Saturday, March 29, 2008

....كلمات.. فـــى ... السـعــــاده







صباح الخير
كان فيما سبق فى احدى الممالك البعيده
وكان يحكمها ملك من اكرم ما عٌرف عن الملوك
كان
يعطى بسخاء
ويكافىء المتميزين
ويعاقب بتسامح
ملك يا جماعه ....ملك
مش كتـــــابه

!
فى يوم من الايام قدم له احد المواطنين خدمه جليله
فاراد الملك مكافئه هذا المواطن
فاستدعاه وسأله
ماذا تحب من المال
فقال الرجل: احب الارض
فقال له الملك: سوف اهبك كل ماتستطيع ان تقطعه ماشياً على قدميك من الارض
ففرح الرجل جدا
وشرع فى المشى وهو يعلم ان الملك لن يحنس فى وعده
فاخذ الرجل يمشى فى اتجاه واحد
مشى كثيرا وراح بعيدا
وقال ارجع الى الملك فاخذ كل ما وطئته قدمى
لكنه عاد وقال: بل امشى اكثر واخذ اكثر
فالملك لن يبخل على احد مواطنيه


وراح يمشى ويمشى وغاب جدا فى مشيه
وهو يمنى نفسه بكل تلك الارض
وبعد الكثير والكثير من المشى قرر العوده
لياخد نصيبه مما مشى فيه
لكنه عاد ومنى نفسه بالمزيد والمزيد فراح يسير ويهرول
ويبعد ويبعد


ولم يعد ابدا
فقد ضل طريقه وضاع فى خضم الحياه
وقالوا : انه مات صريعا من فرت التعب والانهاك
لم يملك شياً
ولم يذق طعم السعاده
فقط لانه لم يعرف حد الكفايه
او القناعه
.
.
اصدقائى
النجاح الكافي هو ما يحتاجه الانسان
وليس النجاح الزائف المراوغ الذي يفترس عمر الإنسان
فيظل متعطشا للمزيد دون أن يشعر بالارتواء


من يستطيع أن يقول لا في الوقت المناسب
ويقاوم الشهرة والأضواء والثروة والجاه والسلطان
!


لا سقف للطموحات في هذه الدنيا
.. فعليك أن تختار ما يكفيك منها
ثم تقول نكتفي بهذا القدر..
ونواصل الإرسال بعد الفاصل..
نعم
بعد فاصل من التأمل يتم فيه إعادة ترتيب أولويات المخطط


اصدقائى اعلموا ان
الطموح مصيدة
.. تتصور إنك تصطاده..
فإذا بك أنت الصيد الثمين و هكذا يعيش الإنسان معركتين..
معركة مع نفسه ومعركه مع العالم المتغير المتوحش..
ولا يستطيع أن يصل إلى سر السعادة أبدا


اصدقائى

السعاده تتلخص فى الرضا
وفى الطاعه
وفى ذكر الله
قال تعالى
بسم الله الرحمن الرحيم
ومن اعرض عن ذكرى* فان له معيشه ضنكا* ونحشره يوم القيامه اعمى
صدق الله العظيم

96 comments:

Hadota ... حدوتة said...

وعنم بالله يا ممكن
موضوعك كالعادة متميز وشائق جدا كمان

بس خلينى اقول حاجة
عجبنى جدا جملتك ان الطموح مالوش سقف

هوا الطموح ممكن يكون سلاح ذو حدين
يعنى من جانب فانت كل ما بتحقق اكتر بتفرح بانجازك اكتر

ومن نا حية تانية ممكن ياخدك الجرى ورا الطموح لابعد مما يتخيل اى انسان

الفكرة ان الانسان طبعا سعادته طبعا فى رضا ربنا سبحانه وتعالى ودا ممكن يتحقق من خلال رضى ربنا فى الدنيا ورضى ربنا فى الاخر معنى كده اننا لازم نسعى للدنيا سعيها ونحقق فيها انجاز وطموح بس بشروط

اولا : الانسان يختار اهداف بعيدة بس فى المستطاع يعنى ميخدش هدف من المستحيل الوصول اليه

ثانيا : ان الهدف دا يكون طبعا نبيل مش واحد يبقى كل هدفه يأذى الناس او حتى يأذى نفسه

ثالثا : الهدف دا لازم يكون بيضيف للانسان مش بيحققه لمجرد العند او التحدى .. ماهو ايه فايده حاجة بحققها لمجرد مستفدش حاجة .. غريبة شويه صح؟؟

رابعا : الانسان وهو بيرسم خطة اهدافه لازم يراعى الجانب النفسي والاحتماعى عنده يعنى ميهملش نفسه واسرته وراحته النفسية فى سبيل هدفه لانه فى النهاية حتى لو وصل للهدف دا ممكن يقول وانا ليه عملت فى نفسي كل دا





كان فيه شرووووط تانية كتير ونستهم .. بس الخلاصة لا نخلى الدنيا تسرقنا ولا نهملها ونقول مش عاوزين منها حاجة



بالنسبة بقى لتأكيدك على ان الرضا والقناعة هما مفتاح السعادة فدا شيء لا شك فيه .. خاصة ان الانسان القنوع دا بيكون فاكر انه ملك الدنيا بحالها وعمره ما بيشغل باله انه اتحرم من حاجة يعينى وانه اقل من الناس


ونحب نشكركم ايها السادة القراء على سعة صدوركم ونفسكم الطويل اللى خلاكم توصلوا لغاية اخر التعليق اللى كله كلام كتير يخص شخصي الكريم


تحيااااانى يا ممكن

حمامة said...

هى كلمات
ولكن ليست كالكلمات
كلمات ثمينات
جزاك عنا بها كل خير :)

Rania Lelah said...

بصراحة
عجبنى قوى موضوعك
لان فعلا فكرين ان احنا الى بنصطاد الطموح و للاسف هو الى بيتوهنا معاه
لان ببساطة مفيش حاجة بترضينا بنطمع و نقول كمان و فاكرين انه طموحنا الى بيعمل كدة
و للاسف مش طموحنا لا دة طمعنا

لازم القناعه و نقول فى الوقت المناسب كفايه كدة علينا

تحياتى لك و لموضوعك

Desert cat said...

ونعم بالله
بس معلشى يا ممكن لكل واحد فينا احلامه وطموحه اللى المفروض يحققها والا ليه ربنا وهبنا العقل علشاناولا نفكر ونتدبر فى ملوكته وثانيا علشان نحلم ونحقق احلامنا ونعمر الارض
تحياتى

همسات دافئه said...

صح
متمشيش فى طريق الآ لما تعرف انت رايح فين وهتعرف ترجع ولا لاء
ولو اكتشفت انك مش عارف اوعى تكمل
قصتك جميله ومعناها عالى اوى
أحييك
شيماء:)

Anonymous said...

الطمع قل ما جمع
الدنيا ما تديش محتاج
على راى ابو فراج

Anonymous said...

الطمع قل ما جمع
الدنيا ما تديش محتاج
على راى ابو فراج

MMS

صوت من مصر said...

فين السعاده فين اشتريها بدمى وادفع تمنها من دموعى وهمى
لا تعليق

Shaimaa said...

موضوع تحفه كالعادة
فعلا لازم الانسان يعرف امتى يقول لنفسه كفايه وينفذ مش يقول وخلاص

تحياتي يا ممكن

Unknown said...

السعادة فى القرب من الله ولكن اغلب البشر لا يفهم ذلك والطمع طبيعة انسانية فلو كان للانسان واديان من ذهب لتمنى الثالث
تحياتى للموضوع

تــــايه ومش تـــايه said...

النجاح الكافي هو ما يحتاجه الانسان
بيتهيالى مفيش سقف للنجاح ممكن
ومفيش نجاح مستمر
بس المهم انجح فى ايه...
ونجاحى هدفو ايه
انا عن نفسى فى حجات بيتهيالى ملهاش حدود .بس مش كلها لهدف شخصى نفسى انجح علشان ابقى مفخره لنفسى واهلى وبلدى .واربنا يرضى عنى فى الاول طبعا
بوست جميل

bastokka طهقانة said...

السعادة الحقيقية في الرضا و القرب من الله

جزاك الله خيرا

من القلب said...

اعتقد ان فى فرق ما بين الطمع و الطموح
الطمع شىء سىء و ممكن فعلا الانسان من طمعه ينسى نفسه
لكن الطموح ده شىء ايجابى و ياريت كلنا يكون عندنا طموح و يكون مالوش سقف
اعمل لدنياك كأنك تعيش ابدا و اعمل لاخرتك كأنك تموت غدا

مفهومك عن السعادة ميه ميه :)

رئيس جمهوريه نفسى said...

الحمد لله حمدا كثيرا طيبا كما ينبغى لجلال وجهك وعظيم سلطانك

الفارس الملثم said...

حقيقي قصة تحمل معني رائع جدا

فعلا من يرغب ان يحصل علي كل شئ سيفقد كل شئ , الطموح مطلوب لكن يجب ان اضع حدود قدراتي في الحسبان , اضافة ان الدنيا مهما اغرتنا بمتعها فهي دار زوال لا تساوي عند الله جناح بعوضة ..

احييك بشدة علي القصة وما حاولت ان تستنبطه منها ..

مع خالص تحياتي

http://kasperb4.blogspot.com/ said...

أحسنت بجد

تسلم ايدك

تدوينة رائعة

klmat said...

كلامك جميل وما اقدرش اقول حاجه عنه
الايمان مع القناعه وطوح يتوافق مع الامكانيات بدون طمع والقصه معبره جدا
بارك الله فيك وربنا يسعدك يارب
خالص تحياتى وتقديرى

Eno said...

السلام عليكم
انا متفقه جدا اني القناعه في كل شئ كنز ومفتاح لطريق السعاده

واكتر مايصيب الانسان بالطمع هو النظر لي ما في يد الاخرين

حلوه اووي الحدوته فيها درس عظيم جدا :)

nana said...

القرب من الله هو الحل لكل حاجة في حياتنا
بيه نوصل للقناعة وبيه نوصل للمحبة والتواضع وكل حاجة كويسة


الجديد موجود يا ممكن

:)

زُمُرده said...

ازيييييييييييك

كل ما اجي احسن كل شيء بيبقى ممكن

اسلوبك هاااااااااديء وجميل ومسلسل اوي
الطموح نعمه
بس كل شيء زاد عن حده اتقلب ضده

من غير طموح مفيش تقدم ولا تطور
ولو زاد بيفقد الانسان القدره على الاستمتاع بالنجاح اللي حققه

وخير الامور الوسط

الرضا مفتاح كل سعاده

بس الناس احيانا بتفهم الرضا انه عدم طموح وانه استسلام وده غلط
وده دورنا

----------
بترد الحياه ليا هنا كل مره

semsem said...

ونعم بالله

فعلا

المفروض نحلم على قد قدراتنا
مش على قد اللى احنا عاوزينو
يعنى مبقاش رفيع ومسلوع واحلم ببطوله العالم فى المصارعه

واحلى حاجه فعلا
الرضا بقضاء الله
فكل السعاده فعلا فى ذكر الله

الا بذكر الله تطمن القلوب

موضوع مميز لسخص اكثر تميز

شكرا يا ممكن

تحياتى

hamssah said...

قصه جميله والمعنى عميق
ياريت كلنا نعرف الحقيقه ونحدد امتى نقف وامتى نكمل
بس ياترى كل الناس حتعرف امتى تبطل تمشي ده فيه ناس اتخلقت بس علشان تمشي
همسه

Anonymous said...

في زمن الفن الجميل كان فيه اغنية فى فيلم عربى بتاعت نعيمة عاكف وحبة بنات : كانت بتقول السعادة السعادة السعادة نتحرم ليه م السعادة تلاقى الحياة سكر زيادة ليه بقى نخليها سادة؟؟ السعادة السعادة السعادة


كل ما اجى عندك واشوف بوست السعادة افتكر الاغنية دى
:D

روح شرقيه said...

اخيرا
طال غيابك اوى المره دى يا ممكن
حمدالله على السلامه
كالعاده بوست اكتر من رائع ونصائح كتيييير طيبه
الطموح والطمع للاسف كتير بتختلط الامور فى توضيح الاتنين بس انت بسطت كتير التفسير ما بينهم
ديما فى تقدم ومن فضلك ما تغيب تانى كل الوقت ده

حواء said...

حلوة اوى ياممكن القصة دى واسلوبك فيها بسيط وممتع ... هى قصة ياريت الكل يتعلم منها ان الرضا والقناعة هىما السعادة والغنى الحقيقى ... احييك

كاميليا بهاء الدين said...

اكرمك الله
وبارك فيك

ونعم بالله

اشكرك على العبرة والفكرة

بجد حلوة اوى

تحياتى

ساعد نسرين الايمن said...

عارف في قصة قصيرة لتشيكوف عبقري روسيا

بتقول ان مللك قال لمجموعة من الامراء انهم يجروا بالخيول بتاعتهم كل واحد في اتجاه وفي اخر النهرار كل واحد يزرع العلم بتاعه علي اخر حتة وصل ليها
وديه هتكون اقطاعيته الخاصة
طبعا في ناس فضلت تجر تجري تجري لغاية لما ماتت
والبقاي زرعوا رايتهم عندما وصلوا لحدودهم اللي هم عايزنها

فعلا الطموح زي ما يكون حصان اهوج
يجب السيطرة عليه


علي فكرة انا عرفت مدونتك من الصديقة العزيزة روح شرقية
وكان عندي فضول كبير اعرفك
وفعلا انت عندك اعماق رهيبة

علي فكرة انا هافضل متابع دايما

وجزاك الله خيرا علي كلماتك
وربنا يحافظك من كل سوء

0 said...

