Thursday, May 8, 2008

وصــــفه سحــــريه....للسعاده



كان يا ما كان فى قديم الزمان
وفى مكان غير المكان
كانت توجد احدى العائلات الصغيره
اب وام وابن وحيد
كانت عائله بسيطه سعيده
لايعنيها من يومها الا رضا ربها
وراحه بالها
ياكلون قليل الطعام
ويتفاهمون بقليل الكلام
ويعيشون فى حب وسلام


خرج الاب ذات يوم لطلب الرزق
وانتظرت العائله عوده الاب ولكن طال الانتظار
ثم اتى بعض الجيران فى القريه
بخبر وفاه الاب الحنون
واضطر اصدقائه فى رحله الصيد لدفنه فى مكان بعد
عن قريتهم


حزنت الام حزنا شديدا لكنها سرعان ما اسعادت رشدها
وركزت فى تربيه ابنها الوحيد
لتجد فيه السلوى والبديل عن فراق الاب الحبيب
وعاشت الام مع الابن
وكان نعم الابن البار بامه
فقد كان ايام ينام بلا طعام ويدعى انه اكل بالخارج ليكفى الطعام امه
وليضمن انها قد اكلت حتى الشبع
وكثيرا جدا ما كانت تدعى امه الشبع ليبقى بعض الطعام لفلذه كبدها

رغم فقرهم الشديد
ورغم شده حاجنهم لكنهم كانوا فى منتهى السعاده
كان الابن عندما يعود من الصيد يجلس ليتبادل مع امه اطراف الحديث
وكانوا يضحكون ويتسامرون
ويناقشون هموم يومهم حتى ينسوها ويتغلبوا عليها


ويوما قررت الام ان تزوج ابنها من احدى فتيات القريه
وبالفعل اختارت له اجلمهن
وشرعت فى الاعداد للفرح
والزواج
وتاثيث البيت بما تيسر من المتاع
ولكن وبدون مقدمات مات ولدها
هكذا فجاءه
وهم ممن الذين يؤمنون بان الموت ليس له اسباب
الموت ليس له علاقه بعمر او بمرض


حزنت السيدة جدا لموت ولدها
ولكنها لم تيأس بل ذهبت إلى حكيم القرية
طلبت منه أن يخبرها الوصفة الضرورية لتعينها على النسيان
مهما كانت أو صعبت تلك الوصفة
أخذ الشيخ الحكيم نفسا عميقا وشرد بذهنه
ثم قال:أنت تطلبي وصفة؟ حسنا

احضرى بعض الملح اوالدقيق اوالتراب من بيت لم يعرف الحزن مطلق

وبكل همة أخذت السيـدة تدور على بيوت القرية كلها
و تبحث عن هدفـها من بيت لم يعرف الحزن مطلقا
طرقت السيدة بابا ففتحت لها امرأة شابة
فسألتها السيدة هل عرف هذا البيت حزنا من قبل؟
ابتسمت المرأة في مرارة وأجابت وهل عرف بيتي هذا إلا كل حزن؟
و أخذت تحكي لها أن زوجها توفى منذ سنة و ترك لها أربعة من البنات والبنين
ولا مصدر لإعالتهم سوى بيع أثاث الدار الذي لم يتبقى منه إلا القليل
تأثرت السيدة جدا و حاولت أن تخفف عنها أحزانها
و بنهاية الزيارة صارتا صديقتين
ولم ترد أن تدعها تذهب إلا بعد أن وعدتها بزيارة أخرى ،
فقد فاتت مدة طويلة منذ أن فتحت قلبها لأحد تشتكي له همومها

و قبل الغروب دخلت السيدة بيت آخر

ولها نفس المطلب ولكن الإحباط سرعان ما أصابها
عندما علمت من سيدة الدار أن زوجها مريض جدا و ليس عندها طعام كاف لأطفالها منذ فترة
وام زوجها امراءه عجوز وكسيحه
وتقيم معهم واخو زوجها مات بنفس المرض الموروث فى عائلتهم
وهم يستجدون تاخر الدقائق التى تخطف منهم رب اسرتهم وعائلهم

وسرعان ما خطر ببالها أن تساعد هذه السيدة
فذهبت إلي السوق واشترت بكل ما تملك طعام وبسيط المتاع وبعض الحلوى للاطفال
ورجعت إلي سيدة الدار
جلست معاها بعض والوقت
ثم ودعتها على أمل زيارتها في مساء اليوم التالي
و في الصباح أخذت السيدة تطوف من بيت إلي بيت

تبحث عن طلبات الحكيم
وطال بحثها لكنها للأسف لم تجد ذلك البيت الذي لم يعرف الحزن مطلقا
لكي تأخذ من أهله بعض الدقيق او الملح او التراب
و لأنها كانت طيبة القلب
فقد كانت تحاول مشاركه كل بيت تدخله في مشاكله وأفراحه
وبمرور الأيام أصبحت السيدة صديقة لكل بيت في القرية
، نسيت تماما إنها كانت تبحث في الأصل على طلبات الحكيم فى بيوت القريه
ذابت في مشاكل ومشاعر الآخرين
ولم تدرك قط إن حكيم القرية قد منحها أفضل وصفة للقضاء على الحزن
حتى ولو لم تجد الملح او الدقيق او التراب التي كانت تبحث عنه


انتهت قصتى

اصدقائى
الوصفة السحرية قد أخذتها المراءه يوم دخلت أول بيت من بيوت القرية.
هذه ليست مجرد وصفة اجتماعية لخٌلق معين
لكنها دعوة لكي يخرج كلا منا من أنانيته وعالمه الخاص
ليحاول أن يهب من حوله بعض المشاركة التي تزيد من بهجته في وقت الفرح
وتعزيه وتخفف عنه في وقت الحزن
إلي جانب ان المشاركة لها فائدة مباشرة عليك.. ليس لأنها ستخرجك خارج أنانيتك
ولا لأنها ستجعل منك شخصية محبوبة
إنما لأنها ستجعلك إنسانا سعيدا أكثر مما أنت الآن

اعتذر للتطويل
مع خالص تمنياتى لكم بوافر السعاده فى الدنيا والاخره

157 comments:

Zololkis said...

See Please Here

قلب ينبض لله said...

مش ممكن القصص الجميله اللي انت بتجيبهالنا دي
ولا ممكن علشان اسم البلوج بتاعك ممكن:)

افضل طريقه علشان نخرج بيها من حزننا ووجعنا اننا نساعد الناس ونندمج معاهم في اوجاعهم

تقبل مني كل التقدير والاحترام

Aldenya said...

من شاف مصيبة غيره ,, هانت عليه مصيبته

شكرا على هذه القصه المعبرة

monaliza said...

جميييييييييلة جدااااااا ووصفة هايلة

سكــر said...

له ماشاء الله

القصه جميله جدا

وفعلا من شاف مصيبة غيره

هانت عليه مصيبته

ما عساى الا ان اقول

جزيتى كل الخير عنا

اخيكى احمد سكر

Rainbow said...

لما قريت القصة فهمت الهدف منها بمجرد ما طلب منها الحكيم الوصفة
و لكن وجدت فى اخر القصة تشابة كبير بين القرية و بين المدونات
فزيارتى للمدونات الاخرى تاخدنى من عالمى و ما فيه لعالم اخر احزن فيه و افرح به و ليتنى استطيع انا اساعد و لو بكلمةاقولها فتسعد احد او ترشده

فى انتظارك القصة القادمة لتحملنا لعالم كل شىء فيه " ممكن " .

حمامة said...

هايل يا ممكن
مفيش احسن من المشاركة الواجدانية
انك تحس ان فى حد جمبك ف الحزن
زى ما بيكون جمبك ف الفرح
ربنا يسعدك ويسعدنا جميعاً

لك تحياتي :)

أسرار أنثى said...

منتهى الحكمة و منتهى الإبداع
اسمحلي أن أنقل ما كتبت إلى أمكنة أخرى بعد اذنك
تحيات أسرار

tayer_ya_hawa said...

موضوع هايل بجد وبحس كمان ان مواضيعك وبوستاتك فيها نوع من الترابط جميل يعنى موضع المرة دى مرتبط بالبوست اللى قبله ومقادير السعادة واديك اهوه بتفصلها بأن الناس تحس ببعضها ويكون بينهم مودة ورحمة
وبردو من شاف بلاوى الناس هانت عليه بلوتة بس القصة بتطور الحكاية دى ان مش بس نشوف مشاكل الناس عشان تهون علينا مشاكلنا لألألألأ ونشارك فيها كمان انها تتحل ونساعدهم على الخروج منها
موضوع هايل وربنا يوفقك ان شاء الله

Desert cat said...

القصة دى يا ممكن فكرتنى بالمثل الشهير اللى يشوف بلاوى الناس يهون عليه بلوته
تحياتى لسردك الرائع

بنت مصريه said...

ربنا يكرمك يا رب على الحكم اللى بتبقى ف اخر كل قصه من قصصك
واحب اضيف حكمه كمان هى ان مفيش بيت مفيهوش مشاكل
وكل واحد بياخد نصيبه
واللى يشوف بلاوى غيره تهون عليه بلوته
ههههههههههههههههههه
احييك
وربنا يوفقك

hamssah said...

تحفه تحفه تحفه
ممكن انت عبقري بجد
وانا بقرالك بحس اني طفله لسه بتتعلم اسلوب رائع باحسدك عليه
همسه

Esraa Hamed said...

ياااه كل مرة بزور مدونتك بيزيد اعجابي بيها بجد و بالمعاني اللي بتحاول توصلها في كلامك
فعلا الوصفة اللي قلتها هي احسن وصفة للسعادة
تحياتي ليك
و لمدونتك الرائعة

الفارس الملثم said...

مع نهاية قراءتي للقصه احسست بروعة المعني التي تحمله ..

قمة السعاده التي يمكن ان يحصل عليها الانسان في تمكنه من منح السعاده للاخرين والاحساس بالحب والامتنان في عيونهم

والخروج من دائرة الانانيه الشخصية لدائرة الاحساس باوجاع الاخرين والتخفيف عنهم

تسلم ايدك علي هذه المعاني الرائعه


تحياتي
محمد

Anonymous said...

عزيزى ممكن انا اسفه لو كنت تعديت حدودى لكنى لما طلبت تفاصيل عن حضرتك فلان ده مش واضح فى البروفيل
ولما طلبت الميل ده كان علشان التواصل
لانى مش بدون ومعنديش اكونت على بلجر
فعلشان كده
طلبت الميل وحبيت اعرف ياترى الى بيكتب الحجات دى ولد ولا بنت علشان اكون فهمه

الموضع حلو اوى بيكمل اموضوع الى فات
بس انت حيرتنى فى السعاده
هل هى فى الاقبال على ذكر الله
ولا السعاده فى الحفاظ على الرشتين مهما كان معناهم
ولا السعاده فى المشاركه
؟؟؟

نون

نهر الحب said...

اللى يشوف الم غيره يهون عليه الالمه

بوست حلو

بالتوفيق

son's egypt said...

السلام عليكم
السعادة ليست في المال فقط
السعادة براحة البال ومشاركة الاخرين في افراحهم واحزانهم

semsem said...

الله عليك يا ممكن
انت كده معاك كل الوصفات السحريه للسعاده
جميل جدا
قوى خالص
يارب يارب
يملا حياتك كلها سعاده وفرح
بس ساعتها افتكر ان انا اللى دعتلك
وادعيلى
يارب يارب ما يحرمنى من حواديتك الجميله اللى كلها وصفات سحريه

ومتتاخرش علينا بعد كده


تحياتى لشخصك الجميل جدا

Rania said...

اصبحت اعرف اخى العزيز ان كل موضوعاتك الاتيه و الماضيه عن وصفات للسعادة او عن معنى السعادة فى حد ذاته
هل هذا الامر مقصود؟

و ان كان مقصودا فمدونتك اخى حقا تبعث عليا الامل و التفاؤل
فكان المعنى وراء هذه القصة حقا رائع

تحياتى

Eno said...

السلام عليكم

الحدوته حلوه اووووووووووي كالعاده
بس ياترا هو في سعاده كامله او مستمره في الدنيا؟؟

ياترا ايا كان الشئ المسبب للسعاده بيجي وقت وبينتهي ومعاه بتنتهي السعاده؟
علي فكره ده سؤال مش وجهة نظري

تحياتي ليك :)

semsema said...

بجد بوست رائع
وفكرتك وصلت فى صيغة جميله
لو كل واحد مننا عنده حاجه فى حياته خلته حزين مش هيقدر يبقى سعيد وراضى الا لما يشوف حياة الناس التانية
تحياتى

بيسوو said...

الي يشوف بلاوي الناس تهون عليه بلوته..مش كدة؟

بس لأ..الي يشوف بلاوي الناس ويحاول يخفف عنهم وان كان معندوش حلول جذرية للبلاوي دي..بينسى بلاويه ويحس ان حياته ليها فايدة وانه مش عايش لنفسه بس

النظرة الاشمل للحياة ولما نعرف اننا مش لوحدنا الي بنتألم..اعتقد دي حاجة بتخلينا نقدر نستمر

بيسوو said...
This comment has been removed by the author.
.:.-=- ELGaZaLy-=-.:. said...

القصة جميلة اوى اوى بجد والوصفة جديدة...

appy said...

بجد حكمه جامده منه
وفهمتها من ساعه ما قال لها يا ريت دايما نبص على الناس وهنلاقى حياتنا ابسط

كوارث said...

