Thursday, January 15, 2009

زمـــن ...التـــــنـــطــــع


اصدقائى
وكلامى اوجهه لهؤلاء المتشائمون بخصوص مدى قدره الجيل الحالى على اعاده الاحترام للامه الاسلاميه

...
وللذين هم اكثر تشائماً فى عدم قدرتهم على تحرير اخوانهم من قيد الظلم والاذلال الذى يعنونه

اليوم لن نشجب من ياذينا ويذلنا ويظلمنا ...

فاعدائنا لن يغيروا مواقفهم تجاهنا بمجرد اننا نشجبهم

اخوانى ..

اذا اردنا استعاده كرامتنا المهانه واعلاء كلمه ديننا يجب ان يكون نحن من يقرر

.. ونحن من يجب ان يفعل

يجب على كل قائد دوله ان يعلم انه لابد ان تقترب الدول العربيه من بعضها...
لن ابالغ واقول فى كل القضايا لكن على الاقل فى القضايا المُلحه كقضيه فلسطين
(ولن اختذل فلسطين فى غزة فالقضيه واحده)

لم يحاول قادتنا ان يفعلوا اى شىء باتفاق.. او توحد حول موقف ما.. بالطريقه التى بنتظرها المجتمع العربى منهم ويتطلبها الدين منهم جميعاً

لقد بدأت امتنا كأمه واحده على يد رسول الله صلى الله عليه وسلم وصحابته الكرام

ثم تقطعت الى اقسام متعدده ....

مذاهب وطرق وشيع وكلاً منهم فرغ نفسه ليثبت انه هو على حق والجميع غيره باطل وكفر

والعدو لا يهمه اى شىء من ذلك الا ان نختلف فقط
وربما انفق العدو امولا طائله من اجل تلك الفرقه وهذا الانقسام

فهو- اى العدو- سيهاجمنا فى وقت معين...

ويقتلنا فى وقت معين ...ويحتلنا ويهتك عرضنا ويحطم حكوماتنا فى وقت معين ومحدد.

مهما كانت المذاهب والتوجهات

المهم اننا نعيش بوحــــده
والوحده من وجهه نظر العرب هى

ان تعيش كل دوله مشاعر الوحده منفرده وتتالم من الم الوحده منفرده
فالوحده عند العرب ان نكون وحيدون

ائمتنا تجاهلوا وبشكل صريح امر الاسلام لنا بالوحده والتاخى والاتحاد والتمسك بحبل الله

مما ادى الى انهيار حضارتنا الحديثه التى قامت على يد رجال مثل

عبد الرحمن الثالث وصلاح الدين وحتى سليم الاول وعبد الحميد الثانى


ومع الانهيار الفكرى والعلمى والسياسى ترنحت حضارتنا وتلاشت وذابت

وهنا بدا لدى الاوربيون امكانيه استقطاع قطعه من ارض المسلمين

لحل مشكله اليهـــــــــــــود وينشئوا عليها دوله اسرائيل

ولاننا منقسمون لم نفعل اى شىء لايقاف انتهاك انجلترا عن طريق بلفور وزيونيست لارضنا


ولان البعض يريد ايهمنا بان المعناه هى من الدين

و ان تكون مظلمونا هو من معتقدات ديننا الحنيف
وان معناه اخواننا المظلمون والمقهورون انما هو جزىء من اراده الله
ويجب ان نتعلم هذه المعاناه ونتقنها من اجل الاستمتاع بنعيم الجنه

..
مما ادى لضعفنا و تخلفنا عن ركب الحضارات التى بنيناها بايدنينا وسوعدنا

صدقنا بان هذا موعودنا وتعيشنا معه فى معاناه

واوهمنا رجال ديننا بان عالمنا فى الاخره الجنه
وكل ما علينا فعله هو اداء بعض الشعائر والطقوس ولبس ثياب معينه والظهور بمظهر معين


لم نسال انفسنا
هل هذه اراده الله ولا يمكننا ان نفعل شىء تجاهها؟؟

قال تعالى
بسم الله الرحمن الرحيم
(ان الله لا يغير ما بقوم حتى يغيروا ما بانفسهم)
صدق الله العظيم

اخوانى كان اجدادنا المسلمون مظلمون ومضطهدون اكثر مننا ولم يرضخوا ويستسلموا ويستكينوا فاعنهم الله على بناء اكبر حضاره فى تاريخ الدنيا واكتساح اعدائهم

لكن ماهو المجهود الذى قدمناه بالقياس الى ما نملكه من امكانيات ماديه هائله وهبنا الله اياها؟؟

نعم اقسم بالله لدينا امكانيات ماديه رهيبه

من قوة بشريه كبيره جدا 1.5 مليار

اعلى مخزون نفطى فى التاريخ
نملك ثروة نقديه عظيمه تقدر ب 60 بالمائه من ثروة الارض
نملك معارف رهيبه لم تكن لدى اجدادنا
لدينا خمسون دوله على الارض من اصل مائه وثمانون دوله فى العالم
اصواتنا لو اجتمعت يمكن ان تغير واقع منظمات دوليه كبيره ومع ذلك نبدوا الاضعف دائماً


اعتذر للاطاله

وللحديث بقيه

139 comments:

البِـئرُ والظمّأْ said...

نقول لمين يا ممكن الكلام ده
و مين يفهم اصلا
لو حكيت كتير مش هخلص بجد




ربنا يهدي
و حسبي الله و نعم الوكيل






يا رب اكون اول كومنت علطول
زيزي

Lyssandra said...

قوة بشريه كبيره جدا 1.5 مليار
اعلى مخزون نفطى فى التاريخ
نملك ثروة نقديه عظيمه تقدر ب 60 بالمائه من ثروة الارض
نملك معارف رهيبه لم تكن لدى اجدادنا
لدينا خمسون دوله على الارض من اصل مائه وثمانون دوله فى العالم
اصواتنا لو اجتمعوا يمكن ان يغيروا واقع منظمات دوليه كبيره ومع ذلك نبدوا الاضعف دائماً



بالطبع نبدو أضعف

تقول لو اجتمعت أصواتنا !!

لو

في قاعده بتقول " فرّق تسد "

لذلك تظل السياده علي الدوام لمن يستطيع تفريق أصواتنا

لنأمل أن تكون السياده لآتٍ يوحد كلمتنا

-----------------

كل التحيه لك يا ممكن

دمت بكل خير

Lyssandra

Hadota ... حدوتة said...

والله يا ممكن كلامك رائع واكتر من رائع
وبالعكس انا مبحسش مواضيعك طويلة خالص ... طبعا متابعة وبانتظار بقية الحديث


تحياتى يا ممكن

:)

Hannoda said...

بتقول الكلام ده لمين بس

كلام مافهوش غلطة
كله صح
بس بيتقال لمين
ومين عنده استعدا يسمع

اذا كان في ايام الخمسينات و الستينات
لما بلاد العرب و لدنا كانوا بدؤا يشوفوا فجر حديد متفائل
كانوا برضه عندم اسباب للتفرق

انا آسفة
بس انا من ضمن المتشائمين

احنا أمة هشة
عايشة وخلاص

maha zein said...

الازمة يا ممكن في البعد عن الدين وحب الدنيا والرؤية منوجهة النظر القومية والعربية
للاسف
شبابنا اليوم بيقول واحنا مالنا
هي فلسطين كانت عملتلنا ايه
بقينا ننظر نظرية فردية للامور
واللى يقولك احنا مش اد الحرب واحنا بنعمل تنمية والحرب ويلاتها كتير
كلام يخلي الواحد بجد يجيله جلطة

الشباب بقه عنده نقص في الوعي او مبقاش عنده وعي اصلا لا سياسي ولا ديني ولا اي حاجة
كل واحد نسي انه طالما ارتضي انه يبقه مسلم
يبقه حق عليه الجهاد ونصره اي واحد مسلم حتي لو في ماليزيا ولا بنجلاديش
حق علي كل مسلم نصره اخيه

للاسف اولي الامر مننا حب الدنيا اعماهم
واحنا الخوف ملانا
وبقينا اجبن من اننا حتي نعبر عن رأينا بحرية

انا شايفة ان المعركة الاولي واللى هي من مهمتنا هي معركة توعية
توعية للشباب اللى مش فاهم حاجة
اللى بيسمعله اي كلمتين تعبانين بيروجهم الاعلام ويجي يرددهم ذي البغبغاء

وانا متفائلة بشدة
لان الناس والقلوب اللى فاقت من ثباتها وصحيت واتنمت جواها روح المقاومة والجهاد والرجوع الى الله دليل علي ان الامة بعد نكبتها سوف تشتد قائمتها

ربنا ينصرهم ويعزهم
ربنا يثبت قلوبهم
ويرزقهم بجند من جنوده يجاهد معهم
من اجلهم وليس من أجلنا
فنحن ما زلنا لم نقوم باى واجب مما كتب علينا
اشكرك علي كلماتك الالايجابية واتمني دوامها ان شاء الله حتي تمر الغمة

Anonymous said...

بص أنا دايما بقول انى فاشله ومعرفش الالف من كوز الدره فى السياسه

لكن دى مش سياسه ده بس احساس ودين

اللى انت بتقوله ده عندك كل الحق فيه انما المشكله انك قلتها كلمه واحده ان الوحده عند العرب معناها ان كل واحد يبقى وحيد ويحس بالالم لوحده
بص ياممكن انا مش عندى تعقيب على اللى انت قلته لانك نطقته بلسانى بالظبط

انما عندى اضافه
انا كنت دايما اقول اننا شعب مصر احسن حاجه نعرف نعملها هى اننا ننتقد الاوضاع الغلط كويس جدا ونفضل نندب بختنا وحظنا انما نقدم حل جذرى او حد يعمل خطوه ايجابيه لأ
بس اللى اكتشفته ومكنتش اعرفه هو اننا والحمد لله ماطلعناش لوحدنا ده طلع العرب كلهم كده

يبقى لا أفخر بأنى مصريه
ولا افخر بأنى عربيه
ولكن عذرا يامصريين وياعرب
فأنا الى الاسلام انتسب

لعلى لو بقيت مسلمه اقدر اعمل بالكلمه دى انما وانا مصريه ووانا عربيه قاعده ايديا مكتفين وببص على اهالى غزة وبقول ياعينى وياحول الله
زى زعمائنا بالظبط

نفسى العن الزمن اللى بقى فيه الحاكم اضعف من المحكوم
والراجل اضعف من الست
!!!!
بس حرام الزمن ماله

" ذلك بأن الله لم يك مغيرا نعمه انعمها على قوم حتى يغيروا مابأنفسهم"

نهايه كلامى :(

كاميليا بهاء الدين said...

كيف حالك ممكن؟

اعجبنى تفسيرك لمعنى الوحدة
جدا
أصبت يا صديقى

تحياتى

maha said...

سلام عليك يا ممكن
مع احترامي الشديد لكلامك بس فعلا انا بشوف اللي بيحصل حواليا و استغرب
انت عندك حق ف كلامك و انا معاه ميه في الميه
بس لما انهارده و بعد تقريبا شهر من الاحداث اللي بتحصل "لو هنتكلم عن غزه و انها سبب في رجوع الحماس الي حد ما "
لما يبدا انهارده يفوقوا عشان يعملوا مؤتمر قمه ...
مش ده اللي المفروض يتعمل
انا اعرف واحد يضرب انسان يروح ياخد حقه بكلام ممكن لو الانسان ده هيقدر
بس واحد قتل اهلي و انا اروح ااقول للناس "يا جماعة انا معترضه علي اللي حصل ؟
دي مهزله !!!!!!!!!!
-----------
المفروض ان ابسط رد ممكن يتواجه بيه الوضع ده هو ان كل بلد تخرج احسن ما عندها من معدات و جيش
و يتكون جيش عربي
و ميكونش الشئ "العربي "
الوحيد اللي يتعمل كرد
هو اوبريت و اغنيتين و فيلم لو امكن و اقوي شئ هو مؤتمر في نهايته شجب و بدايته كانت مجرد استنكار بعلامات حزن تكسو وجوه كاذب
..
بس
سلام
..
مها

mahasen saber said...

اتحد العرب على الا يتحدوا

ونسيوا وتناسوا فعلا اصلهم وعظمة ما صنعوه جدودهم

المقال رائع رائع رائع

عارف كنت بعقد مقارنه وانا بقراه بين حالنا زمان استنادا لما قريناه فى التاريخ وبين حالنا دلوقت استنادا لما بنشوفه وبنعيشه كل يوم


ربنا يكشف عننا الغمه

وردشان smilyrose said...

جميل كلماتك اخى ممكن

ولكن اين من تريد ان يتحدو

رحلو للتطبع بالغرب فى مساوئهم

ونسوا كيانهم ونسو دينهم

ونسوا تاريخهم الاسلامى

ذهبنا الى حافة جرف الشيطان

نتراقص بالاعيب الشيطان على

ارض ممزوجة بدماء اخواننا

كم اتمنى ان يتحقق حلمك هذا

دمت اخى

smilyrose

روح الحب الصادق

Anonymous said...

عند بدء هذه الاحداث المؤسفة و المؤلمة على البشرية و على العالم الاسلامى و العربى
كنت احاول ان ارى ماذا سوف تكتب على هذه الفجيعة و من وقت لاخر احاول ان اتصفح كتاباتك
لعلى اقراء ما يهدء من نارى و حزنى
فانت دائما بكتاباتك تمس الاوتار الحساسة عندى و كانى ارى نفسى بكاتب هذه او تلك المقال
انا اعلم ان هناك الكثير و الكثير من ضغوط داخلية و خارجية
كل ما استطيع ان اقولة
لقد اصابتنى موصيبة لم تمسنى
و احرقتنى نارا لم تطلنى
و موت فى اليوم مرارا و تكرارا و لم تزهق روحى
ادعو الله ان ينصر اهلنا و امتنى على اعدائنا

Anonymous said...

زهور الامل
في مجموعة عناوين بتعبر عن واقعنا الحالي وتحت كل عنوان منهم كلام كثير جدا
لقد اتفق العرب على ألا يتفقوا
المنظمات الاسلامية اصابتها شيخوخة مبكرة
الارادة السياسية غائبة
العدد في اللمون
الحروب الداخلية والخيانة
قادة سلبيون وكله يقول يلا نفسي
مظاهرات خرساء لا تؤخذ في الاعتبار
كل دي عناوين بتمثل حياتنا وحيات الاسلام والعرب
اطفال بيموتوا كل يوم ليس لهم ذنب في شئ غير انهم يطالبوا بحقهم في الحياة وعائلات باكملها تبيد
ليه كل ده ليه الضعف والسلبية دي
فين الجهاد في سبيل الله الذي هو فرض علينا
عمالين نعمل في مظاهرات محدش بيعبرها ومفيش اي مواقف ايجابية بتهز شعرة في راس اسرائيل العدو الصهيوني الجاشم
فين المنظمات الاسلامية اللي حصرت جهودها في مجالات العمل الاغاثي وجهودها غير ملموسة وتحت شروط وقيود الدول العظمى
اكتفت فقط بالمواساة ده اللي احنا قادرين عليه الطبطبة والمواساة
مازلنا بنضع في اهداف نبيلة وبراقة لكنها مجرد حبر على ورق فلا نجد تعاونا بينا وبين الدول الاسلامية ولا تضامنا سياسيا او اقتصاديا او حتى اعلاميا ولا جهودا لحل قضية فلسطين والعراق او غيرهما ولا جهودا في اي مجال يذكر لا نرى او نقرا سوى بيانات الشجب والادانة
حسبي الله ونعم الوكيل في اسرائيل وكل من يعاونها

ادم المصرى said...

على فكره انا ملاحظ ان مواضيعك طويله فعلا لكن فى بوست يكون طويل وممل وفى بوست طويل وشيق لزم نكملو وانا لزم اشوف البقيه اسلوبك اكثر من رائع وحديث شيق فعلا اتمنالك التفوق دائما واتمنا ايضا زيارتك

رؤية said...

قراءة التاريخ تمكنك من معرفة القادم
ولو استفدنا منه لامكننا تدارك مصائب الحاضر
لان سنن الله فى الكون واحدة

وكما ذكرتى الاية الكريمة..
ان الله لا يغير مابقوم حتى يغيروا ما بانفسهم

تحياتى لك

Anonymous said...

عند بدء هذه الاحداث المؤسفة و المؤلمة على البشرية و على العالم الاسلامى و العربى
كنت احاول ان ارى ماذا سوف تكتب على هذه الفجيعة و من وقت لاخر احاول ان اتصفح كتاباتك
لعلى اقراء ما يهدء من نارى و حزنى
فانت دائما بكتاباتك تمس الاوتار الحساسة عندى و كانى ارى نفسى بكاتب هذه او تلك المقال
انا اعلم ان هناك الكثير و الكثير من ضغوط داخلية و خارجية
كل ما استطيع ان اقولة
لقد اصابتنى موصيبة لم تمسنى
و احرقتنى نارا لم تطلنى
و موت فى اليوم مرارا و تكرارا و لم تزهق روحى
ادعو الله ان ينصر اهلنا و امتنى على اعدائنا
MMS

Anonymous said...

السلام عليكم و رحمة الله و بركاتة
صديقى العزيز اوى اوى اوى
احيك على كتاباتك و على مقالاتك
احى كل من كتب او يحاول يترجم هذه الاحداث فى كلمات ان قلت اوكثرت فهى لا تكفى للتعبير
صديقى العزيز اوى اوى اوى
ارجو من خلال كتاباتك و باسلوبك الشيق الممتع ان توضح امر اختلف على الناس فى فهمة
ما هى السامية؟
ماهى الصهيونية؟
ما هى اليهودية؟
ما هى اسرائيل؟
و لتكن انت دليل الناس فى المعرفة و التثقيف
ربنا معاك و يوفقك دائما
MMS

Shaimaa said...

العرب مبيعملوش حاجة غير الكلام
مفيش فعل
عشان كده احنا الاضعف
واسرائيل بتضرب في غزة احنا بنعمل مؤتمر نناقش فيه الوضع هناك
ونعمل مبادرات وحلول مقترحه
كله كلام

ما اخد بالقوة لا يسترد إلا بالقوة

سمكه واحده said...

السلام عليكم
فعلا والله عندنا حجات وامكانيات كتير كتير بس عدم ثقه او اتعدودنا بقي علي كده عارف المشكله كله بيقول ياله نفسي لو كلنا بقينا ايد واحده هتفرق كتير كمان القرب من ربنا ونتبع تعاليم دينا صح ونفهمه كويس ان شاء الله ربنا يصلح الاحوال
تعالي بقي خدلك حته فرخه علي حته لحمه خروف وحلي بالبقره مع شوربه كده واتكل علي الله
بوست جميل
وايجابي جدا
تحياتي

سمكه واحده said...

كلما شاهدت سجانا
وسيفا فوق اشلاء الرقاب
كلما ايقنت ان الاسد ماتت
حيثما ساد الكلاب

*************
فاروق جويده

اهه دي بقي كلمات تعبر جدا احنا ليه بقينا كده وايه السبب ؟تنطبق علي العصر ده

تحياتي

Esraa Hamed said...

البوست رااائع بجد
و اختصرت كل كلامك في الاية الجميلة اللي بعتبرها قانون الحياة


"ان الله لا يغير ما بقوم حتي يغيروا ما بأنفسهم"


تحياتي

Anonymous said...

البوست هاااااااايل يا ممكن
بس تقول لمين بقي!!
بجد حاجه تحزن اوي
بس انا في انتظار البقيه..

----------------

ليك عندي تاج
ياريت تقبله

تحياتي

روح شرقيه said...

أول ما أبدأ بذكره من ذلك: ما أمر الله -عز وجل- به وذكره في كتابه، من لزوم الجماعة، والنهي عن الفرقة، وقال -عز وجل-: وَاعْتَصِمُوا بِحَبْلِ اللَّهِ جَمِيعًا وَلَا تَفَرَّقُوا .
البوست حلو جدا يا ممكن ودعوه اتمنى انها توصل للكثيرين فلدينا بالفعل من القوه ما لايقهرها احد ان اتفقنا واجتمعنا واعتصمنا واتحدنا لنصره انفسنا واخواننا بكل بقاع الارض
اتمنى من الله ان تنتهى هذه الفتره الصعبه علينا وعلى الجمع بخير
وبحب اشكرك كتير على وجود وكلماتك التى دائما ما تعطينى امل فى الحياه
اعزك الله
روح

!!! عارفة ... مش عارف ليه said...

من قوة بشريه كبيره جدا 1.5 مليار
اعلى مخزون نفطى فى التاريخ
نملك ثروة نقديه عظيمه تقدر ب 60 بالمائه من ثروة الارض
نملك معارف رهيبه لم تكن لدى اجدادنا
لدينا خمسون دوله على الارض من اصل مائه وثمانون دوله فى العالم
اصواتنا لو اجتمعت يمكن ان تغير واقع منظمات دوليه كبيره ومع ذلك نبدوا الاضعف دائماً

--------------

لأننا كغثاء السيل

Fatma said...

الفرق بيننا العرب وبينهم بني اسرائيل انهم جمعتهم عقيدتهم وآمنوا بها ايمانا شديدا وسعوا لتحقيق حلمهم المزييف المدعى بوجود ارض الميعاد ( وهم كاذبون)
سعوا لتحقيقه بمبدأ الغاية تبرر الوسيلة
هما يحلمون لتحقيق احلامهم اما نحن فأحلامنا ماهي الا وسيلة للهروب من الواقع
نحن فشلنا في التمسك بعقيدتنا
حتى قضية فلسطين اصبح العرب والمسلمون يرونها من مناظير مختلفة

الوحدة عندنا لا تعني ان نكون كلنا واحد
الوحدةعندنا تعني ان يكون كل منا وحيدا منفردا نفسي ومن بعدي الطوفان

الكل يبحث عن مصالحه الشخصية حتى ضاعت القضية

م/ الحسيني لزومي said...

هل انتهت الحرب علي فلسطين؟
هل انتهي التأمرالرسمي العربي والدولي علي المقاومة؟
كيف نفعل روح المقاومة المدنية بيننا؟
كيف نطور الهبة الشعبية العربية والاسلامية لصالح القضية الفلسطينية ؟
شارك معنا بافكارك واطروحاتك
حتي لايكون جهدنا قبض الريح
مدونة مواطنون ضد الشعب
نحن في انتظارك

إيمان قنديل said...

العرب فاهمين كل الكلام ده بس فيه حلقه مفقوده ، بصراحه عجزت عن معرفة
السبب الحقيقي خلف تفككنا كعرب فلم أجد

ست البنات said...

فات زمن الكلام
من زمان

تحياتي يا مومكن وبشوق للبقية

son's egypt said...

السلام عليكم
عندما اهتمت كل دولة بنفسها فقط
واهملت االدول الاخري
عندما اصبحنا مفككين علميا واخلاقيا
وسياسيا
حدث ما حدث
ابحت تتكالب علينا الامم
الحل كما فعل صلاح الدين عندما وحدتهم جميعا في صف واحد

akeed said...

صحيح دة زمن التنطع مش بس فى نصرة اخواننا المسلمين ولاكن التنطع فى نصرة دين الاسلام لأن كل تقصير من اى شخص مسلم فى حقوق الله سبحانة وتعالى هو هزيمة لكل المسلمين و النصر يأتى بتمسك كل فرد بدينة كما ينبغى مش مجرد صلاة وفقط ولاكن بالصدق فى العبادة وصدق مع الله عز وجل و من هنا يأتى النصر

بوست رائع جداً

تحياتى

أكيـــــــــد

dodda said...

الفرقه
كل ما بنتقسم بنضعف
مش ممكن نموت كلنا ..
لكن ممكن نتقسم ونتفرق
ونقلب على بعض

وممكن الاساس يدخله سوسه
تخون وتخرب

"ان الله لا يغير ما بقوم حتى
يغيروا ما بأتفسهم"

مش لما يفوقوا من المخدرات؟؟

ربنا يلطف بينا
ونعرف نغمل اى حاجه لما الدور يجى علينا..

رحــــيـل said...

ياريت واحد بس من الحكام العرب يفهم كده

اعتقد الوضع ممكن يختلف لانه من الواضح انهم شايفين الامور من زوايا اخرى


تحياتى

Anonymous said...

عندك حق وكلامك بيوجع بس مش بأيدينا
انا وانت وغيرنا كتير حاولنا ومقدرناش
ده مش يأس هو واقع كلنا في انتظار
الامل كلنا في انتظار التغيير
كلنا في انتظار(المهدى المنتظر) وشكرا

بنت مصريه said...

مين يسمع يا ممكن
هو دا حال العرب
خصام جدال عدم توحد
الخلافات على اشياء تبدو هينه بجانب ما نواجهه من
استعباد من امريكا وغيرها

طول ما كل حاكم عربى همه الاول والاساسى الكرسى والسلطه
لن يتغير شىء
بوست جميل
احييك

الخيط الرفيع said...

سلام عليكم
تعتذر للإطالة وانا أعتذر لله وللإنسانية
مما يفعله الفاعلون ومما لا يفعله الذين لا يفعلون
في حلقة مفقودة لأن اللي بيحصل مش منطقي احنا مش بالضعف اللي احنا فهمينه اي نعم هما يملكون من أسباب النصر ما لا يخطر علي بال من تكنولوجيا ومعدات وفلوس وتحكم في الخريطة السياسية في العالم
بس احنا عندنا قضية ورجاله للقضية
ودا كان كفاية في أوقات كتير بس دائما احنا محتاجين وقت والمرادي بالذات أنا متفائلة جدا فأهل غزة يألمون منذ زمن طويل ولا يشعر بهم أحد بس المجزرة دي خلت سيرتهم علي كل لسان في العالم والكل باختلاف دينة ومعتقداته وقربة المكاني أو بعدة متعاطف جدا مع المجموعة دي من البشر اللي بيسكنوا مكان اسمه غزة مش بتكلم عن اللي فهمين سياسة ومثقفين أوربا لا انا بتكلم عن ناس ما كنوش يعرفوا ان في فلسطين أصلا
دا بالنسبة للعالم البعيد

Rania Lelah said...

كشفت الحرب على غزة هذه المرة العجز و الضعف الدامى للعرب كلهم اجمعين

و الفجوة السحيقه بين كل حكومة و شعبا
رحمنا الله
و اتفق معك فى كل كلمه

تحياتى
و اعتذر عن التقصير

هــــــــــــايدي said...

السلام عليكم ورحمه الله وبركاته
جزك الله خيرا
عارف كل حد عارف الصح والغلط مش تفتكر ان رؤساء الدول مش فاهمين لا طبعا
بس عارف هو حب الدنيا والحرس عليها وطول الامل مش اكتر
ربنا يرحمنا
ويجمع شمل المسلمين

semsem said...

استاذى العزيز جدا موت على الاخر
ممكن باشا اللى وحشنى موت

بعرف انى مبدخلش نت وان الشيكه واقعه وان فى حاجه ناقصانى لما ببعد عن مدونتك وكلامك الجمل من بعض دائما

انا مش هعلق اللى مرة دى لانى حاسه ان الكلام تحصيل حاصل واهو كلام

البوست مولم وموجع
كلنا عرفين امكانيتنا بش ذى ما تقول كده مطنشين
سيبك انت اهم حاجه
انك بخير
طمنى عليك دائما
على شان بتوحشنى وبيوحشنى كلامك

سمسم 2009

semsem said...

الاجمل من بعض = الجمل من يعض
خطى مطبعى
الهى يقطع الحب وسنسينه كمان مبقناش نعرف نكتب كلمتين صح على بعض

تحباتى

mohamed emera said...

السلام عليكم
كل سنه وانت طيب
معك كل الحق فلنتامل ماذا ان اجتمعنا وتوحدت كلمتنا فعدونا واحد وديننا واحد وارضنا واحدة فلماذا الاختلاف اذا
اشوفك بين حروفك
سلاااااااااااام

تــــ(حـنة)ــــر said...

السلام عليكم
هو انا اتأخرت ... أكيد أتأخرت
أصلى أول مرة اشوف دة فى كتباتك
حماس على غضب
بس هنقول أيه
الله المستعان
اعذرنى للتأخير و أبقى عدى على البلوج كده يمكن يهمك فيه حاجة
تحياتى يماممكن
واسفه انا للأطاله

momken said...

Meekness !!!
ــــــــــــــــــ


كلنا مش هنخلص يا زينب بس فى النهايه بنقول ربنا يهدى


منورانى

تحياتى

momken said...

lyssandra

ــــــــــــــــ

متفق معاكى جداً

شكرا لزيارتك والتعليق الجميل

تحياتى

momken said...

Hadota .. حـدوتة


مافيش بقيه حديث

علشان خاطرك مافيش باقى للحديث


سلام

momken said...

Hannoda
ـــــــــــــ

كلامك يستحق يكون بوست مستقل
ومفيد جداً كلمان

احنا بخير طول مافى ناس زى حضرتك

نورتينى

تحياتى

momken said...

maha zein

ــــــــــــــ


اهلا يا دكتوره مهاميهو والله انتى الى كلامك يتاقل بالدهب طبعا مانتى مش اى مها وخلاص انتى الدكتوره مها ماجستير العلوم السياسيه من جامعه حلوان العريقه

ايوة مجبنتيش جاتوة ولا قدمتى فروض الولاء بعد ما غلطتى فى الناس الطيبين الى كانوا بيدعلوك لما كنتى فى السيمنار
لكن ياله زى بعضه
عذرك معاكى اكيد البحث بتعك شغلك جداً

منورانى جداً يا مها يا زين
وعاوزين نشوف بوست قريب ليكى

تحياتى

momken said...

غريبـــــــــــه
ــــــــــــــــــــــ


ماشاء الله عليكى يا غريبه
ياستى انتى ولا غريبه ولا حاجه بالعكس دانتى قريبه جداً

جميل يكون انتمائنا للاسلام وولائنا لله سبحانه وتعالى

فالقوميات والعصبيات هى افه الامم وهى اول مسامير نعش الوحده الدينيه

فاخر دوله عظيمه للاسلام كانت الدوله العثمانيه ولها خليفه واحد

وبعدها تشرذمنا وتفرقنا وتبعثرنا
فهنا على انفسنا وهانت علشنا اعراضنا


كلامك مايتشبعش منه ابداً

تحياتى

momken said...

زهرة الكاميليا
ــــــــــــــــــــ


شكراً يا زهره الكاميليا على الزياره والتعليق


تحياتى

momken said...

maha
ــــــــــ

ياريتك رئيس دوله واكون انا احد رعاياكى

كنت هدين ليكى بالولاء المطلق
وهايدك على طول الخط

ربنا يزيد من امثالك

تحياتى

momken said...

mahasen saber
ـــــــــــــــــــ


المشكله يا محاسن انها مش غمه واحده دى غمم كتيره اوى

ربنا يهون علينا
لان فعلا قادتنا ضيعونا
وصغرونا
وجعلوا دمائنا ارخص الدماء

انتى ديما منورانى يا محاسن كل سنه وانتى طيبه

تحياتى

غروب said...

الله عليك والله

هو ده الكلام

كل الناس عماله تهبط في السباب وتحبطهم

لا بجد كلامك عجبنى وجميل ان يكون لسه في حد بيفكر كده
وان شاء وحدتنا ترجع انا حاسه ان في امل للوحده تانى ومش عايزين ننسي ان ربنا معانا يا نااااااس احنا المسلمين ...وربنا وعدنا بالنصر ...يبقي نثق بالله ونتوكل عليه ونتلم بقه

ومفيش اطاله ولا حاجه كلامك ممتع ومنتظره باقي الحديث بجد

تقبل تحياتى

غروب

Anonymous said...
This comment has been removed by a blog administrator.
momken said...

smilyrose
ـــــــــــــــ


اشكرك اختى الغاليه
على الزياره وععلى التعليق الجميل
وانا متفق معاكى طبعا فى كل حرف

انتى منورانى

تحياتى

سلوى said...

لدينا الإمكانيات
وهناك من يردد دوما

وأعدوا لهم ما استطعتم من قوة
وأننا يجب أن نستعد أولا
حتى لا نخسر

وأريد أن أعرف
متى سنستعد؟؟

بوست رائع وتحليل مميز

" أنــــــا " said...

طبعا كلامى مايتشبعش منه
هو انا اى حد ده انا قريبه

بقى انا بايره ياممكن؟
طيب مش هرد عليك لانى مؤدبه
وبرضو مش هسيبك تستفزنى
ومش هعمل غير اللى انا عايزاه

على فكره
انا جايه اطمنك انى الحمد لله بتعايش وبتعامل وبحاول اكون بخير
وجايه اسأل لانك غايب وبقالك كتير مش بتنزل حاجه

يارب تكون تمام

Maha Shahen said...

اعتقد مش باقى شيء اقوله
بعد كل اللي كتبته
يا رب نفوق ونتوحد ونفهم
ونبطل نكره فى بعض ونخلى الكراهيه للأعداء علي الاقل هتكون دافع علشان نتحرك

تحياتى

موجة said...

السلام عليكم ورحمة الله وبركاتة
بصراحة انت قلت اللى نفسنا نقولة بس بصراحة لو كنا احنا قلناه مكنش هيطلع بالاسلوب الرائع ده
تمنياتى لك بالتوفيق وربنا يكفيك شر الدبابيس
ها
الدبابيس
خلى بالك بقى
سلامى وتحياتى

Esraa Hamed said...

تأخرت علينا كثيرا

عله خيرااا ان شاء الله
في انتظار جديدك
:)

maha zein said...

يعني لسة عايش اهه
يعني غيابك بردو يعني ده اعبره تقليد
بتقلدني
يا ابني ما تخلي لنفسك شخصية مستقلة شوية
عموما عنوان المركب معروف ومشهور
هتلاقيه علي طول الكرنيش من هنا لاسوان
انت بس شد حيلك واختارلك مركب يكون عليه القيمة عشان تروش ذي الشباب المكبوت
روح يا شيخ وتعالا بسرعة
وبعدين مالك يا راجل انت ومال خالتو
انت شكلك عاوز تتخانق وتتهور وتتعور
ارجع اكتب تاني بقه وبطل تقليد
يلا سلام

فـُتات مشاعِر said...

الاسلام هو الحـــل

::::::::::::::::

وصراع الحق والباطل دائم .. فأحدهما يميل للآخر

والدوام لوجود الحق ,, لا لظهوره

:::::

متابع

اقصوصه said...

ارادتنا اقوى من كل شي

والاراده القويه تقهر المستحيل

maha zein said...

يا خراشتييييييييييييييييييي
يا لهوييييييييييييييييييي
يا حوستييييييييييييييييييي
انت عاوز ايه يا راجل انت
انت جاي مدونتي وبتدعي وتفول عليا
يعني اعمل معاك ايه
يعني انا هفضل لحد امتي اعاملك بطيبة واتمنالك الخير
وانت تبهدل فيا وتدعي عليا وتعمل فيا كده
عاوز ايه
اهو انا مش همشي من هنا غير لما تقولي عاوز ايه في يومك ده

عاوز تتخانق
ماشي
عاوز تعور ماشي
عاوز ضرب نار انا موافقة
انت مينفعش معاك غير معاملة الاسري
ايون
خلاص زمن الطيبة انهي

اه ياني يا طيبة
متخفش المرة الجاية البونت مش هيفرق والمروحة هتعماني شرايح عشان تتبسط

روح يا شيخ
منك للمروحة اللى شفطتني

Fatma said...

فين البقية عشان نعلق على الموضوع مرة واحدة :)

ازيك ان شاء الله تكون بخير

momken said...

Anonymous
ــــــــــــــــــ


ربنا يبارك فيكى كلامك كتير اوى عليا
ربنا يجعلنى عند حسن ظنك

واتمنى كلامى وبوستاتى متكونش تقيله على قلب حضرتك

ومكونش خزلتك بكتباتى

فرحت بتعليقك حضرتك جداً

تحياتى

momken said...

زهور الامل
ـــــــــــــ

طبعاً انا عارف ان انتى نهى

وزعلان لانك معندكيش مدونه جداً
اصلا تعليقاتك عندى وعند غيرى تستحق تكون بوستات جميله وجامده جداً

انتى حد مثقف جداً يا نهى ودى حال اغلب اهل المنصوره بجانب الجمال طبعاً....(وش بيغمز)

كل العناوين الى حتطيها فى مكنها واد ايه مؤثره واد ايه تحتمل كلام كتير جداً

تعليقك افادنى جداً
واتعلمت منه كتير اوى
انتى حد جميل جداً يا (زهور الامل)

تحياتى

momken said...

ادم المصرى
ـــــــــــــــــ

صديقى العزيز ادم المصرى اشكرك على كلامك الكريم فى حقى
طبعا هذا الكلام من فرط ادبك وحسن اخلاقك
اما عغن زياره مدونه حضرتك فده شرف كبير لشخصى البسيط وطبعا ده بيحصل بشكل منتظم من غير حضرتك متقول
اشكر لك الزياره واشكر لك الدعوة الكريمه

تقبل تحياتى

momken said...

رؤية
ــــــــــــ

عندك حق التاريخ هو الرشد الحقيقى لما قد نصل اليه فى المستقبل

شكرا يا رؤيه لزيارتك الكريمه وتعليقك المميز

تحياتى

momken said...

Anonymous

ـــــــــــــــــــــــ

الاستاذ / السائح فى بلاد اوربا حاليا ومش ناوى يرجع يا متر انت وحشتنا جدا جداً

مزهقتش من البرد والتلج الى عندك
ايه يا اخى مش وحشك دفا بلدنا وشمس بلددنا وجمال بلدنا

ايه يا اخى موحشتكش الميه الملوثه الى بتنزل من الحنفيات عندنا

طب البيتزا بتعتنا والكافيهات بتعتنا
ههههههههههه
انا متشكر اوى يا مصطفى على تعليقك الى طبعا عارف انه نابع من شخص على اعلى مستوى من الثقافه والفهم
وانا فعلا بتعلم منك كتير يا درش
يارب يهديك يا مصطفى وترجع بقى

تحياتى

momken said...

Anonymous

ــــــــــــــــ

حاضر يا متر من عينايا

بس كنت اتمنى انت تعمل مدونه وتكتب فيها الكلام ده هيكون اقوى واوقع باسلوبك الجميل

تقبل تحياتى

PrInCeSS BeRy said...

ازيك يا جميل وحشتنى مدونتك كتير يارب تكون بخير وصحة بجد ميرسى على كلماك الجميل اللى كتتبة فى عيد ميلادى كلك زوق بجد ودايما بتنورنى

اما عن البوست الرائع لا يسعنى الا ان اقول حسبنا اله ونعم الوكيل والله الكلام ولا الفعل بيجيبوا نتيجة مش عارفة مفروض اية يتعمل تانى نبيد الشعوب علشان القادة تعيش ربنا معانااااااااااا

همسات دافئه said...

ممكن
زميلي الغالي
ميرسي ليك اوى على كلماتك ومتابعتك
انت بجد من الناس القليله الى باقيه من زمان كده:)
يالا عايزاك تبقى انشط بقى وتنزل حاجه جديدة
وياريت تقدر تحضر حفلة التوقيع فى أول مشاركاتي المطبوعة:)
بيسعدني وجودك فعلا:):)

momken said...

shicco
ــــــــــــــ

انا متفق معاكى جداً يا شيكو

انا شايف ان العربى بيدخل اى معركه بكل ما اوتى العربى من مهاره الخطــــــــابه

انتى منورانى

تحياتى

momken said...

سمكه واحده
ـــــــــــــــــ

ازيك يا سموكه
والله عندك حق
لكن ده بيرجع لطريقه تربيه البنى ادم العربى
الى اتربى الى حب التملك وحب التميز على اقرب الناس ليه
وديماً بيقارن بينه وبين جيرانه لانه اتعود ميعرفش اكتر من كده

وده الى يخلينا ننجح فى الاولمبيات فى الالعاب الفرديه ونفشل كفريق

لانن ديما بنبحث عن المجد الشخصى
وبنفتقد لروح الفريق

انتى منورانى

تحياتى

momken said...

سمكه واحده
ـــــــــــــــ

الله يا سمكه ابيات جميله اوى تسلم ايدم وطبعاً فاروق جويده ده عمنا واستاذ جيل بحاله

تسلمى على اخيارك الجميل

تحياتى

momken said...

Esraa Hamed

ــــــــــــــــــ

اهلا يا اسراء
الف مبروك الكتاب يا عسل

انتى منوره مدونتى بعد طول غياب
عندك حق يا اسراء ومتفق معاكى جدا


تحياتى

momken said...

hager za3bal
ـــــــــــــــــــ

والله يا هاجر كنت عاوز اكمل البوست لكن الله المستعان

معدش فى مزاج ولا لكتابه ولا لقرايه حتى

انتى منورانى يا هاجر

تحياتى

momken said...

روح شرقيه
ـــــــــــــــــ

اهلاً يا روح منورانى ومتشكر اوى على البوست الى عندك..فى المدونه

ودى تانى سنه تفتكرى عيد ميلادى قبلى انا شخصياً

ربنا يخلى يا روح
واكون ديما عند حسن ظنك

كل سنه وانتى سعيده وجميله

تحياتى

momken said...

روح شرقيه
ـــــــــــــــــ


مدونتك عمرها سنه
عقبال الف سنه ياروح

وكل سنه وانتى وهى طيبين

تحياتى

momken said...

!!! عارفة ... مش عارف ليه

ـــــ،،،،،،،،،،،ــــــــ

عنك حق متفق معاك جداً

كثر لكنهم غثاء كغثاء السيل

وها هم الاكله قد جائو الى قصعتهم

حفظك الله

تحياتى

momken said...

Founoon
ــــــــــــت

كلامك احلى من البوست نفسه
يسلم فمك وتسلك ايدك
كلامك عجبنى جداً

تحياتى

momken said...

م/ الحسيني لزومي
ــــــــــــــــــــ


حاضر علم وجارى التنفيذ


تحياتى

momken said...

GHARAM
ـــــــــــ

اعتقد يا غرام ان الحقله دى تكمن فى طريقه تربيتنا

لاننا ببساطه اتربينا على حب التملك
لاننا اصلا بدو ورحاله لم نتعود الاستقرار فى مكان
ولما تذوقنا طعم الاستقرار اصبح خوفنا الاساسى من فقدان هذا الاستقرار والعوده للترحال مره اخرى
فاصبح التملك والاتساع والتميز على الجيران هو هدف العرب

فلم يعد يهمهم ما وصل اليه العالم المهم جارى وصل لايه علشان اسبقه
بس

انتى منورانى

تحياتى

momken said...

ست البنات
ـــــــــــــــــــ

ربنايسهل يا ست البنات

البقيه قريبا لو اراد الله ان شاء الله

تحياتى

gogo!sf said...

بسم الله الرحمن الرحيم


وقضينا الى بيني اسرائيل فى الكتاب لتفسدن فى الارض مرتين ولتعلن علوا كبيرا
فاذا جاء وعد اولاهما بعثنا عليكم عبادا لنا اولى بأس شديد فجاسوا خلال
الديار وكان وعدا مفعولا
صدق الله العظيم


اذا كان القران يحدثنا بقرب نهايتهم
فلماذا اليأس يجب ان نحاول ونتمنى من الله ان نكون من عباده اولى البأس
فأنا اتفق معاك تماما
فى عدم الخنوع واليأس

تقبل مرورى

momken said...

كلنا مقاومة
ــــــــــــــــــــ

دعوة مقبوله

علم وجارى التنفيذ


تحياتى

momken said...

son's egypt
ـــــــــــــــــ

متفق معاكى جداً كلامك يتاقل بالدهب بس الى يفهم

تسلم ايدك

تحياتى

momken said...

akeed
ــــــــــــ

صديقى العزيز اكيد

انا اؤيدك فى كل كلامك وكنت اتمنى ان اقرا مثل هذا الكلام فى مدونتك الجميله التى اتمنى رؤيه بوست فيها من زمان بهذا الاسلوب الجميل

تحياتى

momken said...

انت تسال والكمبيوتر يجيب
ـــــــــــــــــــــــــــــ

حاضر علم وجارى التنفيذ

دعوة عزيزه

تحياتى

Anonymous said...

كل سنة وانت اجمل واحسن ممكن فى الدنيا
عيد ميلاد سعيد وعقبال ميت مليون سنة

ســـــــهــــــــــر said...

الغريب اننا عارفين المشكله و الحل و ما بنحلش

Esraa Hamed said...

تأخرت كثيرا بالجديد

عله خيرا ان شاء الله

***

كنت عايزة ادعي حضرتك
لحضور حفل توقيع
"أحيانا و أحيانا" يوم 11 مارس 2009
الساعة 7 مساءا
بمكتبة البلد أمام الجامعة الأمريكية

http://www.facebook.com/event.php?eid=133120355079#/event.php?eid=133120355079


اتمني ان تشرفني بالحضور
:)

momken said...

dodda
ـــــــــــــ

الله عليكى الكومنت بتاعك فيه حكمه رهيبه

مش ممكن نموت كلنا لكن ممكن نتفرق كلنا

عجبانى اوى

بس فى حاجه انتى بتستخدمىكلمه ممكن اكتر منى انا

ممكن دى بتعتى
سماح المره دى

التعليق بتاعك روعه

تحياتى

momken said...

رحــــيـل
ـــــــــــــــــ

اعتقد انهم فاهمين كويس
لكن فى خوف معين او ضغط معين

او حسابات معينه

بتخليهم يصهينوا او يصرفوا نظر
او يتصنعوا عدم الاهتمام بلامر

ربنا يهديهم

او يغفر لنا الذنوب الى بيها بيجيب لينا حكام تخنقنا

انتى منورانى

تحياتى

momken said...

gogo
ــــــــــــ

عندك حق

بس لحد ما يجى المهدى مافيش رجاله ممكن يظهروا

طيب لو المهدى اتاخر ينكتب على الجيل ده انه محدش يذكروا بالخير؟؟؟

انا لله وانا اليه راجعون

تحياتى

momken said...

بنت مصريه
ـــــــــــــــــ

عندك حق يا مصريه

ربنا يهدينا او يغيرنا...او يهديهم او يغيرهم

امين


تعليقك رائع

تحياتى

سمكه واحده said...

فين الباقي
ولا حتي الجديد
ده اسمه كلااااااام
تؤ تؤ

momken said...

الخيط الرفيع
ـــــــــــــــــــــ

الله على التعليق الرائع

والله انا استفدت من تعليقك جدا ولو كان قدر لى ان اقراءه قبل كتابه هذا البوست كنت كتبت حاجه تانيه خالص
انتى مخلصتيش الحجات الكتير الى شغالك وسفرك والحجات دى ولا ايه

من زمان اوى يمكن من وانا طفل ماشوفتش بوستات ليكى

ارجعى بقى

تحياتى

momken said...

Rania
ــــــــــــــ

ربنا يخليكى يا رانيا ياستى انتى ولا مقاصره ولا حاجه انتى تنورينى فى اى وقت لان زيارتك بتفرحنى

تحياتى

dodda said...

ايه با ولدى اين انت؟؟؟؟؟

ما هذا الاختفااااء؟؟؟

momken said...

هــــــــــــايدي
ــــــــــــــــ

وجزاكى خيراً يا هايدى

عندك حق فعلا كلهم عارفين لكن الحرص على الناصب والعمل على الاستقرار بعد ترك الكرسى هو سبب بيع الاوطان

بس اهم بيجنوا ثمره زرعهم

صدام حسين اتعدم قدام عينهم والبشير مطلوب القبض عليه
وكل واحد بيقول فى نفسه الدور عليا
ومالوش غير شعبه علشان يلتف حوله ويعرف ان الاخرين لن ينصفوة مهما كان صديق

تعليقك جميل

تحياتى

momken said...

semsem

ـــــــــــــ

سمسم ازيك...يا اجمل عروسه فى تاريخ بلوجر

عامله ايه يا فنانه يارب تكونى بخير وسعيده جداً لانك فعلا تستهلى ده

كتير عليا تنادينى باستاذى وانتى عارفه كويس انى قف صامت ومبهور قدام ابداعك واعمالك الفنيه كما مش عارف اقولك ايه على المجهود الى بذلتيه يوم عيد ميلادى وتعبتى اوى علشان تهنينى بعيد ميلادى

انتى حد مستحيل اقدر افرط فيه او احاول اخسره...ربنا ميحرمنيش منك يا سمسم

تحياتى

momken said...

semsem
ــــــــــــــ

يا سمسم انتى تخطىء برحتك وتغلطى فى الكتابه على كيفيك

ببساطه كده.... انتى شخطبتى وانا دورى افهم عاوزة تقولى ايه من الشخبطه دى


تحياتى

momken said...

م/ الحسيني لزومي
ــــــــــــــــــــــ


حاضر هقرا الاتفاقيه


علم ونافذ يا فندم

تحياتى

momken said...

mohamed
ـــــــــــــــــــ


متشكر يابو حميد وانت بالصحه والسلامه

فينك يابو حميد من زمان انت بتنورنى فى المناسبات دايما
لككنى بفرح بوجودك وتعليقك

متفق معاك جدا يابو حميد وبستمتع بكلامك

تحياتى

momken said...

تــــ(حـنة)ــــر
ـــــــــــــــــــــــــ

ولا اتاخرتى ولا حاجه

وكمان واجبى انى انتظرك حتى لو طال انتظارك

فليس اجمل من لقائك الا متعه اللحظات فى انتظار قدومك انتى منورانى ياتمر

اما مرورى على مدونتك فده اصبح ادمان

منورانى
تحياتى

momken said...

غروب
ــــــــــــــ

ايه التعليق الى يبث الامل والتفائل ده

تعليقك فتح نفسى على التدوين بعد ما كنت خلاص قلت انا ماليس نفس

انتى حد جميل جدا ورائع يا غروب...ربنا يزيد من امثالك

انا كمان مبسوط انا فى حد بيفكر زى حضرتك
انتى منورانى
وتعليقك غيرنى جدا وحولنى جداً

تحياتى

Anonymous said...

صلاح الراعى من صلاح الرعية والناظر على مدار التاريخ يجد ان عمر ما كانت هناك صحوة قدر ان يمنعها قائد بل هى من صنعت

إيمان قنديل said...

اين انت ايها الصديق العزيز



فين جديد يا استاذ



كل ما اجي ازورك الاقيك لسه واقف محلك سر أيه الحكاية؟؟؟؟؟؟؟؟؟؟

momken said...

سلوى

ــــــــــــــ

عزيزتى سلوى...دئماً ما يتحرك الشخص العربى بعد ان تهدأ الرياح ويسكن الجو
ووقتها تكون حركته متاخر جداً وغير ذات فائده

والنكته شهيره فى روسيا يقولون

عارف لما الدنيا بتمطر العرب بيعملوا ايه؟؟؟؟
التانى قاله ايه؟؟؟

فقاله بيسبوها تمطر


تحياتى

momken said...

غريبــــة
ـــــــــــــــ

بعد الشر بايره ايه وبتاع ايه دانتى زى الفل غيرش هى عين وصابتك


وطبعاً عارفين انك مؤدبه جداً يا ست غريبه بس محدش ينكر انك حزينه شويه وتحبى النكد زى استغفر الله العظيم عنيكى

ههههههههههههه
دى دعابه يا غريبه

انتى معلقتيش على البوست وجايه تجرى شكلى وخلاص
لكن انا مش هجريكى فى المشروع ده

تحياتى

momken said...

nour shahen
ـــــــــــــــــ

تسلم ايدك يا نور

فعلا الله ينور عليكى كلامك كله حكم

تحياتى

momken said...

موجة
ــــــــــــــ

متشكر اوى على كلامك يا موجه
كمان على النصيحه الغاليه

ربنا يكفينا جميعاً الشر

بس حتى لو جه الشر والدبابيس شكتنى

انا مش ندمان ولا خايف من حاجه

انا بقول الى يرضى ربى وضميرى


تحياتى

momken said...

Esraa Hamed
ــــــــــــــــــ

اسراء ازيك يا باشا اخبارك ايه

الف مبروك يا اسراء طرح الكتاب بتاعك

وان شاء الله من نجاح لنجاح دايماً

وباذن الله نكون موجودين فى حفله توقيع الكتاب

مع خالص دعواتى بالتوفيق

تحياتى

momken said...

maha zein

ــــــــــــــــ


اه ياستى لسه حى ارزق كائن اعيش واتعايش

اما بالنسبه لموضوع انى بقلدك
فاصلا من وانا طفل كانوا بيقولوا يارب لما تكبر تبقى زى طانط مهاميهو (مها زين)
فلما كبرت وانتى عجزتى وبقيتى فى ربيع العمر طبيعى انى اقلدك طبعاً الناس بتاعه زمان دى مش هتتعوض

رجعتى بالسلامه ولا لسه؟

تحياتى

momken said...

بـلاش تـولــديـنـــيي
ـــــــــــــــــــــــــ

ماشاء الله

حبه كلام صغيرين بس ايه خلاصه

تسلم ايدك

تحياتى

momken said...

اقصوصه
ـــــــــــــ

والله عندك حق كلامك يلمس الواقع جداً خصوصا عندنا نحن العرب


الا قوليلى صحيح يعنى ايه اراده!!!!!


تحياتى

momken said...

maha zein
ــــــــــــــــــ

بعد الشر عنك يارب المروحه على الى تفرق معاها بونت

بس بزمتك وانا راضى زمتك
فى بنت فى الدنيا يحصل معاها الحجات دى امال لو كنتى ولد كان حصل معاكى ايه

المهم حصل خير وقدر ولطف

انا كل الى عاوزك تعرفيه انه قدر ولطف

تحياتى

momken said...

Founoon
ـــــــــــــ

اعتقد ان الموضوع جاف جداً يا فنون

واعتقد انه لم ينل الاستحسان

علشان كده مش هينفع نكمله

تحياتى

momken said...

PrInCeSS BeRy

ــــــــــــــــــــــ

ياستى كل سنه وانتى طيبه وعقبال الف سنه

مدونتى وحشاكى يا بيرى علشان مش بتيجى

لكن اعتقد انى عندك باستمرار

مش كده ولا ايه

تحياتى

momken said...

همسات دافئه
ــــــــــــــــ

يا ست شيماء دى حقك عليا

وقدرك عندى

ربنا يديم المعروف والمحبه والاحترام

تقبلى خالص تحياتى

momken said...

gogo!sf

ـــــــــــــــ


الله عليكى والله الايه دى كانت الموضوع الى مفروض اعمل البوست عليه وكنت جيبت العلو فى الارض المره الاولى
فى عهد سليمان عليه السلام

وكنت اتحدث عن الاناس الاولى الباس
وهل هم نحن ام غيرنا

تعليقك جميل جداً

تحياتى

momken said...

Anonymous

ـــــــــــــــــ

اكاد اكون معرفش مين حضرتك

لكن طبعا حضرتك تعرفنى وتعرف عيد ميلاد

وشرفتينى بالتهنئه

وحضرتك طيب وبخير دائما


تحياتى

momken said...

ســـــــهــــــــــر
ــــــــــــــــــــــ

جبل العرب على العلم بالحدث
ولم يتعلموا ان ياثروا او يشتركوا فيه

ينتهى دور العربى على حد المعرفه

انا لله وانا اليه راجعون

تحياتى

momken said...

Esraa Hamed

ــــــــــــــــــ

يا استاذه دى دعوة غاليه جداً

وشرف لينا تلبيه الدعوة

وانشاء الله نكون موجودين

تحياتى

momken said...

سمكه واحده
ــــــــــــــــ

الباقى هيكون صعب

اما الجديد فربنا يسهل لما الاقى وقت هعمل بوست فوراً

اهلا بيكى دايماً يا سموكه


تحياتى

سمكه واحده said...

بقلك ايه ياسي ممكن يا خويا انا دوخت لف علي كل المدونات انا جايه اشتكيلك كل ما اروح مدونه واهني بالمولد وكده انت عارف يعني القصد من التهنئه محدش ينفتح الباب ولا يعبرني الا ماحد يا خويا اداني حتت حلاوه تبل ريقي ولا اي حاجه لا كله يقولك ايه يحنن الله يحنن ده انا من صبحيه ربنا بلف علي رجلي انا جيتلك اشكيلك منهم ال عالم التدوين ال ده عالم انا اتخميت فيه خالص وكل الدعواي دي ببلاش يعني
وانت عارف بقي لبست الجلبيه الواسعه عشان احمل في حجري اشي حلويات واشي ملبسات بس ولا اي حاجه خالص ليه يعني
انا مش هروح عند حد تاني
بقلك ايه متجيب بقي اي حاجه حلوه
الله سترها معاك
كل سنه وانت طيب وديما ممكن

gogo!sf said...

كل سنة وانت طيب

حياة تستحق الانقاذ said...

يعطيك العافية يا باشا

انا معك بكل كلمة بس عندي تداخل بسيط

اسد يقود جيش من الارانب افضل من ارنب يقود جيشا من الاسود

ما عندي اي شك اننا هننتصر فالخير في امتي ليوم القيامة

دمت بخير

أم المييس

بـِصَمتـِـ أميرة ــــى said...

اكتر شىء يضحك ان القادة العرب يقولو فى الاجتماعات الدوليه اتحدو ياعررررب
ولا بيتحدو ولا بينيلو وسورى لكلمة بينيلو بس فعلا احنا نملك كتيييير اوى ومكسلين نفتح عنينا ونشوفه ومكسلين كمان نفكر ازى نستغله
تقبل مرورىلاول مرة ولن تكون اخر مرة

Anonymous said...

تميت كام سنه يا ممكن

momken said...

dodda
ــــــــــــــ


انا اهو موجود انتى بقى الى فين؟؟؟

شكرا على زيارتك الكريمه وسؤال عنى

تحياتى

momken said...

hend...hanady
ــــــــــــــــ

متفق معاكى جداً

تعليق رائع

تحياتى

momken said...

GHARAM
ــــــــــــــ

قريب جداً

هاكون موجود يا ست غرام


متشكر جداً على سؤالك

تحياتى

momken said...

سمكه واحده
ـــــــــــــ

ياستى ولا يهمك المولد النبوى على العموم فى مصر مجرد حلويات لكن عيد الام قرب
وده بقى ادوات منزليه وفازات وحركات

وبعدين

يحنن


تحياتى

momken said...

gogo!sf
ـــــــــــــ

وحضرتك طيبه

معلش بقى التورته خلصت

الا هى فين الهديه

منورانى

تحياتى

momken said...

مجموعة حياة
ـــــــــــــــــ

والله يا ام الميس ...اسد او ارانب المهم يكونوا عندهم كرامهم
وميكونوش مجرد حيوانات عايشه تاكل وتتكاثر وخلاص

تحياتى

momken said...

ملكة بحجابى
ــــــــــــــ

لاء سورى ليه

هما ولا بيتنيلوا ولا بيتزفتوا كمان
ولا يكون عندك فكره

منورانى

تحياتى

momken said...

Anonymous
ــــــــــــ

مش عارف بس انا عايش من زمان

تحياتى

momken said...
This comment has been removed by the author.
Unknown said...

شركة تنظيف بالدمام
شركة تسليك مجارى بالدمام
شركة مكافحة النمل الأبيض بالدمام
شركة مكافحة حشرات بالدمام
شركة رش مبيدات بالدمام





شركة تنظيف
شركة تسليك مجارى
شركة مكافحة النمل الأبيض
شركة مكافحة حشرات
شركة رش مبيدات





تنظيف بالدمام
تسليك مجارى بالدمام
مكافحة النمل الأبيض بالدمام
مكافحة حشرات بالدمام
رش مبيدات بالدمام




تنظيف
تسليك مجارى
مكافحة النمل الأبيض
مكافحة حشرات
رش مبيدات