Wednesday, June 11, 2008

نــــــــــــــــــــــــــــعم


نعم احبك

اكثر مما احب.... كل العاشقين السابقين

نعم احبك

اكثر من حمق كل الحالمين ...فى الزمن الضنين

نعم احبك

اكثر من كل الابتسامات والضحكات اذ تذكرين

نعم احبك

مثل حب الزاهدين...الصامتين

وارى فيكى خلاصى دنيا ودين

فالحب ليس رحله

مع الغروب ......ستنتهى

وترجعين

الحب عندى جنه

وانا امير المذنبين

.......


انا حيث يلقيكى الهوى

ابنى بيوت المشتقين

نعم ...نعم...نعم احبك...اعترف

وليس يعنينى رضاء القوم عنى

او كنت ضمن المرجومين

قد عشت ياعمرى تسالين

بلا مجيب

وها انا اليوم جئت بكبرياء

نعم احبك

لو تذكرين

144 comments:

Hadota ... حدوتة said...

معدية قولت امسي واقول انى اول تعليق

يللا شوفلنا فى جيبلك نص جنيه ورق من الكبير دا

ومسمى البوست كمان نعم .. فكرتنى بأغنية الاستاذ عبد الحليم ابو حافظ

بس عبد الحليم ابو حافظ يروح منك فين
مكنش على ايامهم الكلام الرومانتيكى الكبير اوى دا

لا بجد يعنى .. بوست حلو وكله مشاعير جميلة .. وانا من مكانى هذا احب احييك والى الامام دايما واحب اهدى الاغنية لكل صحابى وقرايبى فى موزمبيق

كان معكم صديقة البرنامج الدائمة


حدوووووووتة

همسات دافئه said...

وليس يعنينى رضاء القوم عنى
او كنت ضمن المرجومين

ياسلام؟
بجد لو ميهمكش يبقى انا مصدقاك
حلوه اوى بس غيابك كمان طول اوى

**********
وبعدين لاء بقى انت عارف كويس انى مقدرش على زعلك قولى بس انا عملت ايه غلط وانا أجبلك بوكيه ورد واجى اصالحك
يالا قول بسرعه
مستنياك

شيماء:)

قلب ينبض لله said...

يا سلام علي الكلام الجميل
أقول ايه يابختها ولا يابختك علشان قلبك مليان حب جميل وكبير بالشكل دا

بوست جميل طبعا مش محتاج كلام

صوت من مصر said...

والله الموضوع عجبنى جدا لكن مش اكتر من التفاحه ؟

الفارس الملثم said...

بجد كلام جميل اوي ومشاعر رائعه ..

وقدادهشتني بعض التعبيرات وحملت لي وقع واحساس خاص

جميل اوي ان الانسان يحب بس لازم يكون حبيبه يستحق كل هذا الحب والا تحول الحب لشقاء وعذاب

ولو ان ده حال اغلب قصص الحب ممممممممم

تحياتي
محمد

بنوتة من وسط البلد said...

حلو اوى الموضوع
تسلم الايادى

بس ممكن تليفون المدام ؟؟؟؟
:)

عاشــــــ النقاب ـقــــة"نونو" said...

نعم فيه حاجة
حسيتها انك بتقول كدة
ههههههههههههههههههههههههه
كلمات جميلة
تحياتي

semsema said...

اسلوب متميز فعلا
كلام جميل جدا
نعم ..اعجبنى البوست

تحياتى
والى الامام

الحلم العربي said...

حلوة اوي أوي أوي
سلمت يداك على الكلمات الجميلة و يا رب تكون صاحبتها بتبادلك نفس المشاعر و يكتب لك السعادة معها
تحياتي
و آسفة على التأخير لكن كانت لي ظروف خاص سأنشرها في المدوننة إن شاء الله لكن لما اعرف اتملك من الكمبيوتر و كابل الانترنت هههههههههههههههههه

المـــفـــــــقــــــــوعـــــة مــرارتـهــا said...

الحب معجزة لو تواجدت فلنحافظ عليها علنا نحتاجها في أحد الكبوات

zOzO said...

اول زياره ليا
والمدونه بتاعتك عجبتني


ويابختها بيك انها تلاقي حد يحبها اوي كده
الحب طبعا احلي مشاعر واحلي احساس
بس لازم نحافظ عليه
ونحميه من اي حاجه



تحياتي ليك وان شاء الله مش هتكون الزياره الاخيره

semsem said...

يا سلام على الحب

شكلك كده بتحب جديد
يا بختها يا ممكن بيك

ربنا يسعدك دائما

اه لو تقبالها قلها ان انا كمان بحبك وبحبها
يالا بقا
اصل الايام دى شكلها كده مديا على حب

كلماتك روعه كاعاده وممتعه جدا وجايه فى وقتها

واحــ الفكر و القلم ــة said...

كلمات جميلة حالمة
قمة فى العذوبة والرقة والرومانسية اللامتناهية


قد عشت ياعمرى تسالين
بلا مجيب

بس مش كنت تريحها من الاول .. حرام عليك والله هههههههههه

دمت بكل خير أخى الفاضل

Desert cat said...

طبعا الكلمات رائعه
بس انا ليا عندك طلب صغير
ممكن حتة صغيرة بس من التفاحه
ارجوووك

Abeer said...

فالحب ليس رحله

مع الغروب ......ستنتهى

وترجعين

الحب عندى جنه

وانا امير المذنبين


جامدة بجددددددد
مش لاقية أي تعليق عليها
:)
--------
شكرا على السؤال يافندم في فترة الانقطاع

blue-wave said...

وليس يعنينى رضاء القوم عنى او كنت ضمن المرجومين
كلمات لا تصدر الا من عاشق
تحياتى استاذى

Anonymous said...

ازيك يا ممكن..انا مش عارفه بس انت ليه ردودك عصيبه على تعليقاتى اكنك مش عاوزنى اجى هنا تانى
اهدى شويه يا ممكن واستهدى بالله..واتكلم معايا بشويش شويه
اولا البوست الاخير جميل جدا مش هبالغ لو قلت من اجمل الحجات الى قرتها فى حياتى
بس انا هموت واعرف انت كاتبه لمين ومين دى الى تستاهل كل الاحاسيس دى
يا مككن يابنى مش ناوى تريحنى وتدينى الميل بتاعك ...والله العظيم ما هتندم بالعكس والله هتكون فرحان وسعيد
بس انتى سيبك من الافكار الى بتسيطر عليك دى وهاودنى ولو اكتشفت العكس ياعم اعملى بلوك واحذفنى

اا هتوكل على الله وهنتظر انك تقولى الميل معرفش ازاى بس هستنى
ربنا يهديك يارب

نون

Anonymous said...

انت بالفعل خير من تكلم عن الحب
فكلماتك القليله عنه جعلتنى اؤمن ان هناك بالفعل حب ولكن عندى سؤال ارجوا ان تجيبنى عليه
اين ها الحب لقد جعلتنى اشعره واجده ولكن هل لك انت تجيبنى لماذا هو مجرد خيال وكلمات نشعرها دون ان نعيشها ولماذا نتعذب به
برغم انك دائما ما تخبرنا انت ومن سبقوك فى التحدث عنه انه هو الخلاص والوجود والامان
لقد
اسلمت ان الحب ما هو الا كلمات
نعبر بها عما نتمناه
ولكنه كاساطير السابقين
ليس له وجود
البوست
عن جد كتير رائع
بل واكثر
ولكن
اين هذا الامان
واين هذا الحب
لن اوقع فى نهايه كلماتى لاننى اعرف انك تعرف من
انا

Anonymous said...

الصورة مش ماشية مع البوست
فين القلوب الحمرة والورد الاحمر والصور اللى بتدل على الحب , هيكون افضل لو حطيت حاجة من النوع دا,لان البوست فعلا رائع بس محتاج تعدل الصورة

0 said...

وارى فيكى خلاصى دنيا ودين
فالحب ليس رحله
مع الغروب ......ستنتهى
وترجعين
الحب عندى جنه
اللى بيحس الحب بطريقتك دى يبقى فعلا ملاك ولو بوصف البشر يبقى فارس جميل
ناس كتير بيبصوا للحب على انه ذنب او حاجة عيب
ياناس اقروا الكلام ده وانت تحسوا فيه بجد بمعنى الحب
ياممكن انت مش ممكن ، كل كلمة كاتبها بأحساس وجامع فيها كل المعانى دفاعا عن الحب والمحبين وكمان خلوده دجنيا ودين
احلى كلام بجد قريته
والصورة كمان رقيقة جدا وجميله
تفاحة يمكن اكلها ادم من نفسه او اكلتهاله حوا فى الحالتين هما اصل البشر
موضوعك هايل وجميل جدا ربنا يوفقك

Unknown said...

ما اجمل الحب لو فهمناة واحسسنا بة

امل said...

السلام عليكم
كلمات رقيقة واحاسيس
كلنا بنتمنى نعيشها
ربنا يوفقك ويسعد قلبك
تحياتي

منى said...

ماشاء الله
جميل اوى
المعنى وموسيقى الكلمات
وكويس انك كاتب باللون الازرق
حاسه انه اضاف للمعنى كتير
مش عارفه ازاى
ربنا يوفقك
تحياتى

loza said...

احييك

على الكبرياء ..

واعتراف جميل ..

يستحق التقدير ..


حلوه الصوره ..

بنت النيل said...

الحب شىء جميل جدا فى بدايته أحاسيس جميلة و سعادة و تألق لأقصى حد فى كل شىء ..
إنه الأمل الحلو الذي يشرف على القلوب الحزينة فيسعدها ، ويدخل إلى النفوس المظلمة فينيرها ويبدد ظلمت.

تحياتى لك
بنت النيل

momken said...

Hadota .. حـدوتة
ــــــــــــــــــــــــ

من ماما وبابا وطانط اوسه طانط سوسن
وام عصام وام ناديه
وكل اهل الحته عاوزين يسمعوا اغنيه عيد ميلاد مين الليله عيد ميلاد قمر العيله للمطرب الوزعى سمبر صابروا
وبيهدوها لحدوته بمناسبه عيد شم النسيم
وكل سنه وانتى طيبه يا حدوته ومتنسيناش فى الكازوزا وبسكويت الشمعدان وبسكويت بيمبو

ال صحيح مين عبد الحليم حافظ ده مدون زززمييييل يعنى

تحياتى

momken said...

همسات دافئه
ــــــــــــــــ

لاء ياشيمو ميهمنيش من القوم هيعملوا ايه يعنى على رائى المثل الشعبى

ضاربوا الاعمى على بقو قال اه يامناخيرى)

الى مزعلنى يا ستى ياستى ياستى....انتى عارفه كويس يا شيماء الى مزعلنى
فكرى بس كده وانتى تعرفى على طول

متشكر اوى على رائيك يا شيمو وكلامك الجميل زيك
تحياتى

momken said...

قلب ينبض لله
ــــــــــــــــــ

هههههههههههه
ولا يا بختها ولا يا بختى ممكن نقول يا بخت شركعات المحمول الى تلم فلوس اد كده من كل حبيبين

متشكر يا اجمل قلب على كلامك الرائع

تحياتى

momken said...

صوت من مصر
ـــــــــــــــــ

ماشى ياعم يعنى انت باصيصلى فى التفاحه
اتفضلها ياعم خد قوتى يا عبدالعال
كلها ياعم وبلاش انا
هههههههههه

متشكر يا سيدى
تحياتى

momken said...

الفارس الملثم
ـــــــــــــــــ

شوف يابو حميد انا من رائى ان الحب
تجربة إنسانية معقدة ،،، وهو أخطر وأهم حدث يمر في حياة الإنسان لأنه يمس صميم شخصيته وجوهره ووجوده فيجعله يشعر وكأنه وُلد من جديد او مات من لحظه
علشان كده اعتقد ان الى اد الحب يحب والى مش اده ممكن يلعب طوله او دومينو او جيمز او اى حاجه تانيه

ديما رئيك يعجبنى يابو حميد

تحياتى

momken said...

بنوتة من وسط البلد
ــــــــــــــــــــــــــــ
مدام انتى كويسه خلاص انا تمام
متشكر يا بنوته على الزياره العزيزه وعلى التهديد القوى جدا والشديد اللهجه
هههههههههههههه

تحياتى،

momken said...

nonoymm
ـــــــــــــــ

ههههههههههههههههههه
التانيه اسمها نااااااااعم احساس مظبوط جدا طبعا وانا الى مش عارف ابعبر عن مشاعيرى
ههههههههههه
متشكر على الكلام وعلى الزياره الرائعه

تحيااتى

momken said...

semsema
ــــــــــــــ

انا فى منتهى السعاده ان الرائى ده جه من مدونه ناجحه ونجمه فى عالم التدوين زيك يا سمسه
انا بجد مبسوط جدا

تقصدى الى الامام فى اى اتجاه
شاوريلى وانا اروح على طول

هههههههههه
تحياتى

momken said...

الحلم العربي
ــــــــــــــــــــ
ربنا يخليكىمتشكر على التشجيع والكلام الرقيق
ويارب يمكنك من الكمبيوتر وكابل النت ولو الموضوع عصلج او زرجن روحى محكمه الاسره هيمكنوكى من شقه الزوجه والنت والكمبيوتر

او جرجريهم فى المحاكم

تحياتى

momken said...

المـــفـــــــقــــــــوعـــــة مــرارتـهــا
ــــــــــــــــــــــــــــــــ

انتى كبرتى اسمك ليه كده ولا فيفى خليت اسمك ورم ولا ايه
عندك حق
الحب هو اكبر المعجزات ولا يحدث ابدا مرتين تماما كالولادتنا لا تحدث مرتين

الا هى اخبار طانط فيفى ايه

تحياتى

Eno said...

كلامتك تحفه ياممكن

الكلمات فيها كل معني الحب والصدق

تحياتي ليك :)

momken said...

zOzO
ـــــــــــــ
ربنا يخليكى يا زوزو انتى كمان مدونتك جميله ومريحه اوى انا زورتها وحبيتها جدا
كلامك ان يدل على اخلاق عاليه وادب شديد

شكرا لتشجيعك

تحياتى

momken said...

semsem
ــــــــــــــ

ماشى ياسمسم انتى بتسباقى انا برضه الى بحب وبدوب فى الحب؟ ماشى ماشى
لو قبلتها هبقى ااقولخا ياستى ان سمسم بتحبك وعاوزة تتجوزك عرفى
من عنيا الجوز ومناخيرى اللوز
هههههههههههه

تحياتى

momken said...

أم دودو حبيبى
ـــــــــــــــــــــ

ربنا يخليكى
اما العذوبه فانت منبعها او الرومنسيه فانت قبلتها
ربنا يخليكى ياسالى متشكر اوى على كلامك الجميل

وبعدين يعنى مش كان لازم اتقل شويه
وشويه كمان وكمان حبه
حركات بقى
والله منورانى يام دودو

تحياتى

momken said...

Desert cat
ـــــــــــــــــ
ربنا يخليكى يا احلى قطه فى كل الصحارى
ياستى التفاحه والفراشه تحت امرك
دول انا حسيتهم حلوين من لحظه ما عجبوكى

تحياتى

momken said...

Abeer
ـــــــــــــــــ
عبيييير ازيك يابيرو الف حمدالله على السلامه والله انا الى فرحان جدا علشان رجعتى تانى
بلاش الغيبه الطويله دى يا بيرو

دى كلام لالزمه حقك علينا كلنا نسال ونطمن عليكى

منوره الدنيا بحلها يا عبير

تحياتى

momken said...

blue-wave
ــــــــــــــــــ
ازيك يا دكتور عمرو
والله انت بتسعدنى بزيارتك ديما وبروعه احساسك وكلامك الرائع وده مش غريب على شار جميل زيك
والى بيتهيالى هيكون مستقبل الشعر الغنائى فى مصر

منورنى
تحياتى

momken said...

Anonymous
ـــــــــــــــــــــ

نـــــــــــون...اشكرك على كلامك بالنسبه للبوست ولا ابدا ما مقدرش ولا اجرؤ انى امنع حد من دخول البلوج
دخول الجميع شرف كبير لشخصى البسيط

اما بالنسبه لموضوع الميل اعتقد اننا اتكلمنا فيه قبل كده فى تعليق سابق
شكرا للمرور

تحياتى

momken said...

Anonymous
ـــــــــــــــ

الحب : يبدأ بالسماع والنظر فيـتولـد عنــــه الاستحســان

ثـم يقــوى فيصيــــر مــــــودة ثـم تقــوى المـــودة فتصيـر محبــة

ثـم تقوى المحبــة فتـوجـب الهــــــوى

فـإذا قوي الهـوى صــــــــار عشقــاً

ثـم يـزداد العشق فيصير تتييـمــا
ً
ثـم يـزداد التتييم فيصير ولهاً
وهو قمة ما يبلغه المحب

اما اين هو فهو فى داخلك انت وليس فى مكان اخر

الغريب اننا دئما ننتظر من يمنحنا الحب
وهذا خطا
والصحيح ان نبداء نحن ببذل الحب وهنا لو بداء كلا منا ببذل ما لديه من محبه انتشر الحب ولن تسالى سؤالك
صدقينى

تحياتى

momken said...

Anonymous
ــــــــــــــــــــ

طبعا راءيك مهم جدا عندى
لكن انا شايف غير كده

متشكر للزياره والنصيحه

وكمان متشكر لكلامك عن البوست

تحياتى

momken said...

tayer_ya_hawa
ـــــــــــــــــــــ
ياخبر ..تانا فيا الحجات الجميله دى
دانتى هتخلينى احب نفسى

انتى الى جميله ورقيقه جدا وبتشوفى كل شىء من مكانك

متشكر جدا جدا على مشاعرك الجميله الرقيقه الى تقدرى بمنتهى البراعه تبثيها فى جميع من حوالك
زيارتك بتسعدنى جدا وكلامتك تشحنى جدا
ربنا ميحرمنيش منك

تحياتى

momken said...

ايوية
ـــــــــــــــ
اه فعلا كلامك صحيح وجيتى عالجرح

تحياتى يا ايه

momken said...

امــــــــل
ــــــــــــــــــــــ

الله دعواتك جميله اوى يا امل يسلم لسانك الى بينقاط دعوات زى السكر
كلامى كله طلع غلبان اوى قدام دعواتك الجميله

تحياتى

momken said...

مــــــــنى
ـــــــــــــــــــ
متشكر يا منمن على كلامك الجميل وعلى رائيك
فى الكلام
اما بالنسبه للون الخط فصدفه
انا مش بالعمق الى بيه ممكن اختار خط يفرق مع كلامى
بس بعد ماقريت كلامك فهمته اوى
وقريت البوست بالوان تانيه لايته مش حلو

عندك الف حق
تحياتى

momken said...

loza
ـــــــــــــــ
لوزة ازيك انتى فين من زمان يا بنتى سلامى ليكى وكمان لى لولا وجميع اهل الجماهيريه
متشكر يا لوزة على كلامك يا ستى الصوره تحت
عاوزين نشوف بوستات كتيييير مش خلصتى امتحانات

تحياتى

momken said...

بنت النيل
ــــــــــــــــ
كلامك حلو اوى
انا اتعلمت الحب من الحبه الى انتى قولتيهم دول
انا كنت فاهم الحب غلط يا جدعات
احنا ماكوناش بنحب على كده
فعلا كلامك لم الحب كله فى سطرين

تحياتى

momken said...

Eno
ـــــــــــــ
الحب والصدق بنتعلمهم منك يا انو
كلامك جميل زيك
واسلوبك بخلى اى حد عنده احساس بالعجز لانه ميقدرش يجارى اسلوبك واحساسك العالى

تحياتى

semsem said...

انت بتسيحلى فى البلوج ماشى
بردو شكلك انت الى بتحب ومخبى خايف من الحسد

lolla said...

اهلا يا فندم .. ليك وحشة والله

تصدق احلى حاجه ف الموضوع التفاحة

ناس بتفنن فى التفاح وتعمل فراشات ... وناس تانيه ميته من الجوع
هم يضحك وهم يبكى والله

طلعنا بره الموضوع .. اللى هو اصلا لذيذ وخطير .. ومش غريبه عنك اصلا المواضيع الحلوه يا ممكن

قوس قزح said...

اخيرااا
انا قلت انك خلاص مع هتكتب تانى خواطر و هيكون كل مرة قصة او موقف


الحب عندى جنه
وانا امير المذنبين


جميلة اوى
و ياريت متغبيش تانى كده فى انك تكتب خواطر

همسات دافئه said...

لا بقى متجننيش
!!!!!
ما انا بقالى تلات ايام بسأل نفسى ومجاوبتنيش
جاوبنى انت ايه الى مزعلك منى بجد ؟؟؟:(((
مستنياك

نـــــور said...

يمكن انت ممكن ......... بس اللى اكيد هو ان احلى حاجه فى كلماتك هو كبريائك فى حبك بجد حلو ده طبعا مع الحفاظ على جمال التعبيرات . حلوة عزة النفس دى بالتوفيق واتمنالك المزيد من التدوينات الحلوة .دى زيارتى الاولى ليك ان شاء الله ماتكونش الاخيرة .اتمنى تنورنى فى مدونتى وهبقى سعيده بتعليقاتك. بالتوفيق مرة تانيه وابقى خاف على فاتورة موبايلك ها؟؟؟؟؟؟؟؟

Anonymous said...

ان كنت مؤمن جيدا بكل ما تقول فاجبنى
اين انت من كل ذلك
ومن كل ما تقول
لقد اجبت على سؤالى ولكنك لم تجب على نفسك

someone in life said...

I like this love indeed wish you all hapiness

kind regards

سكينة said...

أرى فيك خلاصي دنيا ودين
:)
كلمات رائعة بقدر ما هي صادقة

sa7arkash said...

فالحب ليس رحله
مع الغروب ......ستنتهى
وترجعين

الله
الله
الله

الله عليك اية الجمال دة
حلو التشبية دة اوى وفي كلامك كلة شعور بالابدية والاستمرارية...ودة بيدى منتهى الشعور بالامان للحبيب

تحياتى القوية جداا...للشعر القوى جداا

حواء said...

ازيك يا ممكن ايه الحب اللى انت غرقان فيه ده ربنا يهنيك ... انا عارفة انى مقصرة بس ظروف وربنا يسهل واقدر اداوم معاكم

زُمُرده said...

كنت جايه اعلق ومبسوطه

بس قضاء الله

مش هعلق دلوقتي

راجع الشات بوكس

سلام يا ممكن... في زمن اصبح كل شيء ممكن غير ممكن وخصوصا لو حدث من ممكن

البِـئرُ والظمّأْ said...

لو الحب يالشكل اللي انا شايفاه و حساه ده
يبقا اكيد مش هتنسى
و هتفضل فاكراه طول عمرها



زيزي

ادم المصرى said...

بوست جميل جدا يا مان بجد معانى جميله جدا ورمنسيتو غريبه جدااااااااا انتا قلبك جميل ومليان رومنسيه انا بدعوك دعوه خاصه لتشارك معنا من اجل يوم واحد ندون فيه لله لنشر الدعوه عن طريق التدوين اهنيك على بوستك الدعوه عامل يبشر

روح شرقيه said...

السلام عليكم ورحمه الله وبركاته
برغم ان غيابك بيطول اوى يا ممكن الا انك ديما يتكون عائد بما هو اجمل
كلماتك القليله تجعل فؤادى يرقص
لان هناك رجال يحملون قلب
بحق
وانت من هؤلاء الرجال فالحب من اجمل ما خلق ربى
وحالتك التى تكلمت عنها ساحره فهى تشبه قلب رجل لا يعيش زماننا بل يعيش زمان الاساطير
اتمنى ان تحب دائما كل ما تراه عينك وان تسعد دنيا واخره
لن اسجل اعجابى بل ساسجل اعترافى انك لست كا الاخرين
فانت تملك قلب
فى زمان قل فيه العاشقين

Esraa Hamed said...

جميلة الكلمات اويييييي

بس هو عندي اعتراض علي كلمة
وانا امير المذنبين

بس هي فعلا باقي الكلمات راااائعة فعلا و عجبتني بجد

دمت بتألق

زُمُرده said...

انا جيت اعلق اهو
ومستنيه الشكولاته وبوكيه ورد ايه حلوه اوي مش من الشارع
وهخلي الواد الضغير يرجع الهدوم ويروق المدونه
ههههههههه
طبعا بوستك جمييييييييييييييييل جداجدا
اكتر ما عجبني في
---------
انا حيث يلقيكى الهوى
ابنى بيوت المشتقين
---------
وليس يعنينى رضاء القوم عنى
او كنت ضمن المرجومين
---------------
الترابط بينهم حلو اوي
لأن من يعلن هواه يتحمل عقبات عشقه
فيترك القوم ولا يبالي بآرائهم
ويتخذ مكانا له وسط المشتقين ليبني بيت الهوى بلبنات هواه
-----------
كمان الجزء
----------
وارى فيكى خلاصى دنيا ودين
فالحب ليس رحله
مع الغروب ......ستنتهى
وترجعين
الحب عندى جنه
--------
ذلك هو الحب الذي لا يموووووت

---------------------------
وانا امير المذنبين

لا أرى الهوى والحب ذنبا رغم لوم اللائمين
وان كان في رأي قومه ذلك
اما بقى اللي مش عجبني
--------

اكثر من حمق كل الحالمين ...فى الزمن الضنين
----------
لا عتقد ان الحالمين حمقى فهم مجرد بشر يأملون خير وفي الآفاق يطيرون

---------------------------------
انا كده عملت اللي عليا ومستنيه اللي بالي بالك
سلملي على عفروتو بتاع بيل جيتس

Banota said...

بوست هايل .. أنا نفسى أعرف أكتب كده أغنيه .. بس مش بعرف .. بتقلب معايا خواطر وكلام فارغ فى الأخر .. ببقى عايزها تطلع أغنيه أوى ... أستمر فى الكتابه .. أسلوب جميل

momken said...

semsem
ــــــــــــــــ
انا ولا بسيح ولا بشرد ولا اى حاجه انتى اهو الى بتعمل اعلانك لنفسك وانا مالى بقى

يا ستى ربنا يمتعك بالحب ويزيدك حب ومحبه

تحياتى

momken said...

lolla
ـــــــــــــ
اهلا يا لولا ازيك وازى كل اهلنا فى ليبيا يا رب تكونو بخير

ياستى لو كان على التفاحه نجيبلك صندوق وبرحتك بقى تعمليه فرشان تعمليه طيارات برحتك
اما انا فانا ببسطه بحب اكله
بالنسبه للموضوع
متشكر جدا ربنا يكرمك يا لولا وسلامنا للوزة

تحياتى

momken said...

قوس قزح
ــــــــــــــ
والله انا كمان بقول كده بعد كل وست
اقول خلاص شكلى مش هعمل بوست تانى ودى كانت اخر حاجه
وبعدين ربنا يفرجها وانزل بحجات تانيه

انا فعلا بحب الفقره دى اوى
كمان هى ليها معنى خاص عندى

انتى منورانى

تحياتى

momken said...

همسات دافئه

ــــــــــــــــــــــ
يا ستى بعد الشر عليكى من الجنان
ياستى بمنتهى البساطه الى مزعلنى جدا
انك مش بتكتبى فى المنبر بالرغم الحماس الشديد الى كان عندك
انتى حتى مش بتزوريه
اعتقد الموضوع يستاهل الزعل صح...صح

تحياتى

momken said...

habiba
ــــــــــــــ
اهلا يا حبيبه منورانى باول زياره ليكى مع ان كلامك حسيسنى انى اعرفك من زمان

شوفى ياستى
ناس كتير بتربط بين الحب والشجن والسهاد والبهدله والحزن والتنازل
وبيعتبروا دول كلهم باكدج واحد لازم تاخده مع بعضه

انا شايف غير كده
انا شايف ان الحب له علاقه بالفرح والسعاده والروقات والكبرياء والعزة
لما الشخص بيحب اعتقد انه بيكون قرب من الكمال
لانه حتى لوو هو اصلا وحش فبيتحول وبيكون حلو اوى مع حبيبه بيكون شيك ومؤدب ومرح ومعطاء وكل الصفات الحلوة فيه ومع الوقت بتختفى الصفات السيئه نهائيا وبتفضل الصفات الجمله

انتى منورانى ويشرفنى طبعا زياره مدونه حضرتك

تحياتى

momken said...

Anonymous
ـــــــــــــــــــ

اولا انا مش عارف حضرتك مين فى المجهولين الى فوق علشان اعرف انا رديت على حضرتك ولا لاء

ثانيا مش مهم خالص اكون مؤمن بكلامى المهم اكون صادق فيه وده انا ضامنه

اما بالنسبه لموضوع ايمانى بكلامى
فانا معتمد على حضرتك تدعيلى
ربنا يقوى ايمانا جميعا

تحياتى

momken said...

someone in life
ـــــــــــــــــــــ

That makes our smile
Every diamond dream
Everything that brings
Love and happiness
To our life

تحياتى

momken said...

سكينة
ــــــــ
متشكر اوى على كلامك الجميل
الى بس بيصدر من احساس عالى جدا
يا صاحبه اجمل اللحظات

تحياتى

momken said...

sa7arkash
ــــــــــــــــ
متشكرا جدا يا سحورا على الكلام الجميل ده
ربنا يكرمك
الاستمراريه والابديه يجب ان تكون اول فروض الحب
فبدونها يكون خداع
ليس هناك حب محدد فتره زمنيه

انتى تورتينى

تحياتى

momken said...

bocycat
ـــــــــــــ
بوسى ازيك فينك من زمان طيب طنينا عليكى

الحب اجمل بحر ممكن حد يغرق فيه
لان الغرق فى بحر الحب لا يعنى الا الحياه السعيده

تحياتى

momken said...

زُمُرده
ـــــــــــــ
ياست زمرده الى حصل فى الشات بوكس مجرد سهو مش اكتر
وطبعا زعلك يعز عليا جدا هو احنا اد الاسكندرنيه ايوووووة منقدرش ابدا

تحياتى

momken said...

Meekness !!!
ـــــــــــــــــــــ

ربنا يسمع منك يا زيزى وكل حبيب مينساش حبيبه ومينساش الحب الى جمعهم فى يوم من الايام
لان الجحود والنسيان هما افه الحب

وانت عامله ايه دلوقتى

تحياتى

momken said...

ادم المصرى
ــــــــــــــــ

اهلا يا ادم يا سيدى انا متشكر جدا لكلامك الجميل وتشجيعك

الدعوة غاليه ومقبوله
انا عندى مدونه تانيه دينيه اسمها المنبر بدون فيها مع مجموعه من الاصدقاء اتمنى حضرتك تنورنا فيها وهبقى اسيب الينك بتعها فى مدونه حضرتك

تحياتى

momken said...

روح شرقيه
ـــــــــــــــــ

ازيك يا روح عامله ايه يارب تكونى بخير
ايه الكلام الجامد ده
انتى هتخلينى اعيط ولا ايه

والله وحشنى كلامك ودفىء قلبك الى مليان حنان يكفى منطقه زحمه

فين تدويناتك يا روح
عافين انك مهمه جدا وعارفين ان وقتك ضيق جدا
وعارفين الاغرائات الى فى دبى
لكن مش عارفين ازاى نعيش من غير كلماتك الجميله

متغبيش

تحياتى

زُمُرده said...

ايه ده بقى ده

انت علقت على الشات بوكس
مخلالاص نسينا الموضوع ده

المهم معلقتش ع كلامي بنص حرف
ايه بقى ده

momken said...

Esraa Hamed
ـــــــــــــــــــــ

متشكر جدا على رائيك يا اسراء
والاعتراض مقبول ياستى

انا كان وجه نظرى ان الحب هو الجنه وانا محتاج ربنا يغفر ذنوبى علشان ادخل الجنه دى

لان الوحيد الى يقدر يقدرلى الحب هو ربنا سبحانه وتعالى

بس الاول لازم يغفرلى ذنوبى ويرضى عنى
لان الحب نعمه غاليه اوى اوى لا يستحقها المذنبون

انتى منورانى يا اسراء

تحياتى

momken said...

زُمُــــــــرده
ـــــــــــــــــ

طبعا كلامك او تعليقك ممكن يكون بوسط رائع وانا مكونتش احلم بنقد فنى قوى بالشكل ده

انا فعلا اقل من انى ارد على تعليق قوى جدا زى ده علشان كده هارد على حته صغيره جدا على ادى
الا وهى

اكثر من حمق الحالمين فى .....الزمن الضنين

انا هنا يا زمرده مش بقصد ان الحالم احمق
لكنى بقول انه حالم فى الزمن الخطاء
زمن لا يعترف ولا يكترث بالحالمين

تماما كمن يحلم بالديمقراطيه فى ظل وجود امريكا يبقى اكيد احمق

ده الى بقصده وحمقه هنا من لانه حالم لاء لانه اختار الزمن الضنين علشان يكون حالم فيه بس

انتى منورانى وتعليقاتك بتسعدنى وتفرحنى جدا


صافى يا لبن؟

تحياتى

momken said...

Banota
ــــــــــــــ
ياستى ربنا يكرمك
انتى اديتينى كده اكبر مما استحق

انا كمان بحاول بس بتيجى معايا كده
صدفه يعنى
مش بقصد تطلع اغنيه او ابيات او خواطر
انا بكتب وخلاص
وتطلع زى ما تطلع

انتى كمان كتابتك بتمتعنى جدا
احساسك جميل وطيب اوى

تحياتى

موناليزا said...

الحب عندى جنة"
وانا امير المذنبين
لم افهم هذا البيت فارجو التوضيح"

زُمُرده said...

مرسيييييييييي جدا جدا

اضف لمعلوماتك

انا مش كده انا بسيطه اوي وعاديه بس بحب لما اقول رأي اقوله بحق ربنا من غير مجامله يعني

انما كلامك ده كتيييييييييييييير جدا جدا عليا

شكرا ع التوضيح يا ممكن يا جامد
ولو ان الحالمين مختاروش الزمن
انما قدرهم حتم عليهم كده ومقدروش يغيروا انفسهم ويبطلوا يحلموا

بستفيد اوي من رأيك

** ** ** **
صافي يا لبن
حليب يا قشطه
وقشطه بالعسل كمان

زُمُرده said...

انا مش اخدت بالي اني وقت ما علقت
انت كنت بترد ع الناس

بس برضه كنت خلاص نشرت ردك على كلامي
غمزه
يعني انا صبوره

أم فريده said...

انا قلت ارد الزيارة واشوف مين صاحب الراى البسيط اللى انا شيفاة رائع وقال حاجة مش اتقالت وخلانى نهيت الموضوع وفتحت موضوع جديد لان برائيك الصراحة خلاص مش لاقية كلام يتقال كل اللى نورونى اخدوا كل الجوانب وانت انهيت بنهاية جميلة جدا

وبالنسبة للكلمات جميلة وحساسة اوى وبتوصل للقلب
بس انا عايزة اعرف هى عاشت كتير تسال كدة بلا مجيب طب دى مش قسوة وتقل جامد اوى

وتحياتى لصاحب الرائى البسيط

كيكى عوووووو said...

يااااااااااااااة كلماتك جميلة اوووووووى
بجد....
دة كان واضح من كلامك فى تعليق بجد عندى
بجد كلماتك على تعليقى
عايزة بوست لوحدوا
سعدت جدااااااااا
بمرورك عندى
لانى بجد ادينى اتعرفت...على واحد
بيقول الاى اى
حد احلم براحتك
احلم باى شئ
مستحيل او مش مستحيل عيب حرام
عيش واحلم براحتك
شكراااااااا
لانك اديتنى الاحساس
دة انى احلم براحتى

Eno said...

السلام عليكم
مررتلك واجب تعالي خده وحله بسرعه

تحياتي :)

just me said...

يااااااااه هو فى كده فعلا فى الزمن ده؟
بجد كلام جميل جدا ومعناه روعه

دعاء مواجهات said...

اسمحلى أعبرلك عن اعجابى الجامد جدا

بكلماتك اللى بتعبر عن ثقافة وعمق

بجد جميلة اوى .. بينقصك فقط بعض القراءات

وبشكرك على رأيك فى مدونتى

بجد نورتنى

ارجو دوام التوااصل

بيس

PrInCeSS BeRy said...

واو بجد احساس جميل جدا بجد تسلم ايدك

RaRa said...

السلام عليكم ورحمة الله وبركاته
بجد تسلم ايدك بوست مالوش حل واجمل حاجة فى الحب التحدى انك تتحدى جميع الناس عشان الانسان اللى تحبه يفضل جمبك ومش يهمك مهما قالو عنك

ربنا يفقك دايما ودمت مبدع

تقبل مرورى

همسات دافئه said...

عزيزى:)
المنبر يااااه انا فعلا نسيته بس على فكره مش ذنبى انا الفكره عجبانى جدا وعايزه اكتب بس اصلى لقيت الناس كلها انسحبت الأول كان حد فيهم بيبعتلى يقولى معادك الأسبوع ده وكان فيه نظام وتواصل بيننا وكده دلوقتى هم حتى بطلوا يكتبوا فى مدونتهم ومش بلاقيهم على الميل خالص:(
بس ما شاء الله انت عامل شغل جامد جدا:) خلاص بجد انا هتابعه على طول وممكن انزل بوست من دلوقتى قولى بس ايه نظامك وانا هنزل فورااا
اوك؟؟
من غير زعل بس
فى انتظارك:)
شيماء

بنت مصريه said...

الله الكلمات جميله قوى واحساسها عالى قوى
ربنا يوفقك
وبالتوفيق دايما

بنت مصريه said...

الله الكلمات جميله قوى واحساسها عالى قوى
ربنا يوفقك
وبالتوفيق دايما

عًٍمًرٌٍوٍ آلنْوٍبٌَِى said...

الله كلمات بجد جميلة جداااا
انا بحييك على هذة الكلمات الرومانسية
تحياتى ليك

§a§a said...

كلمات ومشاعر جميله جدا تسلم ايدك


تحياتى

la3lahakhier said...

السلام عليكم
سيدى اخجلنى تعليقكم الكريم عندى من ان ارد عليه وعلمنا المصطفى صلى الله عليه وسلم ان نرد التحية فلم اجد الا ان نزوركم ونشكر لكم دعاءكم الذى اثلج حشى القلب المثخن

يا سيدى
لايعرف حب الله الا من عرف الحب البشرى وذاقه فهو يعبد القلب ويمهده ليستقر ويهدأ وينتبه الى طريقه الى الله
فاسال الله الا يطيل وقوفك هناك وان يمن عليك بالفوز بهذا الحب حتى تصل للحب الحقيقى
دمت طيبا وبخير حال

حمامة said...

فالحب ليس رحله
مع الغروب ......ستنتهى
وترجعين
الحب عندى جنه
وانا امير المذنبين


الله عليك

فنان :)

Anonymous said...

السلام عليكم ورحمة الله وبركاته
من فريق حبا فى رسول الله نأسف لعدم الاستئذان ولكن وجب التنوين فبعد اذن صاحب المدونة نرجو التوجه لمدونة la3lahakhier_2 للمشاركة فى التطبيقات العلمية للحملة
جزاكم الله عن نبيكم كل الخير
مع دعائنا وشكرنا لصاحب المدونة
فريق حبا فى رسول الله

ياقوت الأزهري said...

حيا الله الأمير

واشكركم على تعليقكم الرائع
وأتمنى من الله
أن يجمعك على محبته
فإنها افضل مأمول
وأنجح موصول
وخير مُتمنى

والسلام

loza said...

ممكن لو سمحت .. ممكن بوست جديد

وحشنا كلامك

momken said...

موناليزا
ـــــــــــــــــ

موناليزا ممكن اكون مش واضح شويه فى الحته دى

بس انا كنت بقصد ان الحب جنه وربنا لازم يغفر ذنوبنا علشان ندخلها
وانا مليان ذنوب وممكن علشان كده مستكترها على نفسى بسبب ذنوبى الكتير الى بتمنى ربنا يغفرهالى
علشان ادخل جنته الى هى الحب

معقد انا شويه صح؟؟؟؟

تحياتى

momken said...

زُمُـــــــــرده
ـــــــــــــــــــ
انتى ياستى قدرك عندى كبير جدا وتستهلى اكتر من كده بكنير

وانا ياستى ولا جامد ولا حاجه انا مجرد حد عادى جدا بحاول اكون وسطكم وادعى انى مدون....وانا ولا مدون ولا يحزنون

ــــــــــــــ
اه كنت انا برد على الكومنتات وقت مانتى علقتى

انتى ديما منورانى يا زمرده


تحياتى

momken said...

دعوة للحب
ــــــــــــــــــ
متشكر جدا على كلامك الى بيدل على ادب وحسن اخلاق
ياستى انتى اصلا موضوعك جميل وملهم جدا
والى انا قلته قطره فى بحر عمق الموضوع

بالنسبه لموضع انها قها فضلت كتير لحد انا رديت ممكن تقولى ان البطل فى البوست كان بيتاكد من مشاعرهم لاتنين

وبعدين حتى لو تقل هو انا لازم انضرب فى كل فيلم مافيش مره كده اطلع شرير او بطل واضرب فى الفيلم ده
كل الناس هتطلع طيبين امال مين هيتقبض عليه فى الاخر


تحياتى

momken said...

كيكى
ـــــــــــــ

متشكر جدا على رائيك فى كلامى ومتشكر على تعليقك الجميل
اما بالنسبه لتعليقى عندك انا كمان احب اضيف عليه
لو اى شخص حب يغامر فى حلمه لازم يغامر برحته لان بمنتهى البساطه محدش بيموت فى الحلم
لان الحلم لازم يتشاف والميت مش بيشوف

تحياتى

momken said...

Eno
ــــــــــــــ

واجبك على عينى

لكن انا تلميذ بليد جدددددا
عارفه الى بيقعدوا فى اخر ديسك ومش بيرفعوا اديهم ابدا

دققى فيهم كده هتلاقينى بينهم
مابعرفش خالص اعمل تاجات ولا هوم ورك ولا ديفوار

بس الواجب بتاعك جامد اوى طبعا ياستى ماهو الى حاتط الامتحان قريبك

هههههههههههههههههه
تحياتى

momken said...

لست أدرى
ــــــــــــــــ
اه فيه انا رائى ان الدنيا الخير فيها اكتر من الشر
والحب اكتر المشاعر انتشرا
واناس الطبين اكتر بكتير من الاخرين
والى يستهلوا الكلام ده كتير وحبيبتى اولهم

تحياتى

momken said...

دعاء مواجهات
ــــــــــــــــــ

ياستى متشكرين جدا على مجاملاتك
وكلامك عن البوست بيدل على فهم ووعى

بس انا وى مثقف ولا بتنجات

انا زى ما حضرتك قلتى محتاج قرائات
وهبدا اقرا

متشكر جدا على النصيحه

تحياتى

momken said...

PrInCeSS BeRy
ـــــــــــــــــــ

تسلمى يا سمو الاميره
كلامك ده نابع من احساك المرهف
ومشاعرك الرقيقه

تحياتى

momken said...

PrInCeSS BeRy
ـــــــــــــــــــ

تسلمى يا سمو الاميره
كلامك ده نابع من احساك المرهف
ومشاعرك الرقيقه

تحياتى

momken said...

rara
ــــــــــــ

تشريفك مدونتى المتواضعه طرف حلمنا به كتيرا
انا رائى ان الحب بيهب الفخر وعزة النفس

فالشخص قبل الحب شىء
وعندما يحب هو كل شىء
واذا ترك الحب فهو لا شىء

ذلك انىت ارى ان كل انسان ينقصه جزىء لا يكتمل الا بوجود نصفه الاخر
وقتها يستطيع ان يكون معتزا بذاته

تحياتى

momken said...

همسات دافئه
ــــــــــــــــــــ

ازيك يا شيمو... ياستى ولا ترتيب ولا حاجه
انتى اتفضلى اعملى بوستك وقت ما تحبى

وهيشرفنى اقراه جدا
انتى طريقتك جميل ومركزة
وانا هكلم حدوته وبيرو وواحد علشان كلهم يرجعوا يكتبوا تانى ان شاء الله

وده هيكون اكبر مسمه منى للموقع ده
انى اجمع له ناس فعلا مخلصين اه نساين بس مخلصين
تحياتى

momken said...

بنت مصريه
ـــــــــــــــــ
يا سيتى ربنا يكرمك
اجمل مافى البوست انه عجبك
وبكده يكون ناجح وهبدا احبه

تحياتى

momken said...

عًٍمًرٌٍوٍ آلنْوٍبٌَِى
ـــــــــــــــــــــ

سلام للتحيه
متشكر اوى يا عمور على كلامك الجميل
نجملك فى الافراح يا ابو عمرو

منورانى يا مان

تحياتى

momken said...

§a§a
ــــــــــــ
ربنا يكرمك
متشكر اوى على تشجيعك يا صاصا
هنروح فين فى كلامك الجميل

ومدونتك الرائعه

تحياتى

momken said...

la3lahakhier
ــــــــــــــــــــ
اهلا يا استاذه
ياسيدتى اخجلتم تواضعنا بكلماتك المؤثره جدا

لكن اسمحيلى ان اتجرا واختلف معاكى فى ترتيب مراتب الحب

فالحب يبدا من حب الله
مصدقا للحديث القدسى
فيما معناه

اذا احب الله عبدا نادى فى الملا الاعلى ان يا اهل السماء انى احب فلان فاحبوة
فيحبه اهل السماء
ثم يوضع لع القبول فى الارض فيحبه اهل الارض


فلامر يبدا بالله

تحياتى

momken said...

حمــــامـــة
ـــــــــــــــــــ

متشكر جدا جدا على كلامك الرائع ومشاعرك الجميله
وده من زوقك يافندم

تحياتى

momken said...

Anonymous
ـــــــــــــــــ

حاضر انشاء الله سالبى النداء وجارى التفيذ

تحياتى

momken said...

ياقوت
ـــــــــــــــ
بارك الله فى ملك الكلمات الرقيقه
والدعوات الرائعه
بارك الله فيك وبارك عليك وحولك

تحياتى

momken said...

loza
ــــــــــــ
حاضر يا لوزة من عنيا قريب هعمل بوست

تحياتى

همسات دافئه said...

اوك
تمام كده انا نزلت بوست
وحتى لو هم مشغولين انا معاك ان شاء الله مع انى اتمنى نرجع كلنا تانى ويبقى فى نظام:)))
مرسى ياممكن اوى
بس انا مسافره بعد 3 ايام فمش هاقدر اتابع معلش بقى لما ارجع ان شاء الله:)
تحياتى
شيماء:)

Fatma said...

من اروع ما قرأت حقيقي

كيكى عوووووو said...

عوووووووووووووووووو انا جيت اتخديت
...................................
مفيش جديد ليييييييييييييييية
منتظرين كلماتك الرئعة

كاميليا بهاء الدين said...

ياخبر!!!

أنا قلبى علّق من جمال ونعومة الكلمات

صادقة
ومباغتة ايضا


دمت بكل الخير

أم فريده said...

اية يا استاذ هستنى اليوست الجديد كتير لاء انا عايزة الجديد لو سمحت
بالاضافة انى مستنية تعليقك على البوست الجديد بتاعى
هستنى مش تتاخر
سلام

momken said...

همسات دافئه
ـــــــــــــــــــــ
هو ده الكلام تسلم ايدك يا شيماء
عقبال باقى الاعضاء لما ربنا يهديهم

تحياتى

momken said...

Founoon
ــــــــــــــ

فنون متشكر جدا على كلامتك الجميله
ربنا يخليكى
كلامك كتير اوى على شخصى البسيط

تحياتى

momken said...

كيكى
ـــــــــــــ
حاضر يا ستى هعمل بوست فى اقرب فرصه استفرد فيها بالكمبيوتر
انتظارك على عينى

لاء متخضتش ولا حاجه
مش بخاف اصلا
بس بلاش الحركات دى لاحسن استناكى على السلم وهو ضلمه وانتى الى بدائتى

تحياتى

momken said...

كاميليا
ـــــــــــــــ

انا فى غايه الفخر والزهو ان الكلمات دى تجيلى من سيده المشاعر والكلمات يا سيدتى انتى فتاه مصنوعه من الاحساس المرهف
وكلماتك هى شهاده اعتز بها جدا

خلينى اتغر بقى بكلامك ده

تحياتى

momken said...

دعوة للحب
ــــــــــــــ

حاضر ياستى علم وجارى التنفيذ البوست فى الطريق وطبعا يشرفنى زياره مدونتك والتعليق على موضوعاتك الرائعه

تحياتى

و القادم....أجمل said...

جميلة أوووووووووي
رااااااااااائعه

:)

Anonymous said...

ممكن
انا عايز شاعر عمولة
اقوله اللي في ف بالي
يألفلي عليه قصيدة

ما تعرفش حد كده ينوبك ثواب؟؟
:)

مها ميهوووو

momken said...

و القادم....أجمل
ــــــــــــــــــــ
ياه ه ه
حمدالله على السلامه
متشكر جدا بس فى بوست بعد ده
انتى علقى الى القديم وسيبتى الجديد ليه؟؟؟؟؟؟؟؟؟؟

تحياتى

momken said...

أحسن تـستاهـل
ـــــــــــــــــــــــ
انا ممكن ابقى ارشحلك ناس يامها
جامدين اوى
وبيعرفوا يعملوا الحكايه دى

انتى منورانى

تحياتى

Anonymous said...

نعم احبك.احبك.احبك
كلمة كبيرة اوي صعب تتقال
الاحساس بيكون افضل والاحساس الافضل انة بيكون في صمت
عجبني اوي كبريائك في تعبيرك عن الحب

momken said...

gogo
ـــــــــ

اتفق معاكى جداً فى ان تصويل مشاعر الحب اعظم بكثير من توصيل الفاظ وكلمات الحب

عزيزتى ...الحب هو اعظم ما يمكن ان يقدمه الانسان للاخر ويمكن يقدم الانسان اى شىء فى سيبل الحب
بشرط الاحتفاظ بالكرامه وعزة النفس
فانا اعتقد ان من يتنازل ان عزة نفسه لايستحق ان يحبه شخص اخر

اشكرك على المرور الكريم والتعليقات الرائعه
واعتذر مره اخرى عن التاخير فى الرد

تحياتى

Anonymous said...
This comment has been removed by a blog administrator.
Anonymous said...
This comment has been removed by a blog administrator.