Wednesday, July 8, 2009

الدم مش ......ميــــــه


بكل ايات الحزن والاسى انعى اليكم الانسانيه... والحضاره... والتقدم.....والديمقراطيه ....وقبول الاخر
ايها الساده
ادام الله عليكم نعمه... التخلف... والرجعيه.... والعمى العقلى


نعم هى بكل المقايس بربريه وتخلف ليس بعده تخلف
هى اقصى صور عدم قبول الاخر..... حد الاقتناع بعدم احقيته فى الوجود والحياه اصلاً
هى العنجهيه المتخلفه... والفكر المشوة والمشبوة
والتربيه المتسلطه
نعم هى نتاج بيت لا يحكمه الا التافهون
ومدرسه لا يوجهها الا المتزمتون
ومؤسسه دينيه لايقودها الا ارهابيون
نعم اخوانى هؤلاء هم الاوربيون
الذين يقولون مالا يفعلون

هم من ينادون بحقوق الانسان - والتى لم تهدر الا على ايديهم فى جوانتناموا وابو غريب وفى اى مواجهه بينهم وبيننا خاصتاً

هم من ينادون بنزع اسلحه الدمار الشامل – ولم يستخدمها غيرهم فى هيروشيما ونجزاكى وغزة

هم من يحذرون من تفاقم واتساع ثقب الاوذون – ويرفضون التوقيع على اتفاقيه الحد من الغازات

هم من ينادوننا ويامروننا بالسلام- ولا احد على وجه الارض يحارب ويقتل غيرهم وان لم يجدوا من يقاتلهم يخترعون الاعداء من الفضاء الخارجى ليقاتلوهم


ماحدث للدكتوره / مروة الشربينى ( رحمها الله)
هو اكبر وصمات الانسانيه
ولا تعيد الى الذهن الا جريمه قابيل فى حق اخيه هابيل منذ بدء الخليقه

لا احب ان اتحدث على اثر تاثرى وتعاطفى مع موقف
اما اليوم فليس بموقف لكنه واقع ....واقع موجود وحقيقى والجميع يتوارى من مواجهته
اقصد فى كل كلامى ان لا اردد مصطلح (العنصريه) لان الفظ ارقى من ان يلصق بتلك الجريمه

هذا الكائن -الذى اكره ان ادعوة انسان- رفض كل الثوابت التى يصدرونها هم الينا
رفض الرقى فى التعامل
رفض قبول الاخر -الى مصدعنا بيه-
رفض الاتيكيت الذى يحترم النساء
رفض القانون الذى يساوى بين الجميع
بل هو رفض الله الذى منح الحياه وقرر هذا الكائن سلبها بلا مبرر الا اعتقاده فى ان الله ليس على صواب

لا ولم يدور فى بالى اى سيناريو اقذر ولا اقبح من هذا
ولا اتصور اى جزاء مناسب لمثل هذا الكائن ومن مثله

لكنى ساحاول قريبا ان اتخيل لو ان الجريمه حدثت فى مجتمع عربى ضد احد الساده الاروبين اسيادنا وتاج راسنا
ايه الى كان ممكن يحصل او يتقال !!!

ماهى العقوبات التى ستفرض علينا
ماهى عدد التاشيرات التى سيتم الغائها
كم عدد البشر هناك الذين سيتم القبض عليهم وترحيلهم لبلادهم مثل الاغنام

كم شحصيه راقيه ستنتقدنا وتكيل لنا كل انواع السباب وتتهمنا بالتخلف والرجعيه

كم برلمان سيتهمنا بلاهارب وضيق الافق وانه يحكمنا قانون الغاب

ثم يقفون دقيقه حداد على روح الضحيه الاوربيه المسكينه

ثم يضطروننا لتسليم الجانى حتى يتشفوا فيه ويفعلوا به ما يريدون

فاين نحن من كل هذا؟
اين حمايه جالياتنا واهلينا واخواننا فى الخارج؟
اين احترمهم لنا والنابع من قوة مركزنا واحترامهم لحكوماتنا؟

اصدقائى
ويا من انتم تشبهوننى فى الملامح والاعتقاد والدين نحن لم نهن على الاخر من فراغ
بل حكوماتنا هانت واحتاجت وطلبت المساعدات وتحالفت وصادقت وتواطأت فاصبحنا الادنى والارخص والاقل والاهون

عندما كان حكمنا اعزاء يملائهم الكبيرياء والعزة وتحميهم قوتهم وتشبعهم ايديهم
كانت الرعيه عزيزة ومحترمه
وعندما حكمنا عباد المناصب والعروش والكراسى
صارت دامئنا بلا ثمن

واه اسفاه عليكى يا رمز العفه والطهاره والشرف والعزة والكبرياء
ياحزن قلبى عليكى يارمز البراءه
والنبوغ والتحضر...ذهبتى انتى بالعزه
وتركتى الرجال بعدك يعانون الذله والخضوع والهوان


حسبنا الله ونعم الوكيل

103 comments:

روح شرقيه said...

رخم الله الفقيده
وجعلها فى مرتبه الشهداء فهى دافعت بكل عزه وايمان ولم تستسلم
ولكن مع مع الاسف صديقى ممكن اننا من اوصلنا انفسنا لتلك المرحله من عدم الاحترام
ليس الكل سواء ولكن الكثيريين والكثيرين هم من اوصلوا الغرب لتلك المكنه ووصلنا نحن لتلك المهانه الفكريه والعقليه والادميه فما حدث لتلك السيده ما هو الا تخلف بكل ما تعنيه الكلمه ونحن ليس لدينا سوى ان نشجب ونهدين ونتظاهر
رحمها الله رحمه واسعه واثابها على تمسكها بعقيدتها

فراشة said...

انا لله وانا اليه راجعون

حسبى الله ونعم الوكيل

من اجمل ما قرأت فى هذا الموضوع هو ما خطاه قلبك

لا يقدر لسانى عن الحديث فيما يخص الدكتورة مروة رحمها الله واسكنها اعلى الجنان

اللهم صبر اهلها وبارك لها فى ابنها واجعله ذرية صالحه تنصر الاسلام والمسلمين

لا اجد سوى ان اقول حسبى الله ونعم الوكيل
ولكن كل شخص لابد ان يعلم ان كل راعٍ مسئول عن رعيته
وبقدر الراعى بقدر الرعية
يعنى كلما زادت المسئولية

حسبى الله ونعم الوكيل
الحساب تقل قوى
لازم ناخد بالنا كل انسان سيحاسب

قوس قزح said...

انت بتقول لو الموقف معكوس
و انا هقولك مش محتاج تعكس الموقف ..بص على رد فعلهم على ذبح الخنازير الفترة اللى فاتت و انت تعرف ان هدفهم اننا نطلع وحشين قدام االعالم كله
يمكن تكون الحادثة دى حصلت علشان ربنا يكشفهم اكتر قدام نفسهم و للعالم كله

و يارب نعرف ناخد حقنا صح و مش يكون رد فعلنا الصوت العالى و بس

ربنا يرحمها و يغفر لها
تحياتى

ست البنات said...

نحن قوم أعزنا الله بالإسلام
فمتى ابتغينا العزة في غيره أزلنا الله
كما قال الفاروق عمر رضي الله عنه

طول ما احنا بنبص للناس دي على أنها القدوة والمثل طول ما هيدونا على قفانا أكتر ويزلونا أكتر ويهينونا أكتر

((ولن ترضى عنك اليهود ولا النصارى حتى تتبع ملتهم))

(فينك يا مومكن)

يوميات شاب منوفى said...

رحم الله الفقيدة ويبقى لنا الذل والهوان

Hadota ... حدوتة said...

هنقول ايه بس يا ممكن
حسبنا الله ونعم الوكيل
انا قاعدة اصبر نفسي بان الحادث دا فردى .. انسان متطرف ومخلول معندوش مبادىء الانسانية .. وياما ناس بتروح تنتقم من ناس لمجرد ان القضاء انصفه مثلا
بس جوهر الموضوع نفسه اللى حاجة غير قابله للاستيعاب .. واحدة لابسة حجاب تبقى ارهابيه .. طب اللى هو عمله دا ايه ؟؟
ليه هو المتحضر المسالم قتل المسكينة دى

انا نفسي اعرف : هي بأى ذنب قتلت !!!


اللى واجع قلبى فعلا كلامك عن ان الموقف لو حصل هناك : الدنيا هتقوم ومش هتقعد .. اومال ليه احنا محدش بيقوم ولا حتى بيقعد عشانا .. ليه مستكترين علينا حقنا فى الحياة اللى هو ابسط حاجة .. قد كده احنا رخاص وملناش لزمة.. ارجع واقولك دى لا اول ولاخر مرة هتحصل حاجة زى كده

ربنا يرحمها .. ويرحمنا
حسبنا الله ونعم الوكيل

!!! عارفة ... مش عارف ليه said...

ما حدث لمروة الشربيني

أقل بكثير مما حدث للمرأة التي قالت

ومعتصماااااااه

ومع ذلك جيش المعتصم جيوشه

لنصرة إمرأة مسلمة


فماذا نحن فاعلون؟

مجداوية said...

السلام عليكم

وما زال الكثيرون يصدقون كذبهم
وهم يرونهم دائما يكيلون بمكيالين
الأمر المحير بالنسبة لي أن هناك الكثير منهم كأفراد عادلون ويرفضون الظلم وهم أنفسهم الذين يختارون حكامهم بكل حرية وديمقراطية وبدون تزوير للانتخابات فاذا كانت حكوماتهم ظالمة جائرة تبيد الانسانية فكيف يستقيم هذا !!!!
نحن كشعوب تركنا لحكامنا من زمن مصائرنا فالمفروض لا نشتكي ولا نلقي باللوم عليهم بل كل اللوم لنا

للأخ مش عارف ليه

تقصد ما حدث لشهيدة الحجاب أكثر كثيرا مما حدث للمرأة التي استنجدت بالمعتصم
وليس أقل كثيرا
فالمرأة لطمها الرومي لطمة على وجهها

لطمة
وليست 18 طعنة

ويخرج وزير خارجيتنا بكل بجاحة وبرود ويقول أن الخارجية لم تقصر

ودائما وأبدا ليس في الامكان أبدع مما كان

ونسكت
ولهذا أصبحنا بلا ثمن

GiGi world said...

لا الدم بقه ميه
بس ان شاء الله طول مافى حد زي حضرتك
الدم مش هيبقى ميه
جزاك الله خيرا على البوست الرائع

زهور الامل said...

انت اول مرة تعرف ان الدم بقى مايه
دي نظرية ثبت وجودها خلاص وخصوصا العرب راحت النخوة والغيرة على دينا ووطنيتنا

زهور الامل said...

وبنستغرب ليه ان الغرب بيعاملونا كدة اذا كنا اصلا ملناش قيمة داخل بلادنا يبقى ازاي ننتظر اننا يكون لنا قيمة خارجها

زهور الامل said...

الغرب يا ممكن بيعاملونا على اننا شئ نكرة بالنسبة ليهم وهما اللي في الاصل اقل من نكرة بشوية هما الارهاب بعينه هما اسلحة الدمار الشامل هما الخوف هما انعدام الامان والطمائنينة

زهور الامل said...

حتى عرب الخليج بيعاملونا اسوا معاملة مع انهم سوري في اللفظ حيوانات
المصري هناك ملوش قيمة ولا تمن بيعتبرونا خدامينهم يبقى مابالك بالغرب المتعجرفين الاقزام اللذين تطاولوا على الرسول الامام

زهور الامل said...

واحنا اللي عملنا في نفسنا كدة رخصنا نفسنا الى ابعد الحدود مقدرناش نحافظ على كرامتنا ودينا ووطنيتنا
اسفة اني طولت عليك بس بجد الواحد مكتئب

زهور الامل said...

ونفسي اصرخ من الحزن على اللي بيحصلنا
الله يرحمها دكتورة مروة ويثبتها عند السؤال
تحياتي

mahasen saber said...

احنا يا ممكن اليى هناعلى نفسنا الاول فبتالى العالم الاخر والنص التانى من العالم هنا عليه بسهوله

يعنى امتى حكومتنا انصفتنا فى بلدنا ولاا فى غربتنا عشان حد يحترمنا وينصفنا بعقلانيه ويتعامل معانا باحترام

بنطلب منهم يحترمونا واحنا مش لاقين الاحترام ده على ارضنا

يعنى من امتى مصرى اتهان بره والخارجيه جابتله حقه
شوية شوشره اعلاميه ويدفن الموضوع مع صاحبه

حاجه مهمه بالنسبه لدينا

اكيد الغرب فاهم الاسلام غلط وواخدنا بمحمل الجهل والكراهيه

بس احنا عملنا ايه لدينا عشان نمحى الصوره دى

الدين معامله ..عاملناهم كويس ولاا شافوا من المسلم الصراخ والدوشه والنفاق والصوت العالى

احترمنا حريتهم ولاا تجرانا عليها فى بلدهم

يعنى افكرك بمقوله معروف ان حد غربى اسلم ولما شاف تصرفات المسلمين قال انه بيحمد ربنا انه اسلم قبل ما يتعامل مع مسلم

...ربنا يرحم مروه برحمته الواسعه
ويصبر اهلها ويتغمد ابنها

الزهره الجميله دى احسبها على كل خير
ربنا يكتبلها منزلة الشهداء

مروه ضحيتنا احنا قبل ما تكون ضحية الجاهل العنصرى ده

ضحية اننا اهملنا واجبنا فى اننا نحسن صورة دينا لدى الغرب

وضحية حكومتنا اليى فرطة فى كرامتنا بسهوله
فأعتبرها الاخر غير موجوده

ربنا يتغمدها برحمته

مش هتاخد مروه من مصر الا الدعاء

MISS\GH said...

لا نملك الا بضع كلمات حسبنا الله ونعم الوكيل
وانا لله وانا اليه راجعون
حكومتنا حكومه مش عادله شوفوا مع سوزان تميم عملت ايه

واهتمت بيها لاقصى حدود والاعلام رصد اول باول كل شىء عن تللك القضيه
لكن لو لينا حق عند الغرب الحكومه هتخاف تتطالب بيه لتفتح ملفات كتيره اتقفلت

رحم الله الفقيده واوهبها فسيح جناته

موناليزا said...

لانملك سواها"حسبى الله ونعم الوكيل"

نـــــور said...

انا نفسى اعرف مين دى وايه حكايتها

كل اللى اعرفه انها اتقتلت بره

فين وليه وعلى ايد مين معرفش !!!!!!!!!!

يبدو انى فعلا كنت فى غيبوبه

الحلم العربي said...

حسبنا الله و نعم الوكيل
هنا على انفسنا فهنا على العالم
اللهم صبر اهلها
حقيقة أغبطها على الشهادة و لكن قلبي يتألم لما آل إليه وضعنا
لما وصانا إليه من ذل و هوان و دونية و خوف من الآخر
اللهم ارحهما
و رد إلينا عزتنا التى استباحتها الأمم بايدي ولاة أمورنا

حاسوباتيه said...

الله يرحمها ويصبر اهلها وحسبي الله ونعم الوكيل في حكومتنا النايمه لا دي ميته مش نايمه

سمكه واحده said...

عندما كان حكمنا اعزاء يملائهم الكبيرياء والعزة وتحميهم قوتهم وتشبعهم ايديهم
كانت الرعيه عزيزة ومحترمه
وعندما حكمنا عباد المناصب والعروش والكراسى
صارت دامئنا بلا ثمن
واه اسفاه عليكى يا رمز العفه والطهاره والشرف والعزة والكبرياءياحزن قلبى عليكى يارمز البراءه والنبوغ والتحضر...ذهبتى انتى بالعزهوتركتى الرجال بعدك يعانون الذله والخضوع والهوان

صدقت
مفيش كلام تاني يتقال

ان الله وان اليه راجعون

ربنا يرحمها ويثبتها ويصبر اهلها ويتولانا احنا بقي
وحسبنا الله ونعم الوكيل

MǿиY El-Shreef said...

ربنا يرحمها ويغفرلها ان شاء الله

مش عارفه اقول ايه اصلا لأنها حاجه تحرق الدم

والله اعلم يمكن في غيرها كتير مانسمعش عنهم احنا

نفسي بجد نرجع زي زمان

بلاش فضايح said...

الله يرحمها
ويرحمنا جميعا من اللى احنا فيه

الحياة بقت كلها ظلم وخوف

حسبى الله ونعم الوكيل

الفراشة الصغيرة said...

ربنا يرحمها يارب

هى وجنينها

وان شاء الله

ربنا يجيب حقها من الظالمين دول

momken said...

روح شرقيه
ــــــــــــــ

ازيك يا اجمل عروسه فى كل المدونات
وعلى الشبكه العنكبوتيه كمان

اخبارك ايه يا رب تكونى بخير

شوفى ياستى

تفرطنا وصل للنهايه واصبحنا بنسعى للوصول الى درجه اعلى من التفريط
المانيا بتدعى ان القاتل مختل عقليا
طب ازاى
لما هو مختل عقليا القاضى حكم عليه ليه فى القضيه الاولى وحبسه ثلاثه اشهر
كان اولى انه يقول انه مجنون زى باقيت اهله مثلا
ويعملولوا زار

لكنه اتحكم عليه فى قضيه السب والقذف والتحرش دينيا بانثى

ازاى يقدره قادر لسلع وبقى ابن مجانين

مش فاهم

والمشكله ان الحكومه عندنا هتصهين وتماين وتفوت واهو الشغب الرخم نقص واحد

رحمه الله عليها

وعوضنا عنها خيراً

تحياتى

momken said...

فراشة
ــــــــــ

ونعم بالله

متشكر جدا يا فراشه

واشاركك الدعاء لاهلها ولامتها وابناء جلدتها

دايما منورانى يا فراشه

تحياتى

momken said...

قوس قزح
ــــــــــــ

عندك حق

اناعرفت ان استراليا بطلت تصدر لينا خرفان علشان احنا بندبح الخرفان قدام بعض

والدنيا اتقلبت علينا علشان بنموت الخنازير قدام بعض
والخزير المسكين بيشوف اهله بيموتوا قدامه

عندهم حق

طيب ولما ام تتقتل قدام ابنها
وهى حامل يعنى القتل مزدوج ولما جوزها يتدخل يتقتل هو كمان لولا العنايه الالهيه
فاين ام الانسانيه فين حقوق الزفت الانسان وفين حقوق المرأه الى الغرب بيتهمنا اننا مش بنحترمها
فيها التقدم والحضاره
فين الحوار
فين وفين وفين

انهم فى كل واد يهيمون ويقولون مالا يفعلون

منورانى


تحياتى

momken said...

ست البنات
ــــــــــــــــ

عندك حق متفق معاكى جدا

ولا استطيه الا ان اقول

(صدق الله العظيم)

انا موجود ياستى بس ماثر شويه فى المدونه

الى بقت شبهه صفحه الوفيات فى جريده الاهرام

منوراتى ياست كل البنات

تحياتى

momken said...

يوميات شاب منوفى
ـــــــــــــــــــ

منورانى ياباشا

ربنا يرحمها برحمته

ابقى افتكر اخوك لما يجى عليك الدور وتبقى رايس

اى نفحه كده


تحياتى

momken said...

Hadota ... حدوته

ـــــــــــــــــــــــ

سلامه قلبك ياستى

المشكله فى الغرب انهم لما بيتكلموا عن الحوار بيكونوا هما بس الى بيتكلموا

ولما بيتكلموا عن الحضارات بيكونوا ضامنين انهم سبقونا
ولما بيتقكلوا عن اتقدم
بيكونوا وثقين من تخلفنا

المشكله مش فيهم المشكله فينا احنا
احنا مترددين وخايفين وحاسين بالدونيه

عارفه لما حد غلبان من الريف يجى ويدخل فندق
يفضل فاكر كل فراش هو صاحب الفندق
بالظبط كده

احنا فاكرين كلاب اوربا ساده
وهما حاسين بنفسهم جدا لدرجه جعلتهم يحتقرونا

انتى منورانى وتعليقك بيسعدنى

تحياتى

momken said...

!!! عارفة ... مش عارف ليه

ــــــــــــــــــــــــــــــ

هو التعليق جميل بس حاسس انه فيه حاجه

ممكن يكون كده

ماحدث للمرأه الشهيره التى نادت وا معتصماه
اقل بكثير جداً مما حدث مع مروة

ومع ذلك حشد المعتصم جيشه
الذى كان اول عند المرأه واخره عند المعتصم

ردى بقى

اه فعلا ده بس كان سعتها فى رجاله
لكنى على يقين ان اخر الرجال اشتشهد فى حرب تلاته وسبعين

انك تسمع ان ناديت حياً
ولا حياه لمن تنادى


تحياتى

momken said...

مجداوية
ـــــــــــــ

الاستاذه العزيزة ماجده المعداوى

اتفق معاك جدا فى ازدواج المعاير وسياسه الكيل بمكيالين

واتعامل معنا على اساس اننا الادنى والاحقر

هم بينهم وبين ابناء جلدتهم عادلون ومتحضرون ويقتربوةن من رومانسيه التعامل

اما معنا فهم حادون ساخطون ويقتربون من عدوانيه التعامل

الله لنا

منورانى يا استاذه

تحياتى

momken said...

GiGi world
ــــــــــــــــ


وجزاكى كل الخير

كلامك ملائنى خجلاً

وانا على يقين انه كثير جداً على شخصى البسيط

جعلنى الله كما تظنون وغفر لى ملا تعلمون


تحياتى

momken said...

زهور الامل
ـــــــــــــــــ

ازيك يا نونو ايوة اول مره

كنت فاكر الدم بلازما وصفائح دمويه
لكن اول مره اعرف انه ميه

العرب اصلا ممكن يكون دمهم ميه
وطبعا ان عارفين ان اغلب العرب تعانى ارضهم من الجفاف

وقد اصب التصحر حتى اورده وعروق العرب ليس فقط ارضيها

منورانى

تحياتى

momken said...

زهور الامل
ــــــــــــــــ

سلامتك يا نونا

المصرى شخص كريم جدا ومحترم
وانا شوفت ولمست ده بنفسى فى دول كتير جدا فى العالم
من زمان
وامثال المصرين الروائع

الدكتوره سميره موسى والدكتور يحى المشد والدكتور جمال حمدان
والدكتور احمد زويل والدكتور مجدى يعقوب
وناس كتير جدا نجوم فى سماء الكره الارضيه

ربنا يهدى الباقين

منورانى

تحياتى

momken said...

mahasen saber
ــــــــــــــــــ

ازيك يا محاسن

متفق معاكى جدا فى كل حرف بس مش هقدر اعلق على موضوع تقصير الخارجيه ده والا هنطرد من البيت
وانتى ميردكيش طبعا

اما بالنسبه لتقصير الدوله فده امر واضح والكل حاسس بيه ولا مسه

وقيمه اى مواطن فى الدنيا تنبع من قيمه بلده وحكومتها

كلنا عارفين ان نص العالم بيكره الامريكان وبيكن لهم العداوة حتى فى اوربا فى كتير بيكروة الامريكان

هل تعتقدى ان اى حد يجرؤ على قتل مواطن امريكى لمجرد انه مش بيحبه

انا شخصيا معتقدش

انتى ايه رائيك

على فكره
انتى عسل وانتى بتتكلمى جد

منورانى

تحياتى

momken said...

MISS\GH
ـــــــــــــــ

هندك حق
متفق معاكى فى كل حرف

مع الفرق الشديد بين الدكتوره مروة
وبين المطربه سوزان الى كانت متجوزة اربعه لحد دلوقتى فى نفس الوقت والاربعه رفعين قضايا على انهم اجوازها
دى غير اصلا ان هشام كان خطيبها

الاقصد ربنا يرحم جميع الموتى
مجوزش عليها الا الرحمه

منورانى فى اول زياره

تحياتى

momken said...

موناليزا
ـــــــــــــــ

ونعم بالله

الذين قال لهم الناس ان الناس قد اعدوا لكم فاخشوة
فزادهم ايمانا وقالوا حسبنا الله ونعم الوكيل


مش عارف ليه حاسس انها دمها فى رقبتنا

تحياتى

momken said...

نـــــــــــــور
ــــــــــــــــــــــــ

اصلا انتى كنتى فى غيبوبه الامتحانات يا نور

فوقى وروقى وهتعرفى شويه شويه

وبعدين هو انتى ناقصه احزان

كفايه الى انتى عملاه

تحياتى

momken said...

الحلم العربي
ــــــــــــــ

جميعنا يهنيها على الشهاده
لكن الشهاده لا تعيفنا من دمائها

التى لو اهدرت فلن تكون الاخيره التى تراق


انتى فين من زماااان


تحياتى

momken said...

حاسوباتيه
ــــــــــــــ

معاكى كل الحق يا سيدتى

اؤيدك فى كل حرف تكتبينه
واساندك جدا

منورانى

تحياتى

momken said...

سمكه واحده
ـــــــــــــــــ

اعزك الله بعزة الذى لا يضام
وحماكى برحمته التى لا تنتهى

اشكرك على تعليقك ياسكمه

وانا لله وانا اليه راجعون

منورانى يا احلى اسماك الاسكندريه

تحياتى

momken said...

MǿиY El-Shreef
ــــــــــــــــ

فعلا فى غيرها كتير

بس لاننا ايدنا مش طاليه ومقطوعه اصلا

مافيش عندنا الا حسبنا الله ونعم الوكيل


منورانى


تحياتى

momken said...

nona
ــــــــــ

برغم انى متفق معاكى جدا
الا انى ارفض ان تموت بناتنا على ايدك مختلفين وجهلاء

وبرغم انها الشهاده الا انى اعتبرها جريمه فى حق كل مصرى
يهدر دم اهله كل يوم دون اى رده فعل

وعدونا يقلب الدنيا على اسير تافه اسمه شاليت

هل هو اغلى من بنتنا لحمنا ودمنا

الحكومه اعلم

تحياتى

momken said...

الفراشة الصغيرة
ـــــــــــــــــــ

امين ربنا يرحمها رحمه واسعه
لكنى لا اعلم اى دين هذا الذى يبيح دم الاخر لمجرد انه لا ينال اعجبنا

المسيحه التى تنادى بالتسامح بل ايضا تنادى بحب من اساء لهم

هل هذا الشخص مسيحى؟؟؟؟

اليهوديه التى تنادى بالسلام والحب وانتظار وعد الرب على اى وضع والتعايش مع الاخيرين
هل هذا يهودى

طيب من اى مله ودين واى صنم يعبد هذا الكائن

انتى منورانى


تحياتى

رؤية said...

فالريرحمها الله
ولا يفتنا من بعدها
وانا اؤيدك فى ضعف ايباغ الحماية على الجاليات المصرية فى كل مكان


وانا لله وانا اليه راجعون

gogo!sf said...

ازيك يا ممكن واخبارك ايه

شوف بقى

احنا اللى مرخصين نفسنا

لو كنت عكست الايه

واللى حصل ده كان عندنا احنا كانت القيامه قامت والدنيا اتخربت

واخدو حقهم تالت ومتلت حتى لو معرفوش مين اللى عمل كده
المهم انهم يخدو حقهم وبس تحت اى وضع


حسبى الله ونعمه الوكيل
ربنا المنتقم

وربنا يرحمها برحمته ويصبر اهلها يارب



يارب تكون بخير دايما يا ممكن

طبعا طبعا انا منورة من غير ما تقول
يا ممكن ميرسى انا عارفه



جوجو

akeed said...

انا لله وانا اليه راجعون رحمها الله وادخلها فسيح جناته و بلغها منزلة الشهداء فعلاً الذى حدث اليها وصمة عار لكل مسلم على وجه الارض انها هانه للاسلام .

و هذا الحادث اوضح امام العالم كله من هم الارهابيين و من هم العنصريين فإن معقلهما اوروبا فلا احد يتهم المسلمين بانهم ارهابيين فالامور قد وضحت امام العالم اجمع .

آفشنا حرامي said...

نتمنى مشاركتم معنا
لأن كل ما يهمكم يهمنا
وحرية القلم ملك لنا كلنا

Wish I were a Butterfly ... said...

بس عارف؟؟
قبول الآخر اللي حضرتك قلت عليه..أنا لو صدقت إنه مش مجرد شعارات في كل مكان في الدنيا مش هصدقها في ألمانيا

لأن هم عندهم العنصرية أو أيا كانت الكلمة لأن فعلا عنصرية مش تنفع، بس هم عندهم تمييز عن أي حد من غير الأصل الألماني بطريقة مستفزة

و أنا شخصيا مش متأكدة إن العالم كدة عرف مين الإرهابيين. لأن أي قضية مش متعلقة بالعرب والمسلمين بتتمحي بسرعة من الذاكرة وكأنها مش حصلت،ومش بيبقى غير اللي بيديننا وبس-بغض النظر طبعا عما إذا كنا فعلا متسببين فيه ولا لأ-. أكيدمتأثرة جدا جدا من وفاتها وطريقة استشهادها، لكن كمان متفائلة بالجنة ليها ولأمثالها لأنها مش سابت حقها وحاولت تدافع أد ما تقدر

ربنا يرحمها
وشكرا ليك على البوست دة بجد

elsha3er said...

السلام عليكم

حسبنا الله ونعم الوكيل

ربنا يرحمها ويقدرنا نخد حقها

تحياتى

احمد الشاعر

(Joudy) said...

مفيش كلام بعد كلامك انت قولت كل الحكاية وكل حيثيتها بس يارب نفوق ونركز ونعرف احنا رايحين لفين

أسفة على التأخير بس غصب عنى سامحنى

دمت بكل الخير والسعادة

بصراحه said...

اظن ان موضوع مروه الشربيني اخذ محورا مختلفا تماما ولولا انها كانت محجبه ماكانت اخذت هذا الاهتمام


عموما الموضوع مسيس وتحول الى موضوع عنصري من المسلمين


ولم يكونوا حكماء عدل في هذه الحادثه


ويكفي الحريه الدينيه في المانيا وغيرها وحريه بناء المساجد والمراكز الاسلاميه في الدول الاوروبيه



لماذا لم يعتبر العرب هذه الحادثه فرديه؟

وهل السائحين اللذين قتلوا في تفجيرات شرم الشيخ والحسين كانت عنصريه من المسلمين للغرب؟



اتقوا الله في حكمكم قبل ان تضخموا الموضوع اكبر من الازم

أحمد الصعيدي said...

يا مصر يابلاد فسيحه
يا ام الطرق والمسالك
مالها شوارعك كسيحه
بعد المكن والتكاتك


السلام عليكم
فقط أغمض عينك
وخذ نفش عميق
واتلقي في جوف الاحلام
فزمن الممكن انقضي

فكرة من الزمن ده said...

انا لله وانا اليه راجعون
ربنا يرحمها
ويصبر اهلها
ويرحم الديمقراطية وخقوق الانسان ويصبرنا في المعاملة الغربية الدونية لشعوب العالم التالت
تحياتي ياممكن وباعتذر عن التاخير
واتمنى يكون اخر اعتذار
ههههههه

RaRa said...

رحمهارحمها الله
واسكنها فسيح جناته

♥نبع الغرام♥♪≈ said...

السلام عليكم


ربنا يرحم الفقيده

وحسبى الله ونعم الوكيل انت يارب منتقم جبار

واشكرك على المرور وان شاء الله يبقا التواصل

تحياتى

ايناس

الهـــــــــــدف said...

السلام عليكم ورحمة الله وبركاتة
جزاك الله خيراً وماشاء الله المدونة بتاعتك جميلة وبها كم من الأستفادة كبير جداً ربنا يجعله في ميزان حسناتك
والسلام عليكم

نوسه وريمان فى هاكونا مطاطا said...

السلام عليك

ربنا يرحم الفقيده وجزاك الله كل الخير

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


انت لسه هنا؟

لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

Anonymous said...

من انا...؟

يا حرام ... بجدالبنت دى قطعت قلبى جدا جدا

وبعدين الراجل ده مجرم خالص ووحش كمان

ربنا ينتقم منه

هو ايه ده مش بقى فى حد عنده قلب خالص كده ولا حنيه ولا احساس

..
..
..
.
والله محد حساس ورقيق وجميل غيرك يا ممكن

mira said...

المشكله يا ممكن مش فى الناس الاوربيون
المشكله والغلط عندنا احنا
لاننا عاييشين فى بلد لا تعز ابنائها بل تزلهم وتجعل كل من يستطيع اذللاهم يذل
فلازم يعملوا كل ما يحلو لهم
لو حد من بلد اجنبى اصيب او قتل فى مصر حتى لو بطريق الخطأ ياربى على اللى هايجرى للى تسبب فى ذلك اعدام فورى بلا محاكمه
واما احنا لو بلد خارج مصر وحصل اى شئ عادى جدا المصريين فى منهم كتير
بمعنى ادق احنا ليس لنا قيمه ولا سعر ولاديه فى اى بلد
والسبب الحكومه المصريه صدقنى
القوى بيزيد فى بطشه على الضعيف والسبب بيكون ضعف الطرف الاخر
معلش اهى حياه ولازم نعيشها مجبرين ما فيش فى ايدينا حاجه غير الكلام والشكوى
وربنا يرحم الدكتورة مروة ويرحم كل اموات المسلمين
معلش يا ممكن طولت عليك
دمت بكل خبر

Anonymous said...

صديقى العزيز اوى اوى اوى
اولا احيك على جميع كتباتك الشيقة و الممتعة و الهادفة
و احيك على اسلوبك الراقى و سهولة توصيل الغرض من المقال للقارئ
و لكننى لحظت منذ فترة و انت تكتب مقالات متأثرا بعض الحوادث سواء عالمية او داخلية
و هذا يبدو ممتعا ان يكون الانسان متأثرا بمحيطة الخارجى و الداخلى
مثل كتاباتك فى مقال ـ زمن التنطع , وحدة الحزن و الدم مش .... مية
و ان كان رائى ان من الممكن ان تسرد هذه الاحداث باسلوبك الدرامى الفكاهى
مثل مقال على سبيل المثلا : خيانة مشروعة ـ عملت شوبينج ـ قرار ..... الخ
نعم جميعنا فقدنا الدكتورة/ مروة بنت الاسكندرية بنت مصر المحروسة
شهيدة الحجاب
لا بل هى شهيدة ضعف و هوان العرب و الموسلمين
هى شهيدة دفن الحق و اظهار الباطل
هى شهيدة بسبب كل مسلم مقصر فى حق دينة و وطنة
فدمها فى رقبة الرؤساء و الملوك العرب
رحمها الله و غفر لها زنوبها و ادخلها الجنة ان شاء الله
و اسال الله ان يكون اهلها من الصابرين
ارجو ان لا اكون مزعج او متطفل
لك خالص تحياتى و حبى و تقديرى
MMS

moone said...

حقا حادث مؤثر وشنيع جدا

رحم الله الفقيدة

احييك على اسلوبك الرائع واهتمامك بما حدث للدكتورة مروة وغيرها

لك جزيل الشكر

زهور الامل said...

ازيك يا ممكن

انت فين كل ده
طمنا عليك
يارب تكون بخير

تحياتي

آه وكفى said...

الله يرحمها ويحسن اليها
شهيدة بأذن الله

بس احنا اللي بلادنا مضيعة حقوقنا مش هقولك اكتر من كده

Known as PHYSCO said...

لا شئ يقال .. وهل كان من المنتظر إن بلادنا تعمل حاجة .. احنا هاينين عليها هاينين عليها .. أكيد مش هتعمل حاجة .. آخرها هتشجب وتندد وترفض .. والسلام عليكم ورحمة الله وبركاته

فـُتات مشاعِر said...

شهيدة هي ,إن شاء الله
وهذا عوض يكفيها

:::::::::::::::::::
بالمناسبة


فيه مسابقة عن أحسن مدونة عربية (متخصصة أو شخصية) والجائزة 4000 دولار

المعلومات والاشتراك هنا

http://arabisk-award.com/

إن شاء الله أتوقع لك الفوز
(تبع الجزيرة)

dina said...

و الله مافى حاجة تتقال بعد كل الكلام دا
الله يرحمها

سلمى said...

لا استطيع الا ان اقول حسبنا الله ونعم الوكيل لكن اخى لا تنسى ان نحن ايضا لنا دور فى ما حدث لولا وهننا وضعفنا وكثره ذنوبنا لما حدث كل هذا
جزاك الله خيرا

زهور الامل said...

طب انا وقولت جايز مخاصمني وواخد على خاطره مني ولا حاجة وانا مش واخدة بالي

طب مخاصم المدونة بتاعتي هي كمان
جايز علشان هي بتاعتي وكمان يمكن انت واخد على خاطرك منها

طب المدونة بتاعتك بقى مخاصمها لييييييييييه وفين جديدك

انت عارف اننا بنستنى كلامك وبوستاتك من البوست للتاني

انت فين بجد ومش بتسال ليه

يارب تكون بخير

طمنا عليك

momken said...

رؤية
ـــــــــــ

متشكر على الزياره الغاليه جداً
وعى تأيديد لشخصى البسيط

تحياتى

momken said...

gogo!sf
ـــــــــــــ

ازيك يا جوجو

اه شوفت
ربنا يسترها معانا
انهارده بنموت بره بكره نموت جوة

رحم الله المعتصم
كان اخر ارجال سواء المحترمين او حتى على الاطلاق

تحياتى

momken said...

gogo!sf
ـــــــــــــــــ

اكيد طبعا يا جوجو منوره
ولازم اقول طبعا وعلى الملاء

يا جماعه انا بفرح جدا لما جوجو بتزورنى
وبحس بالفخر واحيانا بالغرور كمان

انبسطتى يا ستى

منورانى بجد يا جوجو

تحياتى

momken said...

akeed
ـــــــــــ

متفق معاك جدا يا اكيد

وامين على كل دعائك


تحياتى

momken said...

آفشنا حرامي

ـــــــــــــــ

طبعا يشرفنى انضمامى

دانا اتهريت سرقه

اصلا لو التلاجه اختفت من البيت
يبقى هدور فى بلوجر عليها

تحياتى

momken said...

Wish I were a Butterfly
ـــــــــــــــــــــــــــــ

عندك حق الالمان لسه نازين وفاشين جداً

وايمانهم بنهم عنصر افضل مازال موجود ومنتشر جداً

الغريب انهم ممكن يطلعوا الكلب ده تعبان نفسيا او مريض فى مخه
ويضيه دمنا هدر

منورانى


تحياتى

momken said...

elsha3er
ــــــــــــــــ

امين

ايما يقدرنا ناخد حقها وحقنا ايما يجيب ربنا رجاله اجدع مننا تاخد حقها وحقنا

تحياتى

momken said...

elsha3er
ــــــــــــــــ

امين

ايما يقدرنا ناخد حقها وحقنا ايما يجيب ربنا رجاله اجدع مننا تاخد حقها وحقنا

تحياتى

momken said...

(Joudy
ـــــــــــ

جودى انتى تيجى وقت ما تحبى وتاكدى انى دايما بانعم بطرف انتظارك فى سعاده
ومتشكر على كلامك الجميل

تحياتى

momken said...
This comment has been removed by the author.
momken said...

بصراحه
ــــــــــــــ

انتى حاجه من اتنين

مـــــــريضه او مســــــــكينه

ومافيش تحياتى

momken said...

أحمد الصعيدي
ـــــــــــــــ

اذا كان زمن الممكن انقضى يا ابوحميد

فها انا اعلنها

من انهارده انا مــــــمكن



تحياتى

momken said...

فكرة من الزمن ده
ــــــــــــــــــــ

وعلى رائى الواد بتاع فيلم كلم ماما

الله يرحمك يارجوله

وابقى اقرلها الفتحه ياروح امك

شر البليه ما يضحك

تحياتى

momken said...

RaRa
ـــــــــــ


امين

تحياتى

momken said...

عاشقة الأحزان
ــــــــــــــــــ

وعليكم السلام ورحمه الله

يشرفنى وجودك ومرورك دايما

ومتفق معك فى كلامك


تحياتى

momken said...

ALHADF
ــــــــــــ

متشكر على تشجيعك
ومرورك
ومبروك المدونه الجديده


تحياتى

momken said...

ريمان ونوسه فى هاكونا مطاطا
ــــــــــــــــــــــــــــ

ربنا يرحمها رحمه واسعه

ــــــــــ

وانا وراكى فوريره

تحياتى

momken said...

Anonymous
ـــــــــــــــ

متشكر جدا على مشاعر حضرتك

تحياتى

momken said...

mira
ـــــــــــــ

عندك حق يا ميرا

متفق معاكى فى كل كلامك

رشحى نفسك فى رياسه الجمهوريه وانا والله انتخبك


تحياتى

momken said...

Anonymous

ــــــــــــــــــ

ازيك يا درش
عامل ايه يامان يارب تكون بخير

حاضر يا متر من عنيا كل كلامك اوامر

بس مانتى بتقرا كل الى بكتبه اول باول
بس عنيا لاتنين ياباشا نكتب الى بتحبه

كل سنه وانت طيب يا درش


تحياتى

momken said...

منى فريد
ــــــــــــــ

جزاكى الله خير يا استاذه منى

مرور حضرتك شرف كبير لشخصى البسيط


تحياتى

momken said...

زهور الامل
ــــــــــــــ

اهلا اهلا ياجمل زهور

الى مسيحالى وبتقول انى مخصمها وحجات كده

الله يسمحك ياستى

بس لما تجى احدف بيتكم بالطوب متزعليش بقى

انا موجود يا ستى بس مشغول جدا

تحياتى

momken said...

آه وكفى
ــــــــــــــــ

متفق معاكى جدا
انا الى مضيعين حقنا وقريب هنضيع نفسنا لو كانت لسه مضعتش


تحياتى

momken said...

بيقولوا سايكو
ـــــــــــــــــــ


دىلو حركوا ساكن اصلا

الدول المحترمه بتقاتل سياسيا ودبلوماسيا من اجل استعاده مجرميها من دول اخرى

حتى ان بيل كلينتون راح الصين علشان يخرج مسجونه من السجن

يعنى مجرمه وارتكبت نصيبه واتسجنت
اتحرك رئيس دوله علشان يطلعها
واحنا دمنا بيسيح ما فيش كلب هوهو حزنا على دمنا

تحياتى

momken said...

بـلاش تـولــديـنـــيي
ــــــــــــــــــــــــــــ

اكيد شهيده انشاء الله

بالنسبه لمسابقه مش سكتى خالص


متشكر يت فندم على الترشيح

تحياتى

momken said...

dina
ـــــــــــ

والله زيارتك بتسعدنى اوى


تحياتى

momken said...

سلمى
ـــــــــــ

عندك حق

اسال الله ان يرحمنا ويغفر لنا تقصيرنا
وان يبعث فينا من يحرك ركود مياهنا
وبرود دمائنا

تحياتى

momken said...

زهور الامل
ـــــــــــــ

الله يسمحك

هو حد يخاصم القمر
او مدونه القمر

انا مقدرش والله

بس فعلا والله مشغول جدا


منورانى

تحياتى

مجداوية said...

السلام عليكم

كل عام وأنتم بخير

رمضان كريم

mahasen saber said...

لا طبعا معتقدش ولاا انتا ايه رأيك

وبعدين اتطرد بيت اختك موجود فى الشارع


انتا تنور اى مكان تروحه ايها الممكن المستحيل

momken said...

مجداوية
ــــــــــــــ

وعليكم السلام ورحمه الله وبركاته

وحضراتكم بخير

رمضان مبارك

تحياتى

momken said...

mahasen saber
ــــــــــــــــ

طبعا طبعا

وعارف انك اهل الكرم واهل الجود
واصل الجدعنه .....والحمشنه ومش عارف يعنى ايه الحمشنه

بس لو كانت اشتقاق من حمش..يبقى مش انتى خالص انا عارف انك رقيقه موت

تحياتى