Tuesday, November 27, 2012

أذان فـــى مــالــطــه





مساء الخير يا سياده الرئيس
أنا ياريس وأحد من التلاتاشر ميلون اياهم..الى منحوك صوتهم
وانا نفس ذات نفس الشخص برضك  واحد من التمانين مليون ..الى رفضين البيان الدستورى اياه



عارف ياريس : لو كان المأسوف على شبابه حسنى مبارك يوم  خمسه وعشرين يناير  اقال وزير الدخليه
كان حصل ايه
كان زمانه لسه قاعد فى شرم  لابس البوكسر الكروهات بتاعه
وصحته زى البمب
 وسوزى بتعمل مشروع القراءه للجميع
وبتحضر الروتارى واللوينزومؤتمر المرأه
وبتجرم خرم ودن البنات
وجيمى بيلعب كوره خماسيه ...وعلاء بيعمل جمعيه خيريه
ونضيف  بيسوق الياخت بتاعه فى القرايه الذكيه
وبطرس غالى بيعمل حواجبه فى باريس
ويخضع الشعر للتعريفه الجمركيه
والعادلى كان زمانه بيدعيله من السواحل الشماليه
لكن مبارك ركب دماغه
ركب ايه؟؟؟  ركب دماغه ياريس  واتمسك بالعالى
والحدق يفهم بفى

طعاً ياريس انا مش هفكرك  اديتك صوتى ليه  وهروب من ايه
بس كل الى هقوله  منك لله سويت الثوار بالفلول ونولت الفلول حلم ان يتذوقوا طعم الثوره ويعرفوا يعنى ايه
ميدان التحرير
بعد ماكانوا بيعملوا ثوراتهم بشكل عائلى وسكيتى وكتيمى علشان فى ظرف حزين فى العيله


انا وحضرتك  ياريس عارفين كويس
 انك مش خطيب نحرير ..ولا متكلم بارع
فيها ايه يعنى  لو كنت استعنت بأحد
اساطين الدباجه  المفوهين وما اكثرهم فى المحروسه
كان صغلك الموضوع  بطريقه  بها بعض الحرفيه
وفيها ايه اصلاً لو كنت صبرت شويه واستفدت من التصفيق والتهليل بعد انتصارك فى حل مشكله غزة
وخرجت منها خروج مشرف ومبهر
مستعجل على ايه ياعم الحج؟

بص ياريس...الى حضر العفريت يصرفه...ولازم يكون عارف يصرفه
عقلك فى راسك ....وموبيلك فى جيبك واتصل بطره
وأعـــرف الى مبيصرفش العفريت بيحصله ايه
انا قلت الكلمتين  ويارب مكونش باذن فى مالطه

......

38 comments:

Unknown said...

احجز

Unknown said...

واقرأ بقى :)

Unknown said...

رأيى أنه ما ينفعش
يرجع فى كلامه :80مليون
!!مش موافقين على الأعلان
فينهم؟ فى ميدان التحرير
!!مـــ80ليون ياراجل

وصف الاحساس said...

من رايي يحجز علي اول طياره
ولو الكابتن جدع يفجر الطياره
اهو نخسر طياره ولا نخسر بلد بحالها

Remas said...

ياااارب يااارب يـُسمع آذانك
ويستجيب الرئيس لمطالب الشعب

حقيقي يا ممكن كل كلمة قلتها في البوست في محلها تماماً

وفعلاً كل تأخير في ارضاء الشعب سيكون
ثمنه غالياً جداً وسيعلو سقف المطالب أكثر وأكثر


ربنا يارب يكتب الخير لمصر وشعبها

مونتي بوكيه ورد said...

الله يكرمك ويفتح عليك
جبتهاله باسلوب جامد اوي وبسيط ممكن اي حد يفهمه مش الريس يا بووووي دا الريس لا دا كان زمان دلوقتي خلاص السناريو بيتكرر استهتروا زمان بالناس ال نزلت التحرير ال كل الناس اتوهمت ان عدد الاخوان هو ال كان ساندها واتصدموا لما لاقوا الثوره بتكبر وبتنجح لييييه مش عشان الاخوان والله عشان الناس مسلم ومسيحي كانوا ايد واحده ولا هما نسيوا المسيحين ولا ايه ؟
فعادي بقي خليه يركب دماغه دا دليل ان الثوره هتنجح تاني وجايز المره دي ننضف ع الجرح كويس بعد العمليه
حلو اوي يا منك يا ممكن موضوع خرم الودن دا انت دايما في الجون و يارب ينصر ويعلي صوت كل مصري علي اي واح دما بيصدق يمسك حاجه في ايده ويفتكر انه علي الحق و الي الجهاااااااااااد

rack-yourminds said...
This comment has been removed by the author.
rack-yourminds said...
This comment has been removed by the author.
موناليزا said...

أتفق جداً مع كلماتك

شمس النهار said...

ربنا يستر
والجو العام غير الاول
الاول كان ثوار وشعب قاعد في بيته مؤيد اه لكن قاعد في بيته
ومبارك وحاشيته
لكن الان الموقف ثوار ومعاهم فلول ضد اخوان وسلطه
يعني المصرين ضد بعض
شعب ضد بعض
اصحاب افترقوا
اتفرقت الامه

باحث عن حب said...

حسبنا الله ونعم الوكيل
حسبنا الله ونعم الوكيل

مش لاقى تعليق
بجد
ربنا يرحم مصر ممن يعشقون الكرسى

سمكه واحده said...

اولا اذيكم اذيكم انا جايه اخدم عندكم كركركو كركر كي
ثانيا وقبل ما ادخل في الموضوع انا مكنتش بأيد الرئيس ولا اديته صوتي ولا اديت لشفيق صوتي لان من وجهت نظري ما اسخم من سيدي الا ستي فمكنش حد عجبني كمان برغم بضايق من الديمقراطيه بتعتنا اللي خلتنا نبجح ونبقي شعب بلسانين الا اني لما بشوفه ومعلش محدش يزعل مني بضايق من شكله رئيس لمصر (ده وجهه نظري الشخصيه) معرفش تحس كده ولموأخده انه مش وجهه وشه مش فوتونوجنيك كده
اما بشوفه بتنرفز بحس ان لسه دبحين عجل وهنشمر كلنا معاه ونمسك عشان نوقع العجل او بنشرب شويه شاي في الكفر علي الترعه ومسكين الكوبايه بالصوبعين الاتين واحد فوق حرف الكوبايه وواحد علي قعر الكوبايه وبنشفط شووو
اوعي حد يشتمني من اللي بيحبه دي وجهه نظر والله مابشتم ده احساس حبيت اقوله امال اطق اموت مش ديمقراطيه ونبي مهي هاصت بقي ياله خليتوا امثالي يتكلموا,زمن هيه
(:

ثالثا بقي هما مين الفلول ومين الثوار والثوره نجحت ولا ايه والله منا عارفه بس بجد حاسه ان احنا بقينا نحب المظاهرات ونزول الشارع زي عنينا بس محدش عارف هنروح علي فين ,وصح ولا غلط لو معجبناش قرار نرفض ونثور ؟والله بجد مش عارفه انا مش مقتنعه اصلا بحجات كتير وحاسه ان الوضع ده مش هيستمر كتير كنت مبسوطه الاول دلوقت مليت
المشكله الاكبر ان مصر هتتقسم لاخوان وضد الاخوان هتبقي وكسه اكبر مصرين مع بعض ودي المصيبه الاكبر والاخوان عددهم مش قليل وبعد ما كانت جماعه محظوره مسكت السلطه تخيل انت بقي الله اعلم بس ممكن يكون زي واحد مكنش معاه فلوس واغتني فجأتن افتري كان في جره ده زي كده شبعه بعد جوعه شوف بيعمل ايه بقي
بصراحه
انا مش عجبني الوضع
الاهم من كل ده بطرس عمل حوجبه بس ولا سبغهم كمان ؟اصلها تفرق
بعدين الريس المسبوق كان مش بيلبس كروهات لاء كان بنطلون استرشت عشان ركبه والبرد وبياكل شندوتشين همبرجر علي الريق زي ما بقلك كده
وانت عامل ايه دلوقت معلش رغيت رغيت بيتنا بقي ارغي برحتي الرغي كان وحشني بشكل وعارفه انت هتستحملني
(.

محمد سلامة said...

هو 80 رافضين الاعلان ؟!!
وعلى العموم كلنا نتمنى خروج البلد من أزمتها
وزى م قلت اللى حضر العفريت يصرفه
بس ازاى بقى
بالحكمة والعقل وبرغبة كل الشعب

rack-yourminds said...
This comment has been removed by the author.
rack-yourminds said...

كانت هناك بعض الاخطاء في تعليقي الاول وصححته هنا
__

كنت اتمني ان توضح علي ماذا تعترض في هذا الاعلان الدستوري ,هل ترفضه جمله وتفصيلا !!أم ثمة مواد بعينها هي التي ترفضها؟

يا صديقي اذا كان اعتراضك علي تحصين للقرارات والاعلانات الدستوريه التي اصدرها الرئيس فهذه اجراءات استثنائيه لحين وضع الدستور وتشكيل البرلمان ,والرئيس يا صديقي اتخذ تلك الاجراءات الاستثنائيه بسبب تغول القضاء وخصوصا المحكمه الدستوريه علي السلطه التشريعه وانظر الي ماحدث لمجلس الشعب وللتاسيسيه الاولي وهذه المحكمه ؤكانت ستحل الشوري والتاسيسيه الثانيه بل انها كانت ستتناول الاعلان الدستوري الذي اصدره الدكتور والغي به الاعلان الدستوري المكمل الذي اخرج المجلس العسكري من المسهد السياسي!!

يا صديقي كان لابد من اجراءات استثنائيه مؤقته نحمي بها مرسسات الدوله المنتخبه وتقصير امد المرحله الانتقاليه

الذين يعيبون الان علي الاعلان الدستوري اقاموا الدنيا ولم يقعدوها عندما اراد الرئيس عودة مجلس الشعب ليكون التشريع في يد البرلمان وليس بيده وقامت المحكمه الدستوريه بالاعتراض علي قرار الريس بعودة البرلمان مع ان هذا قرار سيادي لا يجوز ابدا ان تعترض عليه هذه المحكمه

يا صديقي لن تنتهي المرحله الانتقاليه اذا ادارها مرسي يالقوانين العاديه فموسسات مبارك ستقف له بالمرصاد وتقطع الطريق امامه

اعجب من الذين يتباكون علي حقد الشهيد وعندما نتخذ اجراءات استثنائيه ترجع حقوق هؤلاء الشهداء نتباكي علي استقلاليه القضاء

يا صديقي غالبيه القوي الموجوده الان في التحرير لايهمها لا اعلان دستوري ولا حق الشهيد ولا جمعيه تاسيسيه هذه القوي يا صديقي عينها رافضه ان يكمل مرسي مدته القانونيه ولذلك ترفض تشكيل الجمعيه الحاليه لانه بها مواد تسمح للريس ان يكمل مدته القانونيه !!هي دي كل الحكايه وذا كنت مش مصدق كلامي فالايام بيننا

اخر الكلام يا صديقي انت بتعقد مقارنه ظالمه بين رئيس لم تكن له اي شرعيه وغالبية الشعب يكرهه وبين ريس اتي باراده شعبيه. بمعني انه اذا كان المعترضين بالالاف الان في التحرير فاؤكدلك ان المؤيدين لقرار مرسي وانصاره فهم بالملايين وصدقني ليست هذه مبالغ

richardCatheart said...

كالعادة بتقول ما يدور فى ذهنى يا ممكن اتفق معاك شكلا ومضمون وللاسف هتلاقى كل اللى مش متفق معاك فى الرؤيه دى اصحاب الميول والهوى الاخوانى او اغلبهم لعدم التعميم هم يميلون لجماعه واشخاص من مصلحة عامة ودا انا شوفته فى كلامهم فى كل مكان اى حد بيفهم ويتابع الراجل دا هيقدر يعرف ببساطة انه غبى حقيقى عقليه لا تصلح لحكم بلد بحجم وقوة مصر وهتلاقى دا فى اسلوب كلامة وتصرفاته ومواقفه مش بجيب من عندى شىء انا انتخبته زيك ولنفس اسبابك وكنت اتمنى الحقيقة انه مايخزلنيش بس اتباعة بيشفوا انه خزل اصحاب الافكار الواهيه بس واللى فاضلهم الالف السنين الضوئية على مايطلع لهم عقل !!! هكذا يرى المثقفين من اتباعة المعرضين اللى انتخابوا مابالك باللى مانتخبهوش ومابالك بالجهلاء بيشوفوا معارضيه ازاى !!!!!!!!!!!!!
دا فكرهم كأتجاه وتيار وفصيل طول الوقت بيصنف نفسه لوحدة فالطبيعى ان الكبير يساوى بين الثوار والفلول لانهم معارضينه ويتهم ولاد الناس الشرفاء بالبطجيه لانهم معارضينه والحاجة مراته تروح تعزى بنفسها فى اسلام لانه منهم وجيكا لاء انه من معارضينه
للاسف اللى جاى مع عقليه زى مرسى وفصيل زى الاخوان الايام اثبتت انه مش احسن وربنا يستر

رشيد أمديون said...

أصلح الله الاحوال

حنين محمد said...

صباح الغاردينيا أستاذ ممكن
مصر حكايتي الصغيرة التي ماغادرت دفاتري الوردية مصر ياأنشودة حب غناها لي والدي وأنا في السابعة من عمري بقرب نيلها تلك التي لازلت أحتفظ برسمة يدي لأهرامها مصر حبيبتي التي سافرت إليها صغيرة وحملت حبها في قلبي وكبر عشقها في صدري وأراد الله لي أ
ن ألتقي بـ أصدقاء من مصر أصبحوا لي أخوة وأحبهم يؤلمني مايؤلمهم وتؤلمني مصر التي تعثرت بـ وأوجاعها وأحزانها
_________________________

اللهم آني أستودعتك مصر وآمنها وآمانها وشعبها وأبنائها ونيلها وترابها اللهم أحفظها بـ حفظك أنت خير الحافظين اللهم آني أستودعتك أصدقائي وأحبتي فيها يامن لاتضيع عنده الودائع ،"
؛؛
؛
لروحك عبق الغاردينيا
كانت هنا
reemaas

نزار الاقطع said...

تحياتى لكم واركد صدق كل كلمه كتبتها واعربت فيها عن رايكم الذي اريده بكل قوه اعرف كم هى الحظات القاده فارقه

richardCatheart said...

كل سنة وانت طيب يا ممكن يارب سنة جديدة سعيدة عليك ان شاء الله

Unknown said...

مدوّنة الزّمن الجميل :من المؤسف ، لكن من الواجب علينا أن نتذكّر نكبة الأندلس (521)

hend anwar said...

حسبنا الله ونعم الوكيل ... مات الكلام

أسماء فتحي said...

كل كلامك صحيح
بس المشكلة انه مش حدق علشان يفهم
اخره أهلي وعشيرتي
عموما لقد عبرت شكل بسيط عما يدور بداخل وبفكر المصري
دمت بسيطا تعبر عن البسطاء
تحيـــــــــــاتى
Asmaa Fathy

Anonymous said...

زهور الأمل

أهلين وسهلين بالناس الحلوين
ازي الصحة وازي الحال
بالنسبة بقى للريس بتاعك انا لم انتخبه ولم انتخب غيره لان الواد ابني اياميها كان تعبان ومعرفتش انزل انتخب وحمدت ربنا اني منزلتش علشان لو كنت نزلت انتخبته كنت ممكن اولع في نفسي بعدها من تعب ضميري
وبعدين كل المرشحين للرئاسة بيني وبينك كدة مفيش حد فيهم دخل زمتي بتللاتة تعريفة وده اللي شجعني اني منزلش انتخب اصلا
ماعلينا
بالنسبة لانك بتدن في مالطة فانت فعلا بتأذن في مالطة لان الرئيس بتاعنا قصدي بتاعك لا سمع سوى صوت خيرت الشاطر وبعده المرش واسأل الخرباوي المنشق عليهم وهو يقولك
انا هعمشي بقى اصلي طولت عليك
وابقى سلملي على ممكن
تحياتي

مدفع رمضان said...

المقال رائع , و على الرئيس أن يصرف العفريت الذي حضره ..

Unknown Girl !! said...

ياعم الصبر

ماينفعش تصبر شوية عالراجل ؟!1

ماللي مودينا في داهية انه الناس فاكرة انه عنده ريموت هيدوس على زرار يحل المشاكل اللي هي اصلا من النظام السابق
مادام انتخبته بإرادتك يبقى
حقه عليك انك تستنى عليه فترته تخلص وساعتها حاسبه

بس سيبوه يشتغل شوية في هدوء

ربنا يهدي

Anonymous said...



ثقافة الهزيمة .. أرجوك لا تعطنى هذا السرطان

"مرسى" لأهالى مطروح: المشروع النووى فى الضبعة.. و"ما أدراكم ما الضبعة!" قال الرئيس "مرسى" للأهالى إنه يسعى لإنشاء 5 مشروعات نووية لتوليد الطاقة الكهربائية، وليس مشروعاً واحداً فى الضبعة، ومازح الأهالى قائلاً: "الضبعة.. وما أدراك ما الضبعة"

و نشرت مجلة دير شبيجل الألمانية فى 19 مايو 2011 "الفلبين : أطلال المفاعل النووى باتان مزار للسياح " كارثة فوكوشيما أعطت رد فعل ، المفاعل النووى الوحيد فى الفلبين
Bataan لم يتم تشغيله أبدا و لم ينتج كيلو وات واحد من الكهرباء للأن و سيظل هكذا مستقبلا ، و الأكثر من هذا أن المفاعل النووى الذى يقع على شبة جزيرة باتان أصبح منذ مايو 2011 مزار للسياح.

و نشرت صحيفة Wirtschaftsblatt النمساوية فى 17 نوفمبر 2011 "تجارة خطرة مع المفاعلات النووية " على مستوى العالم سينخفض نصيب الكهرباء المولدة من الطاقة النووية من 16 % الأن إلى 6 % بحلول عام 2050 . ليس فقط كوارث المفاعلات النووية مثل فوكوشيما، بل إيضا مشاكل البيئة مثل مياه تبريد المفاعلات النووية ، كل هذا يؤدى إلى الأعتراض. ألمانيا قررت بعد الكارثة النووية فى فوكوشيما إنهاء الطاقة النووية ، وبجانب ألمانيا قررت 6 دول أخرى كانت لديها خطط للطاقة النووية تغيير أستراتيجيتها.

و نشرت صحيفة دير شتاندرد النمساوية فى 26 مايو 2011 "سويسرا أبتداء من عام 2034 بدون طاقة نووية" سويسرا تنهى الطاقة النووية على خطوات، هناك 5 مفاعلات نووية فى سويسرا و قررت الحكومة السويسرية أنه بعد أنتهاء العمر الأفتراضى للتشغيل لها و يقدر ب 50 سنة لن يتم أحلالها ببناء مفاعلات نووية جديدة. بعد الكارثة النووية فى فوكوشيما باليابان لم يعد ممكن التفكير فى التوسع فى الطاقة النووية، و بدأ الأتجاة بصورة أقوى إلى الطاقات المتجددة.

و نشرت صحيفة دى برسة النمساوية فى 2 نوفمبر 2011 "بلجيكا تخطط لأنهاء الطاقة النووية" الحكومة الحالية تريد أبتداء من عام 2015 أنهاء الطاقة النووية، وأغلاق ال 7 مفاعلات نووية فى بلجيكا تدريجيا.

و نشرت صحيفة دير شتاندرد النمساوية فى 15 يونيو 2011 إيطاليا تظل خالية من الطاقة النووية، هو قرار الإيطاليين فى أستفتاء شعبى و الذى صوت بنسبة 95 % ضد الطاقة النووية. ..باقى المقال بالرابط التالى

www.ouregypt.us

Anonymous said...



ثقافة الهزيمة .. ذكريات الأرض المفقودة


و نظرا لأن هناك لوبى نووى قوى فى أغلب الدول العربية يشجع شراء و بناء مفاعلات نووية يدعمه فساد بعض المسئولين من ناحية، و تجاهل كثير من وسائل الإعلام العربية لأخبار حوادث المفاعلات النووية بصورة مريبة من ناحية أخرى ، بالأضافة إلى جهل كثير من الناس بخطورة المفاعلات النووية ، قررت نشر هذه المعلومات سيما أنه بالفعل أشترت دولة الأمارات 4 مفاعلات نووية بتكلفة تزيد على 20 مليار دولار، و نقرأ عن خطط سعودية لشراء 16 مفاعل نووى بتكلفة حوالى 100 مليار دولار ، و سعى محموم فى بعض الدول العربية و منها الأردن و مصر لشراء مفاعلات نووية لتوليد الكهرباء !!! ...
باقى المقال بالرابط التالى

www.ouregypt.us


و نشرت مجلة دير شبيجل الألمانية فى 29 مايو 2012 " أشعاعات نووية : أكتشاف سيزيوم من فوكوشيما فى أسماك التونة أمام السواحل الأمريكية" أسماك التونة أمام السواحل الأمريكية ثبت وجود مواد مشعة نوويا بها ، وهى التى تسربت من كارثة المحطة النووية فى فوكوشيما اليابانية إلى البيئة. فى أغسطس 2011 أسماك تونة تم صيدها من أمام سواحل كاليفورنيا كانت ملوثة بعنصر السيزيوم 137 ، و على أية حال نرى أن الأسماك نقلت المواد المشعة سريعا ، أحتاجت الأسماك من 4 ـ 5 شهور كى تجئ بالمواد المشعة من اليابان حتى السواحل الأمريكية ، بينما الرياح و التيارات البحرية أحتاجت لعدة شهور أضافية حتى تحمل آثار الكارثة النووية فى مارس 2011 إلى سواحل أمريكا الشمالية

احمد على المصرى said...

http://alswasy300.blogspot.com/2013/08/6-6-3-3-3.html
تعليق ما بعد الاحداث فى 25 -8 2013الريس حيشرف طرة عن القريب لانة ما عرفش يصرف العفريت مع تحياتى

العرب المسافرون said...

ربنا يستر على مصر , شعب طيب ... بس مطحون

صور ماليزيا said...

يا رب ينصر المصريين دائما , أحسن شعب بشهادة الجميع لكن الفقر فى بعض القرى والمدن شئ بشع وان شاء الله تتحسن الامور

دليل ماليزيا said...

يا رب احمى مصر

Unknown said...

شركة تنظيف بالرياض
شركة تنظيف منازل بالرياض
شركة مكافحة حشرات بالرياض

Unknown said...

شركة مكافحة حشرات بجازان
مكافحة حشرات بجازان
مكافحة حشرات
افضل شركة مكافحة حشرات بجازان
شركات مكافحة حشرات بجازان
افضل شركات مكافحة حشرات بجازان

Unknown said...

شركة مكافحة حشرات بالخرج
مكافحة حشرات بالخرج
مكافحة حشرات
افضل شركة مكافحة حشرات بالخرج
شركات مكافحة حشرات بالخرج
افضل شركات مكافحة حشرات بالخرج
شركات مكافحة حشرات

Unknown said...

بيت الاحلام
تنظيف
تسليك مجارى
مكافحة النمل الأبيض
شفط بيارات
تنظيف خزانات
تنظيف شقق
تنظيف فلل
رش مبيدات
كشف تسربات المياة
مكافحة حشرات
تنظيف مجالس
تنظيف كنب
تنظيف موكيت

عزل اسطح
عزل خزانات
تنظيف منازل
تنظيف منازل
مقاولات

Unknown said...

شركة تنظيف بالرياض

شركة تنظيف منازل بالرياض

شركة تنظيف فلل بالرياض

شركة تنظيف شقق بالرياض

شركة تسليك مجارى بالرياض



شركة جلى بلاط بالرياض

شركة مكافحة حشرات بالرياض

شركة رش مبيدات بالرياض

شركة مكافحة النمل الابيض بالرياض

شركة نقل عفش بالرياض

شركة شراء اثاث مستعمل بالرياض

شركة نقل اثاث بالرياض

شركة نقل اثاث بالرياض

Unknown said...

شركة المثالية لتنظيف بالدمام
شركة المثالية لتنظيف المنازل بالدمام
شركة المثالية لتنظيف البيوت بالدمام
شركة المثالية لتنظيف الفلل بالدمام
شركة المثالية لتنظيف الشقق بالدمام
المثالية لنظافة
المثالية لنظافة المنازل
المثالية لنظافة البيوت
المثالية لنظافة الفلل
المثالية لنظافة الشقق
شركة المثالية لتنظيف بالخبر
شركة المثالية لتنظيف المنازل بالخبر
شركة المثالية لتنظيف البيوت بالخبر
شركة المثالية لتنظيف الفلل بالخبر
شركة المثالية لتنظيف الشقق بالخبر