Monday, August 17, 2009

يادى الفضيحه ام جلاجل...يادى الجرسه ام حناجر

هههههههههه

دى حفله كانت معموله فى فندق هيلتون فى عاصمه امريكا واشنطن

كانت الحفله للمراسيلين الاعلامين

واتعزم فيها وزير الدفاع الامريكى السابق دونالد رامسفيلد

الراجل لبس الى على الحبل وجاب مراته الى رجلها والقبر

وطلع على الحفله...واهى منها يتعشى ومنها يفضل فى دائره الضؤ

-البشمهندس هز طوله ودخل الفندق...هوب قبلته وحده -ماشاء الله اطول منه

وقعدت تردد هذا هو مجرم الحرب....دونالد رامسفيلد مجرم الحرب

على ما الامن استوعب الموقف والبشمهندس زوغ منها

قبلته صحبتها وحتط ايدها على بقها... وبعلو صوتها وكأنها بتقدمه للجمهور

: قالت

(حضر الان ايها الساده مجرم الحرب/ السيد دونالد رامسفيلد)

الرجل الذى قتل المدنين العراقين

مجرم الحرب.... مجرم الحرب....مجرم الحرب

كده يبقى واحد انضرب -اسمالله على مقامكم -بالجزمه والتانى الحريم شرشحتلوا

ولو عاوز تهزء راجل صلت عليه مرسله صحفيه

هسيبكوا مع الفيديو

54 comments:

زهور الامل said...

هههههههههههههههههههه
اشطة عليه
ولسة يا باشا والله لسة هيشوفوا كمان وكمان واخرتهم منيلة ان شاء الله
والله العظيم فرحتني
نفسي بقى الواد بتاع اسرائيل الا صحيح هو اسمه ايه اصلي نسيت اسمه؟؟؟؟

ولو ان الاشكال دي مفيش في وشهم دم ولا بتفرق معاهم الفضايح لانهم مش بيستحوا من شيء عالم بجحة من الاخر
اللي انضرب بالجزمة كانت الجزمة ملزوقة في وشه وبرضة كان مبتسم بكل برود لو واحد غيره كان راح ولع في نفسه
لكن هنقول ايه ان لم تستحي فافعل ما شئت

دايما سباق بالخير يا ممكن

كل عام وانت اسعد واطيب واجمل الناس
كل عام وانت بخير ورمضان كريم عليك وعليا وعلى كل المسلمين

تحياتي

Hadota ... حدوتة said...

انا مستغربة بس كمية البرودوالسماجة اللى هو فيها بيتشتم وبيتفضح وماشي عادى بيضحك وبيسلم على الناس ومراته ماشية منشكحة جدا يعنى


الواحد مش عارف يقول غير منهم لله .. يارب استجب فى الايام المفترجة دى


سيبك انت .. انت عامل ايه ؟؟
كل سنة وانت طيب يا ممكن
رمضـــــان كريـــم



فين زينة رمضـــان ؟؟؟


تحياتى

سمكه واحده said...

اه شوفت اللقطه دي امبارح في التلفزيون بس بقيت مبسوطه بجد ان في امريكان فاهمين كويس وانهم ضد الحرب في العراق

اللي بقي لفت انتباهي
انهم هناك مختلفين عننا لهم حريه رأي وتعبير حتي في انتقاض الوزراء والمناصب العليا الست مخفتش وقعدت تزعق في افاه وفي وشه بس باسلوب شرشحه امريكاني راقي بردو هههههههه مش قالتله ياولود ياولود ياولود ويك ويك ويك
تخيل انت لو الموقف ده حصل في مصر لوزير من الوزراء الاجلاء اء اء اء كان اقلل حاجه اتسحلت من افاه او اتنشت رصصتين حفاظا علي الامن العام
بس
الراجل بارد برود بس تلاقيه كان رجله بتخبط في بعض بجد معندهمش دم بيبتسم انا لو منها كنت تشيته واحده علي افاه وعملت فيها هبله وعملت حركات واشتغلات بقي مهي بايظه بايظه
ياله ربنا يحرقهم ويولع فيهم في الايام المفترجه دي
ويصلح حالنا احنا
كل سنه وانت بخير ورمضان كريم

نـــــــــــــور said...

والله انت مفترى

تصدق انهم عيال رجاله
بس الملاحظه الغريبه ومش عارفه دى مقصوده تعبير عن الديمقراطيه ولا دى مش مقصوده

الامن مااتخذش معاهم اجراءات عنيفه زى لو كان موقف زى ده حصل عندنا مثلا

والملحوظه التانيه الاخ ده عمال يتهزأ وعامل نفسه مش سامع حاجه

يابرود امه ياشيخ

والملحوظه الاخيره
الفيديو بتاع المره اللى فاتت راح فين يامنكن
اعترف الانكار مش هينفعك
كل سنه وانت طيب :)

فراشة said...

من اعمالهم صلت عليهم

للاسف هما مش شايفين انهم حايجلهم يوم ويتركنوا على جنب
يمهل ولا يهمل

بس بجد تحيه للصحفيتين بجد

تحياتى لك وكل سنه وانت طيب

Bondoka said...

كويس ان الناس عندهم عارفه انه مجرم حرب
مش تخاريف عرب بس يعنى

Founoon said...

هههههههههههههه

جامدة

smilyrose said...

ههههههههههه

لا يجد جامدة

ويستاهل اكتر من كدا

ولسه

blue-wave said...

ههههههههههههههههه
والله تمام اوى كدا:))

GHARAM said...

يا بني دي حاجه معروفه مايجبها إلا ستاتها



كل سنه وانت طيب

akeed said...

بجد تسلم ايدك على هذه الفضيحة الهامه فعلاً ربنا بيسلطهم على بعض الفضيحة جتلهم من عندهم مش من عند العرب


بجد الله ينور

تحياتى وتقدير

وكل عام وانت بخير بمناسبة قدوم شهر رمضان

ঔღঔ نـــوارة ঔღঔ said...

ههههههههههههههههه

يستاهل والله شرشحت كرامته

ههههههههههههههههه

بس على فكرة هما عندهم بلادة ومتعودين على كدا

ربنا ينتقم منهم

ميررررررسي عالمقطع

ههههههههههه

ست البنات said...

زفة جامدة موووووووووت

فتاه من الصعيد said...

ههههههههههههههه

اهي دي الستات ولا بلاش

أم بتول said...

يستاهل بس كان نفسى اعرف هو بيضحك على ايه ، و بعد دة كلة لسة فى حيوانات زية حريصة انها تتصور معاه ، ولسة ياما هايشوف ، أن شاء الله فضيحتة الكبرى على رؤوس الأشهاد ، و نحن نقف أمام المولى عز وجل .

sara said...

هههههههههههههههههههههه
الله اكبر يا عرب النسوان بقت تاخد حقكم
النصر للعرب

سما said...

رمضان كريم يا ممكن .......والعرب اكرم

سما said...

ايه دا على فكرة انا سارة

سلوى said...

:))

لا جامده بجد
إيه الجمال ده

سواء اللي انضرب بالجزمه ولا اللي الستات قابلوه بالتحيه المحترمه
الإتنين مش بيحسوا اصلا

كل سنه وانت طيبه وبخير وصحه وسلام أنت وكل الأسرة

mahasen saber said...

للاسف الفيديو مش شغال عندى بس عامتا انتا وصفت الموقف وانا تخيلته

واحترمت الستتين اليى عبروا عن رأيهم فى وزير دفاعهم سابقا
احترمت موضوعيتهم وحكمهم على الامور بانسانيه يعنى شايفين ان العرب بشر وارواح ليها احترامها اهه

بس شفت فى عنيهم مع انى مشفتش الفيديو انما حسيت بحرقة قلبهم على العراقيين ومعتقدش انى حسيت بحرقة القلب دى مننا احنا كتير على اخواتنا فى العراق

يعنى جت من الغريب ولاا جتش منا

الحلم العربي said...

هههههههههههههههه
أحسن أحسن أحسن كلهم إلى قمامة التاريخ

كل سنة و انت طيب و ربنا يجعل رمضان السنة دي يقربنا لربنا خطوات ان شاء الله

الحلم العربي said...

ممكن استأذنك آخد لينك للتدوينة دي و احطه على الفيسبوك؟؟

شهد الكلمات said...

ههههههههههههههههههههه

ده انتفضح مش من واحدة من 2
لا و البجح فرحان ومكمل عادي
واحد غيره كان مشي
لكن نقول اية ما اللي اختشوا ماتوا فعلا
كليب جميل

كل رمضان و انتا طيب

و بخير و وصحة و سلامة

تحياتي

بحب الحكومة said...

كل عام وانتم بخير


بمناسبة شهر رمضان المبارك

آه وكفى said...

هههههههههههههههههههههههههه
ياوكستهم
عوبال كوندليزا لما يمسكوها يضربوها بالشباشب هو و توني بلير هو كمان معرفش والله الراجل ده كمان راح في انهي داهية مع انه أس الفساد هو راخر
العالم دي والله دخلت التاريخ من اوسخ ابوابه وعملوا من صدام بطل
بس لسه كمان هيتهانوا لما فعلا التاريخ يكتب عنهم يله ده اقل واجب والله هما يستاهلوا كل خير

الله يجحمهم

GiGi world said...

كل عام وحضرتك بالف خير يارب والاسره الكريمه
اللهم بلغنا رمضان

سمكه واحده said...

كل سنه وانت طيب وسعيد يا ممكن
ويارب ديما ممكن ربنا يبلغك رمضان
وتحقق كل احلامك وربنا راضي عنك وحوليك كل حبيبك
وكل الاسره في اتم صحه وسعاده
رمضان كرييييييم

نـــــــــــــور said...

رمضان كريم يامنكن

طبعا دلوقت قاعد عمال تاكل من المغرب لحد الفجر وتشر بوكان ده اخر ييوم هتاكل فيه
قوم قيم الليل وبطل اكل
هتتخن حرام عليك

قوس قزح said...
This comment has been removed by the author.
قوس قزح said...

غسل الله قلبك
بماء اليقين
و اثلج صدرك
بسكينة المؤمنين
و بلغك
شهر الصائمين

.. * * . * * .
.* . . * . . *
* . رمضان . *
. * .كريم. * .
. . * . * . .
. . . * . . .

gogo!sf said...

ازيك يا ممكن اخبارك ايه

يارب تكون بخير

وكل سنه وانت طيب يا قمر

ســـــــهــــــــــر said...

هى فضيحه فضيحه يعنى
بس يستاهلها

هالة said...

دا اقل واجب يا ممكن ... خسارته مش كبيرة ... الكل عارف انه مجرم حرب .. ويدوبك اتفضح فضيحة صغيرة ...
ولكن ضحايا الحرب ممكن نعوضهم ازاي ... ولا كنوز الدنيا ولا ألف فضيحة لمثل رامسفيلد تعوضهم ...
بوست موفق يا ممكن

نـــــــــــــور said...

ممكن
انت فين
اوعى تكون اتخطفت فى رمضان كده؟
;)

hager za3bal said...

مفيش تعليق :)))

بس انا عايزه اقول
رمضان كريم :)

معلش جت متأخره شويتين :$

mahasen saber said...

ياه فينك ...رمضان كريم عليك وعلى كل من تحب يا ممكن

يا رب تكون بأفضل حال

Sharm said...

احسن
و لسة يا من سكنتم مزبلة التاريخ

GiGi world said...

كل عام وحضرتك بخير وصحه وعافيه
تقبل الله منا ومنك صالح الاعمال

زُمُرده said...

ازيييييييييييييييييييييييك
عامل ايه واخبارك ازيها؟؟
يارب بخييييييييييييييييييييير
كل عام وانت بخير وصفاء ورضا

mahasen saber said...

شكرا على ذوقك وسؤالك انتا يا ممكن

وحمد الله على السلامه

وبعدين التكرار بيعلم الشطار....

نورت ارض البلوجر من تانى

سمكه واحده said...

فينك؟
ومش بتعمل بوستات جديده ليه
كسلان كده ليه
هه
هه
هه
؟؟؟؟؟؟

maha zein said...

ايه ده؟
انا معقول مليش تعليق هنا
بس والله انا قؤأت البوست ده اول ما نزل و اتفرجت علي الفيديو بس مش فاكرة ايه اللى حصل
عموما بعتذر عن عدم سؤالي
حرجتني بتريقتك يا ممكن
ماشي ماشي
انا و الله ديما بشوف في الريدر بلاقيك انك مغيرتش الموضوع
عذرا

و كل سنة و انت بخير و سلامة مع انها جت متأخرة

شفقة هانم واحسان بك said...

فيديو رائع
والمهم انه اكدلي ان عندهم شراشيح زي عندنا
هههههههه

وأحب أحييك على الموضوع السابق كمان
الدم مش ... مية
رائع كعادتك دائما
بس صحيح انت مش باين ليه ؟؟

أخوك/ إحســـان

فكرة من الزمن ده said...

ممكن
قلت لك قبل كده انت مش ممكن
وباقولها لك انت مش ممكن
انت مشمش لانك بتظهر زي المشمش قبل ما نشوفه بيختفي


اما بقى لصاحبك ده فعادي جدا
عااااااادي
جزم بتتحدف عليهم وبيض وطماطم زي ما حصل في بوش وبلير
وشتيمة عادي جدا
دي ناس تيييييييييييت

الفضيحة والجرصة لينا احنا
كعرب اللي حاكمنا الزايدي والكاميرات كلها سجلت العلقة السخنة اللي اكلها على الهوا
في اسرع جزاء ممكن ياخد بني ادم على مهمة اداها بنجاح


وكلمة مجرم حرب اعتقد انها تزكية بالنسبة ليهم مش زي عندنا

تحياتي

kochia said...

موقف فظيع بس طبعا يستحقه
حلوة اوي

عالم حبيب said...

ما شاء الله ما شاء الله

مية مية

semsem said...

مستنياك عندى

زهور الامل said...

انت واخد مخالفة على فكرة (وش شرير)
ولو اتاخرت عليا اكتر من كدة هتلاقيني قدامك بالساطور ( وش مفتري)

وحشتني انت فين
مستنية رايك في اخر بوستين عندي

تحياتي

mira said...

ولو انه ما اتهز ولا اتاثر ولا كان على باله اصلا ما حدث الا انه يستاهل كفايه الفضيحه العلانيه على النت والعالم كله شافه وهوة بيتهان
تحياتى

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

عوض الحوت said...

شركة تنظيف بابها
شركة تنظيف خزانات بابها
شركة مكافحة حشرات بابها
شركة تسليك مجارى بابها
شركة كشف تسربات المياة بابها
شركة نقل اثاث بابها

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر