Monday, June 25, 2012

بــَـيـــعـــه








سياده الرئيس

كان الله فى عونك..ووفقك وايدك لما فيه خير بلادنا التى اوحشتنا جداً
سيدى  الرئيس
 نعم بايعتك ..ومنحتك تأيدى  ليس حباً فيك ولا ايماناً بك
وانما خوفاً من ضياع الثوره
وهذا بمثابه توثيق لموقفى

 سيدى الرئيس
 أنا أعلم كم أنت متوتر وكم أنت مضغوط
لذا اخبرك سريعاً بأنى  منحتك صوتى
 وهذا كل مالك عندى
وسـأنـضـم فـوراً لـصـفـوف الـمـعـارضـه
فلم ولن  يتفق موقفى وموقف الاخوان يوماً

وفقك الله وأيدك بنصره
 لك منى كل الاحترام

......

48 comments:

Unknown said...

الله ينصرك ويقويك

Unknown said...

حلو الكلام اوى
حلو وواقعى كمان
انا برضه منحت صوتى
للدكتور مرسى لأن لابديل
عنه فى مرحلتنا هذه لأتمام
ما بداءناااااااااااااااااااااااااه

momken said...

norahaty
ـــــــــــ

وايدك بنصره واعزك يادكتور
ربنا ميحرمناش ابداً من دعاء المخلصين الصادقين


تحياتى

....

momken said...

norahaty
ــــــــــ

فى الواقع يادكتور انا قلت الكلام ده علشان اوثق موقفى
لان ناس كتير لامت عليا لما عملت بوست زمان عن حسنى مبارك
مع انى متكلمتش عنه ومعاه الا كعزاء فى حفيده
والعزاء واجب..وكان عزائى على المستوى الانسانى

فموت فلاذات الاكباد هى اكبر ما يلاقيه العبد من ابتلاء

ولهذا قررت ان اثبت موقفى واعلن بصوت مسموع عنه
واتمنى لسياده الرئيس كل التوفيق من قلبى
وكونى فى صفوف المعارضه لن يمنعنى ابداً من دعمه وتأيده ان صار على الحق
فالمعارضه ليست المخالفه والاختلاف على طول الخط
انما هى فقط تصريف لكلمه المراقبه والمتابعه

منورانى يادكتور جداً

....

catroz said...

يارب يكون احسن م اللى قبليه

Unknown said...

ان شاء الله ربنا يوفقه

momken said...

catroz
ـــــــــ

سيدتى اى حد افضل من الى قبله وهذا مما لاشك فيه

عارفه لو مسك مصر المرحوم رياض السنباطى هيكون افضل من الى قبله

منورانى

....

momken said...

Mohamed Amer
ـــــــــــ

اللهم امين
فمصر تستحق اكثر بكثير من ذلك الوضع المخجل الذى وضعنا فيه الكأئن المريض القابع فى غرفه العيانين بطره

تحياتى

......

Remas said...
This comment has been removed by the author.
Remas said...

كم هي جميييلة كلماتك
وتعبر عن حال معظمنا
اخترناه فقط لاننا اردنا خطوة نحو تغيير واردنا للثورة الحياة
ليس اقتناعاً ولا ايماناً ابداً بالاخوان

وندعو باخلاص ان يكتب الله لمصـر ولنا الخير على يديه وان تذهب مخاوفنا سدى

بوست رائع بجد
عجبني اختيار " البيعة " كعنوان للبوست جدااااا


مش تغيب علينا كتير ببوساتك الجميلة

مساؤك اوركـــيد صديقي الرائع

richardCatheart said...

جميللللللللللللللل انا معاك وانا عملت كدا ودا رائى اتفاااااااااااق تام
ربنا يعينه علينا ويعنا عليه ويجعل الخير يارب

احب اقولك انى سعيدة جدااااااااااا والله برجوعك المدونه وظهورك هنا من جديد

الف حمد الله على سلامتك هنا يا ممكن ويارب ديما منور مكانك تحياتى ليك اخى وصديقى العزيز

ليلى الصباحى.. lolocat said...

السلام عليكم

انا ايضا لست من الاخوان وكنت اتمنى ان يكون رئيسى ابو الفتوح
لكن قدر الله وماشاء فعل

ولن اقول يارب يكون افضل من اللى قبله لالالالالالالا لكن اقول اللهم اجعله حاكم عادل صالح يخشى الله فينا
لان اللى قبله مش ممكن حد يقارن به ابدا لكن اتمنى دائما الخير والخير الكثير ايضا بان يجعل الله مصر بلد الامن والامان والحضارة والايمان وكل جميل


ولن اطالبه بلبن العصفور فى يوم وليلة لكن اطالبه ان يبدأ بجد واجتهاد فى لم شمل البلاد و تحقيق مطالب الشعب بالتوالى ويبدأ بالاهم .. وان يوفقه الله لما فيه خير الامة وصالحها

كذلك يجب على كل فرد فى الشعب ان يعى جيدا ان هذا الحاكم لا يحمل خاتم سليمان ولا يملك مفاتيح كنوز قارون لكن انسان بسيط طبيعى فيجب الا نكلفه ان يحقق امالنا فى يوم وليله لكن نمهله بحذر ومراقبة فترة يمنحنا فيها الاحساس انه يعمل لصالحنا وسوف نؤيده ونسانده بكل قوتنا حينها

نسأل الله تعالى ان يوفقنا لما يحب ويرضى

تحياتى لك وتقديرى

BNT ELISLAM said...

سارب سكون الاصلح للبلد وان شاء الله خير
تحياتى لتعبيرك

Bent Men ElZman Da !! said...

سعيده برجوعك للمدونه تانى:)

ربنا يقويه اللى جاى مش سهل ابدا
بس انا متفائله
ان شاء الله خير

bentelghrob said...

ربنا يكتب الصالح ويخيب ظننا فى الى جاى بس انا بردوا متفائله :) ويمكن يااستاذ ممكن احسن حاجه عملها لحاد دلوقتى انك رجعت المدونه وكتبت دا فى حد ذاته انجاز

maioya said...

والله كلنا بنقول الكلام ده
بس يارب يجعله خيرا مما نظن فيه

حواء said...

تحية لرئيس جمهوريتنا كونه مصري مثلنا حتى لو اختلفنا معه واعانه الله على مطالب الشعب اعانه الله على تحقيق الامن والامان والمجاعة والفقر وتحقيق العدل والمساواة بين فئات و الدرجات التفتوتة بين الشعب فالكلام كثير فلننتظر لنرى الافعال ... تحياتى

فشكووول said...

انا غير مبايع له .. ولكنى موافق طالما وافق الصندوق عليه وهو الآن رئيسى وانا مواطن مصرى
وفقه الله وأجرى الخير على يديه

momken said...

reem
ـــــــــ

اهلاً يا اميره الرقه
منورانى هنا يا ريم ..من زمان فعلاً ماشوفتش تعليقاتك فى المدونه

انا بتمنى له كل التوفيق علشان بلدنا
ومش عاوز حد يشمت فى الثوره
كمان الى بينه وبين جماعته وبينه خلاف سياسى وده مقبول لكن الى بينا وبين شفيق دم الشهداء وده حاجز كبير اوى

انا سعيد بوجودك يا ريم

منورانى

....

momken said...

richardCatheart:
.....................

متشكر جدا على الترحيب المميز يا مارو
انتى منوره المدونه
وبتابع كتابتك الجميله جدا فى شهر التدوين اليومى

فعلا قلمك مميز جدا

اما بالنسبه للاخوان انا الحقيقه مشوفتش حد خالص متعاطف مع الاخوان وانا الحقيقه مش عاوزهم يرجعوا مجلس الشعب بتاع البلكيمى وونيس
الناس الى بتأمرنا بالبر وينسون انفسهموبتاع الاخوان المصلحجيه الى انسحبوا من الميدان مع اول مكسب مادى ونسيوا الثوره

منورانى جدا وكل التحيه لعروس البحر الابيض المتوسط


تحياتى

....

momken said...

ليلى الصباحى.. lolocat
ــــــــــــــــــــــ

استاذه ليلى ...اعتقد ان اى حد هيجى هيكون افضل من المخلوع..لان المخلوع هو الاسواء على الاطلاق
وكلها كام سنه ونعلم انه اسوأ رئيس علىفى تاريخ الكره الارضيه..فقد كان خانع وتابع ودلدول لامريكا واسرائيل وكل بلدان الخليج
وليت ما فعل من اجل نجاحه فى منصبه او مصلحه شعبه - وهذا مرفوض طبعاً- لكنه كان لمصلحته الشخصيه
فقد تحول الى قارون هو وابنه
وقد صدق فيه قول الحق سبحانه

(يا ايها الذين امنوا ان من ازواجكم واولادكم عدو لكم فاحذروهم)

تعليق نورانى يا استاذه ليلى


تحياتى

momken said...

BNT ELISLAM
ـــــــــــــــ

يارب لان مصر تستحق الافضل وتستحق الكثير

اخاف عليه من نفسه واخاف عليخ مما يحاك له
فهذا الاحترام الزائد والتبجيل فى الموكب من قبل القوات المسلحه يدعوا للقلق

منورانى يا بنت الاسلام

قوليلى صحيح هو فى حد يبقى الدع فى السين؟؟؟



تحياتى

....

momken said...

Bent Men ElZman Da !!
ــــــــــــــــــــــــ

ربنا يبارك فى حضرتك
انا كمان سعيد بأصدقاء كنت مفتقدهم جدا

منه لله الفيس بوك بقى مفرق الجماعات وهادم المدونات

ربنا يوفق الرئيس ويقدم كل الخير لمصر ولناسها الى زى السكر
فعلا الشعب المصرى يستحق لآن يكون الافضل والاعظم
فلم ارى فى اى مكان فى العالم او على الاقل ما زرته منه شعب يعشق بلده كما يعشق المصريون مصر

تحياتى

....

momken said...

bentelghrob
ـــــــــــــــ

ربنا يخليكى يا غروب ده من ادبك
وبالنسبه للريس ربنا يوفقك وكفيه شر المائد الى اشعر انها تحاك باليل

فى الاتوستراد قدام المنصه بتوع توفيق عكواشه قطعين الطريق وده طريق حيوى بالنسبه لسكان مدينه نصر

دول الى كانوا بينادوا ان الى فى التحرير بيعطلوا عجله الانتاج
دلوقتى عجله الانتاج بقت كخه ولما هما يقفوا ام العجله يبقى حلال ليهم
فى حين التحرير له الف بديل لكن الاتوستراد فعلا بيكون الواحد محبوس فيه


ربنا يقدم الى فيه الخير ياغروب

تحياتى

.....

momken said...

maioya
ــــــــــــ

يارب يا ميويه
انا شايف ان الريس محتاج حد كويس يكتب له خطابه ومحتاج يعمل بروفه على خطابه
ويتكلم للجموع دون تفنيد وهبقى كويس

كمان محتاج كورس فى البدى لاجوتش والبرتكول
الراجل كان هيروح قبل ما يدخل جامعه القاهره
سمع السلام الوطنى وكان ماشى

تحياتى

....

momken said...

حواء
ــــــــــــــ

معك كل الحق فقد مضى وقت الكلام وحان وقت العمل وسوف حين قطعاً وقت للحساب
ليقف كلاً منا على موقفه
وعلم ماذا اخذ وماذا قدم

يجب ان نعطى للجميع فرصه
كما يجب ان نعطى لتاريخ فرصه ليقول كلمته فيما مضى وفى الحاضر وما سيحدث


سعيد جداً بتعليقاتك

تحياتى

momken said...
This comment has been removed by the author.
momken said...
This comment has been removed by the author.
momken said...

..
فشكووول
ـــــــــ

استاذ مشكول احيانا تاتى البيعه قهراً فقط لعدم شق عرى الامه

فحين طلب سيدنا على كرم الله وجهه من سيدنا عبدالله بن الزبير وسيدنا معاويه البيعه
كان يعلم انها بيعه مغرمه
فهى بيعه فقط لياخد الامان منا ويعلك انه لاخطر من جهتنا
ليست بيعه كبيعه الانبياء

لكنى لم اعطيه صوتى فى الانتخابات الاولى وكنت مضطرا ان امنحه صوتى فى الاعاده
وبعد ان اصبح رئيس له عندى البيعه والتأيد لمصلحه الوطن
برغم انى انضم لصفوف المعارضه الصريحه

منورانى يا استاذ فشكول

تحياتى

.....

hasona said...

السلام عليكم

نعم هي نبايع جميعا
فقد أصبح رئيساً لكل المصريين
نعينه لينفذ ما وعد به
ونتمني أن يصل بمصر إلي ما تستحقه

فإن تغير أو نكص علي عقبيه ولم يحقق شيئاً نحاسبه

ولكن قبل أن نحاسب الرئيس - نحاسب أنفسنا هل كل منا قام بدوره وواجبه نحو وطنا العزيز مصر

فإن كان ذلك كذلك - فلنحاسب الرئيس لأنه لم يقم بواجبه ولم يفي بوعوده


والله المستعان

momken said...

hasona
ـــــــــــ


هو ده الكلام

اتفق جدا فى كل حرف
حتى لو كنا فى صفوف المعارضه فهذا يعنى ان ندعم كل فكره او رأى او عمل يقيم الدوله ويدعم الاستقرار

وننسى المعارضه القائمه على المصلحه الخاصه والشخصيه او الايدلوجيه

تحياتى

.....

نوال said...

ألم ننتهي بعد من نظام البعة ؟!!!!!!!!

enas ahmed said...

انا كمان زيك بالظبط

momken said...

نوال
ـــــــــــ

البيعه تعنى التأيد والمناصره
واعنى بها ان يأمن جانبى فلن يؤتى من تجاهى
برغم انى لست فى صفه

وضحت؟؟؟؟

تحياتى

....

momken said...

enas ahmed
ــــــــــــــ

اعتقد انه الوضع الصحيح
مرحباً بك

تحياتى

...

اسم الشهره _nanny said...

اتمني له التوفيق من كل قلبي

زنوبيا الشهــيبي said...

رعا الله مصر وحفظها من كيد كل خائن
ومن الأخوان


أختكم من ليبيا

ست البنات said...

مرور الكرام... كيف الحال؟

مدفع رمضان said...

ربنا يوفقه و ربنا يسترها على مصر .. أمين


.. شرفني بالصداقة و زيارة المدونة :)

momken said...

nanny
ــــــ

جميعنا نتمنى له التوفيق
جميعنا يتمنى ان يكون الرئيس مدعاه لفخر المصرين
ولا نتصيد له الاخطاء
لكنى ببساطه وصدق اراقبه
وحتى الان وبامانه ينجح فى اختبار يمر به
فيما عدا دعمه لموضوع التوكتوك

تحياتى

momken said...

زنوبيا الشهــيبي
ـــــــــــــــــ

اللهم امين وحفظ ليبيا من شر الفتن

اللهم امين
تحياتى

,,,

momken said...

ست البنات

ــــــــــ

على الرحب والسعه
بخير وشكرا


تحياتى

....

momken said...

مدفع رمضان
ــــــــــ

اللهم امين

نسعد بزيارتكم
ونتشرف بزياره مدونتك فى القريب العاجل ان شاء الله

تحياتى

....

ميكانيكا وتكنولوجيا said...

مدونه جميله جدا وبارك الله فيك
حاجه تانيه انا مشعارف اذا كان محمد مرسى سوف يقدر على العبور بالسفينه الى بر الامان او لا

momken said...

ميكانيكا وتكنولوجيا
ـــــــــــــــــــــ

الى انا اعرفه انه مهندس وتخصصه مواد
يعنى مش بحار خااااالص

كل واحد لازم يكون مستعد باليف جاكت او طوق النجاه
او يتعلم السباحه علشان المفاجأت

تحياتى

Unknown said...


تنظيف بالدمام
تسليك مجارى بالدمام
مكافحة النمل الأبيض بالدمام
مكافحة حشرات بالدمام
رش مبيدات بالدمام

Unknown said...

شركة تنظيف بالرياض

شركة تنظيف منازل بالرياض

شركة تنظيف فلل بالرياض

شركة تنظيف شقق بالرياض

شركة تسليك مجارى بالرياض



شركة جلى بلاط بالرياض

شركة مكافحة حشرات بالرياض

شركة رش مبيدات بالرياض

شركة مكافحة النمل الابيض بالرياض

شركة نقل عفش بالرياض

شركة شراء اثاث مستعمل بالرياض

شركة نقل اثاث بالرياض

شركة نقل اثاث بالرياض

نقل عفش بالدمام said...

شركة شراء اثاث مستعمل بالدمام




شركة شراء اثاث مستعمل بالدمام




شركة شراء اثاث مستعمل بالخبر




شركة شراء اثاث مستعمل بالجبيل




شركة شراء اثاث مستعمل بالجبيل




ارقام شركات شراء اثاث مستعمل بالدمام والخبر