول عليها

حتة مكافاة الذات دى بقى حدث ولاا حرج
انا على طول عازمة نفسى ومفرفشة ذاتى على الاخر
وعمرى ما ضغطت على ذاتى فى حاجة

وانا اعتقد ان دا احسن مااضغط على نفسى فى اى حاجة
هوا الواحد ناقص
مش كفاية الضغوط الخارجية
هبقى انا والدنيا عليا ولاايه

تحياتى يا ممكن
البوستين دول جامدين اوى وبيفرقوا مع الناس

اهو المرة دى كومنت مختصر جدا اهو
سلام بقى عشان مطولش عليك
:)

الصقر الجارح said...

هو ممكن يا ممكن وليه لا
بس انا هاسيب الى ورايا والفراغ اللى الواحد فيه ده كله واعد العب مع العقل الباطن
بس ممكن برده
اهم حاجه هو ليه كده
واخرتها كل ما احبط اقول انا فرحان افرح اول ما افوق واقف وابص للحاجه واقطع الحديث مع العقل الباطن هاحبط تانى
الحل ان الواحد يحب الاحباط والايام السوده وكل حاجه ممكن تضايقه
علشان لما تبقى انت بتحب الون الاسود ويومك اسود مش هيحصل كتر هو اسود اصل ومفيش اسود اسود من الاسود
وربنا مع الناس اللى هتسمع كلامى او كلامه هنطلع جيل مجنين ان شاء الله

semsem said...

السلام عليكم ورحمه الله وبركاته
ازيك يا ممكن يا رب تكون بخير

طبعا انت مسبتليش حاجه اقولها

هقول ذى ما قلت بس هقول حاجه صغيرة كمان

ان الطريقه ان نعاطي عقلك الباطن لاشباء ايجابيه فعلا جيده جدا

الاضافه
---
انك كمان ممكن تتعامل مع الناس كده
بمعنى انك لو عاوز تاثر فى اللى قدامك بحاجه ,يبقى لازم نستخدم الكلمات الايجابيه اللى تخلق جو من الراحه فى نفس اللى بتكلمه
مثل رائع وممتاز اما مثالا لو استخدمت كلمات سلبيه ذى متخافش هتخلى اللى قدامك يخاف من غير حاجه


وفى نقطه كمان

ان كنا بنتكلم عن خداع العقل الباطن
ان احاسيسك تنعكس على وضع جسمك والعكس
يعنى لو اجبرت نفسك على الابتسام ستشعر بالسعاده
حتى لو لم تكن سعيد



كفايه كده يقا

رائع يا ممكن وممتاز كالعاده البوست المرة دى هايل بجد
ومنظم جدا وافكارة مرتبه
شكرا يا ممكن

فى القلب said...

على فكره
أنا كنت زمان يعنى بطلتها بقالى سنه كده
كنت ديما اقول فى نفسى أيه السعاده الى أنا فيها دى حتى فى عز ما الدنيا مضلمه
شكراً اوى يا ممكن أنك فكرتنى
حكايه مكفاه النفس هقولك حاجه تدحقك
أنا لما بعمل روجيم كل أسبوع فى نهايته
بكافئ نفسى بكل الأكلات التى أتحرمت منها طول الأسبوع
ههههههههههههههههه
وهى دنيا
شكراً ليك يا ممكن

لعب عيال said...

كنت مستنية البوست زى ما قلتلى، نقول بقى:
اولا: تشجيع النفس سواء بالكلام مع الذات او فى المريا حاجة صح جدااا -بس مش على طريقة انا مش قصر اوزعة انا طويل و اهبل- لازم تبقى مبنية على حاجات حقيقية ، يعى لازم نعرف نفسنا و فى كل الاحوال نشجعها.
و لا زم نفتكر ان اينشتاين كان النس بتقول عليه مجنون برضه- بس المشكلة ان الراجل ده كان بيفكر بمخة كله و اغلب الناس بتفكر بنص مخ هههه تقتكر ممكن نعمل ايه.
اما على راىء الناس فاختلف معاك لانة حاجة مهمة بس الشطارة هى انتقاء الاراء لان فى ناس بيصعب عليها انها ما وصلتش لحاجة فتكسر فى اللى قدمها وخلاص و ده بيستخدمه العقل الباطن ويبنى الحاجز النفسى بينك وبين النجاح وتبتدى تصدق انك كل اللى بيتقال عليك وهنا بيجى دور الصديق وده ربنايكرمنا بيه لانه بيلعب دور المريا - لا ن الصديق من الصدق- طولت عليك بس البوستين هايلين

شمعة أمـــــل said...

طبعا انا مش هقولك ان مجنونه اصلا لانك عارف من كده وجربته
لكن فعلا انا كنت بعمل كده مع نفسى
كنت بتكلم مع نفسى واحاول الاقى حل للاحباطات اللى بتقابلنى
وكتير جربت حكاية انى اقعد اقول لنفسى انى كويسة وفيا حاجات كتير كويسة
لكن انا مشكلتى انى بدور على عيوبى دايما وده فى حد ذاته عيب
بس المشكلة التانيه ان بقابل نماس كتير بتحبطنى بس ده بسبب اختلاف ميولنا وعشان كده بحاول انى اتجاهلهم لكن فى معظم الوقت مبقدرش اتجاهل الكلام وبحس باحباط
بس الحمد له ان ربنا دايما بيقف معايا والحمد لله بطلع صح فى رايى بس طبعا مش كل الوقت
عايزة اقولك فى النهاية اننا لازم نكون صرحاء مع انفسنا
لازم نكون شايفين نفسنا صح ومنضحكش على نفسنا عشان نحس بالسعادة , لانها هتبقى سعادة وهميه
البوست جميل واحلى حاجة انك كل سطرين بتعملهم خلاصه فى السطر اللى بعده
طبعا انا عارفة انك هتقول انى اتعاديت منكم وبعمل تعليقات طويلة
بس هنقول ايه
من عاشر القوم;)
تحياتى على البوست الجامد ده

الحلم العربي said...

موضوع حلو جدا و نصايح بجد كنت محتاجاها

موضع انى اكلم نفسي .... ما تقلقش انا الوصية دي ماشية عليها تمام جدا ....ا لحمد لله طول مانا قاعدة بشتغل بكلم نفسي ااصلى بحب اكلمنى اوي و اقعد اشتمنى شوية و احبنى شوية و اشجعني شوية ...يعني من الناحية دي مش مقصرة

لكن بالنسبة لمووضوع انى ادلعني دي غريبة شوية عليه ...مش عارفة ازاي ممكن اشتري لنفسي هدية ...ما اتعودتش عليها ...لكن بجد هحاول ممكن تعمل أثر كويس و اكيد إن شاء الله هقولك لو حصل تغيير كويس

تحياتي و مستنين البقية يا افندم

wahed said...

انا سعيد ...أنا فرحان ...انا في منتهي السعاده ,هفضل اكررها ديما كل يوم قبل الاكل وبعده ههه

حكاية ان الواحد يقارن نفسه بالغير ,انا دايما مش متفق علي الكلام ده....فيه كتير من الاباء والامهات دايما تقول لابنائها شايفين ابن الجيران متفوق اهو مش زيك

ده بيخلق عفد واحباط وقلق للطفل وهو صغير

المفروض الواحد يعمل اللي عليه, ولو حب يقارن نفسه بأحد يقارن بما هو فيه مستواه


مسألة اكافئ نفسي فدي غريبه شويه بس هي فكره حلوه ,الواحد يحدد ميعاد مع نفسه ويرووح مطعم مع نفسه ههه كفايه كده هتجنن هههه


وفعلا زي مبتقول يا ممكن الواحد مما لا يعبا كثيرا برأي الناس طالما هو شايف نفسه صح ومبيعملش حاجه غلط


انا فرحان انا سعيد انا مبسوووط اديني اهو بجرب هههه

وهقولك علي النتيجه بعدين

ممكن انت شكلك بتسمع اوبتقرأ لابراهيم الفقي

بوست جميل يا ممكن

تسلم ايدك

momken said...

اسكندراني اوي
ـــــــــــــــــــ

الكلام مع الذات حتى ربنا امر بيه وقال حاسبوا انفسكم قبل ان تحاسبوا
صح هنحاسب نفسنا ازاى لو مكامناش روحنا

موضوع الهديه لروحك بس تكون مكافاءه مش مشتريات يعنى
يعنى لو عملت حاجه كويسه اعزم روحك على سمك او هات هديه حلوة
ومتنساش تدعيلى

تحياتى

Hadota .. حدوتة
ـــــــــــــــــــــــ
عليكم السلام يا حدوته
بر ضه يا حدوته الى عملتيه من باب محاسبه النفس انطلاقه من الامر النبوىحاسبوا انفسكم قبل ان تحاسبوا
وهو ده الى بنقول عليه
المرايه دى كانت مع اينشتاين بس
هو انتى اينشتاين
المشكله فى موضوع المقترنه ده اننا اتربينا عليه على رائى اسكندارانى اوى
عارف انك على طول مدلعه روحك يا حدوته
متشكر جدا على رائيك ومنوارانى ديما
تحياتى


الصقر الجارح
ـــــــــــــــــــ
مش مهم احنا هنتكلم مع نفسنا كام مره
كتير ولا قليل
المهم نتعلم نصارح نفسنا
اعتقد لو شخص حتى بيكذب هيكون صريح مه نفسه بينه وبين نفسه
دى هيؤدى بيه للصفاء الذهنى وده فى حد ذاته هدف
وبيؤدى للابداع

انتى منورنى بالنسبه لموضوع مدونه المنبر انا هبعتلك الكود فى الكومنت عندك

تحياتى

momken said...

semsem
ــــــــــــــ
عليكم السلام يا استاذه
انا متفق معاكى جدا ياسمسم
النقتطين دول مهمين اوى بس بينى وبينك انا اختصرت جدا علشان الناس اتضيقت من التطويل فى البوست الى فات
وانا مش عاوز اخنقهم
هو فى حجات تانيه كتير كمشاهده المناظى الجميله واختيار الكلمات الجميله
ونوع الحركه كل ده من طرق التاثير فى الاخرين
كمان الاتفاق معهم فى النقاط اليجابيه واخبارهم بده
حجات كتير اوى
انا متشكر جدا يا سمسم
تحياتى

momken said...

فى القلب
ــــــــــــــــ
ادينى فكرتك بحجات نسياهات مافيش واحده بيبسى كانز بقى؟

بالنسبه لمكافاءه النفس
انتى كدا هتبوزى الدايت بتاعك وتقولى ممكن هو السبب
زى الى بطل سجاير حب بكافىء نفسه ولع سجارتين

وانا مالى ياختى
انتى الى اكلتى
دمك زى العسل
تحياتى

momken said...

لعب عيال
ــــــــــــــــــ
لعب عيال ايه بقى دى كلام كبير اوى اوى
بالنسبه لموضوع انا مش قصير قزعه انا طويل واهبل
دى على اساس ان انا دكتور خشبه ولا ايه؟
ماشى ماشى
بالنسبه للفروق الفرديه لدى اينشتاين متفق معاكى جدا بس هو يروح فيا فين دى؟؟؟
ال اينشتاين ال

بالنسبه لموضوع الصديق طبعا متفق معاكى جدا الصديق الحقيقى نعمه من الله سبحانه وتعالى
المهم ميكونش بيحب صديقه لدرجه انه ينافقه ويحسسه انه اكبر من الطبيعى

انتى كلامك يتاقل بالذهب

تحياتى

semsem said...

طول يا ممكن براحتك
ما دام الكلام مفيد كده
ربنا يبارك فيك يا ممكن

momken said...

شمعة أمـــــل
ــــــــــــــــــــــ
بيرو.... مجرب... طبعا مجرب.. هو انا انسى
مين سى لطفى... ساعه تروح.. وساعه تيجى

جميل يا بيرو ان الواحد يلاقى نفسه ويفتح معاها حوار
اما لو الواحد بيكدب حتى على نفسه تبقى كارثه مش بوست الى هيعلجه
دى محتاج كلينك دكتور
بالنسبه للناس المحبطين علشنهم انا عملت البوست ده علشان منحتجش لحد سلبى
لو الى حولينا ليجابين يبقى اشطه لكن لو من الناس الى بتقولى عنهم يبقى البوست جه فى وقته

اضطريت اختصر جدا والله يا بيرو علشان تانيب الضمير الى حصلى من البوست الى فات
انا متفق معاكى فى كل النقط يابيرو
بالنسبه لموضوع الرغى والتطويل فى التعليق انتى بقيتى كونتس جريس انتى كمان
تحياتى

momken said...

الحلم العربي
ـــــــــــــ
والله بفرح لما بشوفك عندى منورانى وببقى عاوز اعمل الوجب واجيب حاجه سلقعه
انا عارف انك فى حوار بينك وبين نفسك واضح جدا من المدونه بتعتك
بس الحوار ماشاء الله ايجابى
بالنسبه لموضوع الهديه دلعى نفسك ياباشا
روحى اقعدى فى مكان جميل واطلبى احلى حاجه
اطلعى على احلى محل سمك وروقى نفسك بطبق سلطه وسلطنيه شوربه سمك واضربى شويه كاليمارى وكام بوريايا كده
شبرقى نفسك
هاتى لروحك هديه بتحبيها انشالله تكون شيكولاته سويسرى كبيره
بس تكونى انجزتى حاجه او عملتى عمل عظيم
هتشوفى الفرق

منورانى والله

تحياتى


wahed
ــــــــــــــ
الباشا الكبير صحبى يا ناس منورانى
افضل سيح كده وهيص علشان يقولوا ممكن واصحابه لسعين ماشى ماشى سيحلى

طبعا متفق معاك جدا ان الواحد يعمل الى عليه
بس يكون الى عليه فعلا يبذل قصارى جهده يعنى
موضوع مكافاءه النفس ده ياسيدى متجرب ونتيجته اكيده
جرب انت بس تطلع على سوليتير او على سفارى واقعد واعمل واجب مع نفسك بس لما تكون عملت عمل جليل
هتشوف الفرق هتلاقى روحك فى السماء
والله انت بترفع من روحى المعدنيه

تحياتى يا واحد

momken said...

semsem
ــــــــــــــــ
متشكر ياسمسم ديما بترفعى روحى المعدنيه
ربنا يبارك فيكى يارب ويارب نحضر المعرض بتاعك قريب فى مركز الفنون ولا فى قاعه صلاح عبد الصبور او فى الساقي
تحياتى يا فنانه

semsem said...

صلاح عبد الصبور

ليه كده
ملقتش عير مسرح الطليعه لا يا عم دى عليه مسرحيه القدر ولو رحت هناك المخرج هيبهدلنا على شان الدعايه اللى مخلصتش

شمعة أمـــــل said...

عل فكرة انا عرفت موضوع كونتس جريس
حدوته مش بتخبى عنى حاجه
بس حلو اوى استخدامك لالفاظ زى اشطه وكلينك
اين انتى ايتها اللغة العربيه؟
ممكن اضاعك هباااااااااااااااااء
;)

الصقر الجارح said...

هى مش مشكله يصارح نفس ولا يكدي عليها المهم انه ميهربش من المشكله فى انه بعد ادام المرايه ويكلم نفسه او يعد يحلم مع نفسه كده هيبقى وحيد ولا هينفع مع نفسه ولا مع غيره
قبل ما يتكلم مع نفسه يتكلم مع الناس هيدوله افكار احلى هيبقى فى تجديد فى الذهن مش الحاجه تبقى ياته جواه دماغه كده مش هنطلع قدام ولا خطوه

لعب عيال said...

دكتور خشبة- اه قصدى ممكن - شكرا ان كلانى طلغ غالى ذهب مرة و احدة انا مش قد الاطراء ده كله، ده مجرد راىء متواضع، صحيح زى ما قلت اينشتاين يجى فينا فين بس برضه التواضع حلو ;)

momken said...

semsem
ــــــــــــــ
انا قولت ناخد المسرح سعتين نعرض فيه لو حاتك قبل المسرحيه
ولوعندك حد بيقرا فتحته فى اليوم ده
نجامله بالمره

تحياتى


شمعة أمـــــل
ـــــــــــــــــــ
ههههههههه كونتيس جريس كاشى ياستى انا عارف ان فحالك وسايبه الملك للمالك ولا كونتس جريس ولا حاجه

بلنسبه للعربى بتاعى الحمد لله انا العربى بتاعى بينبرنموا المثل
هو الى الكلمات دى مش عربى محدش جابلى سيره
تحياتى

الصقر الجارح
ــــــــــــــــ
يبداء الحوار مع الاخرين بالحوار الذاتى
قال ارسطو اعرف نفسك كخطوة لمعرفه الكون المحيط بيك
بالحوار الصادق مع النفس يؤدى بالتبعيه للحوار البناء مع الاخرين
تحياتى

لعب عيال
ــــــــــــــــ
انا قلت الحقيه كلامك غالى جدا ومهم اوى
بالنسبه للتواضع
انت التواضع بتاعك بينبرنموا المثل

تحياتى

smraa alnil said...

ههههههههه

انا عن نفسي دايما بكلم نفسي
مش عشان ثقة لا سمح الله
لا دة من اللي بشوفه

ودايما ببص علي الاقل مني زي ما قلت
لاني بحس اني قوية اوي مقارنة بيه

وفي نفس الوقت ببص من اللي اعلي مني بشوية
عشان اخليه هدف ليا اني اوصله

كويس البوست مش طويل المرة دي
:)

momken said...

smraa alnil
ــــــــــــــــ
ماشى ياستى كلنا بنكلم روحنا من الى بنشوفه
بس الى اسمعه انك قويه ومفتريه بتكلم روحك من الى بتشوفيه من مين
ههههههههههههههه
هو حد قادر عليكى
على فكره انا قصرت فى البوست من شده الرعب بعد ما جالى تهديد بالقتل لو طولت
تحياتى

Halawa said...

ايه ياعم الجمااااااااااال ده
مدرب تنمية بشرية
بحترم الكلام ده على فكرة وفرق في حياتي
فريق اسمه زدني للتنمية البشرية
شقلبوني بجد

انت عارف بعمل كده كتير
بكلم نفسي
والمج بتاع النسكافيه
وسلك التليفون اللي ماشي ع الحيطة
لما ببقى بفكر ومحتاج أسرح
عاااااااااااادي جدن
هههههههههههههه

والكلمات الايجابية برضه
يمكن خلتني أسمي بلوجي حلاوة جوانا


الموضوع لمس معايا قوي
علشان كده
اتمطعت حبتين في الكومنت
وعارف البيت بيتي
هههههههههههههههه

بالتوفيق ياباشا
ربنا معاااااااااااااك

Human said...

كلا م جامد جدا
أنك تكلم نفسك بس طبعا بصوت واطي عشان لو صوتك عالي كده هاتكون فعلا محتاج دكتور
أما موضوع المكافأة فده طبعا صحيح ميه في الميه

هاني جابر said...

شارك معنا وانضم الينا في لجنة الدفاع عن سجناء الرأي وحقوق الإنسان
شارك معنا بارسال حدث وتفاصيله لكي نفضح الظالمين ونفضح مهازلهم
انضم إلينا في يالا نفضحهم
www.dahayaa.com

klmat said...

كلام جميل ياممكن
انا شخصيا
بكلم نفسى واحيانا
اغلطنى واحيانا
انبسط من نفسى
ونظام المكافاه جميل جدا
البوست جامد
تحياتى لك

momken said...

Halawa
ــــــــــــــ
متفق معاك جدا يا حلاوة فى اهميه الكورسات دى
انا درست الحجات دى فى مركز اعداد القاده فى مجلس الوزراء
والمحاضر كان واحد يابانى فعلا غير مفاهيم كتير كانت مسيطره عليا
ايما من المديا او من نوع الدراسه الغريبه

طبعا البيت بيتك وطبعا مينفعش تدخل بايدك فاضيه
فين الجوافه

منورنى ديما
تحياتى

momken said...

Human
ــــــــــــــــــــ
طبعا عندك حق
لو اتكلت بصوت واطى هتبقى عبقرى لكن بصوت عالى هتبقى لاسع مع ان الفرق شعره بين العقل والجنون بس الشعره تفرق ياعم

منورنى ديما
تحياتى

momken said...

هاني جابر
ــــــــــــــ
ماشى ياعم هانى معاكوا

اللهم اهلك الظالمين بالظالمين واخرنا من بينهم سالمين يارب

تحياتى




klmat
ــــــــــــ
اهلا بالناس الى بتظهر كل سنه مره

كلمات انتى منورانتى وطبعا كلامك صح انا كمان زيك بشجع نفسى
وبهيص بصوت عالى لما احقق هدفى
واقول يس يس يس
وكتير بكافىء نفسى سواء بهدايا او رحلات
او ادلع نفسى واحجر اوضه ليله ولا اتنين فى فندق جامد استرخى يعنى

تحياتى

semsem said...

ياترى انت فين وايه اللى مزعلك ومدونتك بقت مهجورة من كلماتك الجميله على شان ايه

kafrawy said...

لا حول و لاقوة الا باللة العظيم

الناس اتجننت



ياجدعان

Anonymous said...
This comment has been removed by a blog administrator.
midi haytham said...

كشف تسربات
تخزين اثاث
شركة نقل اثاث بالرياض
شركة تنظيف فلل بالرياض
شركة تنظيف بالرياض
شركة تخزين عفش بالرياض
نقل عفش بالرياض
شركة نظافة بالرياض
شركة جلي بلاط بالرياض
شركة تنظيف مسابح بالرياض
شركة تنظيف فلل بالرياض

شركة تنظيف شقق بالرياض
شركة تنظيف بيوت بالرياض
شركة شفط بيارات بالرياض
رش مبيدات
شركة مكافحة حشرات بالرياض
تسليك المجارى
شركة عزل خزانات بالرياض


شركة نقل اثاث بالرياض
ترميم المنازل
شركة غسيل خزانات بالرياض

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

قمم التميز said...


شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف سجاد بالخبر

شركة تنظيف كنب بالخبر

شركة تنظيف موكيت بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

عوض الحوت said...


شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر