Sunday, July 1, 2007

اعتـــــــراف






لانى ....احبك
.
.

اقول احبك... بكل اللغات
بكل الكلمات....انطقها
اعزفها بكل النغمات


احبك....
لكل الناس ...احكيها
فى كل مكان اكتبها...دون قلم واوراق

احبك
لانى بدونك.... شعاعا بلا ضؤ...قلب بلا نبض... طفل بلا ام.... ثائر بلا وطن
لانى بدونك.... انسان بلا حلم.....ارض بلا هواء....عالم بلا فكر..وتر بلا نغــم


احبــــــك..... هديتى اليك بعد خوف
الان دون خوف ...دون خجل اعلنها
اعلنها واضحه...كاسمى... وعنوانى .... وفصيله دمى...

احبك كما احب الكتابه
احبك كما احب العداله
احبك كما يجب ان احبك


الان.. اقول احبك...اهمس احبك...اغنى احبك.....ارقص احبك....اكتب احبك
احلم احبك.....احيا احبك

احبك... اقولها كصرخه وليد ..... اقولها كظفره شهيد
اقولها كنتفاضه ثائر...اقولها كخشوع عابد

اصرخ فى عراء الصمت.....اتوسل حتى ينضب عالم الدعاء
انتفض كـــاخر انفاسى ...احبك

فهل تصلك صيحتى فى البلد البعيد...؟
محاصره انت بالزحام والضجيج...اعرف
ولكن حاولى اللتقاط كلماتى المسافره اليكى
من الكلمات التى تملاء المدينه

فربما تكون فرصتنا الاخير

58 comments:

emos said...

ahh ya7'ty walahi
love hurts

mariam said...

احبك كما احب الكتابه
احبك كما احب العداله
احبك كما يجب ان احبك

احييك على كل هذه المشاعر
و خاصة ذلك المقطع

Unknown said...

من الجميل ان الانسان يقول كلمة الحب لانها اجمل كلمة فى الدنيا وفى الوجود كلة لان فية ناس بتشعر بيها بس بتخاف تقولها

friend said...

احبك بكل اللغات
نعم ..احبك بكل اللغات
حقا .. فانا احبك بكل اللغات
احقيقه ام خيال هوه حبك
احساس رائع والاروع ذكر كلمه الحب التي كدنا ان ننساها بمشاغل الايام
تحياتي

semsem said...

فهل تصلك صيحتى فى البلد البعيد..
طبعا طبعا
كل الصيحات وصلتنى
بس بعد كده متعليش صوتك على شان عندى ناس نايمه
طبعا ما احنا خلصنا تقفيل مزانيه وفقنا

اسمحلى المرة دى يا ممكن انا اللى اقولك يا فنان
فنان فى احساسك ومشاعرك

ايه يا ممكن
دا انا اغمن عليا تلات مرات وانا بقرا البوست
براحه علينا شويا
ايه بس كل الرومانسيه دى كلها

بصراحه بوست هايل واحساس اروع
يا بختها يا عم من غير حسد طبعا

حلو قوى يا ممكن ربنا يحفظك يا رب

والسلام عليكم ورحمه الله وبركاته

Unknown said...

الحب .. كلمة مكونة من شخصين
:)
تحياتى

الحلم العربي said...

يا بختها
اللهم لا حسد
ربنا يوفقكوا بس تبقى تعزمناعلى الفرح
ههههههههههههه

تحياتي على المشاعر الرقيقة جدا

rack-yourminds said...

ايه يا عم الكلام الجميل ده انت بقي هتعشيها وتفطرها وتغديها حب ههههه,احييك علي مشاعرك الجميله

momken said...

emos
.ـ.ـ.ـ
الكومنت بتاعك موتنى من الضحك باين عليكى تعبانه اوى فحبك الف سلامه يا قمر

تحياتى

mariam
.ـ.ـ.ـ.ـ.ـ
متشكر جدا لتحيتك واسمحيلى اهديكى المقطع الى عجبك

نورتى المدونه

ايوية
.ـ.ـ.ـ.
انا متفق معاكى جدا مع انى من الناس الى بتشعر بيها وكتير مش بقدر اقولها
هو انتى تعرفينى ولا ايه؟؟؟
وبعدين فى التنبيط ده؟؟؟!

شرفتينى بالزياره


جزر
.ـ.ـ.ـ
اكيد هو حقيقه يا جزر بدليل انك شاعر بمعنى الكلمه جدا على الاقل هو حقيقه داخلك

تحياتى

momken said...

semsem
.ـ.ـ.ـ.ـ

انتى شرفتى المدونه بزيارتك الكريمه
وانا يشرفنى رائى فنانه كبيره زى حضرتك
وده بيشجعنى جدا وبيحرضنى على عمل الافضل والمزيد
ايوة الميزانيه اتعملت وفقلت الحمد لله
متشكر اوى لدعواتك
وعليكم السلام ورحمه الله وبركاته

momken said...

إنـســانـة
.ـ.ـ.ـ.ـ.ـ.ـ
كلمتك قصبره لكنها تحتاج الى قواميس كتيره لتشرح مابها
انتى موهوبه جدا ان تصلى الى تلك الكلمه
طبعا انا عارف انها شعار المدونه بتعتك الجميله يا انسانه
تحياتى


الحلم العربي
.ـ.ـ.ـ.ـ.ـ.ـ.ـ
هى مين دى؟؟؟ههههههههه انا معتمد عليكى اعتماد كلى وجزىء فى الموضوع ده
انا عارف انك مبتعرفيش تحسدى

نورتينى

wahed
.ـ.ـ.ـ.
انا متشكر على زيارتك الجميله وتشجيعك
وكنت عاوز اقولها يعنى اسيبها تمكوت من الجوع منا على اد حالى وهو ده الى بملكه

انت نورتينى
تحياتى

هالة said...

احيك يا ممكن على الكلام الرقيق اوي ده.
يا بخت اللي انكتب الكلام ده عشانها.
احيك

MAKSOFA said...

أول ما جيت أعلق عندك وجدت العنوان أحبك ، وتصادف أنني أسمع حاليا أغنيه أنغام الجديده (الحروف ) بتقول فيها
-----------
كنت بأحلم طول حياتي بكلمه حلوة
--------
كلمه فيها المعني والأحساس سوا
-------
هي يعني الدنيا من غير حب تسوي
---------
والا يعني الدنيا من غير حب تسوي
-----------
ربنا يجمعك بمن تحب وكل ماتحب أن شاء الله

shereen sobhy said...

ممكن
****

اول زيارة لي لمدونتك الرائعة
موضوعك رائع وكلماتك صادقة تصل للقلب

تحياتي لك

Hadota ... حدوتة said...

احب اقولك ان شاء الله صوتك هيوصل البلد البعيدة
لان احساسك عالى جدا
تعرف كمان؟
لما بيكون حد بيحب حد قوى بيوصله احساسه
لو زعلان بيزعل فرحان بيفرح
حالة حب جامدة زى دى برده بتوصل
بس بجد يعنى اكيد اى حد يتمنى حب زى دا
اعذرنى
انا باجى عند المواضيع العاطفية ومبقدرش اسمك تفسى
بسرح وبطول فى الكلام
تحيااااتى
البوست هايل بجددددددد

momken said...

هالة الدسوقي
ـ.ـ.ـ.ـ.ـ.ـ.
كلامك فرحنى جدا متشكر جدا على تشجيعك
خصوصا لما يجى من شخص محترف ومبدع زيك يا هاله
وبعدين هى فين دى الى بتتكلمى عنها لو تعرفيها قوليها كفايه كده ( ممكن) مش قادر
تحياتى


MAKSOFA
.ـ.ـ.ـ.ـ.ـ

كتشكر جدا على كلامك وتشجيعك وكمان دعائك يا مكسوفه خصوصا انه جاى من نجمه ساطعه فى عالم التدوين

تحياتى

shereen sobhy
.ـ.ـ.ـ.ـ.ـ.ـ.ــ.

متشكرا جدا ياشرين على كلامك ومرورك الكريم على مدونتى المتواضعه

انتوا منورينى
تحيـــــــــاتى

momken said...

Hadota
.ـ.ـ.ـ.ـ.

انا متفق معاكى جدا يا حدوته فى كلامك
لان بيتولد بينهم خط من التواتر الفكرى والعقلى بيربط بينهم
بالظبط زى اى ست مابتكون شبه جوزها بعد فتره لو بيحبوا بعض طبعا .....ولو اى حد شافهم بيعتقد انهم اخوات مع انهم ازواج وحبايب

انتى نورتينى

صاحب البوابــة said...

احبك كما احب الكتابه
احبك كما احب العداله
احبك كما يجب ان احبك


كلمات رقيقة للغاية

تحلق في سماء الرومانسية

تحياتي

يا مراكبي said...

في الحقيقة أنا مش جاي أكتب تعليق على البوست الجميل ده .. لكن أنا جاي أقول إني إتفاجئت بجمال الموضوعات اللي في المدونة هنا وقريتهم كلهم بلا إستثناء

بجد حاجة جميلة جدا

إنت محتاج بس شوية إختصار لأن البوستس بتكون طويلة جدا رغم إنها ممتعه

تحياتي ليك وأهلا بك مدونا متميزا

Amany Y. El-Saeed said...

الله...أنا بحب النوع ده من الكتابه أوى...أي مشاعر صادقه بتبقى جميلة...و إنت كتابتك جميلة...إذن؟؟؟
:)

To a friend said...

فكرتني بأغنية لواحد فرنساوي بيقول فيها
هاحبك ... هاحبك
هاحبك حبد
مش ممكن حد يتجرأ و يحبهولك
هاحبك الحب
اللي طول عمري احب اني اتحبه
هاحبك .. هاحبك

الترجمة دي ماخوذة من كتاب "ن"لجهلي الشنيع بالفرنسية

:)

momken said...

صاحب البوابــة
.ـ.ـ.ـ.ـ.ـ.ـ.ـ.ــ.
اشكرك على تشجيعك الايجابى الذى يحملنى مسئوليه لست اهلا لها

جزاك الله خيرا


يا مراكبي
.ـ.ـ.ـ.ـ.ـ.

تعليق اقل ما يقال عليه انه توجيه مشكور ونصيحه غاليه تكال بميكال الذهب
اشكرك على اطرائك الجميل
وعلى النصيحه المخلصه

تورتنى



أمـــاني
.ـ.ـ.ـ.ـ.ـ.
قال الشاعر كن جميلا ترى الوجود جميلا
وانتى انسانه جميله علشان كده بتشوفى كل شىء جميل
اشكرك على تعليقك الرقيق وعلى زيارتك الكريمه

تحياتى

emos said...

ya7'ty mesh lamma 2ala2y el 7ob el awel 3ashan 2at3azeb feh

narfeztenyyyyyyyyyyyyyyyyyyyyyyy

momken said...

emos
.ـ.ـ.ـ

طيب معلش هدى روحك انا بس افتكرتك بتحبى اوى اصل تعليقك ادانى الانطباع ده

سورى على نرفزتك
نورتينى

Radwa said...


لانى بدونك.... شعاعا بلا ضؤ...قلب بلا نبض... طفل بلا ام.... ثائر بلا وطن
لانى بدونك.... انسان بلا حلم.....ارض بلا هواء....عالم بلا فكر..وتر بلا نغــم


الله جميييييييله اوى اوى

momken said...

sendrlla
.ـ.ـ.ـ.ـ

انتى نورتينى يا سندريلا انتى فعلا اخترتى اكتر مقطع بيوجعنى فى البوست زوقك عالى جدا

متشكر على التشجيع
نورتينى

semsem said...

احبك... اقولها كصرخه وليد ..... اقولها كظفره شهيد
اقولها كنتفاضه ثائر...اقولها كخشوع عابد

اصرخ فى عراء الصمت.....اتوسل حتى ينضب عالم الدعاء

لما كانت المرة الثلاثون بعد المائه التى اقرا فيها هذا الكلام
قررات ان اخرج فيها عن الصمت واسالك
لما الصراخ من اجل الحب فانى اعرف ان الحب همسات وكلمات ترفض البوح عن نفسها الا بهمس عاشق وانا كان للحب صرخات فانها صرخات العيون التى تفضح الاحباء حين يلتقون فيراها كل من حولهم
كنت قد قرا قول يوم ما يقول
الحب وحده الذى يحرك اعمق واجمل وانبل ما فى الانسان . ففى داخل الانسان قوى هائله لا تحركها الا كلمه السر

فاحب كلمه سر ولم يكن ابدا صراخ

الا انا كان صراخ هامس من قلب الى قلب ومن روح الى اخرى

انا فهمت كده صح ولا لا

البوست ده حلو قوى

واحساسه عالى جدا
تمنياتى لك بدوام حبك

أميرة البلطجية said...

ممكن..لو سمحتي ابعتيلي الايميل بتاعك عشان اللعبة

شمعة أمـــــل said...

بجد كلام جميل
اهنيك على احساسك العالى

mimi said...

الان.. اقول احبك...اهمس احبك...اغنى احبك.....ارقص احبك....اكتب احبك
احلم احبك.....احيا احبك
والله عندك اللي بيحب فعلا مش بتعدي عليه لحظة الا وهو بيفكر في حبيبه حتى لو نايم وبيحلم
كلامك جميل
تحياتي

Noony said...

ربنا يجمع كل حبيبين بيحبوا بعض كدة

أنا تعبت من كتر الرومانسية والحب

ربنا يوعدنا يا رب
ههههههههههههههههه

:)
نوني

gohayna said...

يا سيدي يا سيدي علي الرومانسيه

ماشاء الله
قليل اوي لما تلاقي راجل بيعرف يعبر عن مشاعره بوضوح كدا

بجد جميله واحساسك رئع

ربنا يسعدك
تحياتي ليك

momken said...
This comment has been removed by the author.
momken said...

semsem
.ـ.ـ.ـ.ـ
عندك حق ياسمسم ان الحب لغته الاصليه هى الهمس.... لكنى قصدت الصراخ.. فى الاولى والثانيه

كصراخه وليد....المقصود بيها اول ما ينطلق به الانسان عند ولادته
ويقابلها.. كظفر شهيد ....اى اخر ماينطق به
يبقى المقصود اول ما انطق به واخر ما انطق به هو احبك

الحاجه التانيه
اصرخ فى عراء الصمت
طبيعى جدا ان العراء لا يصلح فيه الهمس
فمابالك بعراء الصمت اى ان اقرب شخص منك بعيد جدا.. ويحوطك الصمت فى عراء شاسع فيجب الصراخ
اخر نقطه انا نوهت بان الحبيبه مش فى نفس المكان سواء الحسى او المعنوى ورمزت ليه بالبلد البعيد
والبعد هنا اقصد بيه البعد المعنوى وليس البعد الحسى
زى مثلا ما بكلم حد واقوله انت فى وادى وانا فى وادى تانى ....واحنا واقفين جنب بعض

كل توجيهاتك محل اهتمامى ديما
تحياتى

momken said...

angle_bero
.ـ.ـ.ـ.ـ.ـ.
متشكر على التشجع ومتشكر علبى تشريفك ليا بزيارتك الكريمه للمدونه المتواضعه

تحياتى

mimi
.ـ.ـ.ـ

فعلا الحبيب صعب بنسى حبيبه كمان يا ميمى الحبيب بيحب سيره حبيبه تيجى باى شكل وبيكون مستمتع اوى لما حد يجيب سيره الى بيحبه والكلام يكون عنه

انتى نورتينى
تحياتى



Noony
.ـ.ـ.ـ.ـ
امين... على كل دعائك يا نونى والف سلامه عليكى من التعب
انتى نورتينى
تحياتى

gohayna
.ـ.ـ.ـ.ـ.
متشكر جدا على زيارتك وعلى تشجيعك
ياستى الرجاله ممكن تقول وتحس بالى بتقوله بس عاوزين جو مناسب
الرجاله طالبه المساواه يا جهينه ههههههههه
انتى نورتينى ودى شهاده اعتز بيها من اميره الرومانسيه
سواء كان فى مصر او فى الكويت
تحياتى

semsem said...

احبك احبك فهل تسمع همسى
هل تشعر جرحى
هل تحترم صمتى
فصرخات داخل نفسى
ترفض ان تخرج الا همسا
لك وحدك
فلا يسمعها غيرك
فمنذ ان وجدت وهى ملك لك انت
وحدك دون غيرك

جميل قوى ان اخر كلمه واول كلمه فى حياتنا تبقى كلمه حب

اقنعتنى كالعاده
الا انى كما وضحت فى هذة الابيات
فاهمس يكون لشخص واحد كلمات تنطلق من قلب الى قلب
تتدراى ليكون او من يسمعها المحب
وبعدها تنطلق الصرخات معلنا عن نفسها فى عيون العشاق

تحياتى لكل المحبين
مع تمنياتى بدوام الحب لكل عاشق

حواء said...

ايه الحب ده كله دى لو فى المريخ حيوصلها الاحساس ده كله .. تحياتى

momken said...

semsem
.ـ.ـ.ـ.ـ
الله ياسمسم كلامك رهيب كلام اقل ما يقال عليه انه لو اتقال لحجر سيصبح عاشق

ومتشكر جدا على تعليقك واطرائك المنمق جدا

momken said...

bocycat
.ـ.ـ.ـ.ـ
يا ريتها فى المريخ كانت بقت سهله المشكله انى مازلت ابحث عنها حتى فى المريخ مش لاقيها يابوسى

Anonymous said...

من أجمل ما قرأت عن الحب تحياتي لك ولرقة كلماتك

momken said...

قلوب حائرة
.ـ.ـ.ـ.ـ.ـ
انتى نورتينى جدا وانا سعيد جدا انى اسمع الكلام ده من ممن اعتبرها من ارق الاقلام على شبكه البلجرز كلهم
كلامك بيعجبنى جدا وصادق جدا تحياتى

الكلام نوعان :كلام فارغ وكلام مليان كلام فارغ said...

بجد بوست اكتر من رائع
وتعبيرك عن مشاعرك خرافه
وحلو اوى ان يكون الحب لسه موجود بيننا لحد دلوقتى
استمر
وتحياتى لك

Bossy said...

السلام عليكم

كلمات جميله جدا
واحساس حلو اووي
وانا بقرا البوست دا افتكرت البيت دا

كلماتنا في الحب تقتل حبنا
ان الحروف تموت حين تقال

.....
بحييك علي تعليقك علي موضوع الداعيه الاسلامي
انا التعليق دا متتصورش عجبني قد ايه لانك تناولت زاويه جديده في الموضوع
بصراحه التعليق لوحده بوست
احييك

momken said...

الكلام نوعان :كلام فارغ وكلام مليان كلام فارغ
.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ــ.ـ.

متشكر اوى على زيارتك الكريمه جدا
ومتشكر على رئيك الى بيدفعنى للاستمرار

كلامك مشجع جدا وبيحملنى مسئوليه انا مش ادها
نورتينى


Bossy
.ـ.ـ.ـ.ـ
ازيك يا بوسى متشكر جدا على كلامك والبيت الى قولتيه جميل جدا ومعبر اوى فعلا الحب افعال مش بس كلام
تحياتى

semsem said...

انابحب البوست ده

عجبك كده يقوله ايه البت ماشيه مع بوست فى مدونه مش بتاعتها

semsem said...

أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي !!!

momken said...

semsem
.ـ.ـ.ـ.ـ
البوست والمدونه وصاحبهم خدمينك يا ست سمسم انتى بتشرفى المدونه وصحبها فى كل زياره ليكى

تحياتى

semsem said...

لا ياعم انا مقدرش اخد البوست ده ادخل بيه البيت ازاى
انت عاوز ابويا يقطعنى

خليه عندك وانا هبقى اعدى عليه اواقبله برة احسن

momken said...

semsem
.ـ.ـ.ـ.ـ.ـ
خدى البوست يا سمسم ولو باباكى سالك مين ده قولى له ده ابن خالتى عادى يعنى بتحصل

تحياتى

semsem said...

يالهوى انت عاوزنى اكدب

يا وحش يا ممكن

طب ما اقوله اخويا اسهل

وبعدين يا عم انا مقدرش اخد حاجه مش بتاعتى

momken said...

semsem
.ـ.ـ.ـ.ـ
مش عارف.... من ناحيه وحش ده امر مفروغ منه.... اماانك تكذبى لا ميرضنيش
اما عن موضوع مش بتخدى حاجه مش بتعـتك(فلا تعليق )ها
تحياتى

semsem said...

تفتكر ممكن كده اخد جايزة اكتر تعليق على بوست فى المدونات

والجائزة البوست

اصل بردو لسه عينى فيه
وبتلكك على ان اخده

اوعى تكون زعلت لما قلتك وحش

بس يعنى اكدب وابقى انت السبب دا حتى حرام عليا

تاخد ذنب بسبب يالهوى
لاعشت ولا كنت
يوم ما تاخد ذنب بسبى

سلام يا ممكن

هرجع اعلق تانى

momken said...

semsem
.ـ.ـ.ــ.
الحقيقه يا سمسم انتى بذلتى مجهود فى البوست ده اكتر منى انا شخصيا
انا شايف ان تعليقاتك على البوست فى مجملها احلى من البوست نفسه

تحياتى

semsem said...

انا كانت تعليقتى عجبتك فلانها من وحى كلامك فلو لا انت ما كنت انا
ممكن احساسك فعلا ممتاز ويستحق التقدير

تحياتى لكل حرف خرج من قلمك ليصل الى قلوبنا وبعيش فيها

momken said...

semsem
ــــــــــــ
الفنانه التشكيليه الجميله سمسم
تشجيعك له وقع السحر على شخصى المتواضع

اشكرا كمان يجب ان يكون الشكر
وهذا هو دائب العظماء دئما ياخذون بيد الاخرين

تحياتى

semsem said...

مازلت اعشق تلك الكلمات
وكانها كتبت من اجلى

احساسك فوق الروعه

:)

Anonymous said...
This comment has been removed by a blog administrator.
Natashaqobm said...

يا بختها اللهم لا حسد ربنا يوفقكوا بس تبقى تعزمناعلى الفرح ههههههههههههه تحياتي على المشاعر الرقيقة جدا