Saturday, November 13, 2010

الحصه الاخــــــيره





فى معادله إلهيه قديمه جاء فى احد طرفيها ( إن كيد الشيطان كان ضعيفاً ) و
جاء فى الطرف الاخر ( إن كيدكن عظيم )تتضح نتائج معينه لهذه المعادله

وعدم اكتراث الرجال لهذه المسئله ..والاهتمام لنتائجها
لايدل بالقطع على سطحيتهم
بقدر ما يبرهن على جهلهم بعلم الحساب


79 comments:

ست البنات said...

سلام عليكم

احم احم يا مومكن
:))
كل سنة وانتا طيب وأحسن وأكثر رضا

Israa' A. Youssef said...

طيب ليه بس كده؟
ده أنا حتى كنت جاية أصبح وأقول كل سنة وإنت طيب :)

Ramy said...

هههههههههههههه

شوف هقولك كلمة واحدة بس

كل سنة و كلنا طيبين

(:

ربنا يعيد عليك و على العائلة الكريمة بخير

خواطري مع الحياة said...

وليه كده عملولك ايه
هههههههههههه
ماش مقبولة منك
عشان العيد جاي ولازم نسامح
ههههههههههه
كل سنه وانت طيب
سلامي ليك اخي

anne lilly said...

ليه كده يا ممكن
دانا بقولك انك الوحيد اللى بتنصر بنات جنسي
هو طبعا ده كلام ربنا سبحانه وتعالى بس بردو ربنا خلاكم قوامين علينا
يعنى احنا نفكر وانتوا تنفذوا يا ممكن
بس جامد

bentelghrob said...

المرأة نصف المجتمع و مربية نصفه الآخر و عندما تعمم على النساء صفة الكيد فأنت هنا تنسف تاريخاً كاملاً و تظلم المرأة المسلمة في كل العصور و الأمكنة
و الكيد لا يتفوق فيه أحد الجنسين على الآخر بل هو موجود عند الرجال و عند النساء و الدليل من سورة يوسف نفسها لكن مشكلتنا نأخذ الآيات التي تعجب تفكيرنا و لا ننتبه لكل الآيات
ألم يقل الله تعالى على لسان سيدنا يعقوب الذي حذر إبنه سيدنا يوسف من إخوته فقال تعالى :
( يا بني لا تقصص رؤياك على إخوتك فيكيدوا لك كيدا إن الشيطان للإنسان عدو مبين )
من أشد كيداً امرأة العزيز و النساء اللاتي راودن سيدنا يوسف عن نفسه
أم كيد إخوة سيدنا يوسف عليه السلام الذين رموه في البئر و تركوه للموت
و عادوا ليكذبوا على سيدنا يعقوب و قالوا بأن الذئب أكله ؟!

الجواب بالتأكيد سيكون :
كيد إخوة سيدنا يوسف اشد و أعظم من كيد أي امرأة في التاريخ والكيد
موجود بشكل عام عند الجنسين و قد ورد في القرآن كثيراً بصورة عامة
قال تعالى : ( إنهم يكيدون كيدا و أكيد كيدا فمهل الكافرين أمهلهم رويدا )
و قال أيضاً : ( أم يريدون كيدا فالذين كفروا هم المكيدون )
مما سبق أتمنى أن نعرف جميعاً أن فكرة كيد النساء أعظم من كيد الرجال فكرة خاطئة و لا دليل على صحتها
و الكيد صفة موجودة عند الرجال و عند النساء و لا يتفوق أحد الجنسين على الآخر في ذلك
على العموم بما انك من الجنس الاخر يعنى شكلكم محتاجين درس خصوصى وخصوصى اوى فى الحساب علشان تتعالموا تحاسبوا كويس فى التعامل معانا ودا شرف لينا طبعا ان فى صفه عظيمه معظمه فينا بعض الرجال متعرفوش تحسبوهاا
واخيرا:
حمد الله على السلامه وحلو اوى لون مفارش العيد الجديده اموت انا فى كل مشتقات البيج والبنى
دومت عاشقا محبا بس دور على عشق بقا صافى ونقى مفيهوش كيد او اتعلموا الحساب
تحياتى.
:)

bentelghrob said...
This comment has been removed by the author.
mero moonlight said...

كلام مظبوط لان البنت ممكن تعمل اى حاجه عشان متحسش بالقهر
يبقى الرجاله هما اللى جابو ده ليهم مش حد تانى

شمس النهار said...

طيب بس ليه كده
واحنا دخلت عيد
ليه بس بتضحي بنفسك كده

:))))

كل سنه وانت طيب

Ms Venus said...