ما شاء الله
موضوع عالي جدا جدً جدًا
دماغك عالية جدًا
الله يوفقك

buffy said...

gmel elpost dah f3ln kol wa7d 3ndo mshaklo f 7yato 3rfa ahm 7aga en ykon 7d m3ak to get over it share oue problems may b we get better just by share it lovely post

Hadota .. حـدوتة said...

الحكمة يا ممكن فى قصتك فى قمة البلاغة
انا عاوزة اقولك انى وانا بقرا القصة فى الاول بقيت عمالة اقول يا ساتر يارب
معقول الواحد ممكن يحصله له كده
حطيت نفسي مرة مكان الزوجة ومرة مكان خطيبة ابنها
احاسيس صعبة اوى بجد


وقلت لنفسي فعلا اللى يشوف بلوة غيره تهون عليه بلوته

طبعا تفاعلت مع القصة اكتر لما الراجل قالها روحى بيت مفهوش مصايب

وقلت لنفسي للمرة التانية ... هو فيه حد خالى من الهموم ؟؟؟


فعلا يا ممكن
كل يبكى على ليلاه

والمفروض الواحد لما يشوف الحاجات اللى يتحصل حواليه دى يتعظ ويحمد ربنا فى كل ثانية على نعمه اللى حوالينا فى كل حاجة واحنا مش حاسين بيها

الحمد فى حد ذاته هيقرب العبد من ربه ويشعره بسعادة ملهاش حدود

كمان لازم الانسان حتى فى الابتلاء والاحزان يفرح ان ربنا بيفتكره وبيبتليه عشان يخلصله ذنوب ويديله حسنات ويختبر قوته على الصبر

ويؤمن ان اى شيء بيحصل للانسان هو قضاء وقدر

عشان ربنا ادالنا حاجات كتير حلوة حوالينا ولا هو الانسان ميفتكرش ربنا الا فى الاحزان وبس؟؟؟


معلش يا ممكن ان كنت طولت عليك ولا اكلمت كتير ولاخرجت عن الموضوع

بس موضوعك فعلا جميل وممكن يفتح مليون ألف حوار تابع للنقط دى بس



تحياتى يا ممكن

lolla said...

قصة رائعة يا ممكن

اه نسيت ... اولا . ابتليكم بالمصاءب لاطهركم من المعايب .. دى جملة من حديث قدسى .. انا مش حفظاه كله لكن هبقى اجيبهولك كله ان شاء الله لانه طويل


ثانيا .. مفهوم السعاده رائع .. خلاصة الامر ان الواحد يتخلص من انانيته .. سمعت قبل كده ان عمر الشخص اللى بيعيش لغيره بيمتد بعمر كل شخص اخد بايده او ساعده .. او حتى رسم الابتسامة على وجهه .. حتى بعد مماته

وربنا يقدرنا دايما على فعل الخير للجميع

بارك الله فيك يا ممكن

la3lahakhier said...

السلام عليكم
مدونتك جميلة جدا على فكرة
وصفاتك سسسسسسسسسسهلة وهايلة المهم التنفيذ
اشكر لك مرورك

روح شرقيه said...

كل ما ادخل المدونه بحس انى بتحول من العالم اللى انا عايشه فيه لعالم اجمل وكله تفائل
بكلماتك يا ممكن بتسرق العقل لبوابه عالم اجمل مما نعيشه عن جد انا الكلمات عجزت بداخلى ان تصف ما اشعر به حينما ادخل مدونتك الرائعه فكل كلمات التهانى والحب والشكر الاعجاب بما تكتب والامانى وغيرها من المشاعر ليست الا قليل مما اكنه لك
شكرا لوجودك دائما

nana said...

حكاية جميلة ومعبرة

واللي يشوف بلاوي غيره تهون عليه بلوته
مش كده يا ممكن

اهلا بيك بعد الغيبة الطويلة

البنت الشلبية said...

هههههههه عجبانى اوى الصورة تحفة

البنت الشلبية said...

لسه هقرا البوست واقولك رأيى

el_assel said...

اكيد لو كل واحد يعمل كده
حنكون في مجتمع مثالي
المدينة الفاضلة
ناس بتحاول تخرج من حزنها بمساعدة الاخريين
مين دلوقتي بيعمل كده
ياريت والله
ساعتها فعلا مش حيكون في حزن
وساعة الحزن حتلاقي كل من ساعدتهم واقفين بجدانبك يهونون عليك لحظة الحزن اللي بتعيشها


يارب


سلاماتي

رئيس جمهوريه نفسى said...

الى بيشوف بلاوى الناس تهون عليه بلوته احيانا مشاركتنا الغير فى احزنهم بتنسينا همومنا ولكن انى احنا نقعد فى مكانا بدون حراك نجترع الاحزان فى صمت حنزود همومنا
على فكره اول كومنت فايرس ياريت تدلتيه

ليكوريكا said...

مقدرش اقول غير اني بجد استمتعت بالابوست ده

رسالتك وصلك

واشكرك من كل قلبي

ليكوريكا

dr.Roufy said...

استمتع دائما بقصصك تلك
ومعانيها عزيزي
عافانا الله من الدنيا ومفاوز أحزانها

سكينة said...

كلنا عارفين أننا لن ننجو من الأحزان مهما تفلحسنا طالما نتذكر قول سبحانه خلق الإنسان في كبد
الحمد لله دائما وأبدا
عارفين لكن ساعات ساعات يعني مش اكثر بنستهبل وممكن نكون بننسى ومن ضمن ما ننسى أن للعطاء لذة تجدد الهمة
أبعد الله عنك الهموم والأحزان

مواطن زهقان said...

جميله جدا القصة دى
تسلم الايادى

momken said...

قلب ينبض لله
ــــــــــــــــــ

اهلا وسهلا باول تعليق
فرحت اوى لما شوفت تعليقك عندى فى الاول اصلا اسم البلوج بتاعك مفرح ومريح وجميل
انا بشكرك على كلامك الجيل الى ميخرجش الا من شخص اجمل بكتير
تحياتى

momken said...

Aldenya
ــــــــــــــ
عندك حق
ربنا يكفينا جميعا شر المصائب
ومتك بالصه والسعاده

تحياتى

momken said...

monaliza
ـــــــــــــــ
والله انتى الى جميله
ربنا يكرمك
متشكر على رائيك

تحياتى

momken said...

سكــر
ـــــــــــــ

الف شكر يا احمد على كلامك الجميل ووتشجيعك

تحياتى

momken said...

Rainbow
ــــــــــــ

عندك حق
انا من رائيك اى اى تجمع ممكن يمكننا من المشاركه فهو فرصه ذهبيه للحصول على السعاده من خلال مشاركه الاخرين مشاعرهم

وايضا اعتقد انه يضيف الى حياتنا حيوات كثيره من خلال مشاركه الاخرين حياتهم

تحياتى

momken said...

حمامة
ـــــــــــ

عندك حق لكنى افضل المشاركه الوجدانيه والحسيه معا
لتكتمل المشاركه
متفق معاك جدا جدا
انتى ديما منورانى
وبتتهمنى انى مش بزورك ودى اضطهاد
وتهمه انا برىء منها جدا

تحياتى

momken said...

أسرار أنثى
ــــــــــــــــ
متشكر على رائيك واتفضلى ياستى انقلى برحتك بشرط الحفاظ على حق الملكيه الفكريه
بمعنى اذكرى انها موجوده فى مدونه ممكن
لو تسمحى
وطبعا كلامى كله انا بعتبره صدقه
لوجه الله
تحياتى

momken said...

tayer_ya_hawa
ــــــــــــــــــ

متشكر اوى على كلامك وتحليلك الجميل الوافى
كمان بشكرك على تشريفك ليا بالزياره الجميله
ومتشكر اوى اوى على رائيك وتشجيعك

تحياتى

momken said...

Desert cat
ــــــــــــــــــــ

قطه الصحراء الشرسه والمتمرده والتى تابى الترويض
اهلا بيكى
وبارائك الجميله الى بتعجبنى جدا
شكرا على كلماتك ورائيك
تحياتى

momken said...

بنت مصريه
ــــــــــــــــــــ
دعواتك جميله اوى يا مصريه تسلمى ياستى وامين انشاء الله
وكلامك جميل وحكتك مقبوله

انتى مهضومه كتير على رئاى اللبنانين

تحياتى

momken said...

hamssah
ـــــــــــــــــ
ازيك يا همسه
ياستى ربنا ميحرمناش من كلامك الى زى السكر
وهمسك الى اجمل من كل الكلام

متشكر اوى يا همسه على كلامك وتشجيعك
تحياتى

momken said...

Esraa Hamed
ــــــــــــــــــ
متشكر جدا يا اسراء
ربنل يكرمك ياستى
كلامك اخجلنى جدا
وانتى ديما بتشرفينى وبتنورى المدونه المتواضعه

تحياتى

momken said...

الفارس الملثم
ـــــــــــــــــــت

متشكر جدا يابو حميد على الكلام الجميل ده
الى ميخرجش الا من شخص نقى وقلبه ملىء باضواء الصفاء

ربنا يكرمك ويسلم لسانك ياسيدى

تحياتى

momken said...

Anonymous
ــــــــــــــــــــ
العزيزة نون

لم اقصد ابدا احراجك فى المره السابقه
بالعكس انا فقط حاولت التعبير عن رائى بطريقه ربما تكون حازمه بعض الشىء
وان كان على نوعى فانا لازلت متمسك برائى بانه لا يهم
لان ما يهمنى هو فكرى
واعتقد ان فى موضوعاتى العاطفيه
يكون كلامى موجه لانثى مش لذكر

السعاده ياستى هى فى كل الاشياء دى
فى تغذيه الروح وتغذيه العقل والبدن
السعاده فى كل بوستات السعاده فى كل النقاط وفى غيرها طبعا
وفقك الله للسعاده فى الدنيا والاخره

تحياتى يا نون

الا صحيح هو احنا نعرف بعض
؟؟؟؟

momken said...

نهر الحب
ـــــــــــــ

اه صح
بنقولها فمصر الى يشوف بالوة غيره تهون عليه بلوته

تحياتى

momken said...

son's egypt
ــــــــــــــــ

تمام
هو ده الكلام
المال ربما يكون مصدر الشقاء
وليس السعاده
لكن الحفاظ على المال والعمل على زيادته تحتاج الى الكثير من الجهد والتفكير
وتحملنا الكثير من الهموم
ومعها تهرب السعاده

تحياتى

momken said...

semsem
ــــــــــــــــ

سمسم الجميله ملكه الالوان والرقصات
ازيك يا سمسم
تعرفى انا مجرد ما بشوف اسمك ببتسم اوى
لانك فعلا انسانه مرحه ودمك زى السكر ومدونتك مليانه تفائل وامل وسعاده

انا بعتقد ان هى دى رساله الفنان

تحياتى

momken said...

Rania
ـــــــــــــــ

عزيزتى رانيا
تستحق منا السعاده ان نبحث عنها
وان نتعب ونشقى عليها
فربما نجد يوما السعاده فننسى كل التهب والشقاء

تحياتى

momken said...

Eno
ـــــــــــــ

انا بعتقد ان السعاده لا تنتهى
لكن الذى ينتهى هو الموقف الذى تسبب فى السعاده
وعندما ينهى موقف يبداء موقف جديد يضفى علينا سعاده جديده

لكن سعاده القلب وفرحه لا ينتهى ابدا

تحياتى

momken said...

semsema
ـــــــــــــــــــ

سمسمه
كلكتين منك لخصوا كل الى انا عمال ارغى فيه يجى سعتين
تحياتى

momken said...

بيسوو
ـــــــــــــــــــــ

الله الله الله
على التعليقات الجامده الى بتنعش الدملغ وتفتح المخ
هو ده الكلام الحلو الى بيعمل دماغ زى احلى مج نسكافيه بلاك الساعه تلاته بعد الظهر

يسلم لسانك
متعك الله بالعقل الرجح

تحياتى

momken said...

.:.-=- ELGaZaLy-=-.:.
ـــــــــــــــــــــــــــــــ

الف شكر على رائيك
انت ديما منورانى
وبتفدينى رائيك
تحياتى

momken said...

appy
ـــــــــــــ

اهلا يا اابى
انتى منورانى بكلامك ورائيك
وكلامك بيضيف كتير اوى لشخصى البسيط
ولمدونتى المتواضعه

تحياتى

momken said...

كوارث
ــــــــــــــــ
ربنا يكرمك يا سيدى
ويزيدك ادب واخلاق
متشكر على تشريفك وكلامك الرائع

مش قادر اقول الى زيك
اصل مافيش كوارث رائعه
تحياتى

momken said...

buffy
ـــــــــــــ

انا معاكى يا دكتور ان المشاركه ان الناس تكون جنب بعضها يخليها احسن وبينسيها اكبر المشكلات مهما كانت ضخمه
الناس يخفف عن بعضها
خصوصا لو الحب هو الى بيجمعهم
تحياتى

momken said...

Hadota .. حـدوتة
ـــــــــــــــــــــــــــ

حدوته
اهلا بسيده الحواديت سبقا
وحدوته للانتاج والتوزيع حاليا
ده على اساس الافلام الهيله الى بتشرحيهلنا بوجه نظرك وبتفرجينا عليها بعيونك

انا متفق معاكى يا ستى فى كل كلامك
وبايدك بكا سواعدى
بشركك وجدانيا وحسيا فى افكارك الجميله
تحياتى

momken said...

lolla
ـــــــــــ

اهلا يا لولا
اه انا قريب حديث زى ده ضمن الاحاديث الضعيفه
واتفق معاكى جدا ان حياتنا تمتدد بحيوات كتير بمشاركتنا الاخرين حياتهم

انتى بتنورينى
وبتدعمى المدونه ديما بارائيك الجميله

تحياتى

momken said...

la3lahakhier
ـــــــــــــــــــ

اشكرك لمرورك
ومتشكر على الاطراء الجميل

تحياتى

momken said...

روح شرقيه
ــــــــــــــــــ

ازيك يا روح
والدنيا عندك عامله ايه
سيبك انتى عاوزك تطمنينى عليكى
وعاوز اعرف هتنزلى فى سبعه ولا هتتاخرى عندك

ابعتيلى اخبارك

تحياتى

momken said...

nana
ــــــــــــــ

ايوة كده ونص يانانا
متفق معاكى جدا
بس ياريت لما يشوف بلاوى الناس يحاولى يخفف عنهم
ويساعدهم
ويعزيهم
او يهنيهم
اقصد يشاركهم يعنى

الله يسلمك يا نانا

تحياتى

momken said...

البنت الشلبية
ــــــــــــــــــــــ

اهلا يا شلبيه
الصوره ياستى اعتبريها هديه
وكتير كمان احلى منها
من عنيا
ومنتظر رائيك فى البوست

تحياتى

momken said...

el_assel
ــــــــــــــــــ

عندك حق يا اصيا
الناس للناس على رائىى المثل
وربنا لما نادى على الخلق ديما كان بيناديهم بادوات الجماعه والفاظ الجماعه
ايها اناس
يا ايها الناس
المؤمنون
المتقون
من المؤمنين رجلا
يا نساء النبى
ديما بصيغه الجمع
وقال وجعلناكم شعوبا وقبائل لتعارفوا
صدق الله العظيم

تحياتى

momken said...

رئيس جمهوريه نفسى
ـــــــــــــــــــــــ

متفق معاك جدا يا سياده الرائيس
انا كمان بضيف انه من احيانا
دى دائما المشاركه بتحل كثير من المسكلات
ودائما بتمنح السعاده
متشوف انت بتكون مبسوط وسعيد فى وسط الصحابك ازاى
صح ولا لاء


تحياتى

momken said...

ليكوريكا
ــــــــــــــــــــ

ولو انى فشلت فى انى افهم معنى اسمك
لكن بشكرك جدا على مرورك
وعلى كلامك الجميل

تحياتى

momken said...

dr.Roufy
ـــــــــــــــــ

متشكر اوى يا دكتور
على زيارتك
وتشجيعك
ورائيك الجميل
وطبعا على دعائك الى مقدرش استغنى عنه ابدا

تحياتى

momken said...

سكينة
ـــــــــــــــ

متعك الله بالسعاده وسكينه القلب
كلامك مليانه سكينه
وهدؤ
وعقلانيه
وايمان
ماشاء الله

تحياتى

momken said...

مواطن زهقان
ـــــــــــــــــــ

عندك حق
ربنا ياسيدى يبعد عندك الزهق واسبابه ان شاء الله
متفق معاكى جدا فى كلامك
انت ديما منورانى
وريئك بيشجعنى جدا


تحياتى

الصقر الجارح said...

اولا السلام عليكم
ثانيا البوست جميل اوى
ثالثا هو ممكن يبقى فى حد كده دلوقتى
اللى جوزها بيموت لاتعد تصوت وتولول بعد كده تتجوز على اد ما فى القصه ديه من احزان الا ان فيها تحس بدفء من المشاعر الحلوه اللى بانت وسط السطور
بس للاسف المشاعر ديه مش موجوده

Salwa said...

ذابت مع الآخرين

جميله جدا جدا جدا

دمت بكل الخير

سمراء said...

معادلة غريبة
الفرح لما تتقاسمه مع الناس يزيد والحزن لما تتقاسمه مع الناس يقل

اشكرك على مرورك
سمراء

مثلية said...

والله قصصك جميلة جدا بجد
ومشاركة الانسان في الحزن والفرح دليل على الانسانية بجد دروس كتير عرفتها من القصص دي
وفعلا كل واحد جواه اللي مكفية

الآء said...

رائعه قصتك عزيزي ممكن بما تحمله من معني جميل
وهو الخروج من عالم النفس للشعور ومساعده الغير للوصول الي السعاده ونسيان الاوعجاع

تحياتي لك ولقلمك الفلسفي المبدع

ايوية said...

المثل الشعبى بيقول الى يشوف بلاوى الناس تهون علية بلوتة
فعلا من منا يخلوا من الهموم ولكن الحياة يجب ان تستمر بتكاتفنا وتعاطفنا
تحياتى

سنووايت said...

هي فعلا وصفة سحرية
القصة جميلة ومعناها اجمل

زُمُرده said...

ازيك اخبارك ايه

انت فين بقى؟؟
تخيل اني قريت البوست ده كذا مره كل ما لآجي اشوف في جديد ولا لأ
وقلت اما اشوف ردك عليا
لقيتني معلقتش اصلا
معرفش بقى هل علقت وراح التعليق ولا النت هيس ولا يومها وقتي مكفاش

مش عارقه الزهايمر بتاعي ده نهايته ايه

-------------
مصر تتكلم عن السعاده وشوقتني ليهالأني غصب عني غايبه عن حاجات كتير بتسعدني خصوصا لما تشيل هم غيرك وتدفى بقرب اصحابك

بتمنى الناس تدرك مهنى السعاده وطريقها زي المرأه في بوستك
على فكره بحب اسلوب الحكايات ده اوووووووي

طمني عنك ومتغبش كتير
سلام

منى said...

هى دى مدونه البحث عن السعاده

اسعدنى معرفه مدونتك
واشكرك انك جعلتنى اعرفها
تحياتى

blue-wave said...

الله حلوة اوى يا ممكن

Anonymous said...

قالت له احبك وكانت ضريره فمنحاها عينه وحين رأت الدنيا بشكل اوضح اكتشفت وجود اخــرين اجمل منه فعشقت رجلا غيره .... قـــالت له احــبـــك وكانت تزرع فى صباح كل يوم ورده حمراء فى طريقه وكان يقطف الورده فى مساء اليوم ذاته ليهديها لامرأه اخـــرى قال لها احبـــك .... قالت له احبـــك فانت افضل رجل قابلته فى حياتى فوثق بها ثقه عمياء ومنحها بلا حدود وفى غمره سعادته بها انسحبت من حياته كقطط الليل فاكتشف انه اغبى رجل رأته فى حياتها ..... قالت له احبك وخشيت لن يقتلها رده وارتاحت لتاخر الرد فتاخر عليها فى الرد كتيرا فقتلها الانتظار

sendbad said...

كل قصة بمعني كل بوست ليه قيمة
تمنياتي لك بالسعادة والاستمرار في الخط اللي انتي ماشي ده في بوستاتك
لك تحياتي

semsem said...

ياااااااااااااااه
ايه الاحساس العالى دي
القصه جميله
والتعليق اللى بعدها ولا اروع
بجد تحفه
فعلا حاسه بامل كده وشعور جميل

Anonymous said...

حس بيا حسني عايزة حضن يضمنى
يجرى ايه لو جيت في يوم حنيت عليا سألتني
ليه هملني ليه ناسيني ليه سايبني ليه راميني ليه بايعنى ما تيشتريني خاف عليا حبني
الف مرة بقولها ليك ليه مضيع املي فيك خالي بالك غاب سؤالك حد غيرك حبني
انت دايما مش حاسسني انت دايما مش قصداي
والحنان طبعا ناقصني غصب عنى الوقت فاضي
الف مره بقولها ليك ليه مضيع املي فيك
خالي بالك غاب سؤالك حد غيرك حبني

momken said...

الصقر الجارح
ـــــــــــــــــــــ

اهلا يا حمام
ممكن ياحمام تكون صوتت وولولت بس قبل انا ماكتب البلوج وانا مخدتش بالى

اه ياعم فى ناس كده الايمان بيخلى الناس اعلى وارقى

انتى منورانى بعد طول غياب

تحياتى

momken said...

Salwa
ـــــــــــــــ

متشكر جدا على زيارتك ولك كل الخير ان شاء الله

تحياتى

momken said...

سمراء
ـــــــــــــ

حلوة المعادله دى
وحكيمه جدا
اول مره اخد بالى من الحكايه دى
تحياتى

momken said...

مثلية
ــــــــــــــ
عندك حق كل شخص جواه الى مكفيه وزياده
شكرا على رائيك وزيارتك

تحياتى

momken said...

الآء
ــــــــــــ
اهلا يا الاء يا صاحبه اجمل همسات
ياستى ربنا ميحرمناش من ادبك وذوقك
وكلماتك الرائعه

تحياتى

momken said...

ايوية
ــــــــــــــ
اه فعلا المثل الشعبى بيقول يا مامنه للرجال يا مامنه للميه فى الغربال

مش عارف ايه علاقه المثل بتاعى ده بس اهو الى حفطه

عندك حق طبعا يا ايويه
المشاركه والتعاون والانخراط مع الغير بيسهل المشوار وبيخفف الحمل شويه

رائيك جميل اوى

تحياتى

momken said...

سنووايت
ــــــــــــــــ
سنوايت.....دانا اعرفك من وانا اد كدهوة فاكرانى كنت بشوفك فى سينما الاطفال يوم الجمعه
ههههههههههههههه
انتى منورانى يا سنو جدا وكلامك جميل وعاقل اوى

تحياتى

momken said...

ايووووة
اخيرا يا زمرده ظهرتى
دانا كنت هنزل اعلان فى الجرنال
وقول زمرده تايهه ياولاد الحلال
ببلوزة نايلون على جيبه ترجال

هههههههههههههه
حمدالله على السلامه يامتر ولا يا افوكاتو؟؟؟
فينك ياستى ولا باينه فى مدونتك ولا فى اى مكان
يكونش جالك عقد احتراف فى مالى

عندك حق نا طول فى موضوع السعاده ده اوى
بس لاقتى بقول كل احتياجات الانسان بتكون عباره عن وسائل
اه مجرد وسيله لتحصيل السعاده
وهى الوحيده الهدف
يعنى الى عاوز فلوس والى عاوز يتجوز والى عاوز يحب والى عاوز عربيه والى عاوز شقه
كل دول بيتمنوا لما يحصل مرادهم يكونوا سعداء

انتى منورانى

تحياتى

momken said...

منى
ــــــــــــ
الكل يبحث عن السعاده يا منى
وارجو انها تكون دلتك على ادى طرق السعاده

انتى ديما منورانى وانا الى سعيد بمرور حضرتك

تحياتى

momken said...

blue-wave
ـــــــــــــــــــ
متشكر يا دكتور عمرو
ايه يا عم فين الاغنيات الجديده
على فكره فى ناس مهمين بيقروا المدونه بتعتك كمان مره
ناس مطربين
بس هما قالوا انهم محتاجين يقروا تانى

تحياتى

momken said...

Anonymous
ــــــــــــــــــ
ماشى طبعا الكلام كلامى
بس انت مين وجبته منين ومش عاووز تقول اسمك ليه
هو كلامى عاوره ولا حاجه؟؟؟

تحياتى

momken said...

sendbad
ـــــــــــــــــ
متشكر يا سندباد
ابن الصعيد الاصيل
ابن الناس الطبين
كلامك له قيمه كبيره عندى يا سندباد لانك من الناس الى بحترم دماغهم وكتباتهم جدا

تحياتى

momken said...

semsem
ــــــــــــــــــ
والله انتى عيونك جميله وبكده بتشوفى كل حاجه جميله
متشكر اوى على كلامك الرقيق جدا يا سمسم
زيارتك ليا دى اجمل حاجه فى المدونه
تحياتى

momken said...

Anonymous
ـــــــــــــــــ
ايه الكلام الجامد ده
كنت هعيط عجبك كده
ياعم متعمل بلوج طالما كتبتك حلوة كده
دى تنفع اغنيه لتامر حسنى
ونطلع معاه ( نور ) وبيانو

الكلام جميل اوى
بس كان اسمك او اسم البلوج يسعدنى اكتر

تحياتى

رئـــــيسـة حزب الأحلام said...

فعلا السعادة تاتى عندما نشارك الناس احزانهم ونساعدهم والذوبان داخل هموم الناس
دمتى بخير

احساس لسه حى said...

عزيزى

الوصفة دى اسمها الرضا

الرضا بما كتبه الله لنا مهما كان

نزعل اه نغضب اه نبكى اه نحزن اه

لاكن لازم نحس بالرضا باللى مكتوب

ممكن اكون ملونير وغنى بس ببص للاغنى ومش راضى واكون تعيس

وممكن اكون فقير وغلبان وراضى بالمقسوم هكون اسعد الناس

والرضا مش معنا قبول دنيتنا ومش محاولة تغيرها

احنا نحاول تغير اللى مش عجبنا فى دنيتنا

بس نرضى باللى اتغير ونقبل اللى مش عاوز يتغير

القصة حلوة

لان بجد مفيش حد مشفش حزن ومشفش فرح برضوا

وربنا يصبر اى موجوع على وجعه

تحياتى

سلام

احساس لسه حى said...

عزيزى

الوصفة دى اسمها الرضا

الرضا بما كتبه الله لنا مهما كان

نزعل اه نغضب اه نبكى اه نحزن اه

لاكن لازم نحس بالرضا باللى مكتوب

ممكن اكون ملونير وغنى بس ببص للاغنى ومش راضى واكون تعيس

وممكن اكون فقير وغلبان وراضى بالمقسوم هكون اسعد الناس

والرضا مش معنا قبول دنيتنا ومش محاولة تغيرها

احنا نحاول تغير اللى مش عجبنا فى دنيتنا

بس نرضى باللى اتغير ونقبل اللى مش عاوز يتغير

القصة حلوة

لان بجد مفيش حد مشفش حزن ومشفش فرح برضوا

وربنا يصبر اى موجوع على وجعه

تحياتى

سلام

drpharma said...

القصه معبره قوي ربنا يوفقك

momken said...

رئـــــيسـة حزب الأحلام
ــــــــــــــــــــــــــــــ

متفق معاكى جدا يا حضره الرئيسه
الا صحيح الحزب باعك البرنامج الانتخابى بتاعه ايه
والواحد لما يحب يروحه لازم ينام برضوا
ولا ينفع يروحوا صاحى

انتى نورتينى وشرفتينى

تحياتى

momken said...

احساس لسه حى
ـــــــــــــــــــــ

تسلم ايدك
نسال الله ان يرضينا ويراضينا
ويرضى عننا ويجعلنا من الشكرين
انه ولى ذلك والقادر عليه على رائى الشيح حسان

انت منورنى وكلامك جميل
ماشاء الله

تحياتى

momken said...

drpharma
ــــــــــــــــــ

ربنا يكرمك يا دكتور فارما
ويعينك على الفارما ياعم

تحياتى

Eman Eltaher said...

فعلا بجد قصة جميلة
و واضح انها مش قصة واحدة
انه المدونة كلها قصة متميزة

تستحق التقدير و الاحترام

شكرا بجد عليها و سعيدة انى اتعرفت عليها


و ان شاء الله يدوم التواصل

تقبل تحياتى

امل said...

قصة جمييييلة قوي
ومليانه عبرة
المدونة كلها مريحة نفسيا
ومواضيعها رائعة
ربنا يوفقك
خالص تحياتي وتقديري

المخبر العام said...

فيه قصة قريبة تحكي عن أن أحد الصالحين عندما أتته الوفاة ..وأراد ألا تحزن أمه قال لها اصنعي طعاما للنساء ..ولا تأكل من فقدت ولدا منهن

nonoymm said...

السلام عليكم
انا في منتهى السعادة بطلتك عندي في مدونتي لانها عرفتني مدونة في منتهى الروعة والجمال فعلا القصة مبهرة والدعوة اللي فيها اروع يا ريتنا فعلا نعمل بيها هو دة طريق السعادة الحقيقي
اعزكم الله وارجو دوام التواصل وباذن الله ساتواصل
تحياتي وتقديري
معلش اول تعليق فايروس او هاك ياريت تمسحه علشان اللي مش عارف لحسن يضر حد
ودي

تــــــــــ(حـنة)ـــــــر said...

مشاء الله كان و لما لم يشئ لم يكن

السعادة شئ جميل كلنا بنجرى عليه لكن لو نعرف انها نسبية كنا اكتشفنا بسهولة خالص ان كلنا سعداء
تحياتى
لسيادتك يا ممكن

قوس قزح said...

ممكن هو ممكن تقبل تاج منى ؟؟

sn0wna said...
This comment has been removed by the author.
sn0wna said...
This comment has been removed by the author.
Sally said...

بجد بجد جميــــــــــــــلة جدااااااا
فكرتنى بحكايات أبلة فضيلة
بس مغزاها هايل
ياريت نقدر نبقى كده
وننسى التقوقع على نفسنا شوية ونعيش فى قلوب الناس

دمت بخير اخى الفاضل
سالى

همسات دافئه said...

عارف بقى انا لو من مكان الحكيم والست ده سألتنى هانصحها بايه
.
.
.
هقولها ادخلى البلوج بتاع ممكن
جميله قصتك:))
ووصفاتك كلها سحريه
تحياتى
شيماء:)

loza said...

بارك الله فيك يا ممكن معنى رائع بجد ..


بس عندي تعقيب الصوره تحفة ..

ههههههههههه
ربنا يفتح عليك

momken said...

رئـــــيسـة حزب الأحلام
ــــــــــــــــــــــــــــ

متفق معاكى تماما تسلك ايدك
المشاركه تعنى الجماعه والجماعه هى ما امرنا الله به
والتى شرفها بان جعل يده سبحانه مع الجماعه

تحياتى

momken said...

احساس لسه حى
ـــــــــــــــــــــ

برافو عليك
الرضا هو اساس السعاده لان الرضا هو الاصل فى راحه البال والاستقرار
وراحه البال ثمارها الاساسى هى السعاده
ربنا يراضينا ويرضى عنا لنرضى

تحياتى

momken said...

Eman Eltaher
ــــــــــــــــــــ

اهلا يا ايمان اشكرك على زيارتك العزيزة وعلى كلامك المشجع جدا
ومتشكر على رائيك فى البوست

انتى الى حد متميز جدا
الا صحيح مين الى فى الصوره دى؟؟؟

تحياتى

momken said...

امــــــــل
ـــــــــــــــــــــ

اشكرك جدا
هو الشخص الجميل بيشوف كل شىء جميل
كمان مفرداته غصب عنه بتكون مفردات جميله ومنتقاه
وانتى من الناس دى
زيارتك مهمه جدا عندى
وكلامك هو النبع الحقيقى للتدوينات القادمه

تحياتى

momken said...

المخبر العام
ــــــــــــــــــ

هو الحكيم او الصالح افترض ان كلهن فقدن اولادا
بس ممكن القضيه بتعته تكون غير مستغرقه

هو طببعا قصده جميل لكن افتراضه يبقى غير مكتمل لان اغلب نساء القريه ربما لم يفقدا اولاا

انت مخبر ياعم وانا مقدرش اكتر معاك
قصتك حلوة وزى الفل انا بس الى فهمى ضعيف
ههههههههههههههه
انت منورنى

تحياتى

momken said...

nonoymm
ــــــــــــــــــ
ربنا يكرمك...ياستى الشرف لشخصى البسيط وللمدونه المتواضعه دى
كفايه انى اتشرفت بزيارتك الكريمه
واستمتعت بكلامك الرائع والرقيق جدا

طبعا التواصل انشاء الله ممتد ومتصل

تحياتى

momken said...

تــــــــــ(حـنة)ـــــــر
ــــــــــــــــــــــــــــــــــ

ياه يا تمر انتى فين من زمان بعد ما غيرتى اسم المدونه وشكل اسمك من تمر لتمر حنه وانتى اتغير تى خالص
كمان غيرتى عنوان المدونه كلمه حنه كانت مكتوبه بحرف سفن سبعه يعنى وانتى خلتيها اتش
اوعى يكونوا اتنين غيرنا ياتمر
لغبتينى بقى

انا ياستى فى منتهى السعاده بمرورك الجميل و واسلوبك الى لا اجمل ولا احلى منه ابدا

تحياتى

momken said...

قوس قزح

ـــــــــــــــــ

الست داليا...اعمل فيكى ايه بس
انتى محصرانى بالتاجات

ياستى انا والله لو بالاهميه الى انتى معتقداها دى كنت عملت تاجات ولقائات تيلفزيونيه كمان

لكنى مش الشخص ده خاااااالص
انا اقل من ده بكتير اوى
ووعد اول ما اكون شخص يستحق ان يعر الناس تفصيله او لو اكتشف ان تفاصيل يمكن ان تفيد الناس بالايجاب فورا هعمل تاجات كتيييير اوى
هههههههه

تحياتى

momken said...
This comment has been removed by the author.
momken said...
This comment has been removed by the author.
momken said...

Sally
ــــــــــــ
ههههههههههه
ابله فضيله ماشى ياستى مقبوله منك
مع ان فى بابا شارو وبابا ماجد وخمسميت بابا تانين
بس زى بعضه
منا برضه حاسس قريب هكون الاستاذه صفيه المهندس
او امال فهمى

انتى منورانى يا سالى ديما وعجبنى تعليقك جدا
كمان مدونتك غنيه اوى وجميله جدا

تحياتى

momken said...

همسات دافئه
ــــــــــــــ
شييييماء ازيك يا شيمو
مع انى زعلان منك جدا جدا جدا
لكن بفرح لما بشوفك بتعلقى
ربنا يخليكى يا ستى
اصلا ممكن والمدونه بتعته يروحوا فين جنب اجمل وادفى همسات فى كل المدونات

اما انا زعلان منك ليه مش هقولك المره دى

انتى ديما منوارانى يا شيمو

تحياتى

momken said...

loza
ــــــــــــ
لوزة ازيك يا قمر
اشكرك على مرورك مع انى كنت فاقد الامل فيكى فى البوست ده
اخبار امتحاناتك ايه

ياستى الصوره والمدونه كلها تحت امرك

ومتشكر اوى على زوقك ورقتك وكلامك الجميل

تحيلاتى

loza said...

لا والله ما تفقد الامل انا باجي بس مش عارفه ليه ديما متأخر ..

وبلاقي طابووووووووووووووووووور تعليقات

هما بيجو امتى

هههههههه

تسلم يا ممكن .. كلك ذوق ..

انت بس شد حيلك وادعيلي ..

خليني اتخرج واخلص

ههههه
شكرا

sn0wna said...
This comment has been removed by the author.
nahla.a said...

قصة جميلة رغم ان بها حزنا كثيرا ولكن الحياة اخى ممكن لا تسير على وتيرة واحدة تحياتى لك ولقلمك المبدع ..
مدونة رائعة.

جسر الى الحياة said...

حلوة قوى الوصفة دى عارف المثل اللى بيقول اللى يشوف بلوة الناس تهون عليه بلوته دى حقيقة مساعدة الاخرين فى تخفيف الامهم بتساعدنا اننا ننسى الامنا ونذوب فى الاالام الاخرين
دمت بسعادة وود

و القادم....أجمل said...

جميلة أول القصة
و معناها أجمل
بس ساعات
الضغط علينا بيزيد
بنتعب
بنفشل
بس بنرجع تاني

و تستمر الحياة

:)

تقديري

momken said...

loza
ـــــــــــــــــــــ
حاضر يا ست لوزة مش هفقد الامل ابدا
وبعدين حضرتك برحتك وتيجى فى اى وقت

لان كلماتك تقع منى دائما فى المقدمه

تحياتى

momken said...

nahla.a
ــــــــــــــــــــــ
اشكرك يا نهله على كلامتك الرائعه
التى تنم عن خلق عالى واحساس قياض

ولو انها كثيره جدا على شخصى البسيط الا انها اضفت عليا سعاده وكانها السحر
تحياتى

momken said...

جسر الى الحياة
ـــــــــــــــــــ

حضرتك عندك كل الحق والوصفه فعلا ينطبق عليها المثل
وهى لمحه ذكيه منك
لكنى قصدت المشتركه وليس المقارنه

فكلنا فى الهم شرق

تحياتى

momken said...

و القادم....أجمل
ـــــــــــــــــــــــــ
اهلا يا ولاء
متفق معاكى فى كل حرف

تحياتى

shasha said...

تتصور ححاول انفذها لعلنى اخرج من حزنى تحياتى بوست جميل دمت بخير

nonni said...

ايه البوست الرائع ده بجد قصة حلوة اوىىىىى انتى تعرفى فى مثل بيتقال كده انا مش فكراة اوى بس مضمونه
"لما تشوف هموم غيرك يهون عليكى همك
احيانا الواحد لما بيقوقع فى مشكلة بيتخيل ان الدنيا وحشة اوى مبيحسش بقيمة اللى هو فيه الا لما يشوف غيره.
بعت\ر على الاطالة
"تحياتى"

momken said...

shasha
ـــــــــــــــ

سلمك الله من الحزن
كيف تحزنين وانت من تمنحين السعاده لكل من حولك
فانا ارى انك شخصيه اجتماعيه هايله جدا
وارى من متابعتك انك دئما تمنحين السعاده للاخرين
لكنك بحاجه لقليل جدا من حب النفس وليس الانانيه لتمنحى نفسك ما تستحق وهى تستحق الكثير

تحياتى

momken said...

nonni
ــــــــــــ

عندك حق المثل بيقول الى يشوف مصيبه غيره يهون عليه بلوته
وانا متفق معاكى جدا فى ده

واشكرك بشده على كلامك وتشجيعك الريق
الى بيدل على شخصيه مميزة وفى منتهى الادب وبتقدر تمنح من حولها الكثير

تحياتى

alerts said...
This comment has been removed by a blog administrator.
Anonymous said...
This comment has been removed by a blog administrator.
مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

قمم التميز said...


شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف سجاد بالخبر

شركة تنظيف كنب بالخبر

شركة تنظيف موكيت بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

عوض الحوت said...

شركة بيت الاحلام للتنظيف
شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة شفط بيارات بالدمام
شركة تنظيف خزانات بالدمام
شركة تنظيف شقق بالدمام
شركة تنظيف فلل بالدمام
شركة رش مبيدات بالدمام
شركة كشف تسربات المياة بالدمام
شركة مكافحة حشرات بالدمام
شركة تنظيف مجالس بالدمام
شركة تنظيف كنب بالدمام
شركة تنظيف موكيت بالدمام

شركة عزل اسطح بالدمام
شركة عزل خزانات بالدمام
شركة تنظيف منازل بالدمام
شركة تنظيف منازل بالدمام
شركة مقاولات بالدمام

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر