Tuesday, October 23, 2007

كــــــــــــــــــــــــلام...فى الحـــــــــب


صباح الخير
والله وحشتونى جدا جدا
واشهد الله انى احبكم فى الله
وعلى ذكر الحب

انا عاوز اتكلم معاكم فى الحب
مين فينا محبش؟
مين مغرقش فى الحب لشوشته؟
مين متعذبش من الحب؟

اعتقد ان الشخص الى مدقش طعم الحب دى شخص محتاج علاج
وعلاج مكثف كمان

انا مؤمن بالقول المشهور
(انا بالحب عرفت نفسى * وبالحب عرفت الله)
حتى ربنا سبحانه وتعالى بيحب وبيتحب
اه والله رب العزة بيحب وبيتحب
فى الحديث الشريف قال رسول الله صلى الله عليه وسلم
(ان الله يحب اذا عمل احدكم عملا ان يدقنه )
يبقى بيحب اهو
وفى ايات كتير عن حب الله لعباده....مثلا
بسم الله الرحمن الرحيم
(فسوف ياتى الله بقوم يحبهم ويحبونه * اذله على المؤمنين اعزة على الكافرين* يجاهدون فى سيبل الله* ولا يخافون لومه لائم*ذلك فضل الله ياتيه من يشاء) صدق الله العظيم
بسم الله الرحمن الرحيم
(إنَّ الله يُحبُّ التَّوابين ويُحبُّ المُتطهِّرين (
صدق الله العظيم
كما ان حب الله ليس مثله حب فعندما يحب الله يحبب الخلق فى حبيبه مثال

عن أبي هريرة رضي الله عنه عن النبي صلى الله عليه وسلم قال :
" إذا أحب الله العبد نادى جبريل إن الله يحب فلاناً فأحببه فيحبه جبريل فينادي جبريل في أهل السماء إن الله يحب فلاناً فأحبوه فيحبه أهل السماء ثم يوضع له القبول في الأرض "
صدق رسول الله صلى الله عليه وسلم

من هنا نعلم ان الحب خلق مشروع ومحمود وليس شيا نخجل منه ان نخفيه
ان الله سبحانه اعلن حبه لعباده
وطلب من عباد ان يعلنوا لبعض حبهم لبعض
فعلى كل شخص ان يعلم حبيبه انه يحبه فى الله

دى كانت المقدمه
ندخل بقى فى الموضوع الى ممكن ياخد عده حلقات

اولا ايه هى اســـــــــس الحـــــــــب :-
؟؟؟؟؟
يقوم الحب علي أساسين هما : الإعجـــــاب ...والامتــــنان
، والإعــــجــــــاب
هو الانفعال ، وهو الشعور الذي لا يد لنا فيه ، إذ نحن
مفطرون علي الإعجاب بمن تتجسد فيه الصفات والخصال
التي نراها مثالية ونقدرها كثيراً ، أما الانتقال من الإعجاب
إلي الحب فإنه فعل إرادي ، وبأيدينا أن نحب
( حب الرجل للمرأة ، وحب المرأة للرجل )،
ذاك الذي أعجبنا به، وبأيدينا
أن نبقي في مرحلة الإعجاب إن كنا نعتقد أن حبنا لهذا
الشخص أمر غير متناسب مع ظروفنا وسيكون شيئاً يصعب عيشه بكل مقتضياته وبكل ما يترتب عليه عادة ،
أو إنه حب لا حاجة لنا به إذ لدينا محبوب آخر ملأ علينا دنيانا العاطفية فاستغنينا به عن غيره

.
والامتـــــــــــنان
هو الدافع الثاني للحب والمقصود هنا امتنان المحب
للمحبوب علي ما تلقاه منه من خير يلبي رغبته وحاجته ،

لكن هنالك اختلاف بين الحب المتولد من الإعجاب والحب المتولد من الامتنان .

الحب المتولد من الإعجاب يكون رومانسياً ، أما الحب المتولد
من الامتنان فهو حب هادئ سماه علماء النفس ( حب
الصحبة ) ، وفي الحياة الزوجية يمهد الحب الرومانسي
الطريق لحب الصحبة الذي يدوم عادة حتى النهاية .

والسؤال:- هــــل اذا ولد الحب.... ممكن ان يموت؟؟؟

تبدأ زيجات كثيرة عادة بحب عظيم ورومانسية طاغية، ولكن
مع مرور السنين يفتر الحب في بعض الأسر ، وتصبح
العلاقات بين الزوجين باردة لا يظهر دفء فيها وقد غادرتها
الرومانسية
،
وحتى الجنس فيها تحول إلي روتين لا بهجة فيه ، وربما
ضعفت رغبة كل من الزوجين في الآخر ،

وربما انعكس ذلك علي قدرتهما علي الأداء والتفاعل ،

وهذا الوضع لا يريح الزوجين اللذين ارتبط مصير كل منهما بالآخر ،

وصار من المستبعد أن يفترقا وبخاصة بعد مجيء

عدد من الأطفال لا ذنب لهم


كمــــا ان
بعض الأزواج والزوجات يظن أن الحب في حياتهم الزوجية قد
توفاه الله ، ويستسلم إلي الحالة التي وصل إليها ، وتمضي
سنون كثيرة وهم علي هذه الحال ، ذلك أنهم يظنون أن الحب
انفعال وتأثر ، وطالما أنهم لا يشعرون به فإنه لا مجال لفعل
شئ .. ويجعلون الذنب ذنب الطرف الآخر الذي لم يبق محبوباً
كما كان من قبل ، وإن كان هنالك ما يمكن فعله فهو واجب
الطرف الآخر وعليه وحده تقع المسؤولية وهو
وحده عليه أن يتغير ليعود محبوباً كما كان

أما الأزواج والزوجات الأكثر قدرة علي فهم نفسية الإنسان
فيعلمون أن الحب فعل إرادي وقرار يتخذه المحب وليس انفعالاً
سلبياً يكون فيه المحب متأثراً ، لا قدرة له علي المقاومة ولهذا
أُمرنا في ديننا أن نحب الله ورسوله أكثر مما سواهما ، وأمرنا
أن نحب صحابة الرسول وأهل بيته ، ولو كان
الحب انفعالاً لا يد لإرادتنا فيه ، لكان في أمر ديننا لنا بحب
أشخاص معينين تكليفاً لنا بما لا نطيق

انا طولت عليكم طيب كفايه كده المره دى ونكمل المره الجايه

انتــــــظرونــــى .

58 comments:

اسكندراني اوي said...

احبك الله يا اخي

لي عوده
بس بحجز اول تعليق

YOTTA said...

أولاً
حمد الله ع السلامة
بس كنت تقول قبلها يعنى انك هتغيب

المهم بأه
كلامك جميل ومنطقى جداً

لكن هتكلم ف نقطة
مين فينا محبش
أقصد يعنى حب بنت وولد وكده
واسال بقا
فيها ايه لو حد فينا مكنش حب قبل كده
؟؟
هو أصله مش بالعفية ومش أساسى
يعنى أصل فيه ناس ببتعامل مع الموضوع ده انه مينفعش تقعد من غير حب
وتروح تدور ع الحب وتجرى وراه

رأيىى أنا ان كل حاجة ف وقتها
والحب بيحصل لوحده مش بمزاجك أو بارادتك
لكن العملية بقت انت مش مرتبط وانا مش مرتبطة
طب ماتيجى نحب بعض
والبنات بالذات بقت ماشية تحب على نفسها
أنا شايفة انه عادى جدا انى مااكونش حبيت قبل كده
عادى يعنى، وكله هييجى ف وقته

momken said...

اسكندراني اوي
ـــــــــــــــــــــ

انت ياعم منورانى سواء اول او اخر حد انت قدرك عند غالى
احبك الذى احببتنى فيه

تحياتى

YOTTA
ـــــــــــــ
كلامك منطقى جدا وانا متفق معاكى وهناقش الحجات دى كلها فى الحلقات الجايه لو ربنا كتبلى عمر ان شاء الله
على فكره كلامك اكبر من سنك

تحياتى

Hadota ... حدوتة said...

اولا .. احب اقولك حمد لله على سلامتك نورت مدونتك وكل سنة وانت طيب

ثانيا البوست ككل جميل يا ممكن لدرجة انه لازم يتقرى مرة واتنين وتلاتة

المقدمة فى غاية الجمال

اما بقى عن كلامك عن الاعجاب فانا بصراحة متلخبطة
ساعات اقول ان الاعجاب اللى بيقود للحب ملناش فيه ارادة وانك مع الوقت فعلا بتلاقى نفسك غير قادر عن الاستغناء عن اشخاص معينين
وساعات اقول لا .. تحول الاعجاب لحب شىء ارادى .. بدليل لما الانسان يعجب بحد تلاقيه يقول لنفسه انا لازم اتحكم فى مشاعرى خوفا من الانزلاق فى الحب وخوفا من الفراق اللى فى الغالب بيكون اصعب احساس ممكن يعيشه انسان

مش عارفه .. بجد هيا حكاية تحير .. وانا برغم قرايتى للبوست بتاعك مقدرتش احسمها


وبرغم تفرقتك بين حب الاعجاب وحب الامتنان .. مذكرتش انهى فيهم احسن وانهى فيهم اصدق وانهى فيهم بيدوم اكتر ... نرجو الافادة

بالنسبة للحب اللى بيموت .. اعتقد انه مكنش حب من البداية .. لان اللى بيحب حد بيفضل طول العمر يستحمل منه اى حاجة .. خاصة لو الموضوع دخل فى جواز .. لان الجواز دا مسؤولية كبيرة وبيربط مصير الناس ببعض
عشان كده لازم الطرفين يفهموا بعض .. ولازم يكون فيه نوع من الاحتواء .. ان الانسان يكون عنده مرونة انه يتغير .. وفى نفس الوقت يكون عنده مرونة انه يقبل تغيرات الطرف الاخر .. اللى بتحصل على مرور الوقت بحكم السن والخبرة والحياة بمختلف ظروفها

انا ادايقت فى الاخر لما مكملتش موضوعك .. لانه بجد حلو


فى النهاية احب احييك
وارجو مكونش طولت عليك

الأستاذ said...

السلام عليكم
أرى رأي يوتا أيضاً وهو أنني لم أحب حتى الآن وما العيب في ذلك لم يأن الآوان بعد
وأنا مؤمن بقدري وبكل ما فيه من خير وشر
لكن أنا مش من النوع اللي بيجري ورا الحب لكن في نفس الوقت مش بيرفضه علشان يخليه لسة مستني
شكراً على زيارتك وأتمنى تتكرر قريباً في البوست الجديد الذي قد يقلب مفهومك ربما

فى القلب said...

والله يا بنى دكتور
دكتور نفسى

يعنى انتى كل مره بتتحفنى أكتر و أكتر

كلامك حقيقى الحب قرار نتخذه نحن بأرادتنا الحره

أنتى بالنظريه دى هتدى امل لبيوت كثيره أصبحت كالقطب الشمالى

son's egypt said...

السلام عليكم
فعلا الحب اجمل شئ ممكن الانسان يشعر به وخاصة ا>ا كان الحب في الله
لان الاسنان لا يستطيع ان يحيا بدون الحب
بس في اوقات زي ما اني قولتي ممكن الحب يفطر بين الطرفين فبيكونوا محتاجين انهم يحسوا بالحب من اول وجديد علشان الحياة متبقش مجرد روتين يومي بينهم
لازم الحب يجدد كل فترة
ولازم كل واحد يحسس التاني انه محتاج له

كلبوزة لكن سمباتيك said...

متفقة معاك
ربنا يرزقنا حبه و حب من يحبه و حب عمل يقربنا الى حبه


تحياتي

momken said...

Hadota .. حدوتة
ـــــــــــــــــــــ
ايه التعليق الجامد ده دانا كده ممكن اسيبلك موضوع الحب تكمليه انتى

بس فى نقطه
الاعجاب والامتنان ممكن يكونوا نوع واحد من الحب
بمعنى انى معجب بحد وممتن ليه فى نفس الوقت

دى طبعا غير انهم ممكن كل نقطه تكون حب مستقل
عاوز اقولك ان الحب زى القدر
وبنفس القياس بتاع هل الانسان مخير او مسير
فى الاول مخير فى اختيار حبه وتاكيده لكنه مسير فى خط سير الحب ده بمعنى انه مش بايده ينهيه فى لحظه
وهنتكم فى القط دى فى الحلقات الجايه
لو لينا عمر ان شاء الله

تحياتى

الأستاذ
ـــــــــ
اهلا بيك فى اول زياره لمدونتى المتواضعه كلامك يلقى منى كل الاهتمام والتقدير

تحياتى

فـــى القــــلب
ـــــــــــــــــــ
والله انتى بطريقتك دى هتخلينى اتغر
ياستى ان اقل بكتير مما تتصورى
لكن انا طبعا ممتن جدا لزقك ولتعليقك الى بيدفعنى كى اكون عند حسن ظنك

ربنا يقدرنا لتقديم الخير لكل الناس
وتكون كلماتى فى ميزان حسناتى بعد انقطاع حسنات العمر

تحياتى

momken said...

فــــى القـــلب
ــــــــــــــ

على فكره انا ملاحظ مسحه الحزن الى صوتك وفى قلمك وفى تعلقاتك
بس عامل روحى مش واخد بالى
اسال الله العظيم ان يزيل همك ويملاء حياتك سعاده
وانصحك بدعاء فك الكرب

تحياتى

momken said...

son's egypt
ــــــــــــــــــ

متفين معاك جدا فى كلامك بس الحب الى بيفطر له حل بسيط وجميل
اجعل حبك لله وفى الله حتى حبك للمال والجاه والنجاح اجعله لله
كمان حب المراءه للرجل اجعليه لله وفى الله

لان ما كان لله دام واتصل وما كان لغير الله انقطع وانفصل

تحياتى

Sampateek
ــــــــــــــــ

امين احنا والسمعين وكل القرارئين والمتابعين
متشكر على زيارتك الكريمه واتفاقنا فى الرأى شرف كبير لشخصى البسيط
تحياتى

rack-yourminds said...

ازيك يا ممكن ايوه كده يا عسل امتعنا بكلماتك ..شوف يا باشا انا بجد مرهق جدا ونعسان كمان جدا جدا ..عشان كده ليا عوده اخري ليك يا جميل ..مع اني عاوز اقرا عشان استمتع بكلماتك ..يلا معلهش

تحياتي ليك يا عسل

rack-yourminds said...

انا كمان ملاحظ ان مكان في القلب انها متغيره شويه وفيه مسحة حزن وهم وده ملاحظ كمان في تعليقاتها وردودها

ربنا يفرج كربها ويجعل ايامها كلها سعاده وخير ان شاء الله هي والاسره يارب

مكان في القلب صاحبة قلب كبير وتستحق كل خير

البنت الشلبية said...

الحب شئ جميل جدا ..وليه اشكال مختلفة كتيرة
وممكن يتحول من شكل لشكل
الاهم من ده كله انه يكون فى الطريق الصح
مش عيب اننا نحب ونتحب لكن لو فى نتيجة طيبة من الموضوع..لكن الى بيحبو لمجرد الحب يبقى غلط كبير جدا وده فى حالة الحب بين اتنين مرتبطين من غير هدف
لكن اكيد فى انواع حب تانية بتبقى للحب وبس زى الصحوبية والاهل
بوست رائع
اشكرك

semsem said...

موافقه

وانا كمان بحبك فى الله


:)

momken said...

rack-yourminds
ـــــــــــــــــــ
سلامتك من الارهاق الف سلامه عليك ياباشا منتظر تعلقيك

تحياتى

البنت الشلبية
ــــــــــــــــــ
متفق معاكى فى كل كلمه قولتيها
الحب انواع كتير المهم يكون حب صح
كلامك صح

semsem
ــــــــــــ
احبك الذى احببتينى فيه
تحياتى

Anonymous said...

اولا احب احييك علي اسلوبك الرائع
والمنمق واستشهاداتك كلها في الموضوع رائعه
تفكيرك عقلاني جدا ومنطقي
بس في فكره عاوزه اعلق عليها في البوست
فكرة ان الحب شئ ارادي
انا عن نفسي مش شايفه كده
او عاوزه اقول انها حاجه نسبيه من شخص للتاني او من حب لحب تاني
يعني مثلا الفطره في الانسان هيا الاراده والا ماكانش ربنا امرنا بيه زي ماقولت
بس حب الاخرين ممكن يكون غير ارادي او في معظم الاحيان بيكون كده بدليل انك ممكن تشوف انسان مره واحده ومن غير مايعملك اي حاجه مجرد انك ارتحتله بتقول والله انا بحب فلان ده لله في لله
وفي نفس الوقت ممكن تلاقي نفسك وقعت في حب شخص من غير ماتفكر او تحسبها عاوزه اوصل فكرة انها حاجه نسبيه اوي
ياريت اكون قدرت اوصل فكرتي ليك
تحياتي ليك استاذ ممكن

momken said...

HH
ــــــ

وصلت الفكره تابعى باقى الحلقات وسوف تتضح الصوره جدا امامك

متشكر على تعليقك انا استفدت منه كتير
لو ان اسلوبك انا حاسس انى اعرفه

تحياتى يا اتش اتش

klmat said...

كلامك جميل الدنيا
من غير حب تبقى صعب
اوى الحب جميل بانواعه
اولا حب الله وحب رسوله بيدى قوه وبيحمينا من شرور الدنيا
حب الاهل بيسعد القلب ولسه
طالعيين من العيد وحسنابكده
حب الام والاب لاولاهم وحب اولادهم لهم
حب الخطيب لخطيبته
والزوج لزوجته
بينتج مجتمع صحى
اللى حب ياسعده
واللى ماحبيش ربنا يوعده
بوست رائع
تحياتى لك

rack-yourminds said...

انا جيت كما وعدتك يا عسل وان كان المجئ متاخر ..,معلهش يا باشا

----------

دايما تمتعنا بموضوعاتك

بحبك في الله يا باشا

Anonymous said...

عجبتنى اوى دخلة الموضوع وده دليل ان الحب مش حاجه عيب ولا حرام اهم شئ انه يكون حب في الله ومش كده بس ويرضى بيه الله
انا عندي اسئله كتيي كتيي عن الي ذكرته في البوست بس حاسس انى هلاقي الردعن اسالتى في الحلقات الجايه علشان كده هستنى لنهاية الحلقات
و يو ما يقتش يد عن الاسئيه ايي عندى هبقى اهيييك تييفونات

none sadeek el bynamg

momken said...

klmat
ــــــــــــــ
انتى الى تعليقك جميل جدا يمكن اجمل من البوست نفسه
متفق معاكى ان الحياه بدون حب صعبه جدا لكن لازم الحب يرضى الله ورسول
ويكون حب فى الله
يفخر بيه الاسلام ولا ياخذ على المسلمين

تحياتى

rack-yourminds
ـــــــــــــــــــ
ياباشا انت تيجى وقت ماتحب المدونه بتعتك وانا ضيف عندك وكلامك بيدفعنى ديما للافضل وبكون فى منتهى السعاده لما محولاتى المتواضه تنول استحسان فنان وكاتب موهوب زيك يا احسن واحد فى الدنيا والمدون الذهبى دئما

تحياتى


Anonymous
ــــــــــــــــــ
نونى صديق البرنامج
والله انا الى عجبنى دخلتك عليا
ربنا ميحرمنيش من دخولك عندى لانك ديما بتنورنى بتعليقاتك الجميله
انا بحبك والله
واشهد الله على ذلك
على فكره لدغتك فى منتهى الجمال
تحياتى

البِـئرُ والظمّأْ said...

حب ؟
لا مفيش حب
ولو وجد يا ممكن
اكيد هيكون ليه نههايه



الحب بعد الجواز بس

حلو قوي للبنت عموما انها تحب جوزها اللي هيا عارفه انه هوه اللي هيكون ليها في الاخر




لاكن حب لحين ربنا يسهل و نتجوز
فلا...



تحياتي
و ما تغبش عننا
.
زيــزي

محمود على said...


الحب ده اجمل شعور في الكون

Desert cat said...

الحب ده احساس خفى بيفكرنى دايما باللص لكن الحب مختلف فى المقارنة بعض الشئ فهو يتجاهل ابواب ونوافذ منازلنا ويدخل من القلب
واجمل درجات الحب الحب فى الله
تحياتى

كاميليا بهاء الدين said...

انا اول مرة ادخل مدونتك، بصراحة حلوه اوي
كمان البوست ده رائع بيتكلم عن كتير من انواع الحب
الحب الذى يشقى اصحابه وهو الحب الرومانسى وخاصة الذى ينتهى بالفراق لاي سبب من الاسباب وهو اصعب انواع الحب، وحب العشرة الجميل الذى يتولد بين الزوجين وقبل كل هذا حب الله سبحانه وتعالي وحب رسوله الكريم صلى الله عليه وسلم

بارك الله فيك وعليك ولك
كاميليا

الصقر الجارح said...

طيب
وانا كمان بحبك فى الله

http://kasperb4.blogspot.com/ said...

اللهم إنا نسألك حبك وحب من يحبك وحب كل عمل يقربنا غلى حبك

كلامك رائع في الموضوع وفي انتظار البقية بإذن الله
تسلم ايدك وربنا يجازيك خير

hana said...

حمد الله على السلامــة
.......
على فكرة الكلام عن الحب فعلا ذى ما بتقول عاوز مرات كثير
والحب مش شرط حب بنت لولد
الحب احساس معنوى جوانا نقدر نتخيل
ونحب واحنا مش بنحب حد معين
ويمكن دة اجمل احساس
لانه هيبعد القلب عن قسوة ونار الحب
فمش شرط انه يكون كل حد لازم يحب
لكن من وجهة نظرى ممكن
يكون كل حد لازم يكون تخيل الحب
وعاش بخياله مع فيلم مع كلمات
شعرية خدت احساسه
مع حتى سماعة لصوت الموج
وهوة على شط البحر
ويمكن دة بيصيب الناس الرومانسية اكثر

اما بقى بالنسبة تلاشى الحب بين الازواج بعد الزواج
انا اعتقد انه دة نابع من احد الطرفين
واهمالة الاخر
لانه الحب محتاج ارض خصبة
من المشاعر والاحاسيس
علشان يعيش وينمو فيها
من غيرها يموت ويضيع
قد ايه المشاعر محتاجة انها تتروى
وهى دى المشكلة انهم بعد الزواج او الكثير منهم
يهمل انه يروى مشاعر الاخر
فيصيبه بالياس
بالموت البطىء
وربما حاول وان يقترب لكن
والى من يقترب الى صحراء
!!!!!!
انا اعتقد انه الحب ممك يعيش للابد
بس مع طرفين ناجحين
عارفين اذاى يكون الحب
بيحسوا بجمال المشاعر
وقد ايه الحياة من غيرها موت
الحياة
بجد صعبة من غير حب
فمش معقول الناس تحب وتتجوز علشان الحب
وبعد الزواج تفقد من دفعها الى الزواج ؟؟!!!

الحب محتاج بستان حنان
وود
وقلب دافى
وطفوله دائمة
وثورة بعض الاحيان
ثورة الغيرة
دة من وجهة نظرى
لك نحياتى
هنا

sa7arkash said...

اولا السلام عليكم

كلام فى الحب

من اهم المواضيع المثيرة للجدل بين جميع الفئات العمرية والطبقية والرجل والمرأة وكل فئة تنظر لها بمنظور تحاول فية انصاف نفسها اولا...وكاننا جميا فى مشادةحول هذا الموضوع

كلام فى الحب

وما احلاة من كلام
وكما قلت بدءا بحب الله سبحانة وتعالى ....الى سائر انواع الحب
جزاك الله كل خير على هذا الموضوع

وكلنا كلنا اصبنا بهذا الفيروس....ولم نجد مصل لتجنبة

احييك

ابو العربى said...

الحب هو مايربط الاشياء بعضها ببعض برباط غير مرىء وهو من اروع ما يرزقنا به الله ولابد ان يكون حب شريف
حتى الحيوانات تعرف الحب

تحياتى

simply me said...

فعلا هو كلامك عن منهجيه الحب مظبوط
يعنى انا متفقه معاك انه لازم يحصل اعجاب الاول يليه الحب

جميله اوى جمله:
إذ نحن
مفطرون علي الإعجاب بمن تتجسد فيه الصفات والخصال
التي نراها مثالية ونقدرها كثيراً

بس برضه بسبب الجمله دى هتلاقى مش صعب ابدا انك تلاقى واحد او واحده ماحبتش قبل كده خالص
لسبب بسيط وانها لسه مالقتش هذا الانسان اللى تعجب بصفاته
او حتى وجدته بس ماكانش مناسب للحب


بس احنا كلنا بنحب بشكل او باخر
حتى لو حب لوقت قصير او انه مجرد اعجاب فعلا
كلامك جميل ومنتظره البقيه

مدحت محمد said...

الحب احساس
وعملر مالاحساس كان شىء احنا نخجل منه
او منعبرش عنه
رغم انه للاسف مستخدم استخدامات خاطئة جدا
بس ده احساس
ومفيش اجمل من الحب فى الله
تحياتى ليك ياباشا

Anonymous said...

تعرف بتغيب دهرا وتقول حكماً الله عليك بجد تناولت الموضوع بطريقة غاية في الجمال بجد تسلم ايدك وعقلك على تناول موضوع بالجمال ده

Abeer said...

سلامُ عليكم

والله وحشتني البوستات الجامدة ديه
كلام هايل عن الحب
مفيش حد في الدنيا مبيحبش
او نفسه يحب ويتحب
لان ديه فطرة ربنا خلقنا بيها

كتير مننا محبش لسة وانا منهم
بس جواه مشاعر حلوة اوي .. عماله تكبر جواه .. بيجيلها وقت وتخرج

الحب مالوش مدة صلاحية بتخلص بعد سنتين ولا تلاتة
الحب زي الزرع لازم ترويه علشان يكبر ويطرح

كلام كتير اوي عايزة اقوله
بس ليا عودة
تحياتي موضوعك هايل
:)

Anonymous said...

الحب جميل
بس للى عايشين فيه

real love said...

ممكن اللى وحشنا تعليقاته عندى وغاب بقاله كتير
يلا رغم انى زعلانة منك
لكن فرضت نفسي بالزيارة
قولت اجى وأقول مساء الفل على اللى بيقول صباح الخير
ووحشنا جدا
ثانيا ليا تعليق على جزئية
فالحب يا صديقي أحيانا يموت بعد الزواج من الروتين الخانق
فالزوجة لا تقوم بعمل أي تغيير في الزوج
فما أصبح عليه يمسي عليه حتى تملكه الملل
والزوج أيضاً
لا يغير من أسلوبه بالزوجه تراه كل يوم هو نفس الشخص نفس الأسلوب
يموت الحب بالروتين
إنما التغير كلاهما يرى الأخر بنظرة جديدة كل يوم
فالمرأة تغير من شكلها وبيتها
وتغير من أسلوب معاملتها يومياً
مرة تكون هادئة وحنونة ومحتوية
ومرة أخرى تتعامل معه بشيئ من الشقاوة والجنون فهو يحبه الرجل أحياناً
وتغيرمن ترتيب البيت فيشعر الرجل بأنه في مكان جديد وشخصية أخرى
وبذلك لن يملها
وهو الأخر يغير من شكله وأساوبه ولو بأقل التصرفات
فيوم يكون رومانسي وحنون ومحتوى علطافتها ويسمعها
ويوم يشعرها بشيء من الجنون ببعض المفاجأات فتتغير نظرتها له فهو كل يوم شخص جديد مثلها وكأنهما لأول مرة يورن بعضهما
فكل يوم يمر عليهما يتذوقون الحب بطعم جديد وشكل جديد وأسلوب جديد
وبذلك يموت الملل والروتين
.....................
أرق تمنياتي
ريال لف

semsem said...

ممكن باشا

اقول انا بقا


يموت الحب
فى تلك الحالات
اولا انا لم يكن الحب فى الله
لانه يكون لاسباب دنيويه

يموت الحب حين يكون من طرف واحد
فالحب لايد له من طرفين كى يكتمل
فلا معنى لحب من طرف واحد

واخيرا يموت الحب
حين ينتحر الاخلاص ويمرض الوفاء
فلا يجد من يرعاه


رائع يا ممكن كعادتك

momken said...

Meekness !!!
ـــــــــــــــــ
العزيزة زيزى
الحب موجود واتا متاكد من ودوده لانى شوفته كتير
انتى ليه اختصرتى الحب فى علاقه ولد ببنت
الحب اوشع من كده
طبعا حب بعد ازواج محترم جدا ولا بابا عيطرنى ويطلف ولدتى وانتى ميرضكيش
تحياتى

محمود علي
ـــــــــــــــ
عندك حق يابو حنقى انا متفق معاك جدا


منورنى تحياتى


Desert cat
ـــــــــــــــــــ
مش مهم دخل منين المهم عرف يحافظ عليه ولا لاء عندك حق جدا ونعم بالله
تحياتى

كاميليا
ـــــــــــ
بغض النظر ان اسمك ريحته مغرقه المدونه
انتى نورتينى فى اول زياره
بارك الله فيكى ياستى
كلامك فدنى جدا وفتحلى ابواب كتير للجزىء التانى من البوست ده
تحياتى


الصقر الجارح
ـــــــــــــــــ
وانت كمان
احبك الذى احببتنى فيه
ومنتظر تعليقك التانى
اشمعنى انت يعنى

تحياتى

momken said...

آلام وآمال
ـــــــــــ
امين امين امين

من عنيا قريب انشاء الله هنزل الجزىء التانى
من عنيا
متشكر جدا على تشجيعك

تحياتى

hana
ــــــــــــ
هنا
الله يسلمك ياقمر
انتى تعليقك اضاف عمق وبعد جديد وقوى جدا للبوست المتواضع بتاعى
ماشاء الله عليكى انتى لخصتى فى كلمتين الى انا بقعد ادش فيه خمس صفحات
كلامك فى منتهى الاهميه بالنسبه ليا
يارب تنورنى ديما بتعلقياتك الرائعه

تحياتى


sa7arkash
ـــــــــــــــــ
ازيك يا ستاذه
عندك حق الحب فيرس بس محدش يتمنى يكون عنده انتى فيرس
ولو كان الحب مرض معتقدش فى حد هيدور عن الدواء
ولو كان الحب معصيه محدس هيتوب عنها
تحياتى
منورانى ديما

momken said...

ضد الظلم
ــــــــــــــ
عند حق جدا مع انى معتقدش ان فى حب غير شريف
لان الاشياء الغير شريفه ممكن تاخد اسم تانى غير اسم الحب
تحياتى

بندقه
ــــــــــــ
صح هندك حق كلنا بيحب لكن بطرق مختلفه وباساليب متنوعه لكن فى النهايه كلنا واقعين فى الحب
من عنايا قريب هكمل

تحياتى

doha
ـــــــــــ
متفق معاك بس الى بستعمل الحب غلط ده شخص كاره نفسه لانه ببساطه مش مدى روحه فرصه حتى يدوق طعم الحب
تحياتى



قلوب حائرة
ـــــــــــــــــ
ربنا يخليكى ويكرمك ياستى
والله شهاده اعتز بيها جدا
اتمنى بس مكونش بضيع وقتكوا بكلامى الفارغ

تحياتى

Abeer
ـــــــــــــ
ربنا يخليكى على طرائك الرقيق
ياستى انتى ببساطه لسه متوجدش الى يستاهل قلبك الطيب ده
وانشاء الله هتحبى وتستمتعى بحلاوة الحب مع الشخص الحظوظ الى ربنا كنزك له
ومخليكى مكافاءه جميله له
تحياتى

momken said...

Anonymous
ــــــــــــــ
عندك حق
له الف دليل اسالونى عليه
بيفوت عالعين
ترالام لام
من عز النوم ويطير بيها

بموت فى ليلى مراد
تحياتى

real love
ــــــــــــــــ
اولا انتى كمان وحشنى تعليقاتك الى اصلا معليقتهاش زمان
انتى زمان كنتى بتدعينى لمدونتك وحتى مش بتعلقى على موضوعى وده يعتبر اول تعليق ليكى
ثانيا ياستى انا كنت مسافر واكيد لاحظتى ان كل الناس بتسلم عليا بعد ما رجعت
لذلك ااسف للغياب

بالنسبه لتعليقك
لو كنتى تقصدى بالروتين الملل يبقى انا متفق معاكى جدل
الملل هو اهم وسائل اغتيال الحب

انتى دايما منوارانى

تحياتى

semsem
ـــــــــــــ
سمسم باشا
كلامك طبعا هناخده محل اهتمام واعتبار
بس الى عاوز اعرفه انتى ده عرفتيه من قرائاتك؟؟؟؟
ولا دى تجارب شخصيه؟؟؟
انتى عددتى اسباب فشل الحب
اتمنى المره الجايه تقولى سبب واحد لنجاحه
دئما تعليقك يضيف ليا الكثير
تحياتى

semsem said...

ههههههههههههههه

مش هقولك عرفت من فين

ولا تزعل اسباب نجاح الحب

ان يكون الحب لله

ان يكون من قلب صادق مخلص وفى

ان يكون بدون اسباب
فقط لانك تريد ان تحب هذا الشخص

ان تعلم جيدا انه لا احد كامل
وان كنت تبحث عن المراة الكامله
فهى ايضا تبحث عن رجل كامل

واخيرا ان ترضى بما قسمه الله لك
وان تحمد هذه النعمه جيدا وتشكرها

حتى يبقيها الله لك

ومش هقول بردو عرفت منين

الصقر الجارح said...

رد تانى اهو ولا تزعل نفسك
لكى تحب
1 - فاقدالشى لا يعطيه لكى تعطى الحب لابد ان تعيش فى الحب
2-
الانسانلا يستطيع لن يعلم عيرة ما لا يفهمه يعنى لكى نعلم الاخرين الحب لابدان نفهم ما هو الحب
3-الانسان لايعترف بنا لايخضع له لكى تخضع للحب لابدان تكون ضعيف امامه
(وبحكم تجربتى فى الحياه انا مبحبش ابقى ضغيف امام احد )

4-
لكى تهب نفسك للحب لابدلابد ان تكبر طول الوقت مع الحب

بعض وصايا الحب
للفيلسوف هيربرت

نشكركم لحسن استماعكم


سلام

momken said...

semsem
ــــــــــــ
ابقى اقرىء بقى الموضوع احتمال تستفيدى من شخص غلبان زى العبد لله

اه
مافيش حاجه اسمها حب لله
الحب يكون فى الله
وليس لله
حين يكون قبل الحبيب غير مخلص فهذا ايما سؤ اختيار من المحب او ذنب يخلصه الله منه

الحب من اجل الحب هذا حب منهجى لا يؤدى لشىء
لكن الحب من وجهه نظرى هو وسيله كى تكون الحياه اجمل ويرضى عنا من خلق الحب ووهب الحياه


تحياتى


الصقر الجارح
ـــــــــــــــــ
مع اخترامى الشديد للفيلسوف هيربرت
1-
الى اعرفه ان الشجره تمنح الظل لكل الناس ولا تملكه
والسماء تمنح المطر وهى فاقده المطر
الارض منح الخير و الثمار ولا تملكه

2- بتهوفن كان فاقد حاسه السمع وعمل افضل الموسيقى
يمكن هيربرت مسمعش عنه

3-
ليس فى الحب خضوع ولا ضعف واضح ان هيربرت
كان بيحب حد معقد او هو نفسه كان كده

رائى ان الحب حريه وانطلاق الى عالم الا معقول والمستحيل

4-
يولد الحب كبيرا ثم ينضح لا يزداد كبر
والا وصل لسن الشيخوخه والكهوله
ويفنى

نصيحه.... متتعلمش من هيربرت الحب

اتعلم الحب من خالق الحب الى هيربرت اعتقد انه كافر بيه

واجعل من نفسك نموزج يتعلم منه جميع الاحباب

تحياتى

semsem said...

انت قلت ايه

حاضر

هتعلم القراءه وبعدين ابقى اقرا دا على اعتبار انى مبفهمش
ماشى

ماشى
اولا موفقه خطا مطبعى الحب فى الله


انا قلت ان لابد انا يكون المحب مخلص
يعنى اختار صح من الاول
ابقى بس ركز شويا وانت بتقرا


وبعدين انا مقلتش الحب للحب
انا قلت ان حب الشخص مش لازمله اسباب
ويحب ان تنتهى الاسباب للمحب
افرض يا استاذ ممكن انا حبيتك على شان لسانك طويل
وربنا قدر واتهديت
ابطل احبك على شان الصفه اللى بحب على شانها راحت

وبعدين الحب مش وسيله
الحب فطرة وغايه مش وسيله على شان اوصل لحاجه حتى لو الحاجه دى ان الحياه تبقى احلى

غريبه والله قال الحب وسيله

وبعدين انا مش فى اول تعليق قلت موافقه
ابقى ركز شويا بطلو كرواته بقا

momken said...

semsem
ــــــــــــ
طبعا وسيله والى يعتقد ان الحب غايه يبقى بيتكلم عن حاجه تانيه غير الحب
مش الحب بس الى وسيله
كل افعال الشخص المؤمن وسيله لحصول رضا الله سبحانه وتعالى

فالمؤمن يحتسب اى عمله يقوم به يحبسبه لوجه الله تعالى
لذلك المحب الحق الذى يحب فى الله يحتسب حبه لوجه الله لينال رضا الله وبركاته لهذا الحب

يبقى الحب وسيله ولا غايه
يا فنــــــــانه
اهلا بيكى

semsem said...

وسيله

طيب
وسيله وسيله
بص يا استاذى العزيز
الحب فكرة اعمق بكتير من اللى انت بتكلم عنه
احساس ومشاعر غير ملموسه
اه افعال الشخص المومن وسيله لرضا الله
طب الوسيله دى بيستخدمها ليه
على شان اصلا اصلا بيحب ربنا
يعنى الوسيله مرتبه تانبه بعد الحب
احب الاول وبعدين استخدم وسائل للحفاظ على الحب ده ورضا المحبوب
ولا ايه يا استاذ ممكن

momken said...
This comment has been removed by the author.
semsem said...

انا اللى غلط
يا ابنى افهم بقا
اقرا الكلام وركز كده واستهدا بالله
انا قلت انا النيه تبقا الاول اللى هى الحب
نيته انى بحب
وبعدين تيجى الوسيله

واهو انت

momken said...

semsem
ـــــــــــ

كلامك الاخير غلط طبعا

اول حديث فى الصحيحين هو حديث النيه

والنيه دائما تسبق الافعال

محدش يبدا عمل ثم يتبعه بالنيه
لكن فى الاول النوايا ثم يليها الافعال

بسم الله الرحمن الرحيم

((وكان الانسان اكثر شىء جدلا
صدق الله العظيم


تحياتى

الصقر الجارح said...

يا اخ ممكن مش ممكن اللى انت بتعمله ده
ديه وجه نظر وانا وجه نظرى ان الحب ده شى ملهوش اى لازمه دلوقتى خالص
علشان الواحد اكيد اما يحب هيخاف عل حبيبته واحنا فى وقت مينفعش فيه خوف
ولا ضعف ومتقلش ان الحب مش ضعف
انت عارف يعنى ايه واحد يشيل مسؤليه واحده
ازاى فى الايام ديه يا عم الحج
ابنك اللى هتجيبه هتاكله حب وتقله انا ومامتك بنحب بعض
هتقله الشعب بتموت علشان احنا بنحب بعض
يا راجل مش كل حاجه هنحك القلب ملهوش لازم دلوقتى بقى سلعه بطله حليا اعقل والقوه
ومع تحياتى لوجه نظرك

Anonymous said...

ايه الخناقة دى
:D

semsem said...

اعمل ايه انا دلوقتى اصوت والم عليك الناس يقوله البت اتجننت
ماشى يا سيدى موافقه
بس براحه شويا
وطبعا الاختلاف فى الراى لا يفسد للود قضيه

طيعا يا ممكن رايك دائما محل اهتمام منى
بس انى اختلف معاك او انى يكونى وجه نظر دا مش معناه ان كلامك ممكن يكون غلط
او حتى كلامى دائما فى اراء مختلف
لان اصلا البشر مختلفين
ولاحظ بس انك بتكلم يعقليه راجل فاهم واعى
وانا يا دوب لسه بنوته بتتعلم من سياتك

تحياتى لك دائما

semsem said...

ممكن
---
احبك فى الله والله يعلم ومن يحب فلا فى الله لايبغض ابدا

يارب يجمعنا كده فى الجنه قول امين


عاوزة بس اقول حاجه واحده ويارب تتفهم صح

رسالتك اقوى من اى شى ومن اى اراء شخصيه


اكمل دائما ما بدا ولا تنظر خلفك ابدا

ولا تهتم لاى اراء شخصيه سخيفه وان كانت الاراء دى منى انا واعتذر عنها

بسم الله الرحمن الرحيم

{فَأَمَّا الزَّبَدُ فَيَذْهَبُ جُفَاء} وَأَمَّا مَا يَنفَعُ النَّاسَ فَيَمْكُثُ فِي الأَرْضِ }



وفقنى الله واياك الى ما يحب ويرضى دائما


بردو مستنيا ردك

Anonymous said...

علي فكرة يا ممكن
الحب نعمة من نعم الله انعم بها علينا
واتمني اني احب واتحب حقيقي وبجد والله هنفذ كلامك كله وانا واثقة ومتأكدة اني لو نفذت هحب وهتحب اكتر يا رب يكرمني
ويكرمك انت كمان اكتر واكتر بكلامك الرائع ده انا مهما قولت مش كفاية علي كلماتك الرائعة
اتمني ان تري تعليقاتي ومتكنش مضايق منها
شكرا ليك
واسفة مرة تانية علي تأخيرى في القراءة
وتعليقى عليها اتمنى ان تعذرني وتتقبلنى صديقة وشكرا مرة تانية

Anonymous said...
This comment has been removed by a blog administrator.
شركة زهرة الشرقية said...


لدى شركة زهرة الشرقية اسطول على أعلى مستوي لنقل الأثاث بكل إحترافية وكفاءة مع الحفاظ على عدم تعرضه لأي تلف أو حدوث أي خدوشوالشركه ايضاً لديها طاقم من افضل الفنيين والعمال المتخصصين فى نقل الأثاث وتغليفه لحمايته الصدمات والتلف فالشركه هدفها الأول والأخير هو رضاء عملائها
شركة نقل عفش
يشير الأثاث إلى الأشياء المنقولة التي تهدف إلى دعم الأنشطة البشرية المختلفة مثل الجلوس (مثل الكراسي والمقاعد والأرائك) وتناول الطعام (الطاولات) والنوم (مثل الأسرة). يستخدم الأثاث أيضًا لحمل الأشياء على ارتفاع مناسب للعمل (مثل الأسطح الأفقية فوق الأرض ، مثل الطاولات والمكاتب) ، أو لتخزين الأشياء (مثل الخزائن والأرفف). يمكن أن يكون الأثاث نتاج تصميم ويعتبر شكلاً من أشكال الفن الزخرفي. بالإضافة إلى الدور الوظيفي للأثاث ، يمكن أن يخدم غرضًا رمزيًا أو دينيًا. يمكن أن تكون مصنوعة من العديد من المواد ، بما في ذلك المعدن والبلاستيك والخشب. يمكن صنع الأثاث باستخدام مجموعة متنوعة من وصلات النجارة التي تعكس الثقافة المحلية في كثير من الأحيان.
مع شركة تركيب اثاث ايكيا بالدمام نقدم لكم جميع الخدمات المتعلقة باثاث ايكيا من فك وتركيب بافضل النتائج المبهرة فهى الافضل على الاطلاق
شركة تركيب اثاث ايكيا بالدمام
عندما نتحدث عن نقل العفش فنحن امام مهمه صعبه جدا على بعض الاشخاص لان بعض الاشخاص يمتلكون العفش الكثير ممما يحتاج الى تغليف وتعبيئه ونقل بشكل مثالى حتى لا يكون فيه خدوش او تلفيات او تكسير ومن هنا تظهر خدماتنا فى القيام بنقل عفش مثالى دون اى تعب او مجهود او تكاليف باهظه
الاستعانة بأصحاب الخبرات دائما ما يسهل الكثير من الأمور عن القيام بالأعمال المختلفة وخاصة في المجالات التي ترتبط بالمنزل والمعيشة وراحة أفراد المنزل، لذلك عندما يحين وقت الانتقال من المنزل لابد من التخطيط لهذه المرحلة جيداً وتجهيز المنزل بخطوات معينة و الاعتماد على أفضل شركات نقل عفش وهي شركة زهرة الشرقية لنقل العفش
نقل الأثاث الثقيل ليس بالأمر السهل على الإطلاق ، وحتى أقل من ذلك عندما يتعين عليك تحريكه لأعلى الدرج! سواء كنت تنتقل إلى منزل جديد في طابق أعلى في شقة لا تحتوي على مصعد أو تحتاج إلى نقل بعض الأثاث إلى طابق آخر في المنزل ، فمن المهم استخدام الأسلوب الصحيح للقيام بذلك بأمان. اتخذ بعض الإجراءات لحماية الأثاث ومنزلك ونفسك من التلف والإصابة قبل أن تبدأ في نقل أي شيء. احمل قطعًا كبيرة على الدرج باستخدام مساعد أو استخدم عربة لنقل القطع الثقيلة الصغيرة والمتوسطة الحجم بمفردك بينما يكتشفك شخص ما من الأسفل. استفد من المعدات والتقنيات المتخصصة لتسهيل رفع بعض العناصر ووضعها في مكانها.
تقديم خدمة نقل الأثاث بأفضل خدمة وأقل تكلفة وأسرع وقت وملائم للعملاء لتنفيذ عملية نقل الأثاث وتوفير المال والوقت للعملاء. جميع خدمات شركتنا بمعنى الخدمات الشاملة.
شركة نقل عفش بالدمام