Saturday, August 25, 2007

العصفور....... الاخضر




قلبى....ذلك العصفور الاخضر
ظللت اعلمه الطيران ...وادربه عليه
ظللت احذره من الفخاخ .. والشباك المنصوبه
لكنه ذات يوم غافلنى
وطار... وحلق بعيدا..رغما عنى
وقع فى شباك حبك الملونه
فاحكمتى من حوله .. واخذته منى
اخذته معك

....
وقمت بسجنه فى قفص من ذهب
ورحت تجزلين له العطاء .. وتثنين عليه..وتدليلينه
وانت فى الحقيقه تتلاعبين به
ولما وقع فى حبك...وسار رهن اشارتك
واحكمت السيطره عليه...رحت تهملينه

وحين رأكى تحضرين قفص اخر جديد ...
وتعدين شباكك... وخرجت فى رحله صيد
وعدتى بعصفور اخر اخضر جديد
اشتعلت الغيره فى داخله..لكنه سرعان ما ادرك انه اخطاء فى حق نفسه
حين اهمل نصائحى

وغرته ابتسامتك الملائكيه...والاعيبك الشيطانيه
واخذ يعد نفسه للتحرر من قيدك
رغم كل الهزال الذى اصابه من طول اهمالك وهجرانك له

اخذ عصفورى يتحين الفرصه للهروب من حبك الكاذب المخادع
وغافلك مره وانت تفتحين القفص الذهبى... بقصد التسلى به

وطار...طااار....
وعاد الى.. قلبى ذلك العصفور الصغير الاخضر
عاد الى الطائر الحزين
منهوك القوى ..مكسور الجناح...يشكون الانين
وظللت ادويه واطيبه واعالج جروحه
حتى اذا ما اشتد عوده
عدت من جديد تنصين له شباكك ذات الخيوط الملونه
لكنه وقد وعى الدرس... وذاق طعم الحريه
ابى.. ورفض

لكنه احب ان يكون صيدا فربما يوما
يقع فى يد الصياد الذى يقدر قيمته
ويحافظ عليه ويحيا من اجله
وان اخفق فقد تعلم درس جديد
يعلمه كيف يجد الصياد المناسب
قلبى ذلك العصفور الاخضر

61 comments:

semsem said...
This comment has been removed by the author.
Hadota ... حدوتة said...

السلام عليكم يا ممكن
ازيك
العصفور الاخضر دا قصته اتكررت مع ناس كتير
مش مهم نتجرح
الاهم انه رجع لصاحبه
وصاحبه قدر يداويه
فعلا عصفور اخضر قلبه ابيض وجميل
العصفور دا لازم يحسن اختيار الصياد الماهر
اللى يحبه ويحافظ عليه
ويفضل العصفور يطير حواليه ويحلى ايامه ويملا حياته سعادة
لان اصعب الاقفاص هى اقفاص الحب حتى لو كانت من ذهب
******
بجد يا ممكن البوست متميز وكله ابداع
ومهما اوصف مش هديك حقك
تحياتى ليك وللامام دايما ومزيد من الابداعات

اسكندراني اوي said...

لا لا لا
دا لموضوع كبير
وكبير اوي كمان
مش كده ولا ايه
قلوبنا محتاجه اللي يراعيها
ويكبر الحب فيها
الحمد لله انه رجعلك وياريت ينقي الصياد اللي يعرف قيمته

تحياتي على البوست الجميل ده

rack-yourminds said...

ايه يا عم الكلام الجميل ده ,انا تعبت من الرومانسيات دي هههه

أنا بقي عاوز اعرف ازاي عالجته وداويته !!!؟ ههه .... غلاسه بقي ..ههه

تحياتي لكي يا عسل

فى القلب said...

أنت عارف يا ممكن
الصياد كان عايز يرجعه تانى عشان عرف أمته وندم
وعموما يا ممكن قلوب خضرا كتير زيك
بس أنت حظك حلو وأتحررت
نسبه كبيييييره أوى من القلوب التانيه
مش عارفه تتحرر
يا ريت تدلهم خطه للهرب

سكينة said...

حمد لله على سلامة القلب الأخضر وممكن يكون اتعلم أن يوم ما يعصيك نهاره هيبقى أزرق
ممكن يعيش أحضر على طول لكن من غير قفص

شمعة أمـــــل said...

طبعا انا اسفه على التأخير
بس انت قلبك اخضر وبيسامح
والقلب ده له كل الاحترام والتقدير
واكيد اللى حصل ده عشان كان الصياد ميستاهلش القلب اللى زى العصفور الاخضر ده
واكيد بكره ان شاء الله هيلاقى القفص اللى يعيش فيه حر ويلاقى الصياد اللى يقدر يراعيه
بس سيبك من كل ده
الكلمات رااااااااااااااااااااااااائعه
بجد ومن غير مجامله
الاسلوب بسيط وجميل
لك كل الاحترام والتقدير

Anonymous said...

el bo

الصقر الجارح said...

يا حرام
المهم انه يرجع تانى
علشان انا مش بحب الشباك ولا بحب الشوف طير محبوس
وانا شاء الله يلاقى الللى يقدره بس برده هيحبسه
محدش بيلاقى حاجه حلوه ويسبها او يقدر قيمه الحريه عندها
ياولدى ان طريق الحب مسدودا مسدودا مسدودا

Anonymous said...

el bost el 27'eer leek ya ostaz moomken hayl f3lan . 2na kont marer belsodfa we da7'alt 3ala el blogger beta3ak besra7a etsara3t we gatly sadma w2tya 7awaly 3 sa3at la7ad ma 7'alast el blogger 2raya . ma fe 27la men ebda3 el ra7man ely wahabak zalelk al ebda3 fe oslobak we 2fkarak el 7'ayalya eli ma fesh 7ad y2der ywsal lee haak el daraga fe3lan ma sha2 2llah
we law moomken ya ostaz moomken t2balny sadeek el bernamg we 2na sad2ny mesh ha7remak men etesalaty
22sod mesh har7amak hhhhhhh........
we isA el 7ala2a el gaya tkon mowafa2a be ezn ellah zay eli fato
Good luck !
fasel we na3ood
haza el comment be re3ayt ( none )sadeek el bee2a sorry el bernameg

Anonymous said...

2ma ba2a el comment 3an el 3asfoor el 27'der fa 2na ma3ak fe kol kelma katabtaha ma fesh 7aga ma 3agbtnesh we 2kter 7eta 3agabtny
لكنه احب ان يكون صيدا فربما يوم يقع في
يدالصياد الذى يقدر قيمته
يحافظ عليه ويحيا من اجله
معنى ذلك على قد ما فهمت انك حابب ان الى تحبه يكون ممتلك قلبك ويكون ليه لوحده احساس رائع واخلاص اروع
يمكن الحته دي اغلبهم هيفتكرها الامتلاك في الحب
لكن انا فهمتها كده بتحمل معانى كتيره للاخلاص في الحب
بحييك مره تانيه
none sadeek el bernamg

klmat said...

سلامه قلبك
والحمد لله انه فطين وواعى
ولم يحن تانى
الايام بتداوى
وان شاء الله يجى اللى
يستاهل العصفور الاخضر
اسلوبك رائع وجميل
والاحساس فيه مرهف وصادق
سلامتك

Bossy said...

السلام عليكم

تشبيه رائع وواقعي

اعتقد ان التجربه دي علي قد ما هي قاسيه
بس اكيد اتعلمت منها اشياء كتيره جدا
بس ليه تسيبه يتصاد تاني
ليه متديلوش حق الاختيار

البِـئرُ والظمّأْ said...

السلام عليكم يا ممكن
الحمد لله انا رجعت
اول حاجه عملتها اول ما دخلت البيت قلت اتصفح الجديد لكل مدون
تصدقني يا ممكن لو قلتلك اني دمعت اول ماقريت قصة العصفور الاخضر ده
بس تعرف
المهم انه رجع
ما فضلش هناك في الذل والحرمان
حافظ على قلبك ما تخلوش يروح لاي حد
لان مش هيرجع بسهوله
و لو رجع هيرجع مكسور

تحياتي ليك يا ممكن
سلام
زيزي

بنت القمر said...

القلب مش صيده القلب ليه احكام ونظام حق ومستحق وكله بالقانون
تحياتى

semsem said...

السلام عليكم ورحمه الله
ازيك يا استاذ / ممكن
يارب تكون بخير ان شاء الله
عوده مرة اخرى الى التعليق
فى مدونتك الجميله التى اعشق مواضعها
اولا شكرا لتعليقك عندى
وشكرا للنصيحه الجميله
الا انى اردت ان اقول لك شى
انه لايعى مرارة التجربه الا من يعشها حقا


وكلمه اخيرة لعصفورك الاخضر
اياك ان تحب ان تكون صيدا
ابعد عن كل صياد
فقط اذهب لم يبقيه معه طليقا ً
فالحب لم يكن يوما الا كل حريه
وان كنت انت نفسك لم تسجن عصفور اخر لما
ترد ان يسجنك الاخرين
يوما ما ستعلم ان الحب هو الحياة وليس الحبس
حتى لو كانت الاقفاص ذهبيه مزقرشه
دع قلبك الصغير يختار ويذهب حيث يشاء
اعتقد انه قد وعى الدرس هذة المرة
اتمنى لك من الله ان يرزقك بمن يحافظ حقا على تلك القلب النقى
وان تعيشا معا فى سعاده وحريه دائما
ومرة اخرى
ادعو الله لك ان تكون بكل خير
تحياتى واللى القاء ان شاء الله وقدر لنا لقاء مرة اخرى

همسات دافئه said...

الله عليك حلو قوى الوصف ده ورحله القلب ده والدرس ده
كلماتك جميله حقا أسعدنى مرورى
تحياتى
شيماء

Abeer said...

كلام اكتر من رائع ..
وبيدخل القلب لانه اكيد طالع من القلب

لكنه احب ان يكون صيدا فربما يوما
يقع فى يد الصياد الذى يقدر قيمته
ويحافظ عليه ويحيا من اجله
وان اخفق فقد تعلم درس جديد
يعلمه كيف يجد الصياد المناسب
قلبى ذلك العصفور الاخضر

بجد جامدة جدا
:)

غازى said...

رائع .. حه على الجراح يا ممكن

منك لله

Anonymous said...

لكى يتجنب الشخص الوقوع فى ايدى من لا يستحقه يجب الا يعمى بصيرته وان يحكم العقل ولا يترك الخيار الاول والاخير للقلب فالقلب انما هو متقلب لا يدرك

الخيط الرفيع said...

الدرس العملي المؤلم اقوي الدروس أثر
فكان لازم العصفور يتخبط علشان يلف ويرجع لعقله تاني
بجد كلام بسيط بدرجه عميق

ويا ممكن
ممكن زياره صغيره لبوستي الجديد
هو بيتكلم عن عصفور بردو وبما ان ليك في العصافير قولي رايك ايه في العصفور بتاعي

الحلم العربي said...

إلى ذلك العصفور الأخضر ...
لا تنتظر القناص بل انتظر الرفيق الذي يحلق معك في السماء ...فانت تستحق ان تطير معه طليقا دون قيود

تحياتي

abo salah said...

بعد السلام عليكم

لن أعلق علي مضمون البوست ، بقدر ما أريد أن أعلق علي أسلوب الوصف

وفي أقل الكلام .. أسلوب الوصف و التشبيه الضمني يتمتع ببراعة فائقة

تحياتي

truelove said...

ممممممممممممممممممممكن ايه فينك مش منورني بقلك زماااااان المهم كلامتك وجعت قلبي يابني بس احلى مافي الموضوع انه فهم الدرس ويارب يعوضه بالخير وبجد وصفك للحالة تحفة يا بقى سلام

semsem said...

ياترى انت فين ايها العصفور الاخضر

هل ضللت الطريق اللى مدونتك

ممكن
انى مازلت اسال عنك

يارب تكون بخير

ادعو الله لك ان يحفظك كما حفظ كلمات القران

وان تعود سالما غانما الى مدونك


ارجع يا ابنى
ارجع يا ممكن
الجماهير تنادى

عصفور بلا أجنحة said...

العصفور الأخضر اسم جميل

gohayna said...

اهم حاجه انه رجع من جديد لصاحبه

واهم حاجه ان صاحبه تقبله
ودواه

اهم من وقع الجرح نفسه

بجد الموضوع جميل

واحساسك حلو اوي

ربنا يسعدك يارب

تحياتي

sa7arkash said...

يا سيدى حمدالله ع السلامة
ليك ولقلبك
وخد بالك اللى اتلسع من الشوربة ينفخ فى الزبادى
وواضح ان دى سمة العلاقات الانسانية اليومين دول
بس زى ما فى الوحش فى الكويس..ويا رب يكون من نصيبك

semsem said...
This comment has been removed by the author.
فى القلب said...

ممكن
أييييييييييه الكسل ده
لما أستذنا الكبيييييير ميمتعناش ببستاته الى ذى العسل و الشهد المكرر

هنمووووووووووووت
ياااااااااااااا
استاااااااااااذنا
ممكن
عاااااااااااااااايزين
بوووووووووووووووست

دنـيـا محيراني(ايناس لطفي said...

ازيج يا صديقي عامل ايه
البوست رائع و التعبيرات صادقه جدا بس اهم شيء انه رجع ما احلي العوده
ما احلها
تحياتي يا مبدع

Fatma El-Zahraa Mohamed said...

وسيقط الريش الاخضر عن جناحى
لااتعلم ان احلق بعيدا
عن ارضك للسماء العالية

.....
و اضح انى بقيت اجى اعلق ماخر جداااااااااا
:)

MestKA said...

اذا لم يخطئ ذلك العصفور ماكان له ان يصدق ما علمته له
ولكن الان تأكد انه لن يقع ف الفخ ثانيتا

احي اسلوبك الجميل

Halawa said...

في الجون يا مايسترو

رغم اني مبحبش العصافير خالص
هههههههههههههههه

بس في جو عصافير ع البلوجات
كتير اليومين دول

بس لو قلوبنا عصافير
بأجنحة صقور
هنبقى أقوي وأحسن
ولا ايه رأيك؟

النهاية رائعة بجد
وفيها لم شتات نفس عالي
وده المطلوب
الفكرة أدبيا
طالت منك شوية ياريس
المعنى واصل من بدري
بس ساعات كتير بيبقى التطويل حلو

خد بالك من قلبك ياجميل
مش أي حد يستاهل
قلوب العصافير

سلاااااااااااااام

البِـئرُ والظمّأْ said...

ممكن فيييييييييييييينك ؟؟
ايه الغيبه دي
.
.
فين كلامك .. مستنيينك
.
زيزي

حواء said...

هو فين ده العصفور - القلب - اللى يقدر يفضل محبوس فى مكانه ولا يطير انا عايزاه ادخله قفصى .. عشان احبسه ارحم ما يعيش الكدب والخداع وفى الآخر يمغدر به .. ؟؟

maioya said...

لكنه احب ان يكون صيدا فربما يوما
يقع فى يد الصياد الذى يقدر قيمته
ويحافظ عليه ويحيا من اجله
وان اخفق فقد تعلم درس جديد
يعلمه كيف يجد الصياد المناسب
قلبى ذلك العصفور الاخضر

ربما ولما لا
ولكن هل سيصبح تجربه
كما حدث من قبل
اما ان يحلق عاليا
او ان يعود مكسورا من جديد؟؟
ابدعت
تحياتي

real love said...
This comment has been removed by the author.
real love said...

انا الحمامة البيضاء
اروى لك حياتي
لكي لا تبكي على من
خدعت عصفورك الأخضر
لقد أخذنى من اوقعنى في شباكه
وادع اسمه الحب
ولكنه غير ملامحي
واعطاني لوناً بلون القلب
قولت انه كان لون الحب
ولكنه كان يقصد لون الدم
اراد انى يلتهمنى
كما التهم من قبلي
ولكن لم يستطع تمثيل الحب كثيرا
ولم يجد غير الدم بديلاً
وكم نصحتنى مالكتى
أن لا أبالى لم يوقعنى من حولى
ولم استطع انفذ أمر مالكتي
وسقط وسقط معى عمرى
وكم حطمت مالكتى
فاغذر قلبك الأخضر
لم يستطع أن يتوقف
لأن الحب لا تستطيع أن نقف أمامه
لأنه بداخلك والغير هو اللى يظهره أمامك
وأوعدت مالكتى كما وعدك عضفوك الأخضر بألا يعود للهوا من تانى
.............................
مبدع ممكن دى اقل تعليق ممكن الواحد يعلق بيه على الكلام الجميل دا
وبجد عجبنى وحسيته لأنى عايشاه ناو
ويسعدنى عزومتك على الجديد عندي بعنوان سوق الجواري
واتمنى تعجبك زى ما عجبتنى اوى مدونتك تسمحلى ألف فيها شوية
تحياتي
ريال لف

real love said...

ممكن
انا جيت أرخم عليك واعزمك عندى النهاردة كمان على إلى أين ذاهبة وفي أشد الشوق لرد الجميل
وحقيقي متعتنى بردك وادانى حماس وقوة رهيبة في حسم موضوعي
ودوست على جرحى وبقيت أقوى
لكن معلم فى قلبي والله يا ممكن
..........................ز
مستنياك
ريال لف

kafrawy said...

وغرته ابتسامتك الملائكيه...والاعيبك الشيطانيه



ااااااااةةة


من الخداع و الكذب

زى الهوا said...

الكلام دا بيفكرنى بخاطرة كدة برده كنت كتباها ليها نفس المعنى دا ( وش حزين )

semsem said...

اصوت يعنى والم الناس واقولهم الواد تاه منى
دا يا دوب رحت اجيب حاجه ارجع ملاقكش كده
انشر البلوج بتاعك واقول ياناس صاحب مدونه تايه ومش عارفين نلاقيه
وانت عارف انا بتاعه دعايه
ايوة اعمل اعلانات اوت دور وان دور وبوسترات تتوزع فى الشواع
تدور عليك

خرج ولم يعد
ارجع بقا قطعت قلبى
ارجع طيب عاوزين نقوله كل سنه وانت طيب

يا ابنى دا عمال اعيط على مرسم اربع حيطان مبالك بقا بعيل تايه

سمسم :(

semsem said...

ياولاد الحلال مدون تايه طول كده
من يجده بتصل بى اويبعتول على اقرب مدونه عندى وانا هاجى استمه

صباح الفل يا باشا
خلينااحنا الصغيير بردو احنا اللى نسال

صباحك سكر زياده

sahr said...

مش مهم اللي حصل المهم انه رجع وانه هيفكر مائة مرة بعد كده قبل ما هيختار الصياد
الصياد اللي مش هيسجنه في قفص دا هيسجنه في قلبه
تحياتي

real love said...

ممكن
انا جاية اعزمك على حفلة حديث مع وردة
وفي انتظار درك وميرسى موت على تعليقك يا جميل
وتعليقك عندى أحلى من البوست كمان
ميرسي ليك يا ممكن في انتظارك
..........................
تحياتي ريال لف

hana said...

ربما يوما تاخذنا مشاعرنا لشخص ما
تجذبنا اليه وبشدة
فلا يرى القلب غيرة ولا يسمع ولا ينبض
الا باسمه
هو فقط
ورغم خوفنا على هذا القلب ان يقع جريح
الا انه يابى بشدة
حتى يعلم انه اقترب من
الهلااك
فيعود لنفسه
هنا يولد من جديد

تحياتى لروعــة الاحساس

الصقر الجارح said...

ايه يا عم
انت فين
حد يلحق المدونين بيتخطفو
ياريت تشرفنى فى المدونه فى بوست حلو احق خد منه حته

rack-yourminds said...

ممكن يا ممكن تقولي انتي غايب ليه

وحشنا كلامك يا عسل


متغبش تاني اوكي ايوه ده امر

تحياتي لكي يا عسول

وكل سنه وانت طيب

semsem said...

تغيب فى ظروف غامضه ممكن على من يجده

يتصل على الرقم 090000000

او يبعته المدونه بتاعته

هبتدا اعلانات ارجع احسن

real love said...

ممكن انت فين
ذهب ولم يعد بعد
انا زعلانة منك فاتك حفلتين
حديث مع وردة
وأنا وطيور الظلام
كدا يا ممكن تحرمنى من تعليقك في حفلتين مرة واحدة
زعلانة هه
وهاعيط كما ن
وهافضل ناده كدا عليك
لحد ما تعلق
بس
..............ز
سلام ياللى مخصماك
ريال لف

malak said...

رمضان كريم كل سنة وانت طيب

تحياتى

مواطن زهقان said...

بجد كلمات رائعة
فكرتنى بااغنية حليم
والقلب الاخضرانى يابويا
دبلت فيه الاغانى ياعين

Bossy said...

السلام عليكم ورحمه الله وبركاته

متغيب ليه
ان شاء الله يكون خير
وترجع بالسلامه

كل سنه وانت طيب ورمضان كريم

ويارب تكون بخير

شمعة أمـــــل said...

ممكن باشا
طبعا انا مش هسالك زى الباقيين متغيب ليه
ومختفى ليه
لانى عارفه السبب
بس هقولك مش حرام تسيب مدونتك الجميله دى كده
وبعدين رمضان كريم
وعايزين نتلم كلنا مره تانيه فى رمضان
لانى حاسه اننا بعدنا اوى


انا عارفه انك هتقرى الكلام ده بس ياريت بجد ترجع تان عشان كلنا مفتقدينك

انا سبتك الفتره اللى فاتت ومرضتش ادخل اكتبلك ارجع والكلام ده كله
لانى عارفه انك لازم تاخد وقتك فى التفكير
ربنا يهديك


ومتنساش كوستا
;)

Radwa said...


ممكن
فكره جميله وى اوى اوى
وطريقه عرضك ليها جذابه جدا
قلبى....ذلك العصفور الاخضر
ظللت اعلمه الطيران ...وادربه عليه
ظللت احذره من الفخاخ .. والشباك المنصوبه
لكنه ذات يوم غافلنى
وطار... وحلق بعيدا..رغما عنى
وقع فى شباك حبك الملونه
فاحكمتى من حوله .. واخذته منى
اخذته معك

احييك على فكرتك الجميله

tweety said...

ساعات بنبقى محتاجين للتجارب القاسيه عشان يشدد عودنا

abo salah said...

بعد السلام عليكم

أيه الغيبة دي كلها ياباشا؟؟

عامة
كل سنة وأنت طيب و بألف خير و سلامة

تحياتي
ورمضان كريم

د- حندولة said...

بجد حلوة
وفيها نواة لقاصة .. محتاجة شوية تركيز وتكثيف وتبقى قصة قصيرة جميلة
مش عارف ليه لون المقاطع بيتغير رغم إنها متصلة كحكاية ...
واضح جدا مشاعر الكاتب من خلال النص ... وأنا حسيت الكلام قوي ..وتعبت
بوست جميل
كل سنة وانت طيب

Anonymous said...

افمازالت تعشق دقات القلب احرفي ؟
ام دقات القلب عشقت كل حرف ابجدي ؟

Anonymous said...
This comment has been removed by a blog administrator.