الرضا اهم شئ بجد ان الواحد يرضا بالدنيا والمقسوم له فيها سواء حلو او مر
وكلامك عن السعادة والرضا هايل بس ياريت الناس تعمل بيه

سيكو said...

موضوع جامد يا ممكن
ونعم بالله
القناعه اهم شى
واهم منهم الرضا والحب
تحياتى ليك

momken said...

Hadota .. حـدوتة
ــــــــــــــــــــــــــ

اهلا يا حدوته
متشكر اوى على تعليقك
انا متفق معكى فى كلامك

تحياتى

momken said...

حمامة
ــــــــــــــ

متشكر جدا يا حمامه والله اخجلتنى جدا

وربنا يكرمك زى ما اكرمتنى

تحياتى

momken said...

Rania
ــــــــــــــ
فعلا يا رانيا تسلم ايدك الفرق بين الطموح والطمع شعره صغيره اوى

والطموح بيلعب على وتر الطمع فى شخصيتنا
وبيلهنا على الحجات المهمه

تحياتى

momken said...

Desert cat
ــــــــــــــــــــــــ
قطه الصحراء طبعا انا متفق معاكى جدا بس لازم الطموح يكون له اخر ونقف ونفكر تانى فى المرحله الجديده وناخد نفسنا ونستمتع بالى اتحقق

وبعدين نرجع تانى نطمح ونحلم ونسعى لتحقيق الاحلام
وده الى بقوله فى البوست
نعمل تولزن بين الطموح والاستمتاع بما تحقق


تحياتى

momken said...

همسات دافئه
ـــــــــــــــــــــ

اهلا يا شيمو ازيك يا قمر فينك يا بنتى
انا متفق معاكى اوى يا شيمو
كلامك ميه فى الميه صح اوى اوى

انتى فهمتى البوست اكتر منى انا شخصيا يا شيماء


تحياتى

momken said...

Anonymous said...
ـــــــــــــــــــــــــــ

ماشى يا متر مش عارف ايه اخره الفوازير الى بتتفرج عليها دى
شريهان ماثره عليك جدا
هى دى كلمه فاطيما ولا كريمه ولا حليمه

ههههههههه

تحياتى

momken said...

صوت من مصر
ـــــــــــــــــــ

هههههههههههه
فكرتينى باغنيه
يا عطارين ديلونى
الصبر فين الاقيه

بس البيت بتاعك احلى بكتير
بس احنا قولنا السعاده فى رضا الله عنا
وذكر الله هو طريق السعاده
والقناعه
فمن رضى بما قسم الله له كان اسعد الناس

تحياتى

momken said...

shicco
ـــــــــــــــــ
ازيك يا شيكو

متفق معاكى جدا فى كلامك يا شيكو برغم سنك الصغير بس ماشاء الله حكيمه

تحياتى

momken said...

ايوية
ــــــــــــــــــ

الله يا ايه
كلامك جميل وسلس ومنتهى الحكمه والتعقل

عندك حق جدا ربنما يكرمك يا ايه

تحياتى

momken said...

تــــايه ومش تـــايه
ــــــــــــــــــــــــــــــــ

الله...الله...الله
هى دى التعليقات ولا بلاش

تعليقك ينفع بوست
بوست ايه دى ينفع مدونه بحلها

وطبعا متفق معاك
الى انا عاوز اقوله ان الوحد لما يحقق طموحه يتوقف ثم يفكر فى المرحله القادمه ثم يستمتع بما حقق
ثم يحقق طموح جديد
فهمنى
مش مكنه شغاله لحد ما تتعطل
او تبوز

تحياتى

momken said...

bastokka طهقانة
ـــــــــــــــــــــ

اه والله عندك حق
بس دى مش حاجه بسيطه دى محتاجه مجهود كبير جدا
وسعى داؤب جدا واخلاص
وعمل مستمر
فالله عظيم ولا يرضى العظيم الا الاعمال العظيمه
ربنا يرضى عنك ان شاء الله

تحياتى

momken said...

من القلب
ـــــــــــــــ
طبعا فرق كبير بين الطمع والطموح متفق معاكى جدا
ومتفق ايضا ان الطموح مالوش اخر
ولكن الى عاوز اةضحه
ان كل الانسان ما يحقق مرحله من طموحه يتوقف ويفكر فى المرحله المفبله ويحتفل بما حققه ويستمتع بمكا تم اجازة
ثم يشرع فى استكمال الطموحات

هو دى قصدى

تحياتى

semsem said...

انا نسيت اقوله حاجه مهمه جدا

وحشتنى يا ممكن

momken said...

رئيس جمهوريه نفسى
ــــــــــــــــــــــــــ

اللهم ولك الحمد من قبل ومن بعد
ولك الحمد حتى ترضى
ولك الحمد بعد الرضا
ولك الحمد اذا رضيت
الحمد لله كما يليق بجلال عرشه وعظيم سلطانه


تحياتى

momken said...

الفارس الملثم
ــــــــــــــــــــــ

عندك حق متفق معاك جدا فى كلماتك المخلصه

واشكرك جدا يا اخى على تشجيعك الواعى الجميل

تحياتى

momken said...

آلام وآمال
ـــــــــــــــــــــ
متشكر جدا والله
انت الى تشجيعك واسلوبك رائع


تحياتى

momken said...

klmat
ــــــــــــــــ

ربنا يكرمك يارب ويديلك على اد قلبك الطيب وشخصيتك الجميله
متشكر جدا للزياره والخطوة العزيزة
والكلام الرائع
تحياتى

momken said...

Eno
ـــــــــــــ
اهلا اهلا بالناس الى بتيجى كل سنه مره
بس والله بنتظركم من السنه للسنه
هههههههههه

متشكر جدا على الكلام الجميل
ومتفق معاكى جدا فى رائيك الى بيفدنى انا جدا

تحياتى

momken said...

nana
ـــــــــــــــــ
ونعم بالله يا نانا

فعلا القرب من الله يعنى القرب من كل الخير
ونيل كل السعاده

طبعا انا شوفت الجديد الى ديما بنتظره منك

تحياتى

momken said...

زُمُرده
ـــــــــــــــ

ازيييك انتى

والله دانتى نسمه الهوا الناعمه الى بتهب على المدونه المتواضعه دى
بنتعشينا بكرمك الجميل وافكارك الرائعه
انا متفق معاكى جدا فى كلامك
والغط هو الخلط بين الرضا والتكاسل
والطموح والطمع


تحياتى يا زمرده
اه صحيح اسمك بيفكرنى بفيلم امير الانتقام
الااوووول

ههههههههههه

تحياتى

momken said...

semsem
ــــــــــــــــــ

الفنانه الجميله سمسم
اهلا يا فنانه يالى كل كلامك مليان مشاعر واحاسيس جميله ومدهشه

ههههههههههه
المثل بتاعك تحفه رفيع ومسلوع وعاوز بطوله العالم فى رفع الاثقال
او تخين جدا ومليان وعاوز يبقى لاعب جمباز
ههههههههههههه
ربنا يهدى الجميع

تحياتى يا فنانه

momken said...

hamssah
ــــــــــــــــ


ياههههه
حمدالله على السلامه
انتى بقى كنتى فين من زمان
طبعا متفق معاكى جدا
كل كلامك منتهى العقل والحكمه ياستى متحرمناش من كلامك ونصيحك

عودا كريما

تحياتى

momken said...

Anonymous
ـــــــــــــــــــ

طيب الحجمد لله الاغنيه دى حلوة ودمها خفيف
وكويس انك مش بتفتكرى اغنيه العدس الليله الليله ليله عيدوا يارب تبارك تبارك وتزيدوا
يارب تبارك يارب يارب تبارك وتزيدوا


تحياتى

momken said...

روح شرقيه
ــــــــــــــــــــــ

ازيك ياروح
معلش ياستى الغايب حجته معاه
انتى اخبارك ايه
يارب تكونى بخير

طبعا متفق مع كلامك ومتشكر اوى على اطرئك وتشجيعك يا روح
ويا اجمل روح شرقيه جدا

تحياتى

momken said...

bocycat
ــــــــــــــــــ

والله انتى الى كلامك حلو ورحك حلوة علشان كده بتشوفى كل حاجه حلوة

ربنا يكرمك
متشكر اوى على كلامك الجميل

تحياتى

momken said...

كاميليا
ــــــــــــــــ

الشاعره الجميله الى ديما تمتعنا باحلى المشاعر والتفاصيل الدقيقه الى فى منتهى الرقه والعذوبه

اهلا يا فنانه يا جميله
متشكر طبعا على زيارتك
وعلى كلامك الرقيق

تحياتى

momken said...

ساعد نسرين الايمن
ـــــــــــــــــــــــــــ

ههههههههههههه
ماشى
بس لولا ان الرفيق تشيكوف مات قبل انا متولد بكتير كنت قولت انه بخطف افكارى
ههههههههههههه
بهزر طبعا
دانا فسل بالنسبه لعبقرى زى تشيكوف الى كل كتباته روائع

انت شرفتنى ونورتنى
اهعلا بيكى ديما يا ساعد نسؤين الايمن

مع انى مش عارف ايه معنى الاسم
بس ماشى

تحياتى

momken said...

tayer_ya_hawa
ــــــــــــــــــــــــ

يارب يا طاير يا هوا
لو كل الناس عملت بكل الحكم كنا بقينا فى الجنه مش على الارض

تحياتى

walaa said...

عندك حق من حقنا نحلم ونوصل للاحلارمنا بس الحياه متخدش كل طاقتنا وجهودنا وننسى الاخره ويوم الحساب نعمل ليه

تحياتى الى مواضيعك المميزه
ولاء

momken said...

سيكو
ـــــــــــــــ
والله اهم حاجه تشريفك ليا وللمدونه المتواضعه بتعتى

ومتفق معاكى جدا يا سيكو فى كل كلامك

تحياتى

momken said...

walaa
ـــــــــــــــ
اهلا يا ولاء
الله....كلامك حلو اوى وبيرح الاعصاب وبيريح النفس ويخليها مطمانه اوى
بارك الله فيكى يا ولاء

انت فعلا حد جميل جدا
وكلامك منتهى العقل والحكمه

ربنا يزيدك يا ولاء

تحياتى

son's egypt said...

السلام عليكم
الانسان لما بيحسي انه نجح في شئ بيحاول انه ينجح في شئ تاني وده مش عيب
وزلكن اذا كان الشئ الاخر فوق امكانياته
فالنتيجة معروفه
فلازم اللي يضع هدف يكون في مقدورة تحقيق الهدف
الاحاجة التانيه القثناعة ان الانسان يقتنع بالشئ اللي معاه ده كويس ولكن ينقلب الي طمع يكون كل شئ ضاع

basma saghir said...

مهم قوي المبدأ ده خصوصا في هذا الزمن
الناس كلها بقت بتجري ومش عارفين هما بيجروا ليه وعلشان..معاك في اننا لازم نرضى ويبقى عندنا قناعة

عجبني قوي البوست ده

loza said...

ممكن ...


اولا عجبتني جدا جملة لا سقف للطموحات في هذه الحياة ..

فعلا معبرة .. بس أنا مش معاك في ان الطموح مصيدة ..

بالنسبة ليه طموحي هوه أحلى شيء في الدنيا .. هوه الي بيديني دافع اني اعيش .. واستمر وأكافح في الدنيا اني عيزه اوصل لنقطة معينه .. وبمجرد وصولي ليها .. هفرح بيها كتير بس ده مش يعني ان هقف عند النقطة ده ...

أكيد هيكون دافع اني أوصل لطموح أكبر وأكبر .. وده هوه الصراع الي اخنا بنصارع علشانه في الدنيا ده ..

والانسان منغير طموح ملوش قيمة .. زيه زي أي حاجه عايشه مفيش منها فايده .. وبالاخص ان طموح البني آدم الصح ... مبيخصوش هوه لوحده .. اكيد بيعود بالفائدة على غيره ..

بس موقف الشخص الجشع الي في القصة ده مهواش طموح .. ده سامحني على التعبير ..

جشع

وفجع ..

وفراغت عين ..

مش طموح ابدا ..

حشاه والله الطموح منو ..

مش معنى ان أي شخص عايز يوصل لشيء معين نسميه طموح ..


...........

على كل سعيدة بالموضوع .. والقصة حلوه وفيها عبره .. ان الجشع يؤدي للمهالك ..

ويقطم رقبة صحبه ..

هههههههههه

نأسف على التعقيب ..

بس بجد كل احترامي وتقدير .. ليك يا ممكن

semsema said...

بوست اكتر من رائع

فعلا القناعة كنز لا يفنى

والقصة فعلا عبرت عن المعنى

تحياتى

الخيط الرفيع said...

السعادة في الرضا والطاعة وذكر الله

تسلم ايدك

في فرق طببعا بين الطموح والطمع
ولو جينا نتكلم بلغة البلوج بتاعنا

بينهم خيط رفيييييييييييع جدا

الفرق بين : انك تعوز وخلاص بدون اي اعتبارات او انت عاوز ليه او مين هيدفع التمن

وبأنك تكون حاطت اعتبارات اولها رضا ربنا واعمار الارض يعني سقف منطقي اخلاقي بتبنيه بكتاب ربنا والسنه واللي يقدر يكبر في الحدود دي فعلا ملوش حدود يكبر براحته

يمكن كنت افتكست تعريف للطموح عندي في اول موضوع كتبته علي البلوج
بعنوان علمتني الحياة

بيقول : الطموح ارق بالليل وجد بالنهار واول شرارة له تكمن في احلام اليقظة الغير مقيدة
تحياتي لكل حاجة بتكتبه واجي اقراها واسفه لو كنت بتأخر في الزيارة والكتابه
بس انت عارف الحياه

العاشقة said...

أولا أشكرك على تشريفي بالزيارة
...

ثانيا

الأمر يحتاج فقط إلى بعض الموازنة
مابين
اعمل لدنياك كانك تعيش ابدا
واعمل لاخرتك كانك تموت غدا

...

سلامات مسبلات

موناليزا said...

معك كل الحق المهم الرضا

nana said...

تأخرت علينا

الجديد يا عم

rommantic said...

اكيد رئى مش هيهمك بعد كل الارأ دى
لكن انا شايف انه كان صح
هو ملجأش للغش هو مشى يعنى تعب واستحق اللى مشاه لو كان رجع كان ندم لانه مكملش وانا عندى اندم على حاجه عملتها افضل من اندم على حاجه معملتهاش
رئى غريب؟
عامه سلام

أليس said...

السلام عليكم ورحمة الله
استمتعت جدا بالوست
وعجبنى جدا بدايتك للموضوع من ناحية تشوق القارئ الى النهاية ليستفيد بالحكاية
بتفركنى بأبلة فضيلةاللى انا افتقدتها كتير من بعد انشغالى فى شغلى
ماعلينا بس انا بختلف معاك فى ان الطموح دائما يوصلك للافضل ويكون عندك استعداد انك تتفوق وتتميز وتقف على قمة الجبل
فهنك فرق شاسع بين الطمع والطموح مع انهم بيشتركوا فبعض الحروف

la3lahakhier said...

الله الله الله
ايه الحلاوة دى بس
لنا عودة باذن الله
دمت بخير اخى الكريم

mostafa rayan said...

اعتقد ان في فرق كبير بين الطموح والطمع اعتقد انك قصدك الطمع

mostafa rayan said...

اعتقد ان في فرق كبير بين الطموح والطمع اعتقد انك قصدك الطمع

momken said...

son's egypt
ــــــــــــــــــــــ
الله ينور عليك الكلام تمام التمام
فى ناس كتير متصوره انى بقولهم مش عاوزين طموح
وده فهم خطأ انا بقول خلص مرحله واستمتع بيها ثم ادخل على مرحله جديده وهكذا

تحياتى

momken said...

بيسوو

ـــــــــــــ
اهلا يا بيسو منورانى

انتى قلتى بمنتى الشياكه وفى كلمتين الى بقال كتير اوى برغى فيه

تحياتى

momken said...

loza
ـــــــــــــــــــ
اهلا ياحلى لوزة

شوفى ياستى الطموح بيكون مصيده لو لم يترك فرصه للاستمتاع بالنجاحات التى تمت

الى انا بقولك كل ما نوصل لمرحله نقف شويه وناخد نفسنا وندخل على الى بعده

بعد ما نكون استمتعنا واحتفلنا بالنجاح الى حققناه
وقتها بقى نبص حولينا ونعمل خطه جديده لهدف جديد وطموح اخر جديد

يبقى احنا متفقين ياستى

تحياتى

momken said...

semsema
ــــــــــــــــــ
اهلا يا سمسمه والله انتى الى رائعه
متشكر جدا على كلامك الجميل ورائيك على ديما بيفيدنى

تحياتى

momken said...

الخيط الرفيع
ــــــــــــــــــــــ

اهلا بصاحبه الخيط

هو رفيع اه بس قوى جدا متين جدا

كلامك فعلا يستحق ان نقف عنده ونتامله وتستمتع به ثم نستفيد منه الكثير

تعليقاتك فعلا بتعطى للبوست ثقل وكثافه وجمال

تحياتى

momken said...

العاشقة
ــــــــــــــــــــــ

الله الله الله....على التعليق الى ينفع بوست

انتى فعلا عندك حق والبوست القادم انشاء الله بالمعنى الى حضرتك اتكلمتى فيه

تحياتى

momken said...

monaliza
ــــــــــــــــــ
اهلا موناليزا ربنا يكرمك ومتشكر اوى على تشجيعك

تحياتى

momken said...

nana
ـــــــــــــــ
اعتذر عن التاخير
والجيد قريبا جدا انشاء الله

متسكر على السؤال جدا يا نانا

تحياتى

momken said...

rommantic
ــــــــــــــــــــ
رتئيك مهم جدا عندى مهما جانى اراء

كلامك طبعا صح ومقنع جدا

الى انا بقوله ان يجتهد ويتعب ويكون عنده طموح ولكن حين يصل الى الهدف المحدد يتوقف ويستمتع بنجاحه ثم يدخل فى طموح اخر جديد

معايا يا باشا

تحياتى

momken said...

أليس
ـــــــــــــــ

ياولاد ياولاد......تعالوا تعالو

هههههههههههههههه
انا ابله فضيله ماشى يا ماما نجوى

شوفى ياستى
انا معاكى طبعا ان الطمع بيختلف عن الطموح

لكن الى عاوز اقوله ان الواحد يضع هدفه وطموحه فى نقطه معينه وحين يصل لها يتقوف بعض الوقت ويتقط انفاسه
ويسعد ويشكر الله على ما وصل له

ثم يبدا فى وضع هدف اخر
وطموح جديد
ويسعى لتحقيقه

لكن البعض يضع هدف ثم عندما يقترب منه يعدل الهدف ويعدل الهدف ويعدل الهدف
فلايصل للاى شىء فى النهايه كبطل القصه

فهمانى
تحياتى

momken said...

la3lahakhier
ـــــــــــــــــــــــ
حضرتك تنورى فى اى وقت
زيارتك دئما تسعدنا
وترسم ابتسامات عريضه على وجوهنا

متشكر جدا للتشجيع والزياره

تحياتى

momken said...

mostafarayan
ــــــــــــــــــــ
شوف يا رش
انا قولت قصدى فى البوست وهو ده الى بقصده بس برضه هوضح لحضرتك حاجه

الى بقوله بوضوح شديد
ان الواحد يحدد هدف ويطمح للتحقيقه
وعندما يصل لهذا الهدف يتوقف وينضر لما حققه ويحتفل به
وتستمتع بنجاحه

وبعد ذلك يضع هدف اخر بطموح جديد ويسعى الى تحقيقه وهكذا

اما الطماعين
فهم يضعون هدف وعندما يصلون اليه يعدلوا الهدف لهدف ابعد وعندما يصلون للابعد يعدلوا الهدف ويعدلون الهدف ويعدلون الهف ثم لا يصلون للاى شىء فى النهايه

وضحت؟؟؟؟

تحياتى

بنات صاحبة الجلالة said...

ونعم بالله
طبعا الطمع يقل ما جمع الراجل دا مكنش عنده طموح دا كان طماع عايز ياخد اكبر مساحات ممكنة من الارض الطموح ملهاش حدود بس اهم حاجة تبقي في قدر المستطاع رحم الله امرا عرف قدر نفسه
بصراحة كل موضوعاتك جميلة ولذيذة وسعداء اننا متواجدين بين طيات مدونتك

momken said...

ابناء صاحبة الجلالة
ـــــــــــــــــــــــــ
متفق معك جدا فى كلامك
وده الى كنت اقصده بالظبط
انت اكتر حد عبر عن فكرتى بكلمات قليله وبسيطه

انا اسعد بزياره حضرتكم

تحياتى

جسر الى الحياة said...

مش شرط الطموح يرتبط بالطمع احيانا هناك طموح بقناعة فيما يقسمه الله
لكن هناك شىء ربنا خلفه فينا النفس الامارة بالسوء عشان كده مهم نروض النفس دى عشان نحقق التوازن فى الاجتهاد فى الحياة والقناعة والرضا بما نحصل عليه الانسان لازم يجاهد نفسه اولا قبل ما يجاهد فى سبل الحياة
دمت بخير مدونتك هايلة كلها افكار جميلة وعبرة لمن يعتبر
واعتبروا يا اولى الالباب
صدق الله العظيم

momken said...

جسر الى الحياة
ــــــــــــــــــــــــــ

عندك حق فى كل كله ماشاء الله
اكن ما كنت اقصده الا نتطمه فى الطموح
او ان ياكلنا الطموح

فنحن جميعا نطمح فى حياه افضل حتى نشعر السعاده

فاذا تملكنا طمع الحياه بطموحها لن يكون لدينا وقت للاستمتاع بما حصلناه
لاننا سنكون فى شغل جديد

كلمنا متفق جدا وقدى عبرتى عن فكرتى بكلماتى قليله ومعبره جدا

تحياتى

قلم حالم said...

رائع ذلك المعنى

أدام الله عليك نعمة السعادة

momken said...

يسرا
ــــــــــــ
ولك مثل ذلك
يا يسرا
بس سؤال
انتى ليه سيبتى كل البوستس الى فوق وعلقتى على واحد قديم

؟؟؟؟؟؟
تحياتى

عاشــــــ النقاب ـقــــة"نونو" said...

السلام عليكم
كل عام وانتم الى الرحمن اقرب
لعل المانع خير

Anonymous said...
This comment has been removed by a blog administrator.
momken said...

عاشــــــ النقاب ـقــــة"نونو
ـــــــــــــــــــــــــــــ

كل لحظه وانتى فى منتهى الايمان وتنعمين برضا الله عنك

تحياتى

Rachelmgmf said...

السعادة فى القرب من الله ولكن اغلب البشر لا يفهم ذلك والطمع طبيعة انسانية فلو كان للانسان واديان من ذهب لتمنى الثالث تحياتى للموضوع

Unknown said...


شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام