Sunday, December 9, 2007

توســـــــــــــــــــــــــــــل.....ورجـــــــــــاء



يارب


يساورني القلق لفرط ما سمعت وشاهدت وقرأت وعايشت


فطالما رأيت العلاقات تنهار


...والصور التى ارسمها لمن حولى تتبعثر ملامحها ,


والوجوه الجديرة بالاحترام تسقط كالبيوت القديمة!

ومن يحلم ببيت من الحب يأويه ..
. يصر حالما... وربما غبيا ..

كمن يحلم ببيت بدون اساس


وأنا لا أريد أن أسكن في بيت ليس له أساس,


ولا أريد أن أبني بيتاً ينهار فوق رأسي!


أريد بيتاً لا تقوى عليه الريح,


ولا تقتلعه العواصف,


أريد بيتاً يقاوم الزلازل,


ويصمد أمام البراكين


وليس هناك ضمان سوى أن تعيننى على أن احتفظ بالعالم بداخلى ,


أن تضع في داخلي دعامات جديدة تجعلنى أقدر على مواجهة ما يحدث من حولي..


من مجريات دنيا اليوم .. وبشر اليوم

يـــارب ...

ساعدنى ان أظل كما أنا أعرف كيف أعطي وأمنح,


وأعرف كيف يبذل الذات !


اجعلني حباً يقاوم الجفاء,


واجعلني سلاماً يقاوم العداء,


اجعلني صدقاً,


اجعلني حقاً,


واجعلني عدلاً ووفاء.


ولا تقتلنى يوما.... بسهم دمعة رثاء..


. أندم يوما بها على العطاء


امـــــــــين

67 comments:

البنت الشلبية said...

اللهم آمين
ربنا يتقبل منك ومنا
ويعيننا كلنا على الحياه ويهدينا
سلام

semsem said...

اللهم من اعتز بك فلن يذل، ومن
اهتدى بك فلن يضل،
ومن استكثر بك فلن يقل، ومن استقوى بك فلن يضعف،
ومن استغنى بك فلن يفتقر،ومن استنصر بك فلن يخذل،
ومن استعان بك فلن يغلب،ومن توكل عليك فلن يخيب،
ومن جعلك ملاذه فلن يضيع،ومن اعتصم بك فقد هدى إلى صراط مستقيم،
اللهم فكن لنا وليا ونصيرا،وكن لنا معينا ومجيرا،
إنك كنت بنا بصيرا



توسلك ورجاءك موثر جدا يا ممكن
يارب امين
يارب يديك يا ممكن كل اللى تتمناه واكتر فانت سالت الله على قدرة وارجو ان يعطيك على قدرة

رائع جدا جدا جدا
جعلك الله من المتقين ورزقك صحبه رسوله الكريم فى الجنه

rack-yourminds said...

امين يا رب
--

ربنا يوفقك الي كل ما هو خير

ربنا يسعدك يا باشا

انت تستاهل كل خير

تحياتي وسلامي ليك

Anonymous said...

قلتلك فى ردى على سؤال لخير ان الحب مش موجود غير فى خيال الكاتب
مكنتش بقول مجرد تعليق انا بحكيلك واقع عيشينه مع بشر اليوم
عموما من الواضح انك شخص يجيد الكلام عن الحب ولكن اتمنى ان تكون ممن يعيشون هذا الحب وليس فقط ممن يجيدون الحديث عنه تمنياتى لك بكل الخير اللى جواك يا اجمل ممكن
فروله

Anonymous said...

ارجوك يا ممكن كفايه كده لانى بجد قربت اصدق انك بتخرجنى من حياتك انا مش عارفه اقولك اسفه ازاى
يارب مكنش بقيت من الناس اللى انت بتتوسل ربنا انه يعينك عليهم انا مش بالبشاعه دى يا ممكن
انا اول ما قريت المدونه عيطت من الخوف ارجوك كفايه كده انا بجد مش مصدقه انك ممكن تبقى بالقساوه دى
ممكن تبقى زى اسمك وما تصعبش الموضوع
لان الصداقه ما بتنتهيش بالشكل ده
يا ممكن
لاء يا الى ممكن فى الدنيا

Anonymous said...

اللى بكتبه ليك ده توسل ورجاء انك ما تنهيش صداقتنا بالشكل المهين ده
ارجوك يا ممكن

اسكندراني اوي said...

اللهم امين
استجب وتقبل يارب العالمين

تحياتي وربنا يحقق لك امانيك كلها

Hadota ... حدوتة said...

آميــــــــــن

انا بقول آآآآمين من قلبى
لان فعلا من كتر اللى الواحد بيشوفه ويسمعه فى الناس اليومين دول مبقتش الحكاية مجرد خوف
دى بقت رعب
وهلع كمان

كل القصص بقت فاشلة
وكل الناس بقت تسيب بعض
وكله بيتفرق
ويقولك دى الظروف
مفيش حاجة اسمها الظروف
احنا اللى بنعمل الظروف
احنا اللى نقدر نحافظ على علاقتنا وعلى الناس اللى بنحبهم لو كل واحد مبصش لنفسه وحاول يدى على قد ما بياخد

كل ما ابص حواليا واندمج مع الناس اكتر بخاف اكتر
ياترى الناس دى جواها ايه
ياترى بيفكروا ازاى
لدرجة ان انا بقيت اخاف من كل حاجة ومن كل الناس
ودا طبعا ينطبق على كل العلاقات صداقة او جيرة او زمالة او او

الكارثة الكبيرة اللى انت قايل عليها فى البوست ان الواحد يفشل فى حياته

بس برده مازال الحب واللى بيحلموا بالاستقرار مش اغبياء ولا حاجة .. هما موجودين غلط فى فى وسط ناس غلط

بس ربنا دايما بيقابلهم بالناس الصح اللى يقدروا الحب دا فى الوقت الصح

دا كله توفيق من ربنا سبحانه وتعالى
اللى يتكل على ربنا ميضعش ابدا

ربنا يستر بجد
ويكفينا ويكفيك شر الموضوع دا

تحياتى يا ممكن
دايما متميز ببوستاتك والمواضيع اللى بتطرحها

semsem said...

انت غيرت الصورة الله دى احلى كتير

ماشيه مع البوست اكتر

جميل قوى يا ممكن

يارب يارب

يرزقك كل اللى تتمناه

قول امين

Unknown said...

آمين...

حواء said...

آآآمين .. ايه المود الجديد ده يا ممكن بجد روعة .. تحياتى

Abeer said...

اميـــــــــــن
ربنا يحققلك كل اللي تتمناه ويسعدك دايما

فراشة said...

آمين يا رب العالمين
اعن عبدك
على فعل الخير
و افتح له ابواب السعادة
و الرضى

الحلم العربي said...

يااااااااه
جميل جدا الدعاء ده
ربنا يتقبل منك و يحقق لك كل ما تتمنى
و يرزقك السعادة في الدنيا و الآخرة

تحياتي

rommantic said...

انت بدعائك عبرت عن كل اللى كان نفسي اقول وكل اللى اقدر اقوله اللهم امين
سلام

محمد العدوي said...

الهدد دا بيجي من حاجة واحدة في ظني . هي ان احنا بنبقى متبرمجين على ان غاية الحب الزواج . زي العيال بتوع الثانوية العامة لما بيبقو متبرمجين على ان غاية التعليم انك تجيب مجموع .. يموت نفسه مذاكرة ويجيب مجموع ويدخل صيدلة ويعيد السنة . مش لأنه غبي ولا لأن النظام التعليمي واقع . لأان برمجته ان اكبر احلامه انه يدخل كلية عالية


كمان في المضروب الحب لما تكون الغاية منه الزواج . لما نتجوز منلاقيش حلم نعيش علبيه يقوم الحلم اللي تحقق يقع .. لابد للاحلام من أحلام تتابعها حتى تظل الحياة قائمة .

يعني مجرد حلمك دا انك تبني بيت كامل حلو منور وملون في ظني يكفي انه ميقعش لما يأتي نتيجة حب ..


وكل الود

loza said...

آمين آمين ..

وأتمنى ربنا يجيب دعائك وتحقق كل أمانيك ..

ومتخفش ده لا أحلام وبس ولا غباء ..

تأكد أن ممكن .. الدنيا لسه بخير .. وفيها ناس ممكن تسعد بعض .. وتعيش بس علشان خاطر تشوف البسمه مرسومه
وتحقق السعاده للناس الي بتحبهم ..

وانت دعيت ربنا .. وباذن الله مش هيخيب
أملك ..
خلي عندك الثقه في كده ..
ربنا عند حسن ظن عباده به
..


الدنيا لسه فيها ناس حلوين زيك .. بيدوروا برضو على المعني الحلوه ده ..

تحياتي ..

البنت الشلبية said...

كل سنة وانت طيب وعيد سعيد عليك وعلى الامة الاسلامية كلها

البدراوى said...

اللهم أمين

كل سنة وانت طيب
عيد سعيد

Halawa said...

ياااااااااااارب

انت كل مرة تضربني قفا
في الموضوع اللي بيبقى
جوايا ألاقيك بتجاوب سؤالي
بتقول سؤالاتي
بتدعي حتى
مش عارف أعملك ايه

هقولك ايه يا أخي
روح

كل سنة وانت طيب
هههههههههه
عيد سعيد عليك

ويارب قويك
انا لازلت مش عارف حاجة عنك
ميلي عندك في البروفايل بتاعي
وهسيب رقمي 0101848003
ع الملأ آهوووووو
طالما انت منفضلي كده
هههههههههههه

فرصة شريفة جدن
وعيد سعيد عليك

فراشة said...

دخلت المدونة ابحث عن موضوع العيد
فلم اجد
انت غائب عن عالم التدوين من فترة
عسى المانع خير

كل العمر و انت في احسن حال
و انت راض عن نفسك
و عن عملك
و عن كل من حولك

حماك الله و اعادك إلينا لتنير مدوناتنا بتعليقاتك

Anonymous said...

انت عاوز بيت ولا قلعه حربيه

كل عام وانت بخير

سكينة said...

ليه متوقع الفشل وانهدام البيت وانهيار الأحلام عشان شوية ناس وحشة كشفهم لك رب العالمين
مش ممكن يا ممكن تكون انهزامي وخليك فاكر ان الحسن يظهر حسنه الضد فمقابل كل الحاجات الوحشة والناس الأوحش هناك في الناحية الأخرى أمور جميلة وناس حلوة
مش أنت حلو؟؟ تأكد أنك لست وحيد طالما تحمل الخير والتوكل على الله في داخلك
لكن هي سنة الله في خلقه ليل ونهار وضعف وقوة
كل سنة وأنت طيب

الخيط الرفيع said...

أنا دائما أدخل هنا واتابع كل حاجة بتكتبها وكمان البلوج دا عندي في الفافوريت من أيام حوار مع حكيمة
لكن بيكون صعب قوي موضوع التعليق دا عليا لان الكلام بحس ان فيه بعده فولوستب
بس البوست دا حسه ان ينفع يكون انا اللي كتبته
هههههههههههههه
واحدة واحدة مش عاوزاك تستغرب
يعني الكلام اللي فية شبه شويه الكلام اللي بكتبة والاحاسيس اللي فية شبة الاحاسيس اللي بحس بيها
كنت عاوزة أقول كدا بس وخلاص
بجد ربنا يبارك في مجهودك
ويجعلك كما تحب أن تكون

تــــ(حـنة)ــــر said...

اللهم امين
يارب العالمين
لكن ليه كل الوجع ده
امال ايه ...ممكن..دى بقى
بعدين انا شايفه ان طول محنا عايشين بنقابل ده وده
المهم نعيش على تسامح و تقدير
تحياتى
تمر حنة

Lonely Queen said...

امين
يا رب تتقبل دعواتك
انت بجد شاعر ممتاز

تحياتى

klmat said...

كل سنه وانت طيب
واسرتك وكل حبايبك بخير
وتكون اسره
زوجه جميله صالحه تسعدك
وتسعدها وتكون لك ذريه صالحه
ياااارب
بوست من القلب
تحياااتى

gogo we bas said...

السلام عليكم

اول مرة ازور المدونة
بجد تحياتى على كلمات من احلى ماقرأت على صفحات النت عن الحب..عن الغرور


ماشاء الله عندك قدرة جميلة قوى على تجسيد الافكار
(لو حد قالك الناس بتاكل بعض قول..... مش واااكل


واخيرا
حاول ان تحتفظ بما داخلك.. فهو جميل
حاول ان تجعله دائما بلا تزييف
فعلى قدر رؤيتى التى ربما تكون محدودة ارى ان بك خير كثير



اللهم
اجعله حباً يقاوم الجفاء,
واجعله سلاماً يقاوم العداء,
اجعله صدقاً,
اجعله حقاً,
واجعله عدلاً ووفاء.

واجعله كما يتمنى ان يكون

Anonymous said...

فين الجديد

عام سعيد

البِـئرُ والظمّأْ said...

ممكن


عايزة اقولك جيت كزا مره قريت البوست ده
و بجد مش عارفه اعلق اقول ايه




...والصور التى ارسمها لمن حولى تتبعثر ملامحها ,

والوجوه الجديرة بالاحترام



بتحصل كتير قوي
الناس اللي حاطينهم قدامنا و بنقول هنعمل زيهم او هنكون زيهم
نلاقيهم بينهارو قدامنا



بجد
ربنا يتقبل منك و منا يا رب



لاني في حاله مش تمام قوي الوقت
و حاسه ان البوست في معاده التمام الوقت
ف مش هلك كتير يا ممكن
و هقوك كل سنه و انت طيب
و حاسه انك غايب شويه
يا رب المانع خير







زيزي

زُمُرده said...

بعد ما كتبت الكومنت مطلعش ليه مش عارفه

طيب
هابى نيو يير ... وحاجات حلوة وطراطير .... وجاتوه وفطير....والأهلي خطير ..... والريس لسه قدامه كتير

واجي بكره تاني

momken said...

البنت الشلبية
ــــــــــــــــــــ
الله دائعك جميل اوى يا بنت يا شلبيه

ربنا يتقبل منك
وديما منورانى

تحياتى

momken said...

semsem
ــــــــــــــ
ربنا يكرمك يا سمسم انتى كمان دعائك جميل اوى
ومتشكر اوى على تشجيعك يا فنانه
المشاعر الرقيقه والحس المرهف مش غريب على فنانه زى حضرتك

تحياتى

momken said...

rack-yourminds
ـــــــــــــــــــــــ
واحد... الى هو مش اى واحد.....واحد بس بالف واحد...والله منورنى ومشرفنى وكلامك مشجعنى جدا اهلا بيك ديما يا باشا

تحياتى

momken said...

فروله
ــــــــــــ

انا شايف ان الناس نوعين

ناس بتتكلم كويس فى الحب
وناس ببساطه بتعيشه

اعتقد انى من النوع التانى
ولا تبقى كارسه

تحياتى

momken said...

anne
ــــــــــــــ
يا ان انتى مش محتاجه انى افسرلك اى حاجه لانك بعد العمر ده كله مفروض انك فهمانى اكتر من نفسى وعارفه الى بيدور فى دماغى طب وحياه عبد الغنى ونبيله الى ماشيه معاه انا مقدرش اطلع من حياتى

تحياتى

momken said...

anne
ـــــــــــــــ
توسل ايه بس حاشا وماشا
انتى تامرى ياست ان وانا مقدرش ابدا اخالف اوامرك
يعنى احلام سعتك واجب وطنى يجب الالتزام بيه

تحياتى

momken said...

اسكندراني اوي
ـــــــــــــــــــــــ
اهلا اهلا بريحه الحبايب
امين ليا وليك يا جميل
منورانى ديما يا ابوسكندر ياغالى

تحياتى

momken said...

حــــــدوتــــة
ـــــــــــــــــــــــــ

الاستاذه الجميله حدوته متفق معاكى فى كل كلامك كمان انى متفق معك فى افكارك الى بتكتبيها وطبعا انا من اشد المعجبين بكتابات حضرتك

انتى موهوبه وجميله

ومتشكر جدا على الاطراء الرقيق

تحياتى

momken said...

semsem
ـــــــــــــــــ
الحخقيقه انى كلفت شخص عزيز تغير الصوره
والصوره دى على زوقه من باب الامانه الفكريه
متشكر جدا لاهتمامك يا سمسم

تحياتى

momken said...

أنا إنسان
ـــــــــــــــــــــــ
امين انا وانت والسمعين والقارئين والمهتمين

تحياتى

bocycat
ـــــــــــــــــــ
والله انتى الى روعه يا بوسى
انا ببساطه حبيت اتكلم مع ربنا مافيش ااقرب منه لينا وخليت الكلام بصوت عالى

تحياتى



Abeer
ـــــــــــــــ
عبير الجميله الرقيقه جدا والتحمسه جدا اهلا بيكى يا رب امين وانتى كمان امنتى
انتى ديما منوارنى يا عبير

تحياتى

momken said...

butterfly
ــــــــــــــــــــ

كلماتك منتهى الجمال يا بيوتيفولى
ولك كما قلتى واكثر ان شاء الله
تحياتى

momken said...

الحلم العربي
ـــــــــــــــــ
اهلا اهلا باحلى حلم فى الدنيا
ربنا ياستى يخليكى وميحرمناش من زوقك ورقتك
بس انا وعلان من الدكتوره زازو هبقى اقولك ليه بعدين

منورانى ديما
تحياتى


rommantic
ــــــــــــــ

ربنا يارب يحققلك كل الى انا بتمناه لروحى ولاحبابى ان شاء الله

تحياتى

momken said...

محمد العدوي
ــــــــــــــــــــ
استاذ محمد كلامك يعتبر تدوينه جميله
انا معاك فى كل حرف كتبته
كلامك فعلا جميل ومحترم جدا جدا

تحياتى


loza
ـــــــــــــ
والله انتى الى عسل وقمر ومافيش زيك فى رقتك واحساسك العالى
وتعاونك مع الاخرين
وده واضح جدا فى كتابتك الجميله

ربنا ديما يخليكى كده زى حته السكر على لسان حد محتاجه

تحياتى

momken said...

البنت الشلبية
ـــــــــــــــــــــــــ
وانتى طيبه وبخير وديما فى طاعه وقرب الى الله سبحانه وتعالى

تحياتى


البدراوى
ــــــــــــــــــــ
وانتى بالف خير وسلامه منورانى فى اول زياره واتمنى متكونش المدونه تقيله على قلب حضرتك
وتكون نالت اعجابك
تحياتى


Halawa
ـــــــــــــــــ
باشا باشا
الشاعر الكبير الى كل كلامك بيبهرنى ويعجبنى جدا ياباشا ليا مزيد الشرف ان اكون اعرف حضرتك وان شاء الله ارجع واكلم حضرتك فورا دى شرف كبير لشخصى المتواضع

اهلا بيك ديما يا حلاوة

تحياتى

momken said...

butterfly
ـــــــــــــــــــــــ
متشكر جدا يا استاذه على سؤال واهتمامك بشخصى البسيط واللبه الغياب نتيجه الانشغال الشديد
اضطرارى الى السفر المفاجىء
ان شاء حين العوده اعود للتدوين بارك الله فيكى
واكرمك انشاء الله

تحياتى

سكينة
ــــــــــــــــ
متفق معاكى جدا يا احلى سعات بقضيها فى الدنيا
بس انا مش انهزامى ولا متشائم ولا حاجه وعارف ان الدنيا فيها ناس كتير حلوين اوى
بس كتنت بفضفض مع ربنا سبحانه وتعالى دى كل الحكايه

تحياتى

momken said...

الخيط الرفيع
ــــــــــــــــــ
والله حضرتك بتعطينى اكثر مما استحق
وبتمدحينى كاكبر من قدرى

ومنى الشرف ليا ان كلماتى المتواضعه ترق لمستوى اسلوب حضرتك الجميل
اشكرك على كلماتك التى تدفع دائما للامام

تحياتى


ana
ــــــــــــــ
من انت فقد اثرت تحفظى بشده
اشعر بانى اعرفك واستغرب كلماتك جدا

مرحبا بك دائما

تحياتى

momken said...

Tamr7na
ــــــــــــــــــ
تمر حنه احلى زهره فى بستان التدوين كله
اهلا بيكى ديما لا والله انا تمام الموضوع كلله فضفضه مع ربى وحبيت اخرج بعض المكبوت جوايا
انتى عارفه الامراض النفسيه دى
والناس الملكعه والى مليانه مركبات نقص وجواها شخبطه زى حلاتى
ههههههههههههه
بهزر
انتى ديما منورانى


Lonely Queen
ـــــــــــــــــــــــ
هوبه اهلا ياقمر فى اول تعليق عندى
بس هو فين الشعر ده
على العموم مقبوله برضه
عاوز اشوف حجات جديده عندك
تحياتى

klmat
ــــــــــــــــ
يترب يارب يتقبل منك
يارب اتجوز قبل ما ابور وقطر الجواز يدوسنى

كل سنه وانتى طيبه يا اعذب الكلمات وارق الكلمات
وكل اسرتك و اصدقئك جيعا

تحياتى

momken said...

gogo we bas
ــــــــــــــــــ
يا خبر انا كل الحجات الحلوة دى... دانا على كده طلعت جامد
ههههههههههههه
ربنا ميحرمنيش من لسان الى زى السكر ومن زوقك وادبك ابدا
انتى ديما منورانى وهنتظر رائيك ديما فى موحاولاتى المتواضعه

تحياتى


Anonymous
ــــــــــــــــــــ
الجديد قادم ان شاء الله

متشكر

تحياتى

momken said...

Meekness
ـــــــــــــــــــ

بير وظماء
عاوزك تخرجى من المود ده بسرعه
عارف ان محدش يفرض عليكى حاجه وعارف انك صاحبه قرارك
لكن لو الاخرين خلوكى تاخد قرار التواقع فى نفسك يبقوا فرضوا عليكى الوضع ده بدون ما يقصدوا لكنه مفروض عليكى
تخلصى مما يعتريكى سريعا وانظرى الى الجزىء الايجابى فيه
فانت شخص مرغوب فيه جدا
انت فهمه وانا فاهم

(شكلك فاهم يا نصه)

تحياتى

momken said...

زُمُرده
ـــــــــــــــــ
زمرده بتحصل معايا كتير.....شقاوة بلوجات بقى

سنه جميله..... وخلق وعيله.....وطقيه طويله.......وفلوس بالكيله....وحجات تانيه مش فاكرها

تحياتى

فى القلب said...

عارف يا ممكن أنا متأكده أنشاء الله أن واحد رومانسى وطيب وقريب من ربنا زيك
ربنا هيوفقك فى كل أختياراتك وهيسعدك

وأنا متأكده أن بنات كتير طيبين وولاد حلال منتظرين أشاره منك

قلوب حائرة said...

ليك حق يا ممكن في كل ما تتمناه ولكن الاكثر روعة أنك لجاءت إلى الباب الذي لايرد سائل خاب ابدا اسل اللهالعظيم أن يحقق لنا كل ما نتمناه وفيه خير لنا ومن حولنا

و القادم....أجمل said...

اللهم آآآآآآمين
آآآمين

كلمات رائعه
و مناجاة مؤثرة جداااا
أدعو الله أن يتقبل دعائك
و يجعل الهداية طريقك

تقديري و احترامي

momken said...

فى القلب
ـــــــــــــــــ
اوشا سيده المدونات وصاحبه اجمل الحكايات
ومؤسسه اهم الاماكن فى جميع القلوب

والله هتخلينى اتغر فى نفسى .. ونشكح واتكلم من طرف مناخيرى بعد الكلمتين الجمدين دول
لك منى كل الامانى الطيبه
والاحترام الممزوج بحب وتقدير

تحياتى

momken said...

بيبو
ــــــــــــــ
اهلا بيك فى اول زياره يا بيبو
ومتشكر اوى على كلامك الرائع الى بيدل على شخصيه نقيه وجميله

ولك مثل مادعوت لى يا بيبو

تحياتى

و القادم....أجمل
ـــــــــــــــــــــــــ

الؤلؤه الجميله فى كل المدونات البنوته الرقيقه الى منوره كل بلوجر
ولك مثله يا لولا ولك منى كل تقدير واحترام

تحياتى

زُمُرده said...

ايييييييييييه
اعلق تاني طب هيطلع يااااااارب

جميله اوي مناجاتك لله

من وجد الله فماذا فقد؟؟
ومن فقد الله فماذا وجد؟؟

طول ما جواك القلب ده واليقين ده
والحب بالشكل ده
طول ما شجرت الامان والطمأنينه جواك هترعرع اكتر واكتر

ربنا يكرمك وما يخذلك ويوفقك
ويرضيك دايما
--------

معلش انا نسيت اجي بعد المره اللي راح الكومنت فيها
بس الحمدلله جيت وهيطلع ان شاء الله
تسلملي

بنت الاسلام said...

حقيقي رائعة بجد

كانك بتصف مابنفسي

وما اتمني وارجو ان اقول واعبر


ولايزال النداء صارخا من اعمق اعماقنا

ياااااااااااااااااارب

ثق انه سيلبي نداءك

بلادمعات رثاء

ولاندم علي عطاء

تحياتي

لاسلوبك الرائع

momken said...

بنت الاسلام
ــــــــــــــــــ
جزاكى الله خل خير

تحياتى

طوبه فضه وطوبه دهب said...

بجد مواضيعك جميله واحساسك بيها اجمل ربنا يزيدك من العطاء ويقويك على احسن الاداء

momken said...

جفت الدموع
ـــــــــــــــــــ

الله......الدعاء جميل اوى
يسلم لسانك
ولك مثله واكثر

دمت رقيقه

تحياتى

Anonymous said...
This comment has been removed by a blog administrator.
سكاي للتنظيف said...

تسليك المجارى
شركة تنظيف مجالس بالرياض
شركة نظافة بالرياض
شركة تنظيف بالرياض
شركة تنظيف شقق
تسليك مجاري
شركة تنظيف منازل بالرياض
شركة تنظيف خزانات










شركة عزل خزانات بالرياض


شركة عزل اسطح بالرياض

شركة نقل عفش بالرياض

كشف تسربات
شركة تنظيف فلل بالرياض

Unknown said...

عندما نتكلم عن الاشياء المهمة جدا فى حياتنا نقول هى النظافة فالنظافة من الاشياء المهمة جدا فى حياتنا ويجب الاهتمام بها وعندما نتكلم عن النظافة نقول [URL="http://abraj-dubai.net/%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81-%D8%A8%D8%A7%D9%84%D8%AF%D9%85%D8%A7%D9%85/"]شركة تنظيف بالدمام[/URL] و[URL="http://abraj-dubai.net/%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81-%D8%A8%D8%AA%D8%A8%D9%88%D9%83-%D8%B4%D8%B1%D9%83%D8%A9-%D8%AA%D9%86%D8%B8%D9%8A%D9%81/"]شركة تنظيف بتبوك[/URL] والنظافة لها انواع كثيرة ومن انواعها مكافحة الحشرات وكشف تسربات المياة وعندما نقول مكافحة الحشرات نقول [URL="http://abraj-dubai.net/%D8%B4%D8%B1%D9%83%D8%A9-%D9%85%D9%83%D8%A7%D9%81%D8%AD%D8%A9-%D8%AD%D8%B4%D8%B1%D8%A7%D8%AA-%D8%A8%D8%A7%D9%84%D8%AF%D9%85%D8%A7%D9%85-%D8%A8%D8%A7%D9%84%D8%A7%D8%AD%D8%B3%D8%A7%D8%A1/"]شركة مكافحة حشرات بالدمام[/URL] اما عندما نتكلم عن كشف تسربات المياة وتسرباة المياة من الاشياء المهمة جدا جدا لان بدونها تجلب الامراض وهى [URL="http://abraj-dubai.net/%D9%83%D8%B4%D9%81-%D8%AA%D8%B3%D8%B1%D8%A8%D8%A7%D8%AA-%D8%A7%D9%84%D9%85%D9%8A%D8%A7%D9%87/"]كشف تسربات المياه[/URL] والاسباب التى تودى الى مكافحة الحشرات هى رش المبيدات وهى [URL="http://abraj-dubai.net/%D8%B4%D8%B1%D9%83%D8%A9-%D8%B1%D8%B4-%D9%85%D8%A8%D9%8A%D8%AF%D8%A7%D8%AA-%D8%A8%D8%A7%D9%84%D8%AF%D9%85%D8%A7%D9%85-%D8%A8%D8%A7%D9%84%D8%A7%D8%AD%D8%B3%D8%A7%D8%A1/"]شركة رش مبيدات بالاحساء[/URL] ولدينا ظافة هى [URL="http://abraj-dubai.net/%D9%86%D9%82%D9%84-%D8%A7%D8%AB%D8%A7%D8%AB-%D8%A7%D9%81%D8%B6%D9%84-%D8%B4%D8%B1%D9%83%D8%A9-%D9%86%D9%82%D9%84-%D8%B9%D9%81%D8%B4-%D8%A8%D8%A7%D9%84%D8%B1%D9%8A%D8%A7%D8%B6/"]شركة نقل عفش بالرياض[/URL]
وللاتصال وطلب الخدمة 0508400941

مدونة ابراج دبى للخدمات المنزلبة said...

لدينا افضل الطرق المميزة للكشف عن تسربات المياه باحدث الاجهزة الالكترونية وبدون تكسير معنا نحن شركة كشف تسربات المياه بالدمام
شركة كشف تسربات المياه بالخبر
للاستعلام والاستفار اكثر اتصلو بنا 0558973863

Unknown said...

تقدم شركة تنظيف بالدمام افضل الطرق للنظافة العامة ولدينتا خدمات لكل نوع من انواع النظافة مثل تنظيف فلل وهى شركة تنظيف فلل بالدمام وتنظيف الكنب وهى شركة تنظيف كنب بالدمام وتنظيف شقق وهى شركة تنظيف شقق بالدمام ولدينا لنظافة اخرى
شركة تسليك مجارى بالدمام
وللاتصال وطلب الخدمة 0508400941

نجمة ادم said...

ءنرى كثير من الناس تعاني من كشف تسربات المياه وتسليك المجاري بسبب التكثير والتخريب اثناء عملهم لينا شركة كشف تسربات المياه بالخبر وشركة تسليك مجارى بالاحساء بدون اي تكسير او تخريب لانهم بعملاء متخصصون في عملهم اما الناس الذي تعاني من مكافحة الحشرات ورش المبيدات الجيد لدينا شركة مكافحة حشرات بالخبر وشركة رش مبيدات بالخبر ايضا بعملاء متخصصون ولدينا شركة تنظيف بالجبيل وشركة تنظيف منازل بالخبر لكل من يوريد النظافة العامة
وللاستفسار او الطلبب اتصل ب 0508400941