Saturday, October 23, 2010

الحصه الاولى





حين تنهار جسور الثقه الممتده على طول نهر ( الحب ).

...لا تسقط الا فى النهر....

فيتوقف تدفق المشاعر الطيبه

.ويغدو النهر وادياً قديماً ...ضيقاً.

.ليس له وجود الا فى دروس الجغرافيا



78 comments:

Anonymous said...

خاطرة ممتازة
أحس فعلا هذا الأحساس

شهووووده said...

كلامك مؤثر وتعبيرك قوي بجد....

Ramy said...

كلامك صح يا ممكن

لأن الصداقة مبنية فى الأساس على الثقة
و لو تم أنهيار الثقة أنهارت الصداقة

أنا أثق بك لذلك أنت صديقى

صيدلانيه طالعه نازله said...

الف لايك على كلامك
بس الثقه مطلوبه
فى كل العلاقات الانسانيه
وليس فقط فى الصداقه

بس ده لا يمنع ان الخاطره جميله

شوية قهوة said...

حلوة اوي
وفعلا صعب جدا
ان الثقة تنهار بين الاصحاب
تحياتي

لــــ زهــــــراء ــــولا said...

ممـــــــــــــكن

-*-*-**-**-**-*

ابدا التعليق بعنوان البوست او الصوره او الكلام .....

نبدا بعنوان البوست الحصه الاولى افتكر لما كنت فى المدرسه مش من زمان قول كده من اربع خمس سنوات "ههههههه " كانت عادة الحصه الاولى بتكون ماده مهمه يعنى كأن باقى المواد مش مهمه بس يمكن عشان الواحد كان بيكون صاحى وفايق وفى اول النهار وممكن تكون معنى الحصه الاولى انك ناوى تنزل لنا حصص اخرى على العموم ايا كان الهدف من الحصه الاوى وتسمية البوست لها ربنا يوفقك فى باقى الحصص

الصوره لجسر من الخشب او الطوب يعنى جسر مادى لكن جسور الصداقه جسور معنويه لما الجسر المادى بينهار ممكن نتصل بأى شركه تيجى تصلحه لكن اى جسر معنوى بينهار بيكون خلاااويص مافيش اى معنى لاصلاحه ومش ينفع يترمم مره تانيه ..

اى علاقه فى الدنيا اقصد بكلمه علاقه هى علاقه محترمه لانك اكيد عارف ان كل كلمه تحمل اكتر من معنى...

المهم اكمل كلامى اى علاقه لابد فيها من وجود الثقه فمابالك بأجمل العلاقات على الاطلاق وهى الصداقه اهم ركن وركيزه فيها هى الثقه المتبادله مش واحد يثق فى التانى وبس لازم تكون متبادله ...

انت هنا اتكلمت على نقطه واحده فى الصداقه وهى الثقه هى فعلا مطلوبه لكن مطلوب معها حاجات تانيه كتير اهمها اننا نراعى بعض ماحدش يظن فى التانى كل شويه ظن سوء ويرجع يعتذر لان وقتها اكيد فى صديق هيرمى التانى فى النهر ويخلص منه وهنا بقى المشاعر هتنتحر ويبقى النهر شبه نهر النيل مليان ملوثات كتيييييييييييييييييير


كالعاده طبعا اطول تعليق واظن انك متعود على كده يا ممكن

لا انكر ان البوست حلو اوى ويمكن تأثرت به لانى باعشق كلمة الصداقه وربنا يبارك لى فى كل اصدقائى ...

زهراء

رحاب صالح said...

هي فعلا جسور ممتدة ....من الثقة والصدق...لكنها صعبة ان تبقي متينة
ولكن هناك صداقات حقيقية ولكنها للأسف قليلة جدا
حلوة اوووي الخاطرة

هموس said...

أيها الممكن المستحيل تكراره
أول حصة في دروس بناء جسور الصداقة
وكل ماهو يندرج تحت المثل والعلاقات
المثلى ... لقد أوجزت فأبلغت ....
انهار الجسر الممتد على طول مشوار الصداقة ...فغلقت المشاعر وعلى فوقها
جدران صماء لاتحس ولا تعي ...وفجاة يتحول النهر الساري لوادي ناضب المياه جاف ميت بلا حياة وتتحول شقوق جفافه لخطوط وهمية على خارطة ورقية
من وضع البشر...رائع ات ايها المعلم
ولازلت انتظر عند ضفة نهر الأوهام المسدود بانهيار جسره الحصة الثانية
علني احفظ على جسوري او ألحق ما لم بالجدار من وهن......تقبل مرري
هموس

Tears said...

صعب وجود صداقة حقيقية فى زماننا هذا فقلما تستمر تلك الصداقات و تأخدنا مشاغل الحياة بعيدا

Anonymous said...

خاطرة دسمة قليلة الكلمات لكنها تحوى الكثير من الاحاسيس
الصداقة والثقة يتمثلان فى علاقة صحيحة اى كانت نوعية العلاقة
ان غابت الثقة ضاعت الصداقة
خاطرة جميلة
تسلم ايدك يا ممكن
تحياتى

زهور الامل said...

ايها الصديق والمعلم العزيز الرائع جداااااا

دائماً وأبداً أتعلم منك أروع الدروس والحصص

فالصداقة جسر قوي لا يستطيع الزمن أن يكسره إذا كانت على أساس سليم وعلى ثقة متبادلة وأقتناع والصداقة لها 3 مفاهيم أو تتدرج في ثلاثة درجات
أولاً: صداقة: وهي التي تقوم وتبنى على الثقة القوية والمشاعر المتدفقة والحب وفهم كل طرف من الطرفين لنظرة عين الآخر وماذا يريد وماذا يحتاج وماذا يود أن يقول وهذه أقوى أنواع الصداقة
ثانياً: صداقة مائلة: وهلى التي تتكون عن طريق الدراسة أو العمل وتنتهي بسهولة فور انتهاء الموقف أو الظروف ومدتها لا تتعدى عدة سنوات
ثالثاً: معرفة: وهي التي تنحصر في جملتين وهما
السلام عليكم..... وعليكم السلام

وعلم جيداً أنك تقصد أولهم وهو الصداقة القوية التي تبنى على أساس قوي دون أي مصلحة بين الطرفين ودون أي اهتزاز لآواصرها وتبنى على الاهتمام والمشاعر الانسانية

فأنا أثق بك كثيراً لانك تستحق كل التقدير والثقة والاحترام

تحياتي وفي انتظار الحصة الثانية

Ms Venus said...

كلماتك

عبرت عن شىء جوايا


هى الثقة

والثقة فقط


ولا شىء غيرها


تحية ليك

جايدا العزيزي said...

كلامات قليله ولكنها تحمل الكثير

من المعانى النبيله

حقا راقت لى

دمت مبدعا

تحياتى

Israà A. Youssuf said...
This comment has been removed by the author.
Israà A. Youssuf said...

ان تجد الصداقة الحقيقية في أيامنا هذه هو شيء نادر.. الناس دلوقتي عندها شيزوفرينيا مستعصية..!!

كلمات من نور said...

جميلة كلماتك يا ممكن وحقا جميلة جسور الثقة والصداقة وربي لا يحرمنا أبدا من هذه الجسور

تحياتي

مسلمة حرة said...

هذه فلسفة عميقة.. كيف تتحول الجسور التى تساعد على العبور إلى سدود تحجب الوصول.. ياله من تحول ناجم عن فقدان الثقة ويالها من خسارة يصعب أن نعوضها .. فإما أن نعيش فى الوادى القديم .. او نعيد بناء الجسور التى هدمناها .. وهذا يحتاج البذل الكثير من الوقت والجهد ... ولم لا نفعل فى سبيل من نحب ... أنه (ممكن)

bentelghrob said...

انهيار الثقه لو دخل فى اى علاقه انسانيه أياً كانت بيجعلها جثه خربه متعفنه ليس لها اى قيمه....
حصه مهمه بتمس اهم المشاعرالمؤسسه لكل علاقه انسانيه وهى الثقه
ولكن المشكله هى ان تزرع بذور الثقه هذه فى قلوب جرداء فلا نحصد الا الاشواك ويالخيبة الامل عندما نتاكد اننا اخترنا ارضا ليست اهلا للثقه
فى انتظار الحصه الثانيه
وياريت نلاقى فيها حل نقدر نبنى فيها جسورنا تانى حتى علشان نعرف نعيش
وكفايه انهيار بقا وخطوط سودا
شكرا استاذى
تحياتى.

richardCatheart said...

صحححححححححححححححححح

s.h said...

نعم محق يا ممكن ولكن دائما هناك شعاع الأمل الذي يأتي من شخص أخر يستطيع ان يحي الثقه والحب بداخلنا والمشاعر الطيبه دائما لايوقفها شخص معدوم الثقه ولكن دائما لا ينبغي ان تقف المشاعر الطيبه وتعدو فوق ايه صخره تقابلها وتتخطاها كما نتخطي في حياتنا الكثير ونتعلم ونتعلم ولكن نحن نبقي كما نحن لايتغير ما بداخلنا من صدق ومشاعر طيبه

تحياتي

gogo!sf said...
This comment has been removed by the author.
gogo!sf said...
This comment has been removed by the author.
gogo!sf said...

حقاً اذا انهارت الثقه فأنقطع حبل الوصال

ولكن لا تشترط فى الصداقه فقط

الثقه مطلوبه فى كل الاحوال يا عزيزى

طول عمرك بتقول كلام فى الصميم
ومقنع جدا جدا يا ممكن

منتظرة باقى الحلقات انت عارف الامتحانات قربت بقى وكده

عجبنى عنوان البوست على فكرة

دائما متميز باسلوبك الراقى يا ممكن

جوجو

Mona space said...

احسنت التشبيه

شهد الكلمات said...

الله امبارح كانت صداقة اية اللي قلبها بقت حب
ولا ده التطور الطبيعي للحاجة الساقعة :)

عموما اي علاقة بين شخصين سواء صداقة او حب لو مافيهاش ثقة و صدق بتنهار
بس الثقة مابتجيش غير بالتدريج و الصدق هو مدخلها لما الانسان بيحس ان اللي قصاده صادق في مشاعره سواء برده حب او صداقة بتبتدي تتكون عنده احساس بالثقة اتجاه الشخص ده
اما اذا حس ان اللي قصاده مش صادق او ملاوع او او بيبتدي يدخل الشك بنهم و ده بيكون الضلع الاساسي في انهيار العلاقة

اما اذا كانت الثقة موجودة و اتهزت ففي ناس كتير عندها مقدره على التمثيل و الخداع و الادعاء بما ليس بها
و دول حسبي الله و نعم الوكيل فيهم
و مايتبكيش عليهم
بس اللي بيضايق
انك بتحس انك اتخدعت او انك مش بتعرف تحكم على الناس صح و ده بيوجع

بس انا بضم صوتي لصوتك و بقول
حين تنهار جسور الثقه الممتده على طول نهر الصداقة و الحب
...لا تسقط الا فى النهر
فيتوقف تدفق المشاعر الطيبه
.ويغدو النهر وادياً قديماً ...ضيقاً.
.ليس له وجود الا فى دروس الجغرافيا

تحياتي

sony2000 said...

مش هيبقي فالجعرافيا بس ياممكن
ولا التاريخ وحياتك
لانو بمجرد انه لما يسقط
كل حاجه
واكتر حاجه بتطلع
الذكريات
واكترها هي القاتمه

المدفعجي said...

خاطره رائعه

ツSmiLeY AnGeLツ said...

السلام عليكم
كلامك جميل وله تاثير على القارئ
ربنا يوفقك ويسعدك
سلامي ليك.

همسات وبحــ الحياه ــر said...

الله الله
كلااااامك مظبوط

سمكه واحده said...
This comment has been removed by the author.
سمكه واحده said...

ممكني العزيز
صعبتها علينا اوي لما كانت صداقه كانت هتبقي حصه اولي وكمان متاحه للجميع انما دلوقت انت كده خلتها درس خصوصي وانت عارف الدرس اخصوصي غالي ومش متاح للجميع
وبعد ما كانت عامه بقت خاصه وخاصه اوي
اعتقد دلوقتي مش الحصه الاولي دي الحصه لاخيره اللي الطلبه بيلموا فيها الكراريس والاقلام ويحطوا شنطهم وري ضهرهم ويروحوا
دي بقت النهايه مش البدايه وربما تكون نهايه لبدايه جديده
بس نرجع ونقول مهما كانت الثقه مطلوبه سواء في الحصه الاولي او الاخيره ونتمني كلنا نتعلم ازاي نبقي اهل للثقه دي الي من خلالها بتدفق المشاعر الطيبه لانها بتكون المركب اللي بتنقلنا من مكانه لمكانه ارقي واعلي وربما اغلي وكل ما تذيد كل ما نغلي ونعلي وتذيد ارصدتنا لدي احبائنا ونوصل لشاطئ الامان الخاص بهم
شاطئ خاص بقي
(:
خاطره حلوه اوي وفيها جغرفيا وتاريخ كنت اتمني يبقي فيها درس عربي
يا استاذي العزيز
طول عمرك استااااااااااذ
(وش بيغمز

BNT ELISLAM said...

الثقه نوع من انواع بناء الحب الحب بدون ثقه شكل ممميز بدون تاسيس وبناء سليم
لانها تنبنى على غش فى اى علاقه من العلاقات والارتبطات سواءصداه حب
موده بين شخصين

فالثقه حياه نعيش فيها لنحيا بها

momken said...

يوميات شحات
ـــــــــــــ

المره دى مش هقول يحنن..زوهديلك الى فيه القسمه

متشكر اوى لرئيك مرورك

انت كمان مدونتك جيله ومجنونه ومختلفه

تحياتى

momken said...

شهووووده
ـــــــــــــ

مرورك هو الاكثر تاثيرا وطلتك هى الاقوى على الاطلاق


تحياتى

momken said...

Ramy
ـــــــــــ

الله عليك يارمى
دايما كلامك فى العمق ويمس قلب الموضوع


تحياتى

momken said...

صيدلانيه طالعه نازله
ـــــــــــــــــــــــ

لايكات بتعتك حسيسيتنى انى فى الفيس بوك

دائماً ما تضفين روح على اى مكان تكونين فيهوتنشرين جو ملىء بالبهجه والسعاده

وتبثين هذا كله فيمن حوالك
فانت مصدر مشع للسعاده والبهجه

دمتى فى منتهى الطيبه


تحياتى

momken said...

كلام من قلبي
ــــــــــــ

متشكر للزياره الكريمه
والكلام الطيب جدا

واتفق معك بشده لكنها احيانا تنهار


تحياتى

momken said...

لـــولا وزهـــراء
ـــــــــــــــــــــــ

زهراء

ياااااه انتى كنتى فى المدرسه من خمس سنين انتى قديمه اوى
بس مش اقدم منى طبعا

دائما ما كانت تعنى الحصه الاولى اهميه الموضوع والتوقيت

بالنسبه للصوره
منت مصر ان الجسر يكون ضخم لدرجه انه لو اتهدم يردم النهر او على الاقل يمنع تدفق المياه فى النهر والتى اتخذها رمزا للمشاعر نظراً للتشابه الشديد بينهم

فكما ان الحياه لا تقوم بلا ماء فان الحياه لاتقوم بلا مشاعر

وكما ان الحضاره لا تقوم الا على ضفاف
الانهار فان الحضاره لا تقوم الا بالحب

...
اتفق معك بان كل العلاقات تقوم على مبداء الثقه
ولذلك كنت مصر على تغير الصداقه بالحب بعد يومين وكنت انوى هذا منذ كتابه البوست اول مره ولذلك جعلتها بين اقواس
...

سيدتى الثقه تعنى تخطى على الاشياء الاخرى فمن الثقه ان اامن على اسمى وحياتى ونفسى مع من احب
اذا وثقت به فهذا يعنى انه تخطى كل العراقيل والاختبارات والموانع حتى واصل ان ائتمنه على حياتى نفسها ومشاعرى وهى اغلى ما نملك جميعا

..........

سيدتى بالنسبه للظن السؤ ربنا ياتى من سؤ تفاهم ليس الا وهنا يقف الصديقان امام بعض يتعاتبان ومجرد وجود العتاب من الطرفين يعنى هذا ان بينهم الكثير جدا

كون احدهم فهم بشكل خطأ وعاتب الطرف الثانى فهذا لا يعنى الا اهميه الطرف الثانى عنده
وكون الطرف الثانى لم يغضب جدا وفهم الطرف الاول خطأه فهذا يعنى انه ايضا مهم جدا لديه

تعلقك ليس طول لكنه شيق جدا

شكرا على رائيك فى البوست


تحياتى

momken said...

re7ab.sale7
ـــــــــــــ

اتفق معك جدا انها صعبه لذلك كان لرسول الله صديق واحد فقط والباقين صحابه وليسو اصدقاء

متشكر لرئيك فى كلامى

وزيارتك الجميله

تحياتى

momken said...

همـــوس
ــــــــــــ

ايتها المرأه الاستثنائيه جداً
كونى مستحيلا فانت لا يستحيل عليك شىء

اتفق معك بشده على انى اقصد اغلب العلاقات
لذلم استبدلت كلمه الصداقه بمعنى الحب
فى اليوم لابرهن على امرين
الاول ان الصدقه ممكن ان تتحول لحب دون قصد ان تدبير او خطط مسبقه وليس العكس
وقد تعلمت من احد الاصدقاء ان الحب لا يمكن ان يتحول الى صداقه وكان مصر اصرار غريب على رائيه مما اقنعنى

...
حين تجف مياه النهر او تجف المشاعر يبقى من الحب اطلال لا تغنى من عطشززهى اقرب الى الخراب منها الى علاقه جميله
ولا نشعر كلما تذكرنها الا بالاسى


سيدتى علينا جميها الحفاظ على جسورنا قويه او ان نرمم ما الم بها من اعطاب وشروخ لنبقى المشاعر متدفقه بيننا وبين من نحب

مرورك يملائنا بهجه

تحياتى

momken said...

Tears
ـــــــــ

ولا صعب ولا حاجه الموضوع فقط محتاج حسن اختيار لهؤلاء الاصدقاء

وقتها نشعرهم مدى اهميتهم لدينا
وسيقدمون كل عزيز للحفاظ علينا


تحياتى

momken said...

الحب الجميل
ـــــــــــ

قوولت فاوجزت ولمست قلب الموضوع

بلا ثقه ليس هناك اى شىء البته

ومع وجود الثقه توجد كل العلاقان الانسانيه وليس لدينا طرف الاختيار من بينها فالعلاقه تفرض نفسها على الطرفين دون اى خطط مسبقه


تحياتى

momken said...

زهور الامل
ـــــــــــــ
عروس المدونات الجميله جدا

اولا الف مبروك وربنا يتمم بخير

قلت فتعلمت تعليقك الكثير

كان الدرس درسك وكنت تلميذك حتى تهايه التعليق

اتفق معك فى كل كلمه

خالص التهانى

وتحياتى

momken said...

Ms Venus
ــــــــــــــ

ربه الجمال

يسعدنى ان تنال حروفى المتواضعه رضاك
وان تلمس فهذا مالم اكن حتى ان اطمح فيه

يشرفنى جدا مرورك المميز

تحياتى

momken said...

جايدا العزيزي
ـــــــــــــــ

كلماتك تملائى سعاده

ومروك له مذاق خالص جدا


تحياتى

momken said...

كلمات من نور
ـــــــــــــــــ
العزيزة..كلمات من نور

اشكرك على رائيك المحترم جدا ولو انى اعلم ان شهادتك مجروحه...مقدارى عندك

اسعدتنى كلماتك جدا
وانتظرك على الداوم

اساله سبحانه ان يحمى هو جسورنا

تحياتى

momken said...

أنا حرة
ــــــــــ

اختى الغاليه
كل النعم التى وهبنا الله اياها يمكن بايدنا ان نحولها لغير وظيفتها الاساسيه

حتى اننا يمكن ان نحول نعمه الله كفرا
وهو سبحانه اخبرنا بهذا وحذرنا منه

والحب هو اغلى نعم الله فاخر مراحل الحب تاتى العباده التى بها نتقرب من الله

لكننا بغبائنا نحول اطهر العلاقات الى اشياء اخرى ونلوثها حتى اصبح الحب وصمه نخجل منها ونخفيها
تلك العلاقه التى امر رسول الله فافشائها
بان يقول احدنا للاخر انى احبك فى الله

اصبحنا نتورى منها من سؤ فعلنا وسؤ استخدمنا لتلك المشاعر الراقيه جدا

ــــــــ
نعم سيدتى الرائع جدا لما لا نشرع فى اعاده بناء تلك الجسور التى هدمتها سواعدنا
ولنا مطلق الحريه فى سرعه الانتهاء من الترميم


تحياتى

شمس النهار said...

اي علاقه في الكون مبنيه علي الثقه

تصدق حتي الحراميه في قلب بعض لازم يكون في بينهم ثقه
:))

الثقه قوام وعمود الكون

انت كتبتها بصدق شديد فعلا
ان شبهت الثقه بالجسور

تشبيه صادق وبليغ

تسلم افكارك وموهبتك

:))

momken said...

bentelghrob
ــــــــــــــ
ياسمينه المدونات الرقيقه جدا والناعمه كالندى

كلماتك كعقد ملضوم من مجموعه من الؤلؤ الدرى الجميل

كلماتك ابلغ من حروف البوست

دائما مبدعه ومميزة

كفايه ياستى


تحياتى

momken said...

richardCatheart
ــــــــــ

ههههههههههه
فكرتى بكراسه املا بتعتى علشان الميس كان بتخاف امى تعاقبنى فى البيت مكنتش بتحط رقم

كانت بتعمل صح فقط
هو انتى تعرفى ميس نورا؟


منورانى

تحياتى

momken said...

s.h
ـــــــــ

حاولت الاقى تعليق لحضرتك عند حد ملقتش
كمان لاقيت مدونه حضرتك مقفوله

هو حضرتك فاتح او فاتحه المدونه مخصوص علان تعلقى عندى؟

بس للامانه كلامك جميل اوى وحكيم جددا

خساره انه مش موجود فى مدونتك
الحقيقه ان منعرفش ان الشخص عديم الثقه الا عندما نصدم به
وقتها نعلم اننا اخطائنا فى اختيارنا

تقبل او تقبلى تحياتى

momken said...

gogo!sf
ــــــــــــ

اشكرك يا جوجو

وانتى عامله ايه؟

انتى بقى اشترى كتب خارجيه لانى كسول جددا وانتى اكيد عارفه ده

متشكر يا جوجو على كلامك الجميل

تحياتى

momken said...

شخابيط
ـــــــــــ


سعيد ان نالت رضاكم


تحياتى

momken said...

شهد الكلمات
ـــــــــ

برافو عليكى صح انا غيرتها وكنت قاصد الناس تشوفها
لانى كنت بقصد ااكد على ان الصداقه ممكن تتحول لحب وليس العكس

الثقه يا سيدتى ليس عكسها الشك
انا اعتقد ان الاخلاق ليس عكسها خلق اخر
ذلك ان الشك ربما ليس عدم ثقه فى الاخر بل ربما عدم ثفه فى النفس


سيدتى من يخدعوننا بحسن اخلاق مزيق او يبثون لنا اخلاصهم بشكل مزيق يجب انلا نلومهم
ولكن علينا ان نلوم انفسنا لسؤ اختيارنا


شكرا لانضمام ودعم صوتى


تحياتى

momken said...

sony2000
ـــــــــــــ

برغم انك صغنونه بس بيطلع منك كلام مش عارف بتجبيه منين

اصغر مثقفه جدا

وحكيمه فوق العاده

دمتى رائعه


تحياتى

momken said...

المدفعجي
ــــــــــــــ

مرورك الاورع على الاطلاق

بس اسم المدعجى اتغير فى الجيش بقى اسمه الجديد رامى

اه والله رامى

تحياتى

momken said...

خواطري مع الحياة
ـــــــــــــــ

عليكم السلام

وزيارتك لها واقع السحر على الكاتب

دمتى رائعه

تحياتى

momken said...

همسات وبحــ الحياه ــر
ـــــــــــــــــــ

ان كان كلامى مظبوط فزيارتك سكر زياده

منورانى
واسعدنى حديثك

تحياتى

momken said...

سمكه واحده
ــــــــــــــــ


سمكتى الغاليه جدا
ياستى نمشيها فسحه

ومافيش حاجه تغلى عليكى يا سمكه

لقيتى فيلسوفه جامده اوى يا سمكه
وكلامك محتاج تفكير انا عارف انك طول عمرك من ووانتى صغيره غويطه وحويطه وصعبه بس مش للدرجاتى

بقيتى رهيبه رهبنه
اخ منك انتى هاروح منك فين ؟

منورانى يا سمكه

تحياتى

momken said...

BNT ELISLAM
ــــــــــــــــــــ


اتفق جدا فالثقه هى اساس اى ارتباط
واساس استمرار اى علاقه انسانيه

قلتى فاوجزتى ونفعتى كثيرا
ص


دمتى بخير

تحياتى

momken said...

شمس النهار
ــــــــــــــــــ

اتفق معك جدا فى ان الثقه هى عماد وعمود الاساس فى اى علاقه

متشكر جدا يا شمس على كلامك الرائع ولو انى مش مستغربه من حد جميل زيك

فانت شمس تضىء عالم التدوين دائما
ولا تدعى سحاب السطحين يحجب الشمس بغيمه الغباء

تحياتى

s.h said...

اولا تحياتك مقبوله ياممكن ومتشكره علي زوقك الراقي ومجاملتك علي تعليقي المتواضع تجاه مدونتك المعبره والراقيه بكل مافيها
وثانيا انا لسه جديده في المدونات واذا كان تعليقي عند حضرتك فيه ازعاج انا متاسفه طبعا لهذا الازعاج ولكن لم اقصد به اي شيء سوي التعبير عن اعجابي دائما بكلماتك المميزه والتي دائما استشعر فيها بأنك تلمس ما بداخلنا من تجارب الحياه بكلماتك المعبره
ولكن ايضا نحن من نضع أنفسنا في الصدمات كيف ؟ في علاقتنا مع الاخر دائما نضع نصب أعيننا ان حسن النيه هي بدايه العلاقه ولا نفترض ابدا سوء النيه في الطرف الاخر ولكن لو عكسنا نيتنا اكيد لانصدم ثانيه ولكن أسفا هذا لايوجد بطابعنا لذا نصدم سريعا
واولا واخيرا هذا نصيب و هذه هي الحياه وهكذا نتعلم منها ودائما ليست تجارب الحياه بالهينه لذا صدماتها اصعب واصعب

تمنياتي بالتوفيق والله يجنبك صدمات الحياه

momken said...

s.h
ـــــ

اولا سيدتى انت اهل لزوقك والرقى ومثلك لا يعامل الا بمنتهى الزوق والرقى

ثانيا....مرحبا بك زميله وصديقه عزيزة فى عالم التدوين المبهر ولو ان اسلوبك يد على خبره تدوينيه سابقه

سيدتى
يبدو انى جانبنى التوفيق فى التعبير عما يعترينى ربما كنت احاول البحث هل صاحب الحرفين ذكر ام انثى كى استطيع ان ارد عليه بحروف تذكير ام بحروف تانيث

حين حاولت البحث لم اوفق ولا فى مدونتك الجديده
ولا عند احد الاصدقاء

لكن وبغض النظر عن اى شىء
انت دائما موضع تراحب فى مدونتى المواضعه
وزيارتك دائما تكون فى موضع اهتمامنا
وتعليقاتك تثرى مواضعاتنا المتواضعه

اشكرك سيدتى على اطرائك المؤدب جداً
وليس هناك صدمات ان شاء الله

اتشرف دائما بزارتك وانتظرها

تحياتى

Rania Lelah said...

رائعة حروفك و مشاعرك بوركت اناملك

تحياتى

ghada mOhsen said...

هلا ممكن
^^

أنا رديت على هالموضوع من يومين والله
وييييييين ردي
عاااااااااااا

بس مش مشكله راح أرد تاني
^^
عارف بحب أوي الخاطره ذات المحتوى القليل التي تحمل معنى بألف كلمه

طول مااحنا عايشين راح يمر علينا ناس كتير
منهم راح نحبهم ويستمروا للنهايه
ومنهم راح نحبهم برضه وبعد كده صروتهم بتنكسر لسبب او لأخر
ومنهم بتبدأ بعداوه وبعد كده محبه مابعدها محبه

وكل ده يتعلق بجسر الثقه
^^

بجد تسلم كتيييير
تحياتي الملونه لروحك الطيبه
^_^

s.h said...

لك كل الشكر والامتنان لزوقك الرفيع وتواضعك المتناهي واتمني لك مزيد والتقدم والرقي واولا واخيرا التوفيق من عند الله
وسننتظر مدونتك القادمه ان شاء الله كي تثري حواسنا وعقولنا بإحساسك الصادق والمعبر الذي تخرجه في هذه المدونات الرائعه

لك تمنياتي بالتقدم والتوفيق ان شاء الله

ساسو said...

احساسك في منتهي الجمال
بجد كلام مؤثر للغايه
واسلوبك شيق وجميل

Kiara said...

عجبني التشبيه اوي :)

عاشــــــ النقاب ـقــــة"نونو" said...

ربنا يستر
تتوقف تدفق المشاعر الطيبة ويغدو النهر واديا قديما
ياستار يارب
دمت بخير
وكل عام وانتم بخير

momken said...

Rania
ـــــــــــ

رانيا الرائع هو حضورك المدهش جداً

تحياتى

momken said...

ghada mOhsen
ــــــــــــــــ

تاتى دائما تعليقات فى مقدمه اهتماماتى
ولا اعتقد انى ممكن افقدها ابداً

منتهى الكرم منك ان عاودت المحاوله وكم اجل لك هذا الخلق

الله كلامك تخطى بروعته حتى قيمه البوسط

دمتى رائعه ومتالقه

تحياتى

momken said...

s.h
ـــــــــ

متشكر اوى لرئيك الذى اقدره كثيرا
وارجو ان اكون عند حسن ظنك

تحياتى للجميع وخصوصا( رغد )وكل عام وكل الاسره بخير

عيدكم مبارك

تحياتى

momken said...

ساسو
ــــــــــ

متشكر جدا يا ساسو ربنا يكرمك
دى شهاده اعتز بيها من حد مبدع زى حضرتك

تحياتى

momken said...

كيــــــــــــارا
ــــــــــــــــــــ

وانا عجبنى تشريفك لشخصى البسيط بالزياره اوى

تحياتى

momken said...

عاشــــــ النقاب ـقــــة"نونو
ـــــــــــــــــــــــــــــــ

فعلا يا نونو ربنا يستر

ردك بليغ جدا جدا ولمسنى بصدق
يجب ان تستعين بالله لنضمن استمرار تدفق المشاعر الطيبه بيننا

فهو مقلب القلوب ومؤلف الاوراح

عيدكم مبارك

هبة النيـــــل said...

دماغك ماشاء الله

momken said...

هبة النيـــــل
ـــــــــــــــــ

بارك ربى فى عمرك

دمت بخير


تحياتى

......

Juliusgnqt said...

لك كل الشكر والامتنان لزوقك الرفيع وتواضعك المتناهي واتمني لك مزيد والتقدم والرقي واولا واخيرا التوفيق من عند الله وسننتظر مدونتك القادمه ان شاء الله كي تثري حواسنا وعقولنا بإحساسك الصادق والمعبر الذي تخرجه في هذه المدونات الرائعه لك تمنياتي بالتقدم والتوفيق ان شاء الله