Tuesday, February 19, 2008

الـــــــــــــــــى...... صغـــــــــــــــــيره


وضعت الصغيره راسها
مابين ركبتيها
وبكت ككل الصغار

خافت
خافت ان تعلن اسرارها
فيقولون سطحيه

خافت ان تعلن حبها للبحر
فيعتقدون انها جنيه

خافت ان تعلن خوفها من النار
فيقولون مجوسيه

خافت ان تعلن عشقها لى
فيقولون اباحيه

نسيت
نسيت الصغيره
من اطعمها فصوص الفرح
ومن علمها حروف الحزن

ومن اخرجها من علبتها العاجيه
ومن عرفها لون الزهر
ورائحه المطر

ومن اخبرها انها انثى
ومن توجهااميره
فى بلاط نساء الارض

ومن علمها كيف بنبت زهر العشق
فى غاباتها العشبيه

لكنها خافت
ومن خوفها
اغلقت الصغيره ابوابها
قررت ان تحيا فى سردابها
وتتورى خلف حُجابها

وبرغم صغرها
وبرغم نسيانها
وبرغم خوفها
وبرغم
الابواب..والسرداب..والحُجاب
وعدتها
ان حبى سيكون لها
فقط
ظـــهر يـــوم الحســــاب

93 comments:

حواء said...

الحمد لله على السلامة اجازة ولا ايه ؟ مش من حق اى حد يكتم حبه بسبب الناس حيجى يوم ومش حتلاقى الحب ولا الناس اللى عملت حسابهم ... كلامك جميل اوى بجد ومشاعرك تنطق بها الكلمات .. تحياتى

(( قيثارة الأحلام )) said...

بشكرك على زيارتك لمدونتى اوى ومبسوطه جدا انى زرعت مدونت انسان مبدع زيك وصدقنى لو كان الحب حلم يبقى اعظم حلم فى تاريخ البشريه كلها وهنفضل لآخر العمر ندور عليه سواء اعلاناه او اخفناه عن عيون الناس
ربنا معاك وبجد مدونتك جميله اوى

البدراوى said...

على فكرة

لو انت اللى كاتب الكلام ده
يبقى انت بجد مشكلة



بالتوفيق دائما

Desert cat said...

كلامك ترجمه لحال المجتمع اللى كل واحد منصب من نفسه حاكم يحجر على غيرة
محتاجين وعى ولحظة تمرد حتى يفيق النائمون وكل يشعر انه شخص وله كيان مستقل ولا يترك اى شخص اخر يتحكم به ويحدد مصيرة
فاقنع صغيرتك بانها تكون هى ولا تلقى بالا لما يقولون
تحياتى

الآء said...

كلمات رقيقه وحس راق

مبدع انت

تحياتي لك

rack-yourminds said...

هذا المشهد البديع الذي تحكي عنه ,أحببت ان أتخيله امام ناظري,قبل أت اعلق عليه ,فأنا أري هذا المشهد شديد الوطاة علي هذه الفتاة ,فهذه الفتاة كثيرة الحيره كثيرة القلق كثيرة المعاناة ,فهي تحمل مشاعر واحاسيس جميله ,تريد ان تعبر عن ما يدور بداخلها ,تريد ان تصرخ بكلمة احبك ,ولكن ....انت تعلم ان المجتمع يعج بكثير من الكوابح والقيود ,اذاً فعجز لسانها عن البوح بكل مت تحمله داخلها امر له ما يبرره ,ومن ثم فأنا اعيب عليه هو !!هو علمها أشياء كثيره ,لكنه نسي أن يعلمها شئ واحد بالاضافه الي هذه الاشياء
نسي ان يعلمها أنها حين تحب
يجب أن تسرع الي حبيبها وتعترف له بحبها

--------
كالعاد دايما أستاذ يا ممكن

تحياتي وسلامي

klmat said...

السلام عليكم
كلام جميل جدا جدا
وفيه مشاعر عديده صورتها باسلوب جميل
رائع جدا
مع دعواتى بالتوفيق دائما

سيكو said...

بجد كلام جميل

ربنا معاك

وكل سنه وانت طيب

Anonymous said...

ميرسى

shirry said...

لاء بجد كل مرة بتبهرني بكلامك
واختيارك للتشبيهات والكلمات
انت بجد مالكش حل

وبعيد لما انت كنت بتدور عليا مش اديتني مسد ليه وانا اول ما الاقي رقم غريب هعرف انه انت
بس خلاص مادام اكلت بالفلوس يبقي بالهنا والشفا
وهارد لك بقي لينا احنا الاتنين

gogo we bas said...

ايه ياعم؟؟

عارف احلى حاجة فى الكلام ده ايه؟
انه شكله مش كلام

ربنا يوفقكوا بس تفضل زى مانت وماتتغيرش بعد كده
وتفضل برضه هيا زى ما هيا
صغيره...

Rania Lelah said...

رقة و عذوبه المشاعر رائعة و سهوله و تناغم الالفاظ اكثر من رائعة

تحياتى

Hannoda said...

ضيعتي الليالي و القمر مستني
ضيعتي الليالي.. تغزلي و تحلي

البوست ده فكرني بالجملتين دول في أغنية يا بنت يااللي لمنير

عجبتني قوي بجد

Hadota ... حدوتة said...

عينى يا عينى يا عم ممكن يا رومانسي

انا مش عارفة بصراحة اتعاطف معاها ولا معاك

هيا قطعت قلبي بكل المشاعر اللى جواها وشايلة ومستحملة كل دا فى قلبها وساكتة كون ان الواحد يقعد يخبى مشاعره وكل ما يخلو بنفسه تلح عليه مشاعره فيبكى من الالم والوحدة دا صعب اوى


بس مش قادرةاتعاطف معاك لانك عملت نفس اللى هيا عملته كتمت فى قلبك وسبتها تتعذب .. ذنبك اكبر لانك حاسس بعذابها وواقف تتفرج .. اما هي فمسكينة لها الله

فى الغالب .. الخوف من التصريح بالمشاعر جوا البنت مش خوف من المجتمع او حتى احساس الحبيب بانها اباحية .. هيا بتكون رغبة ان هو اللى يحس بيها ويتوجها اميرة على ممكلة العشق اللى فى قلبه ويصرح لها بمشاعره ويحسسها بعطفه وحنانه .. لحظة زى دى اى بنت فى الدنيا بتتمناها .. ودا يمكن اللى بيخلى كل القصص اللى من طرف واحد عذاب .. لان الانتظار والامنيات سيوف تتقاتل فى قلوب الاحبة

اخيرا وليس اخرا .. وصفك لمشاعر الصغيرة فى البوست كان مبدع جدا .. حسسنى بقمة المعاناة فعلا .. والله مسكينة الصغيرة دى


الجملة اللى فى الاخر دى انا حاسه كده انها جت غلط او اتخبطت على بوست كان مكتوب من قبل كده
:P



سلم على الصغيرة بقة وقولها ابلة حدوتة بتقولك متعيطيش .. عشان اجيبلها مصاصة وشيبسي وعصير واوديها المراجيح


تحياتي يا ممكن
:)

المـــفـــــــقــــــــوعـــــة مــرارتـهــا said...

معقولة بتكتب شعر كمان
ايه الجمال ده
ماشاء الله عليك

غني يابهيه said...

اسلوبك جامد جدا
ربنا يوفقك

همسات دافئه said...

نعم انها تخاف
فهل تستطع بحبك هذا ان تقهر هذا الخوف؟
ان تحطم ابوابها؟
وتقتحم سراديبها؟
ان تزيل حجبها؟
ان استطعت فهو انت التى ستهبك قلبها وعمرها وكل ما تملك فى حياتها

**********
تحياتى
ما أجمل تلك الكلمات
شيماء:)

0 said...

اولا كلامك رقيق جدا وعلى فكرة فيه بنات كتير جدا بتخاف من حبها زي عبد الحليم اما بيقول خايف مرة احب
وفيه كمان بيخافوا بنطقوا الكلمة نفسها
بس بجد انت عبرت عن الخوف ده وعن الحب كمان يابخت الصغيرة
واشكرك على زيارة البلوج بتاعى واتمنى تشرفنى بزيارة البلوج على طول

زُمُرده said...

ازيك يا ارق ممكن واعمق احساس

هفضل اقولك يا ممكن انت مش ممكن
هنا بلاقي كل شيء مش ممكن اتحول لممكن

وصفك خطييييييييييير
جامد اوي
حللت مشاعرها واحساسها ورسمت صوره ليها بجلستها وخوفها
وحيرتها ما بين الاقدام ع الحب والاعتراف بيه وتذوق رحيقه ومعاناته
وبين الهروب منه لسراديبها
حيث الامان الذي لن يتغير ولن يتحول

على عكس الحب الذي قد يفتر او يركن ويهدا سعيره


--------------

بجد روعه
وتشبيهاتك مش ممكن
يا ممكن
--------
اشكرك على سؤالك عني
ربنا يكرمك

شهـــــرزاد said...

السلام عليكم

خاطرة رائعة .. وكلماتها سلسة منسابة بمنتهى الرقة .. سلمت يمناك :)

تحيــــاتى

من القلب said...

مدونة رائعة

فراشة said...

ممكن

السلام عليك

ابكيتني

ابكتني كلماتك

مبدع في التصوير
و التعبير
و نسج الكمات
و مداعبة الحواس

لا استطيع ان اكتب تعليقا على ما كتبت

إلا أنها صغيرة

تنتظر أن تصبح كبيرة

بين يدي من يستحق

سلامي

rommantic said...

بلاش حزن بعد تجارب لاقيت مفيش يسبك وبعد كده يستاهل

الفارس الملثم said...

حقيقي كلمات جميلة اوي وحملت معاني رائعة بجد

تقبل مروري الاول في مدونتك

dr.Roufy said...

ظهر يوم الحساب
؟
ترى هل تكبر الصغيرة قبل تلك الظهيرة

:)
كلمات مبدعة حقيقى
كل التحية

Anonymous said...

أخى ألفاضل
أستأذنك فى كتابة بعض كلمات للرقيقة زهرة الكاميليا فقد أغلقت مدونتها و أرجو أن تعود لها مرة اخرى قهى خسارة كبيرة فى عالم التدوين باللغة العربية
أخيك أبو خالد

محمد العدوي said...

جميلة

تسلم ايدك .

كل الود

Diyaa' said...

جميل أوي البوست وجميلة أوي المدونة ككل وخرجتني من موقفي كمتفرج علي المدونات بقالي فترة وحسيت إني مينفعش مقولكش مدونتك بتعبر عن شخصية محترمة وبتحس بجد
وقدرتك علي صياغة خدعة الحفلة التنكرية أدهشتني لأني لحد نص المقال كنت فاكرك بتتكلم بجد والأسلوب ده فعلاً جديد عليا في الأنتقاد
بإذن الله أكون صديق دائم لمدونتك

وفعلاً علي رأي احداهن إنت مش ممكن :))


بس أي يوم حساب تقصد ؟

تحياتي ليك والسلام ختام

momken said...

bocycat
ـــــــــــــــــ
اللهيسلمك يا بوسى....
انا متفق معاكى جدا فى كلامك ده
فعلا الحب مش جريمه علشان نخبيه

لكن موافق نداريه علشان نحافظ عليه وعلشان ميتحسدش مثلا
انا اننا نخجل منه ونخاف منه مش عليه هو ده الغير مقبول

انتى منورانى بتعليقاتك الجميله يا بوسى

تحياتى

momken said...

(( قيثارة الأحلام
ــــــــــــــــــــــــ
اهلا قيثاره الاحلام منورانى فى المدونه المتواضعه دى طبعا انتى معاكى كل الحق
الحب هو اجمل الاحلام واعظم الاحلام

متفق معاكى جدا
تحياتى

momken said...

البدراوى
ــــــــــــــــــ

ماشى يا ساتاذ بدراوى متشكرين
اه انا الى كتبته
الوحل نزل عليه فى قلب الشغل ولقيت المشاعير والاحاسيس بتنقط منى
بينى وبينك خفط واتخضيت وقلت اكتبهم فى المدونه واتخلص منهم

هههههههههه
انت منورانى
تحياتى

momken said...

Desert cat
ـــــــــــــــــــــ

حاضر...هحاول اقنعها..مع ان دمغها ناشفه جدا

بس انتى عارفه سعات الخوف والجبن بيسيطر على الانسان لرجه انه ميعرفش يفكر خالص
وفعلا بيعمل حجات هو نفسه بيكون رفضها
لكنه مجبور عليه من قبل نفسه

تحياتى

momken said...

الآء
ــــــــــــــ

اشكرك بشده على تشجيعك وعلى مجاملتك الرقيه

تحياتى

momken said...

rack-yourminds
ــــــــــــــــــــــ

وااااحد... الى هو اصلا اهم واحد

على فكره مش بسهوله ان حد يعترف بحبه
مع انى متحفظ على كلمه يعترف لانى بحس ان الحب تهمه وهو هيعترف بالتهمه دى
لكنى هقول يجهر بحبه او يصرح به

فكلمه الحب تخرج سهله وسلسه لكل الناس الا للحبيب
لانها تخرج الفاظ للجميع
وتخرج مشاعر واحاسيس للحبيب فقط

انت منورانى

تحياتى

momken said...

klmat
ـــــــــــــــ
متشكر جدا على تشريفك ليا بالزياره
والف شكر على تشجيعك
وده مش غريب على مدونه حساسه زى حضرتك

تحياتى

momken said...

سيكو
ــــــــــــــــ
وانتى طيبه يا سيكو... ومنورانى ياستى
وشكرؤا على رئيك وتشريفك لشخصى البسيط بالزياره

تحياتى

momken said...

anne
ــــــــــ
ازيك يا ان

اولا شكرا لتسيح الى فى الشات بوكس
وبعدين مين الى اشتكى منك
انا مقدرش اشتيكى منك يا ان ابدا
انا انشاء الله ربنا يقدرنى ويدنى القوة واخنق ونرتاح وخلاص
مش كده ولا ايه

اى خدمه يا ستى

تحياتى

momken said...

shirry
ـــــــــــــــــ

اهلا ياشيرى
متشكر جدا على رائيك الرقيق فى المدونه

وبعدين ياستى قعدت اديلك ميسدات بس تيلفونك مغنش مطغطى
وكان بيرتعش من شده البرد
غاطوا تيلفوناتكوا بقى

ههههههههههه
تحياتى

momken said...

gogo we bas
ــــــــــــــــــــــ

تعليقك جميل اوى
وفكرنى باغنيه كلمات بتاعه ماجده الرومى
خلتينى اتفشخر على نفسى
وافتكر انى بعرف اكتب يعنى
ال يعنى الواد كبر وبقى شاعر مثلا

هههههههههههههه

تحياتى

momken said...

Rania
ــــــــــــــ

الله يجبر بخاطرك يارب

والله رفعتى معنوياتى
وخلينى حالتى المعدنيه فى السما

انتى منورانى

تحياتى

momken said...

Hannoda
ــــــــــــــــــ

انا احب اقول الشعر فى الحلوين
والحلو اقوله يا حلو فى عيونه
ولو ابتديت بشفيفك النونو
ميكفنيش فيهم سبه دوادوين

حلوة اوى
والله ممكن
هو فعلا بطله القصيده محتاجه مريله كحلى وفعلا بتدلع دلع طلبه ثانوى

وفاضل تزوغ من المدرسه وتروح ديسكو مع زميليها

بموت فى الاغنيه دى وفى كل منير الحقيه

تحياتى

momken said...

Hadota .. حـدوتة
ـــــــــــــــــــــــــ

فتاه الحواديث القادمه من عالم الاساطير والغرائب

اهلا يا حدوته
منورانى

التعليق بتاعك ينفع اعمل عليه ماستر
وينفع يكون كتاب الشهر
وينفع يكون خمس ست تدوينات مستقله

انتى متميزة جدا فى كل ما تفعلين

تحياتى

momken said...

المفقوعة مرارتها
ـــــــــــــــــــــــ

ههههههههههه
التعليق بتاعك فطسنى من الضحك

فاكره الافلام بتاعه زمان

جاريه حبشيه ترقص وتغنى وتقول الشعر

حسيت لما اتصدمتى فيا انى
مدون يرقص ويغنى ويقول الشعر

انتى منورانى

تحياتى

momken said...

جمهورية مصر العربيه
ـــــــــــــــــــــــــــ

متشكر جدا على الزياره الكريمه
وعلى رائيك فى شخصى البسيط

تحيا جمهوريه مصر العريه
تحيا جمهوريه مصر العربيه

تحياتى

momken said...

همسات دافئه
ـــــــــــــــــــــــ

ياه يا شيمو اخيرا شرفتينى بالزياه

والله خطوة عزيزة يا شيماء
كنتى فين كل الفتره دى

على العموم يا ستى عودا حميدا ومنوره الدنيا بحلها

تحياتى

momken said...

tayer_ya_hawa
ـــــــــــــــــــــــ
شكرا على كلامك وتشجيعك

اما بالنسبه لزياره البلوج بتاع حضرتك
فده شرف ليا
ومتشكر جدا على دعوتك الكريمه

تحياتى

momken said...

زُمُـــــــــــرده
ــــــــــــــــــــــــــ

اهلا يا زمرده
متشكر جدا لكلامك الرقيق والجميل
ولو انى مش مستغربه من انسانه راقيه وحساسه زيك
انتى الى فعلا مش ممكن فى طريقتك واسلوبك الجميل

نوراتينى وشرفتينى

تحياتى

momken said...

شهـــــرزاد
ـــــــــــــــــــ
مرحبا بسيده الحكايات
وصاحبه الليالى الالف
شهرذاد
متشكر جدا لرائيك وكلماتك المشجعه جدا

انتى منورانى
تحياتى

momken said...

من القلب
ـــــــــــــــ

تسلمى ياستى
متشكر جدا على كلمتك الجميل
ورقه وعذوبه الفاظك

تحياتى

momken said...

فراشـة
ـــــــــــــــــــــ

ازيك يا فراشه

والله انتى كلماتك بتطير بيا بين الحدائق الجميله
وبتاخذينى بين الزهور التى تعيشين بينها
وتتغذين برحيقها
فيخرج منك احلى المشاعر
وارق الكلمات
تحياتى لتعليق الجميل المفيد جدا

تحياتى

momken said...

rommantic
ــــــــــــــــــ

عندك حق
الحزن اعتقد انه مرض مش حاله بتصيب الشخص
لكنه مرض يصيبه واذا تمكن منه يمكن ان يقتله
شكرا للنصيحه

تحياتى

momken said...

الفارس الملثم
ـــــــــــــــــــ

يشرفنا مرورك الاول

ويسعدنا الا يكون الاخير

متشكر جدا على رائيك الراقى فى المدونه

تحياتى

momken said...

dr.Roufy
ــــــــــــــــــــ

تصدقى ان يمكن انتى بس يا روفيده الى فهمت اخر كلمه فى القصيده

اغلب الناس اهتم بجسم القصيده ووسطهتا لانها مليئه بالمشاعر

لكنى جعلت مفتاح هذا البوست فى اخر جمله فيه وانت فقط من انبه لهذا

احييكى

تحياتى

momken said...

Anonymous
ــــــــــــــــــــ
انضم اليك
وسوف ابذل قصارى جهدى عن طريق معارف كامليا لتعود

فانا مثلك معجب بكتابتها الرائعه

تحياتى

momken said...

محمد العدوي
ــــــــــــــــــ

متشكر جدا على مرورك ورائيك

سلمت
وتقبل تحياتى

momken said...

Diyaa'
ـــــــــــــــــ

اهلا بحضتك
شرف ليا صداقتك
وشكرا على رائيك فى المدونه رغم مبالغته
ربنا يجعانى عن حسن الظن

اقصد بظهر يوم الحساب
الموعد المستحيل
لو اعتبرنا ان يوم الحساب اى القيامه له صبح وظهر وعصر
فانا اخترت ظهر يوم الحساب لاهب لتلك الخجوله من علقتها بى حبى

تحياتى

akeed said...

بوست رائع وكلمات رقيقة

تحياتى
أكيـــد

بنت الاسلام said...

ولماذا

فقط يوم الحساب

فلتقطحم حصونها

ولتخترق سدودها

طالما انك تحبها

ولتقف يوم الحساب


منتظرا اياها

فكما جمعتكما الدنيا

فلتحيوا بأمل ان تجمعكما الاخرة

لتظل جنة الحب دائمة

والي الابد


مبدعة بحق وبدون ادني مبالغة


تحياتي

semsem said...

واضح جدا انى جايه متاخرة
مع انى يادوب رحت اجيب ورقه بوسته

بعيد عن البوست كل سنه وانت طيب جدا جدا جدا

ويارب السنه الجايه تكون الصغييرة كبرت كده وانت عقلت واتجوزتها ونفرح فيك
قصدى بيك

كل سنه وانت بكل حب وسعادة

نيجى بقا للبوست

عاوزة اقولك ان مبقاش فى حد صغيير ولا حد بيخجل من الحب دلوقتى ولا عياط ولا بهدله ذى ما انت فاكر
يقا كبيرة تعمل مدونه وتفضحك عليا

وبعدين يا راجل فى حد يدى معاد يوم القيامه الضهر

طب خليها المغرب ولا بليل شويا
لازمتها ايه بس البهدله فى الشمس



مع خالص تحياتى

اه نسيت

الخمسه جنيه وربع بتوع الهديه انا دبرتهم خلاص كده ممكن
ابقى ابعتهملك

:)

سفير السلام said...

صح لسانك

واحده من الناس said...

الكلمات أكثر من رائعه
وفيه كلام بين السطور أكثر روعه
يسلم قلمك
تحياتي

(احمد سكر ) said...

تحياتى لك اخى الغالى

ولحروفك امنيرة الرائعه

تقبل تحيتى
احمد سكر

momken said...

akeed
ــــــــــــــــ

اشكرك يا اكيد على كلماتك وزياره حضرتك مهمه جدا عندى
وائيك يهمنى للغايه وانت من الناس الى بنتظر تعليقهم جدا

تحياتى

momken said...

بنت الاسلام
ــــــــــــــــــ

معك حق
ولكنى لا استطيع ان اتحمل هذا الخوف والخجل الذى يسطر عليها حتى انى احيانا اعتقد انها تخجل منى شخصيا من فرط خجلها وكسوفها مما يجعلنى انفر من علاقاتى بها

كلماتك جميله جدا
متشكر لزيارتك ورائيك الجميل الوقور جدا

تحياتى

momken said...

semsem
ــــــــــــــــــ

اهلا يا فنانه

انتى تيجى وقت ما يعجبك يا سمسم
والبوست مش هبتشال الا لما حضرتك تعلقى عليه

بالنسبه للكلام الى قولتيه عن تلك الصغيره ربما يكون عندك حق

لكنى لا اسمح لاى احد بتشهير بشخصى البسيط لبسسب بسيط جدا انى انائى بنفسى بعيدا جدا عن اى شبهات

ربما لن يعد هناك من تبكى وتخاف
لكنها احلام الرجال ربما فى السيطره والسطوة
معاد يوم القيامه الظهر معقول جدا
اما لو كان المعاد فى المشمش كانت عملت ايه
ههههههههههه
تحياتى

momken said...

سقير السلام
ـــــــــــــــــــ
تسلم يا جناب السفير

تحياتى

momken said...

أوشــــــه
ــــــــــــــــــــــ

متشكر جدا يا اوشه

تسلمى ياستى
وربنا ميحرمنيش من زوقك وادبك ابدا

تحياتى

momken said...

سكــر
ـــــــــــــــ

اهلا يا ابو حميد انت منورانى ومنور المدونه المتواضعه

تسلم والف شكر على كلماتك الرقيقه

تحياتى

تــــ(حـنة)ــــر said...

هو ايه الجمال ده
طول عمرك على فكره بتضرب على الوتر الحساس

تحياتى

sa7arkash said...

اية الجمال دة....بوست اكتر من رائع

تعبيراتك تجنن...بس انا عاوزاك تلتمس العذر لصغيرتك...فتاثير الكبار.. والزن على الوداااان...وعدم الخبرة يستحقوا بذل جهد للسيطرة عليهم

استمر فى ابداعك

Bongo said...

Gr8 blog

and very nice one

my first timee here and surly not the last isA

t7yaty

البِـئرُ والظمّأْ said...

ممكن مش عافه اقولك ايه
بس رائع بجدددددددددددد
البوست عجبني جدا

و البنت صعبانه عليا قوي
بتتعذب قوي .. بس مفيس حاجه قدامها تعملها







شايفه فيها نفسي قوي
زيزي

Eman Eltaher said...

حقيقى لو كنت هجامل حد ف بوست

فالبوست بتاعك مش محتاج مجاملة
لانه من القلب للقلب

البوست جميل جدا
و الشعر رقيق و ف غاية الابداع والله

و الميزة كمان انه جديد ف كلماته و تعبيراته

دى اول زيارة و معلش انى دخلت كده من غير استئذان

:)

تحياتى

ابو العربى said...

رائع رائع رائع اكثر من رائع عجبتنى قوى لابد ان تظهر المشاعر ولو قامت بسببها الحروب ولو قتلت من اجلها القلوب

تحياتى

حمامة said...

لكنها خافت
ومن خوفها
اغلقت الصغيره ابوابها
قررت ان تحيا فى سردابها
وتتورى خلف حُجابها
.....

بجد تحفففففففة
حقيقى يعنى فوق الوصف
او زى ما بيقولوا البشرية الروشة
جامد اخر حاجة يعنى

:)

momken said...

تمــــــــــــر

ــــــــــــــــــــــــــ
ازيك يا تمر حنه عامله ايه
الجمال ده جمالك ياقمر
ربنا يكرمك يارب يا تمر حنه
ولو انى زعلان منك
بس ياله المسامح كريم
وانا مش كريم انا ممكن
ارجعى لحدوته اسكوب واعرفى منها انا زعلان ليه

تحياتى

momken said...

sa7arkash
ــــــــــــــــ
اهلا يا سحوره
جمال ايه بس هاروح فين جنك ياقمر
ربنا يجبر بخترك يارب
وميحرمنيش من تشجيعك ليا
نلتمس العذر ياستى علشان خاطرك

تحياتى

momken said...

Bongo
ـــــــــــــ
متشكر جدا يا بينجو على رائيك فى البلوك والبوست
واهلا بيكى تشرفنى مرات تانيه كتير
وجود حضرتك عندى من حسن حظى

تحياتى

momken said...

Meekness
ـــــــــــــــ

زيزى ازيك فينك يا بنتى الجنوب اخدك خالص يا زيزى

هههههههههههه
مانا كتبهالك يا زيزى
هو عندى اعز منك

ربنا يكرمك
ويهديلك الحال يارب

تحياتى

momken said...

Eman Eltaher
ــــــــــــــــــ

اهلا يا ستاذه ايمان
انتى تنورى فى اى وقت وبدون استذان
والمفتاح هتلاقيه باستمرار تحت الدواسه اعتبرى ياستى المدونه بتعتك وتشريفك ليها ينورها وشرفها

متشكر جدا على كلماتك الرقيقه
ربنا يكرمك

تحياتى

momken said...

ضد الظلم
ـــــــــــــــــــــ

بالظيط كده لا فوض فوك يا استاذ

انا متفق معاك جدا جدا جدا
شكلا وموضوعا
فعلا معرفه الرجال كنوز

تحياتى

momken said...

حمـــــــــــامة

ــــــــــــــــــــــــــــــ
اهلا حمامه متشكر جدا جدا على تشريفك والله كلامك فرحنى جدا
وشجعنى فوق الوصف

واتمنى ان كل كلامى ينال رضاك

تحياتى

hamssah said...

ممكن
كم انا حزينه على تلك الصغيرة
وكم يشتد اسفي على حبيبها
من يدري قد تكبر الفتاه وتستطيع ان تدافع عن حبها
ممكن ...اقصد يمكن
همسه

LOST said...

ما شاء الله بجد معنديش تعليق..
بوست رائع و تشرفت بزيارة مدونتك و منتظراك تنور مدونتي مره تانيه

momken said...

hamssah
ـــــــــــــــ

سيدتى حتما ستكبر الصغيره
ولكن ما اعلمه جيدا
ان من شب على شىء شاب عليه

الى بيعيش جبان بيموت جبان
والى يخاف من حبه
يترعب من عدوة

وانا مش بحب الخوف
خصوصا فى الحق

طبعا فى فرق كبير بين الخوف والحياء الذى اعشقه واقدره

تحياتى

momken said...

هاجر
ـــــــــــــــ
اهلا يا هاجر
الشرف لشخصى المتواضع
طبعا يشرفنى جدا زيارتك يا هاجر

لانى بستمتع فى مدونتك جدا جدا

تحياتى

Anonymous said...

الاول الاسلوب بجد روعه وكمان الردود فيها ردوداكتر من رائعه
بس مش عارفه ليه انا متعاطفه معاها هي اكتر بصراحه
هوحكم عليها انها صغيره وحكم عليها انها جبانه وكمان حكم عليها انها خجلت منه شخصيا زي ما قلت في واحد من الردود وعلي الاساس ده اتصرف وادالها معاد ظهر يوم الحساب هههه
ليه حكم انها خافت انهم(يقولون اباحيه)مش يمكن خافت منه هو يقول اباحيه من ان هو يقول سطحيه
مش يمكن خافت من رد فعله هو هيبقي ايه مش يمكن تكون خافت من مجرد انها تعرفه انها اعلنت عن حبها
صحيح مش معني كده انها تجري في الشارع تنكش شعرها وتقول انها بتحبه علشان يبقي ده اعلان للحب لكل الناس مش من حق كل حد واي حد انه يعرف بحبها ده من حق ناس معينه
اللي ممكن اوي تكون اعلنتلهم بس خافت تعرفه خافت من رد فعله
وخوفها ده انا شايفه انه مش جبن او عيب منها
ممكن اوي يكون عيب منه هو انه مش اداها اي شيئ يخليها تثق فيه لخطوه زي دي بالعكس ممكن يكون اداهارسايل كتير سلبيه اترسبت عندها وهو مش واخد باله حاجات تهز ثقتها في اللي جاي زي مثلا انه وصلها انه شايف انها خجلانه منه زي ما انت قلت
سوري للتطويل انا اول مره ادخل المدوه بس فعلا اكتر من رائعه يا ممكن

momken said...

tabiba muslima
ــــــــــــــــــــــــ

اهلا يا دكتور اولا انا متشكر على مدحك للاسلوب وللكلام
نيجى بقى لتفتصيل التعليق
هو البطل فى القصيده متهمش البطله هو بيشكى حاله والى حصله كمان بيحكى تفاصيل الموقف
اما عن موضوع خجلها فده برضه مش اتهام لاكنه زاد معاها جدا عن حده علشان كده اتاثر واشتكى
اما عن كلامك انها خافت من سؤ ظنه بها وان يقول عليها اباحيه او غيره فممكن يكون عندك حق على اساس انها حبت واحد من الشارع وكمان عديم الفهم او افقه ضيق جدا
تالت نقطه عاوز اوضحها هى انه هناك فرق بين اعلان الحب والخوف من الحب
اعلان الحب اى نشر خبره بين الناس
اما الخوف فهو الجبن من ان يعلم احدهم بامر حبها لانها فى قراره نفسها تعلم ان الحب عيب اوى وميصحش او وضعها وسط صديقاتها والمحطين بها ونمط شخصيتها لايسمح بذلك الحب

انا مقولتش تنكش شعرها ولا حاجع انا قلت متترعبش لو حد لاظ عليها حاجه بس

اما كونها انها وصلها رسايل منه تخليها متسقش فيه يبقى مافيش داعى يكتب عنها اصلا
لان انعدام الثقه لا ينشاء ابدا بين حبيبين ويبقى الموضوع كله لا اساس له

انتى منورانى يا دكتور

تحياتى

جسر الى الحياة said...

كلمات رائعة استدعت الدموع فور قرائتها فعندما تخرج الكلمات من القلب تصل للقلب بلا وسيط
دمت بخير وباحساس فقد ضاعت المشاعر والاحاسيس فى هذا الزمن القاسى

Unknown said...

من اطعمها فصوص الفرح
ومن علمها حروف الحزن


تعبيرات جديده أبهرتني.. و جعلتني وضعت مدونتك في مفضلتي ..


تقبل تحياتي
ياسمين

momken said...

جسر الى الحياة
ــــــــــــــــــــــ

سيدتى لم تدر كلماتى دموعك انما انهالت دموعك من رقه احساسك

ولو اعلم ان كلماتى ستشجيكى لهذا الحد لتراجعت عن كتابتها

تحياتى لاحساسك المرهف
فانت حسرنا جميعا الى الحياه

تحياتى

momken said...

عاقلة علي ارض الجنون
ــــــــــــــــــــــــــــ

سيدتى كلامتك ومجاملتك الرقيقه اكبر من قدرتى على الرد او الاحتمال
وليس بيدى الا شكرك على تعليقك الرائع

وقد نلت كل الشرف فان تكون مدونتى البسيطه موجوده ضمن اهتمامتك

تحياتى

Anonymous said...
This comment has been removed by a blog administrator.