لو عممت كلامك مينفعش تعرف ليه ؟


لان المرأة هى اساس الحياه


تفتكر لو اساس الحياه كده هيبقى الحال ايه



ههههههههههه


كل سنة وانت طيب وبكل خير يا ممكن

Tears said...

حلوة

sweet angel said...

ايييييييييييييه ده

الكلام ده زي مانا فهمته ولا ليه معنى تاني

كل سنه وانت بالف خير

الحب الجميل said...

انت شايف كدا ؟؟؟

مجداوية said...



السلام عليكم

بداية خيراً فعلت بعودة فتح المدونة ومتعملهاش تاني لأننا لينا فيها
:)
أما عن المعادلة الحسابية المجحفة لأنها عممت والمساواة في الظلم ظلم

فبالإضافة إلى كل الأيات الكريمة التي أيدت بها كلامها الجميل وأعني كلام الأخت بنت الغروب

أدعوك لتقرأ معي بتروي وتمعن هذه الآية الكريمة التي ورد فيها إن كيدكن عظيم

قال تعالى في سورة يوسف:

فَلَمَّا رَأَىٰ قَمِيصَهُ قُدَّ مِنْ دُبُرٍ قَالَ إِنَّهُ مِنْ كَيْدِكُنَّ ۖ إِنَّ كَيْدَكُنَّ عَظِيمٌ (28)

صدق الله العظيم

السؤال
من قائل هذه العبارة ؟

الإجابة
العزيز

وليس وصف الله لكيد المرأة بالتحديد
فالله يقص علينا أحسن القصص ويدرج ما قيل فيها

عندما اكتشف العزيز الأمر وأراد أن يخفي خيبته وتفريطه في عرضه لزقها في زوجته الممثلة للنساء بقوله إن كيدكن عظيم بالظبط كأنه يقول آه منكم انتوا يتفات لكم بلاد ثم طلب من سيدنا يوسف أن يعرض عن الأمر وكأنه محصلش وكفايه إنه بستفها كده , راجل أوي العزيز ده ! ,,

وكما قالت أختنا بنت الغروب أن عظمةالكيد والدهاءلم يختص به جنس عن جنس
وسبحان الله عندما تريدون أن نكون في منتهى الدهاء تقولون لنا إن كيدكن عظيم
وعندما تريدون أن تنفوا عنا المنطق والتفكير تقولون ناقصات عقل ودين

المرأة إن كانت أم صالحة وزوجة صالحة فهي خير متاع الدنيا وهن شقائق الرجال وهن القوارير اللائي أوصاكم بهن رسول الله وقال استوصوا بالنساء خيراً
لكن ما يحدث في مصر بالتحديد هو العكس تماما من وصية رسول الله للرجال ( إن كانوا رجالاً )
فما كان من المرأة أن اضطرت للدفاع عن نفسها بعد أن عز الرجال المدافعين عنها فتحولت القوارير لفولاذ ,, فلا تلوموا إلا أنفسكم

وكل عام وأنت بخير
:)

BNT ELISLAM said...

السلا م عليكم
فعلا ان كيدكن عظيم
خلى بالك بقى من كيد النساء
من الاخر اتقوا شر الحليم اذا غضب
وعلى العموم اطيب احسن كل سنه وانت طيب

افروديت said...

هههههههههه... طلعت ذكي اوي ياممكن
بصراحة ممكن تحصل بس اكيد مش الكل
"كل سنة وانت طيب وبخير"

ندى الياسمين said...

هعععع ايون خافوا بقى

كل سنه وانت طيب

جايدا العزيزي said...

هههههههههههه

ماشى يا عم

لا جدال

ان كيدهن لعظيم

فانا لا اجادل فى ما اكده الله

بس زعلان منهماووووووووووى كده ليه

ونسيت تزكر ما وصفهم به القرأن الكريم

يعنى كده شفت نص الكوب الفاضى

انا مش هدى امثله

علشان دخلين على العيد

انا جايه بس علشان اقولك


كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

momken said...

ست البنات
ــــــــــــ

اهلا وسهلا يا ست البنات الاحم احم بتعتك وصلت وغزاها وصل

كل سنه وانتى طيبه وفى منتهى السعاده

تحياتى

momken said...

Israa' A. Youssef
ــــــــــــــــــــــ

معلش بقى
ولو انى برىء معملتش حاجه خالص

كل سنه وانتى طيبه ياستى

تحياتى

momken said...

Ramy
ـــــــــ

كل سنه وانت منتهى السعاده

منورانى دايما يا صديقى

تحياتى

momken said...

خواطري مع الحياة
ــــــــــــــــ

المسامح كريم ياستى وجميلك على عينى

ومحدش عمالى حاجه وانا مفتحتش بقى خالص

انا جيت ضد الرجاله الى جهله فى الحساب
الستات زعلانه ليه بقى

كل سنه وانتى طيبه

تحياتى

momken said...

anne lilly
ـــــــــــــــ

لي لى حبيبه قلب خالو يارب اشوفك بتعلقى عندى وتريحى مامى من الكتابه

انتى كمان يا لى لى مش عجبك البوست طب اعمل ايه دلوقتى اعيط يعنى

حلوة احنا نفكر وانتوا تنفذوا
اميد ده رائى مامى

انت المخ وانا العضلات

كل سنه وانتى طيبه يا لى لى وقولى
ل ( ان ) شكراجدا كل سنه وانتوا طيبين

وانشاء الله رحله سعيده

تحياتى

momken said...

bentelghrob
ـــــــــــــــــ

ياستى انا مجتش نناحيه المرأه خالص
البوست عن الرجاله ومدى ضعفهم فى عالم الحساب

صح ولا لاء

اما بالنسبه للكيد فلم يعظم الله شياً فى القران كمان عظم كيد المرأه ولم يحقر شياً فى القرا ويضعفه كما ضعف كيد الشيطان
اردت فقط اى ارسم هاله مضيئه على العمليه المنطقيه والمعادله الالهيه
اما عن من اشد كيداً

فانا لم اسمع ان كيد قتل نبى الا كيد النساء
(مع يحى عليه السلام)
ولم اعلم ان كيدا سجن نبى الا كيد النساء
(مع يوسف عليه السلام)

انا برررررىء جدا


كل سنه وانتى طيبه

تحياتى

momken said...

mero moonlight
ـــــــــــــــ

اتفق جدا ان الرجاله الى جابو ده لنفسهم

كلامك منتهى الحكمه

كل سنه وانتى طيبه

تحياتى

momken said...

شمس النهار
ـــــــــــــ

هو فى ناس كده بتاذى نفسها


كل سنه وانتى منتهى الطيبه والحب

تحياتى

momken said...

Ms Venus
ـــــــــــ

انا معممتش نون النسوة محطوطه لوحدها انا مجبتش حاجه من عندى

الكلام على نون النسوة فقط فى كلمه كيدكن فين بقى التعميم فين؟؟

اتفق ان المرأه اساس الحياه
وهى كل الجميل فى حياه الرجل

بس ده كلام ربها مش كلامى
لو انى انتفق مع كلام الله

كل سنه وانت بالف خير يا فينوس


تحياتى

momken said...

Tears
ــــــــــ

شكرا


كل سنه وانتى طيبه

تحياتى

momken said...

sweet angel
ــــــــــــ

لاء لاء سيبى السكينه انتى اكيد فهمتى غلط

كل سنه وانتى طيبه

تحياتى

momken said...

الحب الجميل
ــــــــــــ

انت عندك رائى تانى؟



كل سنه وانتى طيبه
عيدكم مبارك



تحياتى

momken said...

مجداوية
ـــــــــــ

عليكم السلام ورحمه الله وبركاته

اشكرك اختى الكريمه على اهتمامك بالمدونه
وتعليمين جيدا انى فعلتها مرغماً

سيدتى
(وشهد شاهد من اهلها)

قائل هذه العباره ليس زوجها
انما هو احد اقربائها الذى جاء يشهد
وليس العزيز

انا قوله واعرض عن هذا فهذا قول العزيز ويبدو انه كان عنين ومضطر ان يتهاون
اما قول واستغفرى لذنبك انك كنت من الخاطئين فهو قول الشاهد من اهلها مره اخرى
ويجب ان نعلم ان الله طالما اتى بالواقعه ولم ينقضها او يكذبها فيصبح هذا اقرار من رب العزه بما اتى بها وتصبح كلام الله الذى يتعبد به فهذا رائى الله برغم انه وافق رائى بعض عباد الله

ولكن الشاهد من الموقف
انها خرجت وصاحت وقالت
(ما جزاء من اراد باهلك سؤ الا ان يسجن او عذاب اليم)
هنا الكيد يا سيدتى
هى الفاعل وهى المذنب وهى القاضى الذى اصدر الحكم
وبالفعل تم سجن يوسف بناء على حكمها وكيدها

سيدتى لم ولن اكون يوما ضد المرأ التى كرمها الله بسوره من اطول سور القران
والتى كان لها شرف نيل اخر وصيه لرسول الله وهو فى نزعه الاخير حين قال (اصتوصوا بالنساء خيرا) انا ابدا لا انسى

لكنى اذكر بمدى جهل الرجل فى تلك النقطه

اما عن القوارير فهن فى الحفظ والصون ان اقتنعن انهم قوارير يحتجن الحمايه والرعايه والاهتمام

دائما ما يمتعنى حديثك

كل عام وانتى بخير
تحياتى

momken said...

BNT ELISLAM
ــــــــــــــ

هههههههههه
حاضر هخلى بالى

اعلم مسبقا ان كل نساء الارضض منتهى الطيبه لولا اعتمادهن احيانا على طبيعهن الانثويه كالغيره وحب الانتقام والتخلى الذى ربما يحدث فى احلك الظروف

وربما طبيعتهم الضعيفه تجلعهم يالجؤن لتك الوسائل لحمايه انفسهم كما فعلت زوجه العزيز

منورانى

كل عام وانت بخير

تحياتى

momken said...

افروديت
ـــــــــ

ارجو انلا اكون قد خيبت ظنك

اشكرك لتفاعلك

كل عام وانت بخير

تحياتى

momken said...

ندى الياسمين
ـــــــــــــ

هههههههههه

ليس انت من يخاف منك ليتهن جميعاً فى مثل عقلك وادبك

ولكن اخذاً بالنصيحه سنخاااااف


كل عام وانت بخير

تحياتى

momken said...

جايدا العزيزي
ــــــــــــــ

ولا زعلان ولا حاجه

انا بس حبيت افكر نفسى ان الصفه موجوده
ولا يعنى ان الف اربعمائه سنه مرت ان الصغيه الكيائه للمرأه تغيرت او ان بعض صفاتها قد اختفت

ربنا تطورت لكن اختفت فلا


كل عام وانت بخير وسعاده
تحياتى

adel said...

عندك حق
بس احتياطي

مش كلهم
:))

شهد الكلمات said...

نبدء كلامنا الاول و نقول كل سنةو انتا طيب و السنة الجاية تكون محقق كل احلامك ان شاء الله

نيجي بقي للبوست

يعني اية كلمة كيد
كيد تعني التدبير بباطل او حق
و تعني ايضا المكر و المكر هو الدهاء و الذكاء الحاد سواء في الخير او في الشر

يعني كلمة كيد او مكر ماهياش سوبة او كلمة يستحي الشخص انها تلتصق بيه

نيجي لنقطة تانية
و هي ذكرك للايتين

الاية الاولي
و اللي المفروض تكون ذكرتها من اولها لكنك اخترت جزء بعينه كيد منك ما علينا

و هي من سورة النساء


الَّذِينَ آمَنُوا يُقَاتِلُونَ فِي سَبِيلِ اللَّهِ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا

تفسير الاية هنا ان انصار الله الذين صدقوا به و برسوله يقاتلون في سبيل الله
و الذين كفروا يقاتلون في سبيل الطاغوت يعني في سبيل الشيطان
و ربنا بيقوي عزيمة المؤمنين بان كفة الله هي الراجحة رغم ذكاء الشيطان و مكره و كيده فكفته هي الضعيفة
ان كيد الشيطان كان ضعيفا

نيجي للاية التانية بقي
و دي من سورة يوسف

و اللي اختزلتها برده للجملة اللي انتا عايزها
و الاية بتقول
فَلَمَّا رَأَى قَمِيصَهُ قُدَّ مِنْ دُبُرٍ قَالَ إِنَّهُ مِنْ كَيْدِكُنَّ إِنَّ كَيْدَكُنَّ عَظِيمٌ

يعني ده قول العزيز لما اكتشف خيانة زوجته لما شهد الرضيع عليها قال ان المكيدة دي من صنع زوجته و وصيفاتها اللي كذبوا معاها
يعني الكلام عائد عليهن هما
مش على كل النساء
الجملة ذكرت لتخص من كدن ليوسف و ليس كل النساء

نيجي بقي على اللي ياكد كلامي و ان الكيد و المكر مش سوبة و لا اتهام حتى لو الرجالة مسكت في الاية و قالت ان كيدهن عظيم

و هو قول الله تعالي

إِنَّهُمْ يَكِيدُونَ كَيْدًا وَأَكِيدُ كَيْدًا

يعني الكيد ربنا خصه لنفسه ايضا جل جلاله

و ايضا قوله تعالي

و يمكرون و يمكر الله و الله خير الماكرين

تاكيد لنفس المعني اللي بقوله
المكر و الكيد تعني التدابير و الخطةو الدهاء سواء في خير او في شر تشمل الحالتين و هي مش وصمة عار انها تلصق بحد

اما بقي الحاجة الوحيدة اللي بتفق معاك فيها في البوست ده
هو جهل الرجال بالحساب
ده الطبيعي و البديهي و المتوقع من الرجال
d: d:

خالص تحياتي

richardCatheart said...

كل سنه وانت طيب
عيد سعيد عليك وعلى الاهل والاحباب

خواطر شابة said...

هههه ملعوبة
هنا تدرس معادلة أخرى
المرأة تخاف من الفأر
الفأر يخاف من الرجل
الرجل يخاف من المرأة
فمن الاشجع الرجل ام الفأر
مع الاعتذار لكل الرجال
عيد أضحى سعيد

لـــولا وزهـــراء said...

ممكـــن

-----
عنوان البوست الحصه الاخيره
البوست السابق كان يحمل عنوان الحصه الاولى
باقى الحصص راحت فين ؟؟ هو اليوم الدراسى عندك حصه واحده

نيجى بقى لمضمون البوست

فى مثل فرنسى بيقول ان الشيطان يستطيع ان يخدع رجل فى ساعه والمراه تخدع عشر رجال فى ساعه ....

اقصر كومنت فى التاريخ ههههه

كل سنه وانت طيب وعيد سعيد على كل الاسره يارب

زهراء

MAKSOFA said...

ايه ده ياممكن انا جيت اعيد عليك لقيتك ضارب اسفين ماحصلش في الستات والشيطان وعامل مشاكل،،،،كل سنه وانت طيب

علاء سالم said...

لو كان الرجال يتعاملون مع النساء بعلم الحساب لما وجد الحب ولا الزواج ولا دامت الحياة على وجه الأرض بين الجنسين

يقول نزار قباني:

أأحاسبُ امرأةً على نسيانها ؟؟؟
ومتى استقامَ مع النساءِ حسابُ ؟؟

:)

ستيتة حسب الله الحمش said...

كل سنة وانت طيب ياممكن بيه
بلغ سلامي ومعايدتي للوالدة الغالية

كلمات من نور said...

و أنا اللي فرحانه وسعيدة برجوعك للمدونة ؟؟؟؟ يعني نصوم نصوم وتفطرنا على بصلة؟ ماشي ماشي بس برضه انا حاثبتلك فشل النظرية بتاعة الرياضي البحت داه شوف الكرم؟

كـــــل عـــــــ♥ــــام وانتــــــ♥ــــم بخـــــ♥ـــــــير وعيـــــــ♥ـــد سعيــــــ♥ــــد علـــــ♥ــيكم ــــو وعـــــــــ♥ــــلى الامـــــــ♥ــــه الاســــ♥ـــــلاميه واعـــــــ♥ـــــاده اللــــــــ♥ــــــه عليــــــ♥ـــكم بـــــــ♥ــــــاليمن والخـــــــــ♥ــــير تقبل الله منا ومنكم صالح الأعمال

الملاك الحزين said...

مدونه جميله من انسان اجمل عيدك سعيد ياقمر

gogo!sf said...

كل سنه وانت طيب يا ممكن

وعيد سعيد عليك وعلى الجميع


جوجو

gogo!sf said...

صح يا ممكن

تلاشاهم بقى وخاف على نفسك

دول اقوى من كيد الشيطان نفسه

حلو البوست تسلم

هموس said...

أيها المستحيل الممكن

سيدي اولا كل عام وانت بخير ...ذكرتني بجماعات المتطهرين في القرن ال17 ورؤيتهم للمرأة على انها سبب في الخطيئة الأولى ولكي يظل الانسان في هذه الحياة الدنيا التي تعتبر دار عقاب للخطيئة الأولى التي تسببت فيها امنا حواء في طرد أبينا آدم من الجنة , المهم كانوا دوما يرون ان المراة رمز للخطيئة ولكي يحافظ الرجل على تطهره ونجاته من دار العقاب ان يبقى بعيدا عن المرأة... ونسوا تماما طبيعة الخلق " الازدواجية" فكل شيء له آخر والخطيئة لايمكن أن تكون خطيئة الا برجل وامرأة ولكن عندما تخطأ المرأة يكون الرجل لاضير عليه لأنه رجل ... أخذتك بعيدا عن موضوعك ولكن العودة في هذه الحصة الأخيرة جعلتني أسارع للحاق بالدرس ومنها ان سمح لي أستاذي بمداخلة : (اكيد ستسمح لأن ذاك شيم أهل العلم) ان كان هناك كيد النساء فلأن هناك ما يسمى قهر الرجال
وقانون آخر من قوانين الفيزياء يقول على حد معرفتي السابقة من حصص الفيزياء : لكل فعل رد فعل مساو له في القوة ومختلف في الاتجاه .... وجل ما يوجع المرأة خيانتها فان أحبت ووثقت واعطت ووجدت المقابل خيانة ستكيد .... ودعنا نتكلم عن مهيض الجناح الرجل الذي يقوى ويقدر ويدفعه ضعفه لخيانة وغدر فامرأة تأخذه وامرأة تكيد له أي انه (ياولداه) في كل الأحوال ضحية شهوة وغريزة استحق من اجلها الكيد ونجت من أجل حرقتها المرأة من كيد الرجل...(معادلة صعبة) ولكنها هكذا تبادل والضحية والجاني كل يدافع عن نفسه باسقاط الكيد على الجاني والغلب على المجني عليه ولكن من منهما الضحية ؟ ذلك لتقدير كل من يحكم ان كان رجلا أو أنثى اما العدل وقوله حق فقد ذكر كيد النساء وقهر الرجال وقتل الأخ لأخيه كثيرة هي الأمثلة وزليخة العزيز يوجد منها زوجة فرعون (الطاغي)وشجرة الدر قتلها غدرة عز الدين أيبك ومن نساء النبي من أشعلت الغيرة قلوبهن فبطشن بزوجة من زوجات النبي عندما همسنها ان أردت ان يحبك النبي فعند رؤيته قولي أعوذ بالله من الشيطان الرجيم وقد كان فطلقها النبي... ما أردت قوله أن الكيد دوما يدور حول رجل والقهر من الرجل دوما يكون نحو امرأة أو رجل ... آسفة لاطالتي ولكنني وددت حضور الحصة الأخيرة ....تقبل مروري

زُمُرده said...

مبروووووووك العوده
نورت بيتك
----------
قريت بوستك وردود كل الناس وردودك
بس افتكرت مشهد في فيلم واحد من الناس
في الاخر لما عزت ابو عوف قال لكريم عبدالعزيز
انه لولال عزت واللي عمله فيه وظلمه ليه ودخوله السجن لكان كريم فضل رجل الامن البسيط وعمره ما كان هيكون بالذكاء ده
-------------
الكيد مش جريمه لانه ممكن يكون للخير او والشر
وكل فعل خير او وشر بيكون ليه نتيجه او رد فعل في نفس قوته
وعلى قد الخير او الشر هتكون النتيجه

momken said...

adel
ــــــــــــ

ماشى يا عادوول علشان خاطرك مش كلهم بنفس القوة فى الكيد لكن ليس منهم من ليس عنده الحد الادنى

جمد قلبك واشرب ديو ياعم
ولا انت بتشرب فانتالوب وتنقذ عبد الستار؟؟؟

تحياتى

momken said...

شهد الكلمات
ـــــــــــــــ

وانتى طيبه يا رائعه يا مبدعه
وانشاء الله افرح بيكى السنه دى وناكل جاتوة ومكرونه بتاعه ماما الى مشهوره بيها مش المكرونه بتعتك المعجنه

طبعا انا متفق معاكى جدا ان الكيد جزى من الذكاء لكنه ذكاء يوقع ضرر بلاخرين

وبعدين مين قالك انى عاوز اغلط فى الستات ددول روحى روحى روحى
انا بس بنصح الرجاله الغلابه ماهم زى اخواتكم برضو

عشت ذخرا للمرأه
وسدا منيعا
وعلى فكره تعليقك دههه دليل قاطع على صدق البوست
فتعليقك يحمل الكثير الكثير من الكيد

تحياتى

momken said...

richardCatheart
ــــــــــــــــــ

ارق القلوب
وانتى طيبه وفى منتهى السعاده انتى وكل اهلينا فى اسكندريه

تحياتى

momken said...

ولا وزهـــراء said...
ممكـــن

-----
عنوان البوست الحصه الاخيره
البوست السابق كان يحمل عنوان الحصه الاولى
باقى الحصص راحت فين ؟؟ هو اليوم الدراسى عندك حصه واحده

نيجى بقى لمضمون البوست

فى مثل فرنسى بيقول ان الشيطان يستطيع ان يخدع رجل فى ساعه والمراه تخدع عشر رجال فى ساعه ....

اقصر كومنت فى التاريخ ههههه

كل سنه وانت طيب وعيد سعيد على كل الاسره يارب

زهراء

November 15, 2010 2:25 PM
ــــــــــــــــــــــــــــ

شكرا للزياره والتعليق

تحياتى

momken said...

خواطر شابة
ـــــــــــــ

هههههههههه
انا الاشجع طبعا رجل مين وفار مين

انا صاحب البلوج وفيها لا اخفيها

انتى منورانى جدا
تعليقك فعلا خرجنى من حاله كئابه
دمتى فى غايه السعاده

تحياتى

momken said...

MAKSOFA
ـــــــــــ

اهلا اهلا بست الكل...مين ده الى يضرب اسفين
انتى عارفه يا ايمان انك لو حبيتى افجرلك المدونه كلها

اجيب امنبوبه بتجاز من الى بيعملوا بيها الولاعات
والولعلك فى المدونه

كل سنه وانتى طيبه يا سيده المدونات الاولى
منورانى
تحياتى

momken said...

علاء سالم
ـــــــــ

والله انت عسل يا علاء
يعنى تقصد جهل الرجل هو سبب سعاده النساء

عم نزار صح جدا

تلوى النساء علم الحساب ليوافق حسابتها

تحياتى

momken said...

ستيتة حسب الله الحمش
ـــــــــــــــــــــ
اهلا يا دكتور
كل سنه وانتى واسرتك الكريمه بخير وسعاده

سيصل سلامك فور عووده الوالده من الاراضى المقدسه
الامانه فى رقبتى

منورانى يا دكتور جداً
تحياتى

momken said...

كلمات من نور
ــــــــــــــــ

انت بيت الكرم
ورمز الجود
وبنت الاعزاء

كل سنه وانتى بخير وسعاده
واسرتك تنعم بددفى حنانك ورجاحهه عقلك دائماً ابدا


تقبل الله منك وجعلك من السعداء

تحياتى

momken said...

الملاك الحزين
ــــــــــــ

زياره مميزة من شخصيه متميزة جدا
كم سعدت بزيارتك

كل عام وانت بخير

تحياتى

momken said...

gogo!sf
ـــــــــــ

كل سنه وانتى واسرتك فى سعاده وخير

بوسيلى عهد كتير وقوليلها تحضرلى الاكل بتاعى

والفواكهه

تحياتى

momken said...

gogo!sf
ـــــــــــ

والله اتلاشاهم كلهم مقدرش
فيهم ناس هم سبب سعاتى ويمكن حياتى

لكن بحاول البعد عن مصادر الاذى قدر الامكان

لكنها كفصول السنه تطاردك حتى تغمرك

ربنا يستر ويسلم ويكفيا جميعا الشر


تحياتى

momken said...

همـــــــوس
ـــــــــــــــ

ايتها الاستثنائيه المذاق


سيدتى المذهله كل عام وانت بخير

سيدتى اعتقد انى اقدم من القرن السابع عشر
فانا من القرن الثالث قبل ميلاد الشمس وبدء تكون المجره

انا ضدد اعتبار حواء رضى الله عنها واسكنها فسح جناته ومتعنا بصحبتها وجعلنا جميعا فى ميزان حسناتها وجنبها كل مسوئنا

اقول انى لا اعتد انها سبب نزولنا الارض
فحين خلق الله ادم
ققال تعالى للملائكه
(انى جاعل فى الارض خليفه)

قال فى الارض وليس فى الجنه
قبل موضوع حوا والتفاحه وابليس

وافق معك جدا على وجود قهر الرجال وان كيد الانثى كان احدد اسلحتها
لكن هذا الكيد قتل نبى (يحى بن عمران)وسجن نبى(يوسف بن يعقوب) وتخيلى
انبياء الله اذوا من هذا الكيد فما بالك برجال هذا الزمان الذين تملائهم الذنوب

سيدتى اطالتك تثرينى جدا
وحديثك يمتعنى جداً
وزيارتك دائما ما اكون فى شرف استقابلها
وتهل عليا كما تهل الاعياد على من ينتظرونها

دمتى متالقه ومقننعه واستثنائيه

تحياتى

momken said...

زُمُرده
ــــــــــ

مشكر جدا يا زمرده ده احلى ترحيب حصلى والله

منور بيكى وبزوقك الى بيحرجنى دايما

اتفق معاكى جدا

لكنى صدقا لا اهاجم المراه لكنى كنت ببساطه احاول اظاهر مدى جهل الرجل واهماله لامور هامه للغاه وجئت بهذا المثل

لك منى كل التقدير

تحياتى

الفقيرة إلى الله أم البنات said...

صحيح جدا من لا يعر كيد المرأة اهتام فهو اكيد لا يفهم جيدا

رفقة عمر said...

السلام عليكم ورحمه الله وبركاته

اولا باشكر حضرتك لزيارتك لمدونتى
ثانيا
هو فعلا ربنا قال ان كيدهن عظيم
عظيم عندما تنجرح جرح شديد
لا يكون للضعيف سوى المكيدة والحيلة لانه لا يقدر سوى على هذا
كلما ضعف الشئ كلما كان عنيفا
اشد الامراض فتكا من اصغر الكائنات وهى الفيروسات
لانها ضعيفه جدا ويتحاول تعيش وتدافع عن نفسه
فلا يأيتى كيد النساء اذن الا بعد غدر الرجال بهن
او جرح كرامتهن
وقتها تتحول اى كأن اخر تماما
فارجو من الرجال
الا يكون سببا فى كيد النساء
اتركوها تحيا فى سلام

سلوى said...

حلوة اوى :)

momken said...

الفقيرة إلى الله أم البنات
ـــــــــــــــــــــــ

رب العزة سبحانه اعاره اهتماما حيث وصفه بالعظيم

فالرجل الذى لا يعيره اهتماما فهو راجل يحتاج الكثير فى دروس الحياه


تحياتى

momken said...

رفقة عمر
ـــــــــ

اتفق معك بشده
ولـكن

لماذا افترضت جدلا ان كيد النساء يكون ضد الرجال فقط
وكائن الرجال هم الكائن الوحيد فى الكون

سيدتى هل تعلمين ان اصع نظره على ظهر امرأه تكون من امرأه مثلها
هل تعلمين ان اصعب الكيد هو كيد النساء بينهن
هل تعلمين ان اصعب استزلاز لامرأه يكون من امرأه

انا برضو متفق معاكى

تحياتى

عبد الله said...

كل عام وأنت بخير

لكن في ملاحظة

اللي قال إن كيد الشيطان كان ...هو الله .

لكن اللي قال إن كيدكن كان..هو ملك مصر

للفائدة ..

ومن هنا استفيد أن الشيطان كان ضعيفا لأن الله هو القائل لكن ملك مصر مو بالضرورة

محمد نبيل said...

ملحوظةٌ بالفعل جديرةٌ بالإنتباه إليها

momken said...

عبد الله
ـــــــــــ

اهلاص يا صديقى واشكرك على كلامك
ولكن الملحوظه على كلامك

من قال ان كيدكن عظيم هو القرأه ايضاً وليس ملك مصر
فمن اخبرك ان ملك مصر فى عصر الفراعنه كان يعرف العربيه

اذاً المعنى والنص قرانى
وهو كلام الله لكنه على لساناحد اقرباء زليخه

كما اننا لا يمكن ان نقول ان جمله ( يا ايها النمل ادخلو مساكن) ليست كلام الله وهى كلام النمل
فهى كلام الله على لسان النمل والا سنضطر ان نجزم ان النمل يتحدث العربيه ايضاً
دمت بكل الود

تحياتى

......

momken said...

محمد نبيل
ــــــــــ

سعيد جداص ان نالت اعجابك


دمت بخير

تحياتى

......

Anonymous said...

افلام اون لاين

Connerdqvs said...

السلا م عليكم فعلا ان كيدكن عظيم خلى بالك بقى من كيد النساء من الاخر اتقوا شر الحليم اذا غضب وعلى العموم اطيب احسن كل سنه وانت طيب

مريم مر العمراوى said...

شركة تنظيف بالجبيل

شركة كشف تسربات المياه بالجبيل

شركة تسليك مجارى بالجبيل

شركة تنظيف مجالس بالجبيل

شركة نظافة بالجبيل

شركة تنظيف شقق بالجبيل

شركة رش مبيدات بالجبيل

شركة تنظيف خزانات بالجبيل

شركة تنظيف منازل بالجبيل

شركة مكافحة النمل الابيض بالجبيل

شركة تنظيف بيوت بالجبيل

عوض الحوت said...

شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة مكافحة حشرات بالدمام
شركة رش مبيدات بالدمام

قمم التميز said...

شركة تنظيف بالدمام

شركة تنظيف خزانات بالدمام

شركة تنظيف منازل بالدمام

شركة تنظيف فلل بالدمام

شركة مكافحة النمل الابيض بالدمام


شركة تسليك مجارى بالدمام

شركة نظافة بالدمام

شركة مكافحة حشرات بالدمام

شركة رش مبيدات بالدمام

شركة كشف تسربات المياه بالدمام

شركة تنظيف شقق بالدمام

شركة تنظيف موكيت بالدمام

شركة تنظيف مجالس بالدمام

شركة تنظيف بيوت بالدمام

شركة تنظيف سجاد بالدمام

قمم التميز said...

شركة تنظيف بالخبر

شركة تنظيف بيوت بالخبر

شركة تنظيف مجالس بالخبر

شركة تنظيف شقق بالخبر

شركة تنظيف خزانات بالخبر

شركة تنظيف منازل بالخبر

شركة تنظيف فلل بالخبر

شركة مكافحة النمل الابيض بالخبر

شركة تسليك مجارى بالخبر

شركة نظافة بالخبر

شركة كشف تسربات المياه بالخبر

شركة تنظيف مسابح بالخبر

شركة عزل اسطح بالخبر

شركة عزل خزانات بالخبر

قمم التميز said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر