Friday, November 23, 2007

اخــــــــر كلام... ماذا بعد الـحـــــب


صباح الخير

على فكره ده اخر جزىء فى الكلام فى الحب

ويارب نفهم بقى

لحسن انا قربت احس انى برنامج ربات البيوت

وقربت احس ان انا الاستاذه صفيه المهندس

المهم

من اجمل الاشياء الى لفت نظرى

ان اخر كلمات الرسول صلى الله عليه وسلم

كانت التوصيه بالنساء

فقد قال صلى الله عليه وسلم وهو فى رمقه الاخير وذاهب للقاء ربه


(استوصوا بالنساء خيرا)


صلوات ربى وسلامه عليك ياسيدى يارسول الله

سمعنا واطعنا يا حبيب الله

انا ارى ان هذه الجمله كانت موجه خاصة للازواج

وكان يوصيهم صلى الله عليه وسلم بزوجاتهم

لانه لم يقل الامهات.. او البنات... او الاخوات..
هدخل فى الموضوع على طول علشان محدش يخنقنى
.

يحدث.. كثيرا.. أن تتصرف المرأة بشكل لايفهمه الرجل

ليس فقط في مجال العلاقات الزوجية بل حتى في علاقة الأخ مع أخواته..
أو الفتى مع أمه

يحبط الرجل كثيرا من بعض مواقف المرأة ..ولكن لو عرف السبب لبطل العجب..
فالمرأة تتصرف بناء على ما يمليه عليها قاموس طباعها اللذي يختلف كثيرا عن الرجل
هما يتفقان أحيانا فيصبحان كأنهما مخلوق واحد ويختلفان حتى تظن أن كل واحد منهما قادم من كوكب آخر

هناك خمسة أشياء لابد أن يعرفها الرجل عن المرأة...حتى يستطيع التعامل معها بشكل صحيح..

لتجنب المشاكل والفتور التي تمر بها علاقتهما

يفاجأ الرجل كثيرا.. عند دخوله المنزل.. بأن زوجته تتحدث بإسهاب عن تعبها في ملاحقة الصغار.. لتنظيفهم.. وعن خراب المكنسة الكهربائية عندما بدأت الكنس.. وعن انتهاء أنبوبة الغازتتحدث عن هذا كله وأكثر بصوت يغص بالشكوى والتذمروطبعا الزوج المسكين.. يظن أنها تتهمه بالتقصيرفيلجأ إلى أحد أمرين
.. أحلاهما مــر.. بالنسبة لها
ـ أما أن يرد لها الصاع صاعين .. مدافعا عن نفسه
ـ وإما أن يخرج ويترك لها الجمل بما حمل
ثم تفتح المسكينة فاها دهشة لهذا التصرف الغير مبرر..


وتبدأ المشاكل والاتهامات
مالا يعرفه الرجل في هذه الحالة ..

هو أن المرأة لاتتهمه وإنما هي تفضفض له فقط عن إحباطات يومها..
وكان من المفترض أن ينصت لها قليلا ثم يحوطها بذراعيه..

ويهمس: أعرف كم تشعرين بالإحباط ياعزيزتي وأقدر لك كثيرا اهتمامك
سوف يفاجأ الزوج بعدها بزوجته تهمس له وكأنما ضربتها عصا ساحرة:

ولا يهمك ياحبيبي.. كله يهون من أجلك
صدقوني.. هذا ما سيحدث بدون مبالغة

يلاحظ الزوج أن زوجته الحبيبة تقدم له باستمرار مايطلب وما لايطلب.. مع ابتسامة عذبة ناعمة..
بدءا من تجهيز طعامه وانتهاء بتحضير ملابسه المكوية المعطرة عند خروجه من الحمام

ولكن بعد فترة.. قد يلاحظ الزوج النبيه أن مستوى الخدمات الفندقية لايزال كما هو..
مع حلول تكشير معتبرة بدلا من الابتسامه ويصدم بالتغير..
مالذي حدث.. ليه.. ماكنا كويسين
وعند المصارحة..

تظهر له أسباب تافهة.. لم تكن في حسبانه.. أطمئن الزوج العزيز أن هذه الأسباب ليست هي مربط الفرس
وإنما الحقيقة التي لايعلمها الرجل عن المرأة .
.هي أنها تعطي بلا مقابل بابتسامة عذبة أولا..ثم صفراء .. ثم سوداء ..
ثم تكشيرة والسبب أنها فطرت على العطاء التلقائي
وليست كالرجل يكتفي بإعطاء مايظنه مهما أو مسؤولا عنه فقط وبعد فترة من العطاء..

تحس المرأة بأنها مستنزَفة.. مستغَلّة من قبل الجميع وغير مقدرة العطاء..
فتستمر في العطاء.. وبداخلها مشاعر غيظ مكبوته وهذا سر التكشيرة..


يبادر الرجل عند رؤية هذه الأعراض بتجنب المصارحة والخروج من المنزل
ومالا يعرفه الرجل.. هو أنه لاينبغي عليه المصارحة في مثل هذه الحالةعليه أن يحاول إراحة زوجته..

و مساعدتها في بعض أعمال المنزل
وهذه الأخيرة صابونة مطهرة لمشاعر الغيظ.. وليبين لها أنه يريدها أن ترتاح..
ويحمل عنها بعض الهموم
وهذه الحكاية.. تحصل حتى للبنات في بيوت أهاليهن.. بالذات البنت الكبيرة
وهذه اللفتة الكريمة من الزوج المصون.. ستقلب الوضاع رأسا على عقب

يحدث بعد فترة أن يلاحظ الرجل أن المدام تغيرت كثيرافهي شاردة الفكر دائما تحب العزلة.. صامتة.. على غير العادة
وقد يلجأ البعض للمصارحة.. لكن المرأة تمعن في الصمت أو تصرخ في وجه الرجل: أنت لاتحبني..
عندها يستشيط المسكين غضبا على ناكرة الجميييييل ويخرج تارك المنزل..


عزيزي الرجل.. هذه الحالة.. طبيعية جدا.. هي دورة طبيعية عاطفية شبه شهرية تمر بها الكثير من النساء
مالا يعرفه الرجل.. أن كثيرا من النساء.. تعودت كثيرا على الحب ولديها خوف مجهول مبطن من النبذ وعدم القبول

وهي تمر بفترات صعود عاطفي..

تعلو بها موجة القبول والحب وأحيانا تغوص بها موجة الخوف..

والشعور باليأس إلى قاعه البئرفتصبح كئيبة منعزلة
تخجل المرأة كثيرا من التصريح للرجل بهذه المخاوف..

وتلوذ بالصمت مما يطحن معدة الرجل عليه في هذه الفترة أن يراعي.. مزاجها المحترم..

و أن يدللها كثيراويعطيها الحب..

حتى تخرج من هذه المرحلة بسلام وتعلو به الموجة مرة أخرى إلى رأس البئر

وتستمر هذه الفترة عند النساء من يومين إلى سبعة أيام



تحتاج المرأة للعناية.. والاهتمام..

إن سؤالا بسيطا مثل: انتى اتغديتى كويس؟؟

او أنتي متأكدة أنك اخدتى حبة الدواء؟

مثل هذه الأسئلة لو طرحتها المرأة على الرجل لملأت صدره قيحا لأنها تحسسه بنقصه.. وعدم قدرته
لكن هي تحتاج لمثل هذه الأسئلة السخيفة في نظر الرجل


لأنها تحسسها باهتمامه بها وحرصه عليهافحينما تحس باهتمامه تعطيه الكثير


يحس الزوج بجرح كبير حينما تناقشه زوجته وكأنها تحاسبه أنت داااائما لاتتحدث معي,

نحن لم نجلس مع بعضنا أبدا..

أنت لاتقدرني على الإطلاق ..

مالا يعرفه الرجل أنه في الوقت الذي يحاول فيه أن يتحدث فيه عما يراه بالتحديد

فإن المرأة تجهل أسلوب التحديد والدقة هذا وتميل للتعميم..

هي لاتقصد ماتقول لكنها تنظر للأمور بطريقة إجمالية ينقصها التحديد

كما أنها غالبا لاتفكر فيما تريد أن تقوله إلا بعد أن تبدأ الحديث

بعكس الرجل الذي قد يصمت كثيرا قبل الكلام.. لأنه لايقول إلا ماجهز له لذا نقول للرجل.. لاتتضايق..

فالمسألة عادية جدا .. وتقبل طريقتها في الكلام
فهذه موهبة من بها الله عليك..ليختبر صبرك.. وحلمك

ولو حاصرتها في زاوية ضيقة من النقاش فستعترف لك بأنه لاتقصد دائما, إطلاقا.. بل بعض الأحيان..
ولو حاصرتها أكثر فسقول نادرا..

ثم.. أقص هذه المرة فقط
لاعليك.. تقبلها كما هي.. وستعطيك الكثير

مع خلاص تنمياتى بحياه ترضى الله عنكم

ويجعلها تجنب لك ابطلا كصلاح الدين و عمر ابن الخطاب

وتنجب لك بنات كامنا عائشه والسيده مريم عليها السلام

ويجعلك انت سبب فى دخولها الجنه وسبب لرضى الله عنها

تحياتى

41 comments:

Anonymous said...

السلام عليكم ورحمة الله وبركاته

ازيك يا ممكن

يشرفنى اكون اول تعليق للمرة الاولى على تاريخ مدونتك الطويل
هييييييييييييييييييه


اسمحلى بقى اسجل اعجابى بالبوست الراااااائع دا

البوست جميل جدا فعلا

هوا فعلا التفاهم اهم حاجة بين كل اتنين

انت تعرف
الل انت كتبه دا ملخص المودة والرحمة اللى ربنا ذكرها فى القران الكريم
والتى لاتوازى اى حب فى الدنيا قد يكون تحدث عنه الشعراء او الادباء او العاشقين فى مؤلفاتهم

لك كل تحية وتقدير
انت ناقشت الموضوع بطريقة سلسة ومقنعة

جزاك الله كل خير

تحيـــــــاتى

Anonymous said...

البوست حلوووووووو اووووي
وواقع جدااااااااااا
وعقلاني اكتر
لازم فعلا يكون في حوار بين الزوجين ولازم كل واحد فيهم يحط نفسه مكان التاني ويعذره
اكيد ده هينتج حياه هاديه بكل تاكيد
انا مش عارفه اقول ايه انت قلت كل حاجه
وجبت الموضوع من كل الزواايا
انا بشك انك دكتور نفساني
ههههههههههه
تحياتي استاذ ممكن

son's egypt said...

السلام عليكم
هو ممكن يكون تعليقي مختصر شويه بس اعتقد انه ممكن يكون ابلغ من اي كلام
" رفقا بالقوارير" زي ما قال النبي صلي الله عليه وسلم

البنت الشلبية said...

سلام عليكم
سؤال مهم الاول
انت ازاى تعرف كل المعلومات دى كلها عن المرأة؟
كلامك حسسنى انك ممكن تكون افضل زوج فى العلم نتيجة تفهم لشعور المراة وتفكيرها
لكن خد بالك
دايما باب النجار مخلع لمؤاخذة

فراشة said...

الموضوع شيق
و تابعته من الأول
بس ما اقدر ارد اليوم
مرة جاية ح نجهز رد محترم

انتظرني

rack-yourminds said...

ازيك يا ممكن اخبارك ايه ؟ سبقتني بالتعليق يا باشا

طبعا يا ممكن كلامك جميل زيك

عارف يا باشا لو فتحت مكتب للمشاكل الاسريه والامور العاطفيه اتوقعلك نجاح باهر هههه وهتكسب من وراه ملايين ههه

بهزر معاك يا جميل
-------
بجد يا ممكن موضوعك هام جدا

وعجبني فيه توصية الرسول صلي الله عليه وسلم في الرمق الاخير بالنساء

انا بقي بطلب منك انك تواصل الكتابه عن الموضوع ده بجد لان في امور بتعملها المراة ومعظمنا بتبقي غامضه عليه بمعني كثير منا بيجهل طبيعة المراة.. اوكي يا ممكن

مره اخري بجد يا ممكن دايما موضوعاتك بتعجبني وبستفيد منها كتير

احلي سلام ليك يا باشا

Anonymous said...

ايه ياباش الجمال ده لابجد كلامتين في الجون بس يارب نتعلم ونطبق ده الاهم وعلي صوتك قوي وسمع اخوانك الذين لايعرفون طباع تلك الكائن الغلبان المسكين تعرف جميل قوي انك تعمل حاجة عن ازاي الرجل بينظر للامور كمان هتبقى رؤية عادلة ومفيدة للجانبين سلامي ليك

اسامة يس said...

كلام متزن هادئ عميق ...
ويارب يقدرنا ننفذه في المستقبل القريب
ان شاء الله
دمت بكل ود..

فى القلب said...

البوست ده كلمه رائع قليله جدا عليه


ممكن لو كل الكلام ألى بيرمى لهدف زى أهدافك بتشبه ببرنامج ربات البيوت


يا ريت كل برامجنا أصبحت برنامج ربات البيوت

عارف يا ممكن


يا بختها

semsem said...

برافو ممكن

انت كده ممكن تعمل الجزء التانى من كتاب ادم من المريخ وحواء من الزهرة

او بمعنى اصح النسخه العربى


موضيعك دائما تدل على
شخصيه جميله حقا

مع خالص تحياتى

loza said...

تحياتي ممكن ...

والله يهني سعيد بسعيدة ...
ههههههههههه

بس المطلوب شوية وسعة بال من الطرفين ...

تــــ(حـنة)ــــر said...

بجد هو بوست جميل
بس انا عايزة اقول حاجه
ياعينى على الصبر
بس خلاص
تحياتى

momken said...

Hadota .. حدوتة
ــــــــــــــــــــــــ

اهلا بحدوته المدونين وشهرذاد الحكايات
التى صاح عليها الديك منذ فتره طويله
ولم ياتى الفجر بعد كى تستمر الحكايات

ياستى انتى تيجى فى اى وقت ديما انتى فى المقدمه مهما كان الترتيب
والشرف ليا انا طبعا لمجرد زيارتك لمدونتى المتواضعه

انا متفق معاكى جدا فى كلامك فالتفاهم والحوار هو اساس نجاح اى علاقه انسانيه

تحياتى

momken said...

HH
........

اهلا يا اتش اتش
متشكر جدا على رائيك فيا
انا متفق معاكى طبعا فى كل كلامك
انا مش عارف ازاى انتى معندكيش مدونه
مع ان اسلوبك جميل ومنمق
بالنسبه لاموضوع الدكتور النفسانى ده صعب اوى لانه الدكتره النفسين بيفكرونى بدكتور خشبه بتاع انا مش قصير قزعه انا طويل واهبل هههههه
فبلاش موضوع النفساويه ده

انتى منورانى ديما

تحياتى

momken said...

son's egypt
ــــــــــــــــــــ
صدق رسول الله عليه وسلم

اهلا بيك ديما
تحياتى

momken said...

البنت الشلبية
ــــــــــــــــــــــ
اهلا بيكى يا استاذه متشكر ياستى على موضوع افضل زوج ده
وربنا يسترها على باب النجار ان شاء الله واسال الله تعالى ان لا اكون ممكن يقولون مالا يفعلون
تحياتى

momken said...

butterfly
ــــــــــــــ
ايم وايتينج يور كومنت

تحياتى

momken said...

rack-yourminds
ـــــــــــــــــــــــــــــ
اهلا باحسن واحـــــــــــد فى كل الوحايد كويس والله واهى سبوبه اكل منها عيش حد لاقى ياريت

متشكر اوى ياباشا على كلامك المحترم جدا وانا طبعا بفتخر انى بتعلم وبستفاد كتير اوى من حضرتك ودى والله شهاده بعتز بيها
بالنسبه للاستمرار فى نفس الموضوع صعب والله انا كل مره بقول دى اخر مره وتحت ضغط ناس كتير بقدرها واعزها وبكتب بس انا مصر المره ده تكون الاخيره
تخياتى

momken said...

قلوب حائرة
ـــــــــــــــــــ
الحمد لله ان جت جون دانا كنت مغمض وانا بشوط وكنت فاكرها اوف سايد
هحاول افكر فى الموضوع الى اقترحتيه جديا
ولو لاقيت هتكونى اول حد يقراه
اهلا بيكى ديما
تحياتى

momken said...

osama
ـــــــــــــــ
بارك الله فيك الكلام ده كتير عليا اوى انا اقل من ذلك بكتير
وفقك الله وثبتك الله
تحياتى

momken said...

فى القلب
ــــــــــــــــــــــــــ
اوشا الجميله اوستاذه المدونات ياستى انا متشكر جدا على تشجيعك وربنا يقدرنى واكون ديما عند حسن الظن

بالنسبه لموضوع يا بختها اتحرجت جدا اهلا بيكى ديما
تحياتى

momken said...

semsem
ــــــــــــــــ
الفنانه سمسم
اهلا بيكى ومتشكر جدا على تشجيعك

لو حبيت اعمل كتاب هيكون الرجل من الجنه والمراءه كذالك

ولا مريخ ولا زهره
مع احتراكمى لكل الكتاب الاوربين هما يعرفوا المراءه منبن
الى عندهم دول اشباه نساء وليسوا نساء

تحياتى

momken said...

loza
ـــــــــــ
سعيد وسعيده ربنا طبعا يهنيهم بس انتى تعرفيهم منين هو مافيش حاجه بتستخبى

اهلا بيكى ديما
تحياتى

momken said...

Tamr7na
ـــــــــــــــــــــ
اهلا يا تمر حنه
فعلا يعينى عالصبر وانتباه يا دنص ويا اه يا اه


تحياتى

الحلم العربي said...

تسلم ايدك يا ممكن على الكلام الجميل ده المشكلة ان كل واحد بيتعامل مع الآخر بطريقته و عايز التاني ياخد على عاداته هو مه ان المرأة لها طبيعة و الرجل له طبيعة
علشان كده انا بشجع ان المقبلين على الزواج يتعلموا فن الحياة الزوجية أولا

زمان كانت الأم الحصيفة و الأب المتفهم هما اللى بيقموا بالدور ده لكن للأسف دلوقتى ممكن الأب و الأم هما اللى يكونوا محتاجين للدورات دي
و الحاجات دي دلوقتى موجودة في مراكز في مصر صحيح قليلة لكن وجودها شئ كويس في حد ذاته

تحياتي لموضوعاتك الجميلة

كاميليا بهاء الدين said...

طيب ماهو كلام جميل اهو
ليه بتقول اخر كلام فى الحب؟

طيب يعنى هاتكتب بعد كده كلام فى الحرب؟

مدونتك قمة فى الروعه

المحد لله انى اكتشفتها

ربنا يوفقك

كاميليا

buffy said...

nice post awl zyara lek aked hzork tany

Abeer said...

بجد بجد تحفة جدااا
البوست ده رائع
وياريت تكمل بجد

وهرجع تاني واقولك انت قريت كتاب الرجال من المريخ والنساء من الزهرة
عارف هتقوللي مملة

بس المرادي هقولك تقراه علشان حاجة مختلفة
الكتاب ده حقق اكتر مبيعات في العالم علشان الراجل فهم استراتيجية المراة وهو كتاب رائع بحق

بس اللي محدش يعرفه ان الكلام ده رسولنا واسلامنا قالوه من زمان من زمان اوي

تحياتي
:)

فراشة said...

بسم الله
و الصلاة و السلام على رسول الله محمد صلى الله عليه و سلم
اخي في الاسلام ممكن
اسمح لي ان اقول لك ان مدونتك اخدث مني الوقت الكثير
ماشاء الله
قرأت مواضيعك جميعها
و منها من قرأته مرارا و تكرارا
و الوقت في فترات متنوعة و متفرقة
هذا بعد ان قمت بتخزين كامل مواضيع المدونة في جهازي و كلما وجدت بعض الوقت قرأت ما كتبت

بارك الله فيك و رعاك
احب ان اعلق على كل المواضيع
لكن سأبدا بهذا الموضوع
كلام في الحب
كلامك جميل
و اكيد مافي شك انه نابع من قلبك
اعتبره هدية منك لكل المتزوجين او الراغبين في الزواج
فطريقة العرض اعجبتني
فصل النقاط ايضا اعجبني
لا تعليق لي في ما كتبت
كانت حجتك قوية بالقرآن
و السنة النبوية

لكن تعليقي حول لمن نوجه هذا الموضوع؟
برأي و هذا رأي شخصي
الموضوع يمكن ان يوجه لأي شخصين
فأي علاقة بين اي شخصين سواء بين الام و ابنها، و الاخت و اخيها ، الصديقة و صديقتها و غيرها من العلاقات تكون احيانا تحت اطار نقص الحب ، او انعدامه بحيث حل مكانه البغض و الهجران ، لماذا لا نوجه هذا الموضوع للابن الذي هجر والديه ، لأي سبب.
لماذا لا نوجه هذا الموضوع للصديقات اللواتي دخل الكره بينهن و صارت علاقتهن علاقة الند و تسديد الضربات ، بدل ان تكون علاقة حب و اخاء.
لماذا فقط نوجه موضوع اعادة الحب للأزواج فقط
هل لأن الحب موجود للأزواج فقط؟؟؟
لا فالحب في كل مكان
و يجب ان يستمر هكذا
الاخ يحب اخاه
و الابن يحب والديه
و الجار يحب جاره
و تكون المحبة خالصة لله تعالى

معليش طولت في التعليق
سامحني
ان شاء الله تكون الفكرة وصلت

زُمُرده said...

السلام عليكم
وجون وجون وجوووووووون
ربنا يباركلك ويجعله في ميزان حسناتك
بجد انت رائع جدا
دي اول زياره ليا ولسه ما قريتش اللي فات
بس واضح جدا انك تعاملت مع المرأه بقلب وعقل واع ومتفهم
رجاله كتيير بتعيش وتموت ومتقدرش تفهم المرأه إلا من رحم ربي
ياريت كل انسان عموما يحط نفسه دايما في وضع الطرف الآخر ويحاول يحلل تصرفاته
هيلاقي نفسه فهم كتييير
وبقى اقدر على التعامل مع من حوله رجال ونساء
ولو شويه صبر وحنّيه وتفاهم كله يبقى تمام

زُمُرده said...

نسيت حاجه
اسلوبك جميل جدا
وسلس اوي وعرضك للموضوع هادي وبسيط من غير كلكعه ولا تشتيت
من الآخر منظم وعاجبني

momken said...

الحلم العربي
ــــــــــــــــــ
انا متفق مع كلامك الجامد اوى ده
فعلا يجب ان يتعلم كلا منا الاخر ويعرف ازاى يتعامل معاه

اخبار الخبطه ايه
يارب تكونى بقيتى كويسه
ويارب يكون الازاز سليم
نورتينى

تحياتى


كاميليا
ــــــــــــــــــ
والله يا كيمو انا كل مره اكتب فى الموضوع ده ااقول اخر مره اكتب فيه لكن فى ناس عزيزة جدا عليا بيرجعونى اكتب فى نفس الموضوع وانا يهمنى متكونش المدونه متخصصه فى نوع واحد من الكتابه علشان ميكون كلام ممل زى صحبه

انتى منوررانى ديما يا كيمو

تحياتى


buffy
ـــــــــ
على الرحب والسعه ديما
انتى ديما تشرفى اى حته تزوريها

تحياتى

momken said...

Abeer
ــــــــــــــ
اهلا بيرو.....معلش مش هينفع اكمل كفايه كده
الكتاب للاسف مقريتهوش بس انتى وسمسم بتلحوا عليا فى قرايته وانا بثق فى كلامكوا انتوا لاتنين
هقرا
مع انى قلت لسمسم لو هعمل كتاب على نفس الموضوع
هسميه
المرأه من الجنه والرجل كذلك

الاسلام هو مصدر لى تعامل صحيح بين اى حد وحد تانى
انتى نورتينى
تحياتى

momken said...

butterfly
ــــــــــــــــــــ
الفكره وصلت جدا بكل وضوح
انتى طبعا عندك حق انا غلطان انى حجمت الحب فى الازواج فقط مع ان العلقات اوسع من ده بكتير جدا وطبعا انا بعتذر عن ده لكنى كنت بسعى وراء العلاقه الحلال لكنى اغفلت سوا علقات كثيره جدا فى غمره حماسى وانا بشكرك للتوضيح ده

انا متشكرجدا على زيارتك ومطالعتك لموضوعاتى المتواضعه
واتمنى تكون نالت رضاكى
واتمنى ان تكون قدمت اى شىء ايجابى لاى حد

رأئيك افادنى جدا هنتظره ديما

تحياتى

momken said...

زُمُرده
ــــــــــ

اهلا بيكى يا زمرده ومتشكر اوى على تشجيعك وعلى كلماتك الرقيقه
اسمك حلو بيفكرنى بفيلم امير الانتقام
بتاع حسن الهلالى

اهلا بيكى ديما واتمنى اكون عند حسن ظنك ديما

تحياتى



زُمُرده
ـــــــــــــــ
ربنا يكومك يارب ده كتير عليا اوى
اخجلتم تواضعنا
وده من ادبك واخلاقك العليا

تحياتى

Lonely Queen said...

السلام عليكم
بصراحة الموضوع حلو اوى
والكلام جميل ولو ان مفيش حد بينفذه خالص
رغم ان انا مختلفة معالك فى بعض النقط
يعنى مش الزجات بس همة اللى بيتكلما كتير فى بردو رجالة رغيين اوى
وعلى فكرة عادى لمة الزوج يتكلم مع زوجته بنوع من الدقة مش كل الزوجات بيحبو العمومية وفى ساعات سبب الخلافات ان الزوجة بتبقى اذكى من الزوج وناجحة عنه بكتير فى طبعا الزوج لازم يغير
بس عايزة اقللك ان اختيارك للموضع هايل
تحياتى

Anonymous said...

انا اسفة جدا بس زي ما قولت اني اول مرة اقراء. وعجبتني جدا وحبيت اقول رأي
بعد اذنك طبعا يا ممكن
اولا:انا معاك في كل كلامك لاني في ستات كتير اوي بالوصف ده والاكتر من الرجالة
انا هتكلم وربما يكون غلط بس انا متأكدة ان في ستات كدة بجد
الست مش دايما بتنتظر كلمة حلوة عشان تقدم للرجال وجباتة
ثانيا:وده بجد بيتم ان الزوجة دائما بتكون في انتظار زوجها تستقبلة بأبتسامة رقيقة وتنسي متاعبها اليومية حتي لو كان مؤقت ولو حبت تلقي تقريرها اليومي للزوج فدة بيكون في الوقت المناسب بعد طبعا لما الزوج يرتاح ويأخد دشة وياكل ويبدؤ في الهزار مع بعض ولو حبيت تحكي هيكون هو متقبل منها كل حاجة بحب لانها بتحكي بحب وحتي الخناق او الشكوي من اي حاجة بتكون بحب بتطلب منة كل حاجة برقة وهو علية تنفذها فورا لانة يتقبل بحب
واكتر من كدة بكتير
هي دى تقريبا الحياة الزوجية ربما تكون قليلة جدا بس دة رأي الشخصي
ومش عايزة ارغي اكتر من كدة وكفاية صدعتك وانا اسفة مرة اخرى واعذرني اذا قريت وعلقت بعد التأخير دة كلة بس بجد لازم اعلق من جمال كتباتك وروعتها
شكرا وجعت دماغك

Anonymous said...
This comment has been removed by a blog administrator.
Unknown said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

Unknown said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر

شركة الابداع said...

تتميز شركة الابداع بتقديم عدد متنوع من الخدمات المنزلية كتنظيف المكيفات والفلل من خلال عماله على أعلى درجة من المهارة
المكيّف هو جهاز يعمل بالطاقة الكهربائية، حيث يساهم في تعديل حرارة الجو عن طريق رفعها أو خفضها تبعاً لحالة الطقس، مما يساهم في المحافظة على درجة حرارة الجسم، بالإضافة للحفاظ على نشاطه وحيويته.
. ومن الممكن صنع المكيفات في المنازل، وبأبسط الطرق مما يساهم في توفير المال، بالإضافة للمساهمة في استغلال المواد الموجودة، وفي هذا المقال سنعرض لكم عدّة طرق سهلة لعمل تكييف منزلي
شركة تنظيف مكيفات بالرياض
تعتبر مهمة تنظيف المنزل من المهام اليومية التي تلقى على عاتق كلّ ربة منزل، حيث إنّ تنظيف الغرف، والمطبخ، والأفنية الخارجية، والحمامات يتطلب وقتاً طويلاً وجهداً مضاعفاً للاستمتاع بشعور النظافة طوال الوقت، ولم تعد مهمة تنظيف المنزل صعبةً على ربة البيت وذلك لامتلاكها أدوات كهربائية تعينها على أداء جزء كبير من الأعمال المنزلية، الأمر الذي خفف العبء الكبير عنها، وسنذكر في هذا المقال طرقاً سهلة لتنظيف وترتيب المنزل بشكل عملي وبسيط، وتساعد على إنجاز الأعمال بطريقة سلسة، وبجهد أقل.
شركة تنظيف فلل بالرياض