Saturday, July 21, 2007

سوء....تفاهم



صباح الخير
يحكى انه كانت سيده مسنه
فى العقد الخامس من عمرها
كبر اولادها من تزوج... تزوج... ومن سافر.... سافر
وبنتها مقيمه فى احد المحافظات القريبه منها
فى ذات يوم وفى فصل الشتاء
ارسل لها ابنها دعوة لزيارته فى البلد البعيد
الدعوة تشمل تاشيره الدخول وتذكره ذهاب وعوده
ترددت المرأه التى لم تبرح بلدها ابدا
واخيرا قررت السفر... ترى ابنها... وتستمتع بجمال الريف الاوروبى
اتصلت بشركه الطيران... كى تاكد ميعاد الحجز
وحضرت الحقائب
وفى يوم السفر
انطلقت للمطار... قبل موعد الطائره بوقت كافى
وانتظرت فى صاله السفر رقم واحد حتى ينادى المذيع الداخلى
على ركاب الطائره
واثناء انتظارها قررت شراء مجلات وجرائد تتسلى بها
ذهبت الى المكان المخصص لذلك فى داخل الصاله
واخذت كيس من الحلوى التى تحبها كثيرا
والجرائد والمجله
ثم اخرجت من الشنطه ..النقود ... ووضعت المفاتيح
ثم عادت لنفس المكان تنتظر وبجانبها حقيبتها
وجلست تطالع المجله
...
وتمد يدها لتاخد قطعه من الحلوى
نظرت بطرف عينها فاذا ببنت صغيره
اثنى عشره او ثلاثه عشره سنه
كانت تجلس بعدها بمقعدين
اى بينهما مقعد فارغ تضع السيده عليها حقيبه يدها
كلما اخذت السيده قطعه حلوى سارعت البنت واخذت قطعه
فتنظر اليها السيده نظره بابتسامه رضا
وكلما اخذت قطعه حلوى اخرى..
سارعت البنت باخذ قطعه مقابلها
بدات السيده فى الضجر
فتتاخر فى اخذ قطعه جديده
فلا تمد البنت يدها
حتى تاخذ السيده بعد طول انتظار قطعه حلوى
فتسارع البنت باخذ قطعه هى الاخرى
فتنفست السيده نفس فيه بعض الضيق

واخذت تقرا فى المجله والبنت تجلس بجانبها فى ابتسامه هادئه
حتى اخذت السيده قطعه حلوى .. بتالى اخذت البنت قطعه
فلم يبقى فى الكيس الا قطعه واحده فمدت البنت يدها
واخذتها قبل السيده
وهنا نادوا على طائره السيده
فلملمت حاجياتها وسحبت حقيبتها بعد ان رشقت البنت بنظرها معروفه
ردت عليها البنت بالنظرتها الهادئه السعيده
ودخلت السيده مكان الوزن والتفتيش فى المطار
ثم الى الباص الذى يحملها للطائر
وفى الطائره... قابلتها المضيفه بابتسامه عريضه
واشارت لها على مكان المقعد الخاص بها

بدات السيده فى وضع حقيبتها فى مكانها وقبل ان تضعها فتحتها لتخرج منها المجله والجرائد التى ستتسلى بها..
وهنا وجدت السيده كيس الحلوى الذى اشترته من كشك الجرائد
نعم وجدت كيس الحلوى الخاص بها
يبدو انها كانت تاكل من الحلوى الخاصه بالبنت
هنا انتهت قصتى

....
السؤال ماهو انظباعك عن البنت قبل ان تفتح السيده شنطتها؟
وماهو انظباعك عن البنت بعد ان فتحت السيده شنطتها ؟؟

طبعا الاجابه مختلفه او عكسيه...
هذا ما يعرف بوجه النظر... او ما يعرف بسوء الفهم
لهذا كتبت ما كتب
حتى نعلم ونتعلم جميعا ان هناك مايعرف بسوء فهم... او نظره محدوده للامور
او وجه نظر يمكن ان تكون خاطئه
علينا جميعا ان نتاكد من معطياتنا قبل اصدار احكام على الاخرين
يجب ان نفهم اولا ابعاد قضيتهم .. ونناقشهم
قبل ان نكون القاضى والمدعى والجلاد
والدليل رئيكم انتم فى البنت قبل... وبعد ... فتح الشنطه

51 comments:

semsem said...

انا جيت الاول

ازيك الاول
قبل الست ما تفتح الشطه افتكرت البنوته دى جعانه وبتاخد على شان كده بتاخد حاجه الست

بعدها عرفت ان البنوته دى مودبه جدا لانهاكانت تنتظر السيده الى ان تاخد قطعه ثم تاخد الاخرة فى منتهى الادب دون ان تتجر البنت


عندك حق لابد ان نلم بجميع معطيات الامور قبل اصدار الاحكام
وهى دى اهم حاجه لان
كلنا لنا طرق تفكير مختلفه ومعطياتنا للامور حسب خبراتنا الشخصيه
فاهم حاجه فعلا ان نعرف الاول الشخص اللى امامنا بيفكر ازاى وما هى طريقه فى اخد الامور
ثم نبدا فى اصدار الاحكام

بوست هايل يا ممكن
بس انا البوست فى الاول خادنى لنقطه الام اللى ولدها سافرو وسبوها وحدها ومش عارف ايه
وبعدها نقلت نقله غريبه جدا

بس المعنى وصل
تحياتى لابداعك دائما
وتحيه خاصه لك انت

خيرالدين said...

سمعت القصه قبل كده بس عرضك جميل قوى
عن نفسى مش هاستحمل انى اكون مكان البنت ..اه انا ممكن اشارك اى حد فى حاجتى وله كلها عن طيب خاطر بس نظرتها ليا دى مش ممكن استحملها لانى باتعصب بسرعه
الحمد لله انى مش باسافر

Unknown said...

فعلا القصة بالرغم من انها بسيطة الا ان مضمونها عميق لا تاخذ اى انطباع خاطى عن اى فرد قبل تسمع وجهة نظرة لا تاخد اى انطباع او راى من جهة واحدة
شكرا ليك

rack-yourminds said...

فعلا يجب ان نتأكد من معطياتنا وحيثياتنا حتي نحكم علي الاخرين
لكن ده مبيحصلش في الواقع الكل بيتربص باي هفوه تصدر من الشخص ومن ثم يكيل له السؤات والعيوب التي يراها في شخصه

للاسف احنا صدرنا ضيق جدا ومبصدق شخص يخطئ حتي نهيل عليه التراب دون ان نتبين ان كان هذا الشخص برئ ولا لا, وحتي لو كان هذا الشخص اخطأ في شئ معين ده مش معناه ان هذا الانسان وحش بالجمله اكيد فيه صفات كويسه كتير لكن احنا للاسف بنهيل التراب علي كل حسناته وكاننا ملائكه واطهار ولا يجب ان نخطئ

للاسف احنا في مجتمع لا يفهم ثقافة الحوار الكل بيتمسك برأيه حتي ولو جانبه الصواب يمكن انا خرجت بره الموضوع

بس موضوعك اثار في ذهني هذا الكلام

ممكن بجد بوستك هائل كلماتك بتكون قليله لكن في طياتها معاني حلوه كتير ,وكمان يا عم لا تتاخر علينا كتير انا دخلت عندك كتيييير وكل مره لسه مفيش جديد اتمني لا تتأخر علينا اوكي يا باشا

تحياتي لك مره اخري علي هذا البوست اللي هو اكثر من رائع

شمعة أمـــــل said...

قصه حلوه اوى وبنشوف فيهال قد ايه اننا ممكن نحكم على الناس من النظره الاولى لكن لو ادينا نفسنا فرصه هتنفقدر نفهم الناس دى اكتر وممكن نطلع احنا الغلطنين
تحياتى

momken said...

semsem
.ــ.ـ.ـ
الله يسلمك
انا قصدت اروح باتلقصه بعيد اوى وارجع تانى للنقطه الى عاوزها وده صوره تانيه من الفهم الخطا او سؤ الفهم الى بناخده من المنشتات او العناوين او رؤس المواضيع
فى ناس كتير بتقرا اول سطرين وتبنى رئيها على اساسه
انا حبيت اعرف الناس انه ممكن رأس الموضوع يكون فى اتجاه واخره فى اتجاه اخر

نورتينى يا سمسم
تحياتى

momken said...

e7na
.ـ.ـ.ـ
عندك حق انا كنت مررت القصه دى ميل .. بس ده من زمان اوى

انتى عندك حق جدا ناس كتير اوى صعب تتخيل روحها مكان البنت بس عارفه ليه
علشان بقينا عصبين اوى واى حاجه بناخدها على اعصبنا

تحياتى



ايـــــويـــة
.ـ.ـ.ـ.ـ.ـ.ـ.ــ.
انا متفق جدا فى كلامك ماشاء الله عليكى يا ايه
تحياتى


wahed
.ـ.ـ.ــ.
انت التعليق بتاعك يستحق يكون بوست مستقل عندك حق فى كل كلامك
الحاله الى حضرتك ذكرتها انا بسميها تصيد اخطاء.. وغالبا انا اعتقد ان صيادين الاخطاء بيكونوا فشله لان الناجح معندوش وقت يبحث عن عيوب الاخرين
وقال رسول الله صلى الله عليه وسلم
(من تتبع عورات الناس تتبع الله عورته يوم القيامه)
العوره هنا مقصود بيها مواطن النقص والقصور

انا اسف عن تاخيرى فى البوستات بس ادعيلى
تحياتى


angle_bero
.ـ.ـ.ـ.ـ.ـ.ـ
عندك حق يا بيرو وجميل اننا نفهم الى بين السطور

تحياتى

rack-yourminds said...

لو كتبت هذا البوست يبقي انت الملهم لهذا البوست

بس معتقدش انه ينفع بوست لوحده

تحياتي لك يا عسل

klmat said...

اسلوب عرضك للقصه مشوق للغايه وسلس والمعنى عميق ويخلى الواحد يتأنى قبل الحكم سعدت جدا بوست رائع
تحياتى وتمنياتى بالتوفيق

david santos said...

الشكر لك العمل وعلى درجة جيدة في عطلة نهاية الاسبوع

momken said...

klmat
.ـ.ـ.ـ.ـ
متشكر جدا على التعليق وعلى رئيك وزتشجيعك
تحياتى

david santos
.ـ.ـ.ـ.ـ.ـ.ــ
اقطع دراعى لو كنت فاهم كلمه من التعليق بتاعك
انجليزى ده يا مرسى؟

تحياتى

حواء said...

اكتر حاجة ضحكتنى انها كانت متضايقة اوى ان البنت بتاخد من الحلوى بتاعتها وفى الآخر طلعت ان هى اللى بتاخد حاجة البنت .. كان نفسى اعرف احساس الست دى ايه اما اكتشفت انها خلصت على حلويات البنت الجميلة دى , بس هى فعلا رقيقة ومهذبة جدا واكيد شافت فيها مامتها او جدتها عشان كدة سكتت واكيد كانت متعاطفة معاها .. تحياتى لك قصة لطيفة اوى

linda said...

حكاية بيها الكتير من المعاني

بجد مابعرف شو بقول

المرأة قبل لا تفتح الشنطة كنت حاسة ان البنت مشاغبة ومتمردة

بس بعدها حسيت بان المرأة مفتقرة للنضوج ومتسرعة جدا

Rehab Saber said...

سلام عليكم

.. كنت قراْتالحكاية دى من فترة فى مدونة كش ملك

جزاك الله خيرا

اسلام رفاعى said...

من اجمل الاشياء اللى حث عليها دينا احسان الظن بالناس
معنى خطير وجميل اوى احييك عليه

اسماء العريــان said...

عجبنى اوى استفادة حضرتك من القصه فى النهايه وان حضرتك حورتها ان هو سوء فهم واحنا لازم نبص من كل جهه عن ااااالشىء

جزيت خيرا على البوست

LAMIA MAHMOUD said...

هي اصلا الدنيا يا ابني سوء تفاهم كبير

عايز الفايدة ومن الآخر .. انا اتعلمت اصلا محكمش على حد من الاساس

انا مين عشان احكم على حد

Hadota ... حدوتة said...

سوء الفهم وااااه من سوء الفهم
ساعات كتير بنتهور
ونفهم بعض غلط

انا شخصيا بزعل اوى لو حد فهمنى غلط
وبتأثر جدا


عشان كده
بحاول قبل ماا صدر حكم على حد احكم عقلى
واحلل الموضوع كويس
عشان حتى مظلمش حد

تحياااتى يا ممكن
كل مرة كده موضوع جااااااامد

ادينى حسابك فى البنك عشان احولك تمن النسكافية
هههههههههه

تحياااتى
سالااااام
حدوتة

Hadota ... حدوتة said...

نسيت اقولك ان الاطار اللى انت صغت فيه البوست جميل اوى
والقصة ظريفة ولطيفة جدا
بجد اسلوبك فى سرد اى حاجة بيعجبنى
وبندمج جدا

mo'men mohamed said...

بصراحة انت عبقرية
جزاك الله كل خير
فعلا أختى
لازم الواحد يتروى ويتأكد قبل الحكم على أى شىء او احد
جزاك الله كل خير
على فكرة القصة دى فى عبرتها من أجمل ما قرأت
السلام عليكم

دنـيـا محيراني(ايناس لطفي said...

انا سمعت الحكايه ده من عمرو خالد و اول شيء فكرت فيه ان من اكبر عيوبنا ان احنا بنسي الظن بسرعه رهيبه في الاس دون ان نتاكد من حقيقه الامور و قد يكون الشخص الاخر افضل منا بكثير و هذا ما حدث مع هذه الفتاه كم كانت كريمه و محبه و كانت الست بخيله متضايقه دون معرفه الحقيقه ليتنا نتمهل في احساسنا بالناس لنعرف الحقيقه قبل الحكم عليهم
تحياتي

momken said...

bocycat
.ـ.ـ.ـ.ـ
عندك حق هى حاجه تضحك من مبدا شر البليه مت يضحك
اكيد احساس لبست نفس احساسنا
لاحظى اننا قولنا ان الست عاديه يعنى مش شريره ولا بخيله بس فهمت غلط

تحياتى


linda
.ـ.ـ.ـ.ـ
عندك حق يا ليندا انا متفق معاكى جدا فى نفس رد فعلك اهلا بكل اهلنا فى لبنان
تحياتى


Caaaaat
.ـ.ـ.ـ.ـ.ـ.
وجزاك الله مثله كتشكر للزياره اهلا بيكى ديما

تحياتى

اسلام رفاعى
.ـ.ـ.ـ.ـ.ــ.
اسلام شكرا للتحيه وصاحب التحيه سلام كبير اوى يا جدع لاسلام باشا

تحياتى

اسماء العـــــــريان
.ـ.ـ.ـ.ـ.ـ.ــ.ـ.ـ.ـ.ـ.ـ.ـ.
متشكر جدا على مدحك ليا يا اسماء ولو انى مش اهل لهذا المدح

انتى نورتينى وجزاك الله مثله

تحياتى

momken said...

LAMIA MAHMOUD
.ـ.ـ.ـ.ـ.ـ.ـ.ـ.ـ.ـ.ـ

مع اعتراضى على كلمه يابنى بس موافق

انتى حكمتك على عدم الحكم على حد انا مش بعتبرها سلبيه ابدا انا بعتبرها منتهى الحكمه والتواضع
الكلمين بتوع اهم من الف بوست زى بتاعى
والكلمتين بتوعك ظفرهم برقبه كل الرغى والدش الى انا دشيته

وبما انى ابنك وبماانى متاكد ان انتى مش ماما يبقى جزاك الله خيرا يا ابى

ههههههههههه
تحياتى

Hadota .. حدوتة
.ـ.ـ.ـ.ـ.ـ.ـ.ـ.ــ.ـ.ـ

عندك حق يا حدوته جدا بس الى اهم من ده اننا نوضوح موقفنا جدا علشان منتعبش الاخر ونخليه يفهم غلط
متشكر جدا على تشجيعك يا حدوته انا اروح فى حضرتك فين دانا غلببببببببان
النسكافيه انا هشربه فى كافيه توسكا ومش هحاسب انتى ابقى روحى حاسبى عليه
وهقول للمتر النسكافيه ده وحبيتين بندول عند الانسه حدوته

تحياتى ليكى ياقمر

momken said...

mo'men mohamed
.ـ.ـ.ـ.ـ.ـ.ــ.ـ.ــ.

جزاك الله خير على كلامك وتشجيعك
وانت منورنى ديما اهلا بيك يا مؤمن


تحياتى

momken said...

دنــــيــــــا مـحـيـرنـي
.ـ.ـ.ـ.ـ.ـ.ـ.ـ.ــ.ـ.ـ.ـ.ـ.ــ.
حمدالله على السلامه يا دنيا انتى كنتى فى العراق ولا ايه عودا حميدا انتى منورانى ديما

تحياتى

مشروع انسان said...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

فى القلب said...

مش ممكن جامده جدا
رائعه أسلوبك فى السرد أكثر من رائع
ومشوق جدا جدا
أنا حكمت على الست الكبيره بصراحه
مش البنت وأنا بقراء القصه
فى الاول قلت دى طيبه وحساه ان هى زى حفيدتها لاكن بتبصلها عشان عايزه تسمع كلمه استأزان
وبعد كده فى الطياره حسيت انها حست أنه عايزه تشوف البنت حالا عشان تأخذها فى حضنها لانها حست أد أيه هيه مؤدبه

momken said...

امام الجيل
.ـ.ـ.ـ.ـ.ـ.ـ
اعتذر بشده عن الحضور رغم اهتمامى الشديد الامر وذلك نظرا لظروف سفرى خارج البلاد
مع خالص التمنيات بالتوفيق والنجاح
وانا انشاء الله مع الاغلبيه ان تم اقتراع على اى امر
تحياتى

momken said...

فى القلب
.ـ.ـ.ـ.ـ.ـ..ـ
متشكر جدا على تشجيعك واطرائك لشخصى المتواضع
كل الناس كان انطبعها زيك ومنهم الى انطباعهم انصب كله على البنت سواء ايجابا اوسلبا
انتى نورتينى

تحياتى

Hadota ... حدوتة said...

هههههههه
هوا كافية توسكا دا فين؟؟؟
معلش انا معلوماتى الجغرافية على قدى


اوعى يكون مفيش توسكا خالص وبتبعتنى
زى لندن الدور التانى كده
ههههههههه

اه
قولى بقى
كل مااكلمك فى الشات بوكس مبتردش عليا

:((((((
عااااااااااااااااا


انا هعيط وابهدل الدنيا والم عليك الناس

ابقى سجلنى على الماسنجر بقى اناايميلى على المدونة بالبنط العريض
سلانات بقى
متقطعش النسكافيه
قصدى الجوبات
:p

Hadota ... حدوتة said...

ازيك يا ممكن
حدوتة من جديد

تعمل ايه بقى
اهو غلاسة
:D
انا جاية ارمى السلام وامشى
واقولك اان ليك تاج عندى
تحياااتى
سلااام

صاحب البوابــة said...

القصة يها اسقاط رائع على نظرتنا غير الحقيقية لغيرنا من البشر

قصة معبرة وعميقة المعنى

----------

نتمنى منكم دعمنا في حملة ( افضحوا تجار الكيف )

التفاصيل في مدونتي

david santos said...

My friend, I make votes so that you have a good weekend

Bossy said...

السلام عليكم

شئ جميل جدا نظرتك المتعمقه للاشياء
وعدم السطحية في النظر للامور

تخيل شئ قريب من دا حصل ليا
حكمت علي اشخاص بمجرد معرفتي بيهم
وفي ايام قليله تغيرت نظرتي ليهم وبجد انا ازاي كنت شيفاهم كده

الوحش في الموضوع دا اما تحكم علي حد وتفترض فيه انه وحش وهو كويس
بحييك علي الموضوع الجميل

الصقر الجارح said...

هو لو هنتكلم عن شعور البنت الله يكون فى عونها الصراحه قبل وبعد فتح الشنطه
بس لو السيده انا شايف انها اكيد كان عندها حق قبل فتح الشطه وكان المفروض متسكتش بس هى كانت حنينه
بعد فتح الشنطه اكيد كانت فى نص هدومها وعايز تشوف الطفله فين وتديها الكيس التانى

momken said...

Hadota .. حدوتة
.ـ.ـ.ـ.ـ.ـ.ـ.ـ.ـ.ـ
كافيه توسكا؟؟؟؟ انتى انزلى مصر واسألى..... لاء طبعا
ده ده لندن الدور الاخير هههههه
مش هقطع النسكافيه انا قطع هدومى علشان ترتاحى يا حدوته

انتى نتورتينى يا حدوته
تحياتى

momken said...

صاحب البوابــة
.ـ.ـ.ـ.ـ.ـ.ـ.ــ.ـ.ـ.
متشكر على المرور وهفكر ادعم الحمله بتعتك ازاى الموضوع عجبنى جدا مع انى للاسف معرفش حد تاجر مخدرات بس هدور

ربنا يجعله فى ميزان حسناتك

تحياتى

david santos
.ـ.ـ.ـ.ـ.ـ.ـ.ـ
ياعم الحاج... ياعم الحااااج الله يهديك لو عاوز تعلق على البوست علق مش عاوز برحتك
بس موضوع الويك اند ده مالكش دعوة بيه تحياتى


Bossy
.ـ.ـ.ـ.ـ
ازيك يابوسى انتى فين يا بنتى من زمان محدش سامع صوتك انا قولت اكيد اخدت مصطفى وراحت تصيف
انتى نورتينى وانا متفق معاكى جدا
انا كمان ياما حكمت على ناس حكم غلط ربنا يغفرلى ويتوب عليا
تحياتى

momken said...

الصقر الجارح
.ـ.ـ.ـ.ـ.ــ.
اشكرك للتحليق مع السرب كمان اشكر لك تعليق الجميل العميق جدا
انا متفق معاك جدا فى تحليلك للبوست
انا بستفاد جدا من الناس العميقه الى زى حضرتك

تحياتى

mimi said...

بوست رائع وموقف محرج جدا انا لو مكان الست دي كان زماني ميتة من الكسوف وكنت هتمنى اشوف البنت دي علشان اعتذرلها واراضيها
تحياتي

momken said...

mimi
.ـ.ـ.ـ
عندك حق طبعا الموقف صعب اوى وسخيف جدا....وبعدين يا ستى بعيد الشر عنك يارب الى يكرهك هو الى يموت

انتى نورتينى
تحياتى

hesterua said...

الله الله بجد

القصة جميلة وهدفها حلوى قوى قوى

momken said...

متشكر جدا على الزياره والتشجيع
الحمد لله هذا من فضل الله وان كان تقصير او اسفاف فمن نفسى والشيطان
تحياتى

Ali Mahdi said...

ياااااااه

جميلة جدا يا ممكن
مش عارف كان نفسى اشوف الست دى بعد ما اكتشفت قد اية هى كانت وحشة جدا فى حق بنت عسولة جدا

قصة رائعة
تحياتى

CHICO said...

اهنيك على مدونتك الرائعه واسمح لى ان اكون أحد قراءك.. وان يبقى الحب بيننا

momken said...

Ahmed Moghazy
.ـ.ـ.ـ.ـ.ـ.ـ.ـ.ـ.ـ
والله انت منورنى يا مغازى ايه ياعم فينك من زمان
عندك حق جدا الست كانت فى وضع لاتحسد عليه

تحياتى

ابقى الحب
.ـ.ـ.ـ.ـ.ــ.
متشكر جدا على رئيك فى محاولاتى المتواضعه
يافندم حضرتك تنور المدونه وشرف كبير للمدونه وصحبك تشريفك ليها

تحياتى

momken said...

hesterua
.ـ.ـ.ـ.ـ.ـ.
متشكر جدا على الزياره والتشجيع
الحمد لله هذا من فضل الله وان كان تقصير او اسفاف فمن نفسى والشيطان
تحياتى

دكتور حر said...

سلاماتي

قصة بسيطة وجميله
هدفها رائع

وهو التعامل مع المواقف بهدوء وبتأني وتقبل الرأي الآخر واعطاء مساحة للأخطاء وعدم التعصب


وتحياتي

فى القلب said...

عندى تاج ليك يا جميييل
أرجو الذهاب ألى مدونه مكان فى القلب وأخذه

شباب روش طحن said...

قصه جميله جدا ومعبره والمراد منها ضخم جدا ومهم جدا جدا فالإنسان لازم يلتمس العذر للخرين لانه ربما كان هناك جزء من الحقيقه غائب عنه ولا يصدر أحكام علي الأشياء ولا علي الأفراد ولا علي المباديء ولا علي الأفكار قبل ان تكون له نظره شامله للقضيه بأكملها اما إذا لم يتمكن من ذلك فلا يجب عليه الحكم بأي صوره من الصور علي هذا الشخص

تحياتي علي المثال الجميل

momken said...

دكتور حر
ـــــــــــــــــ
انا متفق معاك جدا يا دكتور
انت نورتينى
تحياتى


فى القلب
ـــــــــــ
انا اشكرك لكنى ببساطه ليس عندى راس لاضع عليها التاج
اسف يا اخى فانا لا اهوى موضوع التاجات

شباب روش طحن
ـــــــــــــــــــ

كلامك هايل ماشاء الله عليك انت فعلا منتهى منتهى الروشنه
نفسى اكون روش زيك
تحياتى

سكاي للتنظيف said...

شركة تنظيف منازل
شركة تنظيف بيارات
شركة رش مبيدات
شركة مكافحة حشرات
شركة عزل خزانات
شركة عزل اسطح بالرياض
شركة تسليك مجارى
شركة تنظيف خزانات
شركة تنظيف واجهات زجاج
ترميم منازل