Tuesday, February 5, 2008

الالــــــــــــــــم ......الحبـــــر




دخل فى هدوء الى غرفه مكتبه فى المنزل
بعد يوم شاق وطويل
بعد ان تاكد من نوم ولده الوحيد
وخروج الخدم لبيوتهم



اخذ يفكر اى يوم سوف يسترجعه بذاكرته
ويدونه
كما اعتاد كل ليله

ارتشف بعض الشاى
وهنا وقعت عينيه على ذلك القلم الحبر

وكأن القلم يناديه
تذكر اول يوم شاهد فيه هذا القلم
ومدى فرحته به

عندما دخلت عليه شريكه حياته
وهى فى منتهى البهجه والسعاده
كانت مشرقه كشمس الصيف
بهيه كقمر الربيع
وطلبت منه بمنتهى الدلال والمرح
ان يغمض عينيه

واستسلم لها واغمض عينيه
وفتحها قبل ان تطلب هى منه ذلك
ووجد القلم
اهدته اياه
وهى تعرف عشقه لاقلام الحبر
كان القلم سمين جدا وغالى الثمن
حتى انها باعت احدى قطعها الذهبيه كى تشتريه

وطلبت منه ان يكتب اول قصيده لها بهذا القلم
وعندما انتهى فكرت ان تهديه قلم اخر
لروعه القصيده التى كتبها فيها
وتمنى هوان يكتب قصيده اخرى لها
من جمال رد فعلها على كلماته


واخدت الابتسامه تزحف الى وجنتيه
من جمال الذكريات
واخذ يعيش فى ذلك اليوم

ولكنها سرعان ما غابت
وتبدلت بدمعه حائره مابين المقله والجفن

فى عينيه

عندما تذكر انه لم يفكر فى ان يملاء
القلم بالحبر
او ان يمد يده اليه على المكتب
وتركه كمجرد قطعه ثمينه عليه
حتى انه كان بالايام لا ينظر اليه
لم يفكر ان يكتب كلمه واحده بهذا القلم
فى غير حبيبته


التى رحلت وتركت وراءها الكثير من الذكريات
قدر ما تسعد قدر ما تشقى


وهنا اسلم تلك الدمعه الحائره للخد

ثم قام الى فراشه واحتضن وحدته.....
وحاول ان ينام

47 comments:

Hadota ... حدوتة said...

يسعدنى ويشرفنى انى اكون اول تعلييييييييييق

حلو بجد البوست ورااائع بجد

يعنى انت جيت على الوتر الحساس جوايا
الذكريات وقد ايه هيا مؤلمة
خاصة لو احد اطرافها رحل تاركا الاخر يعانى ويتألم وتاركا له ألف ذكرى بتوجع القلب

جميل وصفك للموقف لما جابتله القلم هدية

وجميل وصفك للموقف لما عجبتها كلمااااته

فين الرومانسية دى دلوقتى؟؟؟



تحياتى

Hadota ... حدوتة said...

نسيت اقول

فى الاخر البوست بتقول يحاول النوم

طبعا طبعا طبعا مش هيعرف ينام

انت مش متخيل قد ايه الموقف مؤلم

العنوان معبر اوى والصورة كمان

:)

برافو يا ممكن

akeed said...

بوست رائع جداً ورومانسى جداً وما احلى الزكريات واجملها ...
ولاكنها قد تؤدى الى الالم ولاكن الم لذيذ يذكر الحبيب بمحبوبتة ....


تحياتى

أكيــــــــــــد

mo'men mohamed said...

تصوير جميل
فعلا انه ألم تسبب فيه قلم
جزاكم الله كل خير
السلام عليكم

semsem said...

استاذى العزيز ممكن

تحيه طيبه وبعد ,,,

انا بقا بقالى ساعه فاتحه التعليق ومش عارفه اكتب ايه

اولا يمكن لان لون الكتابه اسود ودا خلانى اقلق
لانى متعوده منك على الاحمر والازرق
والالوان اللى تفرح دى


ثانبا لانى الصورة الللى انت مختارها كئيبه


ثالتا واخيرا
تعليقى على الموضوع

اد ايه الذكريات ممكن تكون مولمه ومرات كتير بتكون الذكريات بتوسينا فى وحدتنا

فدائما تمر الايام الجميله سريعا
ويبقى منها الذكريات
لتضى لناايامنا التاليه


احساسك مع انه حزين المرة دى بس يردو حلو
تحياتى لكلماتك واحساسك

gogo we bas said...

مممممممممم

بوست حلو فعلا بس للاسف خيااااااااااالىىىىىىىى


فيه حد بيفتكر حبيبته اللى ماتت ويتألم فى زماننا ده؟؟؟!!!

ده بيدور على عروسةمن العزاء بتاعها
هههههههههههههههه

ماعلينا
بهزر ياسيدى


صعب الالم.. اقصد القلم يكتب اى كلام الا ليها.. لانه اكيد (وفى) والا مكانش اصبح مجرد زينة.. ولا اييه؟؟

rack-yourminds said...

الذكريات الجميله بيستدعيها الانسان ليلطف حرارة الشوق والحنين الي الماضي, أو قد يستدعيها لما في هذه الذكريات من مواقف واحداث سعيده قد تعينه من خلال معايشتها ولو لحظات علي تحمل وطاة الحاضر والنظر الي المستقبل بتفاؤل وأمل
اما الذكريات السيئه, وقد تكون هذه الذكريات ايضا فيها اشياء جميله, فتجاربها وخبراتها بتضيف للانسان وعي وفهم وخبره بالحياة وامورها بحيث يكون اكثر حكمه واكثر عقلانيه حين تتعرض له مواقف قد تكون شبيه بالماضي وقد لا تكون

بجد يا ممكن بوست جميل جدا كالعاده طبعا يا باشا

تحياتي وسلامي

الآء said...

كلمات رائعه وانا شايفه ان أختيارك للقلم كرمز كان موفق جدا فالقلم كان رمز عميق المعني لأشياء كثير جدا
منه رمز للحبيبة ورمز الزكري وملكة الكتابة التي أحتكرتها لحبيبتك وموهبة الكتابه التي فقدها منذ ان قفدت حبيبتك وهو أيضاً قلبك الذي لم يمتلئ منذ رحيلها بالحبر أقصد بالحب

رائع
تحياتي لك ولقلمك

الاء

shirry said...

دي اول زيارة ليا
بس اكيد هرجع تاني
بجد االبوست تحفة
والاحساس اللي فيها عالي اوي كمان اختاير العنوان بصراحة كان موفق جدا
وموضوعها زي ما قال حدوتة علي الوتر الحساس
بجد رومانسية رائعة
اتني انك تشرفي في مدونتي

doda said...

البوست جامد جدا
وبصراحة بقا انا مش عارفة اعلق واقول اية علية
بس بوستاتك حلوة اوى بحب اقراها
ربنا يوفقك

HeBa said...

مرحبا

بوست رائع ومدونة متميزة

احساس عالي واختيار موفق للكلمات

عيشتني الحالة بجد

بس الحياة مع الذكريات سلاح ذو حدين يعني ممكن تخفف من الوحدة والشوق بس هتزود ألم الافتقاد

تحياتي ليك ولمدونتك المتميزة

حواء said...

جميلة جدا جدا مليانة دفا وحب حقيقى ... تحياتى

Rania Lelah said...

لمست وتر من اوتار كل قلب يخص انسان يحب
فعندما يتذكر غياب حبيبه
يشقى و يدمى قلبه
فيحاول ان يتناسى هذا العذاب فربما يسطتع او لا

تحياتى على هذا البوست

بسمه عبدالباسط said...

جميل قوى البوست
وطريقة عرضك له رائعة
وأحسن حاجة فى حياه أى أنسان الذكريات

تحياتى لك

buffy said...

mo2ther gdn elpost dh i like it so much

Anonymous said...

احيانا الاشياء بتكن لاصحابه وفاء يفتقده الكثير ممن يستخدومنها
فهذا القلم ما هو الا شئ من هذه الاشياء ولكنه مفتاح لذكرى رائعه دخل بها صاحب هذا القلم الى عالم الذكريات
اتمنى ان لا تكون ممن يملكون مثل هذه الاشياء المؤلمه وتكون حياتك اكثر بهجه وسعاده
لان احساسك يا ممكن شئ اكثر من رائع ووصفك لحاله صاحب الالم والقلم شامل لدرجه انه يصل الى قلب كل من يقرأ كلماتك
تحياتى واتمنى لك كل الحب ...
وديما ابتسامتك تضوى ملامحك
..... ان

Mohamed Hesham Safa said...

اه

momken said...

Hadota .. حـدوتة
ــــــــــــــــــــــــ
ياستى السعاده والشرف لشخصى البسيط
كفايه تشريف حضرتك لمدونتى المتواضعه

اشكرك على تشجيعك يا حدوته

اه صحيح هو حاول ينام بس انا مقبلتوش الصبح علشان اعرف نام ولا لاء
بس هو متاخرش عن شغله يبقى نام بقى

ههههههههه

تحياتى

momken said...

akeed
ـــــــــــــ
حضرتك عندك حق طبعا....الذكريات هى التاريخ
لانى شايف ان حياه الانسان جزئين التاريخ اى الماضى والذكريات ...ثم المستقبل وهو مالم يحدث بعد

انت منورنى
تحياتى

momken said...

mo'men mohamed
ـــــــــــــــــــ

وجزاكم خيرا ان شاء الله وكفاكم شر الالام والاقلام ايضا
تحياتى

momken said...

semsem
ــــــــــــــ
الفنانه الجميله سمسم تشريفك لينا هو الى بيحمل معه احلى واجمل لحظات حياتنا والتى تتحول الى اجمل ذكريات

متشكر جدا على كلامك ياسمسم ولو انه مش غريب على فنانه حساسه زى حضرتك
تحياتى

momken said...

gogo we bas
ــــــــــــــــــ

اهلا يا جوجو....والله ياجوجو على ارئيك بس ياريت كلنا نعيش فى الخيال طالما الواقع وحش اوى كده

كمان ان اعتقد ان الخيال جزىء من حياه الانسان لان ربنا مخلقش الخيال علشان احنا نتجنبه ولكنه خلقه لنعيشه ايضا مثل الواقع

انتى منورانى
تحياتى

momken said...

rack-yourminds
ـــــــــــــــــــــــ
والله انت الى كلامك رائع يا اخى
وبيحمل دروس وعبر وحكم جميله جدا
كما ان كلماتك هى التى تحمل عبق الذكريات الجميله

تحياتى

momken said...

Ala'a
ـــــــــــــ

يا خبر كل ده يا الاء دانتى طلعتينى فنان
ههههههههههه
والله انتى الى قلمك مليان مشاعر واحاسيس جميله وعذبه
وفلبك هو الى بينقط حب ومشاعر دافيه جدا

تحياتى

momken said...

shirry
ـــــــــــــــ

ربنا يكرمك يت شيرى
طبعا رائى حدوته على عينى وراسى وانا بحب كلامها جدا

اشكرك على مرورك واتمنى ميكونش الاخير
كما اشكرك على كلمات التشجيع

تحياتى

momken said...

doda
ـــــــــــــــ

متشكر جدا يا دودا على تشريفك وياستى مجرد مرورك على مدونتى البسيطه شرف كبير

اما كلماتك فده افضل تشجيع سمعته من دلوعه كل المدونات
واعذب فتاه فى جميع البلوجات

تحياتى

momken said...

Heba
ـــــــــــــ
انتى منورانى فى اول زياره

متشكر جدا يا هبه على كلماتك الجميله وتشجيعك

وانا فى منتهى السعاده ان مدونتى المتواضعه لفتت نظر مدونه جميله ومشاعرها رائعه زى حضرتك

تحياتى

momken said...

bocycat
ــــــــــــــــــ
اهلا يا بوسى

والله انتى الى مليانه مشاعر واحاسيس مرهفه علشان كده حسيتى بكلماتى البسيطه وحسيتيها باحساسك انتى على انها جميله

انتى منورانى

تحياتى

momken said...

Rania
ـــــــــــــــــ

عندك كل الحق فى كلماتك تحياتى ليكى على التعليق الى ينفع بوست ده

انتى منورانى يا رانيا


bos bos
ـــــــــــــــــ

متشكر جدا على نشجيعك وكلماتك الجميله

ومتفق معاكى جدا ان الذكريات هى كل مايملك الانسان من تاريخ
لانها كل حياته اما المستقبل فافى علم الله

تحياتى


buffy
ـــــــــــــــ

والله انت الى كلامك مؤثر جدا
انا بحب مرور حضرتك على مدونتى المتواضعه جدا شرفتنى ونورتنى

تحياتى

momken said...

anne
ـــــــــــــ

ازيك يا ان عامله ايه يا سكر

طبعا كلامك مش هقدر ارد عليه لانك عارفه انى مش بحبك لاء انا بموت فيكى يا ان ودى حاجه انا عمرى ما خجلت منها او حاولت ادريها

انتى ديما منوانى
ومنوره ابوظبى كمان فى نفس ذات الوقت

تحياتى

momken said...

mohamed hesham
ــــــــــــــــــــــــــ
سلامتك

واحدة مفروسة said...

تحية للرومانسية المفقودة
احساس عالى جدا وكلمات وتعبيرات رائعة خليتنى ادمع وانا بقرأه
مدونة جميلة سعدت باكتشافها
تحياتى

mohamed emera said...

السلام عليكم
بوست مميز واسلوب جميل
تقبل تحياتى

loza said...

معبره..

مؤلمة..

وموجعه كمان ..

بس هيه ده الدنيا ..

احسنت يا ممكن بجد ..

تحياتي ليك ..

حياة تستحق الانقاذ said...

هذه اول زيارة لي للمدونة
ادب جميل وطريقة كتابة مشوقة
دمت بخير وسيكون لي زيارة اخرى

أم المييس

sa7arkash said...

يااااه...لية بس النهاية الحزينة المؤلمة دى؟؟؟ دة انا ما صدقت الاقى حد بيتكلم كدة عن زوجتة...وسرحت معاك وفرحت...لية النهاية الصادمة دى...صحيح انت مهدت لها فى الاول بابنة الوحيد وذهاب الخادمات وعدم التلميح بوجود احدا غيرهم ...لكن زى ما تقول كدة .......كان نفسى فى نهاية سعيدة

احييك على رقة احساسك وجمال اسلوبك

dr.Roufy said...

هو ..ذلك اللألم..الجاف..بلا حبر
:)
لكن الدموع أبدا لا تجف

بوست جميل فعلا ومعانيه رائعة

تحياتي

white Angel said...

هو لسه في الدنيا وفاء بالشكل دا!!!!!

معقولة يكون في حد بيعرف يحب كدا!!!!!

يااااااااااااااه

دا احنا ناقصنا حاجات حلوة اوي



دي اول زيارة
بوست رائع ويحتوي علي كم هائل من المشاعر والحب والحنين والوفاء لا حصر لها من كلا الطرفين

تحياتي

Abeer said...

ممكن

احساااااااسك عالي جدا
وبجد هايلة

ولمست فعلا زي ما حدوتة قالت

الحاجات ديه ممكن منحسهاش وقتها بس
بعد كدا بتكون باب لذكرى يا حلوة يا وحشة

يارب ذكرياتنا كلها تكون حلوة

تحياتي

momken said...

loza
ــــــــــــ
انتى الى فى منتهى الرقه..علشان كده حسيتيها اوى
متشكر جدا على كلماتك الرقيه

ومنورانى ديما

تحياتى

momken said...

مجموعة حياة
ـــــــــــــــ
ام الميس اهلا بيكى ديما
ومتشكر جدا على كلماتك
وحضرتك تنورينى فى اى وقت دى شرف كبير لشخصى البسيط
تحياتى

momken said...

sa7arkash
ــــــــــــ
ياستى ولا تزعلى نفسك انتى امسحى النهايه وكملى الحكايه زى ما انتى عاوزة
انا لو اعرف انك هتضيقى والله اشيل البوست
ههههههههههههه
متشكر جدا على كلامتك
لكنى لاحظت مؤخرا ان اغلب البنات بيعتقدوا ان الولاد معندهمش وفاء
ولا بيحترموا الذكريات
حبيت اقول حاجه معاكسه لكلمتهم

تحياتى

واحدة مفروسة
ــــــــــــــــــــــــ
ياستى ربنا يجبر بخترك
متشكر جدا على كلماتك الجميله الى فعلا متطلعش الا من شخص حساس
وجميل
متشكر على مرورك الكريم وعلى كلامك الرائع

تحياتى

momken said...

mohamed
ـــــــــــــــــــ
وعليكم السلام ورحمه الله وبركاته

متشكر اوى يابوحميد على كلامك الجميل
ربنا يكرمك
وتنورنى ديما بزيارتك الكريمه

تحياتى

momken said...

dr.Roufy
ـــــــــــــــ

متشكر اوى يا روفيده
دى شهاده اعتز بيها من صاحبه المدونه الحساسه جدا الى بتنقط مشاعر واحاسيس جميله

انتى منورانى يا دكتور


تحياتى


white Angel
ـــــــــــــــــــ

المشاعر موجوده طبعا
ولازم كل فينا يعتقد مسبقا ان الاخر بيحس افضل منه
لكن احنا الى بنكتم مشاعر بعض جوانا

لو كل حد ساعد التانى فى انه هفتح شبابيك مشاعره على الاخر
الدنيا هتتملى حب وامل ومش هيكون فى شر ولا جريمه

تحياتى

momken said...

Abeer
ــــــــــــــــ

عبير
والله انتى الى رائعه
وكلماتك وكلمات حدوته هى الى بتخلى المدونه بتعتى ليها قيمه

متشكر جدا على كلامك الجميل
وعلى رائيك الى بيدفعنى للمزيد
تحياتى

Anonymous said...
This comment has been removed by a blog administrator.
Unknown said...

شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام