Thursday, September 4, 2008

خيـــــــــــر ...... الحــــــــــــديث



أصدقائى
كل عام وانتم بخير
اليوم حديثنا سيكون على خير الكلام
جاء عن السلف الصالح ان سيدنا عثمان بن عفان كان يختم القران فى ركعه ( وغالباً هى ركعه الوتر
فاين انت من عثمان رضى الله عنه؟

وبعض السلف كان يختم القران ستون مره فى رمضان
فاين نحن منهم؟

ومنهم من كان يختم القران كل ثلاثه ايام كوصيه الرسول صلى الله عليه وسلم
فاين نحن منهم؟

ومنهم من كان يختمه كل سبعه ايام
فاين نحن منهم؟

ومنهم من كان يختم القران كل عشره ايام
وبصراحه مافيش فصال تانى
هذا اقل ما يمكن ان يقال
ويجب ان نكون من هؤلاء على الاقل


وهناك اشكاليه سوف ننقاشها
وهى وصيه الرسول صلى الله عليه وسلم بالا يختم القران فى اقل من ثلاته
وهنا قال الآئمه انه المقصود الدوام على ذلك
لكن يمكن ختمه فى اقل من ثلاثه... فى الايام الفضليان والاماكن الفضليات
والايام الفضليات كشهر رمضان
والاماكن الفضلايات كالحرم الشريف
- اسال الله ان يكتب لكم جميعا زيارته

ولا نقول بالختم ان ان الهدف من الختم يكون فقط نهايه الجزىء او نهايه المصحف ابداً
بالعكس اشدد على التدبر والتفكر فى كتاب الله والا انتهى رمضان وانتهت الخاتمه وراء الخاتمه ونحن كما نحن لم نتغير ولم يتغير فينا شىء
وابسط صور التدبر هى التدبر اللفظى فى القران
والتركبيات اللغويه
ومدى دقاتها وكم هى مبدعه ولا تقبل التغير او التبديل
وسوف اسوق لكم بعض الامثله البسيطه على قدر تفكيرى

متلا
حين يسوق القران لفظ الجسم ولفظ الجسد
الجميع يرى ان المعنى واحد ولا اختلاف بينها
ليه ربنا جاب الجسم فى بعض الايات ومجبش الجسد او العكس او ليه مخترش لفظ واحد منهم وساقه على كل الايات

وسنسوق لكم بعض الامثله

بسم الله الرحمن الرحيم
وَقَالَ لَهُمْ نَبِيُّهُمْ إِنَّ اللَّهَ قَدْ بَعَثَ لَكُمْ طَالُوتَ مَلِكًا قَالُوا أَنَّى يَكُونُ لَهُ الْمُلْكُ عَلَيْنَا وَنَحْنُ أَحَقُّ بِالْمُلْكِ مِنْهُ وَلَمْ يُؤْتَ سَعَةً مِنَ الْمَالِ قَالَ إِنَّ اللَّهَ اصْطَفَاهُ عَلَيْكُمْ وَزَادَهُ بَسْطَةً فِي الْعِلْمِ( وَالْــجِسْــمِ) وَاللَّهُ يُؤْتِي مُلْكَهُ مَنْ يَشَاءُ وَاللَّهُ وَاسِعٌ عَلِيمٌ
البقره 246
وردت كلمه الجسم مره واحده فى القران تقريبا فة هذا الموضع
اما الباقى فكان
بسم الله الرحمن الرحيم
فَأَخْرَجَ لَهُمْ عِجْلًا( جَسَـــدًا) لَهُ خُوَارٌ فَقَالُوا هَذَا إِلَهُكُمْ وَإِلَهُ مُوسَى فَنَسِيَ
طه (88)
وقال تعالى
واتخذ قوم موسى من بعده من حليهم عجلاً( جســـداً) له خوار
الاعراف 148

وقال تعالى

وما جعلنهم( جســــــدا) لا يأكلون الطعام وما كانوا خلدين(8)ثم صدقنهم الوعد فأنجينهم ومن نشاء وأهلكنا المسرفين
الانبياء 8

وقال تعالى
ولقد فتنا سليمن والقينا على كرسيه (جســـــدا) ثم اناب(34)قال رب اغفر لي وهب لي ملكا لا ينبغي لاحد من بعدي انك انت الوهاب
ص 35

وهنا السؤال لما استخدم الله كلمه جسم وكلمه جسد مع ان المعنى لدينا واحد ؟؟
ولكن لانه كتاب حكيم ومن لدن عزيز حكيم فالمعنى مش واحد

سنجد ان لفظ الجسم الوحيد فى القران كان الوحيد المؤكد به روح
اما كلمه جسد وتصرفيتها غير مؤكد فيها الروح انما هى جسد بلا روح وهنا يظهر الفرق الوضح اذا رجعنا الايات الكريمه

وناخد مثال اخر

كلمه المدينه وكلمه يثرب

بسم الله الرحمن الرحيم
وممن حولكم من الأعراب منفقون ومن أهل( المدينـــــة )مردوا على النفاق لا تعلمهم نحن نعلمهم سنعذبهم مرتين ثم يردون الى عذاب عظيم
التوبه 101
وقال تعالى
ما كان لأهل( المدينــــــة) ومن حولهم من الأعراب أن يتخلفوا عن رسول الله ولا يرغبوا بأنفسهم عن نفسه ذلك بأنهم لا يصيبهم ظمأ ولا نصب ولا مخمصة في سبيل الله ولا يطون موطئا يغيظ الكفار ولا ينالون من عدو نيلا الا كتب لهم به عمل صلح إن الله لا يضيع أجر المحسنين
التوبه 120

وقال تعالى

لئن لم ينته المنفقون والذين في قلوبهـــم مرض والمرجفون في( المدينـــــــــة) لنغرينك بهم ثم لا يجاورونك فيها إلا قليلا
الاحزاب 60
هذا كان المدينه
اما يثرب فجاءت فى موضع واحد وهو

بسم الله الرحمن الرحيم
)وإذ قالت طائفة منهم يأهل( يثرب )لا مقام لكم فارجعوا ويستذن فريق منهم النبي يقولون إن بيوتنا عورة وما هي بعورة إن يريدون إلا فرارا
الاحزاب 13

فما الفرق... ؟
- الفرق ان رسول الله صلى الله عليه وسلم لم يكن يحب اسم يثرب ابداً. وبدله الى اسم طيبه - بفتح الطاء وكسر الياء
وما كان الله ليستخدم لفظاً يؤذى نبيه.لذلك فى الكلام على لسان الله ساق لفظ المدينه اما فى السياق الاخير فكان الكلام على لسان المنفقون فى المدينه فجاء به الله حرفيا ليبدى ما فى صدورهم ويفضهحم بانهم يؤذن الرسول صلى الله عليه وسلم
وهذا فرق كبير

ملحوظه
جميعنا يعلم ان المنافقين لم يظهروا الا فى المدينه ولم يكن فى مكه قبل الهجره اى منافقين فهم ايما مسلمين او كفار اما المنافقين فلا

ناخد مثال اخر
ارى انى اطلت عليكم جداً وسنكمل فى القاء القادم قريبا ان شاء الله

وسيكون فى الفرق بين لفظ سنه ولفظ عام لما استخدم الله كلمه سنه بتصرفتها سنه وسنون وسنين
واستخدم كلمه عام او اعوام
وايضا الفرق بين كلمه مات وكلمه قتل والفرق بين الموت والقتل

اسال الله لكم جميعا ان تكونوا من اهل القران وخاصته وان يكون لكم شفيعا يوم القيامه وان تقرؤا القران ويرتقى بكم فى اعلى الدرجات
وان يشفعكم فى شخصى البسيط المحتاج لشفاعتكم جدا
والى لقاء قريب انشاء الله

109 comments:

Hadota ... حدوتة said...

حجز اول تعلييييييييق

مش مصدقة
بعلق اول تعليق عند ممكن


رمضان كريم يا ممكن وكل سنة وانت طيب

هقرا وراجعالك

Hadota ... حدوتة said...

جزاك الله عنا كل خير يا ممكن

فعلا معلومات قيمة جدا وحاجات الواحد مبيخدش باله منها

تحياتى ليك وبانتظار البقية ان شاء الله

:)

Hadota ... حدوتة said...

جزاك الله عنا كل خير يا ممكن

فعلا معلومات قيمة جدا وحاجات الواحد مبيخدش باله منها

تحياتى ليك وبانتظار البقية ان شاء الله

:)

نـــــور said...

باعتبار ان حدوته اول تعليق يبقى تجاوزا انا التانى

كل سه وانت طيب

جزاكم الله خيرا
وحشنا كلامك

حكايه الختم فى اقل من 3 ايام دى فعلا انا سمعتا وقيل ان الهدف اننا نقدر نتدبر الكلام مش نقراه وبس

مجهود تستحق الشكر عليه

رمضان كريم

ندا منير said...

ايه المعلومات الجميلة قوى دى
بجد جزاكى الله خيرا انا استفدت كتير قوى
.......
وطبعا دعوتك حلوة قوى فى بداية الموضوع اننا نختم القران كذا مرة والله المعين فى هذا
.........
وكل سنة وانتى طيبة

أحمد فاروق الشاذلى said...

جزاك الله خير

وان شاء الله ربنا يقبل مننا اعمالنا الخالصة لوجهه الكريم

أحمد فاروق الشاذلى said...

يسعدنى تبادل الروابط معاك يا ممكن

zOzO said...

جزاء كل خير يا ممكن
بجد موضوع حلو
تسلم ايديك

كل سنه وانت طيب
ويارب رمضان يكون احلي السنه دي

مـجـنـووون said...

جزاك الله خيرا أخي الغالي علي هذه الكلمات والمعاني الرائعة التي نسال الله عزوجل أن نكطون من أهل القرآن وخاصته

تقبل مروري
مجنووون

dodda said...

بوست جمبييييل جميييل جمييييل
اللهم علمنا ما ينفعنا وانفعنا بما علمتنا


اللهم اجعله فى ميزان حسناتك

kochia said...

موضوع مفيد جدا
ومشجع علي العمل
جزاك الله خيرا

تحياتي

mohamed emera said...

السلام عليكم
كل سنه وانت طيب واقرب لله دايما يارب
شكرا على المعلومات الجميله اللى فعلا اول مره اعرفها جزاك الله كل خير وهنتظر دايما جديدك ومعلوماتك الجميله دى
اللهم اجعل القران ربيع قلوبنا وجلاء همومنا واجعله شفيعا لنا وارحنا به ياارحم الراحمين
تحياتى وسلامى
اشوفك بين حروفك

e_emy said...

اللهم اميـــــــــن

جزاك الله عنا كل خير

موضوع رائع

ربنا يكرمك

Shaimaa said...

يااااااااااا يا ممكن
ده الواحد بيقول مرتين بس ربنا يقدره عليهم
بجد خليتني اتكسف من نفسي اوووووووي
جزاك الله خيرا

PrInCeSS BeRy said...

ممكن



ربنا يكرمك يارب ويجازيك عنا خير ما شاء الله عليك ربنا يحميك وينفعنا بيك وينفعك بينا ورمضان كريم

قلب ينبض لله said...

كل سنة وأنت طيب ياممكن
ورمضان كريم عليك

البوست دا أثري معلوماتي الدينيه
وأعطاني دفعهة روحانية أسأل الله ان يجعلها في ميزان حسناتك

عندك حق لما سميت البوست خير الحديث
ومنتظرين تكملته ان شاء الله

سلام

الحلم العربي said...

أولا : كل سنة و انت طيب
ثانيا : جزاك الله خيرا على الكلمات و التوصيات الرائعة
عجبنى أوي انك تجيب مثالين صغيرين لإعجاز القرآن علشان تكون الوجبة خفيفة و في نفس الوقت ما تتنسيش
أشكرك جدا
و ربنا يتقبل منا جميعا

Anonymous said...

ممكن العمل بكل ايه بنقراها اعتقد انه فى اهمية ختمه مرات عده...لان فيه ناس بتفرح انها بتختمه كتير بس بشوفهم مش بيطبقوا اليى نزل فيه يعنى مثال بسيط ..لا يسخر قوم من قوم ..ابسط الامور تلاقيهم شغالين تريقه على خلق الله وضاربين بالايات عرض الحائط...
جزاك الله كل خير على البوست القيم ده وجعله فى ميزان حسناتك وحسنات كل من قرأه...

nonni said...

ممكن كلام رائع بجد ربنا يجازيك خير عنه يارب و يوضع فى ميزان حسناتك يارب

"تقبل مرورى"

فى القلب said...

كل سنه وأنت بألف صحه وسعاده و الله الله على ذلك التدبر فى القرأن أمتعنى و أسعدنى كثيراً و أضاف ألى

عاشــــــ النقاب ـقــــة"نونو" said...

السلام عليكم
كل عام وانتم الى الرحمن اقرب
فعلا التدبر هام ولازم تدارس القران وتفهمه ودة لايقل ابدا عن تلاوته
انا عارفة الفرق بين سنة وعام وتوضيحها جلي اوي في سورة يوسف
مش هحرق باقي المعلومات وفي انتظارك
بارك الله فيكم
وكل عام وانتم الى الرحمن اقرب

catroz said...

كل سنه و انت طيب و اقرب الى الله دوما ..:)

اسفه عن تقصيرى بجد ..بس النت عندى بقى بحالات ..

0 said...

كل سنةوانت طيب
رمضان كريم
ويارب يا سيدي تختم القران مرتين
المهم يا ممكن اننا نقراه بفهم واستيعاب لنور كلماته
ربنا يرضى عنا جميعا

المتبهدلون في الأرض said...

رب اجعلنا ممن يسمعون القول فيتبعون احسنه




جزاك الله خيرا "ممكن "على هذا البوست المفيد جدا
وكل عام وانت إلى الله اقرب


زربوحه

فـُتات مشاعِر said...

بوست رائع ومفيد

اللهم اجعل هذا القرآن ربيع قلوبنا ونور صدورنا وجلاء أحزاننا وذهاب همومنا جميعا نحن والمسلمون كلهم

Anonymous said...

كل عام وانت الى الله اقرب يا ممكن

ولا تنسنا من دعائك

الخيط الرفيع said...

جزاك الله خير

Fatma said...

جميل انا يقرأ القران باحساس

وما تكونش القرائة قرائة وخلاص

جميل الاحساس باللفظ ..وادراك الغاية ..والتدبر

ربنا يكرمك ويقدرك وينور بصيرتك

كل عام وانت بخير

Anonymous said...

سبحان الله مش عارفه اقولك ايه
لاء انا عارفه كويس عاوزة اقولك ايه


انا كل كل بيزداد تمسكى بيك
وبيزيد اعجابى بشخصيتك اوى

انت حد جميل مش بيحصل فى حياتنا كل يوم
انت من الناس الى بتمر فى الحياه مره واحده بس ولازم لما تيجى الفرصه دى نتمسك بيها بكل قوتنا لان معاها الحياه والسعاده

يا(ممكن )انا كل مدى بيزيد شغفى بالتعرف عليك عن قرب
مع انك بتغلس ومش عاوز تدينى الميل
بس برضه انا مش همل
وفيوم هتعرف انا اد ايه بذلت مجهود كبير علشان احصل عليك
وعارفه انك تستاهل ده

صدقنى يا (ممكن ) صعب اوى على وحده تكتب الكلام ده لحد خصوصا لو عارفه ان كلمها ناس كتير هيقروة خصوصا انا انت حبيبك كتييييير اوى
ماشاء الله يعنى

ربنا يهديك يا ممكن
وجزاك الله خير على التفسير الجميل ده
بحس انك راقى فى كل حاجه بتعملها
حساك ارستقراطى كده
هات الميل بقى

الى تعبها وراك (نون) ب

Unknown said...

بوست رائع ياممكن
يارب يجعله فى ميزان حسناتك
بجد فى انتظار البقية لانى استفدت فعلا
فى انتظار القادم

وجزاك الله كل خير

هــــــــــــايدي said...

السلام عليكم ورحمه الله وبركاته
بجد موضوعك حلو جدا
بس كنت بتكتب كمان ششويه امثله احنا بجد عاوزين اكتر
اون شاء الله نستنى الموضوع الجديد
ربنا يبارك لك ويجعل عملك دا فى ميزان حسناتك

روح شرقيه said...

كل سنه وانت بالف صحه وخير
وربى يقدرك وتختم القرأن ويتم عليك رمضان بالخير

طوبه فضه وطوبه دهب said...

لا بالعكس ما طولتش علينا ولا حاجه الموضوع مفيد جزاك الله كل خير عنا وفى انتظار باقى حلقاتك
تحياتى

ojg said...

:)
عجبني البحث المصغر ده
ومستنية الأجزاء اللي جايه

القرآن لما بتقراه بتدبر كل مرة بتلاقي فيه معاني جديدة
وبتفهم حاجات مكنتش واصلالك المرة اللي قبلها

بجد ... الحمد لله على نعمة الإسلام
:)

Eman Eltaher said...

جعله الله ف ميزان حسناتك

بجد بوست مهم جدا
و انا شخصيا استفدت من المضوع جدا
خصوصا تدبر معانى القرآن و قد إيه بيختلف المعنى من كلمة لكلمة حتى لو كان عندنا معنى واحد

جزاك الله خيرا
رمضان كريم

canary said...

كل سنه وانت طيب متأخرة كتير صحيح بس

على الاقل وصلت اهى

جزاك الله كل خير عن صالح الاعمال

وقواك على عمل الخير ومحى سيئاتك

تحياتى

SeNdReLLa said...

شكرا ليك على مجهودك
وجزاك الله كل خير
يارب ربنا يتقبل منا جميعا

mahasen saber said...

ياه الله يكرمك ويجعل البوست الجميل ده فى ميزان حسناتك انا عجبنى قوى وفادنى بصراحه شرحك لكلمات القرآن ربنا يكرمك
ويا رب كل مسلم يقرا ايه فى كتاب الله يعمل بيها يا رب
عشان صورة الاسلام من المسلمين خلاص من كتر اليى فيها هتنطق وتقول الاسلام مش كده
ربنا يرحمنا جميعا برحمتهالواسعه ويتقبلنا عنده بقبول حسن...

mahasen saber said...

وااقولك يا ممكن بقه ...
عيد سعيد عليكوعلى اسرتك الكريمه وكل من تحب....
وربنا يتقبل صيامنا وصالح اعمالنا فى هذا الشهر الكريم..

عايش... ولكن !!!! said...

كل سنه وانتى طيبه
كلماتك جميله جدا
وان شاء الله كلنا نعمل بيها
ويجعله الله فى ميزان حسناتك ان شاء الله

Unknown said...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

تــــ(حـنة)ــــر said...

كل سنه وسياتك بالأف صح وسلامة
وعيد سعيد

قلم حالم said...

راائع بحق
جزاك الله خيرا كثيراا
سمعت الدكتور صلاح سلطان
يتحدث عن انواع الختمات او الاوراد
ذكر ختمة التلاوة بتدبر واستحضار اية تمسك كثيرا لتعيش بها في يومك
ثم ذكر ختمة تجويد تطبق فيها احكامه بإتقان
ثم ختمة معاني الكلمات بأن تتعرف على معاني الكلمات التي تقابلك وتجهلها في وردك
وأخيرا ختمة التفسير والتي تصطحب فيها كتابا للتفسير تعيش معه سنوات

مرة أخرى استفدت كثيراا من تدوينتكم فجزاك الله خيرا كثيرا
وكل عام وانتم بخير

بنات صاحبة الجلالة said...

كل سنة وانت طيب وعيد سعيد وعلي امة المسلمين جميعا

خالص التحية

هابي عيد

mohamed ghalia said...

اللهم ارزقنا عبادة وأخلاقا مثل أخلاق السلف
تقبل الله منا ومنكم
وكل عام وأنتم بخير

Radwa said...


ممكن
طبعا انت هتعيد علينا بعد اما العيد يخلص صح
كل سنه اونت طيب
واضح انى لاقيت فى التعليقات سندريلا تانيه غيرى مع انى مغيره كتابة سندريلا مخصوص علشان التميز
بس علشان الكل يعرفنى انا بمضى بسندريلا فى الاخر وبكتب باسود غامق علشان اللى ميعرفش يعرف
.....................
سندريلا

PrInCeSS BeRy said...

ما شاء الله ولا قوة الا بالله ربنا يجازيك عنا كل خير ان شاء الله وربنا يكرمك ان شاء الله وكل سنة وانت طيب

فراشة said...

السلام عليكم

خروج من شرنقة
لكنه خروج مؤقت

لا لأقرأ كلماتكم

بل فقط لأطمئن عليكم
و أرى أحوالكم

و أعايدكم


بالطرابلسي و بالليبي


عيدكم مبروك


و من العايدين الفايزين إن شاء الله



سلامي

momken said...

Hadota .. حـدوتة
ــــــــــــــــــــــ
اهلا وسهلا ودائما انت فى المقدمه مهما كان ترتيب تعلقك
ــــــــ

وجزاكى كل الخير
اشكرك هو اجتهاد بحاول اقول انى فهمت حاجه من الى قريته

تحياتى

momken said...

Habiba
ــــــــــ
كلامك مظبوط
لكن اقر العلماء انه يمكن الخته فى يوم او يومين فى امكان خاصه واوقات خاصه
والقران كما هو كتاب لجمع الحسنات هو دستور حياه وكتاب علم وفكر وادب معجزة الله على ارضه

انتى منورانى

تحياتى

momken said...

ندا منير
ــــــــــــــــ
متشكر جدا يا ندى
واسال الله تعالى ان اكون ممن يقولون ويعملون ولا اكون اداه لدخولكم الجنه وقد قدر لى ان اكون من اهل النار

تحياتى

momken said...

المسرحجى
ـــــــــــــــ

وجزاك كل الخير يا رجل المسرح
ويشرفنى ان نتبادل اللينكات طبعا

وساكون فى مدونتك قريبا ان شاء الله

تحياتى

semsem said...

كل سنه وانت طيب
وكل الناس اللى بتحبهم طيبين
واعبال ما افرح بيك يارب

sa7arkash said...

كل سنة وانت طيب وزى الفل وربنا يتقبل منك ومننا جميعا ...جميل جدا البوست وفية مقابلات لغوية جميلة جدا...كان نفسى اشوف الجزء الثانى ولا الثالث ..انت بتعلقنا ولا اية؟؟؟

لا حرمنا الله من كلامك الجميل فى كل المجالات وعلى كل المستويات ...تحيااااااااااااااااااااتى الجامدة جدا..مع وعد بلقاء قريب

سمكه واحده said...

ياااااااا بوست جميل جدا جدا معلش ولونها متاخره بس لسه شيفاه انت عملته امتي اصلا

عموما الف حمدالله علي السلامه وكل سنه وانت طيب وتكون محقق كل احلامك وربنا يسعدك وديما في تألق وحب من الناس كلها ومن ربنا قبلهم ان شاء الله
سلام موقت نشوفك بقي علي خير ان شاء الله

momken said...

zOzO
ــــــــــــــ

متشكر جدا يا زوزو وجزاكى مثله واكثر

كل سنه وانتى فى منتهى السعاده

تحياتى

momken said...

مـجـنـووون
ــــــــــــــــــــ

متشكر اوى يا اعقل مجنون
واساله سبحانه ان يجعلك من خاصته واحبائه
وممن يرضون عن الله فيرضى الله عنهم انشاء الله

تحياتى

momken said...

dodda
ــــــــــ

امين
متشكر جدا يا دووودا على كلامك الجميل
وربنا يجعنى عند حسن ظنك ويغفرلى مالا تعلمى عنى

تحياتى

momken said...

kochia
ـــــــــــــ

بارك الله الله فيك وجعله فى ميزانك يوم القيامه
وما اهم من العمل الا تحصيل الاجر
اسال الله ان يقبل منك العمل ويجزيك خير الجزاء

تحياتى

momken said...

mohamed
ـــــــــــــــــ
متشكر جدا يا ابو حميد
ربنا يستجيب منك ان شاء الله
وانشاء الله اللقاء قريب

تحياتى

momken said...

e_emy
ـــــــــــ
شكرا يا ايمى
وجزاكى كل الخير ان شاء الله
منتظر كلامك الجميل فى بوست جديد قريب

تحياتى

momken said...

shicco
ــــــــــــــــ

اهلا شوشو ازيك يا قمر وحشنى كلامك والله

ياستى حتى لو مره واحده باخلاص ممكن تسبق عشر ختمات بدون اخلاص لله

رب دينار يسبق الف دينار
المهم الاخلاص فى العمل
وترك كلام الناس

تحياتى

momken said...

PrInCeSS BeRy
ـــــــــــــــــــــ

بيرى الجميله
اميره كل المدونات والمتوجه على عرش بلوجر بلا منافس

يارب دعواتك دى كلها تكون من نصيبى
ولك مثلها واكثر يا اطيب قلب فى عالم التدوين كله

بفرح اوى لما بشوف كلامك
تسلم ايدك

تحياتى

momken said...

قلب ينبض لله
ـــــــــــــــــ
اسال الله تعالى ان يقبله ويكون صدقه جاريه يبداء ريعها بعد انتهاء اجلى
والله الله ان ينفعك به انشاء الله

والله الباقى جاهز ومش عارف انزله ولا لاء مش عاوز الناس تزهق

ربنا يسهل

تحياتى

momken said...

Anonymous
ــــــــــــــــــ

ماشى ياعم هنشوق مقالات ثقافه الهزيمه
لو انى مش عارف ممكن تفيدنا بايه
وهازور الموقع
مع ان اشعار نجيب سرور بتخلى الواحد يشيل ذنوب
بس حاضر علم ونافذ

تحياتى

momken said...

الحلم العربي
ــــــــــــــــــــ
والله الامثله كتير جدا بس انا حبيت اجيب اوضحها علشان الى يقراء يكتشفها بسهوله ويحب يكتشف غيرها ويبحث ويتدبر فى القران
ولو كلنا اخذنا مناهج مختلفه فى البحوث خنوصل كلنا لنتائج مزهله

ربنا يفقهنا جميعا فى الدين
ويعلمنا القران

تحياتى

momken said...

عايزه اتطلق و
ـــــــــــــــــــــ
طريقه القراءه والعمل بلاحكام دى اسلوب العلماء الى زيك فى التعامل مع القران

لكن انا بكلم الناس الغلابه الى زى حلاتى
الى لسه بنكتشف القران
اسال الله ان نقراء كلامه ونقيم احكامه
ويكون لنا دستورا وطريقا للحياه الطيبه

كلامك بيزود اى بوست قيمه وكثافه


تحياتى

momken said...

nonni
ــــــــــــــ

متشكر اوى
دعائك روعه
ولك مثله ان شاء
انتى حد رقيق وجميل زى كلامك
انتى تنورى ديما
وتفرحينا بالزياره

تحياتى

momken said...

فى القلب
ـــــــــــــ

اهلا اهلا بصاحبه ادفى مكان فى القلب
متشكر يا ستى لو انى اعرف ان ثقافتك تعدت البوست ده بكتير جدا
بس ربنا يزيدك ادب وتواضع

هكذا هم العظماء كلما ذادوا علوا كلما اذدادوا تواضعا

تحياتى

momken said...

عاشــــــ النقاب ـقــــة"نونو
ــــــــــــــــــــــــــــــــــ
صح

برافو عليكى
انشاء الله لو عملت جزىء تانى هاشير لده

انتى نورتينى
وديما بتعلمينا حجات جميله فى التعليق بتاعك
ربنا يزيدك

تحياتى

momken said...

catroz
ـــــــــــــــ

كل سنه وانتى عند الله افضل وارضى
وان يجدك حيث يحب.. ويفتقدك حيث يكره

ياستى ولا يهمك النت بيعملها معانا كلنا
المهم نطمن عليكى باستمرار وتكونى بخير وسعيده


تحياتى

momken said...

tayer_ya_hawa
ـــــــــــــــــــــــ

كل سنه وانتى طيبه وفى منتهى السعاده

دعائك حلو
ربنا يستجيب ان شاء الله
ويجعلك ايضا من اهل القران
وممكن يقرائون فيعملوا ويطبقون
وممكن يعرفون اصوله ويقيمون احكامه وحدوده

امين

تحياتى

momken said...

زرابيح أبو الليل
ـــــــــــــــــــــــــ

بارك الله فيكم
لقد شرفت بزيارتكم وسعدت بها ايما السعاده

كل عام وانتم بخير

تحياتى

momken said...

اللي شايل همه
ــــــــــــــــــ

وبارك فيك وجزاك كل الخير

كل عام وانتم بخير وفى اتم سعاده واسركم الكريمه

تحياتى

momken said...

زرزور
ــــــــــــــ

كل سنه وانت طيب
واساله سبحانه ان يمكن عليكى بالتفقه فى دينه
ويوهبك خواطر كتابه
وتجلياته

تحياتى

momken said...

الخيط الرفيع
ـــــــــــــــــ

كفاك الله شر

تحياتى

momken said...

Founoon
ــــــــــــــــــ

ايه ده..ايه ده...ايه ده

كل الحجات دى ليا انا
دى جامد بقى

ايه بس يا فنون هتخلينى اتغر كده
حرام عليكى
اديتينى اكتر مما استحق بكثير
بارك الله فيكى
وجعلنى عند حسن ظنك

تحياتى

momken said...

Anonymous
ـــــــــــــــــ

ربنا يهدينا جميعاً
الحقيقه انا تعبت اوى من الكلام مع حضرتك

لكن انا هقولهالك مباشره
انا مش بعمل علاقات مع حد عن طريق النت
ولا العمل ولا النادى

وانا مقدر تصرفاتك جدا
لكن مافيش فى ايدى حاجه اعملها

تحياتى

momken said...

totaaaa
ــــــــــــــــــ

ربنا يكرمك يا توتا
حاضر من عنايا علشان خاطرك هعمل الجزىء التانى
وهحاول اخليه قصير على اد ماقدر

متشكر جدا على كلامك الجميل واهتمامك

تحياتى

momken said...

هــــــــــــايدي
ــــــــــــــــــــــــــ

اهلا يا هايدى ماشى يا ستى هعمل جزىء تانى فيه امثله بس ومن غير الرغى الكتير ده

من عنيا

تحياتى

momken said...

روح شرقيه
ــــــــــــــ

اهلا يا روح ازيك
متشكر جدا ياروح على كلامك ودعائك الجميل

البوست بتاعك الاخير رائع
كمان البوستات الى انتى رفعتيهم كانوا حلوين
ومكونتهش هعلق تعليق يضيقك ولا حاجه

تحياتى

momken said...

طوبة ذهب وطوبة فضة
ــــــــــــــــــــــــ
ربنا يجبر بخطرك
متشكر جدا
انا بس محبش اكون ممل فى كلامى
اصل لو فتحت فى الرغى محدش يعرف يسكتنى

انتوا ربنا يكون فى عنكوا علشان متحملينى

تحياتى

momken said...

ojg
ـــــــــــ

اللهم ولك الحمد كما ينبغى لجلال عرشك وعظيم سلطانك

لو يعلم المسلون ما هم به من نعمه ان خلقهم الله مسلمون
ما فطر الحمد على اللسنتهم لحظه

انا مش متخيل لو كنت غير مسلم هل كان ممكن افهم وادخل الاسلام ولا اموت على وضعيه اخرى
من قادر استوعب ولا اتخيل

كلامك جميل وملهم جدا
تحياتى

momken said...

Eman Eltaher
ـــــــــــــــــــــ

ربنا يكرمك يا ايمان
انا كمان اسهوانى الحكايه اوى وبقيت اركز فيها وحبيتها

وربنا يفتح على الجميع انشاء الله من كنوز القران الكريم

انتى ديما منورانى يا ايمان
وبوستاتك بتمتعنا جدا

تحياتى

momken said...

canary
ــــــــــــــــ

وصلت
ووصلت فى معدها تمام
ايوة انا مقرتهاش فى رمضان
بس شوفتها تالت ايام العيد
يعنى برضو فى مناسبه مهمه

وكل سنه وحضرتك بكل حخير وسعاده
وجزاكى الله خيرا على كلامك الجميل

تحياتى

momken said...

Anonymous
ـــــــــــــــــــ

يادى النيله على الرساله المغرقه دى

انا اصلا كنت لسه متولدتش خلال التلاتين عام بتوع ثقافه ام الهزيمه

ما علينا
وعد هاروح اشوف الموقع

بس متبعتوش الرساله دى تانى
تحياتى

momken said...

SeNdReLLa
ـــــــــــــــــــ

اهلا باسطوره الحكايات
سندريلا الجميله

اهلا بيكى فى اول زياره
انا كنت فاكرك سندريلا تانيه بس طلعتى سندريلا جديده

بس برضوا جميله واسلوبك حلو
تحياتى

momken said...

mahasen saber
ـــــــــــــــــــــ

ربنا يكرمك يارب
ويجعلم نصيب من الدعوات الجميله دى

وكل سنه وانتى طيبه يا محاسن
والسنه الجايه تكون اجمل ايام عمرك وما بعدها اجمل
وتتحقق كل امانيكى

تحياتى

momken said...

عايش ولكن
ـــــــــــــــ

ربنا يسترها معاك بس ممككن تكلمنى بصيغه الذكر
الحقيقه صيغه المذكر بتريحنى اكتر
بحس كده انها لايقه عليا

جزاك الله خير

تحياتى

momken said...

نهر الحب
ـــــــــــــــــ

الله دعائك جميل ومعنيه حلوة اوى
كمان الموسيقى فيه روعه
انتى مبدعه حتى فى تعليقك

تحياتى

momken said...

نهر الحب
ـــــــــــــــــ

الله دعائك جميل ومعنيه حلوة اوى
كمان الموسيقى فيه روعه
انتى مبدعه حتى فى تعليقك

تحياتى

momken said...

تــــــــــ(حـنة)ـــــــر
ــــــــــــــــــــــــــــــــــ

كل سنه وانتى طيبه وبخير يا تمر حنه

وطبعا يشرفنى انى ازور المدونه الجديده وربنا يزيد ويبارك يا ستى

فى بيبسى وجاتوة وكده ولا افتتاح ارديحى؟؟؟؟

الف مبروك

تحياتى

momken said...

يسرا
ــــــــــــــ

اهلا يا يسرا
حلوة الختمات دى

هجرب وحده منهم بعد مضان ان شاء الله
بس انا فى رمضان بقرا بطريقه الحدر
وهى القرتءه السريعه مع الحفاظ على احكام التجويد

انتى منورانى ربنا يتقبل ان شاء الله منا جميعا

وجميل ان القران يكون موضوعنا كلنا فى نفس الوقت

تحياتى

momken said...

بنات صاحبة الجلالة
ــــــــــــــــــــــــ

كل عام وانتم بخير
وبمنتهى السعاده

وديما ممتعنا بكلموا القيم الجميل

تحياتى

momken said...

mohamed ghalia
ـــــــــــــــــــــــ

امين امين
واسال الله تعالى ان يجمعنا معهم يوم القيامه
وان نلقى الله على ما لقوا الله هم عليه
امين

اسعدنى كلامك جدا

تحياتى

momken said...

PrInCeSS BeRy
ـــــــــــــــــــــ

ماشاء الله عليكى يا بيرى
كل حاجه بتعمليها حلوة ولايقه عليكى جدا
ربنا يزيدك

ويضع لك القبول فى قلب كل اهل الارض


تحياتى

momken said...

sendrlla
ـــــــــــــــــ

انا متلخبطش ولا حاجه
وعارف سندريلا من بين الف سندريلا
ممكن فى الاول استغربت الخط بس لما روحت عند سندريلا الجديده عرفت انها حد جديد غيرك
واستوعبت بسرعه
لانى كان ممكن اعلق عندها على انى شخص قديم ووخدين على بعض

كل سنه وانتى طيبه
وديما مميزة
يا سندريلا المدونات

تحياتى

momken said...

فراشة
ـــــــــــــــــ

كل سنه وانتى طيبه

وعيدكم مبارك

كل سنه وانتى طيبه بكل لغات العالم

وبابتسامه عريضه جدا
نتمنى رؤيه بوست قريبا
والخروج الدئم من الشرنقه والتحليق فى عالم التدوين

تحياتى

momken said...

semsem
ــــــــــــــ

وانتى طيبه ياسمسم
وبخير
وديما فى منتهى الحب والسعاده

اه صحيح

هاردلك على المسرح
فهمانى طبعا

تحياتى

momken said...

sa7arkash
ـــــــــــــــ

ربنا يخليكى ياسحركش
التعليق بتاعك بحس فيه بطعم الحياه
وبحس انه بيضحك ومليان امل وشقاوة وحركه

ربنا يزيدك حيويه

تحياتى

momken said...

سمكه وحده
ــــــــــــــ

الله يسلمك يا سمكه
وكل سنه وانتى وكل اسكندريه بخير
وكل اهلينا وجيرنا وحبيبنا بالف خير وسعاده

تحياتى

Loza said...

مممكن ...........................
كل سنة وانت طيييييييييييييييييييييييييييب



فييييييييييييييينك .. حمدلله على السلامة

Loza said...

انا رقم 105 ..


ههيهيهيهيهي

مشاء الله تبارك الرحمن .. قل هو الله احد .. وقل اغوذ برب الفلق ..

اللهم لا حسد

هيههييهييهيهي

momken said...

Loza
ـــــــــ

انا اهو مرحتش فى حته
الله يسلمك ياستى

وكل سنته وحضرتك طيبه
وفى اتم صحه واحسن حال

تحياتى

§a§a said...

كل عام وانتم بخير

وجزاكم الله خير على هذا الموضوع وجعله الله فى ميزان حسناتكم

تحياتى

momken said...

§a§a
ـــــــ

كل عام وانتم فى طاعه الله
تتمتعون برضا الله
وتنعمون بنعم الله ورزقه

ومتشكر جدا على الخطوة العزيزة والزياره الغاليه
تحياتى

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Unknown said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر