Sunday, March 15, 2009

قـــــــــــــــــــــــــــــــرار......!!!!!!







انا لن احبك.....!!!
اقسم لن احبك
وهذا كلامى الآخير

لن اشتاقك يوماً
ولن تغتالنى لحظات الرحيل

لن اضعف ياسيدتى
ولن اشتاق سرد الشعر
فى شعرك المنسدل كالغدير


لن اهفو الى عينيكى يوماً
لن اربط بينهما وبين نجوم السماء
لن اشتاق الى دفىء صدرك
كالأرض تشتاق قطره ماء

لن احلم بالاحضان
وانسى ان زراعى ما خلقت الا لتضمك
وان صدرى لا يعرف منك سوى الاحتواء



لن اكتب فيكى قصائد عشق
لن ارسل لك رسائل حب
لن يأخذنى الحنين الى اماكن قد مررتى بها
او انك يوماً احببتها

لن افكر فيكى اذ تبتسمين
لن اتذكر اشراقه وجهك
او صفاء وجنتيك..ونصاعه اسنانك
اذ تضحكين
لن يأسرنى صوت الضحكه اذ تفرحين


لن احضر لك الزهور
واتناسى من الزهور ما تعشقين
لن ادعب شعرك حين على كتفى تستلقين
لن اقبل اطراف يديكى
ولن اقف صامتاً خاشعاً فى محراب عينكى
ولن اتلو من كلماتى ما ترغبين


انا حسمت امرى ولن اتلتفت لو تدمعين
لن اللوم نفسى
لن أندم
ولن اردد.. ماذا بنفسى فعلت ؟؟
لن يغرقنى المطر
ولن يقتلنى الضجر
ولن يكسرنى السفر

ولن اهتم ان اكون عندك من الراحلين
او المغضوب عليهم او الضالين

أمــــــين

176 comments:

زهرة الكاميليا said...

ستة وعشرون لن ..

ستة وعشرون بند ستمتنع عنها بهذا القرار ..!!

كم بند بقى لم تنفيه بـ لن؟؟

:D

أظن بقيت لن واحدة لم تذكرها ..
وهى أننى لــــن أنفذ هذا القرار

:]

هكذا يا صديقى المحبين
يأخذون قرارات لاغية مسبقا
بل احيانا قرارات تؤكد ما جاء بها بأنه لن نتنازل عن ما جاء بعد لن ..

سعدت بالمرور فى صفحاتك

كل الود

Bondoka said...

يااااااااااااه
كل ده بعاد
هى عملت ايه لكل ده

هو الكلام حلو والاسلوب كمان

بس هعتب عليك فى حاجه صغيره

بلاش ندخل القرآن فى الموضوع
احتراما للقرآن وقدسيته وخصوصا يعنى انك ماسبتهاش تقربا لله

اعزرنى لو كلامى بايخ

Bondoka said...

انت كنت فين كل ده؟؟؟؟؟؟
شهرين بحالهم غايب

smilyrose said...

ما اسهل القرارات

ولكن هل ينفذها القلب

لن

ولن

ولن

ولن

ةهكذا ولكن هيهات من كل تلك القرارات

فالقلب مازال يشتاق نبض الحبيب

ومازال يتنفس عبيره

ومهما حدث

لن ينفذ القلب قرار

تقبل مرورى

كم اخذت من قرار

وها هو القلب

مازال فى الم بدون قرار

smilyyrose

وردشان

روح الحب الصادق

Anonymous said...

عن جد برافو
ممكن
بس قرارك كتير متأخر

ساره said...

مهما اقول
والله قليل في حقك

بوست جنان
وسعيده بتواجدي هنا

gogo!sf said...

بوست رائع ..رائع

بس لية كلامك كله مأساه
اثر فيا جدا

اتمنى الا يكون حقيقى

تمنياتى لك بالخير والسعادة دائما

maha zein said...

لن ياثرنى صوت الضحكه اذ تجلجلين

يا عم يا عم
تجلجلين

عموما انت عملت اللى فيه الخير
او معرفش
بس عموما ان شاء الله كل قراراتك تبقه فيها الصالح ليك

عندي بقه شريط جامد حطاه في البوست اللى قبل الاخير لدكتور حازم شومان اسمه مجرد علاقة بريئة
اسمعه وبعديها هتلاقي نفسك مبسوط بأى قرار تاخده مهما كان

اه والله
او استني اجيبلك انا الشريط لحد عندك
اصلي بيني وبينك لو الكلام ده بحق وحقيق يبقه انا معنديش كلام اقوله صراحة يخرجك من ضيقتك غير كلام دكتور حازم اللى هو كلام ربنا صراحة
http://www.way2allah.com/modules.php?name=Khotab&op=Detailes&khid=684#UP

شد حيلك يا بطل
واصمد لو ان شايف ان القرار صح

كل حاجة في اولها متعبة جدا بس بعد كده بتبقه الصح لو هي كده

صمت المشاعر said...

شكراا ليك علي الكلمات الرائعه

فعلا اننا ناخذ القرارات ولكن القلب يؤلمنا كثيرا جتي ننفذ قراراتنا
ان استطعنا تنفيذها

Anonymous said...

حقيقى من جمال الكلمات
مش قادرة اكمل للاخر

حسيتها بألم وذل واهانة
احسنت قرارك يا ......ممكن

Founoon said...

تفتكر ؟!

ممكن !!

:)

mahasen saber said...

ممكن

لن ولن ولن وفى الاخر هتحب برضه لان الحب بيجى زى الموت فجأه من غير مقدمات
ومينفعش معاه تقله لن ولم وتقبله بصدر رحب بس

mahasen saber said...

للمره التانيه النت مبيبعتش التعليق

بقلك حمدالله على السلامه كنت غايب فين

لعل السبب خير

يا رب تكون دايما بافضل حال

مجداوية said...

السلام عليكم

والله جميل الكلام والمشاعر وقدرتك على التعبير
لكــــــــــــــن
بالله عليك لا تقحم ألفاظ القرآن الكريم في مشاعرك

فهذا غير لائق ولا تختمها كما نختم الدعاء والفاتحة بآمين
!!!!!!!!!!!

فالمغضوب عليهم هم اليهود والضالين هم النصاري
وهو تعبير قرآني

هناك حدود للابداع

أرجو أن تتقبل كلامي بصدر رحب وتسأل فيها أيضا اذا كنت تظنني مخطئة

موناليزا said...

ليه ده كله؟
هى عملت ايه

سلوى said...

رائــــــــعه
ومؤلمه

ست البنات said...

السلام عليكم
حمدا لله على السلامة يا مومكن.....بجد النت منورررررررر

ثانيا مادام كان ده إحساسك تجاهها وما تحمله لها من زكريات.........أكيد هتحبها تاني
فأحسنلك متحاولش :)

مفيش فايدة

sn0wna said...

bravo ya moomken bgd teslm edk klamk bgd gameel 2wi...
ta7yati leek...

الفراشة الصغيرة said...

حلوه قوى

الكلمات

بس قلبك جامد قوى
تفتكر ممكن تقول كده للى بتحبها بجد

موجة said...

تفتكر يامستحيل الفراق سهل
ولا نسيان الحب سهل
بيتهيقلى لاء
افتكر لو الحب سهل يتنسى ولو القلب محكوم بالكلام ويقدر ينفذ كل حاجة احنا عاوزينها
ماكنش فى دموع اتبكت ولا كان فى قلوب اتكسرت ولا كان بقى فى مجانين ومعقدين ولو كلمة لن اللى مالية البوست دى تقدر تؤمر القلب
كان زمان كل الناس قالت
لن لن لن
وكمان لن ولن ولن
تقبل مرورى وتحياتى لقلبك المجروح
وهون عليك

semsem said...

استاذى الغزيز

لن اهتم بما تقول بل سانظر الى قلبك لاعلم ما تريد ان تقول


لن تزعجنى كقراراتك فانى اعلم دائما امك ثائر


لن اترك يوم


وحشتنىىىىىىىىىىىىىىىىى مووووووووووت
يا استاذ ممكن يا جبار


دائما جميل ودائما طيب وذى الملايكه



اعشق كلماتك واموت حبا فى حروف قصائدك



وحشنى يا ابن الذينه اسال عليا وبطل كسل



تحياتى

semsem said...

يقالى كتير ما قرتش حاجه عجيتنى كده وبقالى كتير ملحفتش اول تعليق


متتاخرش علينا تانى

مش بقولك وحشنى كتير

mohamed ghalia said...

روعة بجد كلماتك روعة رغم كل الحزن
تسلم إيدك

بسمة said...

لو قد القرار نفذه

ياريت كل الناس عندهم شجاعتك

shicco said...

اولا حمدلله على السلامة وياااااااااا رب الغيبة ما تطول تاني
ثانيا
دي قصيدة حب مش فراق
حتى لما قررت الرحيل بتتغزل فيها؟؟؟
طب لما تذكر كل محاسنها دي وكل ذكرياتك دي هتنفذ القرار ازاي؟

وطبعا طبعا مش محتاجة اقولك انها اكثر من رائعة
بس ممكن تشرحلي الجمله الاخير عشان الحقيقه مفهمتهاش

Anonymous said...

و الله انت فكرتنى بنزار القبانى
و قصائدة التى تعصف بالمرائة او تتغازل فى مفاتنها
و قارئة الفنجان للعندليب الاسمر
اثناء قراتى لقصيدة قرار افتكرت موضوع خيانة مشروعة
بصراحة انا اتمتع بكتاباتك و مقالاتك و قصائدك
و كم هى تكسر مرارة وحدتى و غربتى
بس مقولتليش هو قرار انك لن تحبها هو قرار صائب
ام نابع من نزعة خاصة كعند او ............... الخ
ارجو الاجابة؟؟؟؟؟؟؟؟؟؟؟؟؟؟؟؟؟؟؟؟؟؟
MMS

doaa said...

إيه يا عم الكلام الجامد ؟؟
أنا مكنتش عارفة إنك شاعر فظيع كده

بجد ماشاء الله الكلمات معبرة جداً
وإيقاعها رنان ومتوازن جداً

ولكن هل تستطيع أن تسيطر على مشاعرك
إلى هذه الدرجة ؟؟؟

او صفاء خدودك..ونصاعه اسنانك
نصيحة صغننة من أختك
ممكن تغير كلمة خدودك إلى كلمة وجنتيك حتى تصبح أكثر ملائمة لباقي اللغة

تحياتي ومتغبش علينا كده

doaa said...
This comment has been removed by the author.
حاسوباتيه said...

ده انت بتموت فيها مش بتحبها وبس ههههههههه ولو ماكانش كده ماكنتش وصفتها كل الوصف ده كلمات جميله بجد

من انا ؟؟؟ said...

الحمد لله وصلت بألف سلامة

تصدق عافرت كتير اوى عشان اعرف اوصل
واستعنت بصديق مش نافع
ولجأت للجمهور بردو مش نافع
فى الاخر بقى حذفت اجابتين
لقيت نفسى معاك

المهم بقى
لية التسيح اللى ع النت ده
طب قولهالى بينى وبينك مش لازم ادام الناس الكويسين دول وبعدين هتقدر

ماشى ماشى

على فكرة
انا اعرف انك قلبك مجرم وقاسى مش رقيق كده على العموم لو انت هتقدر انت حر بس انا واثقة انة من ورا قلبك
انا شخصيا مش هقدر ابعد
عارف لية
عشان انت
ورحى ....روحى....روحى
_ _ _ _ _ _ _ _ _

والله لاوريك يا ممكن

ولو التعليق ده اتحذف هعمل موقع مخصوص
وانزلة ع النت لكل الناس

Meekness !!! said...

كداب
مش هتقدر
حال المحبين يا عزيزي



زيزي

zainab said...

السلام عليكم


احساس وصل فعلا لينا و مليان حزن و صعب قوى قوى

أنا فعلا شايفه انه صعب قوى

تحياتى

فكرة من الزمن ده said...

قمة الرومانسية والحب والتعبير الحساس ولكن احساسك اللي وصلني انك عايز تشيل كلمة لن وتضع مكانها اشتاق ان

تحياتي ابدعت حقيقي

سمكه واحده said...

ثم امام القرار الخطير جبنت !!!


وليكن
(سته وعشرون (أن
وهو المقصود وهو المراد
ليكون اجمل قرار
!!!
أبدعت. فأحسنت
تسلم ايدك

روح شرقيه said...

عمرى ما انشغل عنك يا ممكن
دى اجابه سؤالك
بس تعالى هنا ايه قراراتك الجامده دى يا ممكن
العقل بيقرر الااف القرارات بس القلب ديما لما بيحب بجد بيوئد اى قرار
البوست كتييييييييير رائع رغمثقتى الكبيره بان قلبك عمره ما هينفز اى قرار
عن جد حاله رائعه لثوره قلب عاشق ولكن لن ينفذ اى من هذه القرارات لان به من الحب ما يحول كل تلك القرارات الى همسات حب كما عهدت ذلك منك دائما ولكن تحياتى لك
فانت بالفعل سيد الكلمات
اشتقت لك يا ممكن عن جد كتيييير اشتقت لك
روحك الشرقيه

مجموعة حياة said...

إفعل ما تراه مناسبا ولو اخر يوم في حياتك
لا تندم على ما فات
حتى لو صار ذكرى تؤلمك

فلهيب الشمس يطفئه الظل والآم المرض تذهبه العافية ؛ فربما صحّت الأجسام بالعلل

وليدوم اشعاعك حتى يعطي نورا كافيا لتستمر

أم المييس

roma said...

هاهاهاها يا عزيزى انت بتضحك على نفسك مش بتضحك علينا بس كمان ضحكت الناس عليك كل كلامك دة لة معنى واحد اكيد عرفتة وكل البشر اللى هاتقرا تعليقى عرفتة معانا هوة انك بتحب محبوبتك اوى وبتتمنى كل اللى انت نفيتة ونهيتة فى مدونتك اتمنالك القدرة على الفراق والرحيل ولو انى متاكدة انك هاتقدر لانك راجل مش ست

momken said...

زهرة الكاميليا
ـــــــــــــــــــــ

هما طلعوا سته وعشرين؟؟؟؟

وبعدين تعالى هنا انتى بصالى فى لن بتاعتى وعداهم عليا..كل قوتى يا عبدالعال

طبعا يا استاذه كاميليا/ كلامك مقتدرش اتكلم عنه خصوصاً انك سيده المشاعر فى عالم بلوجرز كله

واكيد يا ستى كل الاحبه بيتمنوا كل قرارتهم تكون ملغيه مسبقا بس اهى شويه فضفضه

انا معاكى فى كل كلامك لانى فعلا مؤمن ان مافيش حد بيستغنى عن حبه

انا فى منتهى السعاده انك شرفتينى
وزادنى شرف ان تكون اول التعليقات

تحياتى

momken said...

Bondoka
ــــــــــــ

هى اكيد عملت
او انا الى عملت كالعاده بجيب الغلط عليها
لانها طيبه ومسكينه وبتعتقد فعلا انها غلتط مع انها فى الحقيقه نسمه
لكن الى حصل بقى


بالنسبه لوضوع القران
هو فين القران ده؟
المغضوب عليهم
دى كلمه
والضالين دى كلمه
اه شبه الكلمه الى فى سوره الفاتحه بس لا يعتبر القران قرانا الا بسرد الايه والمعنى والموضوع

كل الكلام الى بتكلمه فى زيه بالظبط فى القران لكنه ميعتبرش قران
زى كلمه ظالمين او مؤمنين او كفار
كل الكلام ده جه فى القران لكن لما ننطقه ميعنبرش قران لكنه شبه كلام جه فى القران
فهمانى

كلامك زى الفل ولا بايخ ولا حاجه

انتى منورانى

تحياتى

momken said...

Bondoka
ــــــــــــ

معلش بقى ياستى

انا مشهور عنى انى كسلان جداً

ربنا سبحانه وتعالى يغير العيب ده فيا

متشكر على سؤالك


تحياتى

momken said...

smilyrose
ـــــــــــــــ

والله تعليقك فى محله
وانا متفق معاكى جدا فى كل حرف

ومؤمن بكل كلمه بتقوليها

تعليقك ينفع بوست جميل جداً

تسلم ايدك

تحياتى

momken said...

Anonymous
ـــــــــــــــــ

متاخر عن ايه بالظبط

وحضرتك تعرف منين انه متاخر

ماعلينا

المهم انى فى الاخر اخدت قرار وحدث قومى مفروض يعملوة اجازة انى جازفت واخدت قرار اخيراً

ولو متاخر ناخد القطر الى بعده

عساكم من عواده

تحياتى

momken said...

ساره

ـــــــــــــ

ربنا يخليكى ياساره

انا الى فى منتهى السعاده ان حضرتك شرفتينى بالزياره الغاليه

ومتشكر على تشجيعك الجميل

تحياتى

momken said...

gogo!sf
ــــــــــــــ

ربنا يكرمك انتى على طول رافعه من روحى المعنويه
وبتشجعينى تشجيع منقطع النظير

ربنا يقدرنا على رد جميلك وزوقك ياستى

وحقك عليا لو كنت نلت من مشاعرك

منورانى دائماً



تحياتى

سمكه واحده said...

ده تسعه وعشرون مش سته وعشورن (أن

يوه قصدي (لن

momken said...

maha zein
ــــــــــــــ

ايه ياست هانم مش عجبك تجلجلين ولا ايه
او انا بحب فرسه عجبك حضرتك ولا استغفر الله العظيم مش عجبك؟؟؟؟

:D
متشكرين ياستى على الشريط

مع ان الدكتور حازم زشومان عصبى جداً
مع ان مواضيعه بتعجبنى جداً لكن حماسه الشديد وصوته العالى وطريقه شخطه بتهرب منى الموضوع

ربنا ينفعنا بعلمه وبعلم جميع ائمه الامه
امين

تحياتى

momken said...

صمت المشاعر
ـــــــــــــــــ

عندك حق

الكلام سهل جداً لكن التنفيد منتهى نتهى الصعوبه

لكن ربنا بيقدر الناس على الاحتمال

تحياتى

momken said...
This comment has been removed by the author.
momken said...

Anonymous
ـــــــــــــــ


متشكر على التعليق وعلى التشجيع

بس ربنا ميجيبش ذل ولا مهانه ولا اهانه

انا ولا ارضاها على روحى ولا على حبيبتى حتى فى مبقتش حبيبتى

تحياتى

momken said...

Founoon
ـــــــــــــ


اقول بينى وبينك
ولا تسيح وكده

الحقيقه الحقيقه لاء معتقدش

لكن كل واحد بتاخده العزة شويه
وكرامته تتعبه شويه
لكن هو فى قرار نفسه ميقدرش يستغنى عن حد بيحبه
هو حد لاقى حد يحبه فى الزمن ده؟؟؟!!!

تحياتى

أسوور said...

طب ليه . . هى عملت ايه عشان دة كله؟؟

momken said...

mahasen saber
ــــــــــــــــــــ


عندك حق طبعا متفق معاكى جداً

وانتى عارفه انى باخد كل ارائك بدون تفكير لانى بثق فى رائيك وطريقه تفكيرك جداً

ياستى كنت مشغول فى شغلى شويه كمان كنت مخنوق من النت والكمبيوتر وكل التكنلوجيا شويه

ربنا ميحرمنيش من سؤالك عنى

تحياتى

momken said...

مجداوية
ـــــــــــــ

اهلا يا ست ماجده المعداوى
متشكر على كلامك الجميل وتشجيعك الرائع

بالنسبه لاستخدام اللفظ القرانى معتقدش اى فى اى شىء يمنع ده طالما الاطار لا يغير المعنى

انا قلت اللفظ وليس الايات لان ايات القران لا تستخدم الا قران

اما الالفاظ فمتاحه بشرط ان يكون الموضوع والاطار لا يعنى عكس المعنى

ولو رجعتى ديوان الامام الشافعى هتشوفى ده كتير

كمان المتنبى استخدم القران كتير جدا

كمان الاستاذ نزار قبانى

وعبد الرحمن الابنودى

وفاورق جويده

وانتى ياستى مش غلطانه ولا حاجه
وكلامك فى محله
ارجو تكون وجهه نظرى وصلتك

اكون سعيد بكل ما تقوليه
ولا اغضب ابداً من النقد

تحياتى

momken said...

موناليزا
ــــــــــــــــ

اهلا يا موناليزا عاش من شافك

ياستى هى مين؟؟؟؟

انا بقول لن احبك يعنى لسه مافيش حب

غير لن استمر فى حبك
او لم اعد احبك

لن اعنى فى المستقبل دى معناه انه لسه مافيش (هى) فهمانى


منورانى

تحياتى

momken said...

سلوى
ــــــــــــــ

عندك حق والله

طي ايه نحذفها ولا ايه؟؟!؟؟

منورانى ياسلوى

تحياتى

momken said...

ست البنات
ــــــــــــــــ

طالما انتى شايفه كده يبقى ماشى
الى تشوفيه ياست البنات


منورانى

تحياتى

momken said...

sn0wna
ـــــــــــ



thx ya sn0wna 3ala klamk el gamel :D
di shehada 23tz beha :D...
menwrani dayman...


ta7yaty

momken said...

الفراشة الصغيرة
ــــــــــــــــــــ

متشكر على كلامك الجميل

عاوزة ردى بامانه لاء مقدرش

منورانى

تحياتى

قلب ينبض بالحب said...

معتقدش ان بعد ماحد يحب حد حب حقيقي يقدر ينفذ الي بتقوله كده ، كلمات رقيقة معبرة تتساقط من بلورات المشاعرة الشفافة

nana said...

بتقلي انا فين؟ امال انت كنت فين ها؟
وكمان رجعتلنا بقرار خطير

قصيدة جميلة جدا وفعلا نفس الواحد يبقى يتخذ القرار وينفذه بدون تراجع بس بقى القلب الحنين يروح فين ؟

وانت قلبك حنين مش حتقول كده للي بتحبها مش كده؟
شكرا على مرورك عندي

نهر الحب said...

كلمات جميلة وحساسة جدا
وتصف كثير من مشاعرنا التى قد نتغلب وقد لا نستطيع

بجد استخدامك للالفاظ رائع
بس اسفة يعنى هل استخدام الالفاظ القرآنية جائز ؟؟

سما said...

موضوع جميل وجديد القرارات اللى مش بتتنفذ فى الحب يا ممكن مبدع كالعاده بس بيتهيألى ان المستوى اللغوى مش اللى متعودين عليه منك تقبل انتقادى ومرورى
تحياتى

Wish I were a Butterfly ... said...

كلماتك جميلة أوي كعادتك ماشاء الله

أيوة قرار صعب
وصعب أوي أوي كمان

بس ساعات بيكون لازم يتاخد

بس بجد الكلمات قوية أوي وموسيقى الكلمات جميـــلة

تحياتي

nana said...

http://kharabeshsister.blogspot.com/

أبنوسة said...

ممكن
مساء الخير

عارف لن ولن ولن بتاعتك دي معناها انت حتحبها وحتشتاق اليها وترتمي علي احضانها

ده كلام زول عايز مش ما عايز

الممنوع مرغوب

انت تأكد وليس تنفي

صافي الود

زهور الامل said...

حمدالله على السلامة يا عم الكسلان...
بصراحة مش قادرة اعبر عن اعجابي بكلامك واسلوبك اللي ملوش حل
بس دي عادتك دايما كل مرة بتكتب كلام يزيد اعجابنا باسلوبك
بس تعالى هنا وقولي ايه الاسوة دي معتقدش ان قلبك الجميل هيقدر ينفذ القرارات الصعبة دي
يا ريت قلوبنا تقدر تنفذ كل القرارات اللي بتاخدها تجاه اللي بنحبهم وبيظلمونا وينفذها وهو مرتاح ده لو قدر اصلا ينفذها
تحياتي

dina said...

ممممممم
ممكن....تفتكر دا فعلا ممكن؟
نقدر فعلا نقول لقلوبنا لن اطيعك....مش عارفة

*shosho* said...

لالالالالالالالا

جميل جدا البوست من أجمل ماقرأت فعلا

رائعه كلماتك فعلا

قرارك هيكون صح لو في محله

دمت في تألق
تحيتي..

أختكم فى الله said...

كلمات رائعة بجد

ربنا يعمل الخير

ريمان said...

ايه الجمال ده؟



مقدرش اقول غير الله عليك

sabrina said...

كثرة النفي تكشف التأكيد!
________________
the words re lovely

احساس لسه حى said...

عزيزى
رغم كل هذه الكلمات

فأنى ارى حبك لايزال ينبض داهلك

واظن انه لم يموت ابدا

فمن يحب كل هذا الحب

صعب عليه ان يقضى عليه مهما حدث

انا اتكلمت عنك فى مدونة

انا مش موافق

وجيت اقولك علشان مكنش اغتابتك

تحياتى

سلام

Amal said...

اعتقد صعب تنفذ قرار زى ده
يمكن سهل عليك تقرر
بس يمكن متقدر
اعتقد ممكن برضه

عاشــــــ النقاب ـقــــة"نونو" said...

ياريت كان بايدينا نقرر اننا ما نحبش
حمد اللح على السلامة
كل عام وانتم بخير
تحياتي

momken said...

موجة
ــــــــــــــ

شوفى يا موجه هو مش سهل

لكن بيجى على الشخص اوقات بيحتاج يضغط على نفسه ويعمل حجات تخسره كتر علشان ميخسرش كل حاجه

زى ما بقولوا مالا يدرك كله لا يترك كله

فالواحد ممكن يضحى بنص كيانه علشان ينقذ ما يمكن انقاذه

متفق معاكى جدا ان الموضوع صعب
وهو ايه فى الحب سهل؟

تحياتى

momken said...

semsem

ــــــــــــــ

ازيك يا فنانه وحشانى موت والله انتى كمان ووحشنى كلامك انتى كمان

انتى بعد ما اتجوزتى بقيتى كسلانه موت
واضح ان الجواز بيخلى الواحد كسلان جداً

انا ياستى مش بسال علشان اسيبك تستمتعى بالجواز ومفكركيش بايام العزوبيه والتشرد
وبعدين لازم التسيح قدام الناس

لكن طبعا عندك كل الحق وانا ماثر جداً لكن هكفر عن الغلطه الشنيعه دى

متشكر يا فنانه على تشجيعك الجميل
ربنا ميحرمنيش منك ايداً
وسلامى لشوشو وميرووحمام

تحياتى

momken said...

mohamed ghalia
ـــــــــــــــــــــ

يسلم قلبك

قلك زوق يابو حميد

زياره عزيزة جداً وكلامك نيشان على صدرى


تحياتى

momken said...

بسمة
ــــــــــــ

ايه الظلم ده؟؟؟؟
هو انا اخد القرار وانفذه كمان
انا اخدت القرار خالى التنفيذ عليكى انتى طيب

يعنى مثلا
واحد يعمل الشاى وواحد يغسل الكوبيات
كده يعنى

تحياتى

momken said...

shicco
ـــــــــــــ

شوفى يا شيكو انا عند رائى فى ان حبيبتى هتفضل جميله حتى لو قررنا نسيب بعض

لانى اول ما شوفتها كانت جميله
وهى معايا جميله
طيب ايه الى اتغير فيها لما اسيبها اكيد هتفضل جميله
بس ممكن مافيش نصيب نكمل مع بعض

اما عن اخر جمله
فانا عملت حسابى انى اكون بقيت دميم فى عنيها لانى اخدت القرار من طرف واحد
يعنى اكون من المغضوب عليهم
هى يعنى غضبانه عليا
او الضالين من وجهه نظرها يعنى بفكر بشكل غلط
بس ياستى

منورانى يا شيكو

تحياتى

momken said...

Anonymous
ـــــــــــــــ


ربنا يخليك يا باشا

انت دايما بتدينى اكتر من حقى

بالنسبه لموضوع غربتك ووحدتك
بطل انت صياعه فى اوربا وارجع بقى كفايه كده والغربه هتروح لوحدها

ايه موحشكش ايام السهر فى الظاهر والحسين والقاعده على كافيهات القاهره

ارجع بقى وكفايه كده

وحشنى جداً يا متر

تحياتى

momken said...

doaa
ــــــــــــــ

ولا فظيع ولا فوق الشنيع انا على قد حالى جداً

ربنا يجليكى يا دعاء
انتى حد جميل جداً علشان كده بتشوفى كل شىء حلو زيك

بالنسبه لاوامر حضرتك قد تم التنفيذ هو اقدر اتاخر؟؟؟


منورانى

تحياتى

momken said...

حاسوباتيه
ــــــــــــــــ

بزمتك ده الى ربنا قدرك عليه

انتى جايه تنصريها عليا وتطمعيها فيا زياده

لازم اخد موقف واكون مؤثر
لكن بكلامك ده كل راح هضر

ههههههه

منورانى يا حاسوباتيه


تحياتى

momken said...

من انا ؟؟؟
ـــــــــــــــــ

انا عمرى ما بحذف تعليق اى حد
لانى ببساطه بحترم كل الى بيشرفنى بالزياره

وياستى -واضح طبعاً انك بنت مش ولد-

ولا تسيح ولا حاجه


كل الناس فى المدونه عارفين انى بكتب على المطلق يعنى مش بكتب تجارب شخصيه

هى مجرد حالات عقليه وبنعيشعا بحاول التعبير عنها

هى روحى روحى روحى دى جت فى مسرحيه ايه

انتى منورانى


تحياتى

momken said...

Meekness
ـــــــــــــ

ماشى ياستى

مفيهاش حاجه لما افك معاكى بكلمتين الناس لبعضيها

تحياتى

momken said...

zainab
ـــــــــــــ

اهلا يا زينب...

متشكر على تشريفك لشخصى البسيط

وعلى كلامك الجميل
عندك حق جدا هو صعب اوى
لكنه احياناً يكون قدر
وليس علينا الا تقبل القدر


تحياتى

momken said...

فكرة من الزمن ده
ـــــــــــــــــــ

عجبنى اوى طريقه فهمك للبوست ده

تصورى انا نفسى مكونتش فهمه كده بس عجبنى طريقك اوى

متشكر لتشريفك للمدونه المتواضعه
ولكلامك الجميل


تحياتى

momken said...

سمكه واحده
ـــــــــــــ

اهلا ياسكمه
ايوة سته وعشرين (لن)انتى هتعدى عليا اللقمه ولا ايه

ولا جبنت ولا حاجه
انا اخدت القرار والبركه فيكى انتى تنفذيه
هو انا كل حاجه على دماغى فى البيت ده؟


منورانى

تحياتى

اصحى يا مصر : اسلام ديو said...

ا حسمت امرى ولن اتلتفت لو تدمعين
لن اللوم نفسى
لن أندم
ولن اردد.. ماذا بنفسى فعلت ؟؟
لن يغرقنى المطر
ولن يقتلنى الضجر
ولن يكسرنى السفر

كلام جميل واحساس اجمل
فعلاً كلماتك مؤثرة
والمدونة جميلة
تسلم على البوست الهايل
تقبل تحياتى ومرورى

momken said...

روح شرقيه
ـــــــــــ

اهلا يا ارق روح فى الدنيا...وحشتينى ووحشنى كلامك

ربنا يخليكى ياستى ..مع انى متاكد ان رائيك فيا مجروح لانك تعرفينى وبتجملينى وطول عمرنا من واحنا صغيرين بتشجعينى جداً
الا انى فرحان بكلامك جداً

وبعدين هو لو فى حد اقوله الكلام ده مش كان زمانك اول حد عارف ولا ايه؟

سيبك انتى اخبار فرحك ايه
اخر التجهيزات ايه
الف مبروك يا اجمل عرايس الدنيا
وربنا يتمم بخير

تحياتى

momken said...

مجموعة حياة
ـــــــــــــــ

ام المييس...كلامك مليان حكمه
ونصيحتك تتاقل بالدهب

وجودك عندى شرف عظيم
وكلامك بيسعدنى

منورانى



تحياتى

momken said...

roma
ــــــــــ

ياستى خليهم يضحكوا...انتى زعلانه علشان الناس هتضحك ولا ايه؟؟؟

بس انتى عرفتى رد فعل الناس منين؟؟؟؟


هو انتى ضحكتى لما قريتى الكلام؟؟؟
فعلا عاوز اعرف الرد

اصل ده يبقى اغرب رياكشن على البوست واحب اسجل ده عندى


وقوليلى بقى هو فى فرق بين مشاعر الراجل والست

تعليقك بيثرى معلوماتى جداً

منرانى يا روما

تحياتى

momken said...

سمكه واحده
ــــــــــــــــ

يكش يكون الف (ان) يوة قصدى (لن)هو احنا دفعين حاجه من جيبنا

تحياتى

Anonymous said...
This comment has been removed by a blog administrator.
momken said...

أسوور
ــــــــــ

اسوور ياسر ازيك

معملتش حاجه دى طيبه خالص
بس نصيب

تحياتى

momken said...

قلب ينبض بالحب
ــــــــــــــــــ

انا كمان معتقدتش ومتفق معاكى جداً

متشكر على كلامك الجميل
منورانى



تحياتى

momken said...

nana
ـــــــــ

يا نانا كلكوا عارفين انى كسلان جداً وراضين بالديفو الغريب ده اصبروا بقى وعوضكوا على الله

اما سؤالى عنك فده شرف لشخصى البسيط

انتى منورانى ومتشكر جداً لكلامك الرائع


تحياتى

momken said...

نهر الحب
ــــــــــ

ربنا يخليكى يا اعذب الانهار

بالنسبه لاستخدام اللفظ القرأنى جائز بشرط عدم تغير المعنى او اهانه اللفظ

او محاوله النيل منه

تحياتى

momken said...

سمــــــا

ـــــــــــــــ

نقد مقبول جداً ممكن الالفاظ جت بسيطه وسطحيه المره دى علشان مش مركز كويس

ويمكن علشان هى موجه لشخص العربى بتاعه ضايع زى حلاتى فكنت عاوزة يفهم الى عاوز اقوله
لكن للاسف طلع مبيعرفش عربى اصلا

المره الجايه نكتبها اسبانش

منورانى

تحياتى

انت تسال والكمبيوتر يجيب said...

دعوه
الأخ العزيز/او الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

A.A.S said...

جميله اوووووي استمتعت جدا وانا بقرأها على الرغم من ان الوصف في حد زاته تزكر لها الا انها جميله جدا

ولكن إيه آمين اللي ف النهايه ...؟؟

اخي الكريم الخاطره قويه جدااا
استمر

:) :) :)

roma said...

انت سالتنى اكتر من سؤال وحابب تعرف اجاباتى السوال الاول بترتيب الاسئلة اجابتة لا انا مش هازعل لو الناس هاتضحك ربنا يضحهم على طول الدوام يارب العاليمن بس الاهم انهم ما يضحكوش على حد ..السؤال التانى
توقعتة باحاسيسى وبعدين انت ما شوفتش
التعليقات ..والسؤال الثالث اجابتة نعم بصراحة ضحكت ..اماالسؤال الرابع نعم فى فرق بين احاسيس الست والراجل الست احاسيسها رقيقة جدا بينما الراجل ما عندوش احاسيس اصلا عفوا وارجو اكون رديت على كل اسئلتك وياريت ماتزعلش منى معلش اصلى صريحة شويتين ....ويا ريت يوصلنى تعليقك

mohamed said...

السلام عليكم
قصيدة جميله وكلمات رائعه
تحيتى وسلامى
اشوفك بين حروفك

همسات دافئه said...

ملعون هذا العشق حتي فى اتخاذ القرارات بقوة يثبت لنا اننا أضعف
ما يمكن

لن اشتاق سرد الشعر
فى شعرك المنسدل كالغدير

لن يغرقنى المطر
ولن يقتلنى الضجر
ولن يكسرنى السفر

عفوا ياسيدي
فقد احترفت الشعر
وأغرقك المطر
وقتلك الضجر
وكسرك السفر
********
جميلة اوي كنت مفتقده كلامك جدا بجد
تسلم ياممكن:)
شيماء:)

Habiba said...

عفوا للتأخير
ازيك ياممكن وحشنى كلامك ولو انى عرفتك مش جامد القلب اوى كده

زمان اتشديت اوى لمدونتك لما لقيتك بتعرف تعبر عن الحب كويس اوى

حسيتك بتعرف تحب اوى لكن البوست ده وقفنى شويه وعرفنى اللى يعرف يحب اوى سخطه مابيبقاش سهل
مش كده؟

بس كويس لان الحاله ده معناه استردادالنفس وده الاهم لان البكا على الاطلال مالوش لزوم

انا دعيت وقلتلك يجعلك من دعوتك نصيب لما قلتلى ده معناه انى من الضالين واديك اهو بتقول الضالين وامين :)

سلام

mahasen saber said...

ممكن بئه ممكن يكون كل ده بعاد وهجر

mahasen saber said...

انا ليا سؤال بس

انتا بتختفى وبتروح فين

يا رب تكون بكل خير

فراشة said...

احقا انت ستنفذ كل تلك القرارت
صوتك وقلمك ممتلىء بالاصرار والارادة
ولكننا ضعفاء من داخلنا هل تستطيع نسيانها
كلماتك جميلة وتجعلنى اتسأل كثيرا عذرا ولكن احساسك العالى هو سبب تساؤلى
تحياتى لك ولقلمك

بـلاش تـولــديـنـــيي said...

وهل كان حبك يفرق بالنسبة إليها أصلا ً ..!!!

::::

كلام جميل ,كلام معقول ما أقدرش أقول حاجة عنه


,,

حنان سعيد said...

بجد بجد رااااائعه كلماتك
بس اسمحلي ما اقدرش اصدق انك هتنفذ قرارتك

لن اهفو الى عينيكى يوماً
لن اربط بينهما وبين نجوم السماء
لن اشتاق الى دفىء صدرك
كالأرض تشتاق قطره ماء

لن احلم بالاحضان
وانسى ان زراعى ما خلقت الا لتضمك
وان صدرى لا يعرف منك سوى الاحتواء



لن اكتب فيكى قصائد عشق
لن ارسل لك رسائل حب
لن يأخذنى الحنين الى اماكن قد مررتى بها
او انك يوماً احببتها

لن افكر فيكى اذ تبتسمين
لن اتذكر اشراقه وجهك
او صفاء وجنتيك..ونصاعه اسنانك
اذ تضحكين
لن يأسرنى صوت الضحكه اذ تفرحين

.......
كيف تنفذها وانت تصفها بهذا الجمال
كيف وانا استشعر في كل كلمه انك تزداد حبا لها
لا اعرف لماذا عند قرائاتي لكلماتك كان عقلي تلقائيا يحزف كلمه لا
ويستشعر رقه كلماتك
تحياتي لك وقلمك المبدع

سلمى said...

بص اكيد حضرتك ظلمتها يعنى لو بدلنا لن ب سوف حيكون بوست رااااااائع واكتر كمان بلاش الجفاء هى اكيد مظلومه تقبل مرورى

حزينه said...

ياريت القرار اللى بناخدة لقلبنا
ننفذة
بس بنتعب اوى وبنرجع تانى فى قراراتنا

حزينه اوى

كيكى said...

لن اهفو الى عينيكى يوماً
لن اربط بينهما وبين نجوم السماء
لن اشتاق الى دفىء صدرك
كالأرض تشتاق قطره ماء

لن احلم بالاحضان
وانسى ان زراعى ما خلقت الا لتضمك
وان صدرى لا يعرف منك سوى الاحتواء
*****************
قرار أقوى من اى كلااااااااام
عوووووووووو

ندا منير said...

القرار فى الوقت دا بيبقى صعب قوى
بس المفروض يكون دا القرار
كلماتك رائعة

رشا حسان said...

الحقيقه كلامك جميل جدا ومؤثر
للى مش فاهم معناه
واتمنى انى اكون قد توصلت للمعنى الحقيقى

بأنك تضع بدلا من لن
كلمه ان لانك من تعبيرك عن اتخاذ قرارك
ذكرت انك لن تهتم ان تكون عندها من الراحلين بمعنى انك اذا استمر الحب او لا
فده كله مش مهم
والمهم انك بتحبها وبتعشق كل مفاتنها
اللى طبعا انت ذكرتها

اتمنى انه يكون المعنى المقصود رغم انه حقيقه المعى مع قرارك انت وبس

عاشقة الأحزان said...

السلام عليكم ورحمة الله وبركاته
تقبل مرورى الاول للمدونه الجميله
وبصراحه البوست جميل قووى وعجبنى اسلوبك الاروع

انا لن احبك.....!!!
اقسم لن احبك
وهذا كلامى الآخير

لن اشتاقك يوماً
ولن تغتالنى لحظات الرحيل

لن اضعف ياسيدتى
ولن اشتاق سرد الشعر
فى شعرك المنسدل كالغدير
تقبل تحياتى
وسلالالالالالالالالالالالالالالالالالامى

maha zein said...

سلام عليكم
اذيك يا ممكن
بخصوص تعليقك
انا اللى قلته بخصوص البنيتن حصل فعلا عندنا
لدرجة ان الاطفال كلهم دلوقتي عندنا والجيران والمدرسة بتاعت اختي اللى جنبنا كل الامهات بقوا يودوا ولادهم المدارس ويجبوهم
وعندنا محدش بيتكلم غير عن الموضع ده

انا معرفش جه ولا لا في الجرايد

وعادي اصلا لو مجتش يعني
طيب ما حجات كتير بتحصل من هذا القبيل ولا بتيجي
واخرها تيجي في جريدة او صفحة الحوادث وخلاص


منك لله يا برعي؟؟؟؟!!!!!!
ماشي ماشي
ربنا يسامحك يا عم
عموما بيتهيقلي القصة اللى حكيتها دي وحصلت بجد حاجة بسيطة يعني
مهي حصلت كذا مرة قبل كده
وحصل اللى ابشع منها

وحجات تانية كتير
تصدق ان رايق وفايق

اعد من ساعتها تدور علي الخبر
اهم شىء خلي بالك من اي اطفال عندك سواء اخواتك او ولاد اخواتك
احنا بجد في زمن ربنا الاعلم بيه

كل سنة وانت طيب بمناسبة اي حاجة
سلام

maha zein said...

سلام عليكم
اذيك يا ممكن
بخصوص تعليقك
انا اللى قلته بخصوص البنيتن حصل فعلا عندنا
لدرجة ان الاطفال كلهم دلوقتي عندنا والجيران والمدرسة بتاعت اختي اللى جنبنا كل الامهات بقوا يودوا ولادهم المدارس ويجبوهم
وعندنا محدش بيتكلم غير عن الموضع ده

انا معرفش جه ولا لا في الجرايد

وعادي اصلا لو مجتش يعني
طيب ما حجات كتير بتحصل من هذا القبيل ولا بتيجي
واخرها تيجي في جريدة او صفحة الحوادث وخلاص


منك لله يا برعي؟؟؟؟!!!!!!
ماشي ماشي
ربنا يسامحك يا عم
عموما بيتهيقلي القصة اللى حكيتها دي وحصلت بجد حاجة بسيطة يعني
مهي حصلت كذا مرة قبل كده
وحصل اللى ابشع منها

وحجات تانية كتير
تصدق ان رايق وفايق

اعد من ساعتها تدور علي الخبر
اهم شىء خلي بالك من اي اطفال عندك سواء اخواتك او ولاد اخواتك
احنا بجد في زمن ربنا الاعلم بيه

كل سنة وانت طيب بمناسبة اي حاجة
سلام

صيدلانيه طالعه نازله said...

كل ده و مش بتحبها دا انت بتموت فيها

مش عارفه انتوا بتجيبوا الكلام الجمييييييييييل قوى ده منين
الكلام بجد تحفه و فيه عشق و هيام مش بس حب
بجد بجد تسلم ايدك و دماغك و افكارك

GHARAM said...

قصيدة تقطر عشقا

ولوعة وآسى



وأه من فراق العشاق

وما اسخف العشاق عندما يتوبوا عن عشقهم




دائما مميز ياصديقي العزيز

momken said...

Wish I were a Butterfly
ـــــــــــــــــــــــــــــ

ربنا يخليكى انتى الى حد جميل اوى

وكلامك كما الامطار فى فصل الصيف تكونى اكثر بهجه
والارض فى اشد الحاجه اليها
ويفرح بها الجميع

تحياتى

momken said...

nana
ــــــــــــــ


علم وجارى التنفيذ

كنت ناوى اجى واحط اللينك بتاع مدونتى
بس قلبى مطوعنيش

مع تمنياتى بالتوفيق وتكونى اشهر مدونه

ومتكونيش يارب كئيبه زى اغلب المدونات بعد فتره

اصل بينى وبينك مبحبش الكأبه

تحياتى

momken said...

أبنوسة
ــــــــــــ

مساء الفل يا ابنوسه

اه عارف ومتاكد كمان
بس بينى وبينك مش عاوز حبيبتى تعرف الكلام ده

زى متقولى كده بوريها العين الحمرا

اصل صعب اوى ان حد يعتقد انه اساسى ولا يمكن الاستغناء عنه وعلى هذا الاساس يتصرف بشكل مبالغ فيه

انتى منورانى

تحياتى

momken said...

زهور الامل
ـــــــــــــــــ

الله يسلمك

ولو انى اعرف ان حمدالله على السلامه بتتقال والناس راجعه مش مسافره

متشكر اوى يا نونو على كلامك الجميل

وفعلا قلوبنا متقدرش على القرارات دى

بس اهو الواحد بيفك معاكوا بكلمتين
متحبكيهاش بقى

تحياتى

momken said...

dina
ــــــــــ

عارفه يا دينا..احياناً بنتحط فى مواقف بنضطر نختار فيها اصعب الخيارات

الخيارات دى الى من فتره صغيره كانت مستحيله
بنلاقى مافيش حل غيرها
لانها افضل الحلول

انتى منورانى

تحياتى

momken said...

*shosho*
ـــــــــــــــ

زيارتك اجمل يا شوشو

وانت من اجمل ما ريت

متشكر جداً يا شوشو

واتمنى ربنا ديماً يوفقنا فى اتخاذ القرارات السليمه

تحياتى

momken said...

أختكم فى الله
ـــــــــــــــــ

تعليقك وزيارتك الاورع والاجدر بالثناء

ربنا يعمل الى فيه الخير

منورانى

تحياتى

momken said...

ريمـــان
ــــــــــــ

اخجلتم تواضعنا

بارك الله فيكى يا ريمان

تحياتى

momken said...

sabrina
ـــــــــــــــــ

هناك قاعده نحويه تقول ان نفى النفى اثبات

انتى منورانى


تحياتى

momken said...

احساس لسه حى
ــــــــــــــــــــ

ياسيدى حتى لو جبت سيرتى انا مسامح

ولا يكنش عندك اى فكره

انا متفق معاك فى تعليقك على البوست

الى بيحب ميعرفش يكره
والى يغلط او يشوة صوره حبيبه لازم يؤمن انه عمره ما حبه هو كان بيحب نفسه فى شخص حبيبه

انت منورنى

تحياتى

momken said...

Amal
ـــــــــــ

انا اعتقد ان القرار صعب اما التنفيذ فمستحيل

انتى منورانى

تحياتى

momken said...

عاشــــــ النقاب ـقــــة"نونو
ـــــــــــــــــــــــــــــــ

الله يسلمك...انتى الى حمدالله على السلامه والف خطوة عزيزة فى المدونه المتواضعه

وكل عام وانتى بخير

تحياتى

momken said...

اصحى يا مصر : اسلام ديو
ـــــــــــــــــــــــــــ

ربنا يكرمك يا اسلام

كلامك شجعنى جدا وفرحنى اوى

وزيارتك شرفتنى

تحياتى

momken said...

انت تسال والكمبيوتر يجيب
ـــــــــــــــــــــــــ

علم جارى التنفيذ

مع انى حاولت ازور مدونتك كذا مره معرفتش

تفتكر ليه؟

تحياتى

momken said...

A.A.S
ـــــــــــ

ربنا يكرمك متشكر على كلامك الرائع

بالنسبه لكلمه امين

لو جاءت بعد الدعاء تعنى استجب وتقبل

وان جاءت بعد الاتفاق تعنى يعتمد
ويوثق


تحياتى

momken said...

roma
ــــــــــ

اه انتى رديتى وانا سايب ردك

قريته
ومع انى مقتنعتش بيه لكنى هسيبه يمكن حد غيرى يقتنع بيه

تحياتى

momken said...

mohamed
ــــــــــــ

ابو حميد
ازيك يا مان
متشكر ياباشا على كلامك وزيارتك الجميله


تحياتى

momken said...

همسات دافئه
ــــــــــــــــ

ازيك يا ادفا همسات واعلى احساس فى عالم المدونات

انتى كمان وحشنى كلامك جداً

ادام الله عليك نعمه الابداع
والرقه

تحياتى

momken said...

Habiba
ـــــــــــ

شوى يا حبيبه

الانسان اتولد بيعرف يحب ويعبر عن حبه ده

لكن مفروض انه ميكونش حاد جداً لو الحب كان عمره قصير

لان الحب رزق
وربنا لما بيقطع حب بيوصل بحب افضل واكبر

فلما تنتهى قصه لازم نزعل ولكن على قدر الحدث ولا يزيد الامر عن حده ابداً

كمان بينى وبينك انا مش بحب الكأبه خااالص


تحياتى

momken said...

mahasen saber
ـــــــــــــــــ

اه ممكن يا محاسن

ياستى سؤالك على عينى
واجابته واجب اقوم بيها

انا مش بختفى لكن طبيعه عملى بتفرض عليا السفر كل فتره واحيانا بروح دول مش بعرف ادخل على النت منها

او بكون مشغول جدا فى مهام العمل هو ده الى بيخلينى اغيب غصب عنى

وبعتذر عن الظروف دى

سؤالك عنى بيزيدنى شرف

تحياتى

momken said...

فراشة
ـــــــــــ

والله يفراشه سؤالك فى محله

بس انا اخدت القرارات هو انا كمان هنفذها
خلينا نوزع العمل بينا

انا اخد القرارات وانتى نفذى


هو انا هعمل كل حاجه فى المدونه دى ولا ايه؟

ههههههههههه

منورانى


تحياتى

momken said...

بـلاش تـولــديـنـــيي
ـــــــــــــــــــــــــــ

اعتقد انه مكنش يفرق

ولو انى مش من حقى اجاوب على السؤال ده لانه موجه ليها هى

بس لو كان يعنيها الامر ما وصلنا لهذه النتيجه

ولا انتى مش معايا؟

متشكر على اغنيه ليلى مراد

تحياتى

ايمان روحي said...

كلمات بجد رائعه
ومعانيها بتجنن
وقرار صعب وخطير
تعبير حضرتك بالكلام جد من اروع التعابير
سلمت انا ملك
تحيــــاتي

دينا حامد said...

باين ان في جرح كبير ورا كل الكلام ده
بس الادراج رائع وعجبني جدا
بالرغم من الجرح اللي فيه الا اني حسيت بيه

تحياتي

بنوتة مصرية said...

مين اللى مزعلاك اوى كدة
اه لك كومنت عند محاسن بمدونة عايزة اطلق باااااااااي

ايمان مجدى said...

اولا السلام عليكم
اسلوبك جميل قوى
اسهل حاجة اننا ناخد قرارات بس لاحظ فى كل قراراتك انك بتمدح فيها وبتعدد مزاياها اللى انت مش عارف تنساها ولما تلاقى كل المميزات دى صعب قوى تاخد قرار بالرحيل
اصعب ما فى الحب قرار الرحيل

عجبنى قوى الجزء ده

انا حسمت امرى ولن اتلتفت لو تدمعين
لن اللوم نفسى
لن أندم
ولن اردد.. ماذا بنفسى فعلت ؟؟
لن يغرقنى المطر
ولن يقتلنى الضجر
ولن يكسرنى السفر

ولن اهتم ان اكون عندك من الراحلين
او المغضوب عليهم او الضالين

أمــــــين

بالتوفيق دائما
تحياتى

momken said...

حنان سعيد
ـــــــــــــــ

اشكرك بشده على تقديرك لشخصى البسيط والذى لا استحقه

بس عارفه يا حنان

انا بعتقد ان الشخص الى بيحب ويعشق بيصاب بشلل
هذا الشلل يوقف مرراكز الكراهيه او البغض فى داخله

الى بيحب مبيعرف يكره حد فالطبيعى انه يعجز بشكل تام عن كره او بغض حبيبته

هو بيحبها وهى كمان بتحبه لكن ربما حدث بينهم شرخ يصعب ترميميه او حصل بينهم جرح يستحيل علاجه
وممكن بعدهم يكون افضل الحلول

انتى منورانى
وكلامك اسعدنى جداً

تحياتى

momken said...

سلمى
ـــــــــــــ

ماشى ياست سلمى طالما انتى شايفه انها مظلومه ممكن بقى تشوريلى على الظالم

ماشى يا سلمى ماشى

انتى جايه بيتى علشان تشتمينى وتجرى

الله يسمحك

وياستى لو انا الى ظلمها ادعيلى ربنا يسمحنى ولو هى الى ظلمانى انا بدعى ربنا يسمحها لانها متهونش عليا تتعذب بظلمها ليا

وممكن يا استاذه سلمى ميكونش حد ظلم حد يعنى ممكن ده بيحصل علشان منظلمش بعض


صح؟

انتى منورانى يالى ظلمانى

تحياتى

momken said...

حزينه
ــــــــــ

اهلا يا حزينه

بعد الشر عنك من الحزن ويارب الى يتمنالك الحزن هو الى يحزن وبشده

انا متفق معاكى جداً
اننا رغم القرارات دى بنرجع تانى زى الجزم لبعض ...وبننسى الى حصل ونرجع نصتدم ببعض مره اخرى وهكذا

يكونش هو ده الحب


انتى منورانى

تحياتى

momken said...

كيكى
ــــــــــــــ

ياه ه ه يا كيكى انتى لسه فاكره المدونه

والله فيكى الخير يا دكتور

عندك حق طبعا القرار اكبر من اى كلام بس الى يلتزم بقى


انه كلام ليلاً يا سيدتى

تحياتى

momken said...

ندا منير
ــــــــــــــ

عارفه يا ندا كتير بتكون قرارتنا هى اصعب الخيارات لكننا لا نجد غيرها لنتمسك بها
فتكون القرارات هى اقرب الخيارات

متشكر على تشجيعك الرقيق

منورانى

تحياتى

momken said...

رشا حسان
ــــــــــــــــ

اه عندك حق جداً

وانا اقر بذلك جداً

هو فى حد فيوم كره حد كان بيحبه ؟؟
حتى لو انفصلوا محصلش


منورانى


تحياتى

momken said...

عاشقة الأحزان

ــــــــــــــــــــــــ

انا عجبنى اكتر تعليقك الراقى جداً

وكلماتك الارستقراطيه للغايه

وتشجيعك الذى يقطر رقه وشياكه

تقبلى خالص تحياتى


تحياتى

momken said...

maha zein
ــــــــــــــــــ

انا طبعاً بصدقك يا مها من زمان

وعارف انه صادقه
بس انا فعلا كلفت ناس تتابع الخبر
لانى شايف انه قضيه رائى عام

مش معقول عيل وشه يتحرق يجى فى كل الجرايد والفضائيات على مدى اسبوع وبنتين تتسرق اعضئهم والموضوع يتكتم عليه الا لمصلحه التحقيق

بس الموضوع طول وجه فبالى انه ممكن يكون اشاعه وذدات عن حدها

ممكن يكون محصلش بس كان ممكن يحصل والناس طورت الموضوع فى دمغها

انتى منورانى


تحياتى

momken said...

maha zein
ـــــــــــــــــــ

وانتى طيبه بمناسبه اى حاجه

سلام

momken said...

صيدلانيه طالعه نازله
ــــــــــــــــــــــ

ماشى يا ستى بموت فيها بموت فيها زى بعضه

انتى افضلى قولى كده علشان هى تتمرع على العبد لله

ومتشكر ازى يا دكتور على كلامك الرقيق والجميل جداً

تحياتى

momken said...

GHARAM

ـــــــــــــ

غرام يا ه ه ه

دانا كنت فقدت الامل فيكى

متشكر يا ستى على مديحك وكلامك الى مش غريب عليكى
ولو انها شهاده مجروحه لاننا اصدقاء
ادام الله عليك نعمه العذوبه والرقه


تحيياتى

ايمان روحي said...

مسترmomken
ليك عندي تاج اتفضل خدوا
بالتوفيق
تحيــــاتي

sa7arkash said...

السلام عليكم مررت للتحيه ..والاطمئنان على تميزك الدائم..وواضح ان قرارك صارم جدا..والدليل كم التفاصيل اللى تذكرها...سلا م جامد جدا .

nana said...

طولت الغيبة ها حنفضل نقولك فينك؟

momken said...

ايمان روحي
ــــــــــــــــ

ربنا يكرمك يا ايمان ده من فرط زوقك وقتك وادبك

اه القرار صعب بس احياناً بيكون هو اسهل الاختيارات


تحياتى

momken said...

دينا حامد
ــــــــــــــ

هو مين يا دينا بدون جروح

لكن انا عادتاً مش بكتب نتيجه تجربه شخصيه لكن نتيجه حاله عقليه ومزاجيه بمر بيها

واشكرك على مروك الكريم وكلماتك الرائعه

تحياتى

momken said...

بنوتة مصرية
ــــــــــــــــ

مافيش حاجه يا بنوته هو حد يقدر يزعلنى وانتى موجوده

انا روحت شوفت لالكومنت عند محاسن وطبعا رديت على تعليقك عند محاسن

منورانى يا بنوته



تحياتى

momken said...

ايمان مجدى
ـــــــــــــــ

اولاً عليكم السلام ورحمه الله وبركاته

ربنا يكرمك ده من زوقك

اه بمدح فيها...!! عارفه ليه

لاننا لما بنكون بنحب حد
بنشوفه احلى حد واهم حد وكلامه افضل كلام واعذب كلام

ولا قدر الله لما بيحصل بينا مشكله
الموضوع بيتغير
بيكون هو اسواء حد واتفه حد وكلامه كذب وتصرفاته تمثيل...وحركاته نفاق

ليه؟؟؟؟

هو الشخص ده اتغير؟؟؟
لاء احنا الى اتغيرنا
وده بيثبت اننا احنا الى عندنا ازدواجيه فى شخصيتنا وفى احكمنا وبنكيل المسائل بمكيالين

الى نحبه بمكيال والى نبغضه بمكيال
وده مش عدل ده اسمه ظلم والظلم ظلمات يوم القيامه


وانا ياستى محبش اكون ظالم

حبيبتى سواء كنت بحبها او بطلت احبها هى زى الفل



تحياتى
ا

momken said...

ايمان روحي
ـــــــــــــ

انا متشكر يا ايمى على التاج
واخدتو

بس مش هجاوب عليه الا لما تدربينى على كيفيه الرد على التاجات باسلوبك الرائع المميز

لما ابقى شاطر زيك هعمله

تحياتى

momken said...

sa7arkash
ـــــــــــــــــ

ياه

عاش من شافك يا سحركش

ربنا يخليكى

انتى دايما ً رائعه ومميزة

كنتى فين كل ده قرى واعترفى


منورانى



تحياتى

momken said...

nana
ــــــــــــــ

فوراً يا ستى هنزل بوسن بمناسبه فرح روح


عقبالك ان شاء الله

وميرسى يا نانا على سؤالك


تحياتى

شهووووده said...

سلمت اناملك..كلمات جميلة

momken said...

شهووووده
::::::::::::::

شكرا على الكلام الجميل والزياره الكريمه



تحياتى

ساسو said...

بجد دمك زي العسل

Tom Fuhrer said...

maha zein ــــــــــــــ ايه ياست هانم مش عجبك تجلجلين ولا ايه او انا بحب فرسه عجبك حضرتك ولا استغفر الله العظيم مش عجبك؟؟؟؟ :D متشكرين ياستى على الشريط مع ان الدكتور حازم زشومان عصبى جداً مع ان مواضيعه بتعجبنى جداً لكن حماسه الشديد وصوته العالى وطريقه شخطه بتهرب منى الموضوع ربنا ينفعنا بعلمه وبعلم جميع ائمه الامه امين تحياتى

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

قمم التميز said...


شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف سجاد بالخبر

شركة تنظيف كنب بالخبر

شركة تنظيف موكيت بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

عوض الحوت said...



شركة تنظيف بالرياض
شركة رش مبيدات بالرياض
شركة مكافحة حشرات بالرياض
شركة مكافحة النمل الابيض بالرياض
شركة نقل اثاث بالرياض
شركة ترميمات ودهانات بالرياض
شركة ديكورات بالرياض
شركة تسليك مجارى بالرياض

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر