Tuesday, January 15, 2008

انـــــــــــــــــــت ... والجــــــاذبيــــــــــــــه




صباح الخير
انهارده هنتكلم عن موضوع كل الناس بتحبه وتتمناه
حد سمع قبل كده عن الشخصيه الجذابه؟ (بالجيم ركزوا ماشى؟؟)
حد شاف احد الاشخاص الناس بتتشد اليه وبتحبه بسرعه... وحب يكون زيه ؟؟
تفتكروا الشخص ده اتولد كده؟
طيب ازاى نقدر نكون احد تلك الشخصيات الجذابه المحبوبه؟؟
تعالوا معايا نشوف الحكايه دى هتودينا لفين؟
*********
فى يا جماعه بعض الصفات المكتسبه الى لو تحلى بها الشخص اصبح جذاباً
فى صفات مشتركه بين الجنسين
وفى صفات مميزة لكل جنس على حِده
وتلخصيهم زى ماهنشوف


الزم الابتسامة المشرقة
فهى بوابتك لكسر الحاجز الجليدي مع من حولك, فقد قال رسول الله صلى الله عليه وسلم: تبسمك في وجه أخيك صدقة ....ودى نصيحه اكثر الخلق جاذبيه وحباً صلى الله عليه وسلم


حب للأخرين ماتحبه لنفسك
وتعامل معهم كما تحب أن يعاملوك, فقد قال رسول الله صلى الله عليه وسلم:( حب لأخيك ماتحبه لنفسك

التمس لغيرك الأعذار دوماً
قدم لهم الأعذار وابتعد عن العتاب, فقد قال رسول الله صلى الله عليه وسلم: ألتمس لأخيك سبعين عذرا

ً
سلم على كل من تقابله
سواء تعرف اولا تعرف فالسلام الصادق هو سبيلك نحو خطب ود أى شخص,
فقد قال رسول الله صلى الله عليه وسلم:( والذي نفسي بيده ..لا تدخلوا الجنة حتى تؤمنوا.. ولا تؤمنوا حتى تحابوا... أو لا أدلكم على شيء إذا فعلتموه تحاببتم أفشوا السلام بينكم)


تعلم كيف تنصت
فالآخرين يحبون دوماً من يسمعهم

تهادوا تحابوا..
هادي من حولك ولو بأقل القليل فالهدية لها مفعول سحري رائع على الغير


لا تضحك بلا داعى
فالضحك كثيراً فى غير المواقف التى تحتاج ذلك فالضحك فى بعض الأحيان يفقد المهابة والوقار


كن كالنحلة
تقف على كل زهرة فتأخذ منها رحيقها دون أن تؤذهااو تلوثها او تقتلها


لا تكن كالذبابة
.. كن خفيفاً دوماً في كل شيء فلا تزيد ولا تنقص وتضر ولا تنتفع

إن اعترضتك مشكلة ما كالجبل في طريقك
.. فلا تدعها تسحقك تحتها .... وإنما حاول ... وادعو الله أن يهبك القوة لتصعد هذا الجبل أو يهبك إيمانا لتحركه
كن ايجابياًفانت لا تستطيع أن تغير الماضي...
ولن تتمكن من أن تغير ردود أفعال الاخرين من حولك ...
ولكنك حتما تستطيع أن تختار اتجاه تفكيرك
وتتحكم فيه فاجعل تفكيرك دئما فى الاتجاه الايجابى الصحيح


تغــــــــــــــــــير

وغير أسلوب حياتك ... غير أسلوب كلامك... وانطق دوما بكلمات الحب والتفاؤل ..ولا تشغل بالك وتنحصر بأمورك الخاصة طوال الوقت ... بل ابتسم للناس ورحب بهم.. وشاركهم وتفاعل معهم


اعلـــــــــــم دئمـــــــــــــاً ان
محصلة حياتك هى 10 بالمائه
والأحداث التى تمر فيها هى 90 بالمائه
وردود أفعالك فى مواجهتها .... فواجها بصمود وشجاعة

وواجها بإيمان ... وثقة بالله


اختر اصدقائك

أحيانا يجد الانسان نفسه في حاجه إلى من يحميه من نفسه

و هنا تظهر قيمة الصديق

وقد يتحمل كثير من أجل القيام بهذا الدور الصعب

فكن صديقا وفيا واختر لنفسك الاصدقاء الصادقين


واعلم اخيراً
ان اصعب مافى النجاح هو الاحتفتظ به
ومن فى المقدمه هو الوحيد الذى يعانى الركل من الغير ولا يجد من يركله

.

.
اسال الله تعالى ان لا اكون ممن يقولون ولا يفعلون

....
واعوذ بالله ان اكون جسرا تعبرون به الى الجنه ثم يلقى به الى النار


وبس

31 comments:

Hadota ... حدوتة said...

موضوع رائع يا ممكن
مين فينا منفسوش يبقى شخصية جذابة
بس انا شايفة برده الحكاية فى الاول والاخر بتعتمد على انك تقوم بالحاجات دى وانت حاسس انك لازم تعمل كده يعنى حابب يكون عندك صحاب
وتكون بتضحك فى وش الناس عشان انت بشوش
انت فاهم قصدى؟؟؟


يكون الانسان من جواه عاوز يبقى حلو ومقتنع مش بيعمل كده عشان الناس تقول دا كويس او جذاب


تحياتى يا ممكن

دايما موضوعاتك بتضيف لينا كتير

البِـئرُ والظمّأْ said...

مش عافه اقولك ايه
بس بجد مواضيعك بحس ليها معنى قوي
ممكن بجد الواحد يستفاد منها


مش هرتله يعني




احم احم
كتير كانو بيقولولي اني من الشخصيات الجذابة
مش عارفه ليه
فعلا مبتسمه علطوول
و فعلا فيا حجات كتير من اللي انت قلتها



ايييييييه ده .. ايه البنت القليطه دي اللي بتتكلم
سيبك سيبك
اصلي جيت علقت و انا عايزة لروح انام



لا بس بوست جامد بجد
بس اهم شيئ اللي بيبقا على وشك يكون هوا اللي حواك




تحياتي
زيزي

Anonymous said...

بصراحه يا ممكن انت مش ممكن
يارب ديما تبقى اجمل واغلى واحسن ممكن فى الوجود
وانا بمر بعينى على سطورك وبين كلماتك حسيت انى بشوفك
بدعيلك يا رب ديما تفضل ابتسامتك منوره ملامحك
يا اغل ممكن
لا اله الا الله

akeed said...

باحييك على البوست الجميل دة يا ممكن انت لمست اكثر الاماكن حساسية فى شخصية الانسان وهى الجاذبية وهى ممكن تكون هبة منحها الله لبعض الناس دون الاخرين ومش فى جميع الاحوال ممكن الشخص يخلى نفسة جذاب دة بيتوقف على رد فعل من حوله .

تحياتى أكيـــــد

son's egypt said...

السلام عليكم
فعلا كلنا لازم نتحلي بهده الصفات لان الشخص الجذاب مش مظهر فقط بل اخلاق
وتصرفات

Anonymous said...

موضوع جذاب بجد
14نقطة للجاذبية والسعادة
والسعادة هنا اقصد بيها السعادة الداخلية والخارجية
الله لما كلنا نعمل كده

والله عليك ربنا ينورلك بصرك وبصيرتك
يا ممكن
rouch

Anonymous said...

ميرسى اوى على النصائح دى

كاميليا بهاء الدين said...

كالعادة كلام جميل جداً
وعرض رائع للشخصية الجذابة
بس عاوزة آقولك إن الشخصية الجذابة لازم تتحلى بالصبر والدبلوماسية كمان لإنها بتواجه بعض المشاكل من جراء جاذبيتها.. فالكثيرين يصرون على الاستئثار بها على حدى وتكون مطالبة طوال الوقت بالتواجد الدائم بينهم والاتصال والتواصل الدائم.. واذا بعدت قليلا يكون اللوم شديدا من فرط حبهم لها
آن تكون شحصية جذابة لها حضور قوي لابد ان تدفع ضريبة ذلك وهى آن تكون محبا للجميع اكثر ومتواجد اكثر و قريب منهم تسمع النداء قبل ان يطلق.

تحياتى لقلمك الجميل الجذاب
..

gogo we bas said...

تمام قوى
بس من اهم مقومات الشخصية الجذابة فوق كل ده القبول _بفتح القاف\

ودى ميزة بيصطفى بها الله بعض من عباده

بس اعتقد ان مهم قوى على قد مايكون محبوب .. يكون عنده مخزون كبير من الحب على استعداد لنشره على كل اللى حواليه وده تقريبا بيتحقق بكل اللى انت وضحته بكلامك


انا مؤمنة بالجملة دى قوى
love that u havn't to say sorry,

but..
if u must say it,...say it.

Anonymous said...

بحب اجي ازورك علشان بحس ان مدونتك اكتف قوي ياممكن كل سنة وانت طيب وكل سنة وانت مفيد وكل سنة وانت كل نشاط وحيوية تحياتي ليك

gohayna said...

انا جايه مخصوصا اولا عشان اشكرك علي دعواتك ليا انا وسندباد في مدونتي الي كانت من اجمل ما قرئت


بجد الف شكر ليك واتنمي انك تنورني دايما بوجودك وكلامك الجميل


ثانيا مستغربتش لما شفت الموضوع الجميل دا لانه لايق علي شخصيتك فعلا


بجد تسلم ايدك
موضوع مهم واكتر من رائع

الف شكر لكل كلمه كتبتها

تحياتي يا اخي العزيز

ابن حـجـر الـعـسـقـلانـى said...

موضوع جميل جدا .. و رقيق جدا

تحياتى لك

المـــفـــــــقــــــــوعـــــة مــرارتـهــا said...

بجد برافو عليكي انا عندي كتب عي تنمية الشخصية وكان نفسي افيد بيها اكبر عدد ممكن من الناس بس ماجاش في بالي اني انشرها جازاكي الله خيراُ

semsem said...

السلام عليكم

افكارك دائما محل اهتمام منى

لانها تدل دائما على شخصيه رائعه جدا

الشخص الجذاب فعلا
هو من يملك العطاء والحب لكل الناس

زيك كده يا ممكن

واضح انى بقيت اجى المدونه متاخر معلش يقا

لك منى دعوة زى كل مرة بس المرة دى هدعيلك فى سرى قول انت امين

سمسم
2008

klmat said...

كلامك جميل يا ممكن
الشخصيه الجذابه فهى شىء
ربانى بيخطف من اول ماتشوفه وبتأكده
تصرفاته وثقافاته بدون تكلف او استعراض
هى مش بتقصد تكون جذابه هى جواها حب ورضا وبينعكس فى تعاملها
دايما مواضيعك جذابه
عميق تحياتى

هالة said...

بجد استفدت من البوست دا اوي
متشكرة جدا يا ممكن

زُمُرده said...

الله الله الله عليك
ربنا يجزيك ويجعلك ويا كل احبابك في الجنه

عاجبني شرحك وتحليلك وبيان نهج الرسول اللي لو حقيقي اتبعناه هنبقى احسن بكتييييييييييييييييير

أسكن بيوت الفرح آآآه... ممكن
أسكن بيوت الحزن لا...يمكن

اعتقد انه لازم يكون حنون جداجدا
ويجعل قلبه شط ترسى فيه كل القلوب
يآخد من همهم ويديهم أمان
يشاركهم بالروح والفكر كل شيء

من أصعب ما يواجه الشخص الجذاب
1-أنه بيكون مسئول عن اشخاص كتير
وممكن تصادفه لحظات ميقدرش يلبي جميع الإحتياجات
ويجد نفسه بدون قصد بيخذل من وثق فيه

2- قد يحتاج من يبش في وجهه ولا يجد

ربنا يكرمك
وننتظر المزيد

momken said...

Hadota .. حـدوتة
ـــــــــــــــــــــــ

شكرا يا سيده الكلمات واميره المشاعر الفياضه دائما
طبعا متفق معاكى فى كل كلماتك الى بسببها كنت هعمل جزىء تانى للبوست

تحياتى

momken said...

Meekness !!!
ــــــــــــــــــــ

زيزى سيده الجنوب الرائعه
انا كمان الحقيقه مش عارف اقولك ايه
انتى دئما رائعه ومتالقه
وديما بترفعى من روحى المعنويه

تحياتى

momken said...

ANNE
ــــــــــــ
والله انتى الى مش ممكن
انتى عاوزة تطلعى عليا اشاعات يا ن
ال مش ممكن ال
انا ممكن ونص

منورانى يا دكتور
تحياتى

momken said...

akeed
ـــــــــــــ
اشكرك على كلمات والف مبروك مدونتك يا سيدى
انت كمان موضوعاتك شيقه وجميله جدا

تحياتى

momken said...

son's egypt
ــــــــــــــــــ
كلامك منتهى العقل والتفهم

تحياتى

Anonymous
ـــــــــــــــــــ
روشا قفشتك ازيك يا قمر عامله ايه
وايه اخبار الجرفكش والانيميشن
مش ناويه تسعدينا بمدونتك قريب وبلاش بخل بقى

تحياتى

momken said...

hend...hanady
ــــــــــــــــــــ
العفو ياستى انتى بامرى
ومنورانى

تحياتى

كاميليا
ـــــــــــــــــــ
هاروح فيكى فين ياست كامليا
طبعا كالعاده كل كلامك صح ومتفق معاكى جدا فى كل الى قولتيه

تحياتى

gogo we bas
ـــــــــــــــــــ

جوجو الجمله بتعتك رائعه انا كمان مؤمن بيها جدا
ومتفق معاكى فى كلمك
كله ماشاء الله صح جدا
تحياتى


قلوب حائرة
ـــــــــــــــــــ
انتى تنورينى ديما ومدونتى بتكون جميله لما بتزوريها وتنوريها برائيك وكلامك
تحياتى

momken said...

gohayna
ــــــــــــــــ
جهينه
ربنا ياستى يجعل دعواتى مستجابه لكم ويرجعك بلدك عروسه زى القمر ان شاء الله وتنورى الجنوب المصرى كله باحلى طاله فى الدنيا
وتسعدى سندباد ويسعدك انشاء الله

ومتشكر اوى على تشجيعك الجميل

تحياتى

momken said...

ابن حـجـر الـعـسـقـلانـى
ــــــــــــــــــــــــــــ
اشكر لك تشريفك واطرائك على شخصى البيسيط وعلى كلماتى التعسره فى قلمى وفى ثقافتى المحدوده
لما اشكر لك تشجيعك البناء جدا

تحياتى


أنا وهي
ـــــــــــــ
مع تحفظى على حرف الياء فى اخر كل الكلمات التى تشير لى
لكنى اشكر من قلبى على تشجيعك وكلماتك الرقيقه
وهنتظر اقرا تجاربك فى التنميه البشريه
تحياتى

momken said...

semsem
ـــــــــــــ
الفنانه الجميله الرقيقه سمسم
الى انا ماثر فى حقها جدا
اشكرك على ثنائك على شخصى البسيط ولوانه ليس غريب على فنانه حساسه زيك
انا بشوف فيكى بجانب الفنانه الجميله كمان البنت المصريه الجدعه

تحياتى ليكى ياسمسم

momken said...

klmat
ــــــــــــ
صح جدا كلامك مظبوط للغايه
وده مصدق لحديث قدسى عن الفبول

تحياتى

هــــالـــــة
ــــــــــــــــــــــــ
اهلا يا هاله انتى منورانى ديما
انتى كمان موضعاتك جميله جدا

تحياتى

زُمُرده
ــــــــــــــ
امين....اشكرك جدا يا زمرده على دعواتك الجميله
وطبعا بينا الحبيب صلى الله عليه وسلم هو قدوتنا وهو مصدرنا فى كلب كلمنا ان شاء الله
طبعا متفق معاكى جدا فى الاوصاف الى حضرتك اضفتيها

تحياتى

و القادم....أجمل said...

السلام عليكم و رحمة الله و بركاته
الموضوع هااايل جدا
و تقريبا مغطي كل النقط
الانسان الجذاب
انسان بشوش
زوق
أخلاق
عنده ذكاء اجتماعي
و بيستغله صح
ذكاء اجتماعي و ليس نفاق
!!
بس بحس دايما انها طبيعة شخصية
صعب تغييرها
بس ممكن توجيهها الي حد ما

جزاك الله خير ا علي الموضوع الرائع
و النصااائح القيمة
ربنا يعزك يارب
و أشكرك لتشريفك الدائم لمدونتي
تقديري لك

:)

momken said...

bocycat
ـــــــــــــــــــ

متشكر جدا لتشريفك مدونتى المتواضعه
وكلاماتك الرقيقه

جزاكى الله خير

تحياتى

Anonymous said...
This comment has been removed by a blog administrator.
Unknown said...


شